Sri Gayatri Sahasra Nama Stotram

ଶ୍ରୀ ଗାଯତ୍ରି ସହସ୍ର ନାମ ସ୍ତୋତ୍ରମ୍

ଶ୍ଲୋକ 1

ନାରଦ ଉଵାଚ –

ଭଗଵନ୍ସର୍ଵଧର୍ମଜ୍ଞ ସର୍ଵଶାସ୍ତ୍ରଵିଶାରଦ ।

ଶ୍ରୁତିସ୍ମୃତିପୁରାଣାନାଂ ରହସ୍ଯଂ ତ୍ଵନ୍ମୁଖାଚ୍ଛ୍ରୁତମ୍

ଶ୍ଲୋକ 2

ସର୍ଵପାପହରଂ ଦେଵ ଯେନ ଵିଦ୍ଯା ପ୍ରଵର୍ତତେ ।

କେନ ଵା ବ୍ରହ୍ମଵିଜ୍ଞାନଂ କିଂ ନୁ ଵା ମୋକ୍ଷସାଧନମ୍

॥ 1 ॥

ଶ୍ଲୋକ 3

ବ୍ରାହ୍ମଣାନାଂ ଗତିଃ କେନ କେନ ଵା ମୃତ୍ଯୁ ନାଶନମ୍ ।

ଐହିକାମୁଷ୍ମିକଫଲଂ କେନ ଵା ପଦ୍ମଲୋଚନ

॥ 2 ॥

ଶ୍ଲୋକ 4

ଵକ୍ତୁମର୍ହସ୍ଯଶେଷେଣ ସର୍ଵେ ନିଖିଲମାଦିତଃ ।

ଶ୍ରୀନାରାଯଣ ଉଵାଚ –

ସାଧୁ ସାଧୁ ମହାପ୍ରାଜ୍ଞ ସମ୍ଯକ୍ ପୃଷ୍ଟଂ ତ୍ଵଯାଽନଘ

॥ 3 ॥

ଶ୍ଲୋକ 5

ଶୃଣୁ ଵକ୍ଷ୍ଯାମି ଯତ୍ନେନ ଗାଯତ୍ର୍ଯଷ୍ଟସହସ୍ରକମ୍ ।

ନାମ୍ନାଂ ଶୁଭାନାଂ ଦିଵ୍ଯାନାଂ ସର୍ଵପାପଵିନାଶନମ୍

॥ 4 ॥

ଶ୍ଲୋକ 6

ସୃଷ୍ଟ୍ଯାଦୌ ଯଦ୍ଭଗଵତା ପୂର୍ଵେ ପ୍ରୋକ୍ତଂ ବ୍ରଵୀମି ତେ ।

ଅଷ୍ଟୋତ୍ତରସହସ୍ରସ୍ଯ ଋଷିର୍ବ୍ରହ୍ମା ପ୍ରକୀର୍ତିତଃ

॥ 5 ॥

ଶ୍ଲୋକ 7

ଛନ୍ଦୋଽନୁଷ୍ଟୁପ୍ତଥା ଦେଵୀ ଗାଯତ୍ରୀଂ ଦେଵତା ସ୍ମୃତା ।

ହଲୋବୀଜାନି ତସ୍ଯୈଵ ସ୍ଵରାଃ ଶକ୍ତଯ ଈରିତାଃ

॥ 6 ॥

ଶ୍ଲୋକ 8

ଅଙ୍ଗନ୍ଯାସକରନ୍ଯାସାଵୁଚ୍ଯେତେ ମାତୃକାକ୍ଷରୈଃ ।

ଅଥ ଧ୍ଯାନଂ ପ୍ରଵକ୍ଷ୍ଯାମି ସାଧକାନାଂ ହିତାଯ ଵୈ

॥ 7 ॥

ଶ୍ଲୋକ 9

ଧ୍ଯାନମ୍

ରକ୍ତଶ୍ଵେତହିରଣ୍ଯନୀଲଧଵଲୈର୍ଯୁକ୍ତାଂ ତ୍ରିନୀତ୍ରୋଜ୍ଜ୍ଵଲାଂ

ରକ୍ତାଂ ରକ୍ତନଵସ୍ରଜଂ ମଣିଗଣୈର୍ଯୁକ୍ତାଂ କୁମାରୀମିମାମ୍ ।

ଗାଯତ୍ରୀଂ କମଲାସନାଂ କରତଲଵ୍ଯାନଦ୍ଧକୁଣ୍ଡାମ୍ବୁଜାଂ

ପଦ୍ମାକ୍ଷୀଂ ଚ ଵରସ୍ରଜଂ ଚ ଦଧତୀଂ ହଂସାଧିରୂଢାଂ ଭଜେ

॥ 8 ॥

ଶ୍ଲୋକ 10

ଅଚିନ୍ତ୍ଯଲକ୍ଷଣାଵ୍ଯକ୍ତାପ୍ଯର୍ଥମାତୃମହେଶ୍ଵରୀ ।

ଅମୃତାର୍ଣଵମଧ୍ଯସ୍ଥାପ୍ଯଜିତା ଚାପରାଜିତା

॥ 9 ॥

ଶ୍ଲୋକ 11

ଅଣିମାଦିଗୁଣାଧାରାପ୍ଯର୍କମଣ୍ଡଲସଂସ୍ଥିତା ।

ଅଜରାଜାପରାଧର୍ମା ଅକ୍ଷସୂତ୍ରଧରାଧରା

॥ 10 ॥

ଶ୍ଲୋକ 12

ଅକାରାଦିକ୍ଷକାରାନ୍ତାପ୍ଯରିଷଡ୍ଵର୍ଗଭେଦିନୀ ।

ଅଞ୍ଜନାଦ୍ରିପ୍ରତୀକାଶାପ୍ଯଞ୍ଜନାଦ୍ରିନିଵାସିନୀ

॥ 11 ॥

ଶ୍ଲୋକ 13

ଅଦିତିଶ୍ଚାଜପାଵିଦ୍ଯାପ୍ଯରଵିନ୍ଦନିଭେକ୍ଷଣା ।

ଅନ୍ତର୍ବହିଃସ୍ଥିତାଵିଦ୍ଯାଧ୍ଵଂସିନୀ ଚାନ୍ତରାତ୍ମିକା

॥ 12 ॥

ଶ୍ଲୋକ 14

ଅଜା ଚାଜମୁଖାଵାସାପ୍ଯରଵିନ୍ଦନିଭାନନା ।

ଅର୍ଧମାତ୍ରାର୍ଥଦାନଜ୍ଞାପ୍ଯରିମଣ୍ଡଲମର୍ଦିନୀ

॥ 13 ॥

ଶ୍ଲୋକ 15

ଅସୁରଘ୍ନୀ ହ୍ଯମାଵାସ୍ଯାପ୍ଯଲକ୍ଷ୍ମୀଘ୍ନ୍ଯନ୍ତ୍ଯଜାର୍ଚିତା ।

ଆଦିଲକ୍ଷ୍ମୀଶ୍ଚାଦିଶକ୍ତିରାକୃତିଶ୍ଚାଯତାନନା

॥ 14 ॥

ଶ୍ଲୋକ 16

ଆଦିତ୍ଯପଦଵୀଚାରାପ୍ଯାଦିତ୍ଯପରିସେଵିତା ।

ଆଚାର୍ଯାଵର୍ତନାଚାରାପ୍ଯାଦିମୂର୍ତିନିଵାସିନୀ

॥ 15 ॥

ଶ୍ଲୋକ 17

ଆଗ୍ନେଯୀ ଚାମରୀ ଚାଦ୍ଯା ଚାରାଧ୍ଯା ଚାସନସ୍ଥିତା ।

ଆଧାରନିଲଯାଧାରା ଚାକାଶାନ୍ତନିଵାସିନୀ

॥ 16 ॥

ଶ୍ଲୋକ 18

ଆଦ୍ଯାକ୍ଷରସମାଯୁକ୍ତା ଚାନ୍ତରାକାଶରୂପିଣୀ ।

ଆଦିତ୍ଯମଣ୍ଡଲଗତା ଚାନ୍ତରଧ୍ଵାନ୍ତନାଶିନୀ

॥ 17 ॥

ଶ୍ଲୋକ 19

ଇନ୍ଦିରା ଚେଷ୍ଟଦା ଚେଷ୍ଟା ଚେନ୍ଦୀଵରନିଭେକ୍ଷଣା ।

ଇରାଵତୀ ଚେନ୍ଦ୍ରପଦା ଚେନ୍ଦ୍ରାଣୀ ଚେନ୍ଦୁରୂପିଣୀ

॥ 18 ॥

ଶ୍ଲୋକ 20

ଇକ୍ଷୁକୋଦଣ୍ଡସଂଯୁକ୍ତା ଚେଷୁସନ୍ଧାନକାରିଣୀ ।

ଇନ୍ଦ୍ରନୀଲସମାକାରା ଚେଡାପିଙ୍ଗଲରୂପିଣୀ

॥ 19 ॥

ଶ୍ଲୋକ 21

ଇନ୍ଦ୍ରାକ୍ଷୀଚେଶ୍ଵରୀ ଦେଵୀ ଚେହାତ୍ରଯଵିଵର୍ଜିତା ।

ଉମା ଚୋଷା ହ୍ଯୁଡୁନିଭା ଉର୍ଵାରୁକଫଲାନନା

॥ 20 ॥

ଶ୍ଲୋକ 22

ଉଡୁପ୍ରଭା ଚୋଡୁମତୀ ହ୍ଯୁଡୁପା ହ୍ଯୁଡୁମଧ୍ଯଗା ।

ଊର୍ଧ୍ଵା ଚାପ୍ଯୂର୍ଧ୍ଵକେଶୀ ଚାପ୍ଯୂର୍ଧ୍ଵାଧୋଗତିଭେଦିନୀ

॥ 21 ॥

ଶ୍ଲୋକ 23

ଊର୍ଧ୍ଵବାହୁପ୍ରିଯା ଚୋର୍ମିମାଲାଵାଗ୍ଗ୍ରନ୍ଥଦାଯିନୀ ।

ଋତଂ ଚର୍ଷିରୃତୁମତୀ ଋଷିଦେଵନମସ୍କୃତା

॥ 22 ॥

ଶ୍ଲୋକ 24

ଋଗ୍ଵେଦା ଋଣହର୍ତ୍ରୀ ଚ ଋଷିମଣ୍ଡଲଚାରିଣୀ ।

ଋଦ୍ଧିଦା ଋଜୁମାର୍ଗସ୍ଥା ଋଜୁଧର୍ମା ଋଜୁପ୍ରଦା

॥ 23 ॥

ଶ୍ଲୋକ 25

ଋଗ୍ଵେଦନିଲଯା ଋଜ୍ଵୀ ଲୁପ୍ତଧର୍ମପ୍ରଵର୍ତିନୀ ।

ଲୂତାରିଵରସମ୍ଭୂତା ଲୂତାଦିଵିଷହାରିଣୀ

॥ 24 ॥

ଶ୍ଲୋକ 26

ଏକାକ୍ଷରା ଚୈକମାତ୍ରା ଚୈକା ଚୈକୈକନିଷ୍ଠିତା ।

ଐନ୍ଦ୍ରୀ ହ୍ଯୈରାଵତାରୂଢା ଚୈହିକାମୁଷ୍ମିକପ୍ରଦା

॥ 25 ॥

ଶ୍ଲୋକ 27

ଓଙ୍କାରା ହ୍ଯୋଷଧୀ ଚୋତା ଚୋତପ୍ରୋତନିଵାସିନୀ ।

ଔର୍ଵା ହ୍ଯୌଷଧସମ୍ପନ୍ନା ଔପାସନଫଲପ୍ରଦା

॥ 26 ॥

ଶ୍ଲୋକ 28

ଅଣ୍ଡମଧ୍ଯସ୍ଥିତା ଦେଵୀ ଚାଃକାରମନୁରୂପିଣୀ ।

କାତ୍ଯାଯନୀ କାଲରାତ୍ରିଃ କାମାକ୍ଷୀ କାମସୁନ୍ଦରୀ

॥ 27 ॥

ଶ୍ଲୋକ 29

କମଲା କାମିନୀ କାନ୍ତା କାମଦା କାଲକଣ୍ଠିନୀ ।

କରିକୁମ୍ଭସ୍ତନଭରା କରଵୀରସୁଵାସିନୀ

॥ 28 ॥

ଶ୍ଲୋକ 30

କଲ୍ଯାଣୀ କୁଣ୍ଡଲଵତୀ କୁରୁକ୍ଷେତ୍ରନିଵାସିନୀ ।

କୁରୁଵିନ୍ଦଦଲାକାରା କୁଣ୍ଡଲୀ କୁମୁଦାଲଯା

॥ 29 ॥

ଶ୍ଲୋକ 31

କାଲଜିହ୍ଵା କରାଲାସ୍ଯା କାଲିକା କାଲରୂପିଣୀ ।

କମନୀଯଗୁଣା କାନ୍ତିଃ କଲାଧାରା କୁମୁଦ୍ଵତୀ

॥ 30 ॥

ଶ୍ଲୋକ 32

କୌଶିକୀ କମଲାକାରା କାମଚାରପ୍ରଭଞ୍ଜିନୀ ।

କୌମାରୀ କରୁଣାପାଙ୍ଗୀ କକୁଵନ୍ତା କରିପ୍ରିଯା

॥ 31 ॥

ଶ୍ଲୋକ 33

କେସରୀ କେଶଵନୁତା କଦମ୍ବକୁସୁମପ୍ରିଯା ।

କାଲିନ୍ଦୀ କାଲିକା କାଞ୍ଚୀ କଲଶୋଦ୍ଭଵସଂସ୍ତୁତା

॥ 32 ॥

ଶ୍ଲୋକ 34

କାମମାତା କ୍ରତୁମତୀ କାମରୂପା କୃପାଵତୀ ।

କୁମାରୀ କୁଣ୍ଡନିଲଯା କିରାତୀ କୀରଵାହନା

॥ 33 ॥

ଶ୍ଲୋକ 35

କୈକେଯୀ କୋକିଲାଲାପା କେତକୀ କୁସୁମପ୍ରିଯା ।

କମଣ୍ଡଲୁଧରା କାଲୀ କର୍ମନିର୍ମୂଲକାରିଣୀ

॥ 34 ॥

ଶ୍ଲୋକ 36

କଲହଂସଗତିଃ କକ୍ଷା କୃତକୌତୁକମଙ୍ଗଲା ।

କସ୍ତୂରୀତିଲକା କମ୍ପ୍ରା କରୀନ୍ଦ୍ରଗମନା କୁହୂଃ

॥ 35 ॥

ଶ୍ଲୋକ 37

କର୍ପୂରଲେପନା କୃଷ୍ଣା କପିଲା କୁହରାଶ୍ରଯା ।

କୂଟସ୍ଥା କୁଧରା କମ୍ରା କୁକ୍ଷିସ୍ଥାଖିଲଵିଷ୍ଟପା

॥ 36 ॥

ଶ୍ଲୋକ 38

ଖଡ୍ଗଖେଟଧରା ଖର୍ଵା ଖେଚରୀ ଖଗଵାହନା ।

ଖଟ୍ଵାଙ୍ଗଧାରିଣୀ ଖ୍ଯାତା ଖଗରାଜୋପରିସ୍ଥିତା

॥ 37 ॥

ଶ୍ଲୋକ 39

ଖଲଘ୍ନୀ ଖଣ୍ଡିତଜରା ଖଣ୍ଡାଖ୍ଯାନପ୍ରଦାଯିନୀ ।

ଖଣ୍ଡେନ୍ଦୁତିଲକା ଗଙ୍ଗା ଗଣେଶଗୁହପୂଜିତା

॥ 38 ॥

ଶ୍ଲୋକ 40

ଗାଯତ୍ରୀ ଗୋମତୀ ଗୀତା ଗାନ୍ଧାରୀ ଗାନଲୋଲୁପା ।

ଗୌତମୀ ଗାମିନୀ ଗାଧା ଗନ୍ଧର୍ଵାପ୍ସରସେଵିତା

॥ 39 ॥

ଶ୍ଲୋକ 41

ଗୋଵିନ୍ଦଚରଣାକ୍ରାନ୍ତା ଗୁଣତ୍ରଯଵିଭାଵିତା ।

ଗନ୍ଧର୍ଵୀ ଗହ୍ଵରୀ ଗୋତ୍ରା ଗିରୀଶା ଗହନା ଗମୀ

॥ 40 ॥

ଶ୍ଲୋକ 42

ଗୁହାଵାସା ଗୁଣଵତୀ ଗୁରୁପାପପ୍ରଣାଶିନୀ ।

ଗୁର୍ଵୀ ଗୁଣଵତୀ ଗୁହ୍ଯା ଗୋପ୍ତଵ୍ଯା ଗୁଣଦାଯିନୀ

॥ 41 ॥

ଶ୍ଲୋକ 43

ଗିରିଜା ଗୁହ୍ଯମାତଙ୍ଗୀ ଗରୁଡଧ୍ଵଜଵଲ୍ଲଭା ।

ଗର୍ଵାପହାରିଣୀ ଗୋଦା ଗୋକୁଲସ୍ଥା ଗଦାଧରା

॥ 42 ॥

ଶ୍ଲୋକ 44

ଗୋକର୍ଣନିଲଯାସକ୍ତା ଗୁହ୍ଯମଣ୍ଡଲଵର୍ତିନୀ ।

ଘର୍ମଦା ଘନଦା ଘଣ୍ଟା ଘୋରଦାନଵମର୍ଦିନୀ

॥ 43 ॥

ଶ୍ଲୋକ 45

ଘୃଣିମନ୍ତ୍ରମଯୀ ଘୋଷା ଘନସମ୍ପାତଦାଯିନୀ ।

ଘଣ୍ଟାରଵପ୍ରିଯା ଘ୍ରାଣା ଘୃଣିସନ୍ତୁଷ୍ଟକାରିଣୀ

॥ 44 ॥

ଶ୍ଲୋକ 46

ଘନାରିମଣ୍ଡଲା ଘୂର୍ଣା ଘୃତାଚୀ ଘନଵେଗିନୀ ।

ଜ୍ଞାନଧାତୁମଯୀ ଚର୍ଚା ଚର୍ଚିତା ଚାରୁହାସିନୀ

॥ 45 ॥

ଶ୍ଲୋକ 47

ଚଟୁଲା ଚଣ୍ଡିକା ଚିତ୍ରା ଚିତ୍ରମାଲ୍ଯଵିଭୂଷିତା ।

ଚତୁର୍ଭୁଜା ଚାରୁଦନ୍ତା ଚାତୁରୀ ଚରିତପ୍ରଦା

॥ 46 ॥

ଶ୍ଲୋକ 48

ଚୂଲିକା ଚିତ୍ରଵସ୍ତ୍ରାନ୍ତା ଚନ୍ଦ୍ରମଃକର୍ଣକୁଣ୍ଡଲା ।

ଚନ୍ଦ୍ରହାସା ଚାରୁଦାତ୍ରୀ ଚକୋରୀ ଚନ୍ଦ୍ରହାସିନୀ

॥ 47 ॥

ଶ୍ଲୋକ 49

ଚନ୍ଦ୍ରିକା ଚନ୍ଦ୍ରଧାତ୍ରୀ ଚ ଚୌରୀ ଚୌରା ଚ ଚଣ୍ଡିକା ।

ଚଞ୍ଚଦ୍ଵାଗ୍ଵାଦିନୀ ଚନ୍ଦ୍ରଚୂଡା ଚୋରଵିନାଶିନୀ

॥ 48 ॥

ଶ୍ଲୋକ 50

ଚାରୁଚନ୍ଦନଲିପ୍ତାଙ୍ଗୀ ଚଞ୍ଚଚ୍ଚାମରଵୀଜିତା ।

ଚାରୁମଧ୍ଯା ଚାରୁଗତିଶ୍ଚନ୍ଦିଲା ଚନ୍ଦ୍ରରୂପିଣୀ

॥ 49 ॥

ଶ୍ଲୋକ 51

ଚାରୁହୋମପ୍ରିଯା ଚାର୍ଵାଚରିତା ଚକ୍ରବାହୁକା ।

ଚନ୍ଦ୍ରମଣ୍ଡଲମଧ୍ଯସ୍ଥା ଚନ୍ଦ୍ରମଣ୍ଡଲଦର୍ପଣା

॥ 50 ॥

ଶ୍ଲୋକ 52

ଚକ୍ରଵାକସ୍ତନୀ ଚେଷ୍ଟା ଚିତ୍ରା ଚାରୁଵିଲାସିନୀ ।

ଚିତ୍ସ୍ଵରୂପା ଚନ୍ଦ୍ରଵତୀ ଚନ୍ଦ୍ରମାଶ୍ଚନ୍ଦନପ୍ରିଯା

॥ 51 ॥

ଶ୍ଲୋକ 53

ଚୋଦଯିତ୍ରୀ ଚିରପ୍ରଜ୍ଞା ଚାତକା ଚାରୁହେତୁକୀ ।

ଛତ୍ରଯାତା ଛତ୍ରଧରା ଛାଯା ଛନ୍ଦଃପରିଚ୍ଛଦା

॥ 52 ॥

ଶ୍ଲୋକ 54

ଛାଯାଦେଵୀ ଛିଦ୍ରନଖା ଛନ୍ନେନ୍ଦ୍ରିଯଵିସର୍ପିଣୀ ।

ଛନ୍ଦୋଽନୁଷ୍ଟୁପ୍ପ୍ରତିଷ୍ଠାନ୍ତା ଛିଦ୍ରୋପଦ୍ରଵଭେଦିନୀ

॥ 53 ॥

ଶ୍ଲୋକ 55

ଛେଦା ଛତ୍ରେଶ୍ଵରୀ ଛିନ୍ନା ଛୁରିକା ଛେଦନପ୍ରିଯା ।

ଜନନୀ ଜନ୍ମରହିତା ଜାତଵେଦା ଜଗନ୍ମଯୀ

॥ 54 ॥

ଶ୍ଲୋକ 56

ଜାହ୍ନଵୀ ଜଟିଲା ଜେତ୍ରୀ ଜରାମରଣଵର୍ଜିତା ।

ଜମ୍ବୂଦ୍ଵୀପଵତୀ ଜ୍ଵାଲା ଜଯନ୍ତୀ ଜଲଶାଲିନୀ

॥ 55 ॥

ଶ୍ଲୋକ 57

ଜିତେନ୍ଦ୍ରିଯା ଜିତକ୍ରୋଧା ଜିତାମିତ୍ରା ଜଗତ୍ପ୍ରିଯା ।

ଜାତରୂପମଯୀ ଜିହ୍ଵା ଜାନକୀ ଜଗତୀ ଜରା

॥ 56 ॥

ଶ୍ଲୋକ 58

ଜନିତ୍ରୀ ଜହ୍ନୁତନଯା ଜଗତ୍ତ୍ରଯହିତୈଷିଣୀ ।

ଜ୍ଵାଲାମୁଖୀ ଜପଵତୀ ଜ୍ଵରଘ୍ନୀ ଜିତଵିଷ୍ଟପା

॥ 57 ॥

ଶ୍ଲୋକ 59

ଜିତାକ୍ରାନ୍ତମଯୀ ଜ୍ଵାଲା ଜାଗ୍ରତୀ ଜ୍ଵରଦେଵତା ।

ଜ୍ଵଲନ୍ତୀ ଜଲଦା ଜ୍ଯେଷ୍ଠା ଜ୍ଯାଘୋଷାସ୍ଫୋଟଦିଙ୍ମୁଖୀ

॥ 58 ॥

ଶ୍ଲୋକ 60

ଜମ୍ଭିନୀ ଜୃମ୍ଭଣା ଜୃମ୍ଭା ଜ୍ଵଲନ୍ମାଣିକ୍ଯକୁଣ୍ଡଲା ।

ଝିଞ୍ଝିକା ଝଣନିର୍ଘୋଷା ଝଞ୍ଝାମାରୁତଵେଗିନୀ

॥ 59 ॥

ଶ୍ଲୋକ 61

ଝଲ୍ଲରୀଵାଦ୍ଯକୁଶଲା ଞରୂପା ଞଭୁଜା ସ୍ମୃତା ।

ଟଙ୍କବାଣସମାଯୁକ୍ତା ଟଙ୍କିନୀ ଟଙ୍କଭେଦିନୀ

॥ 60 ॥

ଶ୍ଲୋକ 62

ଟଙ୍କୀଗଣକୃତାଘୋଷା ଟଙ୍କନୀଯମହୋରସା ।

ଟଙ୍କାରକାରିଣୀ ଦେଵୀ ଠଠଶବ୍ଦନିନାଦିନୀ

॥ 61 ॥

ଶ୍ଲୋକ 63

ଡାମରୀ ଡାକିନୀ ଡିମ୍ଭା ଡୁଣ୍ଡୁମାରୈକନିର୍ଜିତା ।

ଡାମରୀତନ୍ତ୍ରମାର୍ଗସ୍ଥା ଡମଡ୍ଡମରୁନାଦିନୀ

॥ 62 ॥

ଶ୍ଲୋକ 64

ଡିଣ୍ଡୀରଵସହା ଡିମ୍ଭଲସତ୍କ୍ରୀଡାପରାଯଣା ।

ଢୁଣ୍ଢିଵିଘ୍ନେଶଜନନୀ ଢକ୍କାହସ୍ତା ଢିଲିଵ୍ରଜା

॥ 63 ॥

ଶ୍ଲୋକ 65

ନିତ୍ଯଜ୍ଞାନା ନିରୁପମା ନିର୍ଗୁଣା ନର୍ମଦା ନଦୀ ।

ତ୍ରିଗୁଣା ତ୍ରିପଦା ତନ୍ତ୍ରୀ ତୁଲସୀ ତରୁଣା ତରୁଃ

॥ 64 ॥

ଶ୍ଲୋକ 66

ତ୍ରିଵିକ୍ରମପଦାକ୍ରାନ୍ତା ତୁରୀଯପଦଗାମିନୀ ।

ତରୁଣାଦିତ୍ଯସଙ୍କାଶା ତାମସୀ ତୁହିନା ତୁରା

॥ 65 ॥

ଶ୍ଲୋକ 67

ତ୍ରିକାଲଜ୍ଞାନସମ୍ପନ୍ନା ତ୍ରିଵେଣୀ ଚ ତ୍ରିଲୋଚନା ।

ତ୍ରିଶକ୍ତିସ୍ତ୍ରିପୁରା ତୁଙ୍ଗା ତୁରଙ୍ଗଵଦନା ତଥା

॥ 66 ॥

ଶ୍ଲୋକ 68

ତିମିଙ୍ଗିଲଗିଲା ତୀଵ୍ରା ତ୍ରିସ୍ରୋତା ତାମସାଦିନୀ ।

ତନ୍ତ୍ରମନ୍ତ୍ରଵିଶେଷଜ୍ଞା ତନୁମଧ୍ଯା ତ୍ରିଵିଷ୍ଟପା

॥ 67 ॥

ଶ୍ଲୋକ 69

ତ୍ରିସନ୍ଧ୍ଯା ତ୍ରିସ୍ତନୀ ତୋଷାସଂସ୍ଥା ତାଲପ୍ରତାପିନୀ ।

ତାଟଙ୍କିନୀ ତୁଷାରାଭା ତୁହିନାଚଲଵାସିନୀ

॥ 68 ॥

ଶ୍ଲୋକ 70

ତନ୍ତୁଜାଲସମାଯୁକ୍ତା ତାରହାରାଵଲିପ୍ରିଯା ।

ତିଲହୋମପ୍ରିଯା ତୀର୍ଥା ତମାଲକୁସୁମାକୃତିଃ

॥ 69 ॥

ଶ୍ଲୋକ 71

ତାରକା ତ୍ରିଯୁତା ତନ୍ଵୀ ତ୍ରିଶଙ୍କୁପରିଵାରିତା ।

ତଲୋଦରୀ ତିଲାଭୂଷା ତାଟଙ୍କପ୍ରିଯଵାଦିନୀ

॥ 70 ॥

ଶ୍ଲୋକ 72

ତ୍ରିଜଟା ତିତ୍ତିରୀ ତୃଷ୍ଣା ତ୍ରିଵିଧା ତରୁଣାକୃତିଃ ।

ତପ୍ତକାଞ୍ଚନସଙ୍କାଶା ତପ୍ତକାଞ୍ଚନଭୂଷଣା

॥ 71 ॥

ଶ୍ଲୋକ 73

ତ୍ରୈଯମ୍ବକା ତ୍ରିଵର୍ଗା ଚ ତ୍ରିକାଲଜ୍ଞାନଦାଯିନୀ ।

ତର୍ପଣା ତୃପ୍ତିଦା ତୃପ୍ତା ତାମସୀ ତୁମ୍ବୁରୁସ୍ତୁତା

॥ 72 ॥

ଶ୍ଲୋକ 74

ତାର୍କ୍ଷ୍ଯସ୍ଥା ତ୍ରିଗୁଣାକାରା ତ୍ରିଭଙ୍ଗୀ ତନୁଵଲ୍ଲରିଃ ।

ଥାତ୍କାରୀ ଥାରଵା ଥାନ୍ତା ଦୋହିନୀ ଦୀନଵତ୍ସଲା

॥ 73 ॥

ଶ୍ଲୋକ 75

ଦାନଵାନ୍ତକରୀ ଦୁର୍ଗା ଦୁର୍ଗାସୁରନିବର୍ହିଣୀ ।

ଦେଵରୀତିର୍ଦିଵାରାତ୍ରିର୍ଦ୍ରୌପଦୀ ଦୁନ୍ଦୁଭିସ୍ଵନା

॥ 74 ॥

ଶ୍ଲୋକ 76

ଦେଵଯାନୀ ଦୁରାଵାସା ଦାରିଦ୍ର୍ଯୋଦ୍ଭେଦିନୀ ଦିଵା ।

ଦାମୋଦରପ୍ରିଯା ଦୀପ୍ତା ଦିଗ୍ଵାସା ଦିଗ୍ଵିମୋହିନୀ

॥ 75 ॥

ଶ୍ଲୋକ 77

ଦଣ୍ଡକାରଣ୍ଯନିଲଯା ଦଣ୍ଡିନୀ ଦେଵପୂଜିତା ।

ଦେଵଵନ୍ଦ୍ଯା ଦିଵିଷଦା ଦ୍ଵେଷିଣୀ ଦାନଵାକୃତିଃ

॥ 76 ॥

ଶ୍ଲୋକ 78

ଦୀନାନାଥସ୍ତୁତା ଦୀକ୍ଷା ଦୈଵତାଦିସ୍ଵରୂପିଣୀ ।

ଧାତ୍ରୀ ଧନୁର୍ଧରା ଧେନୁର୍ଧାରିଣୀ ଧର୍ମଚାରିଣୀ

॥ 77 ॥

ଶ୍ଲୋକ 79

ଧୁରନ୍ଧରା ଧରାଧାରା ଧନଦା ଧାନ୍ଯଦୋହିନୀ ।

ଧର୍ମଶୀଲା ଧନାଧ୍ଯକ୍ଷା ଧନୁର୍ଵେଦଵିଶାରଦା

॥ 78 ॥

ଶ୍ଲୋକ 80

ଧୃତିର୍ଧନ୍ଯା ଧୃତପଦା ଧର୍ମରାଜପ୍ରିଯା ଧ୍ରୁଵା ।

ଧୂମାଵତୀ ଧୂମକେଶୀ ଧର୍ମଶାସ୍ତ୍ରପ୍ରକାଶିନୀ

॥ 79 ॥

ଶ୍ଲୋକ 81

ନନ୍ଦା ନନ୍ଦପ୍ରିଯା ନିଦ୍ରା ନୃନୁତା ନନ୍ଦନାତ୍ମିକା ।

ନର୍ମଦା ନଲିନୀ ନୀଲା ନୀଲକଣ୍ଠସମାଶ୍ରଯା

॥ 80 ॥

ଶ୍ଲୋକ 82

ନାରାଯଣପ୍ରିଯା ନିତ୍ଯା ନିର୍ମଲା ନିର୍ଗୁଣା ନିଧିଃ ।

ନିରାଧାରା ନିରୁପମା ନିତ୍ଯଶୁଦ୍ଧା ନିରଞ୍ଜନା

॥ 81 ॥

ଶ୍ଲୋକ 83

ନାଦବିନ୍ଦୁକଲାତୀତା ନାଦବିନ୍ଦୁକଲାତ୍ମିକା ।

ନୃସିଂହିନୀ ନଗଧରା ନୃପନାଗଵିଭୂଷିତା

॥ 82 ॥

ଶ୍ଲୋକ 84

ନରକକ୍ଲେଶଶମନୀ ନାରାଯଣପଦୋଦ୍ଭଵା ।

ନିରଵଦ୍ଯା ନିରାକାରା ନାରଦପ୍ରିଯକାରିଣୀ

॥ 83 ॥

ଶ୍ଲୋକ 85

ନାନାଜ୍ଯୋତିଃ ସମାଖ୍ଯାତା ନିଧିଦା ନିର୍ମଲାତ୍ମିକା ।

ନଵସୂତ୍ରଧରା ନୀତିର୍ନିରୁପଦ୍ରଵକାରିଣୀ

॥ 84 ॥

ଶ୍ଲୋକ 86

ନନ୍ଦଜା ନଵରତ୍ନାଢ୍ଯା ନୈମିଷାରଣ୍ଯଵାସିନୀ ।

ନଵନୀତପ୍ରିଯା ନାରୀ ନୀଲଜୀମୂତନିସ୍ଵନା

॥ 85 ॥

ଶ୍ଲୋକ 87

ନିମେଷିଣୀ ନଦୀରୂପା ନୀଲଗ୍ରୀଵା ନିଶୀଶ୍ଵରୀ ।

ନାମାଵଲିର୍ନିଶୁମ୍ଭଘ୍ନୀ ନାଗଲୋକନିଵାସିନୀ

॥ 86 ॥

ଶ୍ଲୋକ 88

ନଵଜାମ୍ବୂନଦପ୍ରଖ୍ଯା ନାଗଲୋକାଧିଦେଵତା ।

ନୂପୁରାକ୍ରାନ୍ତଚରଣା ନରଚିତ୍ତପ୍ରମୋଦିନୀ

॥ 87 ॥

ଶ୍ଲୋକ 89

ନିମଗ୍ନାରକ୍ତନଯନା ନିର୍ଘାତସମନିସ୍ଵନା ।

ନନ୍ଦନୋଦ୍ଯାନନିଲଯା ନିର୍ଵ୍ଯୂହୋପରିଚାରିଣୀ

॥ 88 ॥

ଶ୍ଲୋକ 90

ପାର୍ଵତୀ ପରମୋଦାରା ପରବ୍ରହ୍ମାତ୍ମିକା ପରା ।

ପଞ୍ଚକୋଶଵିନିର୍ମୁକ୍ତା ପଞ୍ଚପାତକନାଶିନୀ

॥ 89 ॥

ଶ୍ଲୋକ 91

ପରଚିତ୍ତଵିଧାନଜ୍ଞା ପଞ୍ଚିକା ପଞ୍ଚରୂପିଣୀ ।

ପୂର୍ଣିମା ପରମା ପ୍ରୀତିଃ ପରତେଜଃ ପ୍ରକାଶିନୀ

॥ 90 ॥

ଶ୍ଲୋକ 92

ପୁରାଣୀ ପୌରୁଷୀ ପୁଣ୍ଯା ପୁଣ୍ଡରୀକନିଭେକ୍ଷଣା ।

ପାତାଲତଲନିର୍ମଗ୍ନା ପ୍ରୀତା ପ୍ରୀତିଵିଵର୍ଧିନୀ

॥ 91 ॥

ଶ୍ଲୋକ 93

ପାଵନୀ ପାଦସହିତା ପେଶଲା ପଵନାଶିନୀ ।

ପ୍ରଜାପତିଃ ପରିଶ୍ରାନ୍ତା ପର୍ଵତସ୍ତନମଣ୍ଡଲା

॥ 92 ॥

ଶ୍ଲୋକ 94

ପଦ୍ମପ୍ରିଯା ପଦ୍ମସଂସ୍ଥା ପଦ୍ମାକ୍ଷୀ ପଦ୍ମସମ୍ଭଵା ।

ପଦ୍ମପତ୍ରା ପଦ୍ମପଦା ପଦ୍ମିନୀ ପ୍ରିଯଭାଷିଣୀ

॥ 93 ॥

ଶ୍ଲୋକ 95

ପଶୁପାଶଵିନିର୍ମୁକ୍ତା ପୁରନ୍ଧ୍ରୀ ପୁରଵାସିନୀ ।

ପୁଷ୍କଲା ପୁରୁଷା ପର୍ଵା ପାରିଜାତସୁମପ୍ରିଯା

॥ 94 ॥

ଶ୍ଲୋକ 96

ପତିଵ୍ରତା ପଵିତ୍ରାଙ୍ଗୀ ପୁଷ୍ପହାସପରାଯଣା ।

ପ୍ରଜ୍ଞାଵତୀସୁତା ପୌତ୍ରୀ ପୁତ୍ରପୂଜ୍ଯା ପଯସ୍ଵିନୀ

॥ 95 ॥

ଶ୍ଲୋକ 97

ପଟ୍ଟିପାଶଧରା ପଙ୍କ୍ତିଃ ପିତୃଲୋକପ୍ରଦାଯିନୀ ।

ପୁରାଣୀ ପୁଣ୍ଯଶୀଲା ଚ ପ୍ରଣତାର୍ତିଵିନାଶିନୀ

॥ 96 ॥

ଶ୍ଲୋକ 98

ପ୍ରଦ୍ଯୁମ୍ନଜନନୀ ପୁଷ୍ଟା ପିତାମହପରିଗ୍ରହା ।

ପୁଣ୍ଡରୀକପୁରାଵାସା ପୁଣ୍ଡରୀକସମାନନା

॥ 97 ॥

ଶ୍ଲୋକ 99

ପୃଥୁଜଙ୍ଘା ପୃଥୁଭୁଜା ପୃଥୁପାଦା ପୃଥୂଦରୀ ।

ପ୍ରଵାଲଶୋଭା ପିଙ୍ଗାକ୍ଷୀ ପୀତଵାସାଃ ପ୍ରଚାପଲା

॥ 98 ॥

ଶ୍ଲୋକ 100

ପ୍ରସଵା ପୁଷ୍ଟିଦା ପୁଣ୍ଯା ପ୍ରତିଷ୍ଠା ପ୍ରଣଵାଗତିଃ ।

ପଞ୍ଚଵର୍ଣା ପଞ୍ଚଵାଣୀ ପଞ୍ଚିକା ପଞ୍ଜରସ୍ଥିତା

॥ 99 ॥

ଶ୍ଲୋକ 101

ପରମାଯା ପରଜ୍ଯୋତିଃ ପରପ୍ରୀତିଃ ପରାଗତିଃ ।

ପରାକାଷ୍ଠା ପରେଶାନୀ ପାଵନୀ ପାଵକଦ୍ଯୁତିଃ

॥ 100 ॥

ଶ୍ଲୋକ 102

ପୁଣ୍ଯଭଦ୍ରା ପରିଚ୍ଛେଦ୍ଯା ପୁଷ୍ପହାସା ପୃଥୂଦରୀ ।

ପୀତାଙ୍ଗୀ ପୀତଵସନା ପୀତଶଯ୍ଯା ପିଶାଚିନୀ

॥ 101 ॥

ଶ୍ଲୋକ 103

ପୀତକ୍ରିଯା ପିଶାଚଘ୍ନୀ ପାଟଲାକ୍ଷୀ ପଟୁକ୍ରିଯା ।

ପଞ୍ଚଭକ୍ଷପ୍ରିଯାଚାରା ପୂତନାପ୍ରାଣଘାତିନୀ

॥ 102 ॥

ଶ୍ଲୋକ 104

ପୁନ୍ନାଗଵନମଧ୍ଯସ୍ଥା ପୁଣ୍ଯତୀର୍ଥନିଷେଵିତା ।

ପଞ୍ଚାଙ୍ଗୀ ଚ ପରାଶକ୍ତିଃ ପରମାହ୍ଲାଦକାରିଣୀ

॥ 103 ॥

ଶ୍ଲୋକ 105

ପୁଷ୍ପକାଣ୍ଡସ୍ଥିତା ପୂଷା ପୋଷିତାଖିଲଵିଷ୍ଟପା ।

ପ୍ରାଣପ୍ରିଯା ପଞ୍ଚଶିଖା ପନ୍ନଗୋପରିଶାଯିନୀ

॥ 104 ॥

ଶ୍ଲୋକ 106

ପଞ୍ଚମାତ୍ରାତ୍ମିକା ପୃଥ୍ଵୀ ପଥିକା ପୃଥୁଦୋହିନୀ ।

ପୁରାଣନ୍ଯାଯମୀମାଂସା ପାଟଲୀ ପୁଷ୍ପଗନ୍ଧିନୀ

॥ 105 ॥

ଶ୍ଲୋକ 107

ପୁଣ୍ଯପ୍ରଜା ପାରଦାତ୍ରୀ ପରମାର୍ଗୈକଗୋଚରା ।

ପ୍ରଵାଲଶୋଭା ପୂର୍ଣାଶା ପ୍ରଣଵା ପଲ୍ଲଵୋଦରୀ

॥ 106 ॥

ଶ୍ଲୋକ 108

ଫଲିନୀ ଫଲଦା ଫଲ୍ଗୁଃ ଫୂତ୍କାରୀ ଫଲକାକୃତିଃ ।

ଫଣୀନ୍ଦ୍ରଭୋଗଶଯନା ଫଣିମଣ୍ଡଲମଣ୍ଡିତା

॥ 107 ॥

ଶ୍ଲୋକ 109

ବାଲବାଲା ବହୁମତା ବାଲାତପନିଭାଂଶୁକା ।

ବଲଭଦ୍ରପ୍ରିଯା ଵନ୍ଦ୍ଯା ବଡଵା ବୁଦ୍ଧିସଂସ୍ତୁତା

॥ 108 ॥

ଶ୍ଲୋକ 110

ବନ୍ଦୀଦେଵୀ ବିଲଵତୀ ବଡିଶଘ୍ନୀ ବଲିପ୍ରିଯା ।

ବାନ୍ଧଵୀ ବୋଧିତା ବୁଦ୍ଧିର୍ବନ୍ଧୂକକୁସୁମପ୍ରିଯା

॥ 109 ॥

ଶ୍ଲୋକ 111

ବାଲଭାନୁପ୍ରଭାକାରା ବ୍ରାହ୍ମୀ ବ୍ରାହ୍ମଣଦେଵତା ।

ବୃହସ୍ପତିସ୍ତୁତା ବୃନ୍ଦା ବୃନ୍ଦାଵନଵିହାରିଣୀ

॥ 110 ॥

ଶ୍ଲୋକ 112

ବାଲାକିନୀ ବିଲାହାରା ବିଲଵାସା ବହୂଦକା ।

ବହୁନେତ୍ରା ବହୁପଦା ବହୁକର୍ଣାଵତଂସିକା

॥ 111 ॥

ଶ୍ଲୋକ 113

ବହୁବାହୁଯୁତା ବୀଜରୂପିଣୀ ବହୁରୂପିଣୀ ।

ବିନ୍ଦୁନାଦକଲାତୀତା ବିନ୍ଦୁନାଦସ୍ଵରୂପିଣୀ

॥ 112 ॥

ଶ୍ଲୋକ 114

ବଦ୍ଧଗୋଧାଙ୍ଗୁଲିତ୍ରାଣା ବଦର୍ଯାଶ୍ରମଵାସିନୀ ।

ବୃନ୍ଦାରକା ବୃହତ୍ସ୍କନ୍ଧା ବୃହତୀ ବାଣପାତିନୀ

॥ 113 ॥

ଶ୍ଲୋକ 115

ବୃନ୍ଦାଧ୍ଯକ୍ଷା ବହୁନୁତା ଵନିତା ବହୁଵିକ୍ରମା ।

ବଦ୍ଧପଦ୍ମାସନାସୀନା ବିଲ୍ଵପତ୍ରତଲସ୍ଥିତା

॥ 114 ॥

ଶ୍ଲୋକ 116

ବୋଧିଦ୍ରୁମନିଜାଵାସା ବଡିସ୍ଥା ବିନ୍ଦୁଦର୍ପଣା ।

ବାଲା ବାଣାସନଵତୀ ବଡବାନଲଵେଗିନୀ

॥ 115 ॥

ଶ୍ଲୋକ 117

ବ୍ରହ୍ମାଣ୍ଡବହିରନ୍ତଃସ୍ଥା ବ୍ରହ୍ମକଙ୍କଣସୂତ୍ରିଣୀ ।

ଭଵାନୀ ଭୀଷଣଵତୀ ଭାଵିନୀ ଭଯହାରିଣୀ

॥ 116 ॥

ଶ୍ଲୋକ 118

ଭଦ୍ରକାଲୀ ଭୁଜଙ୍ଗାକ୍ଷୀ ଭାରତୀ ଭାରତାଶଯା ।

ଭୈରଵୀ ଭୀଷଣାକାରା ଭୂତିଦା ଭୂତିମାଲିନୀ

॥ 117 ॥

ଶ୍ଲୋକ 119

ଭାମିନୀ ଭୋଗନିରତା ଭଦ୍ରଦା ଭୂରିଵିକ୍ରମା ।

ଭୂତଵାସା ଭୃଗୁଲତା ଭାର୍ଗଵୀ ଭୂସୁରାର୍ଚିତା

॥ 118 ॥

ଶ୍ଲୋକ 120

ଭାଗୀରଥୀ ଭୋଗଵତୀ ଭଵନସ୍ଥା ଭିଷଗ୍ଵରା ।

ଭାମିନୀ ଭୋଗିନୀ ଭାଷା ଭଵାନୀ ଭୂରିଦକ୍ଷିଣା

॥ 119 ॥

ଶ୍ଲୋକ 121

ଭର୍ଗାତ୍ମିକା ଭୀମଵତୀ ଭଵବନ୍ଧଵିମୋଚିନୀ ।

ଭଜନୀଯା ଭୂତଧାତ୍ରୀରଞ୍ଜିତା ଭୁଵନେଶ୍ଵରୀ

॥ 120 ॥

ଶ୍ଲୋକ 122

ଭୁଜଙ୍ଗଵଲଯା ଭୀମା ଭେରୁଣ୍ଡା ଭାଗଧେଯିନୀ ।

ମାତା ମାଯା ମଧୁମତୀ ମଧୁଜିହ୍ଵା ମଧୁପ୍ରିଯା

॥ 121 ॥

ଶ୍ଲୋକ 123

ମହାଦେଵୀ ମହାଭାଗା ମାଲିନୀ ମୀନଲୋଚନା ।

ମାଯାତୀତା ମଧୁମତୀ ମଧୁମାଂସା ମଧୁଦ୍ରଵା

॥ 122 ॥

ଶ୍ଲୋକ 124

ମାନଵୀ ମଧୁସମ୍ଭୂତା ମିଥିଲାପୁରଵାସିନୀ ।

ମଧୁକୈଟଭସଂହର୍ତ୍ରୀ ମେଦିନୀ ମେଘମାଲିନୀ

॥ 123 ॥

ଶ୍ଲୋକ 125

ମନ୍ଦୋଦରୀ ମହାମାଯା ମୈଥିଲୀ ମସୃଣପ୍ରିଯା ।

ମହାଲକ୍ଷ୍ମୀର୍ମହାକାଲୀ ମହାକନ୍ଯା ମହେଶ୍ଵରୀ

॥ 124 ॥

ଶ୍ଲୋକ 126

ମାହେନ୍ଦ୍ରୀ ମେରୁତନଯା ମନ୍ଦାରକୁସୁମାର୍ଚିତା ।

ମଞ୍ଜୁମଞ୍ଜୀରଚରଣା ମୋକ୍ଷଦା ମଞ୍ଜୁଭାଷିଣୀ

॥ 125 ॥

ଶ୍ଲୋକ 127

ମଧୁରଦ୍ରାଵିଣୀ ମୁଦ୍ରା ମଲଯା ମଲଯାନ୍ଵିତା ।

ମେଧା ମରକତଶ୍ଯାମା ମାଗଧୀ ମେନକାତ୍ମଜା

॥ 126 ॥

ଶ୍ଲୋକ 128

ମହାମାରୀ ମହାଵୀରା ମହାଶ୍ଯାମା ମନୁସ୍ତୁତା ।

ମାତୃକା ମିହିରାଭାସା ମୁକୁନ୍ଦପଦଵିକ୍ରମା

॥ 127 ॥

ଶ୍ଲୋକ 129

ମୂଲାଧାରସ୍ଥିତା ମୁଗ୍ଧା ମଣିପୂରକଵାସିନୀ ।

ମୃଗାକ୍ଷୀ ମହିଷାରୂଢା ମହିଷାସୁରମର୍ଦିନୀ

॥ 128 ॥

ଶ୍ଲୋକ 130

ଯୋଗାସନା ଯୋଗଗମ୍ଯା ଯୋଗା ଯୌଵନକାଶ୍ରଯା ।

ଯୌଵନୀ ଯୁଦ୍ଧମଧ୍ଯସ୍ଥା ଯମୁନା ଯୁଗଧାରିଣୀ

॥ 129 ॥

ଶ୍ଲୋକ 131

ଯକ୍ଷିଣୀ ଯୋଗଯୁକ୍ତା ଚ ଯକ୍ଷରାଜପ୍ରସୂତିନୀ ।

ଯାତ୍ରା ଯାନଵିଧାନଜ୍ଞା ଯଦୁଵଂଶସମୁଦ୍ଭଵା

॥ 130 ॥

ଶ୍ଲୋକ 132

ଯକାରାଦିହକାରାନ୍ତା ଯାଜୁଷୀ ଯଜ୍ଞରୂପିଣୀ ।

ଯାମିନୀ ଯୋଗନିରତା ଯାତୁଧାନଭଯଙ୍କରୀ

॥ 131 ॥

ଶ୍ଲୋକ 133

ରୁକ୍ମିଣୀ ରମଣୀ ରାମା ରେଵତୀ ରେଣୁକା ରତିଃ ।

ରୌଦ୍ରୀ ରୌଦ୍ରପ୍ରିଯାକାରା ରାମମାତା ରତିପ୍ରିଯା

॥ 132 ॥

ଶ୍ଲୋକ 134

ରୋହିଣୀ ରାଜ୍ଯଦା ରେଵା ରମା ରାଜୀଵଲୋଚନା ।

ରାକେଶୀ ରୂପସମ୍ପନ୍ନା ରତ୍ନସିଂହାସନସ୍ଥିତା

॥ 133 ॥

ଶ୍ଲୋକ 135

ରକ୍ତମାଲ୍ଯାମ୍ବରଧରା ରକ୍ତଗନ୍ଧାନୁଲେପନା ।

ରାଜହଂସସମାରୂଢା ରମ୍ଭା ରକ୍ତବଲିପ୍ରିଯା

॥ 134 ॥

ଶ୍ଲୋକ 136

ରମଣୀଯଯୁଗାଧାରା ରାଜିତାଖିଲଭୂତଲା ।

ରୁରୁଚର୍ମପରୀଧାନା ରଥିନୀ ରତ୍ନମାଲିକା

॥ 135 ॥

ଶ୍ଲୋକ 137

ରୋଗେଶୀ ରୋଗଶମନୀ ରାଵିଣୀ ରୋମହର୍ଷିଣୀ ।

ରାମଚନ୍ଦ୍ରପଦାକ୍ରାନ୍ତା ରାଵଣଚ୍ଛେଦକାରିଣୀ

॥ 136 ॥

ଶ୍ଲୋକ 138

ରତ୍ନଵସ୍ତ୍ରପରିଚ୍ଛନ୍ନା ରଥସ୍ଥା ରୁକ୍ମଭୂଷଣା ।

ଲଜ୍ଜାଧିଦେଵତା ଲୋଲା ଲଲିତା ଲିଙ୍ଗଧାରିଣୀ

॥ 137 ॥

ଶ୍ଲୋକ 139

ଲକ୍ଷ୍ମୀର୍ଲୋଲା ଲୁପ୍ତଵିଷା ଲୋକିନୀ ଲୋକଵିଶ୍ରୁତା ।

ଲଜ୍ଜା ଲମ୍ବୋଦରୀ ଦେଵୀ ଲଲନା ଲୋକଧାରିଣୀ

॥ 138 ॥

ଶ୍ଲୋକ 140

ଵରଦା ଵନ୍ଦିତା ଵିଦ୍ଯା ଵୈଷ୍ଣଵୀ ଵିମଲାକୃତିଃ ।

ଵାରାହୀ ଵିରଜା ଵର୍ଷା ଵରଲକ୍ଷ୍ମୀର୍ଵିଲାସିନୀ

॥ 139 ॥

ଶ୍ଲୋକ 141

ଵିନତା ଵ୍ଯୋମମଧ୍ଯସ୍ଥା ଵାରିଜାସନସଂସ୍ଥିତା ।

ଵାରୁଣୀ ଵେଣୁସମ୍ଭୂତା ଵୀତିହୋତ୍ରା ଵିରୂପିଣୀ

॥ 140 ॥

ଶ୍ଲୋକ 142

ଵାଯୁମଣ୍ଡଲମଧ୍ଯସ୍ଥା ଵିଷ୍ଣୁରୂପା ଵିଧିପ୍ରିଯା ।

ଵିଷ୍ଣୁପତ୍ନୀ ଵିଷ୍ଣୁମତୀ ଵିଶାଲାକ୍ଷୀ ଵସୁନ୍ଧରା

॥ 141 ॥

ଶ୍ଲୋକ 143

ଵାମଦେଵପ୍ରିଯା ଵେଲା ଵଜ୍ରିଣୀ ଵସୁଦୋହିନୀ ।

ଵେଦାକ୍ଷରପରୀତାଙ୍ଗୀ ଵାଜପେଯଫଲପ୍ରଦା

॥ 142 ॥

ଶ୍ଲୋକ 144

ଵାସଵୀ ଵାମଜନନୀ ଵୈକୁଣ୍ଠନିଲଯା ଵରା ।

ଵ୍ଯାସପ୍ରିଯା ଵର୍ମଧରା ଵାଲ୍ମୀକିପରିସେଵିତା

॥ 143 ॥

ଶ୍ଲୋକ 145

ଶାକମ୍ଭରୀ ଶିଵା ଶାନ୍ତା ଶାରଦା ଶରଣାଗତିଃ ।

ଶାତୋଦରୀ ଶୁଭାଚାରା ଶୁମ୍ଭାସୁରଵିମର୍ଦିନୀ

॥ 144 ॥

ଶ୍ଲୋକ 146

ଶୋଭାଵତୀ ଶିଵାକାରା ଶଙ୍କରାର୍ଧଶରୀରିଣୀ ।

ଶୋଣା ଶୁଭାଶଯା ଶୁଭ୍ରା ଶିରଃସନ୍ଧାନକାରିଣୀ

॥ 145 ॥

ଶ୍ଲୋକ 147

ଶରାଵତୀ ଶରାନନ୍ଦା ଶରଜ୍ଜ୍ଯୋତ୍ସ୍ନା ଶୁଭାନନା ।

ଶରଭା ଶୂଲିନୀ ଶୁଦ୍ଧା ଶବରୀ ଶୁକଵାହନା

॥ 146 ॥

ଶ୍ଲୋକ 148

ଶ୍ରୀମତୀ ଶ୍ରୀଧରାନନ୍ଦା ଶ୍ରଵଣାନନ୍ଦଦାଯିନୀ ।

ଶର୍ଵାଣୀ ଶର୍ଵରୀଵନ୍ଦ୍ଯା ଷଡ୍ଭାଷା ଷଡୃତୁପ୍ରିଯା

॥ 147 ॥

ଶ୍ଲୋକ 149

ଷଡାଧାରସ୍ଥିତା ଦେଵୀ ଷଣ୍ମୁଖପ୍ରିଯକାରିଣୀ ।

ଷଡଙ୍ଗରୂପସୁମତୀ ସୁରାସୁରନମସ୍କୃତା

॥ 148 ॥

ଶ୍ଲୋକ 150

ସରସ୍ଵତୀ ସଦାଧାରା ସର୍ଵମଙ୍ଗଲକାରିଣୀ ।

ସାମଗାନପ୍ରିଯା ସୂକ୍ଷ୍ମା ସାଵିତ୍ରୀ ସାମସମ୍ଭଵା

॥ 149 ॥

ଶ୍ଲୋକ 151

ସର୍ଵାଵାସା ସଦାନନ୍ଦା ସୁସ୍ତନୀ ସାଗରାମ୍ବରା ।

ସର୍ଵୈଶ୍ଵର୍ଯପ୍ରିଯା ସିଦ୍ଧିଃ ସାଧୁବନ୍ଧୁପରାକ୍ରମା

॥ 150 ॥

ଶ୍ଲୋକ 152

ସପ୍ତର୍ଷିମଣ୍ଡଲଗତା ସୋମମଣ୍ଡଲଵାସିନୀ ।

ସର୍ଵଜ୍ଞା ସାନ୍ଦ୍ରକରୁଣା ସମାନାଧିକଵର୍ଜିତା

॥ 151 ॥

ଶ୍ଲୋକ 153

ସର୍ଵୋତ୍ତୁଙ୍ଗା ସଙ୍ଗହୀନା ସଦ୍ଗୁଣା ସକଲେଷ୍ଟଦା ।

ସରଧା ସୂର୍ଯତନଯା ସୁକେଶୀ ସୋମସଂହତିଃ

॥ 152 ॥

ଶ୍ଲୋକ 154

ହିରଣ୍ଯଵର୍ଣା ହରିଣୀ ହ୍ରୀଙ୍କାରୀ ହଂସଵାହିନୀ ।

କ୍ଷୌମଵସ୍ତ୍ରପରୀତାଙ୍ଗୀ କ୍ଷୀରାବ୍ଧିତନଯା କ୍ଷମା

॥ 153 ॥

ଶ୍ଲୋକ 155

ଗାଯତ୍ରୀ ଚୈଵ ସାଵିତ୍ରୀ ପାର୍ଵତୀ ଚ ସରସ୍ଵତୀ ।

ଵେଦଗର୍ଭା ଵରାରୋହା ଶ୍ରୀଗାଯତ୍ରୀ ପରାମ୍ବିକା

॥ 154 ॥

ଶ୍ଲୋକ 156

ଇତି ସାହସ୍ରକଂ ନାମ୍ନାଂ ଗାଯତ୍ର୍ଯାଶ୍ଚୈଵ ନାରଦ ।

ପୁଣ୍ଯଦଂ ସର୍ଵପାପଘ୍ନଂ ମହାସମ୍ପତ୍ତିଦାଯକମ୍

॥ 155 ॥

ଶ୍ଲୋକ 157

ଏଵଂ ନାମାନି ଗାଯତ୍ର୍ଯାସ୍ତୋଷୋତ୍ପତ୍ତିକରାଣି ହି ।

ଅଷ୍ଟମ୍ଯାଂ ଚ ଵିଶେଷେଣ ପଠିତଵ୍ଯଂ ଦ୍ଵିଜୈଃ ସହ

॥ 156 ॥

ଶ୍ଲୋକ 158

ଜପଂ କୃତ୍ଵା ହୋମ ପୂଜା ଧ୍ଯାନଂ କୃତ୍ଵା ଵିଶେଷତଃ ।

ଯସ୍ମୈ କସ୍ମୈ ନ ଦାତଵ୍ଯଂ ଗାଯତ୍ର୍ଯାସ୍ତୁ ଵିଶେଷତଃ

॥ 157 ॥

ଶ୍ଲୋକ 159

ସୁଭକ୍ତାଯ ସୁଶିଷ୍ଯାଯ ଵକ୍ତଵ୍ଯଂ ଭୂସୁରାଯ ଵୈ ।

ଭ୍ରଷ୍ଟେଭ୍ଯଃ ସାଧକେଭ୍ଯଶ୍ଚ ବାନ୍ଧଵେଭ୍ଯୋ ନ ଦର୍ଶଯେତ୍

॥ 158 ॥

ଶ୍ଲୋକ 160

ଯଦ୍ଗୃହେ ଲିଖିତଂ ଶାସ୍ତ୍ରଂ ଭଯଂ ତସ୍ଯ ନ କସ୍ଯଚିତ୍ ।

ଚଞ୍ଚଲାପିସ୍ଥିରା ଭୂତ୍ଵା କମଲା ତତ୍ର ତିଷ୍ଠତି

॥ 159 ॥

ଶ୍ଲୋକ 161

ଇଦଂ ରହସ୍ଯଂ ପରମଂ ଗୁହ୍ଯାଦ୍ଗୁହ୍ଯତରଂ ମହତ୍ ।

ପୁଣ୍ଯପ୍ରଦଂ ମନୁଷ୍ଯାଣାଂ ଦରିଦ୍ରାଣାଂ ନିଧିପ୍ରଦମ୍

॥ 160 ॥

ଶ୍ଲୋକ 162

ମୋକ୍ଷପ୍ରଦଂ ମୁମୁକ୍ଷୂଣାଂ କାମିନାଂ ସର୍ଵକାମଦମ୍ ।

ରୋଗାଦ୍ଵୈ ମୁଚ୍ଯତେ ରୋଗୀ ବଦ୍ଧୋ ମୁଚ୍ଯେତ ବନ୍ଧନାତ୍

॥ 161 ॥

ଶ୍ଲୋକ 163

ବ୍ରହ୍ମହତ୍ଯା ସୁରାପାନଂ ସୁଵର୍ଣସ୍ତେଯିନୋ ନରାଃ ।

ଗୁରୁତଲ୍ପଗତୋ ଵାପି ପାତକାନ୍ମୁଚ୍ଯତେ ସକୃତ୍

॥ 162 ॥

ଶ୍ଲୋକ 164

ଅସତ୍ପ୍ରତିଗ୍ରହାଚ୍ଚୈଵାଽଭକ୍ଷ୍ଯଭକ୍ଷାଦ୍ଵିଶେଷତଃ ।

ପାଖଣ୍ଡାନୃତମୁଖ୍ଯେଭ୍ଯଃ ପଠନାଦେଵ ମୁଚ୍ଯତେ

॥ 163 ॥

ଶ୍ଲୋକ 165

ଇଦଂ ରହସ୍ଯମମଲଂ ମଯୋକ୍ତଂ ପଦ୍ମଜୋଦ୍ଭଵ ।

ବ୍ରହ୍ମସାଯୁଜ୍ଯଦଂ ନୄଣାଂ ସତ୍ଯଂ ସତ୍ଯଂ ନ ସଂଶଯଃ

॥ 164 ॥

ଶ୍ଲୋକ 166

ଇତି ଶ୍ରୀଦେଵୀଭାଗଵତେ ମହାପୁରାଣେ ଦ୍ଵାଦଶସ୍କନ୍ଧେ ଗାଯତ୍ରୀସହସ୍ରନାମ ସ୍ତୋତ୍ର କଥନଂ ନାମ ଷଷ୍ଠୋଽଧ୍ଯାଯଃ ॥