Sri Dattatreya Vajra Kavacham

ଶ୍ରି ଦତ୍ତାତ୍ରେଯ ଵଜ୍ର କଵଚମ୍

ଶ୍ଲୋକ 1

ଋଷଯ ଊଚୁଃ ।

କଥଂ ସଙ୍କଲ୍ପସିଦ୍ଧିଃ ସ୍ଯାଦ୍ଵେଦଵ୍ଯାସ କଲୌଯୁଗେ ।

ଧର୍ମାର୍ଥକାମମୋକ୍ଷାଣାଂ ସାଧନଂ କିମୁଦାହୃତମ୍

ଶ୍ଲୋକ 2

ଵ୍ଯାସ ଉଵାଚ ।

ଶୃଣ୍ଵନ୍ତୁ ଋଷଯସ୍ସର୍ଵେ ଶୀଘ୍ରଂ ସଙ୍କଲ୍ପସାଧନମ୍ ।

ସକୃଦୁଚ୍ଚାରମାତ୍ରେଣ ଭୋଗମୋକ୍ଷପ୍ରଦାଯକମ୍

॥ 1 ॥

ଶ୍ଲୋକ 3

ଗୌରୀଶୃଙ୍ଗେ ହିମଵତଃ କଲ୍ପଵୃକ୍ଷୋପଶୋଭିତମ୍ ।

ଦୀପ୍ତେ ଦିଵ୍ଯମହାରତ୍ନ ହେମମଣ୍ଡପମଧ୍ଯଗମ୍

॥ 2 ॥

ଶ୍ଲୋକ 4

ରତ୍ନସିଂହାସନାସୀନଂ ପ୍ରସନ୍ନଂ ପରମେଶ୍ଵରମ୍ ।

ମନ୍ଦସ୍ମିତମୁଖାମ୍ଭୋଜଂ ଶଙ୍କରଂ ପ୍ରାହ ପାର୍ଵତୀ

॥ 3 ॥

ଶ୍ଲୋକ 5

ଶ୍ରୀଦେଵୀ ଉଵାଚ ।

ଦେଵଦେଵ ମହାଦେଵ ଲୋକଶଙ୍କର ଶଙ୍କର ।

ମନ୍ତ୍ରଜାଲାନି ସର୍ଵାଣି ଯନ୍ତ୍ରଜାଲାନି କୃତ୍ସ୍ନଶଃ

॥ 4 ॥

ଶ୍ଲୋକ 6

ତନ୍ତ୍ରଜାଲାନ୍ଯନେକାନି ମଯା ତ୍ଵତ୍ତଃ ଶ୍ରୁତାନି ଵୈ ।

ଇଦାନୀଂ ଦ୍ରଷ୍ଟୁମିଚ୍ଛାମି ଵିଶେଷେଣ ମହୀତଲମ୍

॥ 5 ॥

ଶ୍ଲୋକ 7

ଇତ୍ଯୁଦୀରିତମାକର୍ଣ୍ଯ ପାର୍ଵତ୍ଯା ପରମେଶ୍ଵରଃ ।

କରେଣାମୃଜ୍ଯ ସନ୍ତୋଷାତ୍ ପାର୍ଵତୀଂ ପ୍ରତ୍ଯଭାଷତ

॥ 6 ॥

ଶ୍ଲୋକ 8

ମଯେଦାନୀଂ ତ୍ଵଯା ସାର୍ଧଂ ଵୃଷମାରୁହ୍ଯ ଗମ୍ଯତେ ।

ଇତ୍ଯୁକ୍ତ୍ଵା ଵୃଷମାରୁହ୍ଯ ପାର୍ଵତ୍ଯା ସହ ଶଙ୍କରଃ

॥ 7 ॥

ଶ୍ଲୋକ 9

ଯଯୌ ଭୂମଣ୍ଡଲଂ ଦ୍ରଷ୍ଟୁଂ ଗୌର୍ଯାଶ୍ଚିତ୍ରାଣି ଦର୍ଶଯନ୍ ।

କ୍ଵଚିତ୍ ଵିନ୍ଧ୍ଯାଚଲପ୍ରାନ୍ତେ ମହାରଣ୍ଯେ ସୁଦୁର୍ଗମେ

॥ 8 ॥

ଶ୍ଲୋକ 10

ତତ୍ର ଵ୍ଯାହର୍ତୁମାଯାନ୍ତଂ ଭିଲ୍ଲଂ ପରଶୁଧାରିଣମ୍ ।

ଵଧ୍ଯମାନଂ ମହାଵ୍ଯାଘ୍ରଂ ନଖଦଂଷ୍ଟ୍ରାଭିରାଵୃତମ୍

॥ 9 ॥

ଶ୍ଲୋକ 11

ଅତୀଵ ଚିତ୍ରଚାରିତ୍ର୍ଯଂ ଵଜ୍ରକାଯସମାଯୁତମ୍ ।

ଅପ୍ରଯତ୍ନମନାଯାସମଖିନ୍ନଂ ସୁଖମାସ୍ଥିତମ୍

॥ 10 ॥

ଶ୍ଲୋକ 12

ପଲାଯନ୍ତଂ ମୃଗଂ ପଶ୍ଚାଦ୍ଵ୍ଯାଘ୍ରୋ ଭୀତ୍ଯା ପଲାଯତଃ ।

ଏତଦାଶ୍ଚର୍ଯମାଲୋକ୍ଯ ପାର୍ଵତୀ ପ୍ରାହ ଶଙ୍କରମ୍

॥ 11 ॥

ଶ୍ଲୋକ 13

ଶ୍ରୀ ପାର୍ଵତ୍ଯୁଵାଚ ।

କିମାଶ୍ଚର୍ଯଂ କିମାଶ୍ଚର୍ଯମଗ୍ରେ ଶମ୍ଭୋ ନିରୀକ୍ଷ୍ଯତାମ୍ ।

ଇତ୍ଯୁକ୍ତଃ ସ ତତଃ ଶମ୍ଭୁର୍ଦୃଷ୍ଟ୍ଵା ପ୍ରାହ ପୁରାଣଵିତ୍

॥ 12 ॥

ଶ୍ଲୋକ 14

ଶ୍ରୀ ଶଙ୍କର ଉଵାଚ ।

ଗୌରି ଵକ୍ଷ୍ଯାମି ତେ ଚିତ୍ରମଵାଙ୍ମାନସଗୋଚରମ୍ ।

ଅଦୃଷ୍ଟପୂର୍ଵମସ୍ମାଭିର୍ନାସ୍ତି କିଞ୍ଚିନ୍ନ କୁତ୍ରଚିତ୍

॥ 13 ॥

ଶ୍ଲୋକ 15

ମଯା ସମ୍ଯକ୍ ସମାସେନ ଵକ୍ଷ୍ଯତେ ଶୃଣୁ ପାର୍ଵତି ।

ଅଯଂ ଦୂରଶ୍ରଵା ନାମ ଭିଲ୍ଲଃ ପରମଧାର୍ମିକଃ

॥ 14 ॥

ଶ୍ଲୋକ 16

ସମିତ୍କୁଶପ୍ରସୂନାନି କନ୍ଦମୂଲଫଲାଦିକମ୍ ।

ପ୍ରତ୍ଯହଂ ଵିପିନଂ ଗତ୍ଵା ସମାଦାଯ ପ୍ରଯାସତଃ

॥ 15 ॥

ଶ୍ଲୋକ 17

ପ୍ରିଯେ ପୂର୍ଵଂ ମୁନୀନ୍ଦ୍ରେଭ୍ଯଃ ପ୍ରଯଚ୍ଛତି ନ ଵାଞ୍ଛତି ।

ତେଽପି ତସ୍ମିନ୍ନପି ଦଯାଂ କୁର୍ଵତେ ସର୍ଵମୌନିନଃ

॥ 16 ॥

ଶ୍ଲୋକ 18

ଦଲାଦନୋ ମହାଯୋଗୀ ଵସନ୍ନେଵ ନିଜାଶ୍ରମେ ।

କଦାଚିଦସ୍ମରତ୍ ସିଦ୍ଧଂ ଦତ୍ତାତ୍ରେଯଂ ଦିଗମ୍ବରମ୍

॥ 17 ॥

ଶ୍ଲୋକ 19

ଦତ୍ତାତ୍ରେଯଃ ସ୍ମର୍ତୃଗାମୀ ଚେତିହାସଂ ପରୀକ୍ଷିତୁମ୍ ।

ତତ୍‍କ୍ଷଣାତ୍ ସୋଽପି ଯୋଗୀନ୍ଦ୍ରୋ ଦତ୍ତାତ୍ରେଯଃ ସମୁତ୍ଥିତଃ

॥ 18 ॥

ଶ୍ଲୋକ 20

ତଂ ଦୃଷ୍ଟ୍ଵାଶ୍ଚର୍ଯତୋଷାଭ୍ଯାଂ ଦଲାଦନମହାମୁନିଃ ।

ସମ୍ପୂଜ୍ଯାଗ୍ରେ ଵିଷୀଦନ୍ତଂ ଦତ୍ତାତ୍ରେଯମୁଵାଚ ତମ୍

॥ 19 ॥

ଶ୍ଲୋକ 21

ମଯୋପହୂତଃ ସମ୍ପ୍ରାପ୍ତୋ ଦତ୍ତାତ୍ରେଯ ମହାମୁନେ ।

ସ୍ମର୍ତୃଗାମୀ ତ୍ଵମିତ୍ଯେତତ୍ କିଂ ଵଦନ୍ତୀ ପରୀକ୍ଷିତୁମ୍

॥ 20 ॥

ଶ୍ଲୋକ 22

ମଯାଦ୍ଯ ସଂସ୍ମୃତୋଽସି ତ୍ଵମପରାଧଂ କ୍ଷମସ୍ଵ ମେ ।

ଦତ୍ତାତ୍ରେଯୋ ମୁନିଂ ପ୍ରାହ ମମ ପ୍ରକୃତିରୀଦୃଶୀ

॥ 21 ॥

ଶ୍ଲୋକ 23

ଅଭକ୍ତ୍ଯା ଵା ସୁଭକ୍ତ୍ଯା ଵା ଯଃ ସ୍ମରେନ୍ନାମନନ୍ଯଧୀଃ ।

ତଦାନୀଂ ତମୁପାଗମ୍ଯ ଦଦାମି ତଦଭୀପ୍ସିତମ୍

॥ 22 ॥

ଶ୍ଲୋକ 24

ଦତ୍ତାତ୍ରେଯୋ ମୁନିଂ ପ୍ରାହ ଦଲାଦନମୁନୀଶ୍ଵରମ୍ ।

ଯଦିଷ୍ଟଂ ତଦ୍ଵୃଣୀଷ୍ଵ ତ୍ଵଂ ଯତ୍ ପ୍ରାପ୍ତୋଽହଂ ତ୍ଵଯା ସ୍ମୃତଃ

॥ 23 ॥

ଶ୍ଲୋକ 25

ଦତ୍ତାତ୍ରେଯଂ ମୁନିଂ ପ୍ରାହ ମଯା କିମପି ନୋଚ୍ଯତେ ।

ତ୍ଵଚ୍ଚିତ୍ତେ ଯତ୍ ସ୍ଥିତଂ ତନ୍ମେ ପ୍ରଯଚ୍ଛ ମୁନିପୁଙ୍ଗଵ

॥ 24 ॥

ଶ୍ଲୋକ 26

ଶ୍ରୀ ଦତ୍ତାତ୍ରେଯ ଉଵାଚ ।

ମମାସ୍ତି ଵଜ୍ରକଵଚଂ ଗୃହାଣେତ୍ଯଵଦନ୍ମୁନିମ୍ ।

ତଥେତ୍ଯଙ୍ଗୀକୃତଵତେ ଦଲାଦମୁନଯେ ମୁନିଃ

॥ 25 ॥

ଶ୍ଲୋକ 27

ସ୍ଵଵଜ୍ରକଵଚଂ ପ୍ରାହ ଋଷିଚ୍ଛନ୍ଦଃ ପୁରସ୍ସରମ୍ ।

ନ୍ଯାସଂ ଧ୍ଯାନଂ ଫଲଂ ତତ୍ର ପ୍ରଯୋଜନମଶେଷତଃ

॥ 26 ॥

ଶ୍ଲୋକ 28

ଅସ୍ଯ ଶ୍ରୀଦତ୍ତାତ୍ରେଯ ଵଜ୍ରକଵଚ ସ୍ତୋତ୍ରମନ୍ତ୍ରସ୍ଯ, କିରାତରୂପୀ ମହାରୁଦ୍ରୃଷିଃ, ଅନୁଷ୍ଟୁପ୍ ଛନ୍ଦଃ, ଶ୍ରୀଦତ୍ତାତ୍ରେଯୋ ଦେଵତା, ଦ୍ରାଂ ବୀଜମ୍, ଆଂ ଶକ୍ତିଃ, କ୍ରୌଂ କୀଲକମ୍.

ଓଁ ଆତ୍ମନେ ନମଃ

ଓଁ ଦ୍ରୀଂ ମନସେ ନମଃ

ଓଁ ଆଂ ଦ୍ରୀଂ ଶ୍ରୀଂ ସୌଃ

ଓଁ କ୍ଲାଂ କ୍ଲୀଂ କ୍ଲୂଂ କ୍ଲୈଂ କ୍ଲୌଂ କ୍ଲଃ

ଶ୍ରୀ ଦତ୍ତାତ୍ରେଯ ପ୍ରସାଦ ସିଦ୍ଧ୍ଯର୍ଥେ ଜପେ ଵିନିଯୋଗଃ

କରନ୍ଯାସଃ ।

ଓଁ ଦ୍ରାଂ ଅଙ୍ଗୁଷ୍ଠାଭ୍ଯାଂ ନମଃ ।

ଓଁ ଦ୍ରୀଂ ତର୍ଜନୀଭ୍ଯାଂ ନମଃ ।

ଓଁ ଦ୍ରୂଂ ମଧ୍ଯମାଭ୍ଯାଂ ନମଃ ।

ଓଁ ଦ୍ରୈଂ ଅନାମିକାଭ୍ଯାଂ ନମଃ ।

ଓଁ ଦ୍ରୌଂ କନିଷ୍ଠିକାଭ୍ଯାଂ ନମଃ ।

ଓଁ ଦ୍ରଃ କରତଲକରପୃଷ୍ଠାଭ୍ଯାଂ ନମଃ ।

ହୃଦଯାଦିନ୍ଯାସଃ ।

ଓଁ ଦ୍ରାଂ ହୃଦଯାଯ ନମଃ ।

ଓଁ ଦ୍ରୀଂ ଶିରସେ ସ୍ଵାହା ।

ଓଁ ଦ୍ରୂଂ ଶିଖାଯୈ ଵଷଟ୍ ।

ଓଁ ଦ୍ରୈଂ କଵଚାଯ ହୁମ୍ ।

ଓଁ ଦ୍ରୌଂ ନେତ୍ରତ୍ରଯାଯ ଵୌଷଟ୍ ।

ଓଁ ଦ୍ରଃ ଅସ୍ତ୍ରାଯ ଫଟ୍ ।

ଓଁ ଭୂର୍ଭୁଵସ୍ସୁଵରୋମିତି ଦିଗ୍ବନ୍ଧଃ ।

ଧ୍ଯାନମ୍ ।

ଜଗଦଙ୍କୁରକନ୍ଦାଯ ସଚ୍ଚିଦାନନ୍ଦମୂର୍ତଯେ ।

ଦତ୍ତାତ୍ରେଯାଯ ଯୋଗୀନ୍ଦ୍ରଚନ୍ଦ୍ରାଯ ପରମାତ୍ମନେ

॥ 27 ॥

ଶ୍ଲୋକ 29

କଦା ଯୋଗୀ କଦା ଭୋଗୀ କଦା ନଗ୍ନଃ ପିଶାଚଵତ୍ ।

ଦତ୍ତାତ୍ରେଯୋ ହରିଃ ସାକ୍ଷାତ୍ ଭୁକ୍ତିମୁକ୍ତିପ୍ରଦାଯକଃ

॥ 1 ॥

ଶ୍ଲୋକ 30

ଵାରାଣସୀପୁରସ୍ନାଯୀ କॊଲ୍ହାପୁରଜପାଦରଃ ।

ମାହୁରୀପୁରଭୀକ୍ଷାଶୀ ସହ୍ଯଶାଯୀ ଦିଗମ୍ବରଃ

॥ 2 ॥

ଶ୍ଲୋକ 31

ଇନ୍ଦ୍ରନୀଲ ସମାକାରଃ ଚନ୍ଦ୍ରକାନ୍ତିସମଦ୍ଯୁତିଃ ।

ଵୈଢୂର୍ଯ ସଦୃଶସ୍ଫୂର୍ତିଃ ଚଲତ୍କିଞ୍ଚିଜ୍ଜଟାଧରଃ

॥ 3 ॥

ଶ୍ଲୋକ 32

ସ୍ନିଗ୍ଧଧାଵଲ୍ଯ ଯୁକ୍ତାକ୍ଷୋଽତ୍ଯନ୍ତନୀଲ କନୀନିକଃ ।

ଭ୍ରୂଵକ୍ଷଃଶ୍ମଶ୍ରୁନୀଲାଙ୍କଃ ଶଶାଙ୍କସଦୃଶାନନଃ

॥ 4 ॥

ଶ୍ଲୋକ 33

ହାସନିର୍ଜିତ ନିହାରଃ କଣ୍ଠନିର୍ଜିତ କମ୍ବୁକଃ ।

ମାଂସଲାଂସୋ ଦୀର୍ଘବାହୁଃ ପାଣିନିର୍ଜିତପଲ୍ଲଵଃ

॥ 5 ॥

ଶ୍ଲୋକ 34

ଵିଶାଲପୀନଵକ୍ଷାଶ୍ଚ ତାମ୍ରପାଣିର୍ଦଲୋଦରଃ ।

ପୃଥୁଲଶ୍ରୋଣିଲଲିତୋ ଵିଶାଲଜଘନସ୍ଥଲଃ

॥ 6 ॥

ଶ୍ଲୋକ 35

ରମ୍ଭାସ୍ତମ୍ଭୋପମାନୋରୁଃ ଜାନୁପୂର୍ଵୈକଜଙ୍ଘକଃ ।

ଗୂଢଗୁଲ୍ଫଃ କୂର୍ମପୃଷ୍ଠୋ ଲସତ୍ଵାଦୋପରିସ୍ଥଲଃ

॥ 7 ॥

ଶ୍ଲୋକ 36

ରକ୍ତାରଵିନ୍ଦସଦୃଶ ରମଣୀଯ ପଦାଧରଃ ।

ଚର୍ମାମ୍ବରଧରୋ ଯୋଗୀ ସ୍ମର୍ତୃଗାମୀ କ୍ଷଣେକ୍ଷଣେ

॥ 8 ॥

ଶ୍ଲୋକ 37

ଜ୍ଞାନୋପଦେଶନିରତୋ ଵିପଦ୍ଧରଣଦୀକ୍ଷିତଃ ।

ସିଦ୍ଧାସନସମାସୀନ ଋଜୁକାଯୋ ହସନ୍ମୁଖଃ

॥ 9 ॥

ଶ୍ଲୋକ 38

ଵାମହସ୍ତେନ ଵରଦୋ ଦକ୍ଷିଣେନାଭଯଙ୍କରଃ ।

ବାଲୋନ୍ମତ୍ତ ପିଶାଚୀଭିଃ କ୍ଵଚିଦ୍ ଯୁକ୍ତଃ ପରୀକ୍ଷିତଃ

॥ 10 ॥

ଶ୍ଲୋକ 39

ତ୍ଯାଗୀ ଭୋଗୀ ମହାଯୋଗୀ ନିତ୍ଯାନନ୍ଦୋ ନିରଞ୍ଜନଃ ।

ସର୍ଵରୂପୀ ସର୍ଵଦାତା ସର୍ଵଗଃ ସର୍ଵକାମଦଃ

॥ 11 ॥

ଶ୍ଲୋକ 40

ଭସ୍ମୋଦ୍ଧୂଲିତ ସର୍ଵାଙ୍ଗୋ ମହାପାତକନାଶନଃ ।

ଭୁକ୍ତିପ୍ରଦୋ ମୁକ୍ତିଦାତା ଜୀଵନ୍ମୁକ୍ତୋ ନ ସଂଶଯଃ

॥ 12 ॥

ଶ୍ଲୋକ 41

ଏଵଂ ଧ୍ଯାତ୍ଵାଽନନ୍ଯଚିତ୍ତୋ ମଦ୍ଵଜ୍ରକଵଚଂ ପଠେତ୍ ।

ମାମେଵ ପଶ୍ଯନ୍ସର୍ଵତ୍ର ସ ମଯା ସହ ସଞ୍ଚରେତ୍

॥ 13 ॥

ଶ୍ଲୋକ 42

ଦିଗମ୍ବରଂ ଭସ୍ମସୁଗନ୍ଧ ଲେପନଂ

ଚକ୍ରଂ ତ୍ରିଶୂଲଂ ଢମରୁଂ ଗଦାଯୁଧମ୍ ।

ପଦ୍ମାସନଂ ଯୋଗିମୁନୀନ୍ଦ୍ରଵନ୍ଦିତଂ

ଦତ୍ତେତିନାମସ୍ମରଣେନ ନିତ୍ଯମ୍

॥ 14 ॥

ଶ୍ଲୋକ 43

ପଞ୍ଚୋପଚାରପୂଜା ।

ଓଁ ଲଂ ପୃଥିଵୀତତ୍ତ୍ଵାତ୍ମନେ ଶ୍ରୀଦତ୍ତାତ୍ରେଯାଯ ନମଃ ।

ଗନ୍ଧଂ ପରିକଲ୍ପଯାମି।

ଓଁ ହଂ ଆକାଶତତ୍ତ୍ଵାତ୍ମନେ ଶ୍ରୀଦତ୍ତାତ୍ରେଯାଯ ନମଃ ।

ପୁଷ୍ପଂ ପରିକଲ୍ପଯାମି ।

ଓଁ ଯଂ ଵାଯୁତତ୍ତ୍ଵାତ୍ମନେ ଶ୍ରୀଦତ୍ତାତ୍ରେଯାଯ ନମଃ ।

ଧୂପଂ ପରିକଲ୍ପଯାମି ।

ଓଁ ରଂ ଵହ୍ନିତତ୍ତ୍ଵାତ୍ମନେ ଶ୍ରୀଦତ୍ତାତ୍ରେଯାଯ ନମଃ ।

ଦୀପଂ ପରିକଲ୍ପଯାମି ।

ଓଁ ଵଂ ଅମୃତ ତତ୍ତ୍ଵାତ୍ମନେ ଶ୍ରୀଦତ୍ତାତ୍ରେଯାଯ ନମଃ ।

ଅମୃତନୈଵେଦ୍ଯଂ ପରିକଲ୍ପଯାମି ।

ଓଁ ସଂ ସର୍ଵତତ୍ତ୍ଵାତ୍ମନେ ଶ୍ରୀଦତ୍ତାତ୍ରେଯାଯ ନମଃ ।

ତାମ୍ବୂଲାଦିସର୍ଵୋପଚାରାନ୍ ପରିକଲ୍ପଯାମି ।

(ଅନନ୍ତରଂ ‘ଓଁ ଦ୍ରାଂ…’ ଇତି ମୂଲମନ୍ତ୍ରଂ ଅଷ୍ଟୋତ୍ତରଶତଵାରଂ (108) ଜପେତ୍)

ଅଥ ଵଜ୍ରକଵଚମ୍ ।

ଓଁ ଦତ୍ତାତ୍ରେଯାଯ ଶିରଃପାତୁ ସହସ୍ରାବ୍ଜେଷୁ ସଂସ୍ଥିତଃ ।

ଫାଲଂ ପାତ୍ଵାନସୂଯେଯଃ ଚନ୍ଦ୍ରମଣ୍ଡଲମଧ୍ଯଗଃ

॥ 15 ॥

ଶ୍ଲୋକ 44

କୂର୍ଚଂ ମନୋମଯଃ ପାତୁ ହଂ କ୍ଷଂ ଦ୍ଵିଦଲପଦ୍ମଭୂଃ ।

ଜ୍ଯୋତିରୂପୋଽକ୍ଷିଣୀପାତୁ ପାତୁ ଶବ୍ଦାତ୍ମକଃ ଶ୍ରୁତୀ

॥ 1 ॥

ଶ୍ଲୋକ 45

ନାସିକାଂ ପାତୁ ଗନ୍ଧାତ୍ମା ମୁଖଂ ପାତୁ ରସାତ୍ମକଃ ।

ଜିହ୍ଵାଂ ଵେଦାତ୍ମକଃ ପାତୁ ଦନ୍ତୋଷ୍ଠୌ ପାତୁ ଧାର୍ମିକଃ

॥ 2 ॥

ଶ୍ଲୋକ 46

କପୋଲାଵତ୍ରିଭୂଃ ପାତୁ ପାତ୍ଵଶେଷଂ ମମାତ୍ମଵିତ୍ ।

ସର୍ଵାତ୍ମା ଷୋଡଶାରାବ୍ଜସ୍ଥିତଃ ସ୍ଵାତ୍ମାଽଵତାଦ୍ ଗଲମ୍

॥ 3 ॥

ଶ୍ଲୋକ 47

ସ୍କନ୍ଧୌ ଚନ୍ଦ୍ରାନୁଜଃ ପାତୁ ଭୁଜୌ ପାତୁ କୃତାଦିଭୂଃ ।

ଜତ୍ରୁଣୀ ଶତ୍ରୁଜିତ୍ ପାତୁ ପାତୁ ଵକ୍ଷସ୍ଥଲଂ ହରିଃ

॥ 4 ॥

ଶ୍ଲୋକ 48

କାଦିଠାନ୍ତଦ୍ଵାଦଶାରପଦ୍ମଗୋ ମରୁଦାତ୍ମକଃ ।

ଯୋଗୀଶ୍ଵରେଶ୍ଵରଃ ପାତୁ ହୃଦଯଂ ହୃଦଯସ୍ଥିତଃ

॥ 5 ॥

ଶ୍ଲୋକ 49

ପାର୍ଶ୍ଵେ ହରିଃ ପାର୍ଶ୍ଵଵର୍ତୀ ପାତୁ ପାର୍ଶ୍ଵସ୍ଥିତଃ ସ୍ମୃତଃ ।

ହଠଯୋଗାଦିଯୋଗଜ୍ଞଃ କୁକ୍ଷିଂ ପାତୁ କୃପାନିଧିଃ

॥ 6 ॥

ଶ୍ଲୋକ 50

ଡକାରାଦି ଫକାରାନ୍ତ ଦଶାରସରସୀରୁହେ ।

ନାଭିସ୍ଥଲେ ଵର୍ତମାନୋ ନାଭିଂ ଵହ୍ନ୍ଯାତ୍ମକୋଽଵତୁ

॥ 7 ॥

ଶ୍ଲୋକ 51

ଵହ୍ନିତତ୍ତ୍ଵମଯୋ ଯୋଗୀ ରକ୍ଷତାନ୍ମଣିପୂରକମ୍ ।

କଟିଂ କଟିସ୍ଥବ୍ରହ୍ମାଣ୍ଡଵାସୁଦେଵାତ୍ମକୋଽଵତୁ

॥ 8 ॥

ଶ୍ଲୋକ 52

ଵକାରାଦି ଲକାରାନ୍ତ ଷଟ୍ପତ୍ରାମ୍ବୁଜବୋଧକଃ ।

ଜଲତତ୍ତ୍ଵମଯୋ ଯୋଗୀ ସ୍ଵାଧିଷ୍ଠାନଂ ମମାଵତୁ

॥ 9 ॥

ଶ୍ଲୋକ 53

ସିଦ୍ଧାସନ ସମାସୀନ ଊରୂ ସିଦ୍ଧେଶ୍ଵରୋଽଵତୁ ।

ଵାଦିସାନ୍ତ ଚତୁଷ୍ପତ୍ରସରୋରୁହ ନିବୋଧକଃ

॥ 10 ॥

ଶ୍ଲୋକ 54

ମୂଲାଧାରଂ ମହୀରୂପୋ ରକ୍ଷତାଦ୍ ଵୀର୍ଯନିଗ୍ରହୀ ।

ପୃଷ୍ଠଂ ଚ ସର୍ଵତଃ ପାତୁ ଜାନୁନ୍ଯସ୍ତକରାମ୍ବୁଜଃ

॥ 11 ॥

ଶ୍ଲୋକ 55

ଜଙ୍ଘେ ପାତ୍ଵଵଧୂତେନ୍ଦ୍ରଃ ପାତ୍ଵଙ୍ଘ୍ରୀ ତୀର୍ଥପାଵନଃ ।

ସର୍ଵାଙ୍ଗଂ ପାତୁ ସର୍ଵାତ୍ମା ରୋମାଣ୍ଯଵତୁ କେଶଵଃ

॥ 12 ॥

ଶ୍ଲୋକ 56

ଚର୍ମ ଚର୍ମାମ୍ବରଃ ପାତୁ ରକ୍ତଂ ଭକ୍ତିପ୍ରିଯୋଽଵତୁ ।

ମାଂସଂ ମାଂସକରଃ ପାତୁ ମଜ୍ଜାଂ ମଜ୍ଜାତ୍ମକୋଽଵତୁ

॥ 13 ॥

ଶ୍ଲୋକ 57

ଅସ୍ଥୀନି ସ୍ଥିରଧୀଃ ପାଯାନ୍ମେଧାଂ ଵେଧାଃ ପ୍ରପାଲଯେତ୍ ।

ଶୁକ୍ରଂ ସୁଖକରଃ ପାତୁ ଚିତ୍ତଂ ପାତୁ ଦୃଢାକୃତିଃ

॥ 14 ॥

ଶ୍ଲୋକ 58

ମନୋବୁଦ୍ଧିମହଙ୍କାରଂ ହୃଷୀକେଶାତ୍ମକୋଽଵତୁ ।

କର୍ମେନ୍ଦ୍ରିଯାଣି ପାତ୍ଵୀଶଃ ପାତୁ ଜ୍ଞାନେନ୍ଦ୍ରିଯାଣ୍ଯଜଃ

॥ 15 ॥

ଶ୍ଲୋକ 59

ବନ୍ଧୂନ୍ ବନ୍ଧୂତ୍ତମଃ ପାଯାଚ୍ଛତ୍ରୁଭ୍ଯଃ ପାତୁ ଶତ୍ରୁଜିତ୍ ।

ଗୃହାରାମଧନକ୍ଷେତ୍ରପୁତ୍ରାଦୀନ୍ ଶଙ୍କରୋଽଵତୁ

॥ 16 ॥

ଶ୍ଲୋକ 60

ଭାର୍ଯାଂ ପ୍ରକୃତିଵିତ୍ ପାତୁ ପଶ୍ଵାଦୀନ୍ ପାତୁ ଶାର୍‍ଙ୍ଗଭୃତ୍ ।

ପ୍ରାଣାନ୍ ପାତୁ ପ୍ରଧାନଜ୍ଞୋ ଭକ୍ଷ୍ଯାଦୀନ୍ ପାତୁ ଭାସ୍କରଃ

॥ 17 ॥

ଶ୍ଲୋକ 61

ସୁଖଂ ଚନ୍ଦ୍ରାତ୍ମକଃ ପାତୁ ଦୁଃଖାତ୍ ପାତୁ ପୁରାନ୍ତକଃ ।

ପଶୂନ୍ ପଶୁପତିଃ ପାତୁ ଭୂତିଂ ଭୂତେଶ୍ଵରୋ ମମ

॥ 18 ॥

ଶ୍ଲୋକ 62

ପ୍ରାଚ୍ଯାଂ ଵିଷହରଃ ପାତୁ ପାତ୍ଵାଗ୍ନେଯ୍ଯାଂ ମଖାତ୍ମକଃ ।

ଯାମ୍ଯାଂ ଧର୍ମାତ୍ମକଃ ପାତୁ ନୈରୃତ୍ଯାଂ ସର୍ଵଵୈରିହୃତ୍

॥ 19 ॥

ଶ୍ଲୋକ 63

ଵରାହଃ ପାତୁ ଵାରୁଣ୍ଯାଂ ଵାଯଵ୍ଯାଂ ପ୍ରାଣଦୋଽଵତୁ ।

କୌବେର୍ଯାଂ ଧନଦଃ ପାତୁ ପାତ୍ଵୈଶାନ୍ଯାଂ ମହାଗୁରୁଃ

॥ 20 ॥

ଶ୍ଲୋକ 64

ଊର୍ଧ୍ଵଂ ପାତୁ ମହାସିଦ୍ଧଃ ପାତ୍ଵଧସ୍ତାଜ୍ଜଟାଧରଃ ।

ରକ୍ଷାହୀନଂ ତୁ ଯତ୍ ସ୍ଥାନଂ ରକ୍ଷତ୍ଵାଦିମୁନୀଶ୍ଵରଃ

॥ 21 ॥

ଶ୍ଲୋକ 65

କରନ୍ଯାସଃ ।

ଓଁ ଦ୍ରାଂ ଅଙ୍ଗୁଷ୍ଠାଭ୍ଯାଂ ନମଃ ।

ଓଁ ଦ୍ରୀଂ ତର୍ଜନୀଭ୍ଯାଂ ନମଃ ।

ଓଁ ଦ୍ରୂଂ ମଧ୍ଯମାଭ୍ଯାଂ ନମଃ ।

ଓଁ ଦ୍ରୈଂ ଅନାମିକାଭ୍ଯାଂ ନମଃ ।

ଓଁ ଦ୍ରୌଂ କନିଷ୍ଠିକାଭ୍ଯାଂ ନମଃ ।

ଓଁ ଦ୍ରଃ କରତଲକରପୃଷ୍ଠାଭ୍ଯାଂ ନମଃ ।

ହୃଦଯାଦିନ୍ଯାସଃ ।

ଓଁ ଦ୍ରାଂ ହୃଦଯାଯ ନମଃ ।

ଓଁ ଦ୍ରୀଂ ଶିରସେ ସ୍ଵାହା ।

ଓଁ ଦ୍ରୂଂ ଶିଖାଯୈ ଵଷଟ୍ ।

ଓଁ ଦ୍ରୈଂ କଵଚାଯ ହୁମ୍ ।

ଓଁ ଦ୍ରୌଂ ନେତ୍ରତ୍ରଯାଯ ଵୌଷଟ୍ ।

ଓଁ ଦ୍ରଃ ଅସ୍ତ୍ରାଯ ଫଟ୍ ।

ଓଁ ଭୂର୍ଭୁଵସ୍ସୁଵରୋମିତି ଦିଗ୍ଵିମୋକଃ ।

ଫଲଶୃତି ॥

ଏତନ୍ମେ ଵଜ୍ରକଵଚଂ ଯଃ ପଠେତ୍ ଶୃଣୁଯାଦପି ।

ଵଜ୍ରକାଯଶ୍ଚିରଞ୍ଜୀଵୀ ଦତ୍ତାତ୍ରେଯୋଽହମବ୍ରୁଵମ୍

॥ 22 ॥

ଶ୍ଲୋକ 66

ତ୍ଯାଗୀ ଭୋଗୀ ମହାଯୋଗୀ ସୁଖଦୁଃଖଵିଵର୍ଜିତଃ ।

ସର୍ଵତ୍ର ସିଦ୍ଧସଙ୍କଲ୍ପୋ ଜୀଵନ୍ମୁକ୍ତୋଽଦ୍ଯଵର୍ତତେ

॥ 23 ॥

ଶ୍ଲୋକ 67

ଇତ୍ଯୁକ୍ତ୍ଵାନ୍ତର୍ଦଧେ ଯୋଗୀ ଦତ୍ତାତ୍ରେଯୋ ଦିଗମ୍ବରଃ ।

ଦଲାଦନୋଽପି ତଜ୍ଜପ୍ତ୍ଵା ଜୀଵନ୍ମୁକ୍ତଃ ସ ଵର୍ତତେ

॥ 24 ॥

ଶ୍ଲୋକ 68

ଭିଲ୍ଲୋ ଦୂରଶ୍ରଵା ନାମ ତଦାନୀଂ ଶ୍ରୁତଵାନିଦମ୍ ।

ସକୃଚ୍ଛ୍ରଵଣମାତ୍ରେଣ ଵଜ୍ରାଙ୍ଗୋଽଭଵଦପ୍ଯସୌ

॥ 25 ॥

ଶ୍ଲୋକ 69

ଇତ୍ଯେତଦ୍ ଵଜ୍ରକଵଚଂ ଦତ୍ତାତ୍ରେଯସ୍ଯ ଯୋଗିନଃ ।

ଶ୍ରୁତ୍ଵା ଶେଷଂ ଶମ୍ଭୁମୁଖାତ୍ ପୁନରପ୍ଯାହ ପାର୍ଵତୀ

॥ 26 ॥

ଶ୍ଲୋକ 70

ଶ୍ରୀ ପାର୍ଵତ୍ଯୁଵାଚ ।

ଏତତ୍ କଵଚ ମାହାତ୍ମ୍ଯଂ ଵଦ ଵିସ୍ତରତୋ ମମ ।

କୁତ୍ର କେନ କଦା ଜାପ୍ଯଂ କିଯଜ୍ଜାପ୍ଯଂ କଥଂ କଥମ୍

॥ 27 ॥

ଶ୍ଲୋକ 71

ଉଵାଚ ଶମ୍ଭୁସ୍ତତ୍ ସର୍ଵଂ ପାର୍ଵତ୍ଯା ଵିନଯୋଦିତମ୍ ।

ଶ୍ରୀପରମେଶ୍ଵର ଉଵାଚ ।

ଶୃଣୁ ପାର୍ଵତି ଵକ୍ଷ୍ଯାମି ସମାହିତମନାଵିଲମ୍

॥ 28 ॥

ଶ୍ଲୋକ 72

ଧର୍ମାର୍ଥକାମମୋକ୍ଷାଣାମିଦମେଵ ପରାଯଣମ୍ ।

ହସ୍ତ୍ଯଶ୍ଵରଥପାଦାତି ସର୍ଵୈଶ୍ଵର୍ଯ ପ୍ରଦାଯକମ୍

॥ 29 ॥

ଶ୍ଲୋକ 73

ପୁତ୍ରମିତ୍ରକଲତ୍ରାଦି ସର୍ଵସନ୍ତୋଷସାଧନମ୍ ।

ଵେଦଶାସ୍ତ୍ରାଦିଵିଦ୍ଯାନାଂ ଵିଧାନଂ ପରମଂ ହି ତତ୍

॥ 30 ॥

ଶ୍ଲୋକ 74

ସଙ୍ଗୀତ ଶାସ୍ତ୍ର ସାହିତ୍ଯ ସତ୍କଵିତ୍ଵ ଵିଧାଯକମ୍ ।

ବୁଦ୍ଧି ଵିଦ୍ଯା ସ୍ମୃତି ପ୍ରଜ୍ଞା ମତି ପ୍ରୌଢିପ୍ରଦାଯକମ୍

॥ 31 ॥

ଶ୍ଲୋକ 75

ସର୍ଵସନ୍ତୋଷକରଣଂ ସର୍ଵଦୁଃଖନିଵାରଣମ୍ ।

ଶତ୍ରୁସଂହାରକଂ ଶୀଘ୍ରଂ ଯଶଃକୀର୍ତିଵିଵର୍ଧନମ୍

॥ 32 ॥

ଶ୍ଲୋକ 76

ଅଷ୍ଟସଙ୍ଖ୍ଯା ମହାରୋଗାଃ ସନ୍ନିପାତାସ୍ତ୍ରଯୋଦଶ ।

ଷଣ୍ଣଵତ୍ଯକ୍ଷିରୋଗାଶ୍ଚ ଵିଂଶତିର୍ମେହରୋଗକାଃ

॥ 33 ॥

ଶ୍ଲୋକ 77

ଅଷ୍ଟାଦଶତୁ କୁଷ୍ଠାନି ଗୁଲ୍ମାନ୍ଯଷ୍ଟଵିଧାନ୍ଯପି ।

ଅଶୀତିର୍ଵାତରୋଗାଶ୍ଚ ଚତ୍ଵାରିଂଶତ୍ତୁ ପୈତ୍ତିକାଃ

॥ 34 ॥

ଶ୍ଲୋକ 78

ଵିଂଶତିଃ ଶ୍ଲେଷ୍ମରୋଗାଶ୍ଚ କ୍ଷଯଚାତୁର୍ଥିକାଦଯଃ ।

ମନ୍ତ୍ରଯନ୍ତ୍ରକୁଯୋଗାଦ୍ଯାଃ କଲ୍ପତନ୍ତ୍ରାଦିନିର୍ମିତାଃ

॥ 35 ॥

ଶ୍ଲୋକ 79

ବ୍ରହ୍ମରାକ୍ଷସ ଵେତାଲକୂଷ୍ମାଣ୍ଡାଦି ଗ୍ରହୋଦ୍ଭଵାଃ ।

ସଙ୍ଗଜା ଦେଶକାଲସ୍ଥାସ୍ତାପତ୍ରଯସମୁତ୍ଥିତାଃ

॥ 36 ॥

ଶ୍ଲୋକ 80

ନଵଗ୍ରହସମୁଦ୍ଭୂତା ମହାପାତକ ସମ୍ଭଵାଃ ।

ସର୍ଵେ ରୋଗାଃ ପ୍ରଣଶ୍ଯନ୍ତି ସହସ୍ରାଵର୍ତନାଦ୍ ଧ୍ରୁଵମ୍

॥ 37 ॥

ଶ୍ଲୋକ 81

ଅଯୁତାଵୃତ୍ତିମାତ୍ରେଣ ଵନ୍ଧ୍ଯା ପୁତ୍ରଵତୀ ଭଵେତ୍ ।

ଅଯୁତଦ୍ଵିତଯାଵୃତ୍ତ୍ଯା ହ୍ଯପମୃତ୍ଯୁଜଯୋ ଭଵେତ୍

॥ 38 ॥

ଶ୍ଲୋକ 82

ଅଯୁତତ୍ରିତଯାଚ୍ଚୈଵ ଖେଚରତ୍ଵଂ ପ୍ରଜାଯତେ ।

ସହସ୍ରାଯୁତଦର୍ଵାକ୍ ସର୍ଵକାର୍ଯାଣି ସାଧଯେତ୍

॥ 39 ॥

ଶ୍ଲୋକ 83

ଲକ୍ଷାଵୃତ୍ତ୍ଯା ସର୍ଵସିଦ୍ଧିର୍ଭଵତ୍ଯେଵ ନ ସଂଶଯଃ

॥ 40 ॥

ଶ୍ଲୋକ 84

ଵିଷଵୃକ୍ଷସ୍ଯ ମୂଲେଷୁ ତିଷ୍ଠନ୍ ଵୈ ଦକ୍ଷିଣାମୁଖଃ ।

କୁରୁତେ ମାସମାତ୍ରେଣ ଵୈରିଣଂ ଵିକଲେନ୍ଦ୍ରିଯମ୍

॥ 41 ॥

ଶ୍ଲୋକ 85

ଔଦୁମ୍ବରତରୋର୍ମୂଲେ ଵୃଦ୍ଧିକାମେନ ଜାପ୍ଯତେ ।

ଶ୍ରୀଵୃକ୍ଷମୂଲେ ଶ୍ରୀକାମୀ ତିନ୍ତ୍ରିଣୀ ଶାନ୍ତିକର୍ମଣି

॥ 42 ॥

ଶ୍ଲୋକ 86

ଓଜସ୍କାମୋଽଶ୍ଵତ୍ଥମୂଲେ ସ୍ତ୍ରୀକାମୈଃ ସହକାରକେ ।

ଜ୍ଞାନାର୍ଥୀ ତୁଲସୀମୂଲେ ଗର୍ଭଗେହେ ସୁତାର୍ଥିଭିଃ

॥ 43 ॥

ଶ୍ଲୋକ 87

ଧନାର୍ଥିଭିସ୍ତୁ ସୁକ୍ଷେତ୍ରେ ପଶୁକାମୈସ୍ତୁ ଗୋଷ୍ଠକେ ।

ଦେଵାଲଯେ ସର୍ଵକାମୈସ୍ତତ୍କାଲେ ସର୍ଵଦର୍ଶିତମ୍

॥ 44 ॥

ଶ୍ଲୋକ 88

ନାଭିମାତ୍ରଜଲେ ସ୍ଥିତ୍ଵା ଭାନୁମାଲୋକ୍ଯ ଯୋ ଜପେତ୍ ।

ଯୁଦ୍ଧେ ଵା ଶାସ୍ତ୍ରଵାଦେ ଵା ସହସ୍ରେଣ ଜଯୋ ଭଵେତ୍

॥ 45 ॥

ଶ୍ଲୋକ 89

କଣ୍ଠମାତ୍ରେ ଜଲେ ସ୍ଥିତ୍ଵା ଯୋ ରାତ୍ରୌ କଵଚଂ ପଠେତ୍ ।

ଜ୍ଵରାପସ୍ମାରକୁଷ୍ଠାଦି ତାପଜ୍ଵରନିଵାରଣମ୍

॥ 46 ॥

ଶ୍ଲୋକ 90

ଯତ୍ର ଯତ୍ ସ୍ଯାତ୍ ସ୍ଥିରଂ ଯଦ୍ଯତ୍ ପ୍ରସକ୍ତଂ ତନ୍ନିଵର୍ତତେ ।

ତେନ ତତ୍ର ହି ଜପ୍ତଵ୍ଯଂ ତତଃ ସିଦ୍ଧିର୍ଭଵେଦ୍ଧ୍ରୁଵମ୍

॥ 47 ॥

ଶ୍ଲୋକ 91

ଇତ୍ଯୁକ୍ତଵାନ୍ ଶିଵୋ ଗୌର୍ଵୈ ରହସ୍ଯଂ ପରମଂ ଶୁଭମ୍ ।

ଯଃ ପଠେତ୍ ଵଜ୍ରକଵଚଂ ଦତ୍ତାତ୍ରେଯ ସମୋ ଭଵେତ୍

॥ 48 ॥

ଶ୍ଲୋକ 92

ଏଵଂ ଶିଵେନ କଥିତଂ ହିମଵତ୍ସୁତାଯୈ

ପ୍ରୋକ୍ତଂ ଦଲାଦମୁନଯେଽତ୍ରିସୁତେନ ପୂର୍ଵମ୍ ।

ଯଃ କୋଽପି ଵଜ୍ରକଵଚଂ ପଠତୀହ ଲୋକେ

ଦତ୍ତୋପମଶ୍ଚରତି ଯୋଗିଵରଶ୍ଚିରାଯୁଃ

॥ 49 ॥

ଶ୍ଲୋକ 93

ଇତି ଶ୍ରୀ ରୁଦ୍ରଯାମଲେ ହିମଵତ୍ଖଣ୍ଡେ ମନ୍ତ୍ରଶାସ୍ତ୍ରେ ଉମାମହେଶ୍ଵରସଂଵାଦେ ଶ୍ରୀ ଦତ୍ତାତ୍ରେଯ ଵଜ୍ରକଵଚସ୍ତୋତ୍ରଂ ସମ୍ପୂର୍ଣମ୍ ॥