Sri Durga Chandrakala Stuti
శ్రీ దుర్గా చన్ద్రకలా స్తుతి
Sri Durga Chandrakala Stuti
శ్రీ దుర్గా చన్ద్రకలా స్తుతి
ధ్యానమ్
ఉమాకాన్తే రమాకాన్తే ఏషామాసీ-న్మతిస్సమా ।
నమామి దీక్షితేన్ద్రాం స్తాన్ నయషట్క-విశారదామ్ ॥
వేధోహరీశ్వరస్తుత్యాం విహర్త్రీం విన్ధ్యభూధరే ।
హరప్రాణేశ్వరీం వన్దే హన్త్రీం విబుధవిద్విషామ్ ॥ 1 ॥
అభ్యర్థనేన సరసీరుహసమ్భవస్య
త్యక్త్వోదితా భగవదక్షిపిధానలీలామ్ ।
విశ్వేశ్వరీ విపదపాకరణే పురస్తాత్
మాతా మమాస్తు మధుకైటభయోర్నిహన్త్రీ ॥ 2 ॥
ప్రాఙ్నిర్జరేషు నిహతైర్నిజశక్తిలేశైః
ఏకీభవద్భిరుదితాఽఖిలలోకగుప్త్యై ।
సమ్పన్నశస్త్రనికరా చ తదాయుధస్థైః
మాతా మమాస్తు మహిషాన్తకరీ పురస్తాత్ ॥ 3 ॥
ప్రాలేయశైలతనయా తనుకాన్తిసమ్పత్
కోశోదితా కువలయచ్ఛవిచారుదేహా ।
నారాయణీ నమదభీప్సితకల్పవల్లీ
సుప్రీతిమావహతు శుమ్భనిశుమ్భహన్త్రీ ॥ 4 ॥
విశ్వేశ్వరీతి మహిషాన్తకరీతి యస్యాః
నారాయణీత్యపి చ నామభిరఙ్కితాని ।
సూక్తాని పఙ్కజభువా చ సురర్షిభిశ్చ
దృష్టాని పావకముఖైశ్చ శివాం భజే తామ్ ॥ 5 ॥
ఉత్పత్తిదైత్యహననస్తవనాత్మకాని
సంరక్షకాణ్యఖిలభూతహితాయ యస్యాః ।
సూక్తాన్యశేషనిగమాన్తవిదః పఠన్తి
తాం విశ్వమాతరమజస్రమభిష్టవీమి ॥ 6 ॥
యే వైప్రచిత్తపునరుత్థితశుమ్భముఖ్యైః
దుర్భిక్షఘోరసమయేన చ కారితాసు ।
ఆవిష్కృతాస్త్రిజగదార్తిషు రూపభేదాః
తైరమ్బికా సమభిరక్షతు మాం విపద్భ్యః ॥ 7 ॥
సూక్తం యదీయమరవిన్దభవాది దృష్టం
ఆవర్త్య దేవ్యనుపదం సురథః సమాధిః ।
ద్వావప్యవాపతురభీష్టమనన్యలభ్యం
తామాదిదేవతరుణీం ప్రణమామి మూర్ధ్నా ॥ 8 ॥
మాహిష్మతీతనుభవం చ రురుం చ హన్తుం
ఆవిష్కృతైర్నిజరసాదవతారభేదైః ।
అష్టాదశాహతనవాహతకోటిసఙ్ఖ్యైః
అమ్బా సదా సమభిరక్షతు మాం విపద్భ్యః ॥ 9 ॥
ఏతచ్చరిత్రమఖిలం లిఖితం హి యస్యాః
సమ్పూజితం సదన ఏవ నివేశితం వా ।
దుర్గం చ తారయతి దుస్తరమప్యశేషం
శ్రేయః ప్రయచ్ఛతి చ సర్వముమాం భజే తామ్ ॥ 10 ॥
యత్పూజనస్తుతినమస్కృతిభిర్భవన్తి
ప్రీతాః పితామహరమేశహరాస్త్రయోఽపి ।
తేషామపి స్వకగుణైర్దదతీ వపూంషి
తామీశ్వరస్య తరుణీం శరణం ప్రపద్యే ॥ 11 ॥
కాన్తారమధ్యదృఢలగ్నతయాఽవసన్నాః
మగ్నాశ్చ వారిధిజలే రిపుభిశ్చ రుద్ధాః ।
యస్యాః ప్రపద్య చరణౌ విపదస్తరన్తి
సా మే సదాఽస్తు హృది సర్వజగత్సవిత్రీ ॥ 12 ॥
బన్ధే వధే మహతి మృత్యుభయే ప్రసక్తే
విత్తక్షయే చ వివిధే య మహోపతాపే ।
యత్పాదపూజనమిహ ప్రతికారమాహుః
సా మే సమస్తజననీ శరణం భవానీ ॥ 13 ॥
బాణాసురప్రహితపన్నగబన్ధమోక్షః
తద్బాహుదర్పదలనాదుషయా చ యోగః ।
ప్రాద్యుమ్నినా ద్రుతమలభ్యత యత్ప్రసాదాత్
సా మే శివా సకలమప్యశుభం క్షిణోతు ॥ 14 ॥
పాపః పులస్త్యతనయః పునరుత్థితో మాం
అద్యాపి హర్తుమయమాగత ఇత్యుదీతమ్ ।
యత్సేవనేన భయమిన్దిరయాఽవధూతం
తామాదిదేవతరుణీం శరణం గతోఽస్మి ॥ 15 ॥
యద్ధ్యానజం సుఖమవాప్యమనన్తపుణ్యైః
సాక్షాత్తమచ్యుత పరిగ్రహమాశ్వవాపుః ।
గోపాఙ్గనాః కిల యదర్చనపుణ్యమాత్రాః
సా మే సదా భగవతీ భవతు ప్రసన్నా ॥ 16 ॥
రాత్రిం ప్రపద్య ఇతి మన్త్రవిదః ప్రపన్నాన్
ఉద్బోధ్య మృత్యువధిమన్యఫలైః ప్రలోభ్య ।
బుద్ధ్వా చ తద్విముఖతాం ప్రతనం నయన్తీం
ఆకాశమాదిజననీం జగతాం భజే తామ్ ॥ 17 ॥
దేశకాలేషు దుష్టేషు దుర్గాచన్ద్రకలాస్తుతిః ।
సన్ధ్యయోరనుసన్ధేయా సర్వాపద్వినివృత్తయే ॥ 18 ॥
ఇతి శ్రీమదపయ్యదీక్షితవిరచితా దుర్గాచన్ద్రకలాస్తుతిః ॥
Related Scriptures
अर्जुन कृत श्री दुर्गा स्तोत्रम्
13 verses
दकारादि दुर्गा अष्टोत्तर शत नामावलि
108 verses
देवी माहात्म्यं दुर्गा सप्तशति प्रथमोऽध्यायः
101 verses
देवी माहात्म्यं दुर्गा सप्तशति एकादशोऽध्यायः
55 verses
देवी माहात्म्यं दुर्गा सप्तशति द्वादशोऽध्यायः
41 verses
देवी माहात्म्यं दुर्गा सप्तशति द्वितीयोऽध्यायः
68 verses
About This Stotram
Sri Durga Chandrakala Stuti
Sanskrit Title: श्री दुर्गा चन्द्रकला स्तुति
IAST Transliteration:
Overview
The Sri Durga Chandrakala Stuti is significant as a devotional hymn that invokes Goddess Durga, the divine mother, the slayer of demons, and the ultimate power. The title 'Chandrakala' suggests a connection to the moon's phases or the lunar aspect of the Divine Feminine, possibly referring to Durga's radiant and nurturing qualities, or her association with cosmic cycles. Reciting this stotram is believed to invoke Durga's blessings for protection, strength, and spiritual growth. The initial verses provided indicate a focus on her cosmic role, her victory over evil, and her divine consort, Shiva, highlighting her supreme position in the pantheon.
Details
| Attribute | Information |
|---|---|
| Deity | Goddess Durga |
| Author | Unknown |
| Type | Stotram |
| Category | Stotram |
| Number of Verses | 18 |
| Origin | The origin of the Sri Durga Chandrakala Stuti is not explicitly mentioned in the provided text. It is presented as a standalone devotional hymn dedicated to Goddess Durga. Its inclusion in a collection of spiritual and devotional literature suggests it is a recognized stotram within Hindu traditions, but its specific scriptural source or period of composition is unknown. |
Benefits of Recitation
- Protection from negative forces
- Attainment of divine grace
- Removal of obstacles
- Spiritual upliftment
- Fulfillment of desires
Best Time to Recite
Mornings and evenings, during Navaratri, Durga Puja, and other auspicious occasions related to Goddess Durga.
Historical Context
The stotram is presented as a collection of spiritual and devotional literature, indicating its place within the broader tradition of Hindu hymnody. The author is unknown, and the specific period of its composition cannot be determined from the given information. The language is Sanskrit, a classical language of India, and the stotram is likely a product of the rich tradition of Sanskrit devotional literature dedicated to Goddess Durga.
Related Stotrams
- Sri Durga Saptashati
- Sri Mahishasura Mardini Stotram
- Sri Chandika Ashtakam
Last Updated: 2025-12-01