ಶ್ರಿ ದತ್ತಾತ್ರೇಯ ವಜ್ರ ಕವಚಮ್

ಶ್ರಿ ದತ್ತಾತ್ರೇಯ ವಜ್ರ ಕವಚಮ್

ಶ್ಲೋಕ 1

ಋಷಯ ಊಚುಃ ।

ಕಥಂ ಸಙ್ಕಲ್ಪಸಿದ್ಧಿಃ ಸ್ಯಾದ್ವೇದವ್ಯಾಸ ಕಲೌಯುಗೇ ।

ಧರ್ಮಾರ್ಥಕಾಮಮೋಕ್ಷಾಣಾಂ ಸಾಧನಂ ಕಿಮುದಾಹೃತಮ್

ಶ್ಲೋಕ 2

ವ್ಯಾಸ ಉವಾಚ ।

ಶೃಣ್ವನ್ತು ಋಷಯಸ್ಸರ್ವೇ ಶೀಘ್ರಂ ಸಙ್ಕಲ್ಪಸಾಧನಮ್ ।

ಸಕೃದುಚ್ಚಾರಮಾತ್ರೇಣ ಭೋಗಮೋಕ್ಷಪ್ರದಾಯಕಮ್

॥ 1 ॥

ಶ್ಲೋಕ 3

ಗೌರೀಶೃಙ್ಗೇ ಹಿಮವತಃ ಕಲ್ಪವೃಕ್ಷೋಪಶೋಭಿತಮ್ ।

ದೀಪ್ತೇ ದಿವ್ಯಮಹಾರತ್ನ ಹೇಮಮಣ್ಡಪಮಧ್ಯಗಮ್

॥ 2 ॥

ಶ್ಲೋಕ 4

ರತ್ನಸಿಂಹಾಸನಾಸೀನಂ ಪ್ರಸನ್ನಂ ಪರಮೇಶ್ವರಮ್ ।

ಮನ್ದಸ್ಮಿತಮುಖಾಮ್ಭೋಜಂ ಶಙ್ಕರಂ ಪ್ರಾಹ ಪಾರ್ವತೀ

॥ 3 ॥

ಶ್ಲೋಕ 5

ಶ್ರೀದೇವೀ ಉವಾಚ ।

ದೇವದೇವ ಮಹಾದೇವ ಲೋಕಶಙ್ಕರ ಶಙ್ಕರ ।

ಮನ್ತ್ರಜಾಲಾನಿ ಸರ್ವಾಣಿ ಯನ್ತ್ರಜಾಲಾನಿ ಕೃತ್ಸ್ನಶಃ

॥ 4 ॥

ಶ್ಲೋಕ 6

ತನ್ತ್ರಜಾಲಾನ್ಯನೇಕಾನಿ ಮಯಾ ತ್ವತ್ತಃ ಶ್ರುತಾನಿ ವೈ ।

ಇದಾನೀಂ ದ್ರಷ್ಟುಮಿಚ್ಛಾಮಿ ವಿಶೇಷೇಣ ಮಹೀತಲಮ್

॥ 5 ॥

ಶ್ಲೋಕ 7

ಇತ್ಯುದೀರಿತಮಾಕರ್ಣ್ಯ ಪಾರ್ವತ್ಯಾ ಪರಮೇಶ್ವರಃ ।

ಕರೇಣಾಮೃಜ್ಯ ಸನ್ತೋಷಾತ್ ಪಾರ್ವತೀಂ ಪ್ರತ್ಯಭಾಷತ

॥ 6 ॥

ಶ್ಲೋಕ 8

ಮಯೇದಾನೀಂ ತ್ವಯಾ ಸಾರ್ಧಂ ವೃಷಮಾರುಹ್ಯ ಗಮ್ಯತೇ ।

ಇತ್ಯುಕ್ತ್ವಾ ವೃಷಮಾರುಹ್ಯ ಪಾರ್ವತ್ಯಾ ಸಹ ಶಙ್ಕರಃ

॥ 7 ॥

ಶ್ಲೋಕ 9

ಯಯೌ ಭೂಮಣ್ಡಲಂ ದ್ರಷ್ಟುಂ ಗೌರ್ಯಾಶ್ಚಿತ್ರಾಣಿ ದರ್ಶಯನ್ ।

ಕ್ವಚಿತ್ ವಿನ್ಧ್ಯಾಚಲಪ್ರಾನ್ತೇ ಮಹಾರಣ್ಯೇ ಸುದುರ್ಗಮೇ

॥ 8 ॥

ಶ್ಲೋಕ 10

ತತ್ರ ವ್ಯಾಹರ್ತುಮಾಯಾನ್ತಂ ಭಿಲ್ಲಂ ಪರಶುಧಾರಿಣಮ್ ।

ವಧ್ಯಮಾನಂ ಮಹಾವ್ಯಾಘ್ರಂ ನಖದಂಷ್ಟ್ರಾಭಿರಾವೃತಮ್

॥ 9 ॥

ಶ್ಲೋಕ 11

ಅತೀವ ಚಿತ್ರಚಾರಿತ್ರ್ಯಂ ವಜ್ರಕಾಯಸಮಾಯುತಮ್ ।

ಅಪ್ರಯತ್ನಮನಾಯಾಸಮಖಿನ್ನಂ ಸುಖಮಾಸ್ಥಿತಮ್

॥ 10 ॥

ಶ್ಲೋಕ 12

ಪಲಾಯನ್ತಂ ಮೃಗಂ ಪಶ್ಚಾದ್ವ್ಯಾಘ್ರೋ ಭೀತ್ಯಾ ಪಲಾಯತಃ ।

ಏತದಾಶ್ಚರ್ಯಮಾಲೋಕ್ಯ ಪಾರ್ವತೀ ಪ್ರಾಹ ಶಙ್ಕರಮ್

॥ 11 ॥

ಶ್ಲೋಕ 13

ಶ್ರೀ ಪಾರ್ವತ್ಯುವಾಚ ।

ಕಿಮಾಶ್ಚರ್ಯಂ ಕಿಮಾಶ್ಚರ್ಯಮಗ್ರೇ ಶಮ್ಭೋ ನಿರೀಕ್ಷ್ಯತಾಮ್ ।

ಇತ್ಯುಕ್ತಃ ಸ ತತಃ ಶಮ್ಭುರ್ದೃಷ್ಟ್ವಾ ಪ್ರಾಹ ಪುರಾಣವಿತ್

॥ 12 ॥

ಶ್ಲೋಕ 14

ಶ್ರೀ ಶಙ್ಕರ ಉವಾಚ ।

ಗೌರಿ ವಕ್ಷ್ಯಾಮಿ ತೇ ಚಿತ್ರಮವಾಙ್ಮಾನಸಗೋಚರಮ್ ।

ಅದೃಷ್ಟಪೂರ್ವಮಸ್ಮಾಭಿರ್ನಾಸ್ತಿ ಕಿಞ್ಚಿನ್ನ ಕುತ್ರಚಿತ್

॥ 13 ॥

ಶ್ಲೋಕ 15

ಮಯಾ ಸಮ್ಯಕ್ ಸಮಾಸೇನ ವಕ್ಷ್ಯತೇ ಶೃಣು ಪಾರ್ವತಿ ।

ಅಯಂ ದೂರಶ್ರವಾ ನಾಮ ಭಿಲ್ಲಃ ಪರಮಧಾರ್ಮಿಕಃ

॥ 14 ॥

ಶ್ಲೋಕ 16

ಸಮಿತ್ಕುಶಪ್ರಸೂನಾನಿ ಕನ್ದಮೂಲಫಲಾದಿಕಮ್ ।

ಪ್ರತ್ಯಹಂ ವಿಪಿನಂ ಗತ್ವಾ ಸಮಾದಾಯ ಪ್ರಯಾಸತಃ

॥ 15 ॥

ಶ್ಲೋಕ 17

ಪ್ರಿಯೇ ಪೂರ್ವಂ ಮುನೀನ್ದ್ರೇಭ್ಯಃ ಪ್ರಯಚ್ಛತಿ ನ ವಾಞ್ಛತಿ ।

ತೇಽಪಿ ತಸ್ಮಿನ್ನಪಿ ದಯಾಂ ಕುರ್ವತೇ ಸರ್ವಮೌನಿನಃ

॥ 16 ॥

ಶ್ಲೋಕ 18

ದಲಾದನೋ ಮಹಾಯೋಗೀ ವಸನ್ನೇವ ನಿಜಾಶ್ರಮೇ ।

ಕದಾಚಿದಸ್ಮರತ್ ಸಿದ್ಧಂ ದತ್ತಾತ್ರೇಯಂ ದಿಗಮ್ಬರಮ್

॥ 17 ॥

ಶ್ಲೋಕ 19

ದತ್ತಾತ್ರೇಯಃ ಸ್ಮರ್ತೃಗಾಮೀ ಚೇತಿಹಾಸಂ ಪರೀಕ್ಷಿತುಮ್ ।

ತತ್‍ಕ್ಷಣಾತ್ ಸೋಽಪಿ ಯೋಗೀನ್ದ್ರೋ ದತ್ತಾತ್ರೇಯಃ ಸಮುತ್ಥಿತಃ

॥ 18 ॥

ಶ್ಲೋಕ 20

ತಂ ದೃಷ್ಟ್ವಾಶ್ಚರ್ಯತೋಷಾಭ್ಯಾಂ ದಲಾದನಮಹಾಮುನಿಃ ।

ಸಮ್ಪೂಜ್ಯಾಗ್ರೇ ವಿಷೀದನ್ತಂ ದತ್ತಾತ್ರೇಯಮುವಾಚ ತಮ್

॥ 19 ॥

ಶ್ಲೋಕ 21

ಮಯೋಪಹೂತಃ ಸಮ್ಪ್ರಾಪ್ತೋ ದತ್ತಾತ್ರೇಯ ಮಹಾಮುನೇ ।

ಸ್ಮರ್ತೃಗಾಮೀ ತ್ವಮಿತ್ಯೇತತ್ ಕಿಂ ವದನ್ತೀ ಪರೀಕ್ಷಿತುಮ್

॥ 20 ॥

ಶ್ಲೋಕ 22

ಮಯಾದ್ಯ ಸಂಸ್ಮೃತೋಽಸಿ ತ್ವಮಪರಾಧಂ ಕ್ಷಮಸ್ವ ಮೇ ।

ದತ್ತಾತ್ರೇಯೋ ಮುನಿಂ ಪ್ರಾಹ ಮಮ ಪ್ರಕೃತಿರೀದೃಶೀ

॥ 21 ॥

ಶ್ಲೋಕ 23

ಅಭಕ್ತ್ಯಾ ವಾ ಸುಭಕ್ತ್ಯಾ ವಾ ಯಃ ಸ್ಮರೇನ್ನಾಮನನ್ಯಧೀಃ ।

ತದಾನೀಂ ತಮುಪಾಗಮ್ಯ ದದಾಮಿ ತದಭೀಪ್ಸಿತಮ್

॥ 22 ॥

ಶ್ಲೋಕ 24

ದತ್ತಾತ್ರೇಯೋ ಮುನಿಂ ಪ್ರಾಹ ದಲಾದನಮುನೀಶ್ವರಮ್ ।

ಯದಿಷ್ಟಂ ತದ್ವೃಣೀಷ್ವ ತ್ವಂ ಯತ್ ಪ್ರಾಪ್ತೋಽಹಂ ತ್ವಯಾ ಸ್ಮೃತಃ

॥ 23 ॥

ಶ್ಲೋಕ 25

ದತ್ತಾತ್ರೇಯಂ ಮುನಿಂ ಪ್ರಾಹ ಮಯಾ ಕಿಮಪಿ ನೋಚ್ಯತೇ ।

ತ್ವಚ್ಚಿತ್ತೇ ಯತ್ ಸ್ಥಿತಂ ತನ್ಮೇ ಪ್ರಯಚ್ಛ ಮುನಿಪುಙ್ಗವ

॥ 24 ॥

ಶ್ಲೋಕ 26

ಶ್ರೀ ದತ್ತಾತ್ರೇಯ ಉವಾಚ ।

ಮಮಾಸ್ತಿ ವಜ್ರಕವಚಂ ಗೃಹಾಣೇತ್ಯವದನ್ಮುನಿಮ್ ।

ತಥೇತ್ಯಙ್ಗೀಕೃತವತೇ ದಲಾದಮುನಯೇ ಮುನಿಃ

॥ 25 ॥

ಶ್ಲೋಕ 27

ಸ್ವವಜ್ರಕವಚಂ ಪ್ರಾಹ ಋಷಿಚ್ಛನ್ದಃ ಪುರಸ್ಸರಮ್ ।

ನ್ಯಾಸಂ ಧ್ಯಾನಂ ಫಲಂ ತತ್ರ ಪ್ರಯೋಜನಮಶೇಷತಃ

॥ 26 ॥

ಶ್ಲೋಕ 28

ಅಸ್ಯ ಶ್ರೀದತ್ತಾತ್ರೇಯ ವಜ್ರಕವಚ ಸ್ತೋತ್ರಮನ್ತ್ರಸ್ಯ, ಕಿರಾತರೂಪೀ ಮಹಾರುದ್ರೃಷಿಃ, ಅನುಷ್ಟುಪ್ ಛನ್ದಃ, ಶ್ರೀದತ್ತಾತ್ರೇಯೋ ದೇವತಾ, ದ್ರಾಂ ಬೀಜಮ್, ಆಂ ಶಕ್ತಿಃ, ಕ್ರೌಂ ಕೀಲಕಮ್.

ಓಂ ಆತ್ಮನೇ ನಮಃ

ಓಂ ದ್ರೀಂ ಮನಸೇ ನಮಃ

ಓಂ ಆಂ ದ್ರೀಂ ಶ್ರೀಂ ಸೌಃ

ಓಂ ಕ್ಲಾಂ ಕ್ಲೀಂ ಕ್ಲೂಂ ಕ್ಲೈಂ ಕ್ಲೌಂ ಕ್ಲಃ

ಶ್ರೀ ದತ್ತಾತ್ರೇಯ ಪ್ರಸಾದ ಸಿದ್ಧ್ಯರ್ಥೇ ಜಪೇ ವಿನಿಯೋಗಃ

ಕರನ್ಯಾಸಃ ।

ಓಂ ದ್ರಾಂ ಅಙ್ಗುಷ್ಠಾಭ್ಯಾಂ ನಮಃ ।

ಓಂ ದ್ರೀಂ ತರ್ಜನೀಭ್ಯಾಂ ನಮಃ ।

ಓಂ ದ್ರೂಂ ಮಧ್ಯಮಾಭ್ಯಾಂ ನಮಃ ।

ಓಂ ದ್ರೈಂ ಅನಾಮಿಕಾಭ್ಯಾಂ ನಮಃ ।

ಓಂ ದ್ರೌಂ ಕನಿಷ್ಠಿಕಾಭ್ಯಾಂ ನಮಃ ।

ಓಂ ದ್ರಃ ಕರತಲಕರಪೃಷ್ಠಾಭ್ಯಾಂ ನಮಃ ।

ಹೃದಯಾದಿನ್ಯಾಸಃ ।

ಓಂ ದ್ರಾಂ ಹೃದಯಾಯ ನಮಃ ।

ಓಂ ದ್ರೀಂ ಶಿರಸೇ ಸ್ವಾಹಾ ।

ಓಂ ದ್ರೂಂ ಶಿಖಾಯೈ ವಷಟ್ ।

ಓಂ ದ್ರೈಂ ಕವಚಾಯ ಹುಮ್ ।

ಓಂ ದ್ರೌಂ ನೇತ್ರತ್ರಯಾಯ ವೌಷಟ್ ।

ಓಂ ದ್ರಃ ಅಸ್ತ್ರಾಯ ಫಟ್ ।

ಓಂ ಭೂರ್ಭುವಸ್ಸುವರೋಮಿತಿ ದಿಗ್ಬನ್ಧಃ ।

ಧ್ಯಾನಮ್ ।

ಜಗದಙ್ಕುರಕನ್ದಾಯ ಸಚ್ಚಿದಾನನ್ದಮೂರ್ತಯೇ ।

ದತ್ತಾತ್ರೇಯಾಯ ಯೋಗೀನ್ದ್ರಚನ್ದ್ರಾಯ ಪರಮಾತ್ಮನೇ

॥ 27 ॥

ಶ್ಲೋಕ 29

ಕದಾ ಯೋಗೀ ಕದಾ ಭೋಗೀ ಕದಾ ನಗ್ನಃ ಪಿಶಾಚವತ್ ।

ದತ್ತಾತ್ರೇಯೋ ಹರಿಃ ಸಾಕ್ಷಾತ್ ಭುಕ್ತಿಮುಕ್ತಿಪ್ರದಾಯಕಃ

॥ 1 ॥

ಶ್ಲೋಕ 30

ವಾರಾಣಸೀಪುರಸ್ನಾಯೀ ಕೊಲ್ಹಾಪುರಜಪಾದರಃ ।

ಮಾಹುರೀಪುರಭೀಕ್ಷಾಶೀ ಸಹ್ಯಶಾಯೀ ದಿಗಮ್ಬರಃ

॥ 2 ॥

ಶ್ಲೋಕ 31

ಇನ್ದ್ರನೀಲ ಸಮಾಕಾರಃ ಚನ್ದ್ರಕಾನ್ತಿಸಮದ್ಯುತಿಃ ।

ವೈಢೂರ್ಯ ಸದೃಶಸ್ಫೂರ್ತಿಃ ಚಲತ್ಕಿಞ್ಚಿಜ್ಜಟಾಧರಃ

॥ 3 ॥

ಶ್ಲೋಕ 32

ಸ್ನಿಗ್ಧಧಾವಲ್ಯ ಯುಕ್ತಾಕ್ಷೋಽತ್ಯನ್ತನೀಲ ಕನೀನಿಕಃ ।

ಭ್ರೂವಕ್ಷಃಶ್ಮಶ್ರುನೀಲಾಙ್ಕಃ ಶಶಾಙ್ಕಸದೃಶಾನನಃ

॥ 4 ॥

ಶ್ಲೋಕ 33

ಹಾಸನಿರ್ಜಿತ ನಿಹಾರಃ ಕಣ್ಠನಿರ್ಜಿತ ಕಮ್ಬುಕಃ ।

ಮಾಂಸಲಾಂಸೋ ದೀರ್ಘಬಾಹುಃ ಪಾಣಿನಿರ್ಜಿತಪಲ್ಲವಃ

॥ 5 ॥

ಶ್ಲೋಕ 34

ವಿಶಾಲಪೀನವಕ್ಷಾಶ್ಚ ತಾಮ್ರಪಾಣಿರ್ದಲೋದರಃ ।

ಪೃಥುಲಶ್ರೋಣಿಲಲಿತೋ ವಿಶಾಲಜಘನಸ್ಥಲಃ

॥ 6 ॥

ಶ್ಲೋಕ 35

ರಮ್ಭಾಸ್ತಮ್ಭೋಪಮಾನೋರುಃ ಜಾನುಪೂರ್ವೈಕಜಙ್ಘಕಃ ।

ಗೂಢಗುಲ್ಫಃ ಕೂರ್ಮಪೃಷ್ಠೋ ಲಸತ್ವಾದೋಪರಿಸ್ಥಲಃ

॥ 7 ॥

ಶ್ಲೋಕ 36

ರಕ್ತಾರವಿನ್ದಸದೃಶ ರಮಣೀಯ ಪದಾಧರಃ ।

ಚರ್ಮಾಮ್ಬರಧರೋ ಯೋಗೀ ಸ್ಮರ್ತೃಗಾಮೀ ಕ್ಷಣೇಕ್ಷಣೇ

॥ 8 ॥

ಶ್ಲೋಕ 37

ಜ್ಞಾನೋಪದೇಶನಿರತೋ ವಿಪದ್ಧರಣದೀಕ್ಷಿತಃ ।

ಸಿದ್ಧಾಸನಸಮಾಸೀನ ಋಜುಕಾಯೋ ಹಸನ್ಮುಖಃ

॥ 9 ॥

ಶ್ಲೋಕ 38

ವಾಮಹಸ್ತೇನ ವರದೋ ದಕ್ಷಿಣೇನಾಭಯಙ್ಕರಃ ।

ಬಾಲೋನ್ಮತ್ತ ಪಿಶಾಚೀಭಿಃ ಕ್ವಚಿದ್ ಯುಕ್ತಃ ಪರೀಕ್ಷಿತಃ

॥ 10 ॥

ಶ್ಲೋಕ 39

ತ್ಯಾಗೀ ಭೋಗೀ ಮಹಾಯೋಗೀ ನಿತ್ಯಾನನ್ದೋ ನಿರಞ್ಜನಃ ।

ಸರ್ವರೂಪೀ ಸರ್ವದಾತಾ ಸರ್ವಗಃ ಸರ್ವಕಾಮದಃ

॥ 11 ॥

ಶ್ಲೋಕ 40

ಭಸ್ಮೋದ್ಧೂಲಿತ ಸರ್ವಾಙ್ಗೋ ಮಹಾಪಾತಕನಾಶನಃ ।

ಭುಕ್ತಿಪ್ರದೋ ಮುಕ್ತಿದಾತಾ ಜೀವನ್ಮುಕ್ತೋ ನ ಸಂಶಯಃ

॥ 12 ॥

ಶ್ಲೋಕ 41

ಏವಂ ಧ್ಯಾತ್ವಾಽನನ್ಯಚಿತ್ತೋ ಮದ್ವಜ್ರಕವಚಂ ಪಠೇತ್ ।

ಮಾಮೇವ ಪಶ್ಯನ್ಸರ್ವತ್ರ ಸ ಮಯಾ ಸಹ ಸಞ್ಚರೇತ್

॥ 13 ॥

ಶ್ಲೋಕ 42

ದಿಗಮ್ಬರಂ ಭಸ್ಮಸುಗನ್ಧ ಲೇಪನಂ

ಚಕ್ರಂ ತ್ರಿಶೂಲಂ ಢಮರುಂ ಗದಾಯುಧಮ್ ।

ಪದ್ಮಾಸನಂ ಯೋಗಿಮುನೀನ್ದ್ರವನ್ದಿತಂ

ದತ್ತೇತಿನಾಮಸ್ಮರಣೇನ ನಿತ್ಯಮ್

॥ 14 ॥

ಶ್ಲೋಕ 43

ಪಞ್ಚೋಪಚಾರಪೂಜಾ ।

ಓಂ ಲಂ ಪೃಥಿವೀತತ್ತ್ವಾತ್ಮನೇ ಶ್ರೀದತ್ತಾತ್ರೇಯಾಯ ನಮಃ ।

ಗನ್ಧಂ ಪರಿಕಲ್ಪಯಾಮಿ।

ಓಂ ಹಂ ಆಕಾಶತತ್ತ್ವಾತ್ಮನೇ ಶ್ರೀದತ್ತಾತ್ರೇಯಾಯ ನಮಃ ।

ಪುಷ್ಪಂ ಪರಿಕಲ್ಪಯಾಮಿ ।

ಓಂ ಯಂ ವಾಯುತತ್ತ್ವಾತ್ಮನೇ ಶ್ರೀದತ್ತಾತ್ರೇಯಾಯ ನಮಃ ।

ಧೂಪಂ ಪರಿಕಲ್ಪಯಾಮಿ ।

ಓಂ ರಂ ವಹ್ನಿತತ್ತ್ವಾತ್ಮನೇ ಶ್ರೀದತ್ತಾತ್ರೇಯಾಯ ನಮಃ ।

ದೀಪಂ ಪರಿಕಲ್ಪಯಾಮಿ ।

ಓಂ ವಂ ಅಮೃತ ತತ್ತ್ವಾತ್ಮನೇ ಶ್ರೀದತ್ತಾತ್ರೇಯಾಯ ನಮಃ ।

ಅಮೃತನೈವೇದ್ಯಂ ಪರಿಕಲ್ಪಯಾಮಿ ।

ಓಂ ಸಂ ಸರ್ವತತ್ತ್ವಾತ್ಮನೇ ಶ್ರೀದತ್ತಾತ್ರೇಯಾಯ ನಮಃ ।

ತಾಮ್ಬೂಲಾದಿಸರ್ವೋಪಚಾರಾನ್ ಪರಿಕಲ್ಪಯಾಮಿ ।

(ಅನನ್ತರಂ ‘ಓಂ ದ್ರಾಂ…’ ಇತಿ ಮೂಲಮನ್ತ್ರಂ ಅಷ್ಟೋತ್ತರಶತವಾರಂ (108) ಜಪೇತ್)

ಅಥ ವಜ್ರಕವಚಮ್ ।

ಓಂ ದತ್ತಾತ್ರೇಯಾಯ ಶಿರಃಪಾತು ಸಹಸ್ರಾಬ್ಜೇಷು ಸಂಸ್ಥಿತಃ ।

ಫಾಲಂ ಪಾತ್ವಾನಸೂಯೇಯಃ ಚನ್ದ್ರಮಣ್ಡಲಮಧ್ಯಗಃ

॥ 15 ॥

ಶ್ಲೋಕ 44

ಕೂರ್ಚಂ ಮನೋಮಯಃ ಪಾತು ಹಂ ಕ್ಷಂ ದ್ವಿದಲಪದ್ಮಭೂಃ ।

ಜ್ಯೋತಿರೂಪೋಽಕ್ಷಿಣೀಪಾತು ಪಾತು ಶಬ್ದಾತ್ಮಕಃ ಶ್ರುತೀ

॥ 1 ॥

ಶ್ಲೋಕ 45

ನಾಸಿಕಾಂ ಪಾತು ಗನ್ಧಾತ್ಮಾ ಮುಖಂ ಪಾತು ರಸಾತ್ಮಕಃ ।

ಜಿಹ್ವಾಂ ವೇದಾತ್ಮಕಃ ಪಾತು ದನ್ತೋಷ್ಠೌ ಪಾತು ಧಾರ್ಮಿಕಃ

॥ 2 ॥

ಶ್ಲೋಕ 46

ಕಪೋಲಾವತ್ರಿಭೂಃ ಪಾತು ಪಾತ್ವಶೇಷಂ ಮಮಾತ್ಮವಿತ್ ।

ಸರ್ವಾತ್ಮಾ ಷೋಡಶಾರಾಬ್ಜಸ್ಥಿತಃ ಸ್ವಾತ್ಮಾಽವತಾದ್ ಗಲಮ್

॥ 3 ॥

ಶ್ಲೋಕ 47

ಸ್ಕನ್ಧೌ ಚನ್ದ್ರಾನುಜಃ ಪಾತು ಭುಜೌ ಪಾತು ಕೃತಾದಿಭೂಃ ।

ಜತ್ರುಣೀ ಶತ್ರುಜಿತ್ ಪಾತು ಪಾತು ವಕ್ಷಸ್ಥಲಂ ಹರಿಃ

॥ 4 ॥

ಶ್ಲೋಕ 48

ಕಾದಿಠಾನ್ತದ್ವಾದಶಾರಪದ್ಮಗೋ ಮರುದಾತ್ಮಕಃ ।

ಯೋಗೀಶ್ವರೇಶ್ವರಃ ಪಾತು ಹೃದಯಂ ಹೃದಯಸ್ಥಿತಃ

॥ 5 ॥

ಶ್ಲೋಕ 49

ಪಾರ್ಶ್ವೇ ಹರಿಃ ಪಾರ್ಶ್ವವರ್ತೀ ಪಾತು ಪಾರ್ಶ್ವಸ್ಥಿತಃ ಸ್ಮೃತಃ ।

ಹಠಯೋಗಾದಿಯೋಗಜ್ಞಃ ಕುಕ್ಷಿಂ ಪಾತು ಕೃಪಾನಿಧಿಃ

॥ 6 ॥

ಶ್ಲೋಕ 50

ಡಕಾರಾದಿ ಫಕಾರಾನ್ತ ದಶಾರಸರಸೀರುಹೇ ।

ನಾಭಿಸ್ಥಲೇ ವರ್ತಮಾನೋ ನಾಭಿಂ ವಹ್ನ್ಯಾತ್ಮಕೋಽವತು

॥ 7 ॥

ಶ್ಲೋಕ 51

ವಹ್ನಿತತ್ತ್ವಮಯೋ ಯೋಗೀ ರಕ್ಷತಾನ್ಮಣಿಪೂರಕಮ್ ।

ಕಟಿಂ ಕಟಿಸ್ಥಬ್ರಹ್ಮಾಣ್ಡವಾಸುದೇವಾತ್ಮಕೋಽವತು

॥ 8 ॥

ಶ್ಲೋಕ 52

ವಕಾರಾದಿ ಲಕಾರಾನ್ತ ಷಟ್ಪತ್ರಾಮ್ಬುಜಬೋಧಕಃ ।

ಜಲತತ್ತ್ವಮಯೋ ಯೋಗೀ ಸ್ವಾಧಿಷ್ಠಾನಂ ಮಮಾವತು

॥ 9 ॥

ಶ್ಲೋಕ 53

ಸಿದ್ಧಾಸನ ಸಮಾಸೀನ ಊರೂ ಸಿದ್ಧೇಶ್ವರೋಽವತು ।

ವಾದಿಸಾನ್ತ ಚತುಷ್ಪತ್ರಸರೋರುಹ ನಿಬೋಧಕಃ

॥ 10 ॥

ಶ್ಲೋಕ 54

ಮೂಲಾಧಾರಂ ಮಹೀರೂಪೋ ರಕ್ಷತಾದ್ ವೀರ್ಯನಿಗ್ರಹೀ ।

ಪೃಷ್ಠಂ ಚ ಸರ್ವತಃ ಪಾತು ಜಾನುನ್ಯಸ್ತಕರಾಮ್ಬುಜಃ

॥ 11 ॥

ಶ್ಲೋಕ 55

ಜಙ್ಘೇ ಪಾತ್ವವಧೂತೇನ್ದ್ರಃ ಪಾತ್ವಙ್ಘ್ರೀ ತೀರ್ಥಪಾವನಃ ।

ಸರ್ವಾಙ್ಗಂ ಪಾತು ಸರ್ವಾತ್ಮಾ ರೋಮಾಣ್ಯವತು ಕೇಶವಃ

॥ 12 ॥

ಶ್ಲೋಕ 56

ಚರ್ಮ ಚರ್ಮಾಮ್ಬರಃ ಪಾತು ರಕ್ತಂ ಭಕ್ತಿಪ್ರಿಯೋಽವತು ।

ಮಾಂಸಂ ಮಾಂಸಕರಃ ಪಾತು ಮಜ್ಜಾಂ ಮಜ್ಜಾತ್ಮಕೋಽವತು

॥ 13 ॥

ಶ್ಲೋಕ 57

ಅಸ್ಥೀನಿ ಸ್ಥಿರಧೀಃ ಪಾಯಾನ್ಮೇಧಾಂ ವೇಧಾಃ ಪ್ರಪಾಲಯೇತ್ ।

ಶುಕ್ರಂ ಸುಖಕರಃ ಪಾತು ಚಿತ್ತಂ ಪಾತು ದೃಢಾಕೃತಿಃ

॥ 14 ॥

ಶ್ಲೋಕ 58

ಮನೋಬುದ್ಧಿಮಹಙ್ಕಾರಂ ಹೃಷೀಕೇಶಾತ್ಮಕೋಽವತು ।

ಕರ್ಮೇನ್ದ್ರಿಯಾಣಿ ಪಾತ್ವೀಶಃ ಪಾತು ಜ್ಞಾನೇನ್ದ್ರಿಯಾಣ್ಯಜಃ

॥ 15 ॥

ಶ್ಲೋಕ 59

ಬನ್ಧೂನ್ ಬನ್ಧೂತ್ತಮಃ ಪಾಯಾಚ್ಛತ್ರುಭ್ಯಃ ಪಾತು ಶತ್ರುಜಿತ್ ।

ಗೃಹಾರಾಮಧನಕ್ಷೇತ್ರಪುತ್ರಾದೀನ್ ಶಙ್ಕರೋಽವತು

॥ 16 ॥

ಶ್ಲೋಕ 60

ಭಾರ್ಯಾಂ ಪ್ರಕೃತಿವಿತ್ ಪಾತು ಪಶ್ವಾದೀನ್ ಪಾತು ಶಾರ್‍ಙ್ಗಭೃತ್ ।

ಪ್ರಾಣಾನ್ ಪಾತು ಪ್ರಧಾನಜ್ಞೋ ಭಕ್ಷ್ಯಾದೀನ್ ಪಾತು ಭಾಸ್ಕರಃ

॥ 17 ॥

ಶ್ಲೋಕ 61

ಸುಖಂ ಚನ್ದ್ರಾತ್ಮಕಃ ಪಾತು ದುಃಖಾತ್ ಪಾತು ಪುರಾನ್ತಕಃ ।

ಪಶೂನ್ ಪಶುಪತಿಃ ಪಾತು ಭೂತಿಂ ಭೂತೇಶ್ವರೋ ಮಮ

॥ 18 ॥

ಶ್ಲೋಕ 62

ಪ್ರಾಚ್ಯಾಂ ವಿಷಹರಃ ಪಾತು ಪಾತ್ವಾಗ್ನೇಯ್ಯಾಂ ಮಖಾತ್ಮಕಃ ।

ಯಾಮ್ಯಾಂ ಧರ್ಮಾತ್ಮಕಃ ಪಾತು ನೈರೃತ್ಯಾಂ ಸರ್ವವೈರಿಹೃತ್

॥ 19 ॥

ಶ್ಲೋಕ 63

ವರಾಹಃ ಪಾತು ವಾರುಣ್ಯಾಂ ವಾಯವ್ಯಾಂ ಪ್ರಾಣದೋಽವತು ।

ಕೌಬೇರ್ಯಾಂ ಧನದಃ ಪಾತು ಪಾತ್ವೈಶಾನ್ಯಾಂ ಮಹಾಗುರುಃ

॥ 20 ॥

ಶ್ಲೋಕ 64

ಊರ್ಧ್ವಂ ಪಾತು ಮಹಾಸಿದ್ಧಃ ಪಾತ್ವಧಸ್ತಾಜ್ಜಟಾಧರಃ ।

ರಕ್ಷಾಹೀನಂ ತು ಯತ್ ಸ್ಥಾನಂ ರಕ್ಷತ್ವಾದಿಮುನೀಶ್ವರಃ

॥ 21 ॥

ಶ್ಲೋಕ 65

ಕರನ್ಯಾಸಃ ।

ಓಂ ದ್ರಾಂ ಅಙ್ಗುಷ್ಠಾಭ್ಯಾಂ ನಮಃ ।

ಓಂ ದ್ರೀಂ ತರ್ಜನೀಭ್ಯಾಂ ನಮಃ ।

ಓಂ ದ್ರೂಂ ಮಧ್ಯಮಾಭ್ಯಾಂ ನಮಃ ।

ಓಂ ದ್ರೈಂ ಅನಾಮಿಕಾಭ್ಯಾಂ ನಮಃ ।

ಓಂ ದ್ರೌಂ ಕನಿಷ್ಠಿಕಾಭ್ಯಾಂ ನಮಃ ।

ಓಂ ದ್ರಃ ಕರತಲಕರಪೃಷ್ಠಾಭ್ಯಾಂ ನಮಃ ।

ಹೃದಯಾದಿನ್ಯಾಸಃ ।

ಓಂ ದ್ರಾಂ ಹೃದಯಾಯ ನಮಃ ।

ಓಂ ದ್ರೀಂ ಶಿರಸೇ ಸ್ವಾಹಾ ।

ಓಂ ದ್ರೂಂ ಶಿಖಾಯೈ ವಷಟ್ ।

ಓಂ ದ್ರೈಂ ಕವಚಾಯ ಹುಮ್ ।

ಓಂ ದ್ರೌಂ ನೇತ್ರತ್ರಯಾಯ ವೌಷಟ್ ।

ಓಂ ದ್ರಃ ಅಸ್ತ್ರಾಯ ಫಟ್ ।

ಓಂ ಭೂರ್ಭುವಸ್ಸುವರೋಮಿತಿ ದಿಗ್ವಿಮೋಕಃ ।

ಫಲಶೃತಿ ॥

ಏತನ್ಮೇ ವಜ್ರಕವಚಂ ಯಃ ಪಠೇತ್ ಶೃಣುಯಾದಪಿ ।

ವಜ್ರಕಾಯಶ್ಚಿರಞ್ಜೀವೀ ದತ್ತಾತ್ರೇಯೋಽಹಮಬ್ರುವಮ್

॥ 22 ॥

ಶ್ಲೋಕ 66

ತ್ಯಾಗೀ ಭೋಗೀ ಮಹಾಯೋಗೀ ಸುಖದುಃಖವಿವರ್ಜಿತಃ ।

ಸರ್ವತ್ರ ಸಿದ್ಧಸಙ್ಕಲ್ಪೋ ಜೀವನ್ಮುಕ್ತೋಽದ್ಯವರ್ತತೇ

॥ 23 ॥

ಶ್ಲೋಕ 67

ಇತ್ಯುಕ್ತ್ವಾನ್ತರ್ದಧೇ ಯೋಗೀ ದತ್ತಾತ್ರೇಯೋ ದಿಗಮ್ಬರಃ ।

ದಲಾದನೋಽಪಿ ತಜ್ಜಪ್ತ್ವಾ ಜೀವನ್ಮುಕ್ತಃ ಸ ವರ್ತತೇ

॥ 24 ॥

ಶ್ಲೋಕ 68

ಭಿಲ್ಲೋ ದೂರಶ್ರವಾ ನಾಮ ತದಾನೀಂ ಶ್ರುತವಾನಿದಮ್ ।

ಸಕೃಚ್ಛ್ರವಣಮಾತ್ರೇಣ ವಜ್ರಾಙ್ಗೋಽಭವದಪ್ಯಸೌ

॥ 25 ॥

ಶ್ಲೋಕ 69

ಇತ್ಯೇತದ್ ವಜ್ರಕವಚಂ ದತ್ತಾತ್ರೇಯಸ್ಯ ಯೋಗಿನಃ ।

ಶ್ರುತ್ವಾ ಶೇಷಂ ಶಮ್ಭುಮುಖಾತ್ ಪುನರಪ್ಯಾಹ ಪಾರ್ವತೀ

॥ 26 ॥

ಶ್ಲೋಕ 70

ಶ್ರೀ ಪಾರ್ವತ್ಯುವಾಚ ।

ಏತತ್ ಕವಚ ಮಾಹಾತ್ಮ್ಯಂ ವದ ವಿಸ್ತರತೋ ಮಮ ।

ಕುತ್ರ ಕೇನ ಕದಾ ಜಾಪ್ಯಂ ಕಿಯಜ್ಜಾಪ್ಯಂ ಕಥಂ ಕಥಮ್

॥ 27 ॥

ಶ್ಲೋಕ 71

ಉವಾಚ ಶಮ್ಭುಸ್ತತ್ ಸರ್ವಂ ಪಾರ್ವತ್ಯಾ ವಿನಯೋದಿತಮ್ ।

ಶ್ರೀಪರಮೇಶ್ವರ ಉವಾಚ ।

ಶೃಣು ಪಾರ್ವತಿ ವಕ್ಷ್ಯಾಮಿ ಸಮಾಹಿತಮನಾವಿಲಮ್

॥ 28 ॥

ಶ್ಲೋಕ 72

ಧರ್ಮಾರ್ಥಕಾಮಮೋಕ್ಷಾಣಾಮಿದಮೇವ ಪರಾಯಣಮ್ ।

ಹಸ್ತ್ಯಶ್ವರಥಪಾದಾತಿ ಸರ್ವೈಶ್ವರ್ಯ ಪ್ರದಾಯಕಮ್

॥ 29 ॥

ಶ್ಲೋಕ 73

ಪುತ್ರಮಿತ್ರಕಲತ್ರಾದಿ ಸರ್ವಸನ್ತೋಷಸಾಧನಮ್ ।

ವೇದಶಾಸ್ತ್ರಾದಿವಿದ್ಯಾನಾಂ ವಿಧಾನಂ ಪರಮಂ ಹಿ ತತ್

॥ 30 ॥

ಶ್ಲೋಕ 74

ಸಙ್ಗೀತ ಶಾಸ್ತ್ರ ಸಾಹಿತ್ಯ ಸತ್ಕವಿತ್ವ ವಿಧಾಯಕಮ್ ।

ಬುದ್ಧಿ ವಿದ್ಯಾ ಸ್ಮೃತಿ ಪ್ರಜ್ಞಾ ಮತಿ ಪ್ರೌಢಿಪ್ರದಾಯಕಮ್

॥ 31 ॥

ಶ್ಲೋಕ 75

ಸರ್ವಸನ್ತೋಷಕರಣಂ ಸರ್ವದುಃಖನಿವಾರಣಮ್ ।

ಶತ್ರುಸಂಹಾರಕಂ ಶೀಘ್ರಂ ಯಶಃಕೀರ್ತಿವಿವರ್ಧನಮ್

॥ 32 ॥

ಶ್ಲೋಕ 76

ಅಷ್ಟಸಙ್ಖ್ಯಾ ಮಹಾರೋಗಾಃ ಸನ್ನಿಪಾತಾಸ್ತ್ರಯೋದಶ ।

ಷಣ್ಣವತ್ಯಕ್ಷಿರೋಗಾಶ್ಚ ವಿಂಶತಿರ್ಮೇಹರೋಗಕಾಃ

॥ 33 ॥

ಶ್ಲೋಕ 77

ಅಷ್ಟಾದಶತು ಕುಷ್ಠಾನಿ ಗುಲ್ಮಾನ್ಯಷ್ಟವಿಧಾನ್ಯಪಿ ।

ಅಶೀತಿರ್ವಾತರೋಗಾಶ್ಚ ಚತ್ವಾರಿಂಶತ್ತು ಪೈತ್ತಿಕಾಃ

॥ 34 ॥

ಶ್ಲೋಕ 78

ವಿಂಶತಿಃ ಶ್ಲೇಷ್ಮರೋಗಾಶ್ಚ ಕ್ಷಯಚಾತುರ್ಥಿಕಾದಯಃ ।

ಮನ್ತ್ರಯನ್ತ್ರಕುಯೋಗಾದ್ಯಾಃ ಕಲ್ಪತನ್ತ್ರಾದಿನಿರ್ಮಿತಾಃ

॥ 35 ॥

ಶ್ಲೋಕ 79

ಬ್ರಹ್ಮರಾಕ್ಷಸ ವೇತಾಲಕೂಷ್ಮಾಣ್ಡಾದಿ ಗ್ರಹೋದ್ಭವಾಃ ।

ಸಙ್ಗಜಾ ದೇಶಕಾಲಸ್ಥಾಸ್ತಾಪತ್ರಯಸಮುತ್ಥಿತಾಃ

॥ 36 ॥

ಶ್ಲೋಕ 80

ನವಗ್ರಹಸಮುದ್ಭೂತಾ ಮಹಾಪಾತಕ ಸಮ್ಭವಾಃ ।

ಸರ್ವೇ ರೋಗಾಃ ಪ್ರಣಶ್ಯನ್ತಿ ಸಹಸ್ರಾವರ್ತನಾದ್ ಧ್ರುವಮ್

॥ 37 ॥

ಶ್ಲೋಕ 81

ಅಯುತಾವೃತ್ತಿಮಾತ್ರೇಣ ವನ್ಧ್ಯಾ ಪುತ್ರವತೀ ಭವೇತ್ ।

ಅಯುತದ್ವಿತಯಾವೃತ್ತ್ಯಾ ಹ್ಯಪಮೃತ್ಯುಜಯೋ ಭವೇತ್

॥ 38 ॥

ಶ್ಲೋಕ 82

ಅಯುತತ್ರಿತಯಾಚ್ಚೈವ ಖೇಚರತ್ವಂ ಪ್ರಜಾಯತೇ ।

ಸಹಸ್ರಾಯುತದರ್ವಾಕ್ ಸರ್ವಕಾರ್ಯಾಣಿ ಸಾಧಯೇತ್

॥ 39 ॥

ಶ್ಲೋಕ 83

ಲಕ್ಷಾವೃತ್ತ್ಯಾ ಸರ್ವಸಿದ್ಧಿರ್ಭವತ್ಯೇವ ನ ಸಂಶಯಃ

॥ 40 ॥

ಶ್ಲೋಕ 84

ವಿಷವೃಕ್ಷಸ್ಯ ಮೂಲೇಷು ತಿಷ್ಠನ್ ವೈ ದಕ್ಷಿಣಾಮುಖಃ ।

ಕುರುತೇ ಮಾಸಮಾತ್ರೇಣ ವೈರಿಣಂ ವಿಕಲೇನ್ದ್ರಿಯಮ್

॥ 41 ॥

ಶ್ಲೋಕ 85

ಔದುಮ್ಬರತರೋರ್ಮೂಲೇ ವೃದ್ಧಿಕಾಮೇನ ಜಾಪ್ಯತೇ ।

ಶ್ರೀವೃಕ್ಷಮೂಲೇ ಶ್ರೀಕಾಮೀ ತಿನ್ತ್ರಿಣೀ ಶಾನ್ತಿಕರ್ಮಣಿ

॥ 42 ॥

ಶ್ಲೋಕ 86

ಓಜಸ್ಕಾಮೋಽಶ್ವತ್ಥಮೂಲೇ ಸ್ತ್ರೀಕಾಮೈಃ ಸಹಕಾರಕೇ ।

ಜ್ಞಾನಾರ್ಥೀ ತುಲಸೀಮೂಲೇ ಗರ್ಭಗೇಹೇ ಸುತಾರ್ಥಿಭಿಃ

॥ 43 ॥

ಶ್ಲೋಕ 87

ಧನಾರ್ಥಿಭಿಸ್ತು ಸುಕ್ಷೇತ್ರೇ ಪಶುಕಾಮೈಸ್ತು ಗೋಷ್ಠಕೇ ।

ದೇವಾಲಯೇ ಸರ್ವಕಾಮೈಸ್ತತ್ಕಾಲೇ ಸರ್ವದರ್ಶಿತಮ್

॥ 44 ॥

ಶ್ಲೋಕ 88

ನಾಭಿಮಾತ್ರಜಲೇ ಸ್ಥಿತ್ವಾ ಭಾನುಮಾಲೋಕ್ಯ ಯೋ ಜಪೇತ್ ।

ಯುದ್ಧೇ ವಾ ಶಾಸ್ತ್ರವಾದೇ ವಾ ಸಹಸ್ರೇಣ ಜಯೋ ಭವೇತ್

॥ 45 ॥

ಶ್ಲೋಕ 89

ಕಣ್ಠಮಾತ್ರೇ ಜಲೇ ಸ್ಥಿತ್ವಾ ಯೋ ರಾತ್ರೌ ಕವಚಂ ಪಠೇತ್ ।

ಜ್ವರಾಪಸ್ಮಾರಕುಷ್ಠಾದಿ ತಾಪಜ್ವರನಿವಾರಣಮ್

॥ 46 ॥

ಶ್ಲೋಕ 90

ಯತ್ರ ಯತ್ ಸ್ಯಾತ್ ಸ್ಥಿರಂ ಯದ್ಯತ್ ಪ್ರಸಕ್ತಂ ತನ್ನಿವರ್ತತೇ ।

ತೇನ ತತ್ರ ಹಿ ಜಪ್ತವ್ಯಂ ತತಃ ಸಿದ್ಧಿರ್ಭವೇದ್ಧ್ರುವಮ್

॥ 47 ॥

ಶ್ಲೋಕ 91

ಇತ್ಯುಕ್ತವಾನ್ ಶಿವೋ ಗೌರ್ವೈ ರಹಸ್ಯಂ ಪರಮಂ ಶುಭಮ್ ।

ಯಃ ಪಠೇತ್ ವಜ್ರಕವಚಂ ದತ್ತಾತ್ರೇಯ ಸಮೋ ಭವೇತ್

॥ 48 ॥

ಶ್ಲೋಕ 92

ಏವಂ ಶಿವೇನ ಕಥಿತಂ ಹಿಮವತ್ಸುತಾಯೈ

ಪ್ರೋಕ್ತಂ ದಲಾದಮುನಯೇಽತ್ರಿಸುತೇನ ಪೂರ್ವಮ್ ।

ಯಃ ಕೋಽಪಿ ವಜ್ರಕವಚಂ ಪಠತೀಹ ಲೋಕೇ

ದತ್ತೋಪಮಶ್ಚರತಿ ಯೋಗಿವರಶ್ಚಿರಾಯುಃ

॥ 49 ॥

ಶ್ಲೋಕ 93

ಇತಿ ಶ್ರೀ ರುದ್ರಯಾಮಲೇ ಹಿಮವತ್ಖಣ್ಡೇ ಮನ್ತ್ರಶಾಸ್ತ್ರೇ ಉಮಾಮಹೇಶ್ವರಸಂವಾದೇ ಶ್ರೀ ದತ್ತಾತ್ರೇಯ ವಜ್ರಕವಚಸ್ತೋತ್ರಂ ಸಮ್ಪೂರ್ಣಮ್ ॥