ශ්රි දත්තාත්රේය වජ්ර කවචම්

ඍෂය ඌචුඃ .

කථං සඞ්කල්පසිද්ධිඃ ස්යාද්වේදව්යාස කලෞයුගේ .

ධර්මාර්ථකාමමෝක්ෂාණාං සාධනං කිමුදාහෘතම් .. 1 ..

ව්යාස උවාච .

ශෘණ්වන්තු ඍෂයස්සර්වේ ශීඝ්රං සඞ්කල්පසාධනම් .

සකෘදුච්චාරමාත්රේණ භෝගමෝක්ෂප්රදායකම් .. 2 ..

ගෞරීශෘඞ්ගේ හිමවතඃ කල්පවෘක්ෂෝපශෝභිතම් .

දීප්තේ දිව්යමහාරත්න හේමමණ්ඩපමධ්යගම් .. 3 ..

රත්නසිංහාසනාසීනං ප්රසන්නං පරමේශ්වරම් .

මන්දස්මිතමුඛාම්භෝජං ශඞ්කරං ප්රාහ පාර්වතී .. 4 ..

ශ්රීදේවී උවාච .

දේවදේව මහාදේව ලෝකශඞ්කර ශඞ්කර .

මන්ත්රජාලානි සර්වාණි යන්ත්රජාලානි කෘත්ස්නශඃ .. 5 ..

තන්ත්රජාලාන්යනේකානි මයා ත්වත්තඃ ශ්රුතානි වෛ .

ඉදානීං ද්රෂ්ටුමිච්ඡාමි විශේෂේණ මහීතලම් .. 6 ..

ඉත්යුදීරිතමාකර්ණ්ය පාර්වත්යා පරමේශ්වරඃ .

කරේණාමෘජ්ය සන්තෝෂාත් පාර්වතීං ප්රත්යභාෂත .. 7 ..

මයේදානීං ත්වයා සාර්ධං වෘෂමාරුහ්ය ගම්යතේ .

ඉත්යුක්ත්වා වෘෂමාරුහ්ය පාර්වත්යා සහ ශඞ්කරඃ .. 8 ..

යයෞ භූමණ්ඩලං ද්රෂ්ටුං ගෞර්යාශ්චිත්රාණි දර්ශයන් .

ක්වචිත් වින්ධ්යාචලප්රාන්තේ මහාරණ්යේ සුදුර්ගමේ .. 9 ..

තත්ර ව්යාහර්තුමායාන්තං භිල්ලං පරශුධාරිණම් .

වධ්යමානං මහාව්යාඝ්රං නඛදංෂ්ට්රාභිරාවෘතම් .. 10 ..

අතීව චිත්රචාරිත්ර්යං වජ්රකායසමායුතම් .

අප්රයත්නමනායාසමඛින්නං සුඛමාස්ථිතම් .. 11 ..

පලායන්තං මෘගං පශ්චාද්ව්යාඝ්රෝ භීත්යා පලායතඃ .

ඒතදාශ්චර්යමාලෝක්ය පාර්වතී ප්රාහ ශඞ්කරම් .. 12 ..

ශ්රී පාර්වත්යුවාච .

කිමාශ්චර්යං කිමාශ්චර්යමග්රේ ශම්භෝ නිරීක්ෂ්යතාම් .

ඉත්යුක්තඃ ස තතඃ ශම්භුර්දෘෂ්ට්වා ප්රාහ පුරාණවිත් .. 13 ..

ශ්රී ශඞ්කර උවාච .

ගෞරි වක්ෂ්යාමි තේ චිත්රමවාඞ්මානසගෝචරම් .

අදෘෂ්ටපූර්වමස්මාභිර්නාස්ති කිඤ්චින්න කුත්රචිත් .. 14 ..

මයා සම්යක් සමාසේන වක්ෂ්යතේ ශෘණු පාර්වති .

අයං දූරශ්රවා නාම භිල්ලඃ පරමධාර්මිකඃ .. 15 ..

සමිත්කුශප්රසූනානි කන්දමූලඵලාදිකම් .

ප්රත්යහං විපිනං ගත්වා සමාදාය ප්රයාසතඃ .. 16 ..

ප්රියේ පූර්වං මුනීන්ද්රේභ්යඃ ප්රයච්ඡති න වාඤ්ඡති .

තේ(අ)පි තස්මින්නපි දයාං කුර්වතේ සර්වමෞනිනඃ .. 17 ..

දලාදනෝ මහායෝගී වසන්නේව නිජාශ්රමේ .

කදාචිදස්මරත් සිද්ධං දත්තාත්රේයං දිගම්බරම් .. 18 ..

දත්තාත්රේයඃ ස්මර්තෘගාමී චේතිහාසං පරීක්ෂිතුම් .

තත්‍ක්ෂණාත් සෝ(අ)පි යෝගීන්ද්රෝ දත්තාත්රේයඃ සමුත්ථිතඃ .. 19 ..

තං දෘෂ්ට්වාශ්චර්යතෝෂාභ්යාං දලාදනමහාමුනිඃ .

සම්පූජ්යාග්රේ විෂීදන්තං දත්තාත්රේයමුවාච තම් .. 20 ..

මයෝපහූතඃ සම්ප්රාප්තෝ දත්තාත්රේය මහාමුනේ .

ස්මර්තෘගාමී ත්වමිත්යේතත් කිං වදන්තී පරීක්ෂිතුම් .. 21 ..

මයාද්ය සංස්මෘතෝ(අ)සි ත්වමපරාධං ක්ෂමස්ව මේ .

දත්තාත්රේයෝ මුනිං ප්රාහ මම ප්රකෘතිරීදෘශී .. 22 ..

අභක්ත්යා වා සුභක්ත්යා වා යඃ ස්මරේන්නාමනන්යධීඃ .

තදානීං තමුපාගම්ය දදාමි තදභීප්සිතම් .. 23 ..

දත්තාත්රේයෝ මුනිං ප්රාහ දලාදනමුනීශ්වරම් .

යදිෂ්ටං තද්වෘණීෂ්ව ත්වං යත් ප්රාප්තෝ(අ)හං ත්වයා ස්මෘතඃ .. 24 ..

දත්තාත්රේයං මුනිං ප්රාහ මයා කිමපි නෝච්යතේ .

ත්වච්චිත්තේ යත් ස්ථිතං තන්මේ ප්රයච්ඡ මුනිපුඞ්ගව .. 25 ..

ශ්රී දත්තාත්රේය උවාච .

මමාස්ති වජ්රකවචං ගෘහාණේත්යවදන්මුනිම් .

තථේත්යඞ්ගීකෘතවතේ දලාදමුනයේ මුනිඃ .. 26 ..

ස්වවජ්රකවචං ප්රාහ ඍෂිච්ඡන්දඃ පුරස්සරම් .

න්යාසං ධ්යානං ඵලං තත්ර ප්රයෝජනමශේෂතඃ .. 27 ..

අස්ය ශ්රීදත්තාත්රේය වජ්රකවච ස්තෝත්රමන්ත්රස්ය, කිරාතරූපී මහාරුද්රෘෂිඃ, අනුෂ්ටුප් ඡන්දඃ, ශ්රීදත්තාත්රේයෝ දේවතා, ද්රාං බීජම්, ආං ශක්තිඃ, ක්රෞං කීලකම්.

ඕං ආත්මනේ නමඃ

ඕං ද්රීං මනසේ නමඃ

ඕං ආං ද්රීං ශ්රීං සෞඃ

ඕං ක්ලාං ක්ලීං ක්ලූං ක්ලෛං ක්ලෞං ක්ලඃ

ශ්රී දත්තාත්රේය ප්රසාද සිද්ධ්යර්ථේ ජපේ විනියෝගඃ

කරන්යාසඃ .

ඕං ද්රාං අඞ්ගුෂ්ඨාභ්යාං නමඃ .

ඕං ද්රීං තර්ජනීභ්යාං නමඃ .

ඕං ද්රූං මධ්යමාභ්යාං නමඃ .

ඕං ද්රෛං අනාමිකාභ්යාං නමඃ .

ඕං ද්රෞං කනිෂ්ඨිකාභ්යාං නමඃ .

ඕං ද්රඃ කරතලකරපෘෂ්ඨාභ්යාං නමඃ .

හෘදයාදින්යාසඃ .

ඕං ද්රාං හෘදයාය නමඃ .

ඕං ද්රීං ශිරසේ ස්වාහා .

ඕං ද්රූං ශිඛායෛ වෂට් .

ඕං ද්රෛං කවචාය හුම් .

ඕං ද්රෞං නේත්රත්රයාය වෞෂට් .

ඕං ද්රඃ අස්ත්රාය ඵට් .

ඕං භූර්භුවස්සුවරෝමිති දිග්බන්ධඃ .

ධ්යානම් .

ජගදඞ්කුරකන්දාය සච්චිදානන්දමූර්තයේ .

දත්තාත්රේයාය යෝගීන්ද්රචන්ද්රාය පරමාත්මනේ .. 1 ..

කදා යෝගී කදා භෝගී කදා නග්නඃ පිශාචවත් .

දත්තාත්රේයෝ හරිඃ සාක්ෂාත් භුක්තිමුක්තිප්රදායකඃ .. 2 ..

වාරාණසීපුරස්නායී කොල්හාපුරජපාදරඃ .

මාහුරීපුරභීක්ෂාශී සහ්යශායී දිගම්බරඃ .. 3 ..

ඉන්ද්රනීල සමාකාරඃ චන්ද්රකාන්තිසමද්යුතිඃ .

වෛඪූර්ය සදෘශස්ඵූර්තිඃ චලත්කිඤ්චිජ්ජටාධරඃ .. 4 ..

ස්නිග්ධධාවල්ය යුක්තාක්ෂෝ(අ)ත්යන්තනීල කනීනිකඃ .

භ්රූවක්ෂඃශ්මශ්රුනීලාඞ්කඃ ශශාඞ්කසදෘශානනඃ .. 5 ..

හාසනිර්ජිත නිහාරඃ කණ්ඨනිර්ජිත කම්බුකඃ .

මාංසලාංසෝ දීර්ඝබාහුඃ පාණිනිර්ජිතපල්ලවඃ .. 6 ..

විශාලපීනවක්ෂාශ්ච තාම්රපාණිර්දලෝදරඃ .

පෘථුලශ්රෝණිලලිතෝ විශාලජඝනස්ථලඃ .. 7 ..

රම්භාස්තම්භෝපමානෝරුඃ ජානුපූර්වෛකජඞ්ඝකඃ .

ගූඪගුල්ඵඃ කූර්මපෘෂ්ඨෝ ලසත්වාදෝපරිස්ථලඃ .. 8 ..

රක්තාරවින්දසදෘශ රමණීය පදාධරඃ .

චර්මාම්බරධරෝ යෝගී ස්මර්තෘගාමී ක්ෂණේක්ෂණේ .. 9 ..

ජ්ඤානෝපදේශනිරතෝ විපද්ධරණදීක්ෂිතඃ .

සිද්ධාසනසමාසීන ඍජුකායෝ හසන්මුඛඃ .. 10 ..

වාමහස්තේන වරදෝ දක්ෂිණේනාභයඞ්කරඃ .

බාලෝන්මත්ත පිශාචීභිඃ ක්වචිද් යුක්තඃ පරීක්ෂිතඃ .. 11 ..

ත්යාගී භෝගී මහායෝගී නිත්යානන්දෝ නිරඤ්ජනඃ .

සර්වරූපී සර්වදාතා සර්වගඃ සර්වකාමදඃ .. 12 ..

භස්මෝද්ධූලිත සර්වාඞ්ගෝ මහාපාතකනාශනඃ .

භුක්තිප්රදෝ මුක්තිදාතා ජීවන්මුක්තෝ න සංශයඃ .. 13 ..

ඒවං ධ්යාත්වා(අ)නන්යචිත්තෝ මද්වජ්රකවචං පඨේත් .

මාමේව පශ්යන්සර්වත්ර ස මයා සහ සඤ්චරේත් .. 14 ..

දිගම්බරං භස්මසුගන්ධ ලේපනං

චක්රං ත්රිශූලං ඪමරුං ගදායුධම් .

පද්මාසනං යෝගිමුනීන්ද්රවන්දිතං

දත්තේතිනාමස්මරණේන නිත්යම් .. 15 ..

පඤ්චෝපචාරපූජා .

ඕං ලං පෘථිවීතත්ත්වාත්මනේ ශ්රීදත්තාත්රේයාය නමඃ .

ගන්ධං පරිකල්පයාමි.

ඕං හං ආකාශතත්ත්වාත්මනේ ශ්රීදත්තාත්රේයාය නමඃ .

පුෂ්පං පරිකල්පයාමි .

ඕං යං වායුතත්ත්වාත්මනේ ශ්රීදත්තාත්රේයාය නමඃ .

ධූපං පරිකල්පයාමි .

ඕං රං වහ්නිතත්ත්වාත්මනේ ශ්රීදත්තාත්රේයාය නමඃ .

දීපං පරිකල්පයාමි .

ඕං වං අමෘත තත්ත්වාත්මනේ ශ්රීදත්තාත්රේයාය නමඃ .

අමෘතනෛවේද්යං පරිකල්පයාමි .

ඕං සං සර්වතත්ත්වාත්මනේ ශ්රීදත්තාත්රේයාය නමඃ .

තාම්බූලාදිසර්වෝපචාරාන් පරිකල්පයාමි .

(අනන්තරං ‘ඕං ද්රාං…’ ඉති මූලමන්ත්රං අෂ්ටෝත්තරශතවාරං (108) ජපේත්)

අථ වජ්රකවචම් .

ඕං දත්තාත්රේයාය ශිරඃපාතු සහස්රාබ්ජේෂු සංස්ථිතඃ .

ඵාලං පාත්වානසූයේයඃ චන්ද්රමණ්ඩලමධ්යගඃ .. 1 ..

කූර්චං මනෝමයඃ පාතු හං ක්ෂං ද්විදලපද්මභූඃ .

ජ්යෝතිරූපෝ(අ)ක්ෂිණීපාතු පාතු ශබ්දාත්මකඃ ශ්රුතී .. 2 ..

නාසිකාං පාතු ගන්ධාත්මා මුඛං පාතු රසාත්මකඃ .

ජිහ්වාං වේදාත්මකඃ පාතු දන්තෝෂ්ඨෞ පාතු ධාර්මිකඃ .. 3 ..

කපෝලාවත්රිභූඃ පාතු පාත්වශේෂං මමාත්මවිත් .

සර්වාත්මා ෂෝඩශාරාබ්ජස්ථිතඃ ස්වාත්මා(අ)වතාද් ගලම් .. 4 ..

ස්කන්ධෞ චන්ද්රානුජඃ පාතු භුජෞ පාතු කෘතාදිභූඃ .

ජත්රුණී ශත්රුජිත් පාතු පාතු වක්ෂස්ථලං හරිඃ .. 5 ..

කාදිඨාන්තද්වාදශාරපද්මගෝ මරුදාත්මකඃ .

යෝගීශ්වරේශ්වරඃ පාතු හෘදයං හෘදයස්ථිතඃ .. 6 ..

පාර්ශ්වේ හරිඃ පාර්ශ්වවර්තී පාතු පාර්ශ්වස්ථිතඃ ස්මෘතඃ .

හඨයෝගාදියෝගජ්ඤඃ කුක්ෂිං පාතු කෘපානිධිඃ .. 7 ..

ඩකාරාදි ඵකාරාන්ත දශාරසරසීරුහේ .

නාභිස්ථලේ වර්තමානෝ නාභිං වහ්න්යාත්මකෝ(අ)වතු .. 8 ..

වහ්නිතත්ත්වමයෝ යෝගී රක්ෂතාන්මණිපූරකම් .

කටිං කටිස්ථබ්රහ්මාණ්ඩවාසුදේවාත්මකෝ(අ)වතු .. 9 ..

වකාරාදි ලකාරාන්ත ෂට්පත්රාම්බුජබෝධකඃ .

ජලතත්ත්වමයෝ යෝගී ස්වාධිෂ්ඨානං මමාවතු .. 10 ..

සිද්ධාසන සමාසීන ඌරූ සිද්ධේශ්වරෝ(අ)වතු .

වාදිසාන්ත චතුෂ්පත්රසරෝරුහ නිබෝධකඃ .. 11 ..

මූලාධාරං මහීරූපෝ රක්ෂතාද් වීර්යනිග්රහී .

පෘෂ්ඨං ච සර්වතඃ පාතු ජානුන්යස්තකරාම්බුජඃ .. 12 ..

ජඞ්ඝේ පාත්වවධූතේන්ද්රඃ පාත්වඞ්ඝ්රී තීර්ථපාවනඃ .

සර්වාඞ්ගං පාතු සර්වාත්මා රෝමාණ්යවතු කේශවඃ .. 13 ..

චර්ම චර්මාම්බරඃ පාතු රක්තං භක්තිප්රියෝ(අ)වතු .

මාංසං මාංසකරඃ පාතු මජ්ජාං මජ්ජාත්මකෝ(අ)වතු .. 14 ..

අස්ථීනි ස්ථිරධීඃ පායාන්මේධාං වේධාඃ ප්රපාලයේත් .

ශුක්රං සුඛකරඃ පාතු චිත්තං පාතු දෘඪාකෘතිඃ .. 15 ..

මනෝබුද්ධිමහඞ්කාරං හෘෂීකේශාත්මකෝ(අ)වතු .

කර්මේන්ද්රියාණි පාත්වීශඃ පාතු ජ්ඤානේන්ද්රියාණ්යජඃ .. 16 ..

බන්ධූන් බන්ධූත්තමඃ පායාච්ඡත්රුභ්යඃ පාතු ශත්රුජිත් .

ගෘහාරාමධනක්ෂේත්රපුත්රාදීන් ශඞ්කරෝ(අ)වතු .. 17 ..

භාර්යාං ප්රකෘතිවිත් පාතු පශ්වාදීන් පාතු ශාර්‍ඞ්ගභෘත් .

ප්රාණාන් පාතු ප්රධානජ්ඤෝ භක්ෂ්යාදීන් පාතු භාස්කරඃ .. 18 ..

සුඛං චන්ද්රාත්මකඃ පාතු දුඃඛාත් පාතු පුරාන්තකඃ .

පශූන් පශුපතිඃ පාතු භූතිං භූතේශ්වරෝ මම .. 19 ..

ප්රාච්යාං විෂහරඃ පාතු පාත්වාග්නේය්යාං මඛාත්මකඃ .

යාම්යාං ධර්මාත්මකඃ පාතු නෛරෘත්යාං සර්වවෛරිහෘත් .. 20 ..

වරාහඃ පාතු වාරුණ්යාං වායව්යාං ප්රාණදෝ(අ)වතු .

කෞබේර්යාං ධනදඃ පාතු පාත්වෛශාන්යාං මහාගුරුඃ .. 21 ..

ඌර්ධ්වං පාතු මහාසිද්ධඃ පාත්වධස්තාජ්ජටාධරඃ .

රක්ෂාහීනං තු යත් ස්ථානං රක්ෂත්වාදිමුනීශ්වරඃ .. 22 ..

කරන්යාසඃ .

ඕං ද්රාං අඞ්ගුෂ්ඨාභ්යාං නමඃ .

ඕං ද්රීං තර්ජනීභ්යාං නමඃ .

ඕං ද්රූං මධ්යමාභ්යාං නමඃ .

ඕං ද්රෛං අනාමිකාභ්යාං නමඃ .

ඕං ද්රෞං කනිෂ්ඨිකාභ්යාං නමඃ .

ඕං ද්රඃ කරතලකරපෘෂ්ඨාභ්යාං නමඃ .

හෘදයාදින්යාසඃ .

ඕං ද්රාං හෘදයාය නමඃ .

ඕං ද්රීං ශිරසේ ස්වාහා .

ඕං ද්රූං ශිඛායෛ වෂට් .

ඕං ද්රෛං කවචාය හුම් .

ඕං ද්රෞං නේත්රත්රයාය වෞෂට් .

ඕං ද්රඃ අස්ත්රාය ඵට් .

ඕං භූර්භුවස්සුවරෝමිති දිග්විමෝකඃ .

ඵලශෘති ..

ඒතන්මේ වජ්රකවචං යඃ පඨේත් ශෘණුයාදපි .

වජ්රකායශ්චිරඤ්ජීවී දත්තාත්රේයෝ(අ)හමබ්රුවම් .. 23 ..

ත්යාගී භෝගී මහායෝගී සුඛදුඃඛවිවර්ජිතඃ .

සර්වත්ර සිද්ධසඞ්කල්පෝ ජීවන්මුක්තෝ(අ)ද්යවර්තතේ .. 24 ..

ඉත්යුක්ත්වාන්තර්දධේ යෝගී දත්තාත්රේයෝ දිගම්බරඃ .

දලාදනෝ(අ)පි තජ්ජප්ත්වා ජීවන්මුක්තඃ ස වර්තතේ .. 25 ..

භිල්ලෝ දූරශ්රවා නාම තදානීං ශ්රුතවානිදම් .

සකෘච්ඡ්රවණමාත්රේණ වජ්රාඞ්ගෝ(අ)භවදප්යසෞ .. 26 ..

ඉත්යේතද් වජ්රකවචං දත්තාත්රේයස්ය යෝගිනඃ .

ශ්රුත්වා ශේෂං ශම්භුමුඛාත් පුනරප්යාහ පාර්වතී .. 27 ..

ශ්රී පාර්වත්යුවාච .

ඒතත් කවච මාහාත්ම්යං වද විස්තරතෝ මම .

කුත්ර කේන කදා ජාප්යං කියජ්ජාප්යං කථං කථම් .. 28 ..

උවාච ශම්භුස්තත් සර්වං පාර්වත්යා විනයෝදිතම් .

ශ්රීපරමේශ්වර උවාච .

ශෘණු පාර්වති වක්ෂ්යාමි සමාහිතමනාවිලම් .. 29 ..

ධර්මාර්ථකාමමෝක්ෂාණාමිදමේව පරායණම් .

හස්ත්යශ්වරථපාදාති සර්වෛශ්වර්ය ප්රදායකම් .. 30 ..

පුත්රමිත්රකලත්රාදි සර්වසන්තෝෂසාධනම් .

වේදශාස්ත්රාදිවිද්යානාං විධානං පරමං හි තත් .. 31 ..

සඞ්ගීත ශාස්ත්ර සාහිත්ය සත්කවිත්ව විධායකම් .

බුද්ධි විද්යා ස්මෘති ප්රජ්ඤා මති ප්රෞඪිප්රදායකම් .. 32 ..

සර්වසන්තෝෂකරණං සර්වදුඃඛනිවාරණම් .

ශත්රුසංහාරකං ශීඝ්රං යශඃකීර්තිවිවර්ධනම් .. 33 ..

අෂ්ටසඞ්ඛ්යා මහාරෝගාඃ සන්නිපාතාස්ත්රයෝදශ .

ෂණ්ණවත්යක්ෂිරෝගාශ්ච විංශතිර්මේහරෝගකාඃ .. 34 ..

අෂ්ටාදශතු කුෂ්ඨානි ගුල්මාන්යෂ්ටවිධාන්යපි .

අශීතිර්වාතරෝගාශ්ච චත්වාරිංශත්තු පෛත්තිකාඃ .. 35 ..

විංශතිඃ ශ්ලේෂ්මරෝගාශ්ච ක්ෂයචාතුර්ථිකාදයඃ .

මන්ත්රයන්ත්රකුයෝගාද්යාඃ කල්පතන්ත්රාදිනිර්මිතාඃ .. 36 ..

බ්රහ්මරාක්ෂස වේතාලකූෂ්මාණ්ඩාදි ග්රහෝද්භවාඃ .

සඞ්ගජා දේශකාලස්ථාස්තාපත්රයසමුත්ථිතාඃ .. 37 ..

නවග්රහසමුද්භූතා මහාපාතක සම්භවාඃ .

සර්වේ රෝගාඃ ප්රණශ්යන්ති සහස්රාවර්තනාද් ධ්රුවම් .. 38 ..

අයුතාවෘත්තිමාත්රේණ වන්ධ්යා පුත්රවතී භවේත් .

අයුතද්විතයාවෘත්ත්යා හ්යපමෘත්යුජයෝ භවේත් .. 39 ..

අයුතත්රිතයාච්චෛව ඛේචරත්වං ප්රජායතේ .

සහස්රායුතදර්වාක් සර්වකාර්යාණි සාධයේත් .. 40 ..

ලක්ෂාවෘත්ත්යා සර්වසිද්ධිර්භවත්යේව න සංශයඃ .. 41 ..

විෂවෘක්ෂස්ය මූලේෂු තිෂ්ඨන් වෛ දක්ෂිණාමුඛඃ .

කුරුතේ මාසමාත්රේණ වෛරිණං විකලේන්ද්රියම් .. 42 ..

ඖදුම්බරතරෝර්මූලේ වෘද්ධිකාමේන ජාප්යතේ .

ශ්රීවෘක්ෂමූලේ ශ්රීකාමී තින්ත්රිණී ශාන්තිකර්මණි .. 43 ..

ඕජස්කාමෝ(අ)ශ්වත්ථමූලේ ස්ත්රීකාමෛඃ සහකාරකේ .

ජ්ඤානාර්ථී තුලසීමූලේ ගර්භගේහේ සුතාර්ථිභිඃ .. 44 ..

ධනාර්ථිභිස්තු සුක්ෂේත්රේ පශුකාමෛස්තු ගෝෂ්ඨකේ .

දේවාලයේ සර්වකාමෛස්තත්කාලේ සර්වදර්ශිතම් .. 45 ..

නාභිමාත්රජලේ ස්ථිත්වා භානුමාලෝක්ය යෝ ජපේත් .

යුද්ධේ වා ශාස්ත්රවාදේ වා සහස්රේණ ජයෝ භවේත් .. 46 ..

කණ්ඨමාත්රේ ජලේ ස්ථිත්වා යෝ රාත්රෞ කවචං පඨේත් .

ජ්වරාපස්මාරකුෂ්ඨාදි තාපජ්වරනිවාරණම් .. 47 ..

යත්ර යත් ස්යාත් ස්ථිරං යද්යත් ප්රසක්තං තන්නිවර්තතේ .

තේන තත්ර හි ජප්තව්යං තතඃ සිද්ධිර්භවේද්ධ්රුවම් .. 48 ..

ඉත්යුක්තවාන් ශිවෝ ගෞර්වෛ රහස්යං පරමං ශුභම් .

යඃ පඨේත් වජ්රකවචං දත්තාත්රේය සමෝ භවේත් .. 49 ..

ඒවං ශිවේන කථිතං හිමවත්සුතායෛ

ප්රෝක්තං දලාදමුනයේ(අ)ත්රිසුතේන පූර්වම් .

යඃ කෝ(අ)පි වජ්රකවචං පඨතීහ ලෝකේ

දත්තෝපමශ්චරති යෝගිවරශ්චිරායුඃ .. 50 ..

ඉති ශ්රී රුද්රයාමලේ හිමවත්ඛණ්ඩේ මන්ත්රශාස්ත්රේ උමාමහේශ්වරසංවාදේ ශ්රී දත්තාත්රේය වජ්රකවචස්තෝත්රං සම්පූර්ණම් ..