Sri Bagalamukhi Ashtottara Satanama Stotram

শ্রী বগলামুখী অষ্টোত্তর শত নামা স্তোত্রং

শ্লোক 1

নারদ উবাচ

ভগবন্ দেবদেবেশ সৃষ্টিস্থিতিলযেশ্বর ।

শতমষ্টোত্তরং নাম্নাং বগলাযা বদাধুনা

শ্লোক 2

শ্রী ভগবানুবাচ

শৃণু বত্স প্রবক্ষ্যামি নাম্নামষ্টোত্তরং শতম্ ।

পীতাম্বর্যা মহাদেব্যাঃ স্তোত্রং পাপপ্রণাশনম্

॥ 1 ॥

শ্লোক 3

যস্য প্রপঠনাত্সদ্যো বাদী মূকোভবেত্ ক্ষণাত্ ।

রিপবস্স্তম্ভনং যান্তি সত্যং সত্যং বদাম্যহম্

॥ 2 ॥

শ্লোক 4

ওঁ অস্য শ্রীপীতাম্বর্যষ্টোত্তরশতনামস্তোত্রস্য সদাশিব ঋষিঃ অনুষ্টুপ্ছন্দঃ শ্রীপীতাম্বরী দেবতা শ্রীপীতাম্বরী প্রীতযে জপে বিনিযোগঃ ।

ওঁ বগলা বিষ্ণুবনিতা বিষ্ণুশঙ্করভামিনী ।

বহুলা দেবমাতা চ মহাবিষ্ণুপ্রসূরপি

॥ 3 ॥

শ্লোক 5

মহামত্স্যা মহাকূর্মা মহাবারাহরূপিণী ।

নারসিংহপ্রিযা রম্যা বামনা পটুরূপিণী

॥ 4 ॥

শ্লোক 6

জামদগ্ন্যস্বরূপা চ রামা রামপ্রপূজিতা ।

কৃষ্ণা কপর্দিনী কৃত্যা কলহা চ বিকারিণী

॥ 5 ॥

শ্লোক 7

বুদ্ধিরূপা বুদ্ধভার্যা বৌদ্ধপাষণ্ডখণ্ডিনী ।

কল্কিরূপা কলিহরা কলিদুর্গতিনাশিনী

॥ 6 ॥

শ্লোক 8

কোটিসূর্যপ্রতীকাশা কোটিকন্দর্পমোহিনী ।

কেবলা কঠিনা কালী কলা কৈবল্যদাযিনী

॥ 7 ॥

শ্লোক 9

কেশবী কেশবারাধ্যা কিশোরী কেশবস্তুতা ।

রুদ্ররূপা রুদ্রমূর্তী রুদ্রাণী রুদ্রদেবতা

॥ 8 ॥

শ্লোক 10

নক্ষত্ররূপা নক্ষত্রা নক্ষত্রেশপ্রপূজিতা ।

নক্ষত্রেশপ্রিযা নিত্যা নক্ষত্রপতিবন্দিতা

॥ 9 ॥

শ্লোক 11

নাগিনী নাগজননী নাগরাজপ্রবন্দিতা ।

নাগেশ্বরী নাগকন্যা নাগরী চ নগাত্মজা

॥ 10 ॥

শ্লোক 12

নগাধিরাজতনযা নগরাজপ্রপূজিতা ।

নবীনা নীরদা পীতা শ্যামা সৌন্দর্যকারিণী

॥ 11 ॥

শ্লোক 13

রক্তা নীলা ঘনা শুভ্রা শ্বেতা সৌভাগ্যদাযিনী ।

সুন্দরী সৌভগা সৌম্যা স্বর্ণাভা স্বর্গতিপ্রদা

॥ 12 ॥

শ্লোক 14

রিপুত্রাসকরী রেখা শত্রুসংহারকারিণী ।

ভামিনী চ তথা মাযা স্তম্ভিনী মোহিনী শুভা

॥ 13 ॥

শ্লোক 15

রাগদ্বেষকরী রাত্রী রৌরবধ্বংসকারিণী ।

যক্ষিণী সিদ্ধনিবহা সিদ্ধেশা সিদ্ধিরূপিণী

॥ 14 ॥

শ্লোক 16

লঙ্কাপতিধ্বংসকরী লঙ্কেশরিপুবন্দিতা ।

লঙ্কানাথকুলহরা মহারাবণহারিণী

॥ 15 ॥

শ্লোক 17

দেবদানবসিদ্ধৌঘপূজিতাপরমেশ্বরী ।

পরাণুরূপা পরমা পরতন্ত্রবিনাশিনী

॥ 16 ॥

শ্লোক 18

বরদা বরদারাধ্যা বরদানপরাযণা ।

বরদেশপ্রিযা বীরা বীরভূষণভূষিতা

॥ 17 ॥

শ্লোক 19

বসুদা বহুদা বাণী ব্রহ্মরূপা বরাননা ।

বলদা পীতবসনা পীতভূষণভূষিতা

॥ 18 ॥

শ্লোক 20

পীতপুষ্পপ্রিযা পীতহারা পীতস্বরূপিণী ।

ইতি তে কথিতং বিপ্র নাম্নামষ্টোত্তরং শতম্

॥ 19 ॥

শ্লোক 21

যঃ পঠেত্পাঠযেদ্বাপি শৃণুযাদ্বা সমাহিতঃ ।

তস্য শত্রুঃ ক্ষযং সদ্যো যাতি নৈবাত্র সংশযঃ

॥ 20 ॥

শ্লোক 22

প্রভাতকালে প্রযতো মনুষ্যঃ

পঠেত্সুভক্ত্যা পরিচিন্ত্য পীতাম্ ।

ধ্রুবং ভবেত্তস্য সমস্তবৃদ্ধিঃ

বিনাশমাযাতি চ তস্য শত্রুঃ

॥ 21 ॥

শ্লোক 23

ইতি শ্রীবিষ্ণুযামলে নারদবিষ্ণুসংবাদে শ্রীবগলাষ্টোত্তরশতনামস্তোত্রম্ ।