Sri Dattatreya Stotram

ශ්රි දත්තාත්රේය ස්තෝත්රම්

ශ්ලොක 1

ජටාධරං පාණ්ඩුරාඞ්ගං ශූලහස්තං කෘපානිධිම් .

සර්වරෝගහරං දේවං දත්තාත්රේයමහං භජේ .. 1 ..

අස්ය ශ්රීදත්තාත්රේයස්තෝත්රමන්ත්රස්ය භගවාන්නාරදෘෂිඃ . අනුෂ්ටුප් ඡන්දඃ . ශ්රීදත්තඃ පරමාත්මා දේවතා . ශ්රීදත්තාත්රේය ප්රීත්යර්ථේ ජපේ විනියෝගඃ ..

නාරද උවාච .

ජගදුත්පත්තිකර්ත්රේ ච ස්ථිතිසංහාරහේතවේ .

භවපාශවිමුක්තාය දත්තාත්රේය නමෝ(අ)ස්තු තේ .. 1 ..

ජරාජන්මවිනාශාය දේහශුද්ධිකරාය ච .

දිගම්බර දයාමූර්තේ දත්තාත්රේය නමෝ(අ)ස්තු තේ .. 2 ..

කර්පූරකාන්තිදේහාය බ්රහ්මමූර්තිධරාය ච .

වේදශාස්ත්රපරිජ්ඤාය දත්තාත්රේය නමෝ(අ)ස්තු තේ .. 3 ..

හ්රස්වදීර්ඝකෘශස්ථූලනාමගෝත්රවිවර්ජිත .

පඤ්චභූතෛකදීප්තාය දත්තාත්රේය නමෝ(අ)ස්තු තේ .. 4 ..

යජ්ඤභෝක්තේ ච යජ්ඤාය යජ්ඤරූපධරාය ච .

යජ්ඤප්රියාය සිද්ධාය දත්තාත්රේය නමෝ(අ)ස්තු තේ .. 5 ..

ආදෞ බ්රහ්මා හරිර්මධ්යේ හ්යන්තේ දේවස්සදාශිවඃ .

මූර්තිත්රයස්වරූපාය දත්තාත්රේය නමෝ(අ)ස්තු තේ .. 6 ..

භෝගාලයාය භෝගාය යෝගයෝග්යාය ධාරිණේ .

ජිතේන්ද්රිය ජිතජ්ඤාය දත්තාත්රේය නමෝ(අ)ස්තු තේ .. 7 ..

දිගම්බරාය දිව්යාය දිව්යරූපධරාය ච .

සදෝදිතපරබ්රහ්ම දත්තාත්රේය නමෝ(අ)ස්තු තේ .. 8 ..

ජම්බූද්වීපේ මහාක්ෂේත්රේ මාතාපුරනිවාසිනේ .

ජයමාන සතාං දේව දත්තාත්රේය නමෝ(අ)ස්තු තේ .. 9 ..

භික්ෂාටනං ගෘහේ ග්රාමේ පාත්රං හේමමයං කරේ .

නානාස්වාදමයී භික්ෂා දත්තාත්රේය නමෝ(අ)ස්තු තේ .. 10 ..

බ්රහ්මජ්ඤානමයී මුද්රා වස්ත්රේ චාකාශභූතලේ .

ප්රජ්ඤානඝනබෝධාය දත්තාත්රේය නමෝ(අ)ස්තු තේ .. 11 ..

අවධූත සදානන්ද පරබ්රහ්මස්වරූපිණේ .

විදේහදේහරූපාය දත්තාත්රේය නමෝ(අ)ස්තු තේ .. 12 ..

සත්යරූප සදාචාර සත්යධර්මපරායණ .

සත්යාශ්රයපරෝක්ෂාය දත්තාත්රේය නමෝ(අ)ස්තු තේ .. 13 ..

ශූලහස්තගදාපාණේ වනමාලාසුකන්ධර .

යජ්ඤසූත්රධර බ්රහ්මන් දත්තාත්රේය නමෝ(අ)ස්තු තේ .. 14 ..

ක්ෂරාක්ෂරස්වරූපාය පරාත්පරතරාය ච .

දත්තමුක්තිපරස්තෝත්ර දත්තාත්රේය නමෝ(අ)ස්තු තේ .. 15 ..

දත්ත විද්යාඪ්ය ලක්ෂ්මීශ දත්ත ස්වාත්මස්වරූපිණේ .

ගුණනිර්ගුණරූපාය දත්තාත්රේය නමෝ(අ)ස්තු තේ .. 16 ..

ශත්රුනාශකරං ස්තෝත්රං ජ්ඤානවිජ්ඤානදායකම් .

සර්වපාපං ශමං යාති දත්තාත්රේය නමෝ(අ)ස්තු තේ .. 17 ..

ඉදං ස්තෝත්රං මහද්දිව්යං දත්තප්රත්යක්ෂකාරකම් .

දත්තාත්රේයප්රසාදාච්ච නාරදේන ප්රකීර්තිතම් .. 18 ..

ඉති ශ්රීනාරදපුරාණේ නාරදවිරචිතං ශ්රී දත්තාත්රේය ස්තෝත්රම් .