Sri Hari Stotram (Jagajjalapalam)

ශ්රී හරි ස්තෝත්රම් (ජගජ්ජාලපාලම්)

ශ්ලොක 1

ජගජ්ජාලපාලං කනත්කණ්ඨමාලං

ශරච්චන්ද්රඵාලං මහාදෛත්යකාලම් .

නභෝනීලකායං දුරාවාරමායං

සුපද්මාසහායං භජේ(අ)හං භජේ(අ)හම් .. 1 ..

සදාම්භෝධිවාසං ගලත්පුෂ්පහාසං

ජගත්සන්නිවාසං ශතාදිත්යභාසම් .

ගදාචක්රශස්ත්රං ලසත්පීතවස්ත්රං

හසච්චාරුවක්ත්රං භජේ(අ)හං භජේ(අ)හම් .. 2 ..

රමාකණ්ඨහාරං ශ්රුතිව්රාතසාරං

ජලාන්තර්විහාරං ධරාභාරහාරම් .

චිදානන්දරූපං මනෝජ්ඤස්වරූපං

ධෘතානේකරූපං භජේ(අ)හං භජේ(අ)හම් .. 3 ..

ජරාජන්මහීනං පරානන්දපීනං

සමාධානලීනං සදෛවානවීනම් .

ජගජ්ජන්මහේතුං සුරානීකකේතුං

ත්රිලෝකෛකසේතුං භජේ(අ)හං භජේ(අ)හම් .. 4 ..

කෘතාම්නායගානං ඛගාධීශයානං

විමුක්තේර්නිදානං හරාරාතිමානම් .

ස්වභක්තානුකූලං ජගද්වෘක්ෂමූලං

නිරස්තාර්තශූලං භජේ(අ)හං භජේ(අ)හම් .. 5 ..

සමස්තාමරේශං ද්විරේඵාභකේශං

ජගද්බිම්බලේශං හෘදාකාශවේශම් .

සදා දිව්යදේහං විමුක්තාඛිලේහං

සුවෛකුණ්ඨගේහං භජේ(අ)හං භජේ(අ)හම් .. 6 ..

සුරාලීබලිෂ්ඨං ත්රිලෝකීවරිෂ්ඨං

ගුරූණාං ගරිෂ්ඨං ස්වරූපෛකනිෂ්ඨම් .

සදා යුද්ධධීරං මහාවීරවීරං

භවාම්භෝධිතීරං භජේ(අ)හං භජේ(අ)හම් .. 7 ..

රමාවාමභාගං තලාලග්නනාගං

කෘතාධීනයාගං ගතාරාගරාගම් .

මුනීන්ද්රෛස්සුගීතං සුරෛස්සම්පරීතං

ගුණෞඝෛරතීතං භජේ(අ)හං භජේ(අ)හම් .. 8 ..

ඵලශ්රුති .

ඉදං යස්තු නිත්යං සමාධාය චිත්තං

පඨේදෂ්ටකං කණ්ඨහාරං මුරාරේඃ .

ස විෂ්ණෝර්විශෝකං ධ්රුවං යාති ලෝකං

ජරාජන්මශෝකං පුනර්වින්දතේ නෝ .. 9 ..

ඉති ශ්රී පරමහංසස්වාමි බ්රහ්මානන්දවිරචිතං ශ්රීහරිස්තෝත්රම් ..