Sri Hari Ashtakam (Prahlada Krutam)

shrI haryaShTakam (prahlAda kRRitam)

shloka 1

harirharati pApAni duShTachittairapi smRRitaH |

anichChayA.api saMspRRiShTo dahatyeva hi pAvakaH || 1 ||

sa ga~NgA sa gayA setuH sa kAshI sa cha puShkaram |

jihvAgre vartate yasya harirityakSharadvayam || 2 ||

vArANasyAM kurukShetre naimishAraNya eva cha |

yatkRRitaM tena yenoktaM harirityakSharadvayam || 3 ||

pRRithivyAM yAni tIrthAni puNyAnyAyatanAni cha |

tAni sarvANyasheShANi harirityakSharadvayam || 4 ||

gavAM koTisahasrANi hemakanyAsahasrakam |

dattaM syAttena yenoktaM harirityakSharadvayam || 5 ||

RRigvedo.atha yajurvedaH sAmavedo.apyatharvaNaH |

adhItastena yenoktaM harirityakSharadvayam || 6 ||

ashvamedhairmahAyaj~nairnaramedhaistathaiva cha |

iShTaM syAttena yenoktaM harirityakSharadvayam || 7 ||

prANaH prayANa pAtheyaM saMsAravyAdhinAshanam |

duHkhAtyanta paritrANaM harirityakSharadvayam || 8 ||

baddhaH parikarastena mokShAya gamanaM prati |

sakRRiduchchAritaM yena harirityakSharadvayam || 9 ||

haryaShTakamidaM puNyaM prAtarutthAya yaH paThet |

AyuShyaM balamArogyaM yasho vRRiddhiH shriyAvaham || 10 ||

prahlAdena kRRitaM stotraM duHkhasAgarashoShaNam |

yaH paThetsa naro yAti tadviShNoH paramaM padam || 11 ||

iti prahlAdakRRita shrI haryaShTakam |