Sri Gayatri Sahasra Nama Stotram

shrI gAyatri sahasra nAma stotram

shloka 1

nArada uvAcha –

bhagavansarvadharmaj~na sarvashAstravishArada |

shrutismRRitipurANAnAM rahasyaM tvanmukhAchChrutam || 1 ||

sarvapApaharaM deva yena vidyA pravartate |

kena vA brahmavij~nAnaM kiM nu vA mokShasAdhanam || 2 ||

brAhmaNAnAM gatiH kena kena vA mRRityu nAshanam |

aihikAmuShmikaphalaM kena vA padmalochana || 3 ||

vaktumarhasyasheSheNa sarve nikhilamAditaH |

shrInArAyaNa uvAcha –

sAdhu sAdhu mahAprAj~na samyak pRRiShTaM tvayA.anagha || 4 ||

shRRiNu vakShyAmi yatnena gAyatryaShTasahasrakam |

nAmnAM shubhAnAM divyAnAM sarvapApavinAshanam || 5 ||

sRRiShTyAdau yadbhagavatA pUrve proktaM bravImi te |

aShTottarasahasrasya RRiShirbrahmA prakIrtitaH || 6 ||

Chando.anuShTuptathA devI gAyatrIM devatA smRRitA |

halobIjAni tasyaiva svarAH shaktaya IritAH || 7 ||

a~NganyAsakaranyAsAvuchyete mAtRRikAkSharaiH |

atha dhyAnaM pravakShyAmi sAdhakAnAM hitAya vai || 8 ||

dhyAnam

raktashvetahiraNyanIladhavalairyuktAM trinItrojjvalAM

raktAM raktanavasrajaM maNigaNairyuktAM kumArImimAm |

gAyatrIM kamalAsanAM karatalavyAnaddhakuNDAmbujAM

padmAkShIM cha varasrajaM cha dadhatIM haMsAdhirUDhAM bhaje || 9 ||

achintyalakShaNAvyaktApyarthamAtRRimaheshvarI |

amRRitArNavamadhyasthApyajitA chAparAjitA || 10 ||

aNimAdiguNAdhArApyarkamaNDalasaMsthitA |

ajarAjAparAdharmA akShasUtradharAdharA || 11 ||

akArAdikShakArAntApyariShaDvargabhedinI |

anjanAdripratIkAshApyanjanAdrinivAsinI || 12 ||

aditishchAjapAvidyApyaravindanibhekShaNA |

antarbahiHsthitAvidyAdhvaMsinI chAntarAtmikA || 13 ||

ajA chAjamukhAvAsApyaravindanibhAnanA |

ardhamAtrArthadAnaj~nApyarimaNDalamardinI || 14 ||

asuraghnI hyamAvAsyApyalakShmIghnyantyajArchitA |

AdilakShmIshchAdishaktirAkRRitishchAyatAnanA || 15 ||

AdityapadavIchArApyAdityaparisevitA |

AchAryAvartanAchArApyAdimUrtinivAsinI || 16 ||

AgneyI chAmarI chAdyA chArAdhyA chAsanasthitA |

AdhAranilayAdhArA chAkAshAntanivAsinI || 17 ||

AdyAkSharasamAyuktA chAntarAkAsharUpiNI |

AdityamaNDalagatA chAntaradhvAntanAshinI || 18 ||

indirA cheShTadA cheShTA chendIvaranibhekShaNA |

irAvatI chendrapadA chendrANI chendurUpiNI || 19 ||

ikShukodaNDasaMyuktA cheShusandhAnakAriNI |

indranIlasamAkArA cheDApi~NgalarUpiNI || 20 ||

indrAkShIcheshvarI devI chehAtrayavivarjitA |

umA choShA hyuDunibhA urvArukaphalAnanA || 21 ||

uDuprabhA choDumatI hyuDupA hyuDumadhyagA |

UrdhvA chApyUrdhvakeshI chApyUrdhvAdhogatibhedinI || 22 ||

UrdhvabAhupriyA chormimAlAvAggranthadAyinI |

RRitaM charShirRRitumatI RRiShidevanamaskRRitA || 23 ||

RRigvedA RRiNahartrI cha RRiShimaNDalachAriNI |

RRiddhidA RRijumArgasthA RRijudharmA RRijupradA || 24 ||

RRigvedanilayA RRijvI luptadharmapravartinI |

lUtArivarasambhUtA lUtAdiviShahAriNI || 25 ||

ekAkSharA chaikamAtrA chaikA chaikaikaniShThitA |

aindrI hyairAvatArUDhA chaihikAmuShmikapradA || 26 ||

o~NkArA hyoShadhI chotA chotaprotanivAsinI |

aurvA hyauShadhasampannA aupAsanaphalapradA || 27 ||

aNDamadhyasthitA devI chAHkAramanurUpiNI |

kAtyAyanI kAlarAtriH kAmAkShI kAmasundarI || 28 ||

kamalA kAminI kAntA kAmadA kAlakaNThinI |

karikumbhastanabharA karavIrasuvAsinI || 29 ||

kalyANI kuNDalavatI kurukShetranivAsinI |

kuruvindadalAkArA kuNDalI kumudAlayA || 30 ||

kAlajihvA karAlAsyA kAlikA kAlarUpiNI |

kamanIyaguNA kAntiH kalAdhArA kumudvatI || 31 ||

kaushikI kamalAkArA kAmachAraprabha~njinI |

kaumArI karuNApA~NgI kakuvantA karipriyA || 32 ||

kesarI keshavanutA kadambakusumapriyA |

kAlindI kAlikA kA~nchI kalashodbhavasaMstutA || 33 ||

kAmamAtA kratumatI kAmarUpA kRRipAvatI |

kumArI kuNDanilayA kirAtI kIravAhanA || 34 ||

kaikeyI kokilAlApA ketakI kusumapriyA |

kamaNDaludharA kAlI karmanirmUlakAriNI || 35 ||

kalahaMsagatiH kakShA kRRitakautukama~NgalA |

kastUrItilakA kamprA karIndragamanA kuhUH || 36 ||

karpUralepanA kRRiShNA kapilA kuharAshrayA |

kUTasthA kudharA kamrA kukShisthAkhilaviShTapA || 37 ||

khaDgakheTadharA kharvA khecharI khagavAhanA |

khaTvA~NgadhAriNI khyAtA khagarAjoparisthitA || 38 ||

khalaghnI khaNDitajarA khaNDAkhyAnapradAyinI |

khaNDendutilakA ga~NgA gaNeshaguhapUjitA || 39 ||

gAyatrI gomatI gItA gAndhArI gAnalolupA |

gautamI gAminI gAdhA gandharvApsarasevitA || 40 ||

govindacharaNAkrAntA guNatrayavibhAvitA |

gandharvI gahvarI gotrA girIshA gahanA gamI || 41 ||

guhAvAsA guNavatI gurupApapraNAshinI |

gurvI guNavatI guhyA goptavyA guNadAyinI || 42 ||

girijA guhyamAta~NgI garuDadhvajavallabhA |

garvApahAriNI godA gokulasthA gadAdharA || 43 ||

gokarNanilayAsaktA guhyamaNDalavartinI |

gharmadA ghanadA ghaNTA ghoradAnavamardinI || 44 ||

ghRRiNimantramayI ghoShA ghanasampAtadAyinI |

ghaNTAravapriyA ghrANA ghRRiNisantuShTakAriNI || 45 ||

ghanArimaNDalA ghUrNA ghRRitAchI ghanaveginI |

j~nAnadhAtumayI charchA charchitA chAruhAsinI || 46 ||

chaTulA chaNDikA chitrA chitramAlyavibhUShitA |

chaturbhujA chArudantA chAturI charitapradA || 47 ||

chUlikA chitravastrAntA chandramaHkarNakuNDalA |

chandrahAsA chArudAtrI chakorI chandrahAsinI || 48 ||

chandrikA chandradhAtrI cha chaurI chaurA cha chaNDikA |

cha~nchadvAgvAdinI chandrachUDA choravinAshinI || 49 ||

chAruchandanaliptANgI chanchachchAmaravIjitA |

chArumadhyA chArugatishchandilA chandrarUpiNI || 50 ||

chAruhomapriyA chArvAcharitA chakrabAhukA |

chandramaNDalamadhyasthA chandramaNDaladarpaNA || 51 ||

chakravAkastanI cheShTA chitrA chAruvilAsinI |

chitsvarUpA chandravatI chandramAshchandanapriyA || 52 ||

chodayitrI chirapraj~nA chAtakA chAruhetukI |

ChatrayAtA ChatradharA ChAyA ChandaHparichChadA || 53 ||

ChAyAdevI ChidranakhA ChannendriyavisarpiNI |

Chando.anuShTuppratiShThAntA ChidropadravabhedinI || 54 ||

ChedA ChatreshvarI ChinnA ChurikA ChedanapriyA |

jananI janmarahitA jAtavedA jaganmayI || 55 ||

jAhnavI jaTilA jetrI jarAmaraNavarjitA |

jambUdvIpavatI jvAlA jayantI jalashAlinI || 56 ||

jitendriyA jitakrodhA jitAmitrA jagatpriyA |

jAtarUpamayI jihvA jAnakI jagatI jarA || 57 ||

janitrI jahnutanayA jagattrayahitaiShiNI |

jvAlAmukhI japavatI jvaraghnI jitaviShTapA || 58 ||

jitAkrAntamayI jvAlA jAgratI jvaradevatA |

jvalantI jaladA jyeShThA jyAghoShAsphoTadi~NmukhI || 59 ||

jambhinI jRRimbhaNA jRRimbhA jvalanmANikyakuNDalA |

jhinjhikA jhaNanirghoShA jhanjhAmArutaveginI || 60 ||

jhallarIvAdyakushalA ~narUpA ~nabhujA smRRitA |

TaNkabANasamAyuktA TaNkinI Ta~NkabhedinI || 61 ||

TaNkIgaNakRRitAghoShA TaNkanIyamahorasA |

Ta~NkArakAriNI devI ThaThashabdaninAdinI || 62 ||

DAmarI DAkinI DimbhA DuNDumAraikanirjitA |

DAmarItantramArgasthA DamaDDamarunAdinI || 63 ||

DiNDIravasahA DimbhalasatkrIDAparAyaNA |

DhuNDhivighneshajananI DhakkAhastA DhilivrajA || 64 ||

nityaj~nAnA nirupamA nirguNA narmadA nadI |

triguNA tripadA tantrI tulasI taruNA taruH || 65 ||

trivikramapadAkrAntA turIyapadagAminI |

taruNAdityasa~NkAshA tAmasI tuhinA turA || 66 ||

trikAlaj~nAnasampannA triveNI cha trilochanA |

trishaktistripurA tuNgA turaNgavadanA tathA || 67 ||

timi~NgilagilA tIvrA trisrotA tAmasAdinI |

tantramantravisheShaj~nA tanumadhyA triviShTapA || 68 ||

trisandhyA tristanI toShAsaMsthA tAlapratApinI |

tATa~NkinI tuShArAbhA tuhinAchalavAsinI || 69 ||

tantujAlasamAyuktA tArahArAvalipriyA |

tilahomapriyA tIrthA tamAlakusumAkRRitiH || 70 ||

tArakA triyutA tanvI trisha~NkuparivAritA |

talodarI tilAbhUShA tATa~NkapriyavAdinI || 71 ||

trijaTA tittirI tRRiShNA trividhA taruNAkRRitiH |

taptakAnchanasaNkAshA taptakA~nchanabhUShaNA || 72 ||

traiyambakA trivargA cha trikAlaj~nAnadAyinI |

tarpaNA tRRiptidA tRRiptA tAmasI tumburustutA || 73 ||

tArkShyasthA triguNAkArA tribha~NgI tanuvallariH |

thAtkArI thAravA thAntA dohinI dInavatsalA || 74 ||

dAnavAntakarI durgA durgAsuranibarhiNI |

devarItirdivArAtrirdraupadI dundubhisvanA || 75 ||

devayAnI durAvAsA dAridryodbhedinI divA |

dAmodarapriyA dIptA digvAsA digvimohinI || 76 ||

daNDakAraNyanilayA daNDinI devapUjitA |

devavandyA diviShadA dveShiNI dAnavAkRRitiH || 77 ||

dInAnAthastutA dIkShA daivatAdisvarUpiNI |

dhAtrI dhanurdharA dhenurdhAriNI dharmachAriNI || 78 ||

dhurandharA dharAdhArA dhanadA dhAnyadohinI |

dharmashIlA dhanAdhyakShA dhanurvedavishAradA || 79 ||

dhRRitirdhanyA dhRRitapadA dharmarAjapriyA dhruvA |

dhUmAvatI dhUmakeshI dharmashAstraprakAshinI || 80 ||

nandA nandapriyA nidrA nRRinutA nandanAtmikA |

narmadA nalinI nIlA nIlakaNThasamAshrayA || 81 ||

nArAyaNapriyA nityA nirmalA nirguNA nidhiH |

nirAdhArA nirupamA nityashuddhA nira~njanA || 82 ||

nAdabindukalAtItA nAdabindukalAtmikA |

nRRisiMhinI nagadharA nRRipanAgavibhUShitA || 83 ||

narakakleshashamanI nArAyaNapadodbhavA |

niravadyA nirAkArA nAradapriyakAriNI || 84 ||

nAnAjyotiH samAkhyAtA nidhidA nirmalAtmikA |

navasUtradharA nItirnirupadravakAriNI || 85 ||

nandajA navaratnADhyA naimiShAraNyavAsinI |

navanItapriyA nArI nIlajImUtanisvanA || 86 ||

nimeShiNI nadIrUpA nIlagrIvA nishIshvarI |

nAmAvalirnishumbhaghnI nAgalokanivAsinI || 87 ||

navajAmbUnadaprakhyA nAgalokAdhidevatA |

nUpurAkrAntacharaNA narachittapramodinI || 88 ||

nimagnAraktanayanA nirghAtasamanisvanA |

nandanodyAnanilayA nirvyUhoparichAriNI || 89 ||

pArvatI paramodArA parabrahmAtmikA parA |

panchakoshavinirmuktA panchapAtakanAshinI || 90 ||

parachittavidhAnajnA panchikA pa~ncharUpiNI |

pUrNimA paramA prItiH paratejaH prakAshinI || 91 ||

purANI pauruShI puNyA puNDarIkanibhekShaNA |

pAtAlatalanirmagnA prItA prItivivardhinI || 92 ||

pAvanI pAdasahitA peshalA pavanAshinI |

prajApatiH parishrAntA parvatastanamaNDalA || 93 ||

padmapriyA padmasaMsthA padmAkShI padmasambhavA |

padmapatrA padmapadA padminI priyabhAShiNI || 94 ||

pashupAshavinirmuktA purandhrI puravAsinI |

puShkalA puruShA parvA pArijAtasumapriyA || 95 ||

pativratA pavitrA~NgI puShpahAsaparAyaNA |

praj~nAvatIsutA pautrI putrapUjyA payasvinI || 96 ||

paTTipAshadharA pa~NktiH pitRRilokapradAyinI |

purANI puNyashIlA cha praNatArtivinAshinI || 97 ||

pradyumnajananI puShTA pitAmahaparigrahA |

puNDarIkapurAvAsA puNDarIkasamAnanA || 98 ||

pRRithuja~NghA pRRithubhujA pRRithupAdA pRRithUdarI |

pravAlashobhA pi~NgAkShI pItavAsAH prachApalA || 99 ||

prasavA puShTidA puNyA pratiShThA praNavAgatiH |

panchavarNA panchavANI panchikA panjarasthitA || 100 ||

paramAyA parajyotiH paraprItiH parAgatiH |

parAkAShThA pareshAnI pAvanI pAvakadyutiH || 101 ||

puNyabhadrA parichChedyA puShpahAsA pRRithUdarI |

pItA~NgI pItavasanA pItashayyA pishAchinI || 102 ||

pItakriyA pishAchaghnI pATalAkShI paTukriyA |

pa~nchabhakShapriyAchArA pUtanAprANaghAtinI || 103 ||

punnAgavanamadhyasthA puNyatIrthaniShevitA |

panchANgI cha parAshaktiH paramAhlAdakAriNI || 104 ||

puShpakANDasthitA pUShA poShitAkhilaviShTapA |

prANapriyA pa~nchashikhA pannagoparishAyinI || 105 ||

pa~nchamAtrAtmikA pRRithvI pathikA pRRithudohinI |

purANanyAyamImAMsA pATalI puShpagandhinI || 106 ||

puNyaprajA pAradAtrI paramArgaikagocharA |

pravAlashobhA pUrNAshA praNavA pallavodarI || 107 ||

phalinI phaladA phalguH phUtkArI phalakAkRRitiH |

phaNIndrabhogashayanA phaNimaNDalamaNDitA || 108 ||

bAlabAlA bahumatA bAlAtapanibhAMshukA |

balabhadrapriyA vandyA baDavA buddhisaMstutA || 109 ||

bandIdevI bilavatI baDishaghnI balipriyA |

bAndhavI bodhitA buddhirbandhUkakusumapriyA || 110 ||

bAlabhAnuprabhAkArA brAhmI brAhmaNadevatA |

bRRihaspatistutA bRRindA bRRindAvanavihAriNI || 111 ||

bAlAkinI bilAhArA bilavAsA bahUdakA |

bahunetrA bahupadA bahukarNAvataMsikA || 112 ||

bahubAhuyutA bIjarUpiNI bahurUpiNI |

bindunAdakalAtItA bindunAdasvarUpiNI || 113 ||

baddhagodhA~NgulitrANA badaryAshramavAsinI |

bRRindArakA bRRihatskandhA bRRihatI bANapAtinI || 114 ||

bRRindAdhyakShA bahunutA vanitA bahuvikramA |

baddhapadmAsanAsInA bilvapatratalasthitA || 115 ||

bodhidrumanijAvAsA baDisthA bindudarpaNA |

bAlA bANAsanavatI baDabAnalaveginI || 116 ||

brahmANDabahirantaHsthA brahmaka~NkaNasUtriNI |

bhavAnI bhIShaNavatI bhAvinI bhayahAriNI || 117 ||

bhadrakAlI bhuja~NgAkShI bhAratI bhAratAshayA |

bhairavI bhIShaNAkArA bhUtidA bhUtimAlinI || 118 ||

bhAminI bhoganiratA bhadradA bhUrivikramA |

bhUtavAsA bhRRigulatA bhArgavI bhUsurArchitA || 119 ||

bhAgIrathI bhogavatI bhavanasthA bhiShagvarA |

bhAminI bhoginI bhAShA bhavAnI bhUridakShiNA || 120 ||

bhargAtmikA bhImavatI bhavabandhavimochinI |

bhajanIyA bhUtadhAtrIra~njitA bhuvaneshvarI || 121 ||

bhuja~NgavalayA bhImA bheruNDA bhAgadheyinI |

mAtA mAyA madhumatI madhujihvA madhupriyA || 122 ||

mahAdevI mahAbhAgA mAlinI mInalochanA |

mAyAtItA madhumatI madhumAMsA madhudravA || 123 ||

mAnavI madhusambhUtA mithilApuravAsinI |

madhukaiTabhasaMhartrI medinI meghamAlinI || 124 ||

mandodarI mahAmAyA maithilI masRRiNapriyA |

mahAlakShmIrmahAkAlI mahAkanyA maheshvarI || 125 ||

mAhendrI merutanayA mandArakusumArchitA |

manjumanjIracharaNA mokShadA ma~njubhAShiNI || 126 ||

madhuradrAviNI mudrA malayA malayAnvitA |

medhA marakatashyAmA mAgadhI menakAtmajA || 127 ||

mahAmArI mahAvIrA mahAshyAmA manustutA |

mAtRRikA mihirAbhAsA mukundapadavikramA || 128 ||

mUlAdhArasthitA mugdhA maNipUrakavAsinI |

mRRigAkShI mahiShArUDhA mahiShAsuramardinI || 129 ||

yogAsanA yogagamyA yogA yauvanakAshrayA |

yauvanI yuddhamadhyasthA yamunA yugadhAriNI || 130 ||

yakShiNI yogayuktA cha yakSharAjaprasUtinI |

yAtrA yAnavidhAnaj~nA yaduvaMshasamudbhavA || 131 ||

yakArAdihakArAntA yAjuShI yaj~narUpiNI |

yAminI yoganiratA yAtudhAnabhaya~NkarI || 132 ||

rukmiNI ramaNI rAmA revatI reNukA ratiH |

raudrI raudrapriyAkArA rAmamAtA ratipriyA || 133 ||

rohiNI rAjyadA revA ramA rAjIvalochanA |

rAkeshI rUpasampannA ratnasiMhAsanasthitA || 134 ||

raktamAlyAmbaradharA raktagandhAnulepanA |

rAjahaMsasamArUDhA rambhA raktabalipriyA || 135 ||

ramaNIyayugAdhArA rAjitAkhilabhUtalA |

rurucharmaparIdhAnA rathinI ratnamAlikA || 136 ||

rogeshI rogashamanI rAviNI romaharShiNI |

rAmachandrapadAkrAntA rAvaNachChedakAriNI || 137 ||

ratnavastraparichChannA rathasthA rukmabhUShaNA |

lajjAdhidevatA lolA lalitA li~NgadhAriNI || 138 ||

lakShmIrlolA luptaviShA lokinI lokavishrutA |

lajjA lambodarI devI lalanA lokadhAriNI || 139 ||

varadA vanditA vidyA vaiShNavI vimalAkRRitiH |

vArAhI virajA varShA varalakShmIrvilAsinI || 140 ||

vinatA vyomamadhyasthA vArijAsanasaMsthitA |

vAruNI veNusambhUtA vItihotrA virUpiNI || 141 ||

vAyumaNDalamadhyasthA viShNurUpA vidhipriyA |

viShNupatnI viShNumatI vishAlAkShI vasundharA || 142 ||

vAmadevapriyA velA vajriNI vasudohinI |

vedAkSharaparItA~NgI vAjapeyaphalapradA || 143 ||

vAsavI vAmajananI vaikuNThanilayA varA |

vyAsapriyA varmadharA vAlmIkiparisevitA || 144 ||

shAkambharI shivA shAntA shAradA sharaNAgatiH |

shAtodarI shubhAchArA shumbhAsuravimardinI || 145 ||

shobhAvatI shivAkArA sha~NkarArdhasharIriNI |

shoNA shubhAshayA shubhrA shiraHsandhAnakAriNI || 146 ||

sharAvatI sharAnandA sharajjyotsnA shubhAnanA |

sharabhA shUlinI shuddhA shabarI shukavAhanA || 147 ||

shrImatI shrIdharAnandA shravaNAnandadAyinI |

sharvANI sharvarIvandyA ShaDbhAShA ShaDRRitupriyA || 148 ||

ShaDAdhArasthitA devI ShaNmukhapriyakAriNI |

ShaDa~NgarUpasumatI surAsuranamaskRRitA || 149 ||

sarasvatI sadAdhArA sarvama~NgalakAriNI |

sAmagAnapriyA sUkShmA sAvitrI sAmasambhavA || 150 ||

sarvAvAsA sadAnandA sustanI sAgarAmbarA |

sarvaishvaryapriyA siddhiH sAdhubandhuparAkramA || 151 ||

saptarShimaNDalagatA somamaNDalavAsinI |

sarvaj~nA sAndrakaruNA samAnAdhikavarjitA || 152 ||

sarvottuNgA saNgahInA sadguNA sakaleShTadA |

saradhA sUryatanayA sukeshI somasaMhatiH || 153 ||

hiraNyavarNA hariNI hrI~NkArI haMsavAhinI |

kShaumavastraparItA~NgI kShIrAbdhitanayA kShamA || 154 ||

gAyatrI chaiva sAvitrI pArvatI cha sarasvatI |

vedagarbhA varArohA shrIgAyatrI parAmbikA || 155 ||

iti sAhasrakaM nAmnAM gAyatryAshchaiva nArada |

puNyadaM sarvapApaghnaM mahAsampattidAyakam || 156 ||

evaM nAmAni gAyatryAstoShotpattikarANi hi |

aShTamyAM cha visheSheNa paThitavyaM dvijaiH saha || 157 ||

japaM kRRitvA homa pUjA dhyAnaM kRRitvA visheShataH |

yasmai kasmai na dAtavyaM gAyatryAstu visheShataH || 158 ||

subhaktAya sushiShyAya vaktavyaM bhUsurAya vai |

bhraShTebhyaH sAdhakebhyashcha bAndhavebhyo na darshayet || 159 ||

yadgRRihe likhitaM shAstraM bhayaM tasya na kasyachit |

cha~nchalApisthirA bhUtvA kamalA tatra tiShThati || 160 ||

idaM rahasyaM paramaM guhyAdguhyataraM mahat |

puNyapradaM manuShyANAM daridrANAM nidhipradam || 161 ||

mokShapradaM mumukShUNAM kAminAM sarvakAmadam |

rogAdvai muchyate rogI baddho muchyeta bandhanAt || 162 ||

brahmahatyA surApAnaM suvarNasteyino narAH |

gurutalpagato vApi pAtakAnmuchyate sakRRit || 163 ||

asatpratigrahAchchaivA.abhakShyabhakShAdvisheShataH |

pAkhaNDAnRRitamukhyebhyaH paThanAdeva muchyate || 164 ||

idaM rahasyamamalaM mayoktaM padmajodbhava |

brahmasAyujyadaM nRRINAM satyaM satyaM na saMshayaH || 165 ||

iti shrIdevIbhAgavate mahApurANe dvAdashaskandhe gAyatrIsahasranAma stotra kathanaM nAma ShaShTho.adhyAyaH ||