Sri Durga Chandrakala Stuti

ଶ୍ରୀ ଦୁର୍ଗା ଚନ୍ଦ୍ରକଲା ସ୍ତୁତି

ଶ୍ଲୋକ 1

ଧ୍ଯାନମ୍

ଉମାକାନ୍ତେ ରମାକାନ୍ତେ ଏଷାମାସୀ-ନ୍ମତିସ୍ସମା ।

ନମାମି ଦୀକ୍ଷିତେନ୍ଦ୍ରାଂ ସ୍ତାନ୍ ନଯଷଟ୍କ-ଵିଶାରଦାମ୍ ॥

ଵେଧୋହରୀଶ୍ଵରସ୍ତୁତ୍ଯାଂ ଵିହର୍ତ୍ରୀଂ ଵିନ୍ଧ୍ଯଭୂଧରେ ।

ହରପ୍ରାଣେଶ୍ଵରୀଂ ଵନ୍ଦେ ହନ୍ତ୍ରୀଂ ଵିବୁଧଵିଦ୍ଵିଷାମ୍

ଶ୍ଲୋକ 2

ଅଭ୍ଯର୍ଥନେନ ସରସୀରୁହସମ୍ଭଵସ୍ଯ

ତ୍ଯକ୍ତ୍ଵୋଦିତା ଭଗଵଦକ୍ଷିପିଧାନଲୀଲାମ୍ ।

ଵିଶ୍ଵେଶ୍ଵରୀ ଵିପଦପାକରଣେ ପୁରସ୍ତାତ୍

ମାତା ମମାସ୍ତୁ ମଧୁକୈଟଭଯୋର୍ନିହନ୍ତ୍ରୀ

॥ 1 ॥

ଶ୍ଲୋକ 3

ପ୍ରାଙ୍ନିର୍ଜରେଷୁ ନିହତୈର୍ନିଜଶକ୍ତିଲେଶୈଃ

ଏକୀଭଵଦ୍ଭିରୁଦିତାଽଖିଲଲୋକଗୁପ୍ତ୍ଯୈ ।

ସମ୍ପନ୍ନଶସ୍ତ୍ରନିକରା ଚ ତଦାଯୁଧସ୍ଥୈଃ

ମାତା ମମାସ୍ତୁ ମହିଷାନ୍ତକରୀ ପୁରସ୍ତାତ୍

॥ 2 ॥

ଶ୍ଲୋକ 4

ପ୍ରାଲେଯଶୈଲତନଯା ତନୁକାନ୍ତିସମ୍ପତ୍

କୋଶୋଦିତା କୁଵଲଯଚ୍ଛଵିଚାରୁଦେହା ।

ନାରାଯଣୀ ନମଦଭୀପ୍ସିତକଲ୍ପଵଲ୍ଲୀ

ସୁପ୍ରୀତିମାଵହତୁ ଶୁମ୍ଭନିଶୁମ୍ଭହନ୍ତ୍ରୀ

॥ 3 ॥

ଶ୍ଲୋକ 5

ଵିଶ୍ଵେଶ୍ଵରୀତି ମହିଷାନ୍ତକରୀତି ଯସ୍ଯାଃ

ନାରାଯଣୀତ୍ଯପି ଚ ନାମଭିରଙ୍କିତାନି ।

ସୂକ୍ତାନି ପଙ୍କଜଭୁଵା ଚ ସୁରର୍ଷିଭିଶ୍ଚ

ଦୃଷ୍ଟାନି ପାଵକମୁଖୈଶ୍ଚ ଶିଵାଂ ଭଜେ ତାମ୍

॥ 4 ॥

ଶ୍ଲୋକ 6

ଉତ୍ପତ୍ତିଦୈତ୍ଯହନନସ୍ତଵନାତ୍ମକାନି

ସଂରକ୍ଷକାଣ୍ଯଖିଲଭୂତହିତାଯ ଯସ୍ଯାଃ ।

ସୂକ୍ତାନ୍ଯଶେଷନିଗମାନ୍ତଵିଦଃ ପଠନ୍ତି

ତାଂ ଵିଶ୍ଵମାତରମଜସ୍ରମଭିଷ୍ଟଵୀମି

॥ 5 ॥

ଶ୍ଲୋକ 7

ଯେ ଵୈପ୍ରଚିତ୍ତପୁନରୁତ୍ଥିତଶୁମ୍ଭମୁଖ୍ଯୈଃ

ଦୁର୍ଭିକ୍ଷଘୋରସମଯେନ ଚ କାରିତାସୁ ।

ଆଵିଷ୍କୃତାସ୍ତ୍ରିଜଗଦାର୍ତିଷୁ ରୂପଭେଦାଃ

ତୈରମ୍ବିକା ସମଭିରକ୍ଷତୁ ମାଂ ଵିପଦ୍ଭ୍ଯଃ

॥ 6 ॥

ଶ୍ଲୋକ 8

ସୂକ୍ତଂ ଯଦୀଯମରଵିନ୍ଦଭଵାଦି ଦୃଷ୍ଟଂ

ଆଵର୍ତ୍ଯ ଦେଵ୍ଯନୁପଦଂ ସୁରଥଃ ସମାଧିଃ ।

ଦ୍ଵାଵପ୍ଯଵାପତୁରଭୀଷ୍ଟମନନ୍ଯଲଭ୍ଯଂ

ତାମାଦିଦେଵତରୁଣୀଂ ପ୍ରଣମାମି ମୂର୍ଧ୍ନା

॥ 7 ॥

ଶ୍ଲୋକ 9

ମାହିଷ୍ମତୀତନୁଭଵଂ ଚ ରୁରୁଂ ଚ ହନ୍ତୁଂ

ଆଵିଷ୍କୃତୈର୍ନିଜରସାଦଵତାରଭେଦୈଃ ।

ଅଷ୍ଟାଦଶାହତନଵାହତକୋଟିସଙ୍ଖ୍ଯୈଃ

ଅମ୍ବା ସଦା ସମଭିରକ୍ଷତୁ ମାଂ ଵିପଦ୍ଭ୍ଯଃ

॥ 8 ॥

ଶ୍ଲୋକ 10

ଏତଚ୍ଚରିତ୍ରମଖିଲଂ ଲିଖିତଂ ହି ଯସ୍ଯାଃ

ସମ୍ପୂଜିତଂ ସଦନ ଏଵ ନିଵେଶିତଂ ଵା ।

ଦୁର୍ଗଂ ଚ ତାରଯତି ଦୁସ୍ତରମପ୍ଯଶେଷଂ

ଶ୍ରେଯଃ ପ୍ରଯଚ୍ଛତି ଚ ସର୍ଵମୁମାଂ ଭଜେ ତାମ୍

॥ 9 ॥

ଶ୍ଲୋକ 11

ଯତ୍ପୂଜନସ୍ତୁତିନମସ୍କୃତିଭିର୍ଭଵନ୍ତି

ପ୍ରୀତାଃ ପିତାମହରମେଶହରାସ୍ତ୍ରଯୋଽପି ।

ତେଷାମପି ସ୍ଵକଗୁଣୈର୍ଦଦତୀ ଵପୂଂଷି

ତାମୀଶ୍ଵରସ୍ଯ ତରୁଣୀଂ ଶରଣଂ ପ୍ରପଦ୍ଯେ

॥ 10 ॥

ଶ୍ଲୋକ 12

କାନ୍ତାରମଧ୍ଯଦୃଢଲଗ୍ନତଯାଽଵସନ୍ନାଃ

ମଗ୍ନାଶ୍ଚ ଵାରିଧିଜଲେ ରିପୁଭିଶ୍ଚ ରୁଦ୍ଧାଃ ।

ଯସ୍ଯାଃ ପ୍ରପଦ୍ଯ ଚରଣୌ ଵିପଦସ୍ତରନ୍ତି

ସା ମେ ସଦାଽସ୍ତୁ ହୃଦି ସର୍ଵଜଗତ୍ସଵିତ୍ରୀ

॥ 11 ॥

ଶ୍ଲୋକ 13

ବନ୍ଧେ ଵଧେ ମହତି ମୃତ୍ଯୁଭଯେ ପ୍ରସକ୍ତେ

ଵିତ୍ତକ୍ଷଯେ ଚ ଵିଵିଧେ ଯ ମହୋପତାପେ ।

ଯତ୍ପାଦପୂଜନମିହ ପ୍ରତିକାରମାହୁଃ

ସା ମେ ସମସ୍ତଜନନୀ ଶରଣଂ ଭଵାନୀ

॥ 12 ॥

ଶ୍ଲୋକ 14

ବାଣାସୁରପ୍ରହିତପନ୍ନଗବନ୍ଧମୋକ୍ଷଃ

ତଦ୍ବାହୁଦର୍ପଦଲନାଦୁଷଯା ଚ ଯୋଗଃ ।

ପ୍ରାଦ୍ଯୁମ୍ନିନା ଦ୍ରୁତମଲଭ୍ଯତ ଯତ୍ପ୍ରସାଦାତ୍

ସା ମେ ଶିଵା ସକଲମପ୍ଯଶୁଭଂ କ୍ଷିଣୋତୁ

॥ 13 ॥

ଶ୍ଲୋକ 15

ପାପଃ ପୁଲସ୍ତ୍ଯତନଯଃ ପୁନରୁତ୍ଥିତୋ ମାଂ

ଅଦ୍ଯାପି ହର୍ତୁମଯମାଗତ ଇତ୍ଯୁଦୀତମ୍ ।

ଯତ୍ସେଵନେନ ଭଯମିନ୍ଦିରଯାଽଵଧୂତଂ

ତାମାଦିଦେଵତରୁଣୀଂ ଶରଣଂ ଗତୋଽସ୍ମି

॥ 14 ॥

ଶ୍ଲୋକ 16

ଯଦ୍ଧ୍ଯାନଜଂ ସୁଖମଵାପ୍ଯମନନ୍ତପୁଣ୍ଯୈଃ

ସାକ୍ଷାତ୍ତମଚ୍ଯୁତ ପରିଗ୍ରହମାଶ୍ଵଵାପୁଃ ।

ଗୋପାଙ୍ଗନାଃ କିଲ ଯଦର୍ଚନପୁଣ୍ଯମାତ୍ରାଃ

ସା ମେ ସଦା ଭଗଵତୀ ଭଵତୁ ପ୍ରସନ୍ନା

॥ 15 ॥

ଶ୍ଲୋକ 17

ରାତ୍ରିଂ ପ୍ରପଦ୍ଯ ଇତି ମନ୍ତ୍ରଵିଦଃ ପ୍ରପନ୍ନାନ୍

ଉଦ୍ବୋଧ୍ଯ ମୃତ୍ଯୁଵଧିମନ୍ଯଫଲୈଃ ପ୍ରଲୋଭ୍ଯ ।

ବୁଦ୍ଧ୍ଵା ଚ ତଦ୍ଵିମୁଖତାଂ ପ୍ରତନଂ ନଯନ୍ତୀଂ

ଆକାଶମାଦିଜନନୀଂ ଜଗତାଂ ଭଜେ ତାମ୍

॥ 16 ॥

ଶ୍ଲୋକ 18

ଦେଶକାଲେଷୁ ଦୁଷ୍ଟେଷୁ ଦୁର୍ଗାଚନ୍ଦ୍ରକଲାସ୍ତୁତିଃ ।

ସନ୍ଧ୍ଯଯୋରନୁସନ୍ଧେଯା ସର୍ଵାପଦ୍ଵିନିଵୃତ୍ତଯେ

॥ 17 ॥

ଶ୍ଲୋକ 19

ଇତି ଶ୍ରୀମଦପଯ୍ଯଦୀକ୍ଷିତଵିରଚିତା ଦୁର୍ଗାଚନ୍ଦ୍ରକଲାସ୍ତୁତିଃ ॥