Sri Hari Ashtakam (Prahlada Krutam)

zrI haryaSTakam (prahlAda kRtam)

zloka 1

harirharati pApAni duSTacittairapi smRtaH |

anicchayA'pi saMspRSTo dahatyeva hi pAvakaH || 1 ||

sa gaGgA sa gayA setuH sa kAzI sa ca puSkaram |

jihvAgre vartate yasya harirityakSaradvayam || 2 ||

vArANasyAM kurukSetre naimizAraNya eva ca |

yatkRtaM tena yenoktaM harirityakSaradvayam || 3 ||

pRthivyAM yAni tIrthAni puNyAnyAyatanAni ca |

tAni sarvANyazeSANi harirityakSaradvayam || 4 ||

gavAM koTisahasrANi hemakanyAsahasrakam |

dattaM syAttena yenoktaM harirityakSaradvayam || 5 ||

Rgvedo'tha yajurvedaH sAmavedo'pyatharvaNaH |

adhItastena yenoktaM harirityakSaradvayam || 6 ||

azvamedhairmahAyajJairnaramedhaistathaiva ca |

iSTaM syAttena yenoktaM harirityakSaradvayam || 7 ||

prANaH prayANa pAtheyaM saMsAravyAdhinAzanam |

duHkhAtyanta paritrANaM harirityakSaradvayam || 8 ||

baddhaH parikarastena mokSAya gamanaM prati |

sakRduccAritaM yena harirityakSaradvayam || 9 ||

haryaSTakamidaM puNyaM prAtarutthAya yaH paThet |

AyuSyaM balamArogyaM yazo vRddhiH zriyAvaham || 10 ||

prahlAdena kRtaM stotraM duHkhasAgarazoSaNam |

yaH paThetsa naro yAti tadviSNoH paramaM padam || 11 ||

iti prahlAdakRta zrI haryaSTakam |