Sri Dattatreya Stotram

shri dattAtreya stotram

shloka 1

jaTAdharaM pANDurA~NgaM shUlahastaM kRRipAnidhim |

sarvarogaharaM devaM dattAtreyamahaM bhaje || 1 ||

asya shrIdattAtreyastotramantrasya bhagavAnnAradRRiShiH | anuShTup ChandaH | shrIdattaH paramAtmA devatA | shrIdattAtreya prItyarthe jape viniyogaH ||

nArada uvAcha |

jagadutpattikartre cha sthitisaMhArahetave |

bhavapAshavimuktAya dattAtreya namo.astu te || 1 ||

jarAjanmavinAshAya dehashuddhikarAya cha |

digambara dayAmUrte dattAtreya namo.astu te || 2 ||

karpUrakAntidehAya brahmamUrtidharAya cha |

vedashAstraparij~nAya dattAtreya namo.astu te || 3 ||

hrasvadIrghakRRishasthUlanAmagotravivarjita |

pa~nchabhUtaikadIptAya dattAtreya namo.astu te || 4 ||

yajnabhokte cha yajnAya yaj~narUpadharAya cha |

yaj~napriyAya siddhAya dattAtreya namo.astu te || 5 ||

Adau brahmA harirmadhye hyante devassadAshivaH |

mUrtitrayasvarUpAya dattAtreya namo.astu te || 6 ||

bhogAlayAya bhogAya yogayogyAya dhAriNe |

jitendriya jitaj~nAya dattAtreya namo.astu te || 7 ||

digambarAya divyAya divyarUpadharAya cha |

sadoditaparabrahma dattAtreya namo.astu te || 8 ||

jambUdvIpe mahAkShetre mAtApuranivAsine |

jayamAna satAM deva dattAtreya namo.astu te || 9 ||

bhikShATanaM gRRihe grAme pAtraM hemamayaM kare |

nAnAsvAdamayI bhikShA dattAtreya namo.astu te || 10 ||

brahmaj~nAnamayI mudrA vastre chAkAshabhUtale |

praj~nAnaghanabodhAya dattAtreya namo.astu te || 11 ||

avadhUta sadAnanda parabrahmasvarUpiNe |

videhadeharUpAya dattAtreya namo.astu te || 12 ||

satyarUpa sadAchAra satyadharmaparAyaNa |

satyAshrayaparokShAya dattAtreya namo.astu te || 13 ||

shUlahastagadApANe vanamAlAsukandhara |

yaj~nasUtradhara brahman dattAtreya namo.astu te || 14 ||

kSharAkSharasvarUpAya parAtparatarAya cha |

dattamuktiparastotra dattAtreya namo.astu te || 15 ||

datta vidyADhya lakShmIsha datta svAtmasvarUpiNe |

guNanirguNarUpAya dattAtreya namo.astu te || 16 ||

shatrunAshakaraM stotraM jnAnavijnAnadAyakam |

sarvapApaM shamaM yAti dattAtreya namo.astu te || 17 ||

idaM stotraM mahaddivyaM dattapratyakShakArakam |

dattAtreyaprasAdAchcha nAradena prakIrtitam || 18 ||

iti shrInAradapurANe nAradavirachitaM shrI dattAtreya stotram |