Sri Dattatreya Vajra Kavacham
Sri Dattatreya Vajra Kavacham
zri dattAtreya vajra kavacam
RSaya UcuH |
kathaM saGkalpasiddhiH syAdvedavyAsa kalauyuge |
dharmArthakAmamokSANAM sAdhanaM kimudAhRtam || 1 ||
vyAsa uvAca |
zRNvantu RSayassarve zIghraM saGkalpasAdhanam |
sakRduccAramAtreNa bhogamokSapradAyakam || 2 ||
gaurIzRGge himavataH kalpavRkSopazobhitam |
dIpte divyamahAratna hemamaNDapamadhyagam || 3 ||
ratnasiMhAsanAsInaM prasannaM paramezvaram |
mandasmitamukhAmbhojaM zaGkaraM prAha pArvatI || 4 ||
zrIdevI uvAca |
devadeva mahAdeva lokazaGkara zaGkara |
mantrajAlAni sarvANi yantrajAlAni kRtsnazaH || 5 ||
tantrajAlAnyanekAni mayA tvattaH zrutAni vai |
idAnIM draSTumicchAmi vizeSeNa mahItalam || 6 ||
ityudIritamAkarNya pArvatyA paramezvaraH |
kareNAmRjya santoSAt pArvatIM pratyabhASata || 7 ||
mayedAnIM tvayA sArdhaM vRSamAruhya gamyate |
ityuktvA vRSamAruhya pArvatyA saha zaGkaraH || 8 ||
yayau bhUmaNDalaM draSTuM gauryAzcitrANi darzayan |
kvacit vindhyAcalaprAnte mahAraNye sudurgame || 9 ||
tatra vyAhartumAyAntaM bhillaM parazudhAriNam |
vadhyamAnaM mahAvyAghraM nakhadaMSTrAbhirAvRtam || 10 ||
atIva citracAritryaM vajrakAyasamAyutam |
aprayatnamanAyAsamakhinnaM sukhamAsthitam || 11 ||
palAyantaM mRgaM pazcAdvyAghro bhItyA palAyataH |
etadAzcaryamAlokya pArvatI prAha zaGkaram || 12 ||
zrI pArvatyuvAca |
kimAzcaryaM kimAzcaryamagre zambho nirIkSyatAm |
ityuktaH sa tataH zambhurdRSTvA prAha purANavit || 13 ||
zrI zaGkara uvAca |
gauri vakSyAmi te citramavAGmAnasagocaram |
adRSTapUrvamasmAbhirnAsti kiJcinna kutracit || 14 ||
mayA samyak samAsena vakSyate zRNu pArvati |
ayaM dUrazravA nAma bhillaH paramadhArmikaH || 15 ||
samitkuzaprasUnAni kandamUlaphalAdikam |
pratyahaM vipinaM gatvA samAdAya prayAsataH || 16 ||
priye pUrvaM munIndrebhyaH prayacchati na vAJchati |
te'pi tasminnapi dayAM kurvate sarvamauninaH || 17 ||
dalAdano mahAyogI vasanneva nijAzrame |
kadAcidasmarat siddhaM dattAtreyaM digambaram || 18 ||
dattAtreyaH smartRgAmI cetihAsaM parIkSitum |
tatkSaNAt so'pi yogIndro dattAtreyaH samutthitaH || 19 ||
taM dRSTvAzcaryatoSAbhyAM dalAdanamahAmuniH |
sampUjyAgre viSIdantaM dattAtreyamuvAca tam || 20 ||
mayopahUtaH samprApto dattAtreya mahAmune |
smartRgAmI tvamityetat kiM vadantI parIkSitum || 21 ||
mayAdya saMsmRto'si tvamaparAdhaM kSamasva me |
dattAtreyo muniM prAha mama prakRtirIdRzI || 22 ||
abhaktyA vA subhaktyA vA yaH smarennAmananyadhIH |
tadAnIM tamupAgamya dadAmi tadabhIpsitam || 23 ||
dattAtreyo muniM prAha dalAdanamunIzvaram |
yadiSTaM tadvRNISva tvaM yat prApto'haM tvayA smRtaH || 24 ||
dattAtreyaM muniM prAha mayA kimapi nocyate |
tvaccitte yat sthitaM tanme prayaccha munipuGgava || 25 ||
zrI dattAtreya uvAca |
mamAsti vajrakavacaM gRhANetyavadanmunim |
tathetyaGgIkRtavate dalAdamunaye muniH || 26 ||
svavajrakavacaM prAha RSicchandaH purassaram |
nyAsaM dhyAnaM phalaM tatra prayojanamazeSataH || 27 ||
asya zrIdattAtreya vajrakavaca stotramantrasya, kirAtarUpI mahArudrRSiH, anuSTup chandaH, zrIdattAtreyo devatA, drAM bIjam, AM zaktiH, krauM kIlakam.
OM Atmane namaH
OM drIM manase namaH
OM AM drIM zrIM sauH
OM klAM klIM klUM klaiM klauM klaH
zrI dattAtreya prasAda siddhyarthe jape viniyogaH
karanyAsaH |
OM drAM aGguSThAbhyAM namaH |
OM drIM tarjanIbhyAM namaH |
OM drUM madhyamAbhyAM namaH |
OM draiM anAmikAbhyAM namaH |
OM drauM kaniSThikAbhyAM namaH |
OM draH karatalakarapRSThAbhyAM namaH |
hRdayAdinyAsaH |
OM drAM hRdayAya namaH |
OM drIM zirase svAhA |
OM drUM zikhAyai vaSaT |
OM draiM kavacAya hum |
OM drauM netratrayAya vauSaT |
OM draH astrAya phaT |
OM bhUrbhuvassuvaromiti digbandhaH |
dhyAnam |
jagadaGkurakandAya saccidAnandamUrtaye |
dattAtreyAya yogIndracandrAya paramAtmane || 1 ||
kadA yogI kadA bhogI kadA nagnaH pizAcavat |
dattAtreyo hariH sAkSAt bhuktimuktipradAyakaH || 2 ||
vArANasIpurasnAyI kòlhApurajapAdaraH |
mAhurIpurabhIkSAzI sahyazAyI digambaraH || 3 ||
indranIla samAkAraH candrakAntisamadyutiH |
vaiDhUrya sadRzasphUrtiH calatkiJcijjaTAdharaH || 4 ||
snigdhadhAvalya yuktAkSo'tyantanIla kanInikaH |
bhrUvakSaHzmazrunIlAGkaH zazAGkasadRzAnanaH || 5 ||
hAsanirjita nihAraH kaNThanirjita kambukaH |
mAMsalAMso dIrghabAhuH pANinirjitapallavaH || 6 ||
vizAlapInavakSAzca tAmrapANirdalodaraH |
pRthulazroNilalito vizAlajaghanasthalaH || 7 ||
rambhAstambhopamAnoruH jAnupUrvaikajaGghakaH |
gUDhagulphaH kUrmapRSTho lasatvAdoparisthalaH || 8 ||
raktAravindasadRza ramaNIya padAdharaH |
carmAmbaradharo yogI smartRgAmI kSaNekSaNe || 9 ||
jJAnopadezanirato vipaddharaNadIkSitaH |
siddhAsanasamAsIna RjukAyo hasanmukhaH || 10 ||
vAmahastena varado dakSiNenAbhayaGkaraH |
bAlonmatta pizAcIbhiH kvacid yuktaH parIkSitaH || 11 ||
tyAgI bhogI mahAyogI nityAnando niraJjanaH |
sarvarUpI sarvadAtA sarvagaH sarvakAmadaH || 12 ||
bhasmoddhUlita sarvAGgo mahApAtakanAzanaH |
bhuktiprado muktidAtA jIvanmukto na saMzayaH || 13 ||
evaM dhyAtvA'nanyacitto madvajrakavacaM paThet |
mAmeva pazyansarvatra sa mayA saha saJcaret || 14 ||
digambaraM bhasmasugandha lepanaM
cakraM trizUlaM DhamaruM gadAyudham |
padmAsanaM yogimunIndravanditaM
dattetinAmasmaraNena nityam || 15 ||
paJcopacArapUjA |
OM laM pRthivItattvAtmane zrIdattAtreyAya namaH |
gandhaM parikalpayAmi|
OM haM AkAzatattvAtmane zrIdattAtreyAya namaH |
puSpaM parikalpayAmi |
OM yaM vAyutattvAtmane zrIdattAtreyAya namaH |
dhUpaM parikalpayAmi |
OM raM vahnitattvAtmane zrIdattAtreyAya namaH |
dIpaM parikalpayAmi |
OM vaM amRta tattvAtmane zrIdattAtreyAya namaH |
amRtanaivedyaM parikalpayAmi |
OM saM sarvatattvAtmane zrIdattAtreyAya namaH |
tAmbUlAdisarvopacArAn parikalpayAmi |
(anantaraM ‘OM drAM…’ iti mUlamantraM aSTottarazatavAraM (108) japet)
atha vajrakavacam |
OM dattAtreyAya ziraHpAtu sahasrAbjeSu saMsthitaH |
phAlaM pAtvAnasUyeyaH candramaNDalamadhyagaH || 1 ||
kUrcaM manomayaH pAtu haM kSaM dvidalapadmabhUH |
jyotirUpo'kSiNIpAtu pAtu zabdAtmakaH zrutI || 2 ||
nAsikAM pAtu gandhAtmA mukhaM pAtu rasAtmakaH |
jihvAM vedAtmakaH pAtu dantoSThau pAtu dhArmikaH || 3 ||
kapolAvatribhUH pAtu pAtvazeSaM mamAtmavit |
sarvAtmA SoDazArAbjasthitaH svAtmA'vatAd galam || 4 ||
skandhau candrAnujaH pAtu bhujau pAtu kRtAdibhUH |
jatruNI zatrujit pAtu pAtu vakSasthalaM hariH || 5 ||
kAdiThAntadvAdazArapadmago marudAtmakaH |
yogIzvarezvaraH pAtu hRdayaM hRdayasthitaH || 6 ||
pArzve hariH pArzvavartI pAtu pArzvasthitaH smRtaH |
haThayogAdiyogajJaH kukSiM pAtu kRpAnidhiH || 7 ||
DakArAdi phakArAnta dazArasarasIruhe |
nAbhisthale vartamAno nAbhiM vahnyAtmako'vatu || 8 ||
vahnitattvamayo yogI rakSatAnmaNipUrakam |
kaTiM kaTisthabrahmANDavAsudevAtmako'vatu || 9 ||
vakArAdi lakArAnta SaTpatrAmbujabodhakaH |
jalatattvamayo yogI svAdhiSThAnaM mamAvatu || 10 ||
siddhAsana samAsIna UrU siddhezvaro'vatu |
vAdisAnta catuSpatrasaroruha nibodhakaH || 11 ||
mUlAdhAraM mahIrUpo rakSatAd vIryanigrahI |
pRSThaM ca sarvataH pAtu jAnunyastakarAmbujaH || 12 ||
jaGghe pAtvavadhUtendraH pAtvaGghrI tIrthapAvanaH |
sarvAGgaM pAtu sarvAtmA romANyavatu kezavaH || 13 ||
carma carmAmbaraH pAtu raktaM bhaktipriyo'vatu |
mAMsaM mAMsakaraH pAtu majjAM majjAtmako'vatu || 14 ||
asthIni sthiradhIH pAyAnmedhAM vedhAH prapAlayet |
zukraM sukhakaraH pAtu cittaM pAtu dRDhAkRtiH || 15 ||
manobuddhimahaGkAraM hRSIkezAtmako'vatu |
karmendriyANi pAtvIzaH pAtu jJAnendriyANyajaH || 16 ||
bandhUn bandhUttamaH pAyAcchatrubhyaH pAtu zatrujit |
gRhArAmadhanakSetraputrAdIn zaGkaro'vatu || 17 ||
bhAryAM prakRtivit pAtu pazvAdIn pAtu zArGgabhRt |
prANAn pAtu pradhAnajJo bhakSyAdIn pAtu bhAskaraH || 18 ||
sukhaM candrAtmakaH pAtu duHkhAt pAtu purAntakaH |
pazUn pazupatiH pAtu bhUtiM bhUtezvaro mama || 19 ||
prAcyAM viSaharaH pAtu pAtvAgneyyAM makhAtmakaH |
yAmyAM dharmAtmakaH pAtu nairRtyAM sarvavairihRt || 20 ||
varAhaH pAtu vAruNyAM vAyavyAM prANado'vatu |
kauberyAM dhanadaH pAtu pAtvaizAnyAM mahAguruH || 21 ||
UrdhvaM pAtu mahAsiddhaH pAtvadhastAjjaTAdharaH |
rakSAhInaM tu yat sthAnaM rakSatvAdimunIzvaraH || 22 ||
karanyAsaH |
OM drAM aGguSThAbhyAM namaH |
OM drIM tarjanIbhyAM namaH |
OM drUM madhyamAbhyAM namaH |
OM draiM anAmikAbhyAM namaH |
OM drauM kaniSThikAbhyAM namaH |
OM draH karatalakarapRSThAbhyAM namaH |
hRdayAdinyAsaH |
OM drAM hRdayAya namaH |
OM drIM zirase svAhA |
OM drUM zikhAyai vaSaT |
OM draiM kavacAya hum |
OM drauM netratrayAya vauSaT |
OM draH astrAya phaT |
OM bhUrbhuvassuvaromiti digvimokaH |
phalazRti ||
etanme vajrakavacaM yaH paThet zRNuyAdapi |
vajrakAyazciraJjIvI dattAtreyo'hamabruvam || 23 ||
tyAgI bhogI mahAyogI sukhaduHkhavivarjitaH |
sarvatra siddhasaGkalpo jIvanmukto'dyavartate || 24 ||
ityuktvAntardadhe yogI dattAtreyo digambaraH |
dalAdano'pi tajjaptvA jIvanmuktaH sa vartate || 25 ||
bhillo dUrazravA nAma tadAnIM zrutavAnidam |
sakRcchravaNamAtreNa vajrAGgo'bhavadapyasau || 26 ||
ityetad vajrakavacaM dattAtreyasya yoginaH |
zrutvA zeSaM zambhumukhAt punarapyAha pArvatI || 27 ||
zrI pArvatyuvAca |
etat kavaca mAhAtmyaM vada vistarato mama |
kutra kena kadA jApyaM kiyajjApyaM kathaM katham || 28 ||
uvAca zambhustat sarvaM pArvatyA vinayoditam |
zrIparamezvara uvAca |
zRNu pArvati vakSyAmi samAhitamanAvilam || 29 ||
dharmArthakAmamokSANAmidameva parAyaNam |
hastyazvarathapAdAti sarvaizvarya pradAyakam || 30 ||
putramitrakalatrAdi sarvasantoSasAdhanam |
vedazAstrAdividyAnAM vidhAnaM paramaM hi tat || 31 ||
saGgIta zAstra sAhitya satkavitva vidhAyakam |
buddhi vidyA smRti prajJA mati prauDhipradAyakam || 32 ||
sarvasantoSakaraNaM sarvaduHkhanivAraNam |
zatrusaMhArakaM zIghraM yazaHkIrtivivardhanam || 33 ||
aSTasaGkhyA mahArogAH sannipAtAstrayodaza |
SaNNavatyakSirogAzca viMzatirmeharogakAH || 34 ||
aSTAdazatu kuSThAni gulmAnyaSTavidhAnyapi |
azItirvAtarogAzca catvAriMzattu paittikAH || 35 ||
viMzatiH zleSmarogAzca kSayacAturthikAdayaH |
mantrayantrakuyogAdyAH kalpatantrAdinirmitAH || 36 ||
brahmarAkSasa vetAlakUSmANDAdi grahodbhavAH |
saGgajA dezakAlasthAstApatrayasamutthitAH || 37 ||
navagrahasamudbhUtA mahApAtaka sambhavAH |
sarve rogAH praNazyanti sahasrAvartanAd dhruvam || 38 ||
ayutAvRttimAtreNa vandhyA putravatI bhavet |
ayutadvitayAvRttyA hyapamRtyujayo bhavet || 39 ||
ayutatritayAccaiva khecaratvaM prajAyate |
sahasrAyutadarvAk sarvakAryANi sAdhayet || 40 ||
lakSAvRttyA sarvasiddhirbhavatyeva na saMzayaH || 41 ||
viSavRkSasya mUleSu tiSThan vai dakSiNAmukhaH |
kurute mAsamAtreNa vairiNaM vikalendriyam || 42 ||
audumbaratarormUle vRddhikAmena jApyate |
zrIvRkSamUle zrIkAmI tintriNI zAntikarmaNi || 43 ||
ojaskAmo'zvatthamUle strIkAmaiH sahakArake |
jJAnArthI tulasImUle garbhagehe sutArthibhiH || 44 ||
dhanArthibhistu sukSetre pazukAmaistu goSThake |
devAlaye sarvakAmaistatkAle sarvadarzitam || 45 ||
nAbhimAtrajale sthitvA bhAnumAlokya yo japet |
yuddhe vA zAstravAde vA sahasreNa jayo bhavet || 46 ||
kaNThamAtre jale sthitvA yo rAtrau kavacaM paThet |
jvarApasmArakuSThAdi tApajvaranivAraNam || 47 ||
yatra yat syAt sthiraM yadyat prasaktaM tannivartate |
tena tatra hi japtavyaM tataH siddhirbhaveddhruvam || 48 ||
ityuktavAn zivo gaurvai rahasyaM paramaM zubham |
yaH paThet vajrakavacaM dattAtreya samo bhavet || 49 ||
evaM zivena kathitaM himavatsutAyai
proktaM dalAdamunaye'trisutena pUrvam |
yaH ko'pi vajrakavacaM paThatIha loke
dattopamazcarati yogivarazcirAyuH || 50 ||
iti zrI rudrayAmale himavatkhaNDe mantrazAstre umAmahezvarasaMvAde zrI dattAtreya vajrakavacastotraM sampUrNam ||
About This Stotram
Sri Dattatreya Vajra Kavacham
Sanskrit Title: श्रि दत्तात्रेय वज्र कवचम्
IAST Transliteration:
Overview
The Sri Dattatreya Vajra Kavacham is considered a highly potent devotional hymn dedicated to Lord Dattatreya, who is revered as the embodiment of the Trimurti (Brahma, Vishnu, and Shiva) and the Guru of Gurus. The term 'Vajra' (thunderbolt) in its title signifies its immense power and effectiveness in warding off all forms of negativity, afflictions, and obstacles, much like a vajra that can destroy anything. Reciting this Kavacham is believed to bestow divine protection, grant worldly boons, and ultimately lead to spiritual liberation. It serves as a powerful tool for devotees seeking solace, strength, and divine grace from Lord Dattatreya, particularly in the challenging Kali Yuga.
Details
| Attribute | Information |
|---|---|
| Deity | Dattatreya |
| Author | Unknown |
| Type | Kavacham |
| Category | Kavacham |
| Number of Verses | 92 |
| Origin | The origin of the Sri Dattatreya Vajra Kavacham is not explicitly stated in the provided text. However, Kavachams are typically devotional hymns designed to invoke divine protection. The introductory verses suggest a dialogue between Rishis (sages) and Vyasa, where the Rishis inquire about the means to achieve fulfillment of desires and liberation in Kali Yuga. Vyasa then promises to reveal a powerful mantra that grants both worldly enjoyment and liberation with a single recitation. This implies that the Kavacham is presented as a powerful spiritual tool revealed by Vyasa for the benefit of humanity in the current age. |
Benefits of Recitation
- Fulfillment of desires (Sankalpa Siddhi)
- Liberation (Moksha)
- Protection from negative influences and obstacles
- Attainment of worldly pleasures (Bhoga)
- Spiritual advancement
Best Time to Recite
Morning and evening are generally considered auspicious times for reciting stotrams. This Kavacham can be recited at any time when one seeks protection or wishes to invoke the blessings of Lord Dattatreya. Specific occasions like Dattatreya Jayanti or Guru Purnima might be considered particularly significant.
Historical Context
The provided text does not offer specific historical context regarding the composition date or author. However, the mention of Vyasa in the introductory verses suggests a tradition that attributes its revelation to him, a prominent sage in Hindu mythology. Kavachams as a genre of devotional literature gained prominence over centuries, with many attributed to great saints and scholars. The emphasis on its efficacy in Kali Yuga points to a composition or compilation aimed at addressing the spiritual needs of people in this era.
Last Updated: 2025-12-01