Sri Dattatreya Stotram

zri dattAtreya stotram

zloka 1

jaTAdharaM pANDurAGgaM zUlahastaM kRpAnidhim |

sarvarogaharaM devaM dattAtreyamahaM bhaje || 1 ||

asya zrIdattAtreyastotramantrasya bhagavAnnAradRSiH | anuSTup chandaH | zrIdattaH paramAtmA devatA | zrIdattAtreya prItyarthe jape viniyogaH ||

nArada uvAca |

jagadutpattikartre ca sthitisaMhArahetave |

bhavapAzavimuktAya dattAtreya namo'stu te || 1 ||

jarAjanmavinAzAya dehazuddhikarAya ca |

digambara dayAmUrte dattAtreya namo'stu te || 2 ||

karpUrakAntidehAya brahmamUrtidharAya ca |

vedazAstraparijJAya dattAtreya namo'stu te || 3 ||

hrasvadIrghakRzasthUlanAmagotravivarjita |

paJcabhUtaikadIptAya dattAtreya namo'stu te || 4 ||

yajJabhokte ca yajJAya yajJarUpadharAya ca |

yajJapriyAya siddhAya dattAtreya namo'stu te || 5 ||

Adau brahmA harirmadhye hyante devassadAzivaH |

mUrtitrayasvarUpAya dattAtreya namo'stu te || 6 ||

bhogAlayAya bhogAya yogayogyAya dhAriNe |

jitendriya jitajJAya dattAtreya namo'stu te || 7 ||

digambarAya divyAya divyarUpadharAya ca |

sadoditaparabrahma dattAtreya namo'stu te || 8 ||

jambUdvIpe mahAkSetre mAtApuranivAsine |

jayamAna satAM deva dattAtreya namo'stu te || 9 ||

bhikSATanaM gRhe grAme pAtraM hemamayaM kare |

nAnAsvAdamayI bhikSA dattAtreya namo'stu te || 10 ||

brahmajJAnamayI mudrA vastre cAkAzabhUtale |

prajJAnaghanabodhAya dattAtreya namo'stu te || 11 ||

avadhUta sadAnanda parabrahmasvarUpiNe |

videhadeharUpAya dattAtreya namo'stu te || 12 ||

satyarUpa sadAcAra satyadharmaparAyaNa |

satyAzrayaparokSAya dattAtreya namo'stu te || 13 ||

zUlahastagadApANe vanamAlAsukandhara |

yajJasUtradhara brahman dattAtreya namo'stu te || 14 ||

kSarAkSarasvarUpAya parAtparatarAya ca |

dattamuktiparastotra dattAtreya namo'stu te || 15 ||

datta vidyADhya lakSmIza datta svAtmasvarUpiNe |

guNanirguNarUpAya dattAtreya namo'stu te || 16 ||

zatrunAzakaraM stotraM jJAnavijJAnadAyakam |

sarvapApaM zamaM yAti dattAtreya namo'stu te || 17 ||

idaM stotraM mahaddivyaM dattapratyakSakArakam |

dattAtreyaprasAdAcca nAradena prakIrtitam || 18 ||

iti zrInAradapurANe nAradaviracitaM zrI dattAtreya stotram |