Sri Ganapathi Mangalashtakam

zrI gaNapati maGgalASTakam

zloka 1

gajAnanAya gAGgeyasahajAya sadAtmane |

gaurIpriyatanUjAya gaNezAyAstu maGgalam || 1 ||

nAgayajJopavItAya natavighnavinAzine |

nandyAdigaNanAthAya nAyakAyAstu maGgalam || 2 ||

ibhavaktrAya cendrAdivanditAya cidAtmane |

IzAnapremapAtrAya ceSTadAyAstu maGgalam || 3 ||

sumukhAya suzuNDAgrokSiptAmRtaghaTAya ca |

surabRndaniSevyAya sukhadAyAstu maGgalam || 4 ||

caturbhujAya candrArdhavilasanmastakAya ca |

caraNAvanatAnartha tAraNAyAstu maGgalam || 5 ||

vakratuNDAya vaTave vandyAya varadAya ca |

virUpAkSasutAyAstu vighnanAzAya maGgalam || 6 ||

pramodAmodarUpAya siddhivijJAnarUpiNe |

prakRSTapApanAzAya phaladAyAstu maGgalam || 7 ||

maGgalaM gaNanAthAya maGgalaM harasUnave |

maGgalaM vighnarAjAya vighnahartrestu maGgalam || 8 ||

zlokASTakamidaM puNyaM maGgalapradamAdarAt |

paThitavyaM prayatnena sarvavighnanivRttaye || 9 ||

iti zrI gaNapati maGgalASTakam |