ಶ್ರೀ ಗಾಯತ್ರಿ ಸಹಸ್ರ ನಾಮ ಸ್ತೋತ್ರಮ್

ಶ್ರೀ ಗಾಯತ್ರಿ ಸಹಸ್ರ ನಾಮ ಸ್ತೋತ್ರಮ್

ಶ್ಲೋಕ 1

ನಾರದ ಉವಾಚ –

ಭಗವನ್ಸರ್ವಧರ್ಮಜ್ಞ ಸರ್ವಶಾಸ್ತ್ರವಿಶಾರದ ।

ಶ್ರುತಿಸ್ಮೃತಿಪುರಾಣಾನಾಂ ರಹಸ್ಯಂ ತ್ವನ್ಮುಖಾಚ್ಛ್ರುತಮ್

ಶ್ಲೋಕ 2

ಸರ್ವಪಾಪಹರಂ ದೇವ ಯೇನ ವಿದ್ಯಾ ಪ್ರವರ್ತತೇ ।

ಕೇನ ವಾ ಬ್ರಹ್ಮವಿಜ್ಞಾನಂ ಕಿಂ ನು ವಾ ಮೋಕ್ಷಸಾಧನಮ್

॥ 1 ॥

ಶ್ಲೋಕ 3

ಬ್ರಾಹ್ಮಣಾನಾಂ ಗತಿಃ ಕೇನ ಕೇನ ವಾ ಮೃತ್ಯು ನಾಶನಮ್ ।

ಐಹಿಕಾಮುಷ್ಮಿಕಫಲಂ ಕೇನ ವಾ ಪದ್ಮಲೋಚನ

॥ 2 ॥

ಶ್ಲೋಕ 4

ವಕ್ತುಮರ್ಹಸ್ಯಶೇಷೇಣ ಸರ್ವೇ ನಿಖಿಲಮಾದಿತಃ ।

ಶ್ರೀನಾರಾಯಣ ಉವಾಚ –

ಸಾಧು ಸಾಧು ಮಹಾಪ್ರಾಜ್ಞ ಸಮ್ಯಕ್ ಪೃಷ್ಟಂ ತ್ವಯಾಽನಘ

॥ 3 ॥

ಶ್ಲೋಕ 5

ಶೃಣು ವಕ್ಷ್ಯಾಮಿ ಯತ್ನೇನ ಗಾಯತ್ರ್ಯಷ್ಟಸಹಸ್ರಕಮ್ ।

ನಾಮ್ನಾಂ ಶುಭಾನಾಂ ದಿವ್ಯಾನಾಂ ಸರ್ವಪಾಪವಿನಾಶನಮ್

॥ 4 ॥

ಶ್ಲೋಕ 6

ಸೃಷ್ಟ್ಯಾದೌ ಯದ್ಭಗವತಾ ಪೂರ್ವೇ ಪ್ರೋಕ್ತಂ ಬ್ರವೀಮಿ ತೇ ।

ಅಷ್ಟೋತ್ತರಸಹಸ್ರಸ್ಯ ಋಷಿರ್ಬ್ರಹ್ಮಾ ಪ್ರಕೀರ್ತಿತಃ

॥ 5 ॥

ಶ್ಲೋಕ 7

ಛನ್ದೋಽನುಷ್ಟುಪ್ತಥಾ ದೇವೀ ಗಾಯತ್ರೀಂ ದೇವತಾ ಸ್ಮೃತಾ ।

ಹಲೋಬೀಜಾನಿ ತಸ್ಯೈವ ಸ್ವರಾಃ ಶಕ್ತಯ ಈರಿತಾಃ

॥ 6 ॥

ಶ್ಲೋಕ 8

ಅಙ್ಗನ್ಯಾಸಕರನ್ಯಾಸಾವುಚ್ಯೇತೇ ಮಾತೃಕಾಕ್ಷರೈಃ ।

ಅಥ ಧ್ಯಾನಂ ಪ್ರವಕ್ಷ್ಯಾಮಿ ಸಾಧಕಾನಾಂ ಹಿತಾಯ ವೈ

॥ 7 ॥

ಶ್ಲೋಕ 9

ಧ್ಯಾನಮ್

ರಕ್ತಶ್ವೇತಹಿರಣ್ಯನೀಲಧವಲೈರ್ಯುಕ್ತಾಂ ತ್ರಿನೀತ್ರೋಜ್ಜ್ವಲಾಂ

ರಕ್ತಾಂ ರಕ್ತನವಸ್ರಜಂ ಮಣಿಗಣೈರ್ಯುಕ್ತಾಂ ಕುಮಾರೀಮಿಮಾಮ್ ।

ಗಾಯತ್ರೀಂ ಕಮಲಾಸನಾಂ ಕರತಲವ್ಯಾನದ್ಧಕುಣ್ಡಾಮ್ಬುಜಾಂ

ಪದ್ಮಾಕ್ಷೀಂ ಚ ವರಸ್ರಜಂ ಚ ದಧತೀಂ ಹಂಸಾಧಿರೂಢಾಂ ಭಜೇ

॥ 8 ॥

ಶ್ಲೋಕ 10

ಅಚಿನ್ತ್ಯಲಕ್ಷಣಾವ್ಯಕ್ತಾಪ್ಯರ್ಥಮಾತೃಮಹೇಶ್ವರೀ ।

ಅಮೃತಾರ್ಣವಮಧ್ಯಸ್ಥಾಪ್ಯಜಿತಾ ಚಾಪರಾಜಿತಾ

॥ 9 ॥

ಶ್ಲೋಕ 11

ಅಣಿಮಾದಿಗುಣಾಧಾರಾಪ್ಯರ್ಕಮಣ್ಡಲಸಂಸ್ಥಿತಾ ।

ಅಜರಾಜಾಪರಾಧರ್ಮಾ ಅಕ್ಷಸೂತ್ರಧರಾಧರಾ

॥ 10 ॥

ಶ್ಲೋಕ 12

ಅಕಾರಾದಿಕ್ಷಕಾರಾನ್ತಾಪ್ಯರಿಷಡ್ವರ್ಗಭೇದಿನೀ ।

ಅಞ್ಜನಾದ್ರಿಪ್ರತೀಕಾಶಾಪ್ಯಞ್ಜನಾದ್ರಿನಿವಾಸಿನೀ

॥ 11 ॥

ಶ್ಲೋಕ 13

ಅದಿತಿಶ್ಚಾಜಪಾವಿದ್ಯಾಪ್ಯರವಿನ್ದನಿಭೇಕ್ಷಣಾ ।

ಅನ್ತರ್ಬಹಿಃಸ್ಥಿತಾವಿದ್ಯಾಧ್ವಂಸಿನೀ ಚಾನ್ತರಾತ್ಮಿಕಾ

॥ 12 ॥

ಶ್ಲೋಕ 14

ಅಜಾ ಚಾಜಮುಖಾವಾಸಾಪ್ಯರವಿನ್ದನಿಭಾನನಾ ।

ಅರ್ಧಮಾತ್ರಾರ್ಥದಾನಜ್ಞಾಪ್ಯರಿಮಣ್ಡಲಮರ್ದಿನೀ

॥ 13 ॥

ಶ್ಲೋಕ 15

ಅಸುರಘ್ನೀ ಹ್ಯಮಾವಾಸ್ಯಾಪ್ಯಲಕ್ಷ್ಮೀಘ್ನ್ಯನ್ತ್ಯಜಾರ್ಚಿತಾ ।

ಆದಿಲಕ್ಷ್ಮೀಶ್ಚಾದಿಶಕ್ತಿರಾಕೃತಿಶ್ಚಾಯತಾನನಾ

॥ 14 ॥

ಶ್ಲೋಕ 16

ಆದಿತ್ಯಪದವೀಚಾರಾಪ್ಯಾದಿತ್ಯಪರಿಸೇವಿತಾ ।

ಆಚಾರ್ಯಾವರ್ತನಾಚಾರಾಪ್ಯಾದಿಮೂರ್ತಿನಿವಾಸಿನೀ

॥ 15 ॥

ಶ್ಲೋಕ 17

ಆಗ್ನೇಯೀ ಚಾಮರೀ ಚಾದ್ಯಾ ಚಾರಾಧ್ಯಾ ಚಾಸನಸ್ಥಿತಾ ।

ಆಧಾರನಿಲಯಾಧಾರಾ ಚಾಕಾಶಾನ್ತನಿವಾಸಿನೀ

॥ 16 ॥

ಶ್ಲೋಕ 18

ಆದ್ಯಾಕ್ಷರಸಮಾಯುಕ್ತಾ ಚಾನ್ತರಾಕಾಶರೂಪಿಣೀ ।

ಆದಿತ್ಯಮಣ್ಡಲಗತಾ ಚಾನ್ತರಧ್ವಾನ್ತನಾಶಿನೀ

॥ 17 ॥

ಶ್ಲೋಕ 19

ಇನ್ದಿರಾ ಚೇಷ್ಟದಾ ಚೇಷ್ಟಾ ಚೇನ್ದೀವರನಿಭೇಕ್ಷಣಾ ।

ಇರಾವತೀ ಚೇನ್ದ್ರಪದಾ ಚೇನ್ದ್ರಾಣೀ ಚೇನ್ದುರೂಪಿಣೀ

॥ 18 ॥

ಶ್ಲೋಕ 20

ಇಕ್ಷುಕೋದಣ್ಡಸಂಯುಕ್ತಾ ಚೇಷುಸನ್ಧಾನಕಾರಿಣೀ ।

ಇನ್ದ್ರನೀಲಸಮಾಕಾರಾ ಚೇಡಾಪಿಙ್ಗಲರೂಪಿಣೀ

॥ 19 ॥

ಶ್ಲೋಕ 21

ಇನ್ದ್ರಾಕ್ಷೀಚೇಶ್ವರೀ ದೇವೀ ಚೇಹಾತ್ರಯವಿವರ್ಜಿತಾ ।

ಉಮಾ ಚೋಷಾ ಹ್ಯುಡುನಿಭಾ ಉರ್ವಾರುಕಫಲಾನನಾ

॥ 20 ॥

ಶ್ಲೋಕ 22

ಉಡುಪ್ರಭಾ ಚೋಡುಮತೀ ಹ್ಯುಡುಪಾ ಹ್ಯುಡುಮಧ್ಯಗಾ ।

ಊರ್ಧ್ವಾ ಚಾಪ್ಯೂರ್ಧ್ವಕೇಶೀ ಚಾಪ್ಯೂರ್ಧ್ವಾಧೋಗತಿಭೇದಿನೀ

॥ 21 ॥

ಶ್ಲೋಕ 23

ಊರ್ಧ್ವಬಾಹುಪ್ರಿಯಾ ಚೋರ್ಮಿಮಾಲಾವಾಗ್ಗ್ರನ್ಥದಾಯಿನೀ ।

ಋತಂ ಚರ್ಷಿರೃತುಮತೀ ಋಷಿದೇವನಮಸ್ಕೃತಾ

॥ 22 ॥

ಶ್ಲೋಕ 24

ಋಗ್ವೇದಾ ಋಣಹರ್ತ್ರೀ ಚ ಋಷಿಮಣ್ಡಲಚಾರಿಣೀ ।

ಋದ್ಧಿದಾ ಋಜುಮಾರ್ಗಸ್ಥಾ ಋಜುಧರ್ಮಾ ಋಜುಪ್ರದಾ

॥ 23 ॥

ಶ್ಲೋಕ 25

ಋಗ್ವೇದನಿಲಯಾ ಋಜ್ವೀ ಲುಪ್ತಧರ್ಮಪ್ರವರ್ತಿನೀ ।

ಲೂತಾರಿವರಸಮ್ಭೂತಾ ಲೂತಾದಿವಿಷಹಾರಿಣೀ

॥ 24 ॥

ಶ್ಲೋಕ 26

ಏಕಾಕ್ಷರಾ ಚೈಕಮಾತ್ರಾ ಚೈಕಾ ಚೈಕೈಕನಿಷ್ಠಿತಾ ।

ಐನ್ದ್ರೀ ಹ್ಯೈರಾವತಾರೂಢಾ ಚೈಹಿಕಾಮುಷ್ಮಿಕಪ್ರದಾ

॥ 25 ॥

ಶ್ಲೋಕ 27

ಓಙ್ಕಾರಾ ಹ್ಯೋಷಧೀ ಚೋತಾ ಚೋತಪ್ರೋತನಿವಾಸಿನೀ ।

ಔರ್ವಾ ಹ್ಯೌಷಧಸಮ್ಪನ್ನಾ ಔಪಾಸನಫಲಪ್ರದಾ

॥ 26 ॥

ಶ್ಲೋಕ 28

ಅಣ್ಡಮಧ್ಯಸ್ಥಿತಾ ದೇವೀ ಚಾಃಕಾರಮನುರೂಪಿಣೀ ।

ಕಾತ್ಯಾಯನೀ ಕಾಲರಾತ್ರಿಃ ಕಾಮಾಕ್ಷೀ ಕಾಮಸುನ್ದರೀ

॥ 27 ॥

ಶ್ಲೋಕ 29

ಕಮಲಾ ಕಾಮಿನೀ ಕಾನ್ತಾ ಕಾಮದಾ ಕಾಲಕಣ್ಠಿನೀ ।

ಕರಿಕುಮ್ಭಸ್ತನಭರಾ ಕರವೀರಸುವಾಸಿನೀ

॥ 28 ॥

ಶ್ಲೋಕ 30

ಕಲ್ಯಾಣೀ ಕುಣ್ಡಲವತೀ ಕುರುಕ್ಷೇತ್ರನಿವಾಸಿನೀ ।

ಕುರುವಿನ್ದದಲಾಕಾರಾ ಕುಣ್ಡಲೀ ಕುಮುದಾಲಯಾ

॥ 29 ॥

ಶ್ಲೋಕ 31

ಕಾಲಜಿಹ್ವಾ ಕರಾಲಾಸ್ಯಾ ಕಾಲಿಕಾ ಕಾಲರೂಪಿಣೀ ।

ಕಮನೀಯಗುಣಾ ಕಾನ್ತಿಃ ಕಲಾಧಾರಾ ಕುಮುದ್ವತೀ

॥ 30 ॥

ಶ್ಲೋಕ 32

ಕೌಶಿಕೀ ಕಮಲಾಕಾರಾ ಕಾಮಚಾರಪ್ರಭಞ್ಜಿನೀ ।

ಕೌಮಾರೀ ಕರುಣಾಪಾಙ್ಗೀ ಕಕುವನ್ತಾ ಕರಿಪ್ರಿಯಾ

॥ 31 ॥

ಶ್ಲೋಕ 33

ಕೇಸರೀ ಕೇಶವನುತಾ ಕದಮ್ಬಕುಸುಮಪ್ರಿಯಾ ।

ಕಾಲಿನ್ದೀ ಕಾಲಿಕಾ ಕಾಞ್ಚೀ ಕಲಶೋದ್ಭವಸಂಸ್ತುತಾ

॥ 32 ॥

ಶ್ಲೋಕ 34

ಕಾಮಮಾತಾ ಕ್ರತುಮತೀ ಕಾಮರೂಪಾ ಕೃಪಾವತೀ ।

ಕುಮಾರೀ ಕುಣ್ಡನಿಲಯಾ ಕಿರಾತೀ ಕೀರವಾಹನಾ

॥ 33 ॥

ಶ್ಲೋಕ 35

ಕೈಕೇಯೀ ಕೋಕಿಲಾಲಾಪಾ ಕೇತಕೀ ಕುಸುಮಪ್ರಿಯಾ ।

ಕಮಣ್ಡಲುಧರಾ ಕಾಲೀ ಕರ್ಮನಿರ್ಮೂಲಕಾರಿಣೀ

॥ 34 ॥

ಶ್ಲೋಕ 36

ಕಲಹಂಸಗತಿಃ ಕಕ್ಷಾ ಕೃತಕೌತುಕಮಙ್ಗಲಾ ।

ಕಸ್ತೂರೀತಿಲಕಾ ಕಮ್ಪ್ರಾ ಕರೀನ್ದ್ರಗಮನಾ ಕುಹೂಃ

॥ 35 ॥

ಶ್ಲೋಕ 37

ಕರ್ಪೂರಲೇಪನಾ ಕೃಷ್ಣಾ ಕಪಿಲಾ ಕುಹರಾಶ್ರಯಾ ।

ಕೂಟಸ್ಥಾ ಕುಧರಾ ಕಮ್ರಾ ಕುಕ್ಷಿಸ್ಥಾಖಿಲವಿಷ್ಟಪಾ

॥ 36 ॥

ಶ್ಲೋಕ 38

ಖಡ್ಗಖೇಟಧರಾ ಖರ್ವಾ ಖೇಚರೀ ಖಗವಾಹನಾ ।

ಖಟ್ವಾಙ್ಗಧಾರಿಣೀ ಖ್ಯಾತಾ ಖಗರಾಜೋಪರಿಸ್ಥಿತಾ

॥ 37 ॥

ಶ್ಲೋಕ 39

ಖಲಘ್ನೀ ಖಣ್ಡಿತಜರಾ ಖಣ್ಡಾಖ್ಯಾನಪ್ರದಾಯಿನೀ ।

ಖಣ್ಡೇನ್ದುತಿಲಕಾ ಗಙ್ಗಾ ಗಣೇಶಗುಹಪೂಜಿತಾ

॥ 38 ॥

ಶ್ಲೋಕ 40

ಗಾಯತ್ರೀ ಗೋಮತೀ ಗೀತಾ ಗಾನ್ಧಾರೀ ಗಾನಲೋಲುಪಾ ।

ಗೌತಮೀ ಗಾಮಿನೀ ಗಾಧಾ ಗನ್ಧರ್ವಾಪ್ಸರಸೇವಿತಾ

॥ 39 ॥

ಶ್ಲೋಕ 41

ಗೋವಿನ್ದಚರಣಾಕ್ರಾನ್ತಾ ಗುಣತ್ರಯವಿಭಾವಿತಾ ।

ಗನ್ಧರ್ವೀ ಗಹ್ವರೀ ಗೋತ್ರಾ ಗಿರೀಶಾ ಗಹನಾ ಗಮೀ

॥ 40 ॥

ಶ್ಲೋಕ 42

ಗುಹಾವಾಸಾ ಗುಣವತೀ ಗುರುಪಾಪಪ್ರಣಾಶಿನೀ ।

ಗುರ್ವೀ ಗುಣವತೀ ಗುಹ್ಯಾ ಗೋಪ್ತವ್ಯಾ ಗುಣದಾಯಿನೀ

॥ 41 ॥

ಶ್ಲೋಕ 43

ಗಿರಿಜಾ ಗುಹ್ಯಮಾತಙ್ಗೀ ಗರುಡಧ್ವಜವಲ್ಲಭಾ ।

ಗರ್ವಾಪಹಾರಿಣೀ ಗೋದಾ ಗೋಕುಲಸ್ಥಾ ಗದಾಧರಾ

॥ 42 ॥

ಶ್ಲೋಕ 44

ಗೋಕರ್ಣನಿಲಯಾಸಕ್ತಾ ಗುಹ್ಯಮಣ್ಡಲವರ್ತಿನೀ ।

ಘರ್ಮದಾ ಘನದಾ ಘಣ್ಟಾ ಘೋರದಾನವಮರ್ದಿನೀ

॥ 43 ॥

ಶ್ಲೋಕ 45

ಘೃಣಿಮನ್ತ್ರಮಯೀ ಘೋಷಾ ಘನಸಮ್ಪಾತದಾಯಿನೀ ।

ಘಣ್ಟಾರವಪ್ರಿಯಾ ಘ್ರಾಣಾ ಘೃಣಿಸನ್ತುಷ್ಟಕಾರಿಣೀ

॥ 44 ॥

ಶ್ಲೋಕ 46

ಘನಾರಿಮಣ್ಡಲಾ ಘೂರ್ಣಾ ಘೃತಾಚೀ ಘನವೇಗಿನೀ ।

ಜ್ಞಾನಧಾತುಮಯೀ ಚರ್ಚಾ ಚರ್ಚಿತಾ ಚಾರುಹಾಸಿನೀ

॥ 45 ॥

ಶ್ಲೋಕ 47

ಚಟುಲಾ ಚಣ್ಡಿಕಾ ಚಿತ್ರಾ ಚಿತ್ರಮಾಲ್ಯವಿಭೂಷಿತಾ ।

ಚತುರ್ಭುಜಾ ಚಾರುದನ್ತಾ ಚಾತುರೀ ಚರಿತಪ್ರದಾ

॥ 46 ॥

ಶ್ಲೋಕ 48

ಚೂಲಿಕಾ ಚಿತ್ರವಸ್ತ್ರಾನ್ತಾ ಚನ್ದ್ರಮಃಕರ್ಣಕುಣ್ಡಲಾ ।

ಚನ್ದ್ರಹಾಸಾ ಚಾರುದಾತ್ರೀ ಚಕೋರೀ ಚನ್ದ್ರಹಾಸಿನೀ

॥ 47 ॥

ಶ್ಲೋಕ 49

ಚನ್ದ್ರಿಕಾ ಚನ್ದ್ರಧಾತ್ರೀ ಚ ಚೌರೀ ಚೌರಾ ಚ ಚಣ್ಡಿಕಾ ।

ಚಞ್ಚದ್ವಾಗ್ವಾದಿನೀ ಚನ್ದ್ರಚೂಡಾ ಚೋರವಿನಾಶಿನೀ

॥ 48 ॥

ಶ್ಲೋಕ 50

ಚಾರುಚನ್ದನಲಿಪ್ತಾಙ್ಗೀ ಚಞ್ಚಚ್ಚಾಮರವೀಜಿತಾ ।

ಚಾರುಮಧ್ಯಾ ಚಾರುಗತಿಶ್ಚನ್ದಿಲಾ ಚನ್ದ್ರರೂಪಿಣೀ

॥ 49 ॥

ಶ್ಲೋಕ 51

ಚಾರುಹೋಮಪ್ರಿಯಾ ಚಾರ್ವಾಚರಿತಾ ಚಕ್ರಬಾಹುಕಾ ।

ಚನ್ದ್ರಮಣ್ಡಲಮಧ್ಯಸ್ಥಾ ಚನ್ದ್ರಮಣ್ಡಲದರ್ಪಣಾ

॥ 50 ॥

ಶ್ಲೋಕ 52

ಚಕ್ರವಾಕಸ್ತನೀ ಚೇಷ್ಟಾ ಚಿತ್ರಾ ಚಾರುವಿಲಾಸಿನೀ ।

ಚಿತ್ಸ್ವರೂಪಾ ಚನ್ದ್ರವತೀ ಚನ್ದ್ರಮಾಶ್ಚನ್ದನಪ್ರಿಯಾ

॥ 51 ॥

ಶ್ಲೋಕ 53

ಚೋದಯಿತ್ರೀ ಚಿರಪ್ರಜ್ಞಾ ಚಾತಕಾ ಚಾರುಹೇತುಕೀ ।

ಛತ್ರಯಾತಾ ಛತ್ರಧರಾ ಛಾಯಾ ಛನ್ದಃಪರಿಚ್ಛದಾ

॥ 52 ॥

ಶ್ಲೋಕ 54

ಛಾಯಾದೇವೀ ಛಿದ್ರನಖಾ ಛನ್ನೇನ್ದ್ರಿಯವಿಸರ್ಪಿಣೀ ।

ಛನ್ದೋಽನುಷ್ಟುಪ್ಪ್ರತಿಷ್ಠಾನ್ತಾ ಛಿದ್ರೋಪದ್ರವಭೇದಿನೀ

॥ 53 ॥

ಶ್ಲೋಕ 55

ಛೇದಾ ಛತ್ರೇಶ್ವರೀ ಛಿನ್ನಾ ಛುರಿಕಾ ಛೇದನಪ್ರಿಯಾ ।

ಜನನೀ ಜನ್ಮರಹಿತಾ ಜಾತವೇದಾ ಜಗನ್ಮಯೀ

॥ 54 ॥

ಶ್ಲೋಕ 56

ಜಾಹ್ನವೀ ಜಟಿಲಾ ಜೇತ್ರೀ ಜರಾಮರಣವರ್ಜಿತಾ ।

ಜಮ್ಬೂದ್ವೀಪವತೀ ಜ್ವಾಲಾ ಜಯನ್ತೀ ಜಲಶಾಲಿನೀ

॥ 55 ॥

ಶ್ಲೋಕ 57

ಜಿತೇನ್ದ್ರಿಯಾ ಜಿತಕ್ರೋಧಾ ಜಿತಾಮಿತ್ರಾ ಜಗತ್ಪ್ರಿಯಾ ।

ಜಾತರೂಪಮಯೀ ಜಿಹ್ವಾ ಜಾನಕೀ ಜಗತೀ ಜರಾ

॥ 56 ॥

ಶ್ಲೋಕ 58

ಜನಿತ್ರೀ ಜಹ್ನುತನಯಾ ಜಗತ್ತ್ರಯಹಿತೈಷಿಣೀ ।

ಜ್ವಾಲಾಮುಖೀ ಜಪವತೀ ಜ್ವರಘ್ನೀ ಜಿತವಿಷ್ಟಪಾ

॥ 57 ॥

ಶ್ಲೋಕ 59

ಜಿತಾಕ್ರಾನ್ತಮಯೀ ಜ್ವಾಲಾ ಜಾಗ್ರತೀ ಜ್ವರದೇವತಾ ।

ಜ್ವಲನ್ತೀ ಜಲದಾ ಜ್ಯೇಷ್ಠಾ ಜ್ಯಾಘೋಷಾಸ್ಫೋಟದಿಙ್ಮುಖೀ

॥ 58 ॥

ಶ್ಲೋಕ 60

ಜಮ್ಭಿನೀ ಜೃಮ್ಭಣಾ ಜೃಮ್ಭಾ ಜ್ವಲನ್ಮಾಣಿಕ್ಯಕುಣ್ಡಲಾ ।

ಝಿಞ್ಝಿಕಾ ಝಣನಿರ್ಘೋಷಾ ಝಞ್ಝಾಮಾರುತವೇಗಿನೀ

॥ 59 ॥

ಶ್ಲೋಕ 61

ಝಲ್ಲರೀವಾದ್ಯಕುಶಲಾ ಞರೂಪಾ ಞಭುಜಾ ಸ್ಮೃತಾ ।

ಟಙ್ಕಬಾಣಸಮಾಯುಕ್ತಾ ಟಙ್ಕಿನೀ ಟಙ್ಕಭೇದಿನೀ

॥ 60 ॥

ಶ್ಲೋಕ 62

ಟಙ್ಕೀಗಣಕೃತಾಘೋಷಾ ಟಙ್ಕನೀಯಮಹೋರಸಾ ।

ಟಙ್ಕಾರಕಾರಿಣೀ ದೇವೀ ಠಠಶಬ್ದನಿನಾದಿನೀ

॥ 61 ॥

ಶ್ಲೋಕ 63

ಡಾಮರೀ ಡಾಕಿನೀ ಡಿಮ್ಭಾ ಡುಣ್ಡುಮಾರೈಕನಿರ್ಜಿತಾ ।

ಡಾಮರೀತನ್ತ್ರಮಾರ್ಗಸ್ಥಾ ಡಮಡ್ಡಮರುನಾದಿನೀ

॥ 62 ॥

ಶ್ಲೋಕ 64

ಡಿಣ್ಡೀರವಸಹಾ ಡಿಮ್ಭಲಸತ್ಕ್ರೀಡಾಪರಾಯಣಾ ।

ಢುಣ್ಢಿವಿಘ್ನೇಶಜನನೀ ಢಕ್ಕಾಹಸ್ತಾ ಢಿಲಿವ್ರಜಾ

॥ 63 ॥

ಶ್ಲೋಕ 65

ನಿತ್ಯಜ್ಞಾನಾ ನಿರುಪಮಾ ನಿರ್ಗುಣಾ ನರ್ಮದಾ ನದೀ ।

ತ್ರಿಗುಣಾ ತ್ರಿಪದಾ ತನ್ತ್ರೀ ತುಲಸೀ ತರುಣಾ ತರುಃ

॥ 64 ॥

ಶ್ಲೋಕ 66

ತ್ರಿವಿಕ್ರಮಪದಾಕ್ರಾನ್ತಾ ತುರೀಯಪದಗಾಮಿನೀ ।

ತರುಣಾದಿತ್ಯಸಙ್ಕಾಶಾ ತಾಮಸೀ ತುಹಿನಾ ತುರಾ

॥ 65 ॥

ಶ್ಲೋಕ 67

ತ್ರಿಕಾಲಜ್ಞಾನಸಮ್ಪನ್ನಾ ತ್ರಿವೇಣೀ ಚ ತ್ರಿಲೋಚನಾ ।

ತ್ರಿಶಕ್ತಿಸ್ತ್ರಿಪುರಾ ತುಙ್ಗಾ ತುರಙ್ಗವದನಾ ತಥಾ

॥ 66 ॥

ಶ್ಲೋಕ 68

ತಿಮಿಙ್ಗಿಲಗಿಲಾ ತೀವ್ರಾ ತ್ರಿಸ್ರೋತಾ ತಾಮಸಾದಿನೀ ।

ತನ್ತ್ರಮನ್ತ್ರವಿಶೇಷಜ್ಞಾ ತನುಮಧ್ಯಾ ತ್ರಿವಿಷ್ಟಪಾ

॥ 67 ॥

ಶ್ಲೋಕ 69

ತ್ರಿಸನ್ಧ್ಯಾ ತ್ರಿಸ್ತನೀ ತೋಷಾಸಂಸ್ಥಾ ತಾಲಪ್ರತಾಪಿನೀ ।

ತಾಟಙ್ಕಿನೀ ತುಷಾರಾಭಾ ತುಹಿನಾಚಲವಾಸಿನೀ

॥ 68 ॥

ಶ್ಲೋಕ 70

ತನ್ತುಜಾಲಸಮಾಯುಕ್ತಾ ತಾರಹಾರಾವಲಿಪ್ರಿಯಾ ।

ತಿಲಹೋಮಪ್ರಿಯಾ ತೀರ್ಥಾ ತಮಾಲಕುಸುಮಾಕೃತಿಃ

॥ 69 ॥

ಶ್ಲೋಕ 71

ತಾರಕಾ ತ್ರಿಯುತಾ ತನ್ವೀ ತ್ರಿಶಙ್ಕುಪರಿವಾರಿತಾ ।

ತಲೋದರೀ ತಿಲಾಭೂಷಾ ತಾಟಙ್ಕಪ್ರಿಯವಾದಿನೀ

॥ 70 ॥

ಶ್ಲೋಕ 72

ತ್ರಿಜಟಾ ತಿತ್ತಿರೀ ತೃಷ್ಣಾ ತ್ರಿವಿಧಾ ತರುಣಾಕೃತಿಃ ।

ತಪ್ತಕಾಞ್ಚನಸಙ್ಕಾಶಾ ತಪ್ತಕಾಞ್ಚನಭೂಷಣಾ

॥ 71 ॥

ಶ್ಲೋಕ 73

ತ್ರೈಯಮ್ಬಕಾ ತ್ರಿವರ್ಗಾ ಚ ತ್ರಿಕಾಲಜ್ಞಾನದಾಯಿನೀ ।

ತರ್ಪಣಾ ತೃಪ್ತಿದಾ ತೃಪ್ತಾ ತಾಮಸೀ ತುಮ್ಬುರುಸ್ತುತಾ

॥ 72 ॥

ಶ್ಲೋಕ 74

ತಾರ್ಕ್ಷ್ಯಸ್ಥಾ ತ್ರಿಗುಣಾಕಾರಾ ತ್ರಿಭಙ್ಗೀ ತನುವಲ್ಲರಿಃ ।

ಥಾತ್ಕಾರೀ ಥಾರವಾ ಥಾನ್ತಾ ದೋಹಿನೀ ದೀನವತ್ಸಲಾ

॥ 73 ॥

ಶ್ಲೋಕ 75

ದಾನವಾನ್ತಕರೀ ದುರ್ಗಾ ದುರ್ಗಾಸುರನಿಬರ್ಹಿಣೀ ।

ದೇವರೀತಿರ್ದಿವಾರಾತ್ರಿರ್ದ್ರೌಪದೀ ದುನ್ದುಭಿಸ್ವನಾ

॥ 74 ॥

ಶ್ಲೋಕ 76

ದೇವಯಾನೀ ದುರಾವಾಸಾ ದಾರಿದ್ರ್ಯೋದ್ಭೇದಿನೀ ದಿವಾ ।

ದಾಮೋದರಪ್ರಿಯಾ ದೀಪ್ತಾ ದಿಗ್ವಾಸಾ ದಿಗ್ವಿಮೋಹಿನೀ

॥ 75 ॥

ಶ್ಲೋಕ 77

ದಣ್ಡಕಾರಣ್ಯನಿಲಯಾ ದಣ್ಡಿನೀ ದೇವಪೂಜಿತಾ ।

ದೇವವನ್ದ್ಯಾ ದಿವಿಷದಾ ದ್ವೇಷಿಣೀ ದಾನವಾಕೃತಿಃ

॥ 76 ॥

ಶ್ಲೋಕ 78

ದೀನಾನಾಥಸ್ತುತಾ ದೀಕ್ಷಾ ದೈವತಾದಿಸ್ವರೂಪಿಣೀ ।

ಧಾತ್ರೀ ಧನುರ್ಧರಾ ಧೇನುರ್ಧಾರಿಣೀ ಧರ್ಮಚಾರಿಣೀ

॥ 77 ॥

ಶ್ಲೋಕ 79

ಧುರನ್ಧರಾ ಧರಾಧಾರಾ ಧನದಾ ಧಾನ್ಯದೋಹಿನೀ ।

ಧರ್ಮಶೀಲಾ ಧನಾಧ್ಯಕ್ಷಾ ಧನುರ್ವೇದವಿಶಾರದಾ

॥ 78 ॥

ಶ್ಲೋಕ 80

ಧೃತಿರ್ಧನ್ಯಾ ಧೃತಪದಾ ಧರ್ಮರಾಜಪ್ರಿಯಾ ಧ್ರುವಾ ।

ಧೂಮಾವತೀ ಧೂಮಕೇಶೀ ಧರ್ಮಶಾಸ್ತ್ರಪ್ರಕಾಶಿನೀ

॥ 79 ॥

ಶ್ಲೋಕ 81

ನನ್ದಾ ನನ್ದಪ್ರಿಯಾ ನಿದ್ರಾ ನೃನುತಾ ನನ್ದನಾತ್ಮಿಕಾ ।

ನರ್ಮದಾ ನಲಿನೀ ನೀಲಾ ನೀಲಕಣ್ಠಸಮಾಶ್ರಯಾ

॥ 80 ॥

ಶ್ಲೋಕ 82

ನಾರಾಯಣಪ್ರಿಯಾ ನಿತ್ಯಾ ನಿರ್ಮಲಾ ನಿರ್ಗುಣಾ ನಿಧಿಃ ।

ನಿರಾಧಾರಾ ನಿರುಪಮಾ ನಿತ್ಯಶುದ್ಧಾ ನಿರಞ್ಜನಾ

॥ 81 ॥

ಶ್ಲೋಕ 83

ನಾದಬಿನ್ದುಕಲಾತೀತಾ ನಾದಬಿನ್ದುಕಲಾತ್ಮಿಕಾ ।

ನೃಸಿಂಹಿನೀ ನಗಧರಾ ನೃಪನಾಗವಿಭೂಷಿತಾ

॥ 82 ॥

ಶ್ಲೋಕ 84

ನರಕಕ್ಲೇಶಶಮನೀ ನಾರಾಯಣಪದೋದ್ಭವಾ ।

ನಿರವದ್ಯಾ ನಿರಾಕಾರಾ ನಾರದಪ್ರಿಯಕಾರಿಣೀ

॥ 83 ॥

ಶ್ಲೋಕ 85

ನಾನಾಜ್ಯೋತಿಃ ಸಮಾಖ್ಯಾತಾ ನಿಧಿದಾ ನಿರ್ಮಲಾತ್ಮಿಕಾ ।

ನವಸೂತ್ರಧರಾ ನೀತಿರ್ನಿರುಪದ್ರವಕಾರಿಣೀ

॥ 84 ॥

ಶ್ಲೋಕ 86

ನನ್ದಜಾ ನವರತ್ನಾಢ್ಯಾ ನೈಮಿಷಾರಣ್ಯವಾಸಿನೀ ।

ನವನೀತಪ್ರಿಯಾ ನಾರೀ ನೀಲಜೀಮೂತನಿಸ್ವನಾ

॥ 85 ॥

ಶ್ಲೋಕ 87

ನಿಮೇಷಿಣೀ ನದೀರೂಪಾ ನೀಲಗ್ರೀವಾ ನಿಶೀಶ್ವರೀ ।

ನಾಮಾವಲಿರ್ನಿಶುಮ್ಭಘ್ನೀ ನಾಗಲೋಕನಿವಾಸಿನೀ

॥ 86 ॥

ಶ್ಲೋಕ 88

ನವಜಾಮ್ಬೂನದಪ್ರಖ್ಯಾ ನಾಗಲೋಕಾಧಿದೇವತಾ ।

ನೂಪುರಾಕ್ರಾನ್ತಚರಣಾ ನರಚಿತ್ತಪ್ರಮೋದಿನೀ

॥ 87 ॥

ಶ್ಲೋಕ 89

ನಿಮಗ್ನಾರಕ್ತನಯನಾ ನಿರ್ಘಾತಸಮನಿಸ್ವನಾ ।

ನನ್ದನೋದ್ಯಾನನಿಲಯಾ ನಿರ್ವ್ಯೂಹೋಪರಿಚಾರಿಣೀ

॥ 88 ॥

ಶ್ಲೋಕ 90

ಪಾರ್ವತೀ ಪರಮೋದಾರಾ ಪರಬ್ರಹ್ಮಾತ್ಮಿಕಾ ಪರಾ ।

ಪಞ್ಚಕೋಶವಿನಿರ್ಮುಕ್ತಾ ಪಞ್ಚಪಾತಕನಾಶಿನೀ

॥ 89 ॥

ಶ್ಲೋಕ 91

ಪರಚಿತ್ತವಿಧಾನಜ್ಞಾ ಪಞ್ಚಿಕಾ ಪಞ್ಚರೂಪಿಣೀ ।

ಪೂರ್ಣಿಮಾ ಪರಮಾ ಪ್ರೀತಿಃ ಪರತೇಜಃ ಪ್ರಕಾಶಿನೀ

॥ 90 ॥

ಶ್ಲೋಕ 92

ಪುರಾಣೀ ಪೌರುಷೀ ಪುಣ್ಯಾ ಪುಣ್ಡರೀಕನಿಭೇಕ್ಷಣಾ ।

ಪಾತಾಲತಲನಿರ್ಮಗ್ನಾ ಪ್ರೀತಾ ಪ್ರೀತಿವಿವರ್ಧಿನೀ

॥ 91 ॥

ಶ್ಲೋಕ 93

ಪಾವನೀ ಪಾದಸಹಿತಾ ಪೇಶಲಾ ಪವನಾಶಿನೀ ।

ಪ್ರಜಾಪತಿಃ ಪರಿಶ್ರಾನ್ತಾ ಪರ್ವತಸ್ತನಮಣ್ಡಲಾ

॥ 92 ॥

ಶ್ಲೋಕ 94

ಪದ್ಮಪ್ರಿಯಾ ಪದ್ಮಸಂಸ್ಥಾ ಪದ್ಮಾಕ್ಷೀ ಪದ್ಮಸಮ್ಭವಾ ।

ಪದ್ಮಪತ್ರಾ ಪದ್ಮಪದಾ ಪದ್ಮಿನೀ ಪ್ರಿಯಭಾಷಿಣೀ

॥ 93 ॥

ಶ್ಲೋಕ 95

ಪಶುಪಾಶವಿನಿರ್ಮುಕ್ತಾ ಪುರನ್ಧ್ರೀ ಪುರವಾಸಿನೀ ।

ಪುಷ್ಕಲಾ ಪುರುಷಾ ಪರ್ವಾ ಪಾರಿಜಾತಸುಮಪ್ರಿಯಾ

॥ 94 ॥

ಶ್ಲೋಕ 96

ಪತಿವ್ರತಾ ಪವಿತ್ರಾಙ್ಗೀ ಪುಷ್ಪಹಾಸಪರಾಯಣಾ ।

ಪ್ರಜ್ಞಾವತೀಸುತಾ ಪೌತ್ರೀ ಪುತ್ರಪೂಜ್ಯಾ ಪಯಸ್ವಿನೀ

॥ 95 ॥

ಶ್ಲೋಕ 97

ಪಟ್ಟಿಪಾಶಧರಾ ಪಙ್ಕ್ತಿಃ ಪಿತೃಲೋಕಪ್ರದಾಯಿನೀ ।

ಪುರಾಣೀ ಪುಣ್ಯಶೀಲಾ ಚ ಪ್ರಣತಾರ್ತಿವಿನಾಶಿನೀ

॥ 96 ॥

ಶ್ಲೋಕ 98

ಪ್ರದ್ಯುಮ್ನಜನನೀ ಪುಷ್ಟಾ ಪಿತಾಮಹಪರಿಗ್ರಹಾ ।

ಪುಣ್ಡರೀಕಪುರಾವಾಸಾ ಪುಣ್ಡರೀಕಸಮಾನನಾ

॥ 97 ॥

ಶ್ಲೋಕ 99

ಪೃಥುಜಙ್ಘಾ ಪೃಥುಭುಜಾ ಪೃಥುಪಾದಾ ಪೃಥೂದರೀ ।

ಪ್ರವಾಲಶೋಭಾ ಪಿಙ್ಗಾಕ್ಷೀ ಪೀತವಾಸಾಃ ಪ್ರಚಾಪಲಾ

॥ 98 ॥

ಶ್ಲೋಕ 100

ಪ್ರಸವಾ ಪುಷ್ಟಿದಾ ಪುಣ್ಯಾ ಪ್ರತಿಷ್ಠಾ ಪ್ರಣವಾಗತಿಃ ।

ಪಞ್ಚವರ್ಣಾ ಪಞ್ಚವಾಣೀ ಪಞ್ಚಿಕಾ ಪಞ್ಜರಸ್ಥಿತಾ

॥ 99 ॥

ಶ್ಲೋಕ 101

ಪರಮಾಯಾ ಪರಜ್ಯೋತಿಃ ಪರಪ್ರೀತಿಃ ಪರಾಗತಿಃ ।

ಪರಾಕಾಷ್ಠಾ ಪರೇಶಾನೀ ಪಾವನೀ ಪಾವಕದ್ಯುತಿಃ

॥ 100 ॥

ಶ್ಲೋಕ 102

ಪುಣ್ಯಭದ್ರಾ ಪರಿಚ್ಛೇದ್ಯಾ ಪುಷ್ಪಹಾಸಾ ಪೃಥೂದರೀ ।

ಪೀತಾಙ್ಗೀ ಪೀತವಸನಾ ಪೀತಶಯ್ಯಾ ಪಿಶಾಚಿನೀ

॥ 101 ॥

ಶ್ಲೋಕ 103

ಪೀತಕ್ರಿಯಾ ಪಿಶಾಚಘ್ನೀ ಪಾಟಲಾಕ್ಷೀ ಪಟುಕ್ರಿಯಾ ।

ಪಞ್ಚಭಕ್ಷಪ್ರಿಯಾಚಾರಾ ಪೂತನಾಪ್ರಾಣಘಾತಿನೀ

॥ 102 ॥

ಶ್ಲೋಕ 104

ಪುನ್ನಾಗವನಮಧ್ಯಸ್ಥಾ ಪುಣ್ಯತೀರ್ಥನಿಷೇವಿತಾ ।

ಪಞ್ಚಾಙ್ಗೀ ಚ ಪರಾಶಕ್ತಿಃ ಪರಮಾಹ್ಲಾದಕಾರಿಣೀ

॥ 103 ॥

ಶ್ಲೋಕ 105

ಪುಷ್ಪಕಾಣ್ಡಸ್ಥಿತಾ ಪೂಷಾ ಪೋಷಿತಾಖಿಲವಿಷ್ಟಪಾ ।

ಪ್ರಾಣಪ್ರಿಯಾ ಪಞ್ಚಶಿಖಾ ಪನ್ನಗೋಪರಿಶಾಯಿನೀ

॥ 104 ॥

ಶ್ಲೋಕ 106

ಪಞ್ಚಮಾತ್ರಾತ್ಮಿಕಾ ಪೃಥ್ವೀ ಪಥಿಕಾ ಪೃಥುದೋಹಿನೀ ।

ಪುರಾಣನ್ಯಾಯಮೀಮಾಂಸಾ ಪಾಟಲೀ ಪುಷ್ಪಗನ್ಧಿನೀ

॥ 105 ॥

ಶ್ಲೋಕ 107

ಪುಣ್ಯಪ್ರಜಾ ಪಾರದಾತ್ರೀ ಪರಮಾರ್ಗೈಕಗೋಚರಾ ।

ಪ್ರವಾಲಶೋಭಾ ಪೂರ್ಣಾಶಾ ಪ್ರಣವಾ ಪಲ್ಲವೋದರೀ

॥ 106 ॥

ಶ್ಲೋಕ 108

ಫಲಿನೀ ಫಲದಾ ಫಲ್ಗುಃ ಫೂತ್ಕಾರೀ ಫಲಕಾಕೃತಿಃ ।

ಫಣೀನ್ದ್ರಭೋಗಶಯನಾ ಫಣಿಮಣ್ಡಲಮಣ್ಡಿತಾ

॥ 107 ॥

ಶ್ಲೋಕ 109

ಬಾಲಬಾಲಾ ಬಹುಮತಾ ಬಾಲಾತಪನಿಭಾಂಶುಕಾ ।

ಬಲಭದ್ರಪ್ರಿಯಾ ವನ್ದ್ಯಾ ಬಡವಾ ಬುದ್ಧಿಸಂಸ್ತುತಾ

॥ 108 ॥

ಶ್ಲೋಕ 110

ಬನ್ದೀದೇವೀ ಬಿಲವತೀ ಬಡಿಶಘ್ನೀ ಬಲಿಪ್ರಿಯಾ ।

ಬಾನ್ಧವೀ ಬೋಧಿತಾ ಬುದ್ಧಿರ್ಬನ್ಧೂಕಕುಸುಮಪ್ರಿಯಾ

॥ 109 ॥

ಶ್ಲೋಕ 111

ಬಾಲಭಾನುಪ್ರಭಾಕಾರಾ ಬ್ರಾಹ್ಮೀ ಬ್ರಾಹ್ಮಣದೇವತಾ ।

ಬೃಹಸ್ಪತಿಸ್ತುತಾ ಬೃನ್ದಾ ಬೃನ್ದಾವನವಿಹಾರಿಣೀ

॥ 110 ॥

ಶ್ಲೋಕ 112

ಬಾಲಾಕಿನೀ ಬಿಲಾಹಾರಾ ಬಿಲವಾಸಾ ಬಹೂದಕಾ ।

ಬಹುನೇತ್ರಾ ಬಹುಪದಾ ಬಹುಕರ್ಣಾವತಂಸಿಕಾ

॥ 111 ॥

ಶ್ಲೋಕ 113

ಬಹುಬಾಹುಯುತಾ ಬೀಜರೂಪಿಣೀ ಬಹುರೂಪಿಣೀ ।

ಬಿನ್ದುನಾದಕಲಾತೀತಾ ಬಿನ್ದುನಾದಸ್ವರೂಪಿಣೀ

॥ 112 ॥

ಶ್ಲೋಕ 114

ಬದ್ಧಗೋಧಾಙ್ಗುಲಿತ್ರಾಣಾ ಬದರ್ಯಾಶ್ರಮವಾಸಿನೀ ।

ಬೃನ್ದಾರಕಾ ಬೃಹತ್ಸ್ಕನ್ಧಾ ಬೃಹತೀ ಬಾಣಪಾತಿನೀ

॥ 113 ॥

ಶ್ಲೋಕ 115

ಬೃನ್ದಾಧ್ಯಕ್ಷಾ ಬಹುನುತಾ ವನಿತಾ ಬಹುವಿಕ್ರಮಾ ।

ಬದ್ಧಪದ್ಮಾಸನಾಸೀನಾ ಬಿಲ್ವಪತ್ರತಲಸ್ಥಿತಾ

॥ 114 ॥

ಶ್ಲೋಕ 116

ಬೋಧಿದ್ರುಮನಿಜಾವಾಸಾ ಬಡಿಸ್ಥಾ ಬಿನ್ದುದರ್ಪಣಾ ।

ಬಾಲಾ ಬಾಣಾಸನವತೀ ಬಡಬಾನಲವೇಗಿನೀ

॥ 115 ॥

ಶ್ಲೋಕ 117

ಬ್ರಹ್ಮಾಣ್ಡಬಹಿರನ್ತಃಸ್ಥಾ ಬ್ರಹ್ಮಕಙ್ಕಣಸೂತ್ರಿಣೀ ।

ಭವಾನೀ ಭೀಷಣವತೀ ಭಾವಿನೀ ಭಯಹಾರಿಣೀ

॥ 116 ॥

ಶ್ಲೋಕ 118

ಭದ್ರಕಾಲೀ ಭುಜಙ್ಗಾಕ್ಷೀ ಭಾರತೀ ಭಾರತಾಶಯಾ ।

ಭೈರವೀ ಭೀಷಣಾಕಾರಾ ಭೂತಿದಾ ಭೂತಿಮಾಲಿನೀ

॥ 117 ॥

ಶ್ಲೋಕ 119

ಭಾಮಿನೀ ಭೋಗನಿರತಾ ಭದ್ರದಾ ಭೂರಿವಿಕ್ರಮಾ ।

ಭೂತವಾಸಾ ಭೃಗುಲತಾ ಭಾರ್ಗವೀ ಭೂಸುರಾರ್ಚಿತಾ

॥ 118 ॥

ಶ್ಲೋಕ 120

ಭಾಗೀರಥೀ ಭೋಗವತೀ ಭವನಸ್ಥಾ ಭಿಷಗ್ವರಾ ।

ಭಾಮಿನೀ ಭೋಗಿನೀ ಭಾಷಾ ಭವಾನೀ ಭೂರಿದಕ್ಷಿಣಾ

॥ 119 ॥

ಶ್ಲೋಕ 121

ಭರ್ಗಾತ್ಮಿಕಾ ಭೀಮವತೀ ಭವಬನ್ಧವಿಮೋಚಿನೀ ।

ಭಜನೀಯಾ ಭೂತಧಾತ್ರೀರಞ್ಜಿತಾ ಭುವನೇಶ್ವರೀ

॥ 120 ॥

ಶ್ಲೋಕ 122

ಭುಜಙ್ಗವಲಯಾ ಭೀಮಾ ಭೇರುಣ್ಡಾ ಭಾಗಧೇಯಿನೀ ।

ಮಾತಾ ಮಾಯಾ ಮಧುಮತೀ ಮಧುಜಿಹ್ವಾ ಮಧುಪ್ರಿಯಾ

॥ 121 ॥

ಶ್ಲೋಕ 123

ಮಹಾದೇವೀ ಮಹಾಭಾಗಾ ಮಾಲಿನೀ ಮೀನಲೋಚನಾ ।

ಮಾಯಾತೀತಾ ಮಧುಮತೀ ಮಧುಮಾಂಸಾ ಮಧುದ್ರವಾ

॥ 122 ॥

ಶ್ಲೋಕ 124

ಮಾನವೀ ಮಧುಸಮ್ಭೂತಾ ಮಿಥಿಲಾಪುರವಾಸಿನೀ ।

ಮಧುಕೈಟಭಸಂಹರ್ತ್ರೀ ಮೇದಿನೀ ಮೇಘಮಾಲಿನೀ

॥ 123 ॥

ಶ್ಲೋಕ 125

ಮನ್ದೋದರೀ ಮಹಾಮಾಯಾ ಮೈಥಿಲೀ ಮಸೃಣಪ್ರಿಯಾ ।

ಮಹಾಲಕ್ಷ್ಮೀರ್ಮಹಾಕಾಲೀ ಮಹಾಕನ್ಯಾ ಮಹೇಶ್ವರೀ

॥ 124 ॥

ಶ್ಲೋಕ 126

ಮಾಹೇನ್ದ್ರೀ ಮೇರುತನಯಾ ಮನ್ದಾರಕುಸುಮಾರ್ಚಿತಾ ।

ಮಞ್ಜುಮಞ್ಜೀರಚರಣಾ ಮೋಕ್ಷದಾ ಮಞ್ಜುಭಾಷಿಣೀ

॥ 125 ॥

ಶ್ಲೋಕ 127

ಮಧುರದ್ರಾವಿಣೀ ಮುದ್ರಾ ಮಲಯಾ ಮಲಯಾನ್ವಿತಾ ।

ಮೇಧಾ ಮರಕತಶ್ಯಾಮಾ ಮಾಗಧೀ ಮೇನಕಾತ್ಮಜಾ

॥ 126 ॥

ಶ್ಲೋಕ 128

ಮಹಾಮಾರೀ ಮಹಾವೀರಾ ಮಹಾಶ್ಯಾಮಾ ಮನುಸ್ತುತಾ ।

ಮಾತೃಕಾ ಮಿಹಿರಾಭಾಸಾ ಮುಕುನ್ದಪದವಿಕ್ರಮಾ

॥ 127 ॥

ಶ್ಲೋಕ 129

ಮೂಲಾಧಾರಸ್ಥಿತಾ ಮುಗ್ಧಾ ಮಣಿಪೂರಕವಾಸಿನೀ ।

ಮೃಗಾಕ್ಷೀ ಮಹಿಷಾರೂಢಾ ಮಹಿಷಾಸುರಮರ್ದಿನೀ

॥ 128 ॥

ಶ್ಲೋಕ 130

ಯೋಗಾಸನಾ ಯೋಗಗಮ್ಯಾ ಯೋಗಾ ಯೌವನಕಾಶ್ರಯಾ ।

ಯೌವನೀ ಯುದ್ಧಮಧ್ಯಸ್ಥಾ ಯಮುನಾ ಯುಗಧಾರಿಣೀ

॥ 129 ॥

ಶ್ಲೋಕ 131

ಯಕ್ಷಿಣೀ ಯೋಗಯುಕ್ತಾ ಚ ಯಕ್ಷರಾಜಪ್ರಸೂತಿನೀ ।

ಯಾತ್ರಾ ಯಾನವಿಧಾನಜ್ಞಾ ಯದುವಂಶಸಮುದ್ಭವಾ

॥ 130 ॥

ಶ್ಲೋಕ 132

ಯಕಾರಾದಿಹಕಾರಾನ್ತಾ ಯಾಜುಷೀ ಯಜ್ಞರೂಪಿಣೀ ।

ಯಾಮಿನೀ ಯೋಗನಿರತಾ ಯಾತುಧಾನಭಯಙ್ಕರೀ

॥ 131 ॥

ಶ್ಲೋಕ 133

ರುಕ್ಮಿಣೀ ರಮಣೀ ರಾಮಾ ರೇವತೀ ರೇಣುಕಾ ರತಿಃ ।

ರೌದ್ರೀ ರೌದ್ರಪ್ರಿಯಾಕಾರಾ ರಾಮಮಾತಾ ರತಿಪ್ರಿಯಾ

॥ 132 ॥

ಶ್ಲೋಕ 134

ರೋಹಿಣೀ ರಾಜ್ಯದಾ ರೇವಾ ರಮಾ ರಾಜೀವಲೋಚನಾ ।

ರಾಕೇಶೀ ರೂಪಸಮ್ಪನ್ನಾ ರತ್ನಸಿಂಹಾಸನಸ್ಥಿತಾ

॥ 133 ॥

ಶ್ಲೋಕ 135

ರಕ್ತಮಾಲ್ಯಾಮ್ಬರಧರಾ ರಕ್ತಗನ್ಧಾನುಲೇಪನಾ ।

ರಾಜಹಂಸಸಮಾರೂಢಾ ರಮ್ಭಾ ರಕ್ತಬಲಿಪ್ರಿಯಾ

॥ 134 ॥

ಶ್ಲೋಕ 136

ರಮಣೀಯಯುಗಾಧಾರಾ ರಾಜಿತಾಖಿಲಭೂತಲಾ ।

ರುರುಚರ್ಮಪರೀಧಾನಾ ರಥಿನೀ ರತ್ನಮಾಲಿಕಾ

॥ 135 ॥

ಶ್ಲೋಕ 137

ರೋಗೇಶೀ ರೋಗಶಮನೀ ರಾವಿಣೀ ರೋಮಹರ್ಷಿಣೀ ।

ರಾಮಚನ್ದ್ರಪದಾಕ್ರಾನ್ತಾ ರಾವಣಚ್ಛೇದಕಾರಿಣೀ

॥ 136 ॥

ಶ್ಲೋಕ 138

ರತ್ನವಸ್ತ್ರಪರಿಚ್ಛನ್ನಾ ರಥಸ್ಥಾ ರುಕ್ಮಭೂಷಣಾ ।

ಲಜ್ಜಾಧಿದೇವತಾ ಲೋಲಾ ಲಲಿತಾ ಲಿಙ್ಗಧಾರಿಣೀ

॥ 137 ॥

ಶ್ಲೋಕ 139

ಲಕ್ಷ್ಮೀರ್ಲೋಲಾ ಲುಪ್ತವಿಷಾ ಲೋಕಿನೀ ಲೋಕವಿಶ್ರುತಾ ।

ಲಜ್ಜಾ ಲಮ್ಬೋದರೀ ದೇವೀ ಲಲನಾ ಲೋಕಧಾರಿಣೀ

॥ 138 ॥

ಶ್ಲೋಕ 140

ವರದಾ ವನ್ದಿತಾ ವಿದ್ಯಾ ವೈಷ್ಣವೀ ವಿಮಲಾಕೃತಿಃ ।

ವಾರಾಹೀ ವಿರಜಾ ವರ್ಷಾ ವರಲಕ್ಷ್ಮೀರ್ವಿಲಾಸಿನೀ

॥ 139 ॥

ಶ್ಲೋಕ 141

ವಿನತಾ ವ್ಯೋಮಮಧ್ಯಸ್ಥಾ ವಾರಿಜಾಸನಸಂಸ್ಥಿತಾ ।

ವಾರುಣೀ ವೇಣುಸಮ್ಭೂತಾ ವೀತಿಹೋತ್ರಾ ವಿರೂಪಿಣೀ

॥ 140 ॥

ಶ್ಲೋಕ 142

ವಾಯುಮಣ್ಡಲಮಧ್ಯಸ್ಥಾ ವಿಷ್ಣುರೂಪಾ ವಿಧಿಪ್ರಿಯಾ ।

ವಿಷ್ಣುಪತ್ನೀ ವಿಷ್ಣುಮತೀ ವಿಶಾಲಾಕ್ಷೀ ವಸುನ್ಧರಾ

॥ 141 ॥

ಶ್ಲೋಕ 143

ವಾಮದೇವಪ್ರಿಯಾ ವೇಲಾ ವಜ್ರಿಣೀ ವಸುದೋಹಿನೀ ।

ವೇದಾಕ್ಷರಪರೀತಾಙ್ಗೀ ವಾಜಪೇಯಫಲಪ್ರದಾ

॥ 142 ॥

ಶ್ಲೋಕ 144

ವಾಸವೀ ವಾಮಜನನೀ ವೈಕುಣ್ಠನಿಲಯಾ ವರಾ ।

ವ್ಯಾಸಪ್ರಿಯಾ ವರ್ಮಧರಾ ವಾಲ್ಮೀಕಿಪರಿಸೇವಿತಾ

॥ 143 ॥

ಶ್ಲೋಕ 145

ಶಾಕಮ್ಭರೀ ಶಿವಾ ಶಾನ್ತಾ ಶಾರದಾ ಶರಣಾಗತಿಃ ।

ಶಾತೋದರೀ ಶುಭಾಚಾರಾ ಶುಮ್ಭಾಸುರವಿಮರ್ದಿನೀ

॥ 144 ॥

ಶ್ಲೋಕ 146

ಶೋಭಾವತೀ ಶಿವಾಕಾರಾ ಶಙ್ಕರಾರ್ಧಶರೀರಿಣೀ ।

ಶೋಣಾ ಶುಭಾಶಯಾ ಶುಭ್ರಾ ಶಿರಃಸನ್ಧಾನಕಾರಿಣೀ

॥ 145 ॥

ಶ್ಲೋಕ 147

ಶರಾವತೀ ಶರಾನನ್ದಾ ಶರಜ್ಜ್ಯೋತ್ಸ್ನಾ ಶುಭಾನನಾ ।

ಶರಭಾ ಶೂಲಿನೀ ಶುದ್ಧಾ ಶಬರೀ ಶುಕವಾಹನಾ

॥ 146 ॥

ಶ್ಲೋಕ 148

ಶ್ರೀಮತೀ ಶ್ರೀಧರಾನನ್ದಾ ಶ್ರವಣಾನನ್ದದಾಯಿನೀ ।

ಶರ್ವಾಣೀ ಶರ್ವರೀವನ್ದ್ಯಾ ಷಡ್ಭಾಷಾ ಷಡೃತುಪ್ರಿಯಾ

॥ 147 ॥

ಶ್ಲೋಕ 149

ಷಡಾಧಾರಸ್ಥಿತಾ ದೇವೀ ಷಣ್ಮುಖಪ್ರಿಯಕಾರಿಣೀ ।

ಷಡಙ್ಗರೂಪಸುಮತೀ ಸುರಾಸುರನಮಸ್ಕೃತಾ

॥ 148 ॥

ಶ್ಲೋಕ 150

ಸರಸ್ವತೀ ಸದಾಧಾರಾ ಸರ್ವಮಙ್ಗಲಕಾರಿಣೀ ।

ಸಾಮಗಾನಪ್ರಿಯಾ ಸೂಕ್ಷ್ಮಾ ಸಾವಿತ್ರೀ ಸಾಮಸಮ್ಭವಾ

॥ 149 ॥

ಶ್ಲೋಕ 151

ಸರ್ವಾವಾಸಾ ಸದಾನನ್ದಾ ಸುಸ್ತನೀ ಸಾಗರಾಮ್ಬರಾ ।

ಸರ್ವೈಶ್ವರ್ಯಪ್ರಿಯಾ ಸಿದ್ಧಿಃ ಸಾಧುಬನ್ಧುಪರಾಕ್ರಮಾ

॥ 150 ॥

ಶ್ಲೋಕ 152

ಸಪ್ತರ್ಷಿಮಣ್ಡಲಗತಾ ಸೋಮಮಣ್ಡಲವಾಸಿನೀ ।

ಸರ್ವಜ್ಞಾ ಸಾನ್ದ್ರಕರುಣಾ ಸಮಾನಾಧಿಕವರ್ಜಿತಾ

॥ 151 ॥

ಶ್ಲೋಕ 153

ಸರ್ವೋತ್ತುಙ್ಗಾ ಸಙ್ಗಹೀನಾ ಸದ್ಗುಣಾ ಸಕಲೇಷ್ಟದಾ ।

ಸರಧಾ ಸೂರ್ಯತನಯಾ ಸುಕೇಶೀ ಸೋಮಸಂಹತಿಃ

॥ 152 ॥

ಶ್ಲೋಕ 154

ಹಿರಣ್ಯವರ್ಣಾ ಹರಿಣೀ ಹ್ರೀಙ್ಕಾರೀ ಹಂಸವಾಹಿನೀ ।

ಕ್ಷೌಮವಸ್ತ್ರಪರೀತಾಙ್ಗೀ ಕ್ಷೀರಾಬ್ಧಿತನಯಾ ಕ್ಷಮಾ

॥ 153 ॥

ಶ್ಲೋಕ 155

ಗಾಯತ್ರೀ ಚೈವ ಸಾವಿತ್ರೀ ಪಾರ್ವತೀ ಚ ಸರಸ್ವತೀ ।

ವೇದಗರ್ಭಾ ವರಾರೋಹಾ ಶ್ರೀಗಾಯತ್ರೀ ಪರಾಮ್ಬಿಕಾ

॥ 154 ॥

ಶ್ಲೋಕ 156

ಇತಿ ಸಾಹಸ್ರಕಂ ನಾಮ್ನಾಂ ಗಾಯತ್ರ್ಯಾಶ್ಚೈವ ನಾರದ ।

ಪುಣ್ಯದಂ ಸರ್ವಪಾಪಘ್ನಂ ಮಹಾಸಮ್ಪತ್ತಿದಾಯಕಮ್

॥ 155 ॥

ಶ್ಲೋಕ 157

ಏವಂ ನಾಮಾನಿ ಗಾಯತ್ರ್ಯಾಸ್ತೋಷೋತ್ಪತ್ತಿಕರಾಣಿ ಹಿ ।

ಅಷ್ಟಮ್ಯಾಂ ಚ ವಿಶೇಷೇಣ ಪಠಿತವ್ಯಂ ದ್ವಿಜೈಃ ಸಹ

॥ 156 ॥

ಶ್ಲೋಕ 158

ಜಪಂ ಕೃತ್ವಾ ಹೋಮ ಪೂಜಾ ಧ್ಯಾನಂ ಕೃತ್ವಾ ವಿಶೇಷತಃ ।

ಯಸ್ಮೈ ಕಸ್ಮೈ ನ ದಾತವ್ಯಂ ಗಾಯತ್ರ್ಯಾಸ್ತು ವಿಶೇಷತಃ

॥ 157 ॥

ಶ್ಲೋಕ 159

ಸುಭಕ್ತಾಯ ಸುಶಿಷ್ಯಾಯ ವಕ್ತವ್ಯಂ ಭೂಸುರಾಯ ವೈ ।

ಭ್ರಷ್ಟೇಭ್ಯಃ ಸಾಧಕೇಭ್ಯಶ್ಚ ಬಾನ್ಧವೇಭ್ಯೋ ನ ದರ್ಶಯೇತ್

॥ 158 ॥

ಶ್ಲೋಕ 160

ಯದ್ಗೃಹೇ ಲಿಖಿತಂ ಶಾಸ್ತ್ರಂ ಭಯಂ ತಸ್ಯ ನ ಕಸ್ಯಚಿತ್ ।

ಚಞ್ಚಲಾಪಿಸ್ಥಿರಾ ಭೂತ್ವಾ ಕಮಲಾ ತತ್ರ ತಿಷ್ಠತಿ

॥ 159 ॥

ಶ್ಲೋಕ 161

ಇದಂ ರಹಸ್ಯಂ ಪರಮಂ ಗುಹ್ಯಾದ್ಗುಹ್ಯತರಂ ಮಹತ್ ।

ಪುಣ್ಯಪ್ರದಂ ಮನುಷ್ಯಾಣಾಂ ದರಿದ್ರಾಣಾಂ ನಿಧಿಪ್ರದಮ್

॥ 160 ॥

ಶ್ಲೋಕ 162

ಮೋಕ್ಷಪ್ರದಂ ಮುಮುಕ್ಷೂಣಾಂ ಕಾಮಿನಾಂ ಸರ್ವಕಾಮದಮ್ ।

ರೋಗಾದ್ವೈ ಮುಚ್ಯತೇ ರೋಗೀ ಬದ್ಧೋ ಮುಚ್ಯೇತ ಬನ್ಧನಾತ್

॥ 161 ॥

ಶ್ಲೋಕ 163

ಬ್ರಹ್ಮಹತ್ಯಾ ಸುರಾಪಾನಂ ಸುವರ್ಣಸ್ತೇಯಿನೋ ನರಾಃ ।

ಗುರುತಲ್ಪಗತೋ ವಾಪಿ ಪಾತಕಾನ್ಮುಚ್ಯತೇ ಸಕೃತ್

॥ 162 ॥

ಶ್ಲೋಕ 164

ಅಸತ್ಪ್ರತಿಗ್ರಹಾಚ್ಚೈವಾಽಭಕ್ಷ್ಯಭಕ್ಷಾದ್ವಿಶೇಷತಃ ।

ಪಾಖಣ್ಡಾನೃತಮುಖ್ಯೇಭ್ಯಃ ಪಠನಾದೇವ ಮುಚ್ಯತೇ

॥ 163 ॥

ಶ್ಲೋಕ 165

ಇದಂ ರಹಸ್ಯಮಮಲಂ ಮಯೋಕ್ತಂ ಪದ್ಮಜೋದ್ಭವ ।

ಬ್ರಹ್ಮಸಾಯುಜ್ಯದಂ ನೄಣಾಂ ಸತ್ಯಂ ಸತ್ಯಂ ನ ಸಂಶಯಃ

॥ 164 ॥

ಶ್ಲೋಕ 166

ಇತಿ ಶ್ರೀದೇವೀಭಾಗವತೇ ಮಹಾಪುರಾಣೇ ದ್ವಾದಶಸ್ಕನ್ಧೇ ಗಾಯತ್ರೀಸಹಸ್ರನಾಮ ಸ್ತೋತ್ರ ಕಥನಂ ನಾಮ ಷಷ್ಠೋಽಧ್ಯಾಯಃ ॥