শ্রী হযগ্রীব স্তোত্রম্

শ্রী হযগ্রীব স্তোত্রম্

শ্লোক 1

জ্ঞানানন্দমযং দেবং নির্মলস্ফটিকাকৃতিং

আধারং সর্ববিদ্যানাং হযগ্রীবমুপাস্মহে

শ্লোক 2

স্বতস্সিদ্ধং শুদ্ধস্ফটিকমণিভূ ভৃত্প্রতিভটং

সুধাসধ্রীচীভির্দ্যুতিভিরবদাতত্রিভুবনং

অনন্তৈস্ত্রয্যন্তৈরনুবিহিত হেষাহলহলং

হতাশেষাবদ্যং হযবদনমীডেমহিমহঃ

॥1॥

শ্লোক 3

সমাহারস্সাম্নাং প্রতিপদমৃচাং ধাম যজুষাং

লযঃ প্রত্যূহানাং লহরিবিততির্বোধজলধেঃ

কথাদর্পক্ষুভ্যত্কথককুলকোলাহলভবং

হরত্বন্তর্ধ্বান্তং হযবদনহেষাহলহলঃ

॥2॥

শ্লোক 4

প্রাচী সন্ধ্যা কাচিদন্তর্নিশাযাঃ

প্রজ্ঞাদৃষ্টে রঞ্জনশ্রীরপূর্বা

বক্ত্রী বেদান্ ভাতু মে বাজিবক্ত্রা

বাগীশাখ্যা বাসুদেবস্য মূর্তিঃ

॥3॥

শ্লোক 5

বিশুদ্ধবিজ্ঞানঘনস্বরূপং

বিজ্ঞানবিশ্রাণনবদ্ধদীক্ষং

দযানিধিং দেহভৃতাং শরণ্যং

দেবং হযগ্রীবমহং প্রপদ্যে

॥4॥

শ্লোক 6

অপৌরুষেযৈরপি বাক্প্রপঞ্চৈঃ

অদ্যাপি তে ভূতিমদৃষ্টপারাং

স্তুবন্নহং মুগ্ধ ইতি ত্বযৈব

কারুণ্যতো নাথ কটাক্ষণীযঃ

॥5॥

শ্লোক 7

দাক্ষিণ্যরম্যা গিরিশস্য মূর্তিঃ-

দেবী সরোজাসনধর্মপত্নী

ব্যাসাদযোঽপি ব্যপদেশ্যবাচঃ

স্ফুরন্তি সর্বে তব শক্তিলেশৈঃ

॥6॥

শ্লোক 8

মন্দোঽভবিষ্যন্নিযতং বিরিঞ্চঃ

বাচাং নিধের্বাঞ্ছিতভাগধেযঃ

দৈত্যাপনীতান্ দযযৈন ভূযোঽপি

অধ্যাপযিষ্যো নিগমান্নচেত্ত্বম্

॥7॥

শ্লোক 9

বিতর্কডোলাং ব্যবধূয সত্ত্বে

বৃহস্পতিং বর্তযসে যতস্ত্বং

তেনৈব দেব ত্রিদেশেশ্বরাণা

অস্পৃষ্টডোলাযিতমাধিরাজ্যম্

॥8॥

শ্লোক 10

অগ্নৌ সমিদ্ধার্চিষি সপ্ততন্তোঃ

আতস্থিবান্মন্ত্রমযং শরীরং

অখণ্ডসারৈর্হবিষাং প্রদানৈঃ

আপ্যাযনং ব্যোমসদাং বিধত্সে

॥9॥

শ্লোক 11

যন্মূল মীদৃক্প্রতিভাতত্ত্বং

যা মূলমাম্নাযমহাদ্রুমাণাং

তত্ত্বেন জানন্তি বিশুদ্ধসত্ত্বাঃ

ত্বামক্ষরামক্ষরমাতৃকাং ত্বাম্

॥10॥

শ্লোক 12

অব্যাকৃতাদ্ব্যাকৃতবানসি ত্বং

নামানি রূপাণি চ যানি পূর্বং

শংসন্তি তেষাং চরমাং প্রতিষ্ঠাং

বাগীশ্বর ত্বাং ত্বদুপজ্ঞবাচঃ

॥11॥

শ্লোক 13

মুগ্ধেন্দুনিষ্যন্দবিলোভনীযাং

মূর্তিং তবানন্দসুধাপ্রসূতিং

বিপশ্চিতশ্চেতসি ভাবযন্তে

বেলামুদারামিব দুগ্ধ সিন্ধোঃ

॥12॥

শ্লোক 14

মনোগতং পশ্যতি যস্সদা ত্বাং

মনীষিণাং মানসরাজহংসং

স্বযম্পুরোভাববিবাদভাজঃ

কিঙ্কুর্বতে তস্য গিরো যথার্হম্

॥13॥

শ্লোক 15

অপি ক্ষণার্ধং কলযন্তি যে ত্বাং

আপ্লাবযন্তং বিশদৈর্মযূখৈঃ

বাচাং প্রবাহৈরনিবারিতৈস্তে

মন্দাকিনীং মন্দযিতুং ক্ষমন্তে

॥14॥

শ্লোক 16

স্বামিন্ভবদ্দ্যানসুধাভিষেকাত্

বহন্তি ধন্যাঃ পুলকানুবন্দং

অলক্ষিতে ক্বাপি নিরূঢ মূলং

অঙ্গ্বেষ্বি বানন্দথুমঙ্কুরন্তম্

॥15॥

শ্লোক 17

স্বামিন্প্রতীচা হৃদযেন ধন্যাঃ

ত্বদ্ধ্যানচন্দ্রোদযবর্ধমানং

অমান্তমানন্দপযোধিমন্তঃ

পযোভি রক্ষ্ণাং পরিবাহযন্তি

॥16॥

শ্লোক 18

স্বৈরানুভাবাস্ ত্বদধীনভাবাঃ

সমৃদ্ধবীর্যাস্ত্বদনুগ্রহেণ

বিপশ্চিতোনাথ তরন্তি মাযাং

বৈহারিকীং মোহনপিঞ্ছিকাং তে

॥17॥

শ্লোক 19

প্রাঙ্নির্মিতানাং তপসাং বিপাকাঃ

প্রত্যগ্রনিশ্শ্রেযসসম্পদো মে

সমেধিষীরং স্তব পাদপদ্মে

সঙ্কল্পচিন্তামণযঃ প্রণামাঃ

॥18॥

শ্লোক 20

বিলুপ্তমূর্ধন্যলিপিক্রমাণা

সুরেন্দ্রচূডাপদলালিতানাং

ত্বদঙ্ঘ্রি রাজীবরজঃকণানাং

ভূযান্প্রসাদো মযি নাথ ভূযাত্

॥19॥

শ্লোক 21

পরিস্ফুরন্নূপুরচিত্রভানু –

প্রকাশনির্ধূততমোনুষঙ্গা

পদদ্বযীং তে পরিচিন্মহেঽন্তঃ

প্রবোধরাজীববিভাতসন্ধ্যাম্

॥20॥

শ্লোক 22

ত্বত্কিঙ্করালঙ্করণোচিতানাং

ত্বযৈব কল্পান্তরপালিতানাং

মঞ্জুপ্রণাদং মণিনূপুরং তে

মঞ্জূষিকাং বেদগিরাং প্রতীমঃ

॥21॥

শ্লোক 23

সঞ্চিন্তযামি প্রতিভাদশাস্থান্

সন্ধুক্ষযন্তং সমযপ্রদীপান্

বিজ্ঞানকল্পদ্রুমপল্লবাভং

ব্যাখ্যানমুদ্রামধুরং করং তে

॥22॥

শ্লোক 24

চিত্তে করোমি স্ফুরিতাক্ষমালং

সব্যেতরং নাথ করং ত্বদীযং

জ্ঞানামৃতোদঞ্চনলম্পটানাং

লীলাঘটীযন্ত্রমিবাঽঽশ্রিতানাম্

॥23॥

শ্লোক 25

প্রবোধসিন্ধোররুণৈঃ প্রকাশৈঃ

প্রবালসঙ্ঘাতমিবোদ্বহন্তং

বিভাবযে দেব স পুস্তকং তে

বামং করং দক্ষিণমাশ্রিতানাম্

॥24॥

শ্লোক 26

তমাং সিভিত্ত্বাবিশদৈর্মযূখৈঃ

সম্প্রীণযন্তং বিদুষশ্চকোরান্

নিশামযে ত্বাং নবপুণ্ডরীকে

শরদ্ঘনেচন্দ্রমিব স্ফুরন্তম্

॥25॥

শ্লোক 27

দিশন্তু মে দেব সদা ত্বদীযাঃ

দযাতরঙ্গানুচরাঃ কটাক্ষাঃ

শ্রোত্রেষু পুংসামমৃতঙ্ক্ষরন্তীং

সরস্বতীং সংশ্রিতকামধেনুম্

॥26॥

শ্লোক 28

বিশেষবিত্পারিষদেষু নাথ

বিদগ্ধগোষ্ঠী সমরাঙ্গণেষু

জিগীষতো মে কবিতার্কিকেন্দ্রান্

জিহ্বাগ্রসিংহাসনমভ্যুপেযাঃ

॥27॥

শ্লোক 29

ত্বাং চিন্তযন্ ত্বন্মযতাং প্রপন্নঃ

ত্বামুদ্গৃণন্ শব্দমযেন ধাম্না

স্বামিন্সমাজেষু সমেধিষীয

স্বচ্ছন্দবাদাহববদ্ধশূরঃ

॥28॥

শ্লোক 30

নানাবিধানামগতিঃ কলানাং

ন চাপি তীর্থেষু কৃতাবতারঃ

ধ্রুবং তবাঽনাধ পরিগ্রহাযাঃ

নব নবং পাত্রমহং দযাযাঃ

॥29॥

শ্লোক 31

অকম্পনীযান্যপনীতিভেদৈঃ

অলঙ্কৃষীরন্ হৃদযং মদীযম্

শঙ্কা কলঙ্কা পগমোজ্জ্বলানি

তত্ত্বানি সম্যঞ্চি তব প্রসাদাত্

॥30॥

শ্লোক 32

ব্যাখ্যামুদ্রাং করসরসিজৈঃ পুস্তকং শঙ্খচক্রে

ভিভ্রদ্ভিন্ন স্ফটিকরুচিরে পুণ্ডরীকে নিষণ্ণঃ ।

অম্লানশ্রীরমৃতবিশদৈরংশুভিঃ প্লাবযন্মাং

আবির্ভূযাদনঘমহিমামানসে বাগধীশঃ

॥31॥

শ্লোক 33

বাগর্থসিদ্ধিহেতোঃপঠত হযগ্রীবসংস্তুতিং ভক্ত্যা

কবিতার্কিককেসরিণা বেঙ্কটনাথেন বিরচিতামেতাম্

॥32॥

শ্লোক 34