Sri Dattatreya Vajra Kavacham
শ্রি দত্তাত্রেয বজ্র কবচম্
Sri Dattatreya Vajra Kavacham
শ্রি দত্তাত্রেয বজ্র কবচম্
ঋষয ঊচুঃ ।
কথং সঙ্কল্পসিদ্ধিঃ স্যাদ্বেদব্যাস কলৌযুগে ।
ধর্মার্থকামমোক্ষাণাং সাধনং কিমুদাহৃতম্ ॥ 1 ॥
ব্যাস উবাচ ।
শৃণ্বন্তু ঋষযস্সর্বে শীঘ্রং সঙ্কল্পসাধনম্ ।
সকৃদুচ্চারমাত্রেণ ভোগমোক্ষপ্রদাযকম্ ॥ 2 ॥
গৌরীশৃঙ্গে হিমবতঃ কল্পবৃক্ষোপশোভিতম্ ।
দীপ্তে দিব্যমহারত্ন হেমমণ্ডপমধ্যগম্ ॥ 3 ॥
রত্নসিংহাসনাসীনং প্রসন্নং পরমেশ্বরম্ ।
মন্দস্মিতমুখাম্ভোজং শঙ্করং প্রাহ পার্বতী ॥ 4 ॥
শ্রীদেবী উবাচ ।
দেবদেব মহাদেব লোকশঙ্কর শঙ্কর ।
মন্ত্রজালানি সর্বাণি যন্ত্রজালানি কৃত্স্নশঃ ॥ 5 ॥
তন্ত্রজালান্যনেকানি মযা ত্বত্তঃ শ্রুতানি বৈ ।
ইদানীং দ্রষ্টুমিচ্ছামি বিশেষেণ মহীতলম্ ॥ 6 ॥
ইত্যুদীরিতমাকর্ণ্য পার্বত্যা পরমেশ্বরঃ ।
করেণামৃজ্য সন্তোষাত্ পার্বতীং প্রত্যভাষত ॥ 7 ॥
মযেদানীং ত্বযা সার্ধং বৃষমারুহ্য গম্যতে ।
ইত্যুক্ত্বা বৃষমারুহ্য পার্বত্যা সহ শঙ্করঃ ॥ 8 ॥
যযৌ ভূমণ্ডলং দ্রষ্টুং গৌর্যাশ্চিত্রাণি দর্শযন্ ।
ক্বচিত্ বিন্ধ্যাচলপ্রান্তে মহারণ্যে সুদুর্গমে ॥ 9 ॥
তত্র ব্যাহর্তুমাযান্তং ভিল্লং পরশুধারিণম্ ।
বধ্যমানং মহাব্যাঘ্রং নখদংষ্ট্রাভিরাবৃতম্ ॥ 10 ॥
অতীব চিত্রচারিত্র্যং বজ্রকাযসমাযুতম্ ।
অপ্রযত্নমনাযাসমখিন্নং সুখমাস্থিতম্ ॥ 11 ॥
পলাযন্তং মৃগং পশ্চাদ্ব্যাঘ্রো ভীত্যা পলাযতঃ ।
এতদাশ্চর্যমালোক্য পার্বতী প্রাহ শঙ্করম্ ॥ 12 ॥
শ্রী পার্বত্যুবাচ ।
কিমাশ্চর্যং কিমাশ্চর্যমগ্রে শম্ভো নিরীক্ষ্যতাম্ ।
ইত্যুক্তঃ স ততঃ শম্ভুর্দৃষ্ট্বা প্রাহ পুরাণবিত্ ॥ 13 ॥
শ্রী শঙ্কর উবাচ ।
গৌরি বক্ষ্যামি তে চিত্রমবাঙ্মানসগোচরম্ ।
অদৃষ্টপূর্বমস্মাভির্নাস্তি কিঞ্চিন্ন কুত্রচিত্ ॥ 14 ॥
মযা সম্যক্ সমাসেন বক্ষ্যতে শৃণু পার্বতি ।
অযং দূরশ্রবা নাম ভিল্লঃ পরমধার্মিকঃ ॥ 15 ॥
সমিত্কুশপ্রসূনানি কন্দমূলফলাদিকম্ ।
প্রত্যহং বিপিনং গত্বা সমাদায প্রযাসতঃ ॥ 16 ॥
প্রিযে পূর্বং মুনীন্দ্রেভ্যঃ প্রযচ্ছতি ন বাঞ্ছতি ।
তেঽপি তস্মিন্নপি দযাং কুর্বতে সর্বমৌনিনঃ ॥ 17 ॥
দলাদনো মহাযোগী বসন্নেব নিজাশ্রমে ।
কদাচিদস্মরত্ সিদ্ধং দত্তাত্রেযং দিগম্বরম্ ॥ 18 ॥
দত্তাত্রেযঃ স্মর্তৃগামী চেতিহাসং পরীক্ষিতুম্ ।
তত্ক্ষণাত্ সোঽপি যোগীন্দ্রো দত্তাত্রেযঃ সমুত্থিতঃ ॥ 19 ॥
তং দৃষ্ট্বাশ্চর্যতোষাভ্যাং দলাদনমহামুনিঃ ।
সম্পূজ্যাগ্রে বিষীদন্তং দত্তাত্রেযমুবাচ তম্ ॥ 20 ॥
মযোপহূতঃ সম্প্রাপ্তো দত্তাত্রেয মহামুনে ।
স্মর্তৃগামী ত্বমিত্যেতত্ কিং বদন্তী পরীক্ষিতুম্ ॥ 21 ॥
মযাদ্য সংস্মৃতোঽসি ত্বমপরাধং ক্ষমস্ব মে ।
দত্তাত্রেযো মুনিং প্রাহ মম প্রকৃতিরীদৃশী ॥ 22 ॥
অভক্ত্যা বা সুভক্ত্যা বা যঃ স্মরেন্নামনন্যধীঃ ।
তদানীং তমুপাগম্য দদামি তদভীপ্সিতম্ ॥ 23 ॥
দত্তাত্রেযো মুনিং প্রাহ দলাদনমুনীশ্বরম্ ।
যদিষ্টং তদ্বৃণীষ্ব ত্বং যত্ প্রাপ্তোঽহং ত্বযা স্মৃতঃ ॥ 24 ॥
দত্তাত্রেযং মুনিং প্রাহ মযা কিমপি নোচ্যতে ।
ত্বচ্চিত্তে যত্ স্থিতং তন্মে প্রযচ্ছ মুনিপুঙ্গব ॥ 25 ॥
শ্রী দত্তাত্রেয উবাচ ।
মমাস্তি বজ্রকবচং গৃহাণেত্যবদন্মুনিম্ ।
তথেত্যঙ্গীকৃতবতে দলাদমুনযে মুনিঃ ॥ 26 ॥
স্ববজ্রকবচং প্রাহ ঋষিচ্ছন্দঃ পুরস্সরম্ ।
ন্যাসং ধ্যানং ফলং তত্র প্রযোজনমশেষতঃ ॥ 27 ॥
অস্য শ্রীদত্তাত্রেয বজ্রকবচ স্তোত্রমন্ত্রস্য, কিরাতরূপী মহারুদ্রৃষিঃ, অনুষ্টুপ্ ছন্দঃ, শ্রীদত্তাত্রেযো দেবতা, দ্রাং বীজম্, আং শক্তিঃ, ক্রৌং কীলকম্.
ওঁ আত্মনে নমঃ
ওঁ দ্রীং মনসে নমঃ
ওঁ আং দ্রীং শ্রীং সৌঃ
ওঁ ক্লাং ক্লীং ক্লূং ক্লৈং ক্লৌং ক্লঃ
শ্রী দত্তাত্রেয প্রসাদ সিদ্ধ্যর্থে জপে বিনিযোগঃ
করন্যাসঃ ।
ওঁ দ্রাং অঙ্গুষ্ঠাভ্যাং নমঃ ।
ওঁ দ্রীং তর্জনীভ্যাং নমঃ ।
ওঁ দ্রূং মধ্যমাভ্যাং নমঃ ।
ওঁ দ্রৈং অনামিকাভ্যাং নমঃ ।
ওঁ দ্রৌং কনিষ্ঠিকাভ্যাং নমঃ ।
ওঁ দ্রঃ করতলকরপৃষ্ঠাভ্যাং নমঃ ।
হৃদযাদিন্যাসঃ ।
ওঁ দ্রাং হৃদযায নমঃ ।
ওঁ দ্রীং শিরসে স্বাহা ।
ওঁ দ্রূং শিখাযৈ বষট্ ।
ওঁ দ্রৈং কবচায হুম্ ।
ওঁ দ্রৌং নেত্রত্রযায বৌষট্ ।
ওঁ দ্রঃ অস্ত্রায ফট্ ।
ওঁ ভূর্ভুবস্সুবরোমিতি দিগ্বন্ধঃ ।
ধ্যানম্ ।
জগদঙ্কুরকন্দায সচ্চিদানন্দমূর্তযে ।
দত্তাত্রেযায যোগীন্দ্রচন্দ্রায পরমাত্মনে ॥ 1 ॥
কদা যোগী কদা ভোগী কদা নগ্নঃ পিশাচবত্ ।
দত্তাত্রেযো হরিঃ সাক্ষাত্ ভুক্তিমুক্তিপ্রদাযকঃ ॥ 2 ॥
বারাণসীপুরস্নাযী কॊল্হাপুরজপাদরঃ ।
মাহুরীপুরভীক্ষাশী সহ্যশাযী দিগম্বরঃ ॥ 3 ॥
ইন্দ্রনীল সমাকারঃ চন্দ্রকান্তিসমদ্যুতিঃ ।
বৈঢূর্য সদৃশস্ফূর্তিঃ চলত্কিঞ্চিজ্জটাধরঃ ॥ 4 ॥
স্নিগ্ধধাবল্য যুক্তাক্ষোঽত্যন্তনীল কনীনিকঃ ।
ভ্রূবক্ষঃশ্মশ্রুনীলাঙ্কঃ শশাঙ্কসদৃশাননঃ ॥ 5 ॥
হাসনির্জিত নিহারঃ কণ্ঠনির্জিত কম্বুকঃ ।
মাংসলাংসো দীর্ঘবাহুঃ পাণিনির্জিতপল্লবঃ ॥ 6 ॥
বিশালপীনবক্ষাশ্চ তাম্রপাণির্দলোদরঃ ।
পৃথুলশ্রোণিললিতো বিশালজঘনস্থলঃ ॥ 7 ॥
রম্ভাস্তম্ভোপমানোরুঃ জানুপূর্বৈকজঙ্ঘকঃ ।
গূঢগুল্ফঃ কূর্মপৃষ্ঠো লসত্বাদোপরিস্থলঃ ॥ 8 ॥
রক্তারবিন্দসদৃশ রমণীয পদাধরঃ ।
চর্মাম্বরধরো যোগী স্মর্তৃগামী ক্ষণেক্ষণে ॥ 9 ॥
জ্ঞানোপদেশনিরতো বিপদ্ধরণদীক্ষিতঃ ।
সিদ্ধাসনসমাসীন ঋজুকাযো হসন্মুখঃ ॥ 10 ॥
বামহস্তেন বরদো দক্ষিণেনাভযঙ্করঃ ।
বালোন্মত্ত পিশাচীভিঃ ক্বচিদ্ যুক্তঃ পরীক্ষিতঃ ॥ 11 ॥
ত্যাগী ভোগী মহাযোগী নিত্যানন্দো নিরঞ্জনঃ ।
সর্বরূপী সর্বদাতা সর্বগঃ সর্বকামদঃ ॥ 12 ॥
ভস্মোদ্ধূলিত সর্বাঙ্গো মহাপাতকনাশনঃ ।
ভুক্তিপ্রদো মুক্তিদাতা জীবন্মুক্তো ন সংশযঃ ॥ 13 ॥
এবং ধ্যাত্বাঽনন্যচিত্তো মদ্বজ্রকবচং পঠেত্ ।
মামেব পশ্যন্সর্বত্র স মযা সহ সঞ্চরেত্ ॥ 14 ॥
দিগম্বরং ভস্মসুগন্ধ লেপনং
চক্রং ত্রিশূলং ঢমরুং গদাযুধম্ ।
পদ্মাসনং যোগিমুনীন্দ্রবন্দিতং
দত্তেতিনামস্মরণেন নিত্যম্ ॥ 15 ॥
পঞ্চোপচারপূজা ।
ওঁ লং পৃথিবীতত্ত্বাত্মনে শ্রীদত্তাত্রেযায নমঃ ।
গন্ধং পরিকল্পযামি।
ওঁ হং আকাশতত্ত্বাত্মনে শ্রীদত্তাত্রেযায নমঃ ।
পুষ্পং পরিকল্পযামি ।
ওঁ যং বাযুতত্ত্বাত্মনে শ্রীদত্তাত্রেযায নমঃ ।
ধূপং পরিকল্পযামি ।
ওঁ রং বহ্নিতত্ত্বাত্মনে শ্রীদত্তাত্রেযায নমঃ ।
দীপং পরিকল্পযামি ।
ওঁ বং অমৃত তত্ত্বাত্মনে শ্রীদত্তাত্রেযায নমঃ ।
অমৃতনৈবেদ্যং পরিকল্পযামি ।
ওঁ সং সর্বতত্ত্বাত্মনে শ্রীদত্তাত্রেযায নমঃ ।
তাম্বূলাদিসর্বোপচারান্ পরিকল্পযামি ।
(অনন্তরং ‘ওঁ দ্রাং…’ ইতি মূলমন্ত্রং অষ্টোত্তরশতবারং (108) জপেত্)
অথ বজ্রকবচম্ ।
ওঁ দত্তাত্রেযায শিরঃপাতু সহস্রাব্জেষু সংস্থিতঃ ।
ফালং পাত্বানসূযেযঃ চন্দ্রমণ্ডলমধ্যগঃ ॥ 1 ॥
কূর্চং মনোমযঃ পাতু হং ক্ষং দ্বিদলপদ্মভূঃ ।
জ্যোতিরূপোঽক্ষিণীপাতু পাতু শব্দাত্মকঃ শ্রুতী ॥ 2 ॥
নাসিকাং পাতু গন্ধাত্মা মুখং পাতু রসাত্মকঃ ।
জিহ্বাং বেদাত্মকঃ পাতু দন্তোষ্ঠৌ পাতু ধার্মিকঃ ॥ 3 ॥
কপোলাবত্রিভূঃ পাতু পাত্বশেষং মমাত্মবিত্ ।
সর্বাত্মা ষোডশারাব্জস্থিতঃ স্বাত্মাঽবতাদ্ গলম্ ॥ 4 ॥
স্কন্ধৌ চন্দ্রানুজঃ পাতু ভুজৌ পাতু কৃতাদিভূঃ ।
জত্রুণী শত্রুজিত্ পাতু পাতু বক্ষস্থলং হরিঃ ॥ 5 ॥
কাদিঠান্তদ্বাদশারপদ্মগো মরুদাত্মকঃ ।
যোগীশ্বরেশ্বরঃ পাতু হৃদযং হৃদযস্থিতঃ ॥ 6 ॥
পার্শ্বে হরিঃ পার্শ্ববর্তী পাতু পার্শ্বস্থিতঃ স্মৃতঃ ।
হঠযোগাদিযোগজ্ঞঃ কুক্ষিং পাতু কৃপানিধিঃ ॥ 7 ॥
ডকারাদি ফকারান্ত দশারসরসীরুহে ।
নাভিস্থলে বর্তমানো নাভিং বহ্ন্যাত্মকোঽবতু ॥ 8 ॥
বহ্নিতত্ত্বমযো যোগী রক্ষতান্মণিপূরকম্ ।
কটিং কটিস্থব্রহ্মাণ্ডবাসুদেবাত্মকোঽবতু ॥ 9 ॥
বকারাদি লকারান্ত ষট্পত্রাম্বুজবোধকঃ ।
জলতত্ত্বমযো যোগী স্বাধিষ্ঠানং মমাবতু ॥ 10 ॥
সিদ্ধাসন সমাসীন ঊরূ সিদ্ধেশ্বরোঽবতু ।
বাদিসান্ত চতুষ্পত্রসরোরুহ নিবোধকঃ ॥ 11 ॥
মূলাধারং মহীরূপো রক্ষতাদ্ বীর্যনিগ্রহী ।
পৃষ্ঠং চ সর্বতঃ পাতু জানুন্যস্তকরাম্বুজঃ ॥ 12 ॥
জঙ্ঘে পাত্ববধূতেন্দ্রঃ পাত্বঙ্ঘ্রী তীর্থপাবনঃ ।
সর্বাঙ্গং পাতু সর্বাত্মা রোমাণ্যবতু কেশবঃ ॥ 13 ॥
চর্ম চর্মাম্বরঃ পাতু রক্তং ভক্তিপ্রিযোঽবতু ।
মাংসং মাংসকরঃ পাতু মজ্জাং মজ্জাত্মকোঽবতু ॥ 14 ॥
অস্থীনি স্থিরধীঃ পাযান্মেধাং বেধাঃ প্রপালযেত্ ।
শুক্রং সুখকরঃ পাতু চিত্তং পাতু দৃঢাকৃতিঃ ॥ 15 ॥
মনোবুদ্ধিমহঙ্কারং হৃষীকেশাত্মকোঽবতু ।
কর্মেন্দ্রিযাণি পাত্বীশঃ পাতু জ্ঞানেন্দ্রিযাণ্যজঃ ॥ 16 ॥
বন্ধূন্ বন্ধূত্তমঃ পাযাচ্ছত্রুভ্যঃ পাতু শত্রুজিত্ ।
গৃহারামধনক্ষেত্রপুত্রাদীন্ শঙ্করোঽবতু ॥ 17 ॥
ভার্যাং প্রকৃতিবিত্ পাতু পশ্বাদীন্ পাতু শার্ঙ্গভৃত্ ।
প্রাণান্ পাতু প্রধানজ্ঞো ভক্ষ্যাদীন্ পাতু ভাস্করঃ ॥ 18 ॥
সুখং চন্দ্রাত্মকঃ পাতু দুঃখাত্ পাতু পুরান্তকঃ ।
পশূন্ পশুপতিঃ পাতু ভূতিং ভূতেশ্বরো মম ॥ 19 ॥
প্রাচ্যাং বিষহরঃ পাতু পাত্বাগ্নেয্যাং মখাত্মকঃ ।
যাম্যাং ধর্মাত্মকঃ পাতু নৈরৃত্যাং সর্ববৈরিহৃত্ ॥ 20 ॥
বরাহঃ পাতু বারুণ্যাং বাযব্যাং প্রাণদোঽবতু ।
কৌবের্যাং ধনদঃ পাতু পাত্বৈশান্যাং মহাগুরুঃ ॥ 21 ॥
ঊর্ধ্বং পাতু মহাসিদ্ধঃ পাত্বধস্তাজ্জটাধরঃ ।
রক্ষাহীনং তু যত্ স্থানং রক্ষত্বাদিমুনীশ্বরঃ ॥ 22 ॥
করন্যাসঃ ।
ওঁ দ্রাং অঙ্গুষ্ঠাভ্যাং নমঃ ।
ওঁ দ্রীং তর্জনীভ্যাং নমঃ ।
ওঁ দ্রূং মধ্যমাভ্যাং নমঃ ।
ওঁ দ্রৈং অনামিকাভ্যাং নমঃ ।
ওঁ দ্রৌং কনিষ্ঠিকাভ্যাং নমঃ ।
ওঁ দ্রঃ করতলকরপৃষ্ঠাভ্যাং নমঃ ।
হৃদযাদিন্যাসঃ ।
ওঁ দ্রাং হৃদযায নমঃ ।
ওঁ দ্রীং শিরসে স্বাহা ।
ওঁ দ্রূং শিখাযৈ বষট্ ।
ওঁ দ্রৈং কবচায হুম্ ।
ওঁ দ্রৌং নেত্রত্রযায বৌষট্ ।
ওঁ দ্রঃ অস্ত্রায ফট্ ।
ওঁ ভূর্ভুবস্সুবরোমিতি দিগ্বিমোকঃ ।
ফলশৃতি ॥
এতন্মে বজ্রকবচং যঃ পঠেত্ শৃণুযাদপি ।
বজ্রকাযশ্চিরঞ্জীবী দত্তাত্রেযোঽহমব্রুবম্ ॥ 23 ॥
ত্যাগী ভোগী মহাযোগী সুখদুঃখবিবর্জিতঃ ।
সর্বত্র সিদ্ধসঙ্কল্পো জীবন্মুক্তোঽদ্যবর্ততে ॥ 24 ॥
ইত্যুক্ত্বান্তর্দধে যোগী দত্তাত্রেযো দিগম্বরঃ ।
দলাদনোঽপি তজ্জপ্ত্বা জীবন্মুক্তঃ স বর্ততে ॥ 25 ॥
ভিল্লো দূরশ্রবা নাম তদানীং শ্রুতবানিদম্ ।
সকৃচ্ছ্রবণমাত্রেণ বজ্রাঙ্গোঽভবদপ্যসৌ ॥ 26 ॥
ইত্যেতদ্ বজ্রকবচং দত্তাত্রেযস্য যোগিনঃ ।
শ্রুত্বা শেষং শম্ভুমুখাত্ পুনরপ্যাহ পার্বতী ॥ 27 ॥
শ্রী পার্বত্যুবাচ ।
এতত্ কবচ মাহাত্ম্যং বদ বিস্তরতো মম ।
কুত্র কেন কদা জাপ্যং কিযজ্জাপ্যং কথং কথম্ ॥ 28 ॥
উবাচ শম্ভুস্তত্ সর্বং পার্বত্যা বিনযোদিতম্ ।
শ্রীপরমেশ্বর উবাচ ।
শৃণু পার্বতি বক্ষ্যামি সমাহিতমনাবিলম্ ॥ 29 ॥
ধর্মার্থকামমোক্ষাণামিদমেব পরাযণম্ ।
হস্ত্যশ্বরথপাদাতি সর্বৈশ্বর্য প্রদাযকম্ ॥ 30 ॥
পুত্রমিত্রকলত্রাদি সর্বসন্তোষসাধনম্ ।
বেদশাস্ত্রাদিবিদ্যানাং বিধানং পরমং হি তত্ ॥ 31 ॥
সঙ্গীত শাস্ত্র সাহিত্য সত্কবিত্ব বিধাযকম্ ।
বুদ্ধি বিদ্যা স্মৃতি প্রজ্ঞা মতি প্রৌঢিপ্রদাযকম্ ॥ 32 ॥
সর্বসন্তোষকরণং সর্বদুঃখনিবারণম্ ।
শত্রুসংহারকং শীঘ্রং যশঃকীর্তিবিবর্ধনম্ ॥ 33 ॥
অষ্টসঙ্খ্যা মহারোগাঃ সন্নিপাতাস্ত্রযোদশ ।
ষণ্ণবত্যক্ষিরোগাশ্চ বিংশতির্মেহরোগকাঃ ॥ 34 ॥
অষ্টাদশতু কুষ্ঠানি গুল্মান্যষ্টবিধান্যপি ।
অশীতির্বাতরোগাশ্চ চত্বারিংশত্তু পৈত্তিকাঃ ॥ 35 ॥
বিংশতিঃ শ্লেষ্মরোগাশ্চ ক্ষযচাতুর্থিকাদযঃ ।
মন্ত্রযন্ত্রকুযোগাদ্যাঃ কল্পতন্ত্রাদিনির্মিতাঃ ॥ 36 ॥
ব্রহ্মরাক্ষস বেতালকূষ্মাণ্ডাদি গ্রহোদ্ভবাঃ ।
সঙ্গজা দেশকালস্থাস্তাপত্রযসমুত্থিতাঃ ॥ 37 ॥
নবগ্রহসমুদ্ভূতা মহাপাতক সম্ভবাঃ ।
সর্বে রোগাঃ প্রণশ্যন্তি সহস্রাবর্তনাদ্ ধ্রুবম্ ॥ 38 ॥
অযুতাবৃত্তিমাত্রেণ বন্ধ্যা পুত্রবতী ভবেত্ ।
অযুতদ্বিতযাবৃত্ত্যা হ্যপমৃত্যুজযো ভবেত্ ॥ 39 ॥
অযুতত্রিতযাচ্চৈব খেচরত্বং প্রজাযতে ।
সহস্রাযুতদর্বাক্ সর্বকার্যাণি সাধযেত্ ॥ 40 ॥
লক্ষাবৃত্ত্যা সর্বসিদ্ধির্ভবত্যেব ন সংশযঃ ॥ 41 ॥
বিষবৃক্ষস্য মূলেষু তিষ্ঠন্ বৈ দক্ষিণামুখঃ ।
কুরুতে মাসমাত্রেণ বৈরিণং বিকলেন্দ্রিযম্ ॥ 42 ॥
ঔদুম্বরতরোর্মূলে বৃদ্ধিকামেন জাপ্যতে ।
শ্রীবৃক্ষমূলে শ্রীকামী তিন্ত্রিণী শান্তিকর্মণি ॥ 43 ॥
ওজস্কামোঽশ্বত্থমূলে স্ত্রীকামৈঃ সহকারকে ।
জ্ঞানার্থী তুলসীমূলে গর্ভগেহে সুতার্থিভিঃ ॥ 44 ॥
ধনার্থিভিস্তু সুক্ষেত্রে পশুকামৈস্তু গোষ্ঠকে ।
দেবালযে সর্বকামৈস্তত্কালে সর্বদর্শিতম্ ॥ 45 ॥
নাভিমাত্রজলে স্থিত্বা ভানুমালোক্য যো জপেত্ ।
যুদ্ধে বা শাস্ত্রবাদে বা সহস্রেণ জযো ভবেত্ ॥ 46 ॥
কণ্ঠমাত্রে জলে স্থিত্বা যো রাত্রৌ কবচং পঠেত্ ।
জ্বরাপস্মারকুষ্ঠাদি তাপজ্বরনিবারণম্ ॥ 47 ॥
যত্র যত্ স্যাত্ স্থিরং যদ্যত্ প্রসক্তং তন্নিবর্ততে ।
তেন তত্র হি জপ্তব্যং ততঃ সিদ্ধির্ভবেদ্ধ্রুবম্ ॥ 48 ॥
ইত্যুক্তবান্ শিবো গৌর্বৈ রহস্যং পরমং শুভম্ ।
যঃ পঠেত্ বজ্রকবচং দত্তাত্রেয সমো ভবেত্ ॥ 49 ॥
এবং শিবেন কথিতং হিমবত্সুতাযৈ
প্রোক্তং দলাদমুনযেঽত্রিসুতেন পূর্বম্ ।
যঃ কোঽপি বজ্রকবচং পঠতীহ লোকে
দত্তোপমশ্চরতি যোগিবরশ্চিরাযুঃ ॥ 50 ॥
ইতি শ্রী রুদ্রযামলে হিমবত্খণ্ডে মন্ত্রশাস্ত্রে উমামহেশ্বরসংবাদে শ্রী দত্তাত্রেয বজ্রকবচস্তোত্রং সম্পূর্ণম্ ॥
About This Stotram
Sri Dattatreya Vajra Kavacham
Sanskrit Title: श्रि दत्तात्रेय वज्र कवचम्
IAST Transliteration:
Overview
The Sri Dattatreya Vajra Kavacham is considered a highly potent devotional hymn dedicated to Lord Dattatreya, who is revered as the embodiment of the Trimurti (Brahma, Vishnu, and Shiva) and the Guru of Gurus. The term 'Vajra' (thunderbolt) in its title signifies its immense power and effectiveness in warding off all forms of negativity, afflictions, and obstacles, much like a vajra that can destroy anything. Reciting this Kavacham is believed to bestow divine protection, grant worldly boons, and ultimately lead to spiritual liberation. It serves as a powerful tool for devotees seeking solace, strength, and divine grace from Lord Dattatreya, particularly in the challenging Kali Yuga.
Details
| Attribute | Information |
|---|---|
| Deity | Dattatreya |
| Author | Unknown |
| Type | Kavacham |
| Category | Kavacham |
| Number of Verses | 92 |
| Origin | The origin of the Sri Dattatreya Vajra Kavacham is not explicitly stated in the provided text. However, Kavachams are typically devotional hymns designed to invoke divine protection. The introductory verses suggest a dialogue between Rishis (sages) and Vyasa, where the Rishis inquire about the means to achieve fulfillment of desires and liberation in Kali Yuga. Vyasa then promises to reveal a powerful mantra that grants both worldly enjoyment and liberation with a single recitation. This implies that the Kavacham is presented as a powerful spiritual tool revealed by Vyasa for the benefit of humanity in the current age. |
Benefits of Recitation
- Fulfillment of desires (Sankalpa Siddhi)
- Liberation (Moksha)
- Protection from negative influences and obstacles
- Attainment of worldly pleasures (Bhoga)
- Spiritual advancement
Best Time to Recite
Morning and evening are generally considered auspicious times for reciting stotrams. This Kavacham can be recited at any time when one seeks protection or wishes to invoke the blessings of Lord Dattatreya. Specific occasions like Dattatreya Jayanti or Guru Purnima might be considered particularly significant.
Historical Context
The provided text does not offer specific historical context regarding the composition date or author. However, the mention of Vyasa in the introductory verses suggests a tradition that attributes its revelation to him, a prominent sage in Hindu mythology. Kavachams as a genre of devotional literature gained prominence over centuries, with many attributed to great saints and scholars. The emphasis on its efficacy in Kali Yuga points to a composition or compilation aimed at addressing the spiritual needs of people in this era.
Last Updated: 2025-12-01