Sri Devi Atharva Sheersham
Sri Devi Atharva Sheersham
শ্রী দেব্যথর্বশীর্ষম্
শ্লোক 1
ওঁ সর্বে বৈ দেবা দেবীমুপতস্থুঃ কাসি ত্ব-ম্মহাদেবীতি
শ্লোক 2
সা-ঽব্রবীদহ-ম্ব্রহ্মস্বরূপিণী ।
মত্তঃ প্রকৃতিপুরুষাত্মক-ঞ্জগত্ ।
শূন্য-ঞ্চাশূন্য-ঞ্চ
॥ 1 ॥
শ্লোক 3
অহমানন্দানানন্দৌ ।
অহং-বিঁজ্ঞানাবিজ্ঞানে ।
অহ-ম্ব্রহ্মাব্রহ্মণি বেদিতব্যে ।
অহ-ম্পঞ্চভূতান্যপঞ্চভূতানি ।
অহমখিল-ঞ্জগত্
॥ 2 ॥
শ্লোক 4
বেদো-ঽহমবেদো-ঽহম্ ।
বিদ্যা-ঽহমবিদ্যা-ঽহম্ ।
অজা-ঽহমনজা-ঽহম্ ।
অধশ্চোর্ধ্ব-ঞ্চ তির্যক্চাহম্
॥ 3 ॥
শ্লোক 5
অহং রুদ্রেভির্বসুভিশ্চরামি ।
অহমাদিত্যৈরুত বিশ্বদেবৈঃ ।
অহ-ম্মিত্রাবরুণাবুভৌ বিভর্মি ।
অহমিন্দ্রাগ্নী অহমশ্বিনাবুভৌ
॥ 4 ॥
শ্লোক 6
অহং সোম-ন্ত্বষ্টার-ম্পূষণ-ম্ভগ-ন্দধামি ।
অহং-বিঁষ্ণুমুরুক্রম-ম্ব্রহ্মাণমুত প্রজাপতি-ন্দধামি
॥ 5 ॥
শ্লোক 7
অ॒হ-ন্দ॑ধামি॒ দ্রবি॑ণং হ॒বিষ্ম॑তে সুপ্রা॒ব্যে॒3 যজ॑মানায সুন্ব॒তে ।
অ॒হং রাষ্ট্রী॑ স॒ঙ্গম॑নী॒ বসূ॑না-ঞ্চিকি॒তুষী॑ প্রথ॒মা য॒জ্ঞিযা॑নাম্ ।
অ॒হং সু॑বে পি॒তর॑মস্য মূ॒র্ধন্মম॒ যোনি॑র॒প্স্বন্ত-স্স॑মু॒দ্রে ।
য এবং-বেঁদ । স দেবীং সম্পদমাপ্নোতি
॥ 6 ॥
শ্লোক 8
তে দেবা অব্রুবন্
নমো দেব্যৈ মহাদেব্যৈ শিবাযৈ সতত-ন্নমঃ ।
নমঃ প্রকৃত্যৈ ভদ্রাযৈ নিযতাঃ প্রণতা-স্স্ম তাম্
॥ 7 ॥
শ্লোক 9
তাম॒গ্নিব॑র্ণা॒-ন্তপ॑সা জ্বল॒ন্তীং-বৈঁ॑রোচ॒নী-ঙ্ক॑র্মফ॒লেষু॒ জুষ্টা᳚ম্ ।
দু॒র্গা-ন্দে॒বীং শর॑ণ-ম্প্রপ॑দ্যামহে-ঽসুরান্নাশযিত্র্যৈ তে নমঃ
॥ 8 ॥
শ্লোক 10
(ঋ.বে.8.100.11)
দে॒বীং-বাঁচ॑মজনযন্ত দে॒বাস্তাং-বিঁ॒শ্বরূ॑পাঃ প॒শবো॑ বদন্তি ।
সা নো॑ ম॒ন্দ্রেষ॒মূর্জ॒-ন্দুহা॑না ধে॒নুর্বাগ॒স্মানুপ॒ সুষ্টু॒তৈতু॑
॥ 9 ॥
শ্লোক 11
কালরাত্রী-ম্ব্রহ্মস্তুতাং-বৈঁষ্ণবীং স্কন্দমাতরম্ ।
সরস্বতীমদিতি-ন্দক্ষদুহিতর-ন্নমামঃ পাবনাং শিবাম্
॥ 10 ॥
শ্লোক 12
মহালক্ষ্ম্যৈ চ বিদ্মহে সর্বশক্ত্যৈ চ ধীমহি ।
তন্নো দেবী প্রচোদযাত্
॥ 11 ॥
শ্লোক 13
অদিতির্হ্যজনিষ্ট দক্ষ যা দুহিতা তব ।
তা-ন্দেবা অন্বজাযন্ত ভদ্রা অমৃতবন্ধবঃ
॥ 12 ॥
শ্লোক 14
কামো যোনিঃ কমলা বজ্রপাণি-
র্গুহা হসা মাতরিশ্বাভ্রমিন্দ্রঃ ।
পুনর্গুহা সকলা মাযযা চ
পুরূচ্যৈষা বিশ্বমাতাদিবিদ্যোম্
॥ 13 ॥
শ্লোক 15
এষা-ঽঽত্মশক্তিঃ ।
এষা বিশ্বমোহিনী ।
পাশাঙ্কুশধনুর্বাণধরা ।
এষা শ্রীমহাবিদ্যা ।
য এবং-বেঁদ স শোক-ন্তরতি
॥ 14 ॥
শ্লোক 16
নমস্তে অস্তু ভগবতি মাতরস্মান্পাহি সর্বতঃ
॥ 15 ॥
শ্লোক 17
সৈষাষ্টৌ বসবঃ ।
সৈষৈকাদশ রুদ্রাঃ ।
সৈষা দ্বাদশাদিত্যাঃ ।
সৈষা বিশ্বেদেবা-স্সোমপা অসোমপাশ্চ ।
সৈষা যাতুধানা অসুরা রক্ষাংসি পিশাচা যক্ষা সিদ্ধাঃ ।
সৈষা সত্ত্বরজস্তমাংসি ।
সৈষা ব্রহ্মবিষ্ণুরুদ্ররূপিণী ।
সৈষা প্রজাপতীন্দ্রমনবঃ ।
সৈষা গ্রহনক্ষত্রজ্যোতীংষি । কলাকাষ্ঠাদিকালরূপিণী ।
তামহ-ম্প্রণৌমি নিত্যম্ ।
পাপাপহারিণী-ন্দেবী-ম্ভুক্তিমুক্তিপ্রদাযিনীম্ ।
অনন্তাং-বিঁজযাং শুদ্ধাং শরণ্যাং শিবদাং শিবাম্
॥ 16 ॥
শ্লোক 18
বিযদীকারসংযুঁক্তং-বীঁতিহোত্রসমন্বিতম্ ।
অর্ধেন্দুলসিত-ন্দেব্যা বীজং সর্বার্থসাধকম্
॥ 17 ॥
শ্লোক 19
এবমেকাক্ষর-ম্ব্রহ্ম যতয-শ্শুদ্ধচেতসঃ ।
ধ্যাযন্তি পরমানন্দমযা জ্ঞানাম্বুরাশযঃ
॥ 18 ॥
শ্লোক 20
বাঙ্মাযা ব্রহ্মসূস্তস্মা-থ্ষষ্ঠং-বঁক্ত্রসমন্বিতম্ ।
সূর্যো-ঽবামশ্রোত্রবিন্দুসংযুঁক্তষ্টাত্তৃতীযকঃ ।
নারাযণেন সম্মিশ্রো বাযুশ্চাধরযুক্ততঃ ।
বিচ্চে নবার্ণকো-ঽর্ণ-স্স্যান্মহদানন্দদাযকঃ
॥ 19 ॥
শ্লোক 21
হৃত্পুণ্ডরীকমধ্যস্থা-ম্প্রাতস্সূর্যসমপ্রভাম্ ।
পাশাঙ্কুশধরাং সৌম্যাং-বঁরদাভযহস্তকাম্ ।
ত্রিনেত্রাং রক্তবসনা-ম্ভক্তকামদুঘা-ম্ভজে
॥ 20 ॥
শ্লোক 22
নমামি ত্বা-ম্মহাদেবী-ম্মহাভযবিনাশিনীম্ ।
মহাদুর্গপ্রশমনী-ম্মহাকারুণ্যরূপিণীম্
॥ 21 ॥
শ্লোক 23
যস্যা-স্স্বরূপ-ম্ব্রহ্মাদযো ন জানন্তি তস্মাদুচ্যতে অজ্ঞেযা ।
যস্যা অন্তো ন লভ্যতে তস্মাদুচ্যতে অনন্তা ।
যস্যা লক্ষ্য-ন্নোপলক্ষ্যতে তস্মাদুচ্যতে অলক্ষ্যা ।
যস্যা জনন-ন্নোপলভ্যতে তস্মাদুচ্যতে অজা ।
একৈব সর্বত্র বর্ততে তস্মাদুচ্যতে একা ।
একৈব বিশ্বরূপিণী তস্মাদুচ্যতে নৈকা ।
অত এবোচ্যতে অজ্ঞেযানন্তালক্ষ্যাজৈকা নৈকেতি
॥ 22 ॥
শ্লোক 24
মন্ত্রাণা-ম্মাতৃকা দেবী শব্দানা-ঞ্জ্ঞানরূপিণী ।
জ্ঞানানা-ঞ্চিন্মযাতীতা শূন্যানাং শূন্যসাক্ষিণী ।
যস্যাঃ পরতর-ন্নাস্তি সৈষা দুর্গা প্রকীর্তিতা
॥ 23 ॥
শ্লোক 25
তা-ন্দুর্গা-ন্দুর্গমা-ন্দেবী-ন্দুরাচারবিঘাতিনীম্ ।
নমামি ভবভীতো-ঽহং সংসারার্ণবতারিণীম্
॥ 24 ॥
শ্লোক 26
ইদমথর্বশীর্ষং-যোঁ-ঽধীতে স পঞ্চাথর্বশীর্ষজপফলমাপ্নোতি ।
ইদমথর্বশীর্ষমজ্ঞাত্বা যো-ঽর্চাং স্থাপযতি ।
শতলক্ষ-ম্প্রজপ্ত্বা-ঽপি সো-ঽর্চাসিদ্ধি-ন্ন বিন্দতি ।
শতমষ্টোত্তর-ঞ্চাস্য পুরশ্চর্যাবিধি-স্স্মৃতঃ ।
দশবার-ম্পঠেদ্যস্তু সদ্যঃ পাপৈঃ প্রমুচ্যতে ।
মহাদুর্গাণি তরতি মহাদেব্যাঃ প্রসাদতঃ । 26 ॥
সাযমধীযানো দিবসকৃত-ম্পাপ-ন্নাশযতি ।
প্রাতরধীযানো রাত্রিকৃত-ম্পাপ-ন্নাশযতি ।
সায-ম্প্রাতঃ প্রযুঞ্জানো অপাপো ভবতি ।
নিশীথে তুরীযসন্ধ্যাযা-ঞ্জপ্ত্বা বাক্সিদ্ধির্ভবতি ।
নূতনাযা-ম্প্রতিমাযা-ঞ্জপ্ত্বা দেবতাসান্নিধ্য-ম্ভবতি ।
প্রাণপ্রতিষ্ঠাযা-ঞ্জপ্ত্বা প্রাণানা-ম্প্রতিষ্ঠা ভবতি ।
ভৌমাশ্বিন্যা-ম্মহাদেবীসন্নিধৌ জপ্ত্বা মহামৃত্যু-ন্তরতি ।
স মহামৃত্যু-ন্তরতি ।
য এবং-বেঁদ ।
ইত্যুপনিষত্
॥ 25 ॥
শ্লোক 27
ইতি দেব্যথর্বশীর্ষম্ ।