Sri Durga Chandrakala Stuti

শ্রী দুর্গা চন্দ্রকলা স্তুতি

শ্লোক 1

ধ্যানম্

উমাকান্তে রমাকান্তে এষামাসী-ন্মতিস্সমা ।

নমামি দীক্ষিতেন্দ্রাং স্তান্ নযষট্ক-বিশারদাম্ ॥

বেধোহরীশ্বরস্তুত্যাং বিহর্ত্রীং বিন্ধ্যভূধরে ।

হরপ্রাণেশ্বরীং বন্দে হন্ত্রীং বিবুধবিদ্বিষাম্

শ্লোক 2

অভ্যর্থনেন সরসীরুহসম্ভবস্য

ত্যক্ত্বোদিতা ভগবদক্ষিপিধানলীলাম্ ।

বিশ্বেশ্বরী বিপদপাকরণে পুরস্তাত্

মাতা মমাস্তু মধুকৈটভযোর্নিহন্ত্রী

॥ 1 ॥

শ্লোক 3

প্রাঙ্নির্জরেষু নিহতৈর্নিজশক্তিলেশৈঃ

একীভবদ্ভিরুদিতাঽখিললোকগুপ্ত্যৈ ।

সম্পন্নশস্ত্রনিকরা চ তদাযুধস্থৈঃ

মাতা মমাস্তু মহিষান্তকরী পুরস্তাত্

॥ 2 ॥

শ্লোক 4

প্রালেযশৈলতনযা তনুকান্তিসম্পত্

কোশোদিতা কুবলযচ্ছবিচারুদেহা ।

নারাযণী নমদভীপ্সিতকল্পবল্লী

সুপ্রীতিমাবহতু শুম্ভনিশুম্ভহন্ত্রী

॥ 3 ॥

শ্লোক 5

বিশ্বেশ্বরীতি মহিষান্তকরীতি যস্যাঃ

নারাযণীত্যপি চ নামভিরঙ্কিতানি ।

সূক্তানি পঙ্কজভুবা চ সুরর্ষিভিশ্চ

দৃষ্টানি পাবকমুখৈশ্চ শিবাং ভজে তাম্

॥ 4 ॥

শ্লোক 6

উত্পত্তিদৈত্যহননস্তবনাত্মকানি

সংরক্ষকাণ্যখিলভূতহিতায যস্যাঃ ।

সূক্তান্যশেষনিগমান্তবিদঃ পঠন্তি

তাং বিশ্বমাতরমজস্রমভিষ্টবীমি

॥ 5 ॥

শ্লোক 7

যে বৈপ্রচিত্তপুনরুত্থিতশুম্ভমুখ্যৈঃ

দুর্ভিক্ষঘোরসমযেন চ কারিতাসু ।

আবিষ্কৃতাস্ত্রিজগদার্তিষু রূপভেদাঃ

তৈরম্বিকা সমভিরক্ষতু মাং বিপদ্ভ্যঃ

॥ 6 ॥

শ্লোক 8

সূক্তং যদীযমরবিন্দভবাদি দৃষ্টং

আবর্ত্য দেব্যনুপদং সুরথঃ সমাধিঃ ।

দ্বাবপ্যবাপতুরভীষ্টমনন্যলভ্যং

তামাদিদেবতরুণীং প্রণমামি মূর্ধ্না

॥ 7 ॥

শ্লোক 9

মাহিষ্মতীতনুভবং চ রুরুং চ হন্তুং

আবিষ্কৃতৈর্নিজরসাদবতারভেদৈঃ ।

অষ্টাদশাহতনবাহতকোটিসঙ্খ্যৈঃ

অম্বা সদা সমভিরক্ষতু মাং বিপদ্ভ্যঃ

॥ 8 ॥

শ্লোক 10

এতচ্চরিত্রমখিলং লিখিতং হি যস্যাঃ

সম্পূজিতং সদন এব নিবেশিতং বা ।

দুর্গং চ তারযতি দুস্তরমপ্যশেষং

শ্রেযঃ প্রযচ্ছতি চ সর্বমুমাং ভজে তাম্

॥ 9 ॥

শ্লোক 11

যত্পূজনস্তুতিনমস্কৃতিভির্ভবন্তি

প্রীতাঃ পিতামহরমেশহরাস্ত্রযোঽপি ।

তেষামপি স্বকগুণৈর্দদতী বপূংষি

তামীশ্বরস্য তরুণীং শরণং প্রপদ্যে

॥ 10 ॥

শ্লোক 12

কান্তারমধ্যদৃঢলগ্নতযাঽবসন্নাঃ

মগ্নাশ্চ বারিধিজলে রিপুভিশ্চ রুদ্ধাঃ ।

যস্যাঃ প্রপদ্য চরণৌ বিপদস্তরন্তি

সা মে সদাঽস্তু হৃদি সর্বজগত্সবিত্রী

॥ 11 ॥

শ্লোক 13

বন্ধে বধে মহতি মৃত্যুভযে প্রসক্তে

বিত্তক্ষযে চ বিবিধে য মহোপতাপে ।

যত্পাদপূজনমিহ প্রতিকারমাহুঃ

সা মে সমস্তজননী শরণং ভবানী

॥ 12 ॥

শ্লোক 14

বাণাসুরপ্রহিতপন্নগবন্ধমোক্ষঃ

তদ্বাহুদর্পদলনাদুষযা চ যোগঃ ।

প্রাদ্যুম্নিনা দ্রুতমলভ্যত যত্প্রসাদাত্

সা মে শিবা সকলমপ্যশুভং ক্ষিণোতু

॥ 13 ॥

শ্লোক 15

পাপঃ পুলস্ত্যতনযঃ পুনরুত্থিতো মাং

অদ্যাপি হর্তুমযমাগত ইত্যুদীতম্ ।

যত্সেবনেন ভযমিন্দিরযাঽবধূতং

তামাদিদেবতরুণীং শরণং গতোঽস্মি

॥ 14 ॥

শ্লোক 16

যদ্ধ্যানজং সুখমবাপ্যমনন্তপুণ্যৈঃ

সাক্ষাত্তমচ্যুত পরিগ্রহমাশ্ববাপুঃ ।

গোপাঙ্গনাঃ কিল যদর্চনপুণ্যমাত্রাঃ

সা মে সদা ভগবতী ভবতু প্রসন্না

॥ 15 ॥

শ্লোক 17

রাত্রিং প্রপদ্য ইতি মন্ত্রবিদঃ প্রপন্নান্

উদ্বোধ্য মৃত্যুবধিমন্যফলৈঃ প্রলোভ্য ।

বুদ্ধ্বা চ তদ্বিমুখতাং প্রতনং নযন্তীং

আকাশমাদিজননীং জগতাং ভজে তাম্

॥ 16 ॥

শ্লোক 18

দেশকালেষু দুষ্টেষু দুর্গাচন্দ্রকলাস্তুতিঃ ।

সন্ধ্যযোরনুসন্ধেযা সর্বাপদ্বিনিবৃত্তযে

॥ 17 ॥

শ্লোক 19

ইতি শ্রীমদপয্যদীক্ষিতবিরচিতা দুর্গাচন্দ্রকলাস্তুতিঃ ॥