Sri Durga Ashtottara Sata Nama Stotram

śrī durgā aṣṭottara śata nāma stotram

Śloka 1

durgā śivā mahālakṣmī-rmahāgaurī ca caṇḍikā |

sarvajñā sarvalokeśī sarvakarmaphalapradā || 1 ||

sarvatīrthamayī puṇyā devayoni-rayonijā |

bhūmijā nirguṇā''dhāraśakti ścānīśvarī tathā || 2 ||

nirguṇā nirahaṅkārā sarvagarvavimardinī |

sarvalokapriyā vāṇī sarvavidyādhidevatā || 3 ||

pārvatī devamātā ca vanīśā vindhyavāsinī |

tejovatī mahāmātā koṭisūryasamaprabhā || 4 ||

devatā vahnirūpā ca satejā varṇarūpiṇī |

guṇāśrayā guṇamadhyā guṇatrayavivarjitā || 5 ||

karmajñānapradā kāntā sarvasaṃhārakāriṇī |

dharmajñā dharmaniṣṭhā ca sarvakarmavivarjitā || 6 ||

kāmākṣī kāmasaṃhartrī kāmakrodhavivarjitā |

śāṅkarī śāmbhavī śāntā candrasūryāgnilocanā || 7 ||

sujayā jayabhūmiṣṭhā jāhnavī janapūjitā |

śāstrī śāstramayī nityā śubhā candrārdhamastakā || 8 ||

bhāratī bhrāmarī kalpā karālī kṛṣṇapiṅgalā |

brāhmī nārāyaṇī raudrī candrāmṛtaparisrutā || 9 ||

jyeṣṭhendirā mahāmāyā jagatsṛṣṭyadhikāriṇī |

brahmāṇḍakoṭisaṃsthānā kāminī kamalālayā || 10 ||

kātyāyanī kalātītā kālasaṃhārakāriṇī |

yoganiṣṭhā yogigamyā yogidhyeyā tapasvinī || 11 ||

jñānarūpā nirākārā bhaktābhīṣṭaphalapradā |

bhūtātmikā bhūtamātā bhūteśā bhūtadhāriṇī || 12 ||

svadhā nārīmadhyagatā ṣaḍādhārādivardhinī |

mohitāṃśubhavā śubhrā sūkṣmā mātā nirālasā || 13 ||

nimnagā nīlasaṅkāśā nityānandā harā parā |

sarvajñānapradā''nantā satyā durlabharūpiṇī || 14 ||

sarasvatī sarvagatā sarvābhīṣṭapradāyinī |

iti śrīdurgāṣṭottaraśatanāmastotraṃ samāptam ||