ശ്രീ ഹരി സ്തോത്രമ് (ജഗജ്ജാലപാലമ്)

ശ്രീ ഹരി സ്തോത്രമ് (ജഗജ്ജാലപാലമ്)

ശ്ലോക 1

ജഗജ്ജാലപാലം കനത്കണ്ഠമാലം

ശരച്ചന്ദ്രഫാലം മഹാദൈത്യകാലമ് ।

നഭോനീലകായം ദുരാവാരമായം

സുപദ്മാസഹായം ഭജേഽഹം ഭജേഽഹമ്

ശ്ലോക 2

സദാമ്ഭോധിവാസം ഗലത്പുഷ്പഹാസം

ജഗത്സന്നിവാസം ശതാദിത്യഭാസമ് ।

ഗദാചക്രശസ്ത്രം ലസത്പീതവസ്ത്രം

ഹസച്ചാരുവക്ത്രം ഭജേഽഹം ഭജേഽഹമ്

॥ 1 ॥

ശ്ലോക 3

രമാകണ്ഠഹാരം ശ്രുതിവ്രാതസാരം

ജലാന്തര്വിഹാരം ധരാഭാരഹാരമ് ।

ചിദാനന്ദരൂപം മനോജ്ഞസ്വരൂപം

ധൃതാനേകരൂപം ഭജേഽഹം ഭജേഽഹമ്

॥ 2 ॥

ശ്ലോക 4

ജരാജന്മഹീനം പരാനന്ദപീനം

സമാധാനലീനം സദൈവാനവീനമ് ।

ജഗജ്ജന്മഹേതും സുരാനീകകേതും

ത്രിലോകൈകസേതും ഭജേഽഹം ഭജേഽഹമ്

॥ 3 ॥

ശ്ലോക 5

കൃതാമ്നായഗാനം ഖഗാധീശയാനം

വിമുക്തേര്നിദാനം ഹരാരാതിമാനമ് ।

സ്വഭക്താനുകൂലം ജഗദ്വൃക്ഷമൂലം

നിരസ്താര്തശൂലം ഭജേഽഹം ഭജേഽഹമ്

॥ 4 ॥

ശ്ലോക 6

സമസ്താമരേശം ദ്വിരേഫാഭകേശം

ജഗദ്ബിമ്ബലേശം ഹൃദാകാശവേശമ് ।

സദാ ദിവ്യദേഹം വിമുക്താഖിലേഹം

സുവൈകുണ്ഠഗേഹം ഭജേഽഹം ഭജേഽഹമ്

॥ 5 ॥

ശ്ലോക 7

സുരാലീബലിഷ്ഠം ത്രിലോകീവരിഷ്ഠം

ഗുരൂണാം ഗരിഷ്ഠം സ്വരൂപൈകനിഷ്ഠമ് ।

സദാ യുദ്ധധീരം മഹാവീരവീരം

ഭവാമ്ഭോധിതീരം ഭജേഽഹം ഭജേഽഹമ്

॥ 6 ॥

ശ്ലോക 8

രമാവാമഭാഗം തലാലഗ്നനാഗം

കൃതാധീനയാഗം ഗതാരാഗരാഗമ് ।

മുനീന്ദ്രൈസ്സുഗീതം സുരൈസ്സമ്പരീതം

ഗുണൌഘൈരതീതം ഭജേഽഹം ഭജേഽഹമ്

॥ 7 ॥

ശ്ലോക 9

ഫലശ്രുതി ।

ഇദം യസ്തു നിത്യം സമാധായ ചിത്തം

പഠേദഷ്ടകം കണ്ഠഹാരം മുരാരേഃ ।

സ വിഷ്ണോര്വിശോകം ധ്രുവം യാതി ലോകം

ജരാജന്മശോകം പുനര്വിന്ദതേ നോ

॥ 8 ॥

ശ്ലോക 10

ഇതി ശ്രീ പരമഹംസസ്വാമി ബ്രഹ്മാനന്ദവിരചിതം ശ്രീഹരിസ്തോത്രമ് ॥