Sri Gayatri Sahasra Nama Stotram

zrI gAyatri sahasra nAma stotram

zloka 1

nArada uvAca –

bhagavansarvadharmajJa sarvazAstravizArada |

zrutismRtipurANAnAM rahasyaM tvanmukhAcchrutam || 1 ||

sarvapApaharaM deva yena vidyA pravartate |

kena vA brahmavijJAnaM kiM nu vA mokSasAdhanam || 2 ||

brAhmaNAnAM gatiH kena kena vA mRtyu nAzanam |

aihikAmuSmikaphalaM kena vA padmalocana || 3 ||

vaktumarhasyazeSeNa sarve nikhilamAditaH |

zrInArAyaNa uvAca –

sAdhu sAdhu mahAprAjJa samyak pRSTaM tvayA'nagha || 4 ||

zRNu vakSyAmi yatnena gAyatryaSTasahasrakam |

nAmnAM zubhAnAM divyAnAM sarvapApavinAzanam || 5 ||

sRSTyAdau yadbhagavatA pUrve proktaM bravImi te |

aSTottarasahasrasya RSirbrahmA prakIrtitaH || 6 ||

chando'nuSTuptathA devI gAyatrIM devatA smRtA |

halobIjAni tasyaiva svarAH zaktaya IritAH || 7 ||

aGganyAsakaranyAsAvucyete mAtRkAkSaraiH |

atha dhyAnaM pravakSyAmi sAdhakAnAM hitAya vai || 8 ||

dhyAnam

raktazvetahiraNyanIladhavalairyuktAM trinItrojjvalAM

raktAM raktanavasrajaM maNigaNairyuktAM kumArImimAm |

gAyatrIM kamalAsanAM karatalavyAnaddhakuNDAmbujAM

padmAkSIM ca varasrajaM ca dadhatIM haMsAdhirUDhAM bhaje || 9 ||

acintyalakSaNAvyaktApyarthamAtRmahezvarI |

amRtArNavamadhyasthApyajitA cAparAjitA || 10 ||

aNimAdiguNAdhArApyarkamaNDalasaMsthitA |

ajarAjAparAdharmA akSasUtradharAdharA || 11 ||

akArAdikSakArAntApyariSaDvargabhedinI |

aJjanAdripratIkAzApyaJjanAdrinivAsinI || 12 ||

aditizcAjapAvidyApyaravindanibhekSaNA |

antarbahiHsthitAvidyAdhvaMsinI cAntarAtmikA || 13 ||

ajA cAjamukhAvAsApyaravindanibhAnanA |

ardhamAtrArthadAnajJApyarimaNDalamardinI || 14 ||

asuraghnI hyamAvAsyApyalakSmIghnyantyajArcitA |

AdilakSmIzcAdizaktirAkRtizcAyatAnanA || 15 ||

AdityapadavIcArApyAdityaparisevitA |

AcAryAvartanAcArApyAdimUrtinivAsinI || 16 ||

AgneyI cAmarI cAdyA cArAdhyA cAsanasthitA |

AdhAranilayAdhArA cAkAzAntanivAsinI || 17 ||

AdyAkSarasamAyuktA cAntarAkAzarUpiNI |

AdityamaNDalagatA cAntaradhvAntanAzinI || 18 ||

indirA ceSTadA ceSTA cendIvaranibhekSaNA |

irAvatI cendrapadA cendrANI cendurUpiNI || 19 ||

ikSukodaNDasaMyuktA ceSusandhAnakAriNI |

indranIlasamAkArA ceDApiGgalarUpiNI || 20 ||

indrAkSIcezvarI devI cehAtrayavivarjitA |

umA coSA hyuDunibhA urvArukaphalAnanA || 21 ||

uDuprabhA coDumatI hyuDupA hyuDumadhyagA |

UrdhvA cApyUrdhvakezI cApyUrdhvAdhogatibhedinI || 22 ||

UrdhvabAhupriyA cormimAlAvAggranthadAyinI |

RtaM carSirRtumatI RSidevanamaskRtA || 23 ||

RgvedA RNahartrI ca RSimaNDalacAriNI |

RddhidA RjumArgasthA RjudharmA RjupradA || 24 ||

RgvedanilayA RjvI luptadharmapravartinI |

lUtArivarasambhUtA lUtAdiviSahAriNI || 25 ||

ekAkSarA caikamAtrA caikA caikaikaniSThitA |

aindrI hyairAvatArUDhA caihikAmuSmikapradA || 26 ||

oGkArA hyoSadhI cotA cotaprotanivAsinI |

aurvA hyauSadhasampannA aupAsanaphalapradA || 27 ||

aNDamadhyasthitA devI cAHkAramanurUpiNI |

kAtyAyanI kAlarAtriH kAmAkSI kAmasundarI || 28 ||

kamalA kAminI kAntA kAmadA kAlakaNThinI |

karikumbhastanabharA karavIrasuvAsinI || 29 ||

kalyANI kuNDalavatI kurukSetranivAsinI |

kuruvindadalAkArA kuNDalI kumudAlayA || 30 ||

kAlajihvA karAlAsyA kAlikA kAlarUpiNI |

kamanIyaguNA kAntiH kalAdhArA kumudvatI || 31 ||

kauzikI kamalAkArA kAmacAraprabhaJjinI |

kaumArI karuNApAGgI kakuvantA karipriyA || 32 ||

kesarI kezavanutA kadambakusumapriyA |

kAlindI kAlikA kAJcI kalazodbhavasaMstutA || 33 ||

kAmamAtA kratumatI kAmarUpA kRpAvatI |

kumArI kuNDanilayA kirAtI kIravAhanA || 34 ||

kaikeyI kokilAlApA ketakI kusumapriyA |

kamaNDaludharA kAlI karmanirmUlakAriNI || 35 ||

kalahaMsagatiH kakSA kRtakautukamaGgalA |

kastUrItilakA kamprA karIndragamanA kuhUH || 36 ||

karpUralepanA kRSNA kapilA kuharAzrayA |

kUTasthA kudharA kamrA kukSisthAkhilaviSTapA || 37 ||

khaDgakheTadharA kharvA khecarI khagavAhanA |

khaTvAGgadhAriNI khyAtA khagarAjoparisthitA || 38 ||

khalaghnI khaNDitajarA khaNDAkhyAnapradAyinI |

khaNDendutilakA gaGgA gaNezaguhapUjitA || 39 ||

gAyatrI gomatI gItA gAndhArI gAnalolupA |

gautamI gAminI gAdhA gandharvApsarasevitA || 40 ||

govindacaraNAkrAntA guNatrayavibhAvitA |

gandharvI gahvarI gotrA girIzA gahanA gamI || 41 ||

guhAvAsA guNavatI gurupApapraNAzinI |

gurvI guNavatI guhyA goptavyA guNadAyinI || 42 ||

girijA guhyamAtaGgI garuDadhvajavallabhA |

garvApahAriNI godA gokulasthA gadAdharA || 43 ||

gokarNanilayAsaktA guhyamaNDalavartinI |

gharmadA ghanadA ghaNTA ghoradAnavamardinI || 44 ||

ghRNimantramayI ghoSA ghanasampAtadAyinI |

ghaNTAravapriyA ghrANA ghRNisantuSTakAriNI || 45 ||

ghanArimaNDalA ghUrNA ghRtAcI ghanaveginI |

jJAnadhAtumayI carcA carcitA cAruhAsinI || 46 ||

caTulA caNDikA citrA citramAlyavibhUSitA |

caturbhujA cArudantA cAturI caritapradA || 47 ||

cUlikA citravastrAntA candramaHkarNakuNDalA |

candrahAsA cArudAtrI cakorI candrahAsinI || 48 ||

candrikA candradhAtrI ca caurI caurA ca caNDikA |

caJcadvAgvAdinI candracUDA coravinAzinI || 49 ||

cArucandanaliptAGgI caJcaccAmaravIjitA |

cArumadhyA cArugatizcandilA candrarUpiNI || 50 ||

cAruhomapriyA cArvAcaritA cakrabAhukA |

candramaNDalamadhyasthA candramaNDaladarpaNA || 51 ||

cakravAkastanI ceSTA citrA cAruvilAsinI |

citsvarUpA candravatI candramAzcandanapriyA || 52 ||

codayitrI ciraprajJA cAtakA cAruhetukI |

chatrayAtA chatradharA chAyA chandaHparicchadA || 53 ||

chAyAdevI chidranakhA channendriyavisarpiNI |

chando'nuSTuppratiSThAntA chidropadravabhedinI || 54 ||

chedA chatrezvarI chinnA churikA chedanapriyA |

jananI janmarahitA jAtavedA jaganmayI || 55 ||

jAhnavI jaTilA jetrI jarAmaraNavarjitA |

jambUdvIpavatI jvAlA jayantI jalazAlinI || 56 ||

jitendriyA jitakrodhA jitAmitrA jagatpriyA |

jAtarUpamayI jihvA jAnakI jagatI jarA || 57 ||

janitrI jahnutanayA jagattrayahitaiSiNI |

jvAlAmukhI japavatI jvaraghnI jitaviSTapA || 58 ||

jitAkrAntamayI jvAlA jAgratI jvaradevatA |

jvalantI jaladA jyeSThA jyAghoSAsphoTadiGmukhI || 59 ||

jambhinI jRmbhaNA jRmbhA jvalanmANikyakuNDalA |

jhiJjhikA jhaNanirghoSA jhaJjhAmArutaveginI || 60 ||

jhallarIvAdyakuzalA JarUpA JabhujA smRtA |

TaGkabANasamAyuktA TaGkinI TaGkabhedinI || 61 ||

TaGkIgaNakRtAghoSA TaGkanIyamahorasA |

TaGkArakAriNI devI ThaThazabdaninAdinI || 62 ||

DAmarI DAkinI DimbhA DuNDumAraikanirjitA |

DAmarItantramArgasthA DamaDDamarunAdinI || 63 ||

DiNDIravasahA DimbhalasatkrIDAparAyaNA |

DhuNDhivighnezajananI DhakkAhastA DhilivrajA || 64 ||

nityajJAnA nirupamA nirguNA narmadA nadI |

triguNA tripadA tantrI tulasI taruNA taruH || 65 ||

trivikramapadAkrAntA turIyapadagAminI |

taruNAdityasaGkAzA tAmasI tuhinA turA || 66 ||

trikAlajJAnasampannA triveNI ca trilocanA |

trizaktistripurA tuGgA turaGgavadanA tathA || 67 ||

timiGgilagilA tIvrA trisrotA tAmasAdinI |

tantramantravizeSajJA tanumadhyA triviSTapA || 68 ||

trisandhyA tristanI toSAsaMsthA tAlapratApinI |

tATaGkinI tuSArAbhA tuhinAcalavAsinI || 69 ||

tantujAlasamAyuktA tArahArAvalipriyA |

tilahomapriyA tIrthA tamAlakusumAkRtiH || 70 ||

tArakA triyutA tanvI trizaGkuparivAritA |

talodarI tilAbhUSA tATaGkapriyavAdinI || 71 ||

trijaTA tittirI tRSNA trividhA taruNAkRtiH |

taptakAJcanasaGkAzA taptakAJcanabhUSaNA || 72 ||

traiyambakA trivargA ca trikAlajJAnadAyinI |

tarpaNA tRptidA tRptA tAmasI tumburustutA || 73 ||

tArkSyasthA triguNAkArA tribhaGgI tanuvallariH |

thAtkArI thAravA thAntA dohinI dInavatsalA || 74 ||

dAnavAntakarI durgA durgAsuranibarhiNI |

devarItirdivArAtrirdraupadI dundubhisvanA || 75 ||

devayAnI durAvAsA dAridryodbhedinI divA |

dAmodarapriyA dIptA digvAsA digvimohinI || 76 ||

daNDakAraNyanilayA daNDinI devapUjitA |

devavandyA diviSadA dveSiNI dAnavAkRtiH || 77 ||

dInAnAthastutA dIkSA daivatAdisvarUpiNI |

dhAtrI dhanurdharA dhenurdhAriNI dharmacAriNI || 78 ||

dhurandharA dharAdhArA dhanadA dhAnyadohinI |

dharmazIlA dhanAdhyakSA dhanurvedavizAradA || 79 ||

dhRtirdhanyA dhRtapadA dharmarAjapriyA dhruvA |

dhUmAvatI dhUmakezI dharmazAstraprakAzinI || 80 ||

nandA nandapriyA nidrA nRnutA nandanAtmikA |

narmadA nalinI nIlA nIlakaNThasamAzrayA || 81 ||

nArAyaNapriyA nityA nirmalA nirguNA nidhiH |

nirAdhArA nirupamA nityazuddhA niraJjanA || 82 ||

nAdabindukalAtItA nAdabindukalAtmikA |

nRsiMhinI nagadharA nRpanAgavibhUSitA || 83 ||

narakaklezazamanI nArAyaNapadodbhavA |

niravadyA nirAkArA nAradapriyakAriNI || 84 ||

nAnAjyotiH samAkhyAtA nidhidA nirmalAtmikA |

navasUtradharA nItirnirupadravakAriNI || 85 ||

nandajA navaratnADhyA naimiSAraNyavAsinI |

navanItapriyA nArI nIlajImUtanisvanA || 86 ||

nimeSiNI nadIrUpA nIlagrIvA nizIzvarI |

nAmAvalirnizumbhaghnI nAgalokanivAsinI || 87 ||

navajAmbUnadaprakhyA nAgalokAdhidevatA |

nUpurAkrAntacaraNA naracittapramodinI || 88 ||

nimagnAraktanayanA nirghAtasamanisvanA |

nandanodyAnanilayA nirvyUhoparicAriNI || 89 ||

pArvatI paramodArA parabrahmAtmikA parA |

paJcakozavinirmuktA paJcapAtakanAzinI || 90 ||

paracittavidhAnajJA paJcikA paJcarUpiNI |

pUrNimA paramA prItiH paratejaH prakAzinI || 91 ||

purANI pauruSI puNyA puNDarIkanibhekSaNA |

pAtAlatalanirmagnA prItA prItivivardhinI || 92 ||

pAvanI pAdasahitA pezalA pavanAzinI |

prajApatiH parizrAntA parvatastanamaNDalA || 93 ||

padmapriyA padmasaMsthA padmAkSI padmasambhavA |

padmapatrA padmapadA padminI priyabhASiNI || 94 ||

pazupAzavinirmuktA purandhrI puravAsinI |

puSkalA puruSA parvA pArijAtasumapriyA || 95 ||

pativratA pavitrAGgI puSpahAsaparAyaNA |

prajJAvatIsutA pautrI putrapUjyA payasvinI || 96 ||

paTTipAzadharA paGktiH pitRlokapradAyinI |

purANI puNyazIlA ca praNatArtivinAzinI || 97 ||

pradyumnajananI puSTA pitAmahaparigrahA |

puNDarIkapurAvAsA puNDarIkasamAnanA || 98 ||

pRthujaGghA pRthubhujA pRthupAdA pRthUdarI |

pravAlazobhA piGgAkSI pItavAsAH pracApalA || 99 ||

prasavA puSTidA puNyA pratiSThA praNavAgatiH |

paJcavarNA paJcavANI paJcikA paJjarasthitA || 100 ||

paramAyA parajyotiH paraprItiH parAgatiH |

parAkASThA parezAnI pAvanI pAvakadyutiH || 101 ||

puNyabhadrA paricchedyA puSpahAsA pRthUdarI |

pItAGgI pItavasanA pItazayyA pizAcinI || 102 ||

pItakriyA pizAcaghnI pATalAkSI paTukriyA |

paJcabhakSapriyAcArA pUtanAprANaghAtinI || 103 ||

punnAgavanamadhyasthA puNyatIrthaniSevitA |

paJcAGgI ca parAzaktiH paramAhlAdakAriNI || 104 ||

puSpakANDasthitA pUSA poSitAkhilaviSTapA |

prANapriyA paJcazikhA pannagoparizAyinI || 105 ||

paJcamAtrAtmikA pRthvI pathikA pRthudohinI |

purANanyAyamImAMsA pATalI puSpagandhinI || 106 ||

puNyaprajA pAradAtrI paramArgaikagocarA |

pravAlazobhA pUrNAzA praNavA pallavodarI || 107 ||

phalinI phaladA phalguH phUtkArI phalakAkRtiH |

phaNIndrabhogazayanA phaNimaNDalamaNDitA || 108 ||

bAlabAlA bahumatA bAlAtapanibhAMzukA |

balabhadrapriyA vandyA baDavA buddhisaMstutA || 109 ||

bandIdevI bilavatI baDizaghnI balipriyA |

bAndhavI bodhitA buddhirbandhUkakusumapriyA || 110 ||

bAlabhAnuprabhAkArA brAhmI brAhmaNadevatA |

bRhaspatistutA bRndA bRndAvanavihAriNI || 111 ||

bAlAkinI bilAhArA bilavAsA bahUdakA |

bahunetrA bahupadA bahukarNAvataMsikA || 112 ||

bahubAhuyutA bIjarUpiNI bahurUpiNI |

bindunAdakalAtItA bindunAdasvarUpiNI || 113 ||

baddhagodhAGgulitrANA badaryAzramavAsinI |

bRndArakA bRhatskandhA bRhatI bANapAtinI || 114 ||

bRndAdhyakSA bahunutA vanitA bahuvikramA |

baddhapadmAsanAsInA bilvapatratalasthitA || 115 ||

bodhidrumanijAvAsA baDisthA bindudarpaNA |

bAlA bANAsanavatI baDabAnalaveginI || 116 ||

brahmANDabahirantaHsthA brahmakaGkaNasUtriNI |

bhavAnI bhISaNavatI bhAvinI bhayahAriNI || 117 ||

bhadrakAlI bhujaGgAkSI bhAratI bhAratAzayA |

bhairavI bhISaNAkArA bhUtidA bhUtimAlinI || 118 ||

bhAminI bhoganiratA bhadradA bhUrivikramA |

bhUtavAsA bhRgulatA bhArgavI bhUsurArcitA || 119 ||

bhAgIrathI bhogavatI bhavanasthA bhiSagvarA |

bhAminI bhoginI bhASA bhavAnI bhUridakSiNA || 120 ||

bhargAtmikA bhImavatI bhavabandhavimocinI |

bhajanIyA bhUtadhAtrIraJjitA bhuvanezvarI || 121 ||

bhujaGgavalayA bhImA bheruNDA bhAgadheyinI |

mAtA mAyA madhumatI madhujihvA madhupriyA || 122 ||

mahAdevI mahAbhAgA mAlinI mInalocanA |

mAyAtItA madhumatI madhumAMsA madhudravA || 123 ||

mAnavI madhusambhUtA mithilApuravAsinI |

madhukaiTabhasaMhartrI medinI meghamAlinI || 124 ||

mandodarI mahAmAyA maithilI masRNapriyA |

mahAlakSmIrmahAkAlI mahAkanyA mahezvarI || 125 ||

mAhendrI merutanayA mandArakusumArcitA |

maJjumaJjIracaraNA mokSadA maJjubhASiNI || 126 ||

madhuradrAviNI mudrA malayA malayAnvitA |

medhA marakatazyAmA mAgadhI menakAtmajA || 127 ||

mahAmArI mahAvIrA mahAzyAmA manustutA |

mAtRkA mihirAbhAsA mukundapadavikramA || 128 ||

mUlAdhArasthitA mugdhA maNipUrakavAsinI |

mRgAkSI mahiSArUDhA mahiSAsuramardinI || 129 ||

yogAsanA yogagamyA yogA yauvanakAzrayA |

yauvanI yuddhamadhyasthA yamunA yugadhAriNI || 130 ||

yakSiNI yogayuktA ca yakSarAjaprasUtinI |

yAtrA yAnavidhAnajJA yaduvaMzasamudbhavA || 131 ||

yakArAdihakArAntA yAjuSI yajJarUpiNI |

yAminI yoganiratA yAtudhAnabhayaGkarI || 132 ||

rukmiNI ramaNI rAmA revatI reNukA ratiH |

raudrI raudrapriyAkArA rAmamAtA ratipriyA || 133 ||

rohiNI rAjyadA revA ramA rAjIvalocanA |

rAkezI rUpasampannA ratnasiMhAsanasthitA || 134 ||

raktamAlyAmbaradharA raktagandhAnulepanA |

rAjahaMsasamArUDhA rambhA raktabalipriyA || 135 ||

ramaNIyayugAdhArA rAjitAkhilabhUtalA |

rurucarmaparIdhAnA rathinI ratnamAlikA || 136 ||

rogezI rogazamanI rAviNI romaharSiNI |

rAmacandrapadAkrAntA rAvaNacchedakAriNI || 137 ||

ratnavastraparicchannA rathasthA rukmabhUSaNA |

lajjAdhidevatA lolA lalitA liGgadhAriNI || 138 ||

lakSmIrlolA luptaviSA lokinI lokavizrutA |

lajjA lambodarI devI lalanA lokadhAriNI || 139 ||

varadA vanditA vidyA vaiSNavI vimalAkRtiH |

vArAhI virajA varSA varalakSmIrvilAsinI || 140 ||

vinatA vyomamadhyasthA vArijAsanasaMsthitA |

vAruNI veNusambhUtA vItihotrA virUpiNI || 141 ||

vAyumaNDalamadhyasthA viSNurUpA vidhipriyA |

viSNupatnI viSNumatI vizAlAkSI vasundharA || 142 ||

vAmadevapriyA velA vajriNI vasudohinI |

vedAkSaraparItAGgI vAjapeyaphalapradA || 143 ||

vAsavI vAmajananI vaikuNThanilayA varA |

vyAsapriyA varmadharA vAlmIkiparisevitA || 144 ||

zAkambharI zivA zAntA zAradA zaraNAgatiH |

zAtodarI zubhAcArA zumbhAsuravimardinI || 145 ||

zobhAvatI zivAkArA zaGkarArdhazarIriNI |

zoNA zubhAzayA zubhrA ziraHsandhAnakAriNI || 146 ||

zarAvatI zarAnandA zarajjyotsnA zubhAnanA |

zarabhA zUlinI zuddhA zabarI zukavAhanA || 147 ||

zrImatI zrIdharAnandA zravaNAnandadAyinI |

zarvANI zarvarIvandyA SaDbhASA SaDRtupriyA || 148 ||

SaDAdhArasthitA devI SaNmukhapriyakAriNI |

SaDaGgarUpasumatI surAsuranamaskRtA || 149 ||

sarasvatI sadAdhArA sarvamaGgalakAriNI |

sAmagAnapriyA sUkSmA sAvitrI sAmasambhavA || 150 ||

sarvAvAsA sadAnandA sustanI sAgarAmbarA |

sarvaizvaryapriyA siddhiH sAdhubandhuparAkramA || 151 ||

saptarSimaNDalagatA somamaNDalavAsinI |

sarvajJA sAndrakaruNA samAnAdhikavarjitA || 152 ||

sarvottuGgA saGgahInA sadguNA sakaleSTadA |

saradhA sUryatanayA sukezI somasaMhatiH || 153 ||

hiraNyavarNA hariNI hrIGkArI haMsavAhinI |

kSaumavastraparItAGgI kSIrAbdhitanayA kSamA || 154 ||

gAyatrI caiva sAvitrI pArvatI ca sarasvatI |

vedagarbhA varArohA zrIgAyatrI parAmbikA || 155 ||

iti sAhasrakaM nAmnAM gAyatryAzcaiva nArada |

puNyadaM sarvapApaghnaM mahAsampattidAyakam || 156 ||

evaM nAmAni gAyatryAstoSotpattikarANi hi |

aSTamyAM ca vizeSeNa paThitavyaM dvijaiH saha || 157 ||

japaM kRtvA homa pUjA dhyAnaM kRtvA vizeSataH |

yasmai kasmai na dAtavyaM gAyatryAstu vizeSataH || 158 ||

subhaktAya suziSyAya vaktavyaM bhUsurAya vai |

bhraSTebhyaH sAdhakebhyazca bAndhavebhyo na darzayet || 159 ||

yadgRhe likhitaM zAstraM bhayaM tasya na kasyacit |

caJcalApisthirA bhUtvA kamalA tatra tiSThati || 160 ||

idaM rahasyaM paramaM guhyAdguhyataraM mahat |

puNyapradaM manuSyANAM daridrANAM nidhipradam || 161 ||

mokSapradaM mumukSUNAM kAminAM sarvakAmadam |

rogAdvai mucyate rogI baddho mucyeta bandhanAt || 162 ||

brahmahatyA surApAnaM suvarNasteyino narAH |

gurutalpagato vApi pAtakAnmucyate sakRt || 163 ||

asatpratigrahAccaivA'bhakSyabhakSAdvizeSataH |

pAkhaNDAnRtamukhyebhyaH paThanAdeva mucyate || 164 ||

idaM rahasyamamalaM mayoktaM padmajodbhava |

brahmasAyujyadaM nRRNAM satyaM satyaM na saMzayaH || 165 ||

iti zrIdevIbhAgavate mahApurANe dvAdazaskandhe gAyatrIsahasranAma stotra kathanaM nAma SaSTho'dhyAyaH ||