Sri Hari Stotram (Jagajjalapalam)

শ্রী হরি স্তোত্রম্ (জগজ্জালপালম্)

শ্লোক 1

জগজ্জালপালং কনত্কণ্ঠমালং

শরচ্চন্দ্রফালং মহাদৈত্যকালম্ ।

নভোনীলকাযং দুরাবারমাযং

সুপদ্মাসহাযং ভজেঽহং ভজেঽহম্

শ্লোক 2

সদাম্ভোধিবাসং গলত্পুষ্পহাসং

জগত্সন্নিবাসং শতাদিত্যভাসম্ ।

গদাচক্রশস্ত্রং লসত্পীতবস্ত্রং

হসচ্চারুবক্ত্রং ভজেঽহং ভজেঽহম্

॥ 1 ॥

শ্লোক 3

রমাকণ্ঠহারং শ্রুতিব্রাতসারং

জলান্তর্বিহারং ধরাভারহারম্ ।

চিদানন্দরূপং মনোজ্ঞস্বরূপং

ধৃতানেকরূপং ভজেঽহং ভজেঽহম্

॥ 2 ॥

শ্লোক 4

জরাজন্মহীনং পরানন্দপীনং

সমাধানলীনং সদৈবানবীনম্ ।

জগজ্জন্মহেতুং সুরানীককেতুং

ত্রিলোকৈকসেতুং ভজেঽহং ভজেঽহম্

॥ 3 ॥

শ্লোক 5

কৃতাম্নাযগানং খগাধীশযানং

বিমুক্তের্নিদানং হরারাতিমানম্ ।

স্বভক্তানুকূলং জগদ্বৃক্ষমূলং

নিরস্তার্তশূলং ভজেঽহং ভজেঽহম্

॥ 4 ॥

শ্লোক 6

সমস্তামরেশং দ্বিরেফাভকেশং

জগদ্বিম্বলেশং হৃদাকাশবেশম্ ।

সদা দিব্যদেহং বিমুক্তাখিলেহং

সুবৈকুণ্ঠগেহং ভজেঽহং ভজেঽহম্

॥ 5 ॥

শ্লোক 7

সুরালীবলিষ্ঠং ত্রিলোকীবরিষ্ঠং

গুরূণাং গরিষ্ঠং স্বরূপৈকনিষ্ঠম্ ।

সদা যুদ্ধধীরং মহাবীরবীরং

ভবাম্ভোধিতীরং ভজেঽহং ভজেঽহম্

॥ 6 ॥

শ্লোক 8

রমাবামভাগং তলালগ্ননাগং

কৃতাধীনযাগং গতারাগরাগম্ ।

মুনীন্দ্রৈস্সুগীতং সুরৈস্সম্পরীতং

গুণৌঘৈরতীতং ভজেঽহং ভজেঽহম্

॥ 7 ॥

শ্লোক 9

ফলশ্রুতি ।

ইদং যস্তু নিত্যং সমাধায চিত্তং

পঠেদষ্টকং কণ্ঠহারং মুরারেঃ ।

স বিষ্ণোর্বিশোকং ধ্রুবং যাতি লোকং

জরাজন্মশোকং পুনর্বিন্দতে নো

॥ 8 ॥

শ্লোক 10

ইতি শ্রী পরমহংসস্বামি ব্রহ্মানন্দবিরচিতং শ্রীহরিস্তোত্রম্ ॥