Sri Hari Stotram (Jagajjalapalam)

shrI hari stotram (jagajjAlapAlam)

shloka 1

jagajjAlapAlaM kanatkaNThamAlaM

sharachchandraphAlaM mahAdaityakAlam |

nabhonIlakAyaM durAvAramAyaM

supadmAsahAyaM bhaje.ahaM bhaje.aham || 1 ||

sadAmbhodhivAsaM galatpuShpahAsaM

jagatsannivAsaM shatAdityabhAsam |

gadAchakrashastraM lasatpItavastraM

hasachchAruvaktraM bhaje.ahaM bhaje.aham || 2 ||

ramAkaNThahAraM shrutivrAtasAraM

jalAntarvihAraM dharAbhArahAram |

chidAnandarUpaM manoj~nasvarUpaM

dhRRitAnekarUpaM bhaje.ahaM bhaje.aham || 3 ||

jarAjanmahInaM parAnandapInaM

samAdhAnalInaM sadaivAnavInam |

jagajjanmahetuM surAnIkaketuM

trilokaikasetuM bhaje.ahaM bhaje.aham || 4 ||

kRRitAmnAyagAnaM khagAdhIshayAnaM

vimukternidAnaM harArAtimAnam |

svabhaktAnukUlaM jagadvRRikShamUlaM

nirastArtashUlaM bhaje.ahaM bhaje.aham || 5 ||

samastAmareshaM dvirephAbhakeshaM

jagadbimbaleshaM hRRidAkAshavesham |

sadA divyadehaM vimuktAkhilehaM

suvaikuNThagehaM bhaje.ahaM bhaje.aham || 6 ||

surAlIbaliShThaM trilokIvariShThaM

gurUNAM gariShThaM svarUpaikaniShTham |

sadA yuddhadhIraM mahAvIravIraM

bhavAmbhodhitIraM bhaje.ahaM bhaje.aham || 7 ||

ramAvAmabhAgaM talAlagnanAgaM

kRRitAdhInayAgaM gatArAgarAgam |

munIndraissugItaM suraissamparItaM

guNaughairatItaM bhaje.ahaM bhaje.aham || 8 ||

phalashruti |

idaM yastu nityaM samAdhAya chittaM

paThedaShTakaM kaNThahAraM murAreH |

sa viShNorvishokaM dhruvaM yAti lokaM

jarAjanmashokaM punarvindate no || 9 ||

iti shrI paramahaMsasvAmi brahmAnandavirachitaM shrIharistotram ||