Sri Gayatri Sahasra Nama Stotram

শ্রী গাযত্রি সহস্র নাম স্তোত্রম্

শ্লোক 1

নারদ উবাচ –

ভগবন্সর্বধর্মজ্ঞ সর্বশাস্ত্রবিশারদ ।

শ্রুতিস্মৃতিপুরাণানাং রহস্যং ত্বন্মুখাচ্ছ্রুতম্

শ্লোক 2

সর্বপাপহরং দেব যেন বিদ্যা প্রবর্ততে ।

কেন বা ব্রহ্মবিজ্ঞানং কিং নু বা মোক্ষসাধনম্

॥ 1 ॥

শ্লোক 3

ব্রাহ্মণানাং গতিঃ কেন কেন বা মৃত্যু নাশনম্ ।

ঐহিকামুষ্মিকফলং কেন বা পদ্মলোচন

॥ 2 ॥

শ্লোক 4

বক্তুমর্হস্যশেষেণ সর্বে নিখিলমাদিতঃ ।

শ্রীনারাযণ উবাচ –

সাধু সাধু মহাপ্রাজ্ঞ সম্যক্ পৃষ্টং ত্বযাঽনঘ

॥ 3 ॥

শ্লোক 5

শৃণু বক্ষ্যামি যত্নেন গাযত্র্যষ্টসহস্রকম্ ।

নাম্নাং শুভানাং দিব্যানাং সর্বপাপবিনাশনম্

॥ 4 ॥

শ্লোক 6

সৃষ্ট্যাদৌ যদ্ভগবতা পূর্বে প্রোক্তং ব্রবীমি তে ।

অষ্টোত্তরসহস্রস্য ঋষির্ব্রহ্মা প্রকীর্তিতঃ

॥ 5 ॥

শ্লোক 7

ছন্দোঽনুষ্টুপ্তথা দেবী গাযত্রীং দেবতা স্মৃতা ।

হলোবীজানি তস্যৈব স্বরাঃ শক্তয ঈরিতাঃ

॥ 6 ॥

শ্লোক 8

অঙ্গন্যাসকরন্যাসাবুচ্যেতে মাতৃকাক্ষরৈঃ ।

অথ ধ্যানং প্রবক্ষ্যামি সাধকানাং হিতায বৈ

॥ 7 ॥

শ্লোক 9

ধ্যানম্

রক্তশ্বেতহিরণ্যনীলধবলৈর্যুক্তাং ত্রিনীত্রোজ্জ্বলাং

রক্তাং রক্তনবস্রজং মণিগণৈর্যুক্তাং কুমারীমিমাম্ ।

গাযত্রীং কমলাসনাং করতলব্যানদ্ধকুণ্ডাম্বুজাং

পদ্মাক্ষীং চ বরস্রজং চ দধতীং হংসাধিরূঢাং ভজে

॥ 8 ॥

শ্লোক 10

অচিন্ত্যলক্ষণাব্যক্তাপ্যর্থমাতৃমহেশ্বরী ।

অমৃতার্ণবমধ্যস্থাপ্যজিতা চাপরাজিতা

॥ 9 ॥

শ্লোক 11

অণিমাদিগুণাধারাপ্যর্কমণ্ডলসংস্থিতা ।

অজরাজাপরাধর্মা অক্ষসূত্রধরাধরা

॥ 10 ॥

শ্লোক 12

অকারাদিক্ষকারান্তাপ্যরিষড্বর্গভেদিনী ।

অঞ্জনাদ্রিপ্রতীকাশাপ্যঞ্জনাদ্রিনিবাসিনী

॥ 11 ॥

শ্লোক 13

অদিতিশ্চাজপাবিদ্যাপ্যরবিন্দনিভেক্ষণা ।

অন্তর্বহিঃস্থিতাবিদ্যাধ্বংসিনী চান্তরাত্মিকা

॥ 12 ॥

শ্লোক 14

অজা চাজমুখাবাসাপ্যরবিন্দনিভাননা ।

অর্ধমাত্রার্থদানজ্ঞাপ্যরিমণ্ডলমর্দিনী

॥ 13 ॥

শ্লোক 15

অসুরঘ্নী হ্যমাবাস্যাপ্যলক্ষ্মীঘ্ন্যন্ত্যজার্চিতা ।

আদিলক্ষ্মীশ্চাদিশক্তিরাকৃতিশ্চাযতাননা

॥ 14 ॥

শ্লোক 16

আদিত্যপদবীচারাপ্যাদিত্যপরিসেবিতা ।

আচার্যাবর্তনাচারাপ্যাদিমূর্তিনিবাসিনী

॥ 15 ॥

শ্লোক 17

আগ্নেযী চামরী চাদ্যা চারাধ্যা চাসনস্থিতা ।

আধারনিলযাধারা চাকাশান্তনিবাসিনী

॥ 16 ॥

শ্লোক 18

আদ্যাক্ষরসমাযুক্তা চান্তরাকাশরূপিণী ।

আদিত্যমণ্ডলগতা চান্তরধ্বান্তনাশিনী

॥ 17 ॥

শ্লোক 19

ইন্দিরা চেষ্টদা চেষ্টা চেন্দীবরনিভেক্ষণা ।

ইরাবতী চেন্দ্রপদা চেন্দ্রাণী চেন্দুরূপিণী

॥ 18 ॥

শ্লোক 20

ইক্ষুকোদণ্ডসংযুক্তা চেষুসন্ধানকারিণী ।

ইন্দ্রনীলসমাকারা চেডাপিঙ্গলরূপিণী

॥ 19 ॥

শ্লোক 21

ইন্দ্রাক্ষীচেশ্বরী দেবী চেহাত্রযবিবর্জিতা ।

উমা চোষা হ্যুডুনিভা উর্বারুকফলাননা

॥ 20 ॥

শ্লোক 22

উডুপ্রভা চোডুমতী হ্যুডুপা হ্যুডুমধ্যগা ।

ঊর্ধ্বা চাপ্যূর্ধ্বকেশী চাপ্যূর্ধ্বাধোগতিভেদিনী

॥ 21 ॥

শ্লোক 23

ঊর্ধ্ববাহুপ্রিযা চোর্মিমালাবাগ্গ্রন্থদাযিনী ।

ঋতং চর্ষিরৃতুমতী ঋষিদেবনমস্কৃতা

॥ 22 ॥

শ্লোক 24

ঋগ্বেদা ঋণহর্ত্রী চ ঋষিমণ্ডলচারিণী ।

ঋদ্ধিদা ঋজুমার্গস্থা ঋজুধর্মা ঋজুপ্রদা

॥ 23 ॥

শ্লোক 25

ঋগ্বেদনিলযা ঋজ্বী লুপ্তধর্মপ্রবর্তিনী ।

লূতারিবরসম্ভূতা লূতাদিবিষহারিণী

॥ 24 ॥

শ্লোক 26

একাক্ষরা চৈকমাত্রা চৈকা চৈকৈকনিষ্ঠিতা ।

ঐন্দ্রী হ্যৈরাবতারূঢা চৈহিকামুষ্মিকপ্রদা

॥ 25 ॥

শ্লোক 27

ওঙ্কারা হ্যোষধী চোতা চোতপ্রোতনিবাসিনী ।

ঔর্বা হ্যৌষধসম্পন্না ঔপাসনফলপ্রদা

॥ 26 ॥

শ্লোক 28

অণ্ডমধ্যস্থিতা দেবী চাঃকারমনুরূপিণী ।

কাত্যাযনী কালরাত্রিঃ কামাক্ষী কামসুন্দরী

॥ 27 ॥

শ্লোক 29

কমলা কামিনী কান্তা কামদা কালকণ্ঠিনী ।

করিকুম্ভস্তনভরা করবীরসুবাসিনী

॥ 28 ॥

শ্লোক 30

কল্যাণী কুণ্ডলবতী কুরুক্ষেত্রনিবাসিনী ।

কুরুবিন্দদলাকারা কুণ্ডলী কুমুদালযা

॥ 29 ॥

শ্লোক 31

কালজিহ্বা করালাস্যা কালিকা কালরূপিণী ।

কমনীযগুণা কান্তিঃ কলাধারা কুমুদ্বতী

॥ 30 ॥

শ্লোক 32

কৌশিকী কমলাকারা কামচারপ্রভঞ্জিনী ।

কৌমারী করুণাপাঙ্গী ককুবন্তা করিপ্রিযা

॥ 31 ॥

শ্লোক 33

কেসরী কেশবনুতা কদম্বকুসুমপ্রিযা ।

কালিন্দী কালিকা কাঞ্চী কলশোদ্ভবসংস্তুতা

॥ 32 ॥

শ্লোক 34

কামমাতা ক্রতুমতী কামরূপা কৃপাবতী ।

কুমারী কুণ্ডনিলযা কিরাতী কীরবাহনা

॥ 33 ॥

শ্লোক 35

কৈকেযী কোকিলালাপা কেতকী কুসুমপ্রিযা ।

কমণ্ডলুধরা কালী কর্মনির্মূলকারিণী

॥ 34 ॥

শ্লোক 36

কলহংসগতিঃ কক্ষা কৃতকৌতুকমঙ্গলা ।

কস্তূরীতিলকা কম্প্রা করীন্দ্রগমনা কুহূঃ

॥ 35 ॥

শ্লোক 37

কর্পূরলেপনা কৃষ্ণা কপিলা কুহরাশ্রযা ।

কূটস্থা কুধরা কম্রা কুক্ষিস্থাখিলবিষ্টপা

॥ 36 ॥

শ্লোক 38

খড্গখেটধরা খর্বা খেচরী খগবাহনা ।

খট্বাঙ্গধারিণী খ্যাতা খগরাজোপরিস্থিতা

॥ 37 ॥

শ্লোক 39

খলঘ্নী খণ্ডিতজরা খণ্ডাখ্যানপ্রদাযিনী ।

খণ্ডেন্দুতিলকা গঙ্গা গণেশগুহপূজিতা

॥ 38 ॥

শ্লোক 40

গাযত্রী গোমতী গীতা গান্ধারী গানলোলুপা ।

গৌতমী গামিনী গাধা গন্ধর্বাপ্সরসেবিতা

॥ 39 ॥

শ্লোক 41

গোবিন্দচরণাক্রান্তা গুণত্রযবিভাবিতা ।

গন্ধর্বী গহ্বরী গোত্রা গিরীশা গহনা গমী

॥ 40 ॥

শ্লোক 42

গুহাবাসা গুণবতী গুরুপাপপ্রণাশিনী ।

গুর্বী গুণবতী গুহ্যা গোপ্তব্যা গুণদাযিনী

॥ 41 ॥

শ্লোক 43

গিরিজা গুহ্যমাতঙ্গী গরুডধ্বজবল্লভা ।

গর্বাপহারিণী গোদা গোকুলস্থা গদাধরা

॥ 42 ॥

শ্লোক 44

গোকর্ণনিলযাসক্তা গুহ্যমণ্ডলবর্তিনী ।

ঘর্মদা ঘনদা ঘণ্টা ঘোরদানবমর্দিনী

॥ 43 ॥

শ্লোক 45

ঘৃণিমন্ত্রমযী ঘোষা ঘনসম্পাতদাযিনী ।

ঘণ্টারবপ্রিযা ঘ্রাণা ঘৃণিসন্তুষ্টকারিণী

॥ 44 ॥

শ্লোক 46

ঘনারিমণ্ডলা ঘূর্ণা ঘৃতাচী ঘনবেগিনী ।

জ্ঞানধাতুমযী চর্চা চর্চিতা চারুহাসিনী

॥ 45 ॥

শ্লোক 47

চটুলা চণ্ডিকা চিত্রা চিত্রমাল্যবিভূষিতা ।

চতুর্ভুজা চারুদন্তা চাতুরী চরিতপ্রদা

॥ 46 ॥

শ্লোক 48

চূলিকা চিত্রবস্ত্রান্তা চন্দ্রমঃকর্ণকুণ্ডলা ।

চন্দ্রহাসা চারুদাত্রী চকোরী চন্দ্রহাসিনী

॥ 47 ॥

শ্লোক 49

চন্দ্রিকা চন্দ্রধাত্রী চ চৌরী চৌরা চ চণ্ডিকা ।

চঞ্চদ্বাগ্বাদিনী চন্দ্রচূডা চোরবিনাশিনী

॥ 48 ॥

শ্লোক 50

চারুচন্দনলিপ্তাঙ্গী চঞ্চচ্চামরবীজিতা ।

চারুমধ্যা চারুগতিশ্চন্দিলা চন্দ্ররূপিণী

॥ 49 ॥

শ্লোক 51

চারুহোমপ্রিযা চার্বাচরিতা চক্রবাহুকা ।

চন্দ্রমণ্ডলমধ্যস্থা চন্দ্রমণ্ডলদর্পণা

॥ 50 ॥

শ্লোক 52

চক্রবাকস্তনী চেষ্টা চিত্রা চারুবিলাসিনী ।

চিত্স্বরূপা চন্দ্রবতী চন্দ্রমাশ্চন্দনপ্রিযা

॥ 51 ॥

শ্লোক 53

চোদযিত্রী চিরপ্রজ্ঞা চাতকা চারুহেতুকী ।

ছত্রযাতা ছত্রধরা ছাযা ছন্দঃপরিচ্ছদা

॥ 52 ॥

শ্লোক 54

ছাযাদেবী ছিদ্রনখা ছন্নেন্দ্রিযবিসর্পিণী ।

ছন্দোঽনুষ্টুপ্প্রতিষ্ঠান্তা ছিদ্রোপদ্রবভেদিনী

॥ 53 ॥

শ্লোক 55

ছেদা ছত্রেশ্বরী ছিন্না ছুরিকা ছেদনপ্রিযা ।

জননী জন্মরহিতা জাতবেদা জগন্মযী

॥ 54 ॥

শ্লোক 56

জাহ্নবী জটিলা জেত্রী জরামরণবর্জিতা ।

জম্বূদ্বীপবতী জ্বালা জযন্তী জলশালিনী

॥ 55 ॥

শ্লোক 57

জিতেন্দ্রিযা জিতক্রোধা জিতামিত্রা জগত্প্রিযা ।

জাতরূপমযী জিহ্বা জানকী জগতী জরা

॥ 56 ॥

শ্লোক 58

জনিত্রী জহ্নুতনযা জগত্ত্রযহিতৈষিণী ।

জ্বালামুখী জপবতী জ্বরঘ্নী জিতবিষ্টপা

॥ 57 ॥

শ্লোক 59

জিতাক্রান্তমযী জ্বালা জাগ্রতী জ্বরদেবতা ।

জ্বলন্তী জলদা জ্যেষ্ঠা জ্যাঘোষাস্ফোটদিঙ্মুখী

॥ 58 ॥

শ্লোক 60

জম্ভিনী জৃম্ভণা জৃম্ভা জ্বলন্মাণিক্যকুণ্ডলা ।

ঝিঞ্ঝিকা ঝণনির্ঘোষা ঝঞ্ঝামারুতবেগিনী

॥ 59 ॥

শ্লোক 61

ঝল্লরীবাদ্যকুশলা ঞরূপা ঞভুজা স্মৃতা ।

টঙ্কবাণসমাযুক্তা টঙ্কিনী টঙ্কভেদিনী

॥ 60 ॥

শ্লোক 62

টঙ্কীগণকৃতাঘোষা টঙ্কনীযমহোরসা ।

টঙ্কারকারিণী দেবী ঠঠশব্দনিনাদিনী

॥ 61 ॥

শ্লোক 63

ডামরী ডাকিনী ডিম্ভা ডুণ্ডুমারৈকনির্জিতা ।

ডামরীতন্ত্রমার্গস্থা ডমড্ডমরুনাদিনী

॥ 62 ॥

শ্লোক 64

ডিণ্ডীরবসহা ডিম্ভলসত্ক্রীডাপরাযণা ।

ঢুণ্ঢিবিঘ্নেশজননী ঢক্কাহস্তা ঢিলিব্রজা

॥ 63 ॥

শ্লোক 65

নিত্যজ্ঞানা নিরুপমা নির্গুণা নর্মদা নদী ।

ত্রিগুণা ত্রিপদা তন্ত্রী তুলসী তরুণা তরুঃ

॥ 64 ॥

শ্লোক 66

ত্রিবিক্রমপদাক্রান্তা তুরীযপদগামিনী ।

তরুণাদিত্যসঙ্কাশা তামসী তুহিনা তুরা

॥ 65 ॥

শ্লোক 67

ত্রিকালজ্ঞানসম্পন্না ত্রিবেণী চ ত্রিলোচনা ।

ত্রিশক্তিস্ত্রিপুরা তুঙ্গা তুরঙ্গবদনা তথা

॥ 66 ॥

শ্লোক 68

তিমিঙ্গিলগিলা তীব্রা ত্রিস্রোতা তামসাদিনী ।

তন্ত্রমন্ত্রবিশেষজ্ঞা তনুমধ্যা ত্রিবিষ্টপা

॥ 67 ॥

শ্লোক 69

ত্রিসন্ধ্যা ত্রিস্তনী তোষাসংস্থা তালপ্রতাপিনী ।

তাটঙ্কিনী তুষারাভা তুহিনাচলবাসিনী

॥ 68 ॥

শ্লোক 70

তন্তুজালসমাযুক্তা তারহারাবলিপ্রিযা ।

তিলহোমপ্রিযা তীর্থা তমালকুসুমাকৃতিঃ

॥ 69 ॥

শ্লোক 71

তারকা ত্রিযুতা তন্বী ত্রিশঙ্কুপরিবারিতা ।

তলোদরী তিলাভূষা তাটঙ্কপ্রিযবাদিনী

॥ 70 ॥

শ্লোক 72

ত্রিজটা তিত্তিরী তৃষ্ণা ত্রিবিধা তরুণাকৃতিঃ ।

তপ্তকাঞ্চনসঙ্কাশা তপ্তকাঞ্চনভূষণা

॥ 71 ॥

শ্লোক 73

ত্রৈযম্বকা ত্রিবর্গা চ ত্রিকালজ্ঞানদাযিনী ।

তর্পণা তৃপ্তিদা তৃপ্তা তামসী তুম্বুরুস্তুতা

॥ 72 ॥

শ্লোক 74

তার্ক্ষ্যস্থা ত্রিগুণাকারা ত্রিভঙ্গী তনুবল্লরিঃ ।

থাত্কারী থারবা থান্তা দোহিনী দীনবত্সলা

॥ 73 ॥

শ্লোক 75

দানবান্তকরী দুর্গা দুর্গাসুরনিবর্হিণী ।

দেবরীতির্দিবারাত্রির্দ্রৌপদী দুন্দুভিস্বনা

॥ 74 ॥

শ্লোক 76

দেবযানী দুরাবাসা দারিদ্র্যোদ্ভেদিনী দিবা ।

দামোদরপ্রিযা দীপ্তা দিগ্বাসা দিগ্বিমোহিনী

॥ 75 ॥

শ্লোক 77

দণ্ডকারণ্যনিলযা দণ্ডিনী দেবপূজিতা ।

দেববন্দ্যা দিবিষদা দ্বেষিণী দানবাকৃতিঃ

॥ 76 ॥

শ্লোক 78

দীনানাথস্তুতা দীক্ষা দৈবতাদিস্বরূপিণী ।

ধাত্রী ধনুর্ধরা ধেনুর্ধারিণী ধর্মচারিণী

॥ 77 ॥

শ্লোক 79

ধুরন্ধরা ধরাধারা ধনদা ধান্যদোহিনী ।

ধর্মশীলা ধনাধ্যক্ষা ধনুর্বেদবিশারদা

॥ 78 ॥

শ্লোক 80

ধৃতির্ধন্যা ধৃতপদা ধর্মরাজপ্রিযা ধ্রুবা ।

ধূমাবতী ধূমকেশী ধর্মশাস্ত্রপ্রকাশিনী

॥ 79 ॥

শ্লোক 81

নন্দা নন্দপ্রিযা নিদ্রা নৃনুতা নন্দনাত্মিকা ।

নর্মদা নলিনী নীলা নীলকণ্ঠসমাশ্রযা

॥ 80 ॥

শ্লোক 82

নারাযণপ্রিযা নিত্যা নির্মলা নির্গুণা নিধিঃ ।

নিরাধারা নিরুপমা নিত্যশুদ্ধা নিরঞ্জনা

॥ 81 ॥

শ্লোক 83

নাদবিন্দুকলাতীতা নাদবিন্দুকলাত্মিকা ।

নৃসিংহিনী নগধরা নৃপনাগবিভূষিতা

॥ 82 ॥

শ্লোক 84

নরকক্লেশশমনী নারাযণপদোদ্ভবা ।

নিরবদ্যা নিরাকারা নারদপ্রিযকারিণী

॥ 83 ॥

শ্লোক 85

নানাজ্যোতিঃ সমাখ্যাতা নিধিদা নির্মলাত্মিকা ।

নবসূত্রধরা নীতির্নিরুপদ্রবকারিণী

॥ 84 ॥

শ্লোক 86

নন্দজা নবরত্নাঢ্যা নৈমিষারণ্যবাসিনী ।

নবনীতপ্রিযা নারী নীলজীমূতনিস্বনা

॥ 85 ॥

শ্লোক 87

নিমেষিণী নদীরূপা নীলগ্রীবা নিশীশ্বরী ।

নামাবলির্নিশুম্ভঘ্নী নাগলোকনিবাসিনী

॥ 86 ॥

শ্লোক 88

নবজাম্বূনদপ্রখ্যা নাগলোকাধিদেবতা ।

নূপুরাক্রান্তচরণা নরচিত্তপ্রমোদিনী

॥ 87 ॥

শ্লোক 89

নিমগ্নারক্তনযনা নির্ঘাতসমনিস্বনা ।

নন্দনোদ্যাননিলযা নির্ব্যূহোপরিচারিণী

॥ 88 ॥

শ্লোক 90

পার্বতী পরমোদারা পরব্রহ্মাত্মিকা পরা ।

পঞ্চকোশবিনির্মুক্তা পঞ্চপাতকনাশিনী

॥ 89 ॥

শ্লোক 91

পরচিত্তবিধানজ্ঞা পঞ্চিকা পঞ্চরূপিণী ।

পূর্ণিমা পরমা প্রীতিঃ পরতেজঃ প্রকাশিনী

॥ 90 ॥

শ্লোক 92

পুরাণী পৌরুষী পুণ্যা পুণ্ডরীকনিভেক্ষণা ।

পাতালতলনির্মগ্না প্রীতা প্রীতিবিবর্ধিনী

॥ 91 ॥

শ্লোক 93

পাবনী পাদসহিতা পেশলা পবনাশিনী ।

প্রজাপতিঃ পরিশ্রান্তা পর্বতস্তনমণ্ডলা

॥ 92 ॥

শ্লোক 94

পদ্মপ্রিযা পদ্মসংস্থা পদ্মাক্ষী পদ্মসম্ভবা ।

পদ্মপত্রা পদ্মপদা পদ্মিনী প্রিযভাষিণী

॥ 93 ॥

শ্লোক 95

পশুপাশবিনির্মুক্তা পুরন্ধ্রী পুরবাসিনী ।

পুষ্কলা পুরুষা পর্বা পারিজাতসুমপ্রিযা

॥ 94 ॥

শ্লোক 96

পতিব্রতা পবিত্রাঙ্গী পুষ্পহাসপরাযণা ।

প্রজ্ঞাবতীসুতা পৌত্রী পুত্রপূজ্যা পযস্বিনী

॥ 95 ॥

শ্লোক 97

পট্টিপাশধরা পঙ্ক্তিঃ পিতৃলোকপ্রদাযিনী ।

পুরাণী পুণ্যশীলা চ প্রণতার্তিবিনাশিনী

॥ 96 ॥

শ্লোক 98

প্রদ্যুম্নজননী পুষ্টা পিতামহপরিগ্রহা ।

পুণ্ডরীকপুরাবাসা পুণ্ডরীকসমাননা

॥ 97 ॥

শ্লোক 99

পৃথুজঙ্ঘা পৃথুভুজা পৃথুপাদা পৃথূদরী ।

প্রবালশোভা পিঙ্গাক্ষী পীতবাসাঃ প্রচাপলা

॥ 98 ॥

শ্লোক 100

প্রসবা পুষ্টিদা পুণ্যা প্রতিষ্ঠা প্রণবাগতিঃ ।

পঞ্চবর্ণা পঞ্চবাণী পঞ্চিকা পঞ্জরস্থিতা

॥ 99 ॥

শ্লোক 101

পরমাযা পরজ্যোতিঃ পরপ্রীতিঃ পরাগতিঃ ।

পরাকাষ্ঠা পরেশানী পাবনী পাবকদ্যুতিঃ

॥ 100 ॥

শ্লোক 102

পুণ্যভদ্রা পরিচ্ছেদ্যা পুষ্পহাসা পৃথূদরী ।

পীতাঙ্গী পীতবসনা পীতশয্যা পিশাচিনী

॥ 101 ॥

শ্লোক 103

পীতক্রিযা পিশাচঘ্নী পাটলাক্ষী পটুক্রিযা ।

পঞ্চভক্ষপ্রিযাচারা পূতনাপ্রাণঘাতিনী

॥ 102 ॥

শ্লোক 104

পুন্নাগবনমধ্যস্থা পুণ্যতীর্থনিষেবিতা ।

পঞ্চাঙ্গী চ পরাশক্তিঃ পরমাহ্লাদকারিণী

॥ 103 ॥

শ্লোক 105

পুষ্পকাণ্ডস্থিতা পূষা পোষিতাখিলবিষ্টপা ।

প্রাণপ্রিযা পঞ্চশিখা পন্নগোপরিশাযিনী

॥ 104 ॥

শ্লোক 106

পঞ্চমাত্রাত্মিকা পৃথ্বী পথিকা পৃথুদোহিনী ।

পুরাণন্যাযমীমাংসা পাটলী পুষ্পগন্ধিনী

॥ 105 ॥

শ্লোক 107

পুণ্যপ্রজা পারদাত্রী পরমার্গৈকগোচরা ।

প্রবালশোভা পূর্ণাশা প্রণবা পল্লবোদরী

॥ 106 ॥

শ্লোক 108

ফলিনী ফলদা ফল্গুঃ ফূত্কারী ফলকাকৃতিঃ ।

ফণীন্দ্রভোগশযনা ফণিমণ্ডলমণ্ডিতা

॥ 107 ॥

শ্লোক 109

বালবালা বহুমতা বালাতপনিভাংশুকা ।

বলভদ্রপ্রিযা বন্দ্যা বডবা বুদ্ধিসংস্তুতা

॥ 108 ॥

শ্লোক 110

বন্দীদেবী বিলবতী বডিশঘ্নী বলিপ্রিযা ।

বান্ধবী বোধিতা বুদ্ধির্বন্ধূককুসুমপ্রিযা

॥ 109 ॥

শ্লোক 111

বালভানুপ্রভাকারা ব্রাহ্মী ব্রাহ্মণদেবতা ।

বৃহস্পতিস্তুতা বৃন্দা বৃন্দাবনবিহারিণী

॥ 110 ॥

শ্লোক 112

বালাকিনী বিলাহারা বিলবাসা বহূদকা ।

বহুনেত্রা বহুপদা বহুকর্ণাবতংসিকা

॥ 111 ॥

শ্লোক 113

বহুবাহুযুতা বীজরূপিণী বহুরূপিণী ।

বিন্দুনাদকলাতীতা বিন্দুনাদস্বরূপিণী

॥ 112 ॥

শ্লোক 114

বদ্ধগোধাঙ্গুলিত্রাণা বদর্যাশ্রমবাসিনী ।

বৃন্দারকা বৃহত্স্কন্ধা বৃহতী বাণপাতিনী

॥ 113 ॥

শ্লোক 115

বৃন্দাধ্যক্ষা বহুনুতা বনিতা বহুবিক্রমা ।

বদ্ধপদ্মাসনাসীনা বিল্বপত্রতলস্থিতা

॥ 114 ॥

শ্লোক 116

বোধিদ্রুমনিজাবাসা বডিস্থা বিন্দুদর্পণা ।

বালা বাণাসনবতী বডবানলবেগিনী

॥ 115 ॥

শ্লোক 117

ব্রহ্মাণ্ডবহিরন্তঃস্থা ব্রহ্মকঙ্কণসূত্রিণী ।

ভবানী ভীষণবতী ভাবিনী ভযহারিণী

॥ 116 ॥

শ্লোক 118

ভদ্রকালী ভুজঙ্গাক্ষী ভারতী ভারতাশযা ।

ভৈরবী ভীষণাকারা ভূতিদা ভূতিমালিনী

॥ 117 ॥

শ্লোক 119

ভামিনী ভোগনিরতা ভদ্রদা ভূরিবিক্রমা ।

ভূতবাসা ভৃগুলতা ভার্গবী ভূসুরার্চিতা

॥ 118 ॥

শ্লোক 120

ভাগীরথী ভোগবতী ভবনস্থা ভিষগ্বরা ।

ভামিনী ভোগিনী ভাষা ভবানী ভূরিদক্ষিণা

॥ 119 ॥

শ্লোক 121

ভর্গাত্মিকা ভীমবতী ভববন্ধবিমোচিনী ।

ভজনীযা ভূতধাত্রীরঞ্জিতা ভুবনেশ্বরী

॥ 120 ॥

শ্লোক 122

ভুজঙ্গবলযা ভীমা ভেরুণ্ডা ভাগধেযিনী ।

মাতা মাযা মধুমতী মধুজিহ্বা মধুপ্রিযা

॥ 121 ॥

শ্লোক 123

মহাদেবী মহাভাগা মালিনী মীনলোচনা ।

মাযাতীতা মধুমতী মধুমাংসা মধুদ্রবা

॥ 122 ॥

শ্লোক 124

মানবী মধুসম্ভূতা মিথিলাপুরবাসিনী ।

মধুকৈটভসংহর্ত্রী মেদিনী মেঘমালিনী

॥ 123 ॥

শ্লোক 125

মন্দোদরী মহামাযা মৈথিলী মসৃণপ্রিযা ।

মহালক্ষ্মীর্মহাকালী মহাকন্যা মহেশ্বরী

॥ 124 ॥

শ্লোক 126

মাহেন্দ্রী মেরুতনযা মন্দারকুসুমার্চিতা ।

মঞ্জুমঞ্জীরচরণা মোক্ষদা মঞ্জুভাষিণী

॥ 125 ॥

শ্লোক 127

মধুরদ্রাবিণী মুদ্রা মলযা মলযান্বিতা ।

মেধা মরকতশ্যামা মাগধী মেনকাত্মজা

॥ 126 ॥

শ্লোক 128

মহামারী মহাবীরা মহাশ্যামা মনুস্তুতা ।

মাতৃকা মিহিরাভাসা মুকুন্দপদবিক্রমা

॥ 127 ॥

শ্লোক 129

মূলাধারস্থিতা মুগ্ধা মণিপূরকবাসিনী ।

মৃগাক্ষী মহিষারূঢা মহিষাসুরমর্দিনী

॥ 128 ॥

শ্লোক 130

যোগাসনা যোগগম্যা যোগা যৌবনকাশ্রযা ।

যৌবনী যুদ্ধমধ্যস্থা যমুনা যুগধারিণী

॥ 129 ॥

শ্লোক 131

যক্ষিণী যোগযুক্তা চ যক্ষরাজপ্রসূতিনী ।

যাত্রা যানবিধানজ্ঞা যদুবংশসমুদ্ভবা

॥ 130 ॥

শ্লোক 132

যকারাদিহকারান্তা যাজুষী যজ্ঞরূপিণী ।

যামিনী যোগনিরতা যাতুধানভযঙ্করী

॥ 131 ॥

শ্লোক 133

রুক্মিণী রমণী রামা রেবতী রেণুকা রতিঃ ।

রৌদ্রী রৌদ্রপ্রিযাকারা রামমাতা রতিপ্রিযা

॥ 132 ॥

শ্লোক 134

রোহিণী রাজ্যদা রেবা রমা রাজীবলোচনা ।

রাকেশী রূপসম্পন্না রত্নসিংহাসনস্থিতা

॥ 133 ॥

শ্লোক 135

রক্তমাল্যাম্বরধরা রক্তগন্ধানুলেপনা ।

রাজহংসসমারূঢা রম্ভা রক্তবলিপ্রিযা

॥ 134 ॥

শ্লোক 136

রমণীযযুগাধারা রাজিতাখিলভূতলা ।

রুরুচর্মপরীধানা রথিনী রত্নমালিকা

॥ 135 ॥

শ্লোক 137

রোগেশী রোগশমনী রাবিণী রোমহর্ষিণী ।

রামচন্দ্রপদাক্রান্তা রাবণচ্ছেদকারিণী

॥ 136 ॥

শ্লোক 138

রত্নবস্ত্রপরিচ্ছন্না রথস্থা রুক্মভূষণা ।

লজ্জাধিদেবতা লোলা ললিতা লিঙ্গধারিণী

॥ 137 ॥

শ্লোক 139

লক্ষ্মীর্লোলা লুপ্তবিষা লোকিনী লোকবিশ্রুতা ।

লজ্জা লম্বোদরী দেবী ললনা লোকধারিণী

॥ 138 ॥

শ্লোক 140

বরদা বন্দিতা বিদ্যা বৈষ্ণবী বিমলাকৃতিঃ ।

বারাহী বিরজা বর্ষা বরলক্ষ্মীর্বিলাসিনী

॥ 139 ॥

শ্লোক 141

বিনতা ব্যোমমধ্যস্থা বারিজাসনসংস্থিতা ।

বারুণী বেণুসম্ভূতা বীতিহোত্রা বিরূপিণী

॥ 140 ॥

শ্লোক 142

বাযুমণ্ডলমধ্যস্থা বিষ্ণুরূপা বিধিপ্রিযা ।

বিষ্ণুপত্নী বিষ্ণুমতী বিশালাক্ষী বসুন্ধরা

॥ 141 ॥

শ্লোক 143

বামদেবপ্রিযা বেলা বজ্রিণী বসুদোহিনী ।

বেদাক্ষরপরীতাঙ্গী বাজপেযফলপ্রদা

॥ 142 ॥

শ্লোক 144

বাসবী বামজননী বৈকুণ্ঠনিলযা বরা ।

ব্যাসপ্রিযা বর্মধরা বাল্মীকিপরিসেবিতা

॥ 143 ॥

শ্লোক 145

শাকম্ভরী শিবা শান্তা শারদা শরণাগতিঃ ।

শাতোদরী শুভাচারা শুম্ভাসুরবিমর্দিনী

॥ 144 ॥

শ্লোক 146

শোভাবতী শিবাকারা শঙ্করার্ধশরীরিণী ।

শোণা শুভাশযা শুভ্রা শিরঃসন্ধানকারিণী

॥ 145 ॥

শ্লোক 147

শরাবতী শরানন্দা শরজ্জ্যোত্স্না শুভাননা ।

শরভা শূলিনী শুদ্ধা শবরী শুকবাহনা

॥ 146 ॥

শ্লোক 148

শ্রীমতী শ্রীধরানন্দা শ্রবণানন্দদাযিনী ।

শর্বাণী শর্বরীবন্দ্যা ষড্ভাষা ষডৃতুপ্রিযা

॥ 147 ॥

শ্লোক 149

ষডাধারস্থিতা দেবী ষণ্মুখপ্রিযকারিণী ।

ষডঙ্গরূপসুমতী সুরাসুরনমস্কৃতা

॥ 148 ॥

শ্লোক 150

সরস্বতী সদাধারা সর্বমঙ্গলকারিণী ।

সামগানপ্রিযা সূক্ষ্মা সাবিত্রী সামসম্ভবা

॥ 149 ॥

শ্লোক 151

সর্বাবাসা সদানন্দা সুস্তনী সাগরাম্বরা ।

সর্বৈশ্বর্যপ্রিযা সিদ্ধিঃ সাধুবন্ধুপরাক্রমা

॥ 150 ॥

শ্লোক 152

সপ্তর্ষিমণ্ডলগতা সোমমণ্ডলবাসিনী ।

সর্বজ্ঞা সান্দ্রকরুণা সমানাধিকবর্জিতা

॥ 151 ॥

শ্লোক 153

সর্বোত্তুঙ্গা সঙ্গহীনা সদ্গুণা সকলেষ্টদা ।

সরধা সূর্যতনযা সুকেশী সোমসংহতিঃ

॥ 152 ॥

শ্লোক 154

হিরণ্যবর্ণা হরিণী হ্রীঙ্কারী হংসবাহিনী ।

ক্ষৌমবস্ত্রপরীতাঙ্গী ক্ষীরাব্ধিতনযা ক্ষমা

॥ 153 ॥

শ্লোক 155

গাযত্রী চৈব সাবিত্রী পার্বতী চ সরস্বতী ।

বেদগর্ভা বরারোহা শ্রীগাযত্রী পরাম্বিকা

॥ 154 ॥

শ্লোক 156

ইতি সাহস্রকং নাম্নাং গাযত্র্যাশ্চৈব নারদ ।

পুণ্যদং সর্বপাপঘ্নং মহাসম্পত্তিদাযকম্

॥ 155 ॥

শ্লোক 157

এবং নামানি গাযত্র্যাস্তোষোত্পত্তিকরাণি হি ।

অষ্টম্যাং চ বিশেষেণ পঠিতব্যং দ্বিজৈঃ সহ

॥ 156 ॥

শ্লোক 158

জপং কৃত্বা হোম পূজা ধ্যানং কৃত্বা বিশেষতঃ ।

যস্মৈ কস্মৈ ন দাতব্যং গাযত্র্যাস্তু বিশেষতঃ

॥ 157 ॥

শ্লোক 159

সুভক্তায সুশিষ্যায বক্তব্যং ভূসুরায বৈ ।

ভ্রষ্টেভ্যঃ সাধকেভ্যশ্চ বান্ধবেভ্যো ন দর্শযেত্

॥ 158 ॥

শ্লোক 160

যদ্গৃহে লিখিতং শাস্ত্রং ভযং তস্য ন কস্যচিত্ ।

চঞ্চলাপিস্থিরা ভূত্বা কমলা তত্র তিষ্ঠতি

॥ 159 ॥

শ্লোক 161

ইদং রহস্যং পরমং গুহ্যাদ্গুহ্যতরং মহত্ ।

পুণ্যপ্রদং মনুষ্যাণাং দরিদ্রাণাং নিধিপ্রদম্

॥ 160 ॥

শ্লোক 162

মোক্ষপ্রদং মুমুক্ষূণাং কামিনাং সর্বকামদম্ ।

রোগাদ্বৈ মুচ্যতে রোগী বদ্ধো মুচ্যেত বন্ধনাত্

॥ 161 ॥

শ্লোক 163

ব্রহ্মহত্যা সুরাপানং সুবর্ণস্তেযিনো নরাঃ ।

গুরুতল্পগতো বাপি পাতকান্মুচ্যতে সকৃত্

॥ 162 ॥

শ্লোক 164

অসত্প্রতিগ্রহাচ্চৈবাঽভক্ষ্যভক্ষাদ্বিশেষতঃ ।

পাখণ্ডানৃতমুখ্যেভ্যঃ পঠনাদেব মুচ্যতে

॥ 163 ॥

শ্লোক 165

ইদং রহস্যমমলং মযোক্তং পদ্মজোদ্ভব ।

ব্রহ্মসাযুজ্যদং নৄণাং সত্যং সত্যং ন সংশযঃ

॥ 164 ॥

শ্লোক 166

ইতি শ্রীদেবীভাগবতে মহাপুরাণে দ্বাদশস্কন্ধে গাযত্রীসহস্রনাম স্তোত্র কথনং নাম ষষ্ঠোঽধ্যাযঃ ॥