Sri Ganapathi Mangalashtakam

shrI gaNapati ma~NgalAShTakam

shloka 1

gajAnanAya gA~NgeyasahajAya sadAtmane |

gaurIpriyatanUjAya gaNeshAyAstu ma~Ngalam || 1 ||

nAgayaj~nopavItAya natavighnavinAshine |

nandyAdigaNanAthAya nAyakAyAstu ma~Ngalam || 2 ||

ibhavaktrAya chendrAdivanditAya chidAtmane |

IshAnapremapAtrAya cheShTadAyAstu ma~Ngalam || 3 ||

sumukhAya sushuNDAgrokShiptAmRRitaghaTAya cha |

surabRRindaniShevyAya sukhadAyAstu ma~Ngalam || 4 ||

chaturbhujAya chandrArdhavilasanmastakAya cha |

charaNAvanatAnartha tAraNAyAstu ma~Ngalam || 5 ||

vakratuNDAya vaTave vandyAya varadAya cha |

virUpAkShasutAyAstu vighnanAshAya ma~Ngalam || 6 ||

pramodAmodarUpAya siddhivij~nAnarUpiNe |

prakRRiShTapApanAshAya phaladAyAstu ma~Ngalam || 7 ||

maNgalaM gaNanAthAya maNgalaM harasUnave |

maNgalaM vighnarAjAya vighnahartrestu maNgalam || 8 ||

shlokAShTakamidaM puNyaM ma~NgalapradamAdarAt |

paThitavyaM prayatnena sarvavighnanivRRittaye || 9 ||

iti shrI gaNapati ma~NgalAShTakam |