ଶ୍ରୀ ପୁରୁଷୋତ୍ତମ ସହସ୍ର ନାମ ସ୍ତୋତ୍ରମ୍

ଵିନିଯୋଗଃ

ପୁରାଣପୁରୁଷୋ ଵିଷ୍ଣୁଃ ପୁରୁଷୋତ୍ତମ ଉଚ୍ଯତେ ।

ନାମ୍ନାଂ ସହସ୍ରଂ ଵକ୍ଷ୍ଯାମି ତସ୍ଯ ଭାଗଵତୋଦ୍ଧୃତମ୍ ॥ 1॥

ଯସ୍ଯ ପ୍ରସାଦାଦ୍ଵାଗୀଶାଃ ପ୍ରଜେଶା ଵିଭଵୋନ୍ନତାଃ ।

କ୍ଷୁଦ୍ରା ଅପି ଭଵନ୍ତ୍ଯାଶୁ ଶ୍ରୀକୃଷ୍ଣଂ ତଂ ନତୋଽସ୍ମ୍ଯହମ୍ ॥ 2॥

ଅନନ୍ତା ଏଵ କୃଷ୍ଣସ୍ଯ ଲୀଲା ନାମପ୍ରଵର୍ତିକାଃ ।

ଉକ୍ତା ଭାଗଵତେ ଗୂହାଃ ପ୍ରକଟା ଅପି କୁତ୍ରଚିତ୍ ॥ 3॥

ଅତସ୍ତାନି ପ୍ରଵକ୍ଷ୍ଯାମି ନାମାନି ମୁରଵୈରିଣଃ ।

ସହସ୍ରଂ ଯୈସ୍ତୁ ପଠିତୈଃ ପଠିତଂ ସ୍ଯାଚ୍ଛୁକାମୃତମ୍ ॥ 4॥

କୃଷ୍ଣନାମସହସ୍ରସ୍ଯ ଋଷିରଗ୍ନିର୍ନିରୂପିତଃ ।

ଗାଯତ୍ରୀ ଚ ତଥା ଛନ୍ଦୋ ଦେଵତା ପୁରୁଷୋତ୍ତମଃ ॥ 5॥

ଵିନିଯୋଗଃ ସମସ୍ତେଷୁ ପୁରୁଷାର୍ଥେଷୁ ଵୈ ମତଃ ।

ବୀଜଂ ଭକ୍ତପ୍ରିଯଃ ଶକ୍ତିଃ ସତ୍ଯଵାଗୁଚ୍ଯତେ ହରିଃ ॥ 6॥

ଭକ୍ତୋଦ୍ଧରଣଯତ୍ନସ୍ତୁ ମନ୍ତ୍ରୋଽତ୍ର ପରମୋ ମତଃ ।

ଅଵତାରିତଭକ୍ତାଂଶଃ କୀଲକଂ ପରିକୀର୍ତିତମ୍ ॥ 7॥

ଅସ୍ତ୍ରଂ ସର୍ଵସମର୍ଥଶ୍ଚ ଗୋଵିନ୍ଦଃ କଵଚଂ ମତମ୍ ।

ପୁରୁଷୋ ଧ୍ଯାନମତ୍ରୋକ୍ତଃ ସିଦ୍ଧିଃ ଶରଣସଂସ୍ମୃତିଃ ॥ 8॥

ଅଧିକାରଲୀଲା

ଶ୍ରୀକୃଷ୍ଣଃ ସଚ୍ଚିଦାନନ୍ଦୋ ନିତ୍ଯଲୀଲାଵିନୋଦକୃତ୍ ।

ସର୍ଵାଗମଵିନୋଦୀ ଚ ଲକ୍ଷ୍ମୀଶଃ ପୁରୁଷୋତ୍ତମଃ ॥ 9॥

ଆଦିକାଲଃ ସର୍ଵକାଲଃ କାଲାତ୍ମା ମାଯଯାଵୃତଃ ।

ଭକ୍ତୋଦ୍ଧାରପ୍ରଯତ୍ନାତ୍ମା ଜଗତ୍କର୍ତା ଜଗନ୍ମଯଃ ॥ 10॥

ନାମଲୀଲାପରୋ ଵିଷ୍ଣୁର୍ଵ୍ଯାସାତ୍ମା ଶୁକମୋକ୍ଷଦଃ ।

ଵ୍ଯାପିଵୈକୁଣ୍ଠଦାତା ଚ ଶ୍ରୀମଦ୍ଭାଗଵତାଗମଃ ॥ 11॥

ଶୁକଵାଗମୃତାବ୍ଧୀନ୍ଦୁଃ ଶୌନକାଦ୍ଯଖିଲେଷ୍ଟଦଃ ।

ଭକ୍ତିପ୍ରଵର୍ତକସ୍ତ୍ରାତା ଵ୍ଯାସଚିନ୍ତାଵିନାଶକଃ ॥ 12॥

ସର୍ଵସିଦ୍ଧାନ୍ତଵାଗାତ୍ମା ନାରଦାଦ୍ଯଖିଲେଷ୍ଟଦଃ ।

ଅନ୍ତରାତ୍ମା ଧ୍ଯାନଗମ୍ଯୋ ଭକ୍ତିରତ୍ନପ୍ରଦାଯକଃ ॥ 13॥

ମୁକ୍ତୋପସୃପ୍ଯଃ ପୂର୍ଣାତ୍ମା ମୁକ୍ତାନାଂ ରତିଵର୍ଧନଃ ।

ଭକ୍ତକାର୍ଯୈକନିରତୋ ଦ୍ରୌଣ୍ଯସ୍ତ୍ରଵିନିଵାରକଃ ॥ 14॥

ଭକ୍ତସ୍ମଯପ୍ରଣେତା ଚ ଭକ୍ତଵାକ୍ପରିପାଲକଃ ।

ବ୍ରହ୍ମଣ୍ଯଦେଵୋ ଧର୍ମାତ୍ମା ଭକ୍ତାନାଂ ଚ ପରୀକ୍ଷକଃ ॥ 15॥

ଆସନ୍ନହିତକର୍ତା ଚ ମାଯାହିତକରଃ ପ୍ରଭୁଃ ।

ଉତ୍ତରାପ୍ରାଣଦାତା ଚ ବ୍ରହ୍ମାସ୍ତ୍ରଵିନିଵାରକଃ ॥ 16॥

ସର୍ଵତଃ ପାଣଵପତିଃ ପରୀକ୍ଷିଚ୍ଛୁଦ୍ଧିକାରଣମ୍ ।

ଗୂହାତ୍ମା ସର୍ଵଵେଦେଷୁ ଭକ୍ତୈକହୃଦଯଙ୍ଗମଃ ॥ 17॥

କୁନ୍ତୀସ୍ତୁତ୍ଯଃ ପ୍ରସନ୍ନାତ୍ମା ପରମାଦ୍ଭୁତକାର୍ଯକୃତ୍ ।

ଭୀଷ୍ମମୁକ୍ତିପ୍ରଦଃ ସ୍ଵାମୀ ଭକ୍ତମୋହନିଵାରକଃ ॥ 18॥

ସର୍ଵାଵସ୍ଥାସୁ ସଂସେଵ୍ଯଃ ସମଃ ସୁଖହିତପ୍ରଦଃ ।

କୃତକୃତ୍ଯଃ ସର୍ଵସାକ୍ଷୀ ଭକ୍ତସ୍ତ୍ରୀରତିଵର୍ଧନଃ ॥ 19॥

ସର୍ଵସୌଭାଗ୍ଯନିଲଯଃ ପରମାଶ୍ଚର୍ଯରୂପଧୃକ୍ ।

ଅନନ୍ଯପୁରୁଷସ୍ଵାମୀ ଦ୍ଵାରକାଭାଗ୍ଯଭାଜନମ୍ ॥ 20॥

ବୀଜସଂସ୍କାରକର୍ତା ଚ ପରୀକ୍ଷିଜ୍ଜାନପୋଷକଃ ।

ସର୍ଵତ୍ରପୂର୍ଣଗୁଣକଃ ସର୍ଵଭୂଷଣଭୂଷିତଃ ॥ 21॥

ସର୍ଵଲକ୍ଷଣଦାତା ଚ ଧୃତରାଷ୍ଟ୍ରଵିମୁକ୍ତିଦଃ ।

ସନ୍ମାର୍ଗରକ୍ଷକୋ ନିତ୍ଯଂ ଵିଦୁରପ୍ରୀତିପୂରକଃ ॥ 22॥

ଲୀଲାଵ୍ଯାମୋହକର୍ତା ଚ କାଲଧର୍ମପ୍ରଵର୍ତକଃ ।

ପାଣଵାନାଂ ମୋକ୍ଷଦାତା ପରୀକ୍ଷିଦ୍ଭାଗ୍ଯଵର୍ଧନଃ ॥ 23॥

କଲିନିଗ୍ରହକର୍ତା ଚ ଧର୍ମାଦୀନାଂ ଚ ପୋଷକଃ ।

ସତ୍ସଙ୍ଗଜାନହେତୁଶ୍ଚ ଶ୍ରୀଭାଗଵତକାରଣମ୍ ॥ 24॥

ପ୍ରାକୃତାଦୃଷ୍ଟମାର୍ଗଶ୍ଚ॥॥॥॥॥॥ ଚୋନ୍ତିନୁଏଦ୍

ଜ୍ଞାନ-ସାଧନ-ଲୀଲା

॥॥॥॥॥॥॥॥॥॥॥॥ ଶ୍ରୋତଵ୍ଯଃ ସକଲାଗମୈଃ ।

କୀର୍ତିତଵ୍ଯଃ ଶୁଦ୍ଧଭାଵୈଃ ସ୍ମର୍ତଵ୍ଯଶ୍ଚାତ୍ମଵିତ୍ତମୈଃ ॥ 25॥

ଅନେକମାର୍ଗକର୍ତା ଚ ନାନାଵିଧଗତିପ୍ରଦଃ ।

ପୁରୁଷଃ ସକଲାଧାରଃ ସତ୍ତ୍ଵୈକନିଲଯାତ୍ମଭୂଃ ॥ 26॥

ସର୍ଵଧ୍ଯେଯୋ ଯୋଗଗମ୍ଯୋ ଭକ୍ତ୍ଯା ଗ୍ରାହ୍ଯଃ ସୁରପ୍ରିଯଃ ।

ଜନ୍ମାଦିସାର୍ଥକକୃତିର୍ଲୀଲାକର୍ତା ପତିଃ ସତାମ୍ ॥ 27॥

ଆଦିକର୍ତା ତତ୍ତ୍ଵକର୍ତା ସର୍ଵକର୍ତା ଵିଶାରଦଃ ।

ନାନାଵତାରକର୍ତା ଚ ବ୍ରହ୍ମାଵିର୍ଭାଵକାରଣମ୍ ॥ 28॥

ଦଶଲୀଲାଵିନୋଦୀ ଚ ନାନାସୃଷ୍ଟିପ୍ରଵର୍ତକଃ ।

ଅନେକକଲ୍ପକର୍ତା ଚ ସର୍ଵଦୋଷଵିଵର୍ଜିତଃ ॥ 29॥

ସର୍ଗଲୀଲା

ଵୈରାଗ୍ଯହେତୁସ୍ତୀର୍ଥାତ୍ମା ସର୍ଵତୀର୍ଥଫଲପ୍ରଦଃ ।

ତୀର୍ଥଶୁଦ୍ଧୈକନିଲଯଃ ସ୍ଵମାର୍ଗପରିପୋଷକଃ ॥ 30॥

ତୀର୍ଥକୀର୍ତିର୍ଭକ୍ତଗମ୍ଯୋ ଭକ୍ତାନୁଶଯକାର୍ଯକୃତ୍ ।

ଭକ୍ତତୁଲ୍ଯଃ ସର୍ଵତୁଲ୍ଯଃ ସ୍ଵେଚ୍ଛାସର୍ଵପ୍ରଵର୍ତକଃ ॥ 31॥

ଗୁଣାତୀତୋଽନଵଦ୍ଯାତ୍ମା ସର୍ଗଲୀଲାପ୍ରଵର୍ତକଃ ।

ସାକ୍ଷାତ୍ସର୍ଵଜଗତ୍କର୍ତା ମହଦାଦିପ୍ରଵର୍ତକଃ ॥ 32॥

ମାଯାପ୍ରଵର୍ତକଃ ସାକ୍ଷୀ ମାଯାରତିଵିଵର୍ଧନଃ ।

ଆକାଶାତ୍ମା ଚତୁର୍ମୂର୍ତିଶ୍ଚତୁର୍ଧା ଭୂତଭାଵନଃ ॥ 33॥

ରଜଃପ୍ରଵର୍ତକୋ ବ୍ରହ୍ମା ମରୀଚ୍ଯାଦିପିତାମହଃ ।

ଵେଦକର୍ତା ଯଜ୍ଞକର୍ତା ସର୍ଵକର୍ତାଽମିତାତ୍ମକଃ ॥ 34॥

ଅନେକସୃଷ୍ଟିକର୍ତା ଚ ଦଶଧାସୃଷ୍ଟିକାରକଃ ।

ଯଜ୍ଞାଙ୍ଗୋ ଯଜ୍ଞଵାରାହୋ ଭୂଧରୋ ଭୂମିପାଲକଃ ॥ 35॥

ସେତୁର୍ଵିଧରଣୋ ଜୈତ୍ରୋ ହିରଣ୍ଯାକ୍ଷାନ୍ତକଃ ସୁରଃ ।

ଦିତିକଶ୍ଯପକାମୈକହେତୁସୃଷ୍ଟିପ୍ରଵର୍ତକଃ ॥ 36॥

ଦେଵାଭଯପ୍ରଦାତା ଚ ଵୈକୁଣ୍ଠାଧିପତିର୍ମହାନ୍ ।

ସର୍ଵଗର୍ଵପ୍ରହାରୀ ଚ ସନକାଦ୍ଯଖିଲାର୍ଥଦଃ ॥ 37॥

ସର୍ଵାଶ୍ଵାସନକର୍ତା ଚ ଭକ୍ତତୁଲ୍ଯାହଵପ୍ରଦଃ ।

କାଲଲକ୍ଷଣହେତୁଶ୍ଚ ସର୍ଵାର୍ଥଜ୍ଞାପକଃ ପରଃ ॥ 38॥

ଭକ୍ତୋନ୍ନତିକରଃ ସର୍ଵପ୍ରକାରସୁଖଦାଯକଃ ।

ନାନାଯୁଦ୍ଧପ୍ରହରଣୋ ବ୍ରହ୍ମଶାପଵିମୋଚକଃ ॥ 39॥

ପୁଷ୍ଟିସର୍ଗପ୍ରଣେତା ଚ ଗୁଣସୃଷ୍ଟିପ୍ରଵର୍ତକଃ ।

କର୍ଦମେଷ୍ଟପ୍ରଦାତା ଚ ଦେଵହୂତ୍ଯଖିଲାର୍ଥଦଃ ॥ 40॥

ଶୁକ୍ଲନାରାଯଣଃ ସତ୍ଯକାଲଧର୍ମପ୍ରଵର୍ତକଃ ।

ଜ୍ଞାନାଵତାରଃ ଶାନ୍ତାତ୍ମା କପିଲଃ କାଲନାଶକଃ ॥ 41॥

ତ୍ରିଗୁଣାଧିପତିଃ ସାଙ୍ଖ୍ଯଶାସ୍ତ୍ରକର୍ତା ଵିଶାରଦଃ ।

ସର୍ଗଦୂଷଣହାରୀ ଚ ପୁଷ୍ଟିମୋକ୍ଷପ୍ରଵର୍ତକଃ ॥ 42॥

ଲୌକିକାନନ୍ଦଦାତା ଚ ବ୍ରହ୍ମାନନ୍ଦପ୍ରଵର୍ତକଃ ।

ଭକ୍ତିସିଦ୍ଧାନ୍ତଵକ୍ତା ଚ ସଗୁଣଜ୍ଞାନଦୀପକଃ ॥ 43॥

ଆତ୍ମପ୍ରଦଃ ପୂର୍ଣକାମୋ ଯୋଗାତ୍ମା ଯୋଗଭାଵିତଃ ।

ଜୀଵନ୍ମୁକ୍ତିପ୍ରଦଃ ଶ୍ରୀମାନନ୍ଯଭକ୍ତିପ୍ରଵର୍ତକଃ ॥ 44॥

କାଲସାମର୍ଥ୍ଯଦାତା ଚ କାଲଦୋଷନିଵାରକଃ ।

ଗର୍ଭୋତ୍ତମଜ୍ଞାନଦାତା କର୍ମମାର୍ଗନିଯାମକଃ ॥ 45॥

ସର୍ଵମାର୍ଗନିରାକର୍ତା ଭକ୍ତିମାର୍ଗୈକପୋଷକଃ ।

ସିଦ୍ଧିହେତୁଃ ସର୍ଵହେତୁଃ ସର୍ଵାଶ୍ଚର୍ଯୈକକାରଣମ୍ ॥ 46॥

ଚେତନାଚେତନପତିଃ ସମୁଦ୍ରପରିପୂଜିତଃ ।

ସାଙ୍ଖ୍ଯାଚାର୍ଯସ୍ତୁତଃ ସିଦ୍ଧପୂଜିତଃ ସର୍ଵପୂଜିତଃ ॥ 47॥

ଵିସର୍ଗଲୀଲା

ଵିସର୍ଗକର୍ତା ସର୍ଵେଶଃ କୋଟିସୂର୍ଯସମପ୍ରଭଃ ।

ଅନନ୍ତଗୁଣଗମ୍ଭୀରୋ ମହାପୁରୁଷପୂଜିତଃ ॥ 48॥

ଅନନ୍ତସୁଖଦାତା ଚ ବ୍ରହ୍ମକୋଟିପ୍ରଜାପତିଃ ।

ସୁଧାକୋଟିସ୍ଵାସ୍ଥ୍ଯହେତୁଃ କାମଧୁକ୍କୋଟିକାମଦଃ ॥ 49॥

ସମୁଦ୍ରକୋଟିଗମ୍ଭୀରସ୍ତୀର୍ଥକୋଟିସମାହ୍ଵଯଃ ।

ସୁମେରୁକୋଟିନିଷ୍କମ୍ପଃ କୋଟିବ୍ରହ୍ମାଣ୍ଡଵିଗ୍ରହଃ ॥ 50॥

କୋଟ୍ଯଶ୍ଵମେଧପାପଘ୍ନୋ ଵାଯୁକୋଟିମହାବଲଃ ।

କୋଟୀନ୍ଦୁଜଗଦାନନ୍ଦୀ ଶିଵକୋଟିପ୍ରସାଦକୃତ୍ ॥ 51॥

ସର୍ଵସଦ୍ଗୁଣମାହାତ୍ମ୍ଯଃ ସର୍ଵସଦ୍ଗୁଣଭାଜନମ୍ ।

ମନ୍ଵାଦିପ୍ରେରକୋ ଧର୍ମୋ ଯଜ୍ଞନାରାଯଣଃ ପରଃ ॥ 52॥

ଆକୂତିସୂନୁର୍ଦେଵେନ୍ଦ୍ରୋ ରୁଚିଜନ୍ମାଽଭଯପ୍ରଦଃ ।

ଦକ୍ଷିଣାପତିରୋଜସ୍ଵୀ କ୍ରିଯାଶକ୍ତିଃ ପରାଯଣଃ ॥ 53॥

ଦତ୍ତାତ୍ରେଯୋ ଯୋଗପତିର୍ଯୋଗମାର୍ଗପ୍ରଵର୍ତକଃ ।

ଅନସୂଯାଗର୍ଭରତ୍ନମୃଷିଵଂଶଵିଵର୍ଧନଃ ॥ 54॥

ଗୁଣତ୍ରଯଵିଭାଗଜ୍ଞଶ୍ଚତୁର୍ଵର୍ଗଵିଶାରଦଃ ।

ନାରାଯଣୋ ଧର୍ମସୂନୁର୍ମୂର୍ତିପୁଣ୍ଯଯଶସ୍କରଃ ॥ 55॥

ସହସ୍ରକଵଚଚ୍ଛେଦୀ ତପଃସାରୋ ନରପ୍ରିଯଃ ।

ଵିଶ୍ଵାନନ୍ଦପ୍ରଦଃ କର୍ମସାକ୍ଷୀ ଭାରତପୂଜିତଃ ॥ 56॥

ଅନନ୍ତାଦ୍ଭୁତମାହାତ୍ମ୍ଯୋ ବଦରୀସ୍ଥାନଭୂଷଣମ୍ ।

ଜିତକାମୋ ଜିତକ୍ରୋଧୋ ଜିତସଙ୍ଗୋ ଜିତେନ୍ଦ୍ରିଯଃ ॥ 57॥

ଉର୍ଵଶୀପ୍ରଭଵଃ ସ୍ଵର୍ଗସୁଖଦାଯୀ ସ୍ଥିତିପ୍ରଦଃ ।

ଅମାନୀ ମାନଦୋ ଗୋପ୍ତା ଭଗଵଚ୍ଛାସ୍ତ୍ରବୋଧକଃ ॥ 58॥

ବ୍ରହ୍ମାଦିଵନ୍ଦ୍ଯୋ ହଂସଶ୍ରୀର୍ମାଯାଵୈଭଵକାରଣମ୍ ।

ଵିଵିଧାନନ୍ତସର୍ଗାତ୍ମା ଵିଶ୍ଵପୂରଣତତ୍ପରଃ ॥ 59॥

ଯଜ୍ଞଜୀଵନହେତୁଶ୍ଚ ଯଜ୍ଞସ୍ଵାମୀଷ୍ଟବୋଧକଃ ।

ନାନାସିଦ୍ଧାନ୍ତଗମ୍ଯଶ୍ଚ ସପ୍ତତନ୍ତୁଶ୍ଚ ଷଡ୍ଗୁଣଃ ॥ 60॥

ପ୍ରତିସର୍ଗଜଗତ୍କର୍ତା ନାନାଲୀଲାଵିଶାରଦଃ ।

ଧ୍ରୁଵପ୍ରିଯୋ ଧ୍ରୁଵସ୍ଵାମୀ ଚିନ୍ତିତାଧିକଦାଯକଃ ॥ 61॥

ଦୁର୍ଲଭାନନ୍ତଫଲଦୋ ଦଯାନିଧିରମିତ୍ରହା ।

ଅଙ୍ଗସ୍ଵାମୀ କୃପାସାରୋ ଵୈନ୍ଯୋ ଭୂମିନିଯାମକଃ ॥ 62॥

ଭୂମିଦୋଗ୍ଧା ପ୍ରଜାପ୍ରାଣପାଲନୈକପରାଯଣଃ ।

ଯଶୋଦାତା ଜ୍ଞାନଦାତା ସର୍ଵଧର୍ମପ୍ରଦର୍ଶକଃ ॥ 63॥

ପୁରଞ୍ଜନୋ ଜଗନ୍ମିତ୍ରଂ ଵିସର୍ଗାନ୍ତପ୍ରଦର୍ଶକଃ ।

ପ୍ରଚେତସାଂ ପତିଶ୍ଚିତ୍ରଭକ୍ତିହେତୁର୍ଜନାର୍ଦନଃ ॥ 64॥

ସ୍ମୃତିହେତୁବ୍ରହ୍ମଭାଵସାଯୁଜ୍ଯାଦିପ୍ରଦଃ ଶୁଭଃ ।

ଵିଜଯୀ ॥॥॥॥॥॥॥॥॥॥ ଚୋନ୍ତିନୁଏଦ୍

ସ୍ଥାନଲୀଲା

॥॥ ସ୍ଥିତିଲୀଲାବ୍ଧିରଚ୍ଯୁତୋ ଵିଜଯପ୍ରଦଃ ॥ 65॥

ସ୍ଵସାମର୍ଥ୍ଯପ୍ରଦୋ ଭକ୍ତକୀର୍ତିହେତୁରଧୋକ୍ଷଜଃ ।

ପ୍ରିଯଵ୍ରତପ୍ରିଯସ୍ଵାମୀ ସ୍ଵେଚ୍ଛାଵାଦଵିଶାରଦଃ ॥ 66॥

ସଙ୍ଗ୍ଯଗମ୍ଯଃ ସ୍ଵପ୍ରକାଶଃ ସର୍ଵସଙ୍ଗଵିଵର୍ଜିତଃ ।

ଇଚ୍ଛାଯାଂ ଚ ସମର୍ଯାଦସ୍ତ୍ଯାଗମାତ୍ରୋପଲମ୍ଭନଃ ॥ 67॥

ଅଚିନ୍ତ୍ଯକାର୍ଯକର୍ତା ଚ ତର୍କାଗୋଚରକାର୍ଯକୃତ୍ ।

ଶ‍ଋଙ୍ଗାରରସମର୍ଯାଦା ଆଗ୍ନୀଧ୍ରରସଭାଜନମ୍ ॥ 68॥

ନାଭୀଷ୍ଟପୂରକଃ କର୍ମମର୍ଯାଦାଦର୍ଶନୋତ୍ସୁକଃ ।

ସର୍ଵରୂପୋଽଦ୍ଭୁତତମୋ ମର୍ଯାଦାପୁରୁଷୋତ୍ତମଃ ॥ 69॥

ସର୍ଵରୂପେଷୁ ସତ୍ଯାତ୍ମା କାଲସାକ୍ଷୀ ଶଶିପ୍ରଭଃ ।

ମେରୁଦେଵୀଵ୍ରତଫଲମୃଷଭୋ ଭଗଲକ୍ଷଣଃ ॥ 70॥

ଜଗତ୍ସନ୍ତର୍ପକୋ ମେଘରୂପୀ ଦେଵେନ୍ଦ୍ରଦର୍ପହା ।

ଜଯନ୍ତୀପତିରତ୍ଯନ୍ତପ୍ରମାଣାଶେଷଲୌକିକଃ ॥ 71॥

ଶତଧାନ୍ଯସ୍ତଭୂତାତ୍ମା ଶତାନନ୍ଦୋ ଗୁଣପ୍ରସୂଃ ।

ଵୈଷ୍ଣଵୋତ୍ପାଦନପରଃ ସର୍ଵଧର୍ମୋପଦେଶକଃ ॥ 72॥

ପରହଂସକ୍ରିଯାଗୋପ୍ତା ଯୋଗଚର୍ଯାପ୍ରଦର୍ଶକଃ ।

ଚତୁର୍ଥାଶ୍ରମନିର୍ଣେତା ସଦାନନ୍ଦଶରୀରଵାନ୍ ॥ 73॥

ପ୍ରଦର୍ଶିତାନ୍ଯଧର୍ମଶ୍ଚ ଭରତସ୍ଵାମ୍ଯପାରକୃତ୍ ।

ଯଥାଵତ୍କର୍ମକର୍ତା ଚ ସଙ୍ଗାନିଷ୍ଟପ୍ରଦର୍ଶକଃ ॥ 74॥

ଆଵଶ୍ଯକପୁନର୍ଜନ୍ମକର୍ମମାର୍ଗପ୍ରଦର୍ଶକଃ ।

ଯଜ୍ଞରୂପମୃଗଃ ଶାନ୍ତଃ ସହିଷ୍ଣୁଃ ସତ୍ପରାକ୍ରମଃ ॥ 75॥

ରହୂଗଣଗତିଜ୍ଞଶ୍ଚ ରହୂଗଣଵିମୋଚକଃ ।

ଭଵାଟଵୀତତ୍ତ୍ଵଵକ୍ତା ବହିର୍ମୁଖହିତେ ରତଃ ॥ 76॥

ଗଯସ୍ଵାମୀ ସ୍ଥାନଵଂଶକର୍ତା ସ୍ଥାନଵିଭେଦକୃତ୍ ।

ପୁରୁଷାଵଯଵୋ ଭୂମିଵିଶେଷଵିନିରୂପକଃ ॥ 77॥

ଜମ୍ବୂଦ୍ଵୀପପତିର୍ମେରୁନାଭିପଦ୍ମରୁହାଶ୍ରଯଃ ।

ନାନାଵିଭୂତିଲୀଲାଢ୍ଯୋ ଗଙ୍ଗୋତ୍ପତ୍ତିନିଦାନକୃତ୍ ॥ 78॥

ଗଙ୍ଗାମାହାତ୍ମ୍ଯହେତୁଶ୍ଚ ଗଙ୍ଗାରୂପୋଽତିଗୂଢକୃତ୍ ।

ଵୈକୁଣ୍ଠଦେହହେତ୍ଵମ୍ବୁଜନ୍ମକୃତ୍ ସର୍ଵପାଵନଃ ॥ 79॥

ଶିଵସ୍ଵାମୀ ଶିଵୋପାସ୍ଯୋ ଗୂଢଃ ସଙ୍କର୍ଷଣାତ୍ମକଃ ।

ସ୍ଥାନରକ୍ଷାର୍ଥମତ୍ସ୍ଯାଦିରୂପଃ ସର୍ଵୈକପୂଜିତଃ ॥ 80॥

ଉପାସ୍ଯନାନାରୂପାତ୍ମା ଜ୍ଯୋତୀରୂପୋ ଗତିପ୍ରଦଃ ।

ସୂର୍ଯନାରାଯଣୋ ଵେଦକାନ୍ତିରୁଜ୍ଜ୍ଵଲଵେଷଧୃକ୍ ॥ 81॥

ହଂସୋଽନ୍ତରିକ୍ଷଗମନଃ ସର୍ଵପ୍ରସଵକାରଣମ୍ ।

ଆନନ୍ଦକର୍ତା ଵସୁଦୋ ବୁଧୋ ଵାକ୍ପତିରୁଜ୍ଜ୍ଵଲଃ ॥ 82॥

କାଲାତ୍ମା କାଲକାଲଶ୍ଚ କାଲଚ୍ଛେଦକୃଦୁତ୍ତମଃ ।

ଶିଶୁମାରଃ ସର୍ଵମୂର୍ତିରାଧିଦୈଵିକରୂପଧୃକ୍ ॥ 83॥

ଅନନ୍ତସୁଖଭୋଗାଢ୍ଯୋ ଵିଵରୈଶ୍ଵର୍ଯଭାଜନମ୍ ।

ସଙ୍କର୍ଷଣୋ ଦୈତ୍ଯପତିଃ ସର୍ଵାଧାରୋ ବୃହଦ୍ଵପୁଃ ॥ 84॥

ଅନନ୍ତନରକଚ୍ଛେଦୀ ସ୍ମୃତିମାତ୍ରାର୍ତିନାଶନଃ ।

ସର୍ଵାନୁଗ୍ରହକର୍ତା ଚ ॥॥॥॥॥॥॥॥॥॥ ଚୋନ୍ତିନୁଏଦ୍

ପୋଷଣ-ପୁଷ୍ଟି-ଲୀଲା

॥॥॥॥॥॥॥॥ ମର୍ଯାଦାଭିନ୍ନଶାସ୍ତ୍ରକୃତ୍ ॥ 85 ॥

କାଲାନ୍ତକଭଯଚ୍ଛେଦୀ ନାମସାମର୍ଥ୍ଯରୂପଧୃକ୍ ।

ଉଦ୍ଧାରାନର୍ହଗୋପ୍ତ୍ରାତ୍ମା ନାମାଦିପ୍ରେରକୋତ୍ତମଃ ॥ 86॥

ଅଜାମିଲମହାଦୁଷ୍ଟମୋଚକୋଽଘଵିମୋଚକଃ ।

ଧର୍ମଵକ୍ତାଽକ୍ଲିଷ୍ଟଵକ୍ତା ଵିଷ୍ଣୁଧର୍ମସ୍ଵରୂପଧୃକ୍ ॥ 87॥

ସନ୍ମାର୍ଗପ୍ରେରକୋ ଧର୍ତା ତ୍ଯାଗହେତୁରଧୋକ୍ଷଜଃ ।

ଵୈକୁଣ୍ଠପୁରନେତା ଚ ଦାସସଂଵୃଦ୍ଧିକାରକଃ ॥ 88॥

ଦକ୍ଷପ୍ରସାଦକୃଦ୍ଧଂସଗୁହ୍ଯସ୍ତୁତିଵିଭାଵନଃ ।

ସ୍ଵାଭିପ୍ରାଯପ୍ରଵକ୍ତା ଚ ମୁକ୍ତଜୀଵପ୍ରସୂତିକୃତ୍ ॥ 89॥

ନାରଦପ୍ରେରଣାତ୍ମା ଚ ହର୍ଯଶ୍ଵବ୍ରହ୍ମଭାଵନଃ ।

ଶବଲାଶ୍ଵହିତୋ ଗୂଢଵାକ୍ଯାର୍ଥଜ୍ଞାପନକ୍ଷମଃ ॥ 90॥

ଗୂଢାର୍ଥଜ୍ଞାପନଃ ସର୍ଵମୋକ୍ଷାନନ୍ଦପ୍ରତିଷ୍ଠିତଃ ।

ପୁଷ୍ଟିପ୍ରରୋହହେତୁଶ୍ଚ ଦାସୈକଜ୍ଞାତହୃଦ୍ଗତଃ ॥ 91॥

ଶାନ୍ତିକର୍ତା ସୁହିତକୃତ୍ ସ୍ତ୍ରୀପ୍ରସୂଃ ସର୍ଵକାମଧୁକ୍ ।

ପୁଷ୍ଟିଵଂଶପ୍ରଣେତା ଚ ଵିଶ୍ଵରୂପେଷ୍ଟଦେଵତା ॥ 92॥

କଵଚାତ୍ମା ପାଲନାତ୍ମା ଵର୍ମୋପଚିତିକାରଣମ୍ ।

ଵିଶ୍ଵରୂପଶିରଶ୍ଛେଦୀ ତ୍ଵାଷ୍ଟ୍ରଯଜ୍ଞଵିନାଶକଃ ॥ 93॥

ଵୃତ୍ରସ୍ଵାମୀ ଵୃତ୍ରଗମ୍ଯୋ ଵୃତ୍ରଵ୍ରତପରାଯଣଃ ।

ଵୃତ୍ରକୀର୍ତିର୍ଵୃତ୍ରମୋକ୍ଷୋ ମଘଵତ୍ପ୍ରାଣରକ୍ଷକଃ ॥ 94॥

ଅଶ୍ଵମେଧହଵିର୍ଭୋକ୍ତା ଦେଵେନ୍ଦ୍ରାମୀଵନାଶକଃ ।

ସଂସାରମୋଚକଶ୍ଚିତ୍ରକେତୁବୋଧନତତ୍ପରଃ ॥ 95॥

ମନ୍ତ୍ରସିଦ୍ଧିଃ ସିଦ୍ଧିହେତୁଃ ସୁସିଦ୍ଧିଫଲଦାଯକଃ ।

ମହାଦେଵତିରସ୍କର୍ତା ଭକ୍ତ୍ଯୈ ପୂର୍ଵାର୍ଥନାଶକଃ ॥ 96॥

ଦେଵବ୍ରାହ୍ମଣଵିଦ୍ଵେଷଵୈମୁଖ୍ଯଜ୍ଞାପକଃ ଶିଵଃ ।

ଆଦିତ୍ଯୋ ଦୈତ୍ଯରାଜଶ୍ଚ ମହତ୍ପତିରଚିନ୍ତ୍ଯକୃତ୍ ॥ 97॥

ମରୁତାଂ ଭେଦକସ୍ତ୍ରାତା ଵ୍ରତାତ୍ମା ପୁମ୍ପ୍ରସୂତିକୃତ୍ ।

ଊତିଲୀଲା

କର୍ମାତ୍ମା ଵାସନାତ୍ମା ଚ ଊତିଲୀଲାପରାଯଣଃ ॥ 98॥

ସମଦୈତ୍ଯସୁରଃ ସ୍ଵାତ୍ମା ଵୈଷମ୍ଯଜ୍ଞାନସଂଶ୍ରଯଃ ।

ଦେହାଦ୍ଯୁପାଧିରହିତଃ ସର୍ଵଜ୍ଞଃ ସର୍ଵହେତୁଵିଦ୍ ॥ 99॥

ବ୍ରହ୍ମଵାକ୍ସ୍ଥାପନପରଃ ସ୍ଵଜନ୍ମାଵଧିକାର୍ଯକୃତ୍ ।

ସଦସଦ୍ଵାସନାହେତୁସ୍ତ୍ରିସତ୍ଯୋ ଭକ୍ତମୋଚକଃ ॥ 100॥

ହିରଣ୍ଯକଶିପୁଦ୍ଵେଷୀ ପ୍ରଵିଷ୍ଟାତ୍ମାଽତିଭୀଷଣଃ ।

ଶାନ୍ତିଜ୍ଞାନାଦିହେତୁଶ୍ଚ ପ୍ରହ୍ଲାଦୋତ୍ପତ୍ତିକାରଣମ୍ ॥ 101॥

ଦୈତ୍ଯସିଦ୍ଧାନ୍ତସଦ୍ଵକ୍ତା ତପଃସାର ଉଦାରଧୀଃ ।

ଦୈତ୍ଯହେତୁପ୍ରକଟନୋ ଭକ୍ତିଚିହ୍ନପ୍ରକାଶକଃ ॥ 102॥

ସଦ୍ଦ୍ଵେଷହେତୁଃ ସଦ୍ଦ୍ଵେଷଵାସନାତ୍ମା ନିରନ୍ତରଃ ।

ନୈଷ୍ଠୁର୍ଯସୀମା ପ୍ରହ୍ଲାଦଵତ୍ସଲଃ ସଙ୍ଗଦୋଷହା ॥ 103॥

ମହାନୁଭାଵଃ ସାକାରଃ ସର୍ଵାକାରଃ ପ୍ରମାଣଭୂଃ ।

ସ୍ତମ୍ଭପ୍ରସୂତିର୍ନୃହରିର୍ନୃସିଂହୋ ଭୀମଵିକ୍ରମଃ ॥ 104॥

ଵିକଟାସ୍ଯୋ ଲଲଜ୍ଜିହ୍ଵୋ ନଖଶସ୍ତ୍ରୋ ଜଵୋତ୍କଟଃ ।

ହିରଣ୍ଯକଶିପୁଚ୍ଛେଦୀ କ୍ରୂରଦୈତ୍ଯନିଵାରକଃ ॥ 105॥

ସିଂହାସନସ୍ଥଃ କ୍ରୋଧାତ୍ମା ଲକ୍ଷ୍ମୀଭଯଵିଵର୍ଧନଃ ।

ବ୍ରହ୍ମାଦ୍ଯତ୍ଯନ୍ତଭଯଭୂରପୂର୍ଵାଚିନ୍ତ୍ଯରୂପଧୃକ୍ ॥ 106॥

ଭକ୍ତୈକଶାନ୍ତହୃଦଯୋ ଭକ୍ତସ୍ତୁତ୍ଯଃ ସ୍ତୁତିପ୍ରିଯଃ ।

ଭକ୍ତାଙ୍ଗଲେହନୋଦ୍ଧୂତକ୍ରୋଧପୁଙ୍ଜଃ ପ୍ରଶାନ୍ତଧୀଃ ॥ 107॥

ସ୍ମୃତିମାତ୍ରଭଯତ୍ରାତା ବ୍ରହ୍ମବୁଦ୍ଧିପ୍ରଦାଯକଃ ।

ଗୋରୂପଧାର୍ଯମୃତପାଃ ଶିଵକୀର୍ତିଵିଵର୍ଧନଃ ॥ 108॥

ଧର୍ମାତ୍ମା ସର୍ଵକର୍ମାତ୍ମା ଵିଶେଷାତ୍ମାଽଽଶ୍ରମପ୍ରଭୁଃ ।

ସଂସାରମଗ୍ନସ୍ଵୋଦ୍ଧର୍ତା ସନ୍ମାର୍ଗାଖିଲତତ୍ତ୍ଵଵାକ୍ ॥ 109॥

ଆଚାରାତ୍ମା ସଦାଚାରଃ ॥॥॥॥॥॥॥॥॥ ଚୋନ୍ତିନୁଏଦ୍

ମନ୍ଵନ୍ତରଲୀଲା

॥॥॥॥॥॥॥॥॥॥ମନ୍ଵନ୍ତରଵିଭାଵନଃ ।

ସ୍ମୃତ୍ଯାଽଶେଷାଶୁଭହରୋ ଗଜେନ୍ଦ୍ରସ୍ମୃତିକାରଣମ୍ ॥ 110॥

ଜାତିସ୍ମରଣହେତ୍ଵୈକପୂଜାଭକ୍ତିସ୍ଵରୂପଦଃ ।

ଯଜ୍ଞୋ ଭଯାନ୍ମନୁତ୍ରାତା ଵିଭୁର୍ବ୍ରହ୍ମଵ୍ରତାଶ୍ରଯଃ ॥ 111॥

ସତ୍ଯସେନୋ ଦୁଷ୍ଟଘାତୀ ହରିର୍ଗଜଵିମୋଚକଃ ।

ଵୈକୁଣ୍ଠୋ ଲୋକକର୍ତା ଚ ଅଜିତୋଽମୃତକାରଣମ୍ ॥ 112॥

ଉରୁକ୍ରମୋ ଭୂମିହର୍ତା ସାର୍ଵଭୌମୋ ବଲିପ୍ରିଯଃ ।

ଵିଭୁଃ ସର୍ଵହିତୈକାତ୍ମା ଵିଷ୍ଵକ୍ସେନଃ ଶିଵପ୍ରିଯଃ ॥ 113॥

ଧର୍ମସେତୁର୍ଲୋକଧୃତିଃ ସୁଧାମାନ୍ତରପାଲକଃ ।

ଉପହର୍ତା ଯୋଗପତିର୍ବୃହଦ୍ଭାନୁଃ କ୍ରିଯାପତିଃ ॥ 114॥

ଚତୁର୍ଦଶପ୍ରମାଣାତ୍ମା ଧର୍ମୋ ମନ୍ଵାଦିବୋଧକଃ ।

ଲକ୍ଷ୍ମୀଭୋଗୈକନିଲଯୋ ଦେଵମନ୍ତ୍ରପ୍ରଦାଯକଃ ॥ 115॥

ଦୈତ୍ଯଵ୍ଯାମୋହକଃ ସାକ୍ଷାଦ୍ଗରୁଡସ୍କନ୍ଧସଂଶ୍ରଯଃ ।

ଲୀଲାମନ୍ଦରଧାରୀ ଚ ଦୈତ୍ଯଵାସୁକିପୂଜିତଃ ॥ 116॥

ସମୁଦ୍ରୋନ୍ମଥନାଯତ୍ତୋଽଵିଘ୍ନକର୍ତା ସ୍ଵଵାକ୍ଯକୃତ୍ ।

ଆଦିକୂର୍ମଃ ପଵିତ୍ରାତ୍ମା ମନ୍ଦରାଘର୍ଷଣୋତ୍ସୁକଃ ॥ 117॥

ଶ୍ଵାସୈଜଦବ୍ଧିଵାର୍ଵୀଚିଃ କଲ୍ପାନ୍ତାଵଧିକାର୍ଯକୃତ୍ ।

ଚତୁର୍ଦଶମହାରତ୍ନୋ ଲକ୍ଷ୍ମୀସୌଭାଗ୍ଯଵର୍ଧନଃ ॥ 118॥

ଧନ୍ଵନ୍ତରିଃ ସୁଧାହସ୍ତୋ ଯଜ୍ଞଭୋକ୍ତାଽଽର୍ତିନାଶନଃ ।

ଆଯୁର୍ଵେଦପ୍ରଣେତା ଚ ଦେଵଦୈତ୍ଯାଖିଲାର୍ଚିତଃ ॥ 119॥

ବୁଦ୍ଧିଵ୍ଯାମୋହକୋ ଦେଵକାର୍ଯସାଧନତତ୍ପରଃ ।

ସ୍ତ୍ରୀରୂପୋ ମାଯଯା ଵକ୍ତା ଦୈତ୍ଯାନ୍ତଃକରଣପ୍ରିଯଃ ॥ 120॥

ପାଯିତାମୃତଦେଵାଂଶୋ ଯୁଦ୍ଧହେତୁସ୍ମୃତିପ୍ରଦଃ ।

ସୁମାଲିମାଲିଵଧକୃନ୍ମାଲ୍ଯଵତ୍ପ୍ରାଣହାରକଃ ॥ 121॥

କାଲନେମିଶିରଶ୍ଛେଦୀ ଦୈତ୍ଯଯଜ୍ଞଵିନାଶକଃ ।

ଇନ୍ଦ୍ରସାମର୍ଥ୍ଯଦାତା ଚ ଦୈତ୍ଯଶେଷସ୍ଥିତିପ୍ରିଯଃ ॥ 122॥

ଶିଵଵ୍ଯାମୋହକୋ ମାଯୀ ଭୃଗୁମନ୍ତ୍ରସ୍ଵଶକ୍ତିଦଃ ।

ବଲିଜୀଵନକର୍ତା ଚ ସ୍ଵର୍ଗହେତୁର୍ଵ୍ରତାର୍ଚିତଃ ॥ 123॥

ଅଦିତ୍ଯାନନ୍ଦକର୍ତା ଚ କଶ୍ଯପାଦିତିସମ୍ଭଵଃ ।

ଉପେନ୍ଦ୍ର ଇନ୍ଦ୍ରାଵରଜୋ ଵାମନବ୍ରହ୍ମରୂପଧୃକ୍ ॥ 124॥

ବ୍ରହ୍ମାଦିସେଵିତଵପୁର୍ଯଜ୍ଞପାଵନତତ୍ପରଃ ।

ଯାଚ୍ଞୋପଦେଶକର୍ତା ଚ ଜ୍ଞାପିତାଶେଷସଂସ୍ଥିତିଃ ॥ 125॥

ସତ୍ଯାର୍ଥପ୍ରେରକଃ ସର୍ଵହର୍ତା ଗର୍ଵଵିନାଶକଃ ।

ତ୍ରିଵିକ୍ରମସ୍ତ୍ରିଲୋକାତ୍ମା ଵିଶ୍ଵମୂର୍ତିଃ ପୃଥୁଶ୍ରଵାଃ ॥ 126॥

ପାଶବଦ୍ଧବଲିଃ ସର୍ଵଦୈତ୍ଯପକ୍ଷୋପମର୍ଦକଃ ।

ସୁତଲସ୍ଥାପିତବଲିଃ ସ୍ଵର୍ଗାଧିକସୁଖପ୍ରଦଃ ॥ 127॥

କର୍ମସମ୍ପୂର୍ତିକର୍ତା ଚ ସ୍ଵର୍ଗସଂସ୍ଥାପିତାମରଃ ।

ଜ୍ଞାତତ୍ରିଵିଧଧର୍ମାତ୍ମା ମହାମୀନୋଽବ୍ଧିସଂଶ୍ରଯଃ ॥ 128॥

ସତ୍ଯଵ୍ରତପ୍ରିଯୋ ଗୋପ୍ତା ମତ୍ସ୍ଯମୂର୍ତିଧୃତଶ୍ରୁତିଃ ।

ଶ‍ଋଙ୍ଗବଦ୍ଧଧୃତକ୍ଷୋଣିଃ ସର୍ଵାର୍ଥଜ୍ଞାପକୋ ଗୁରୁଃ ॥ 129॥

ଈଶାନୁକଥାଲୀଲା

ଈଶସେଵକଲୀଲାତ୍ମା ସୂର୍ଯଵଂଶପ୍ରଵର୍ତକଃ ।

ସୋମଵଂଶୋଦ୍ଭଵକରୋ ମନୁପୁତ୍ରଗତିପ୍ରଦଃ ॥ 130॥

ଅମ୍ବରୀଷପ୍ରିଯଃ ସାଧୁର୍ଦୁର୍ଵାସୋଗର୍ଵନାଶକଃ ।

ବ୍ରହ୍ମଶାପୋପସଂହର୍ତା ଭକ୍ତକୀର୍ତିଵିଵର୍ଧନଃ ॥ 131॥

ଇକ୍ଷ୍ଵାକୁଵଂଶଜନକଃ ସଗରାଦ୍ଯଖିଲାର୍ଥଦଃ ।

ଭଗୀରଥମହାଯତ୍ନୋ ଗଙ୍ଗାଧୌତାଙ୍ଘ୍ରିପଙ୍କଜଃ ॥ 132॥

ବ୍ରହ୍ମସ୍ଵାମୀ ଶିଵସ୍ଵାମୀ ସଗରାତ୍ମଜମୁକ୍ତିଦଃ ।

ଖଟ୍ଵାଙ୍ଗମୋକ୍ଷହେତୁଶ୍ଚ ରଘୁଵଂଶଵିଵର୍ଧନଃ ॥ 133॥

ରଘୁନାଥୋ ରାମଚନ୍ଦ୍ରୋ ରାମଭଦ୍ରୋ ରଘୁପ୍ରିଯଃ ।

ଅନନ୍ତକୀର୍ତିଃ ପୁଣ୍ଯାତ୍ମା ପୁଣ୍ଯଶ୍ଲୋକୈକଭାସ୍କରଃ ॥ 134॥

କୋଶଲେନ୍ଦ୍ରଃ ପ୍ରମାଣାତ୍ମା ସେଵ୍ଯୋ ଦଶରଥାତ୍ମଜଃ ।

ଲକ୍ଷ୍ମଣୋ ଭରତଶ୍ଚୈଵ ଶତ୍ରୁଘ୍ନୋ ଵ୍ଯୂହଵିଗ୍ରହଃ ॥ 135॥

ଵିଶ୍ଵାମିତ୍ରପ୍ରିଯୋ ଦାନ୍ତସ୍ତାଡକାଵଧମୋକ୍ଷଦଃ ।

ଵାଯଵ୍ଯାସ୍ତ୍ରାବ୍ଧିନିକ୍ଷିପ୍ତମାରୀଚଶ୍ଚ ସୁବାହୁହା ॥ 136॥

ଵୃଷଧ୍ଵଜଧନୁର୍ଭଙ୍ଗପ୍ରାପ୍ତସୀତାମହୋତ୍ସଵଃ ।

ସୀତାପତିର୍ଭୃଗୁପତିଗର୍ଵପର୍ଵତନାଶକଃ ॥ 137॥

ଅଯୋଧ୍ଯାସ୍ଥମହାଭୋଗଯୁକ୍ତଲକ୍ଷ୍ମୀଵିନୋଦଵାନ୍ ।

କୈକେଯୀଵାକ୍ଯକର୍ତା ଚ ପିତୃଵାକ୍ପରିପାଲକଃ ॥ 138॥

ଵୈରାଗ୍ଯବୋଧକୋଽନନ୍ଯସାତ୍ତ୍ଵିକସ୍ଥାନବୋଧକଃ ।

ଅହଲ୍ଯାଦୁଃଖହାରୀ ଚ ଗୁହସ୍ଵାମୀ ସଲକ୍ଷ୍ମଣଃ ॥ 139॥

ଚିତ୍ରକୂଟପ୍ରିଯସ୍ଥାନୋ ଦଣ୍ଡକାରଣ୍ଯପାଵନଃ ।

ଶରଭଙ୍ଗସୁତୀକ୍ଷ୍ଣାଦିପୂଜିତୋଽଗସ୍ତ୍ଯଭାଗ୍ଯଭୂଃ ॥ 140॥

ଋଷିସମ୍ପ୍ରାର୍ଥିତକୃତିର୍ଵିରାଧଵଧପଣ୍ଡିତଃ ।

ଛିନ୍ନଶୂର୍ପଣଖାନାସଃ ଖରଦୂଷଣଘାତକଃ ॥ 141॥

ଏକବାଣହତାନେକସହସ୍ରବଲରାକ୍ଷସଃ ।

ମାରୀଚଘାତୀ ନିଯତସୀତାସମ୍ବନ୍ଧଶୋଭିତଃ ॥ 142॥

ସୀତାଵିଯୋଗନାଟ୍ଯଶ୍ଚ ଜଟାଯୁର୍ଵଧମୋକ୍ଷଦଃ ।

ଶବରୀପୂଜିତୋ ଭକ୍ତହନୁମତ୍ପ୍ରମୁଖାଵୃତଃ ॥ 143॥

ଦୁନ୍ଦୁଭ୍ଯସ୍ଥିପ୍ରହରଣଃ ସପ୍ତତାଲଵିଭେଦନଃ ।

ସୁଗ୍ରୀଵରାଜ୍ଯଦୋ ଵାଲିଘାତୀ ସାଗରଶୋଷଣଃ ॥ 144॥

ସେତୁବନ୍ଧନକର୍ତା ଚ ଵିଭୀଷଣହିତପ୍ରଦଃ ।

ରାଵଣାଦିଶିରଶ୍ଛେଦୀ ରାକ୍ଷସାଘୌଘନାଶକଃ ॥ 145॥

ସୀତାଽଭଯପ୍ରଦାତା ଚ ପୁଷ୍ପକାଗମନୋତ୍ସୁକଃ ।

ଅଯୋଧ୍ଯାପତିରତ୍ଯନ୍ତସର୍ଵଲୋକସୁଖପ୍ରଦଃ ॥ 146॥

ମଥୁରାପୁରନିର୍ମାତା ସୁକୃତଜ୍ଞସ୍ଵରୂପଦଃ ।

ଜନକଜ୍ଞାନଗମ୍ଯଶ୍ଚ ଐଲାନ୍ତପ୍ରକଟଶ୍ରୁତିଃ ॥ 147॥

ହୈହଯାନ୍ତକରୋ ରାମୋ ଦୁଷ୍ଟକ୍ଷତ୍ରଵିନାଶକଃ ।

ସୋମଵଂଶହିତୈକାତ୍ମା ଯଦୁଵଂଶଵିଵର୍ଧନଃ ॥ 148॥

ନିରୋଧଲୀଲା

ପରବ୍ରହ୍ମାଵତରଣଃ କେଶଵଃ କ୍ଲେଶନାଶନଃ ।

ଭୂମିଭାରାଵତରଣୋ ଭକ୍ତାର୍ଥାଖିଲମାନସଃ ॥ 149॥

ସର୍ଵଭକ୍ତନିରୋଧାତ୍ମା ଲୀଲାନନ୍ତନିରୋଧକୃତ୍ ।

ଭୂମିଷ୍ଠପରମାନନ୍ଦୋ ଦେଵକୀଶୁଦ୍ଧିକାରଣମ୍ ॥ 150॥

ଵସୁଦେଵଜ୍ଞାନନିଷ୍ଠସମଜୀଵନିଵାରକଃ ।

ସର୍ଵଵୈରାଗ୍ଯକରଣସ୍ଵଲୀଲାଧାରଶୋଧକଃ ॥ 151॥

ମାଯାଜ୍ଞାପନକର୍ତା ଚ ଶେଷସମ୍ଭାରସମ୍ଭୃତିଃ ।

ଭକ୍ତକ୍ଲେଶପରିଜ୍ଞାତା ତନ୍ନିଵାରଣତତ୍ପରଃ ॥ 152॥

ଆଵିଷ୍ଟଵସୁଦେଵାଂଶୋ ଦେଵକୀଗର୍ଭଭୂଷଣମ୍ ।

ପୂର୍ଣତେଜୋମଯଃ ପୂର୍ଣଃ କଂସାଧୃଷ୍ଯପ୍ରତାପଵାନ୍ ॥ 153॥

ଵିଵେକଜ୍ଞାନଦାତା ଚ ବ୍ରହ୍ମାଦ୍ଯଖିଲସଂସ୍ତୁତଃ ।

ସତ୍ଯୋ ଜଗତ୍କଲ୍ପତରୁର୍ନାନାରୂପଵିମୋହନଃ ॥ 154॥

ଭକ୍ତିମାର୍ଗପ୍ରତିଷ୍ଠାତା ଵିଦ୍ଵନ୍ମୋହପ୍ରଵର୍ତକଃ ।

ମୂଲକାଲଗୁଣଦ୍ରଷ୍ଟା ନଯନାନନ୍ଦଭାଜନମ୍ ॥ 155॥

ଵସୁଦେଵସୁଖାବ୍ଧିଶ୍ଚ ଦେଵକୀନଯନାମୃତମ୍ ।

ପିତୃମାତୃସ୍ତୁତଃ ପୂର୍ଵସର୍ଵଵୃତ୍ତାନ୍ତବୋଧକଃ ॥ 156॥

ଗୋକୁଲାଗତିଲୀଲାପ୍ତଵସୁଦେଵକରସ୍ଥିତିଃ ।

ସର୍ଵେଶତ୍ଵପ୍ରକଟନୋ ମାଯାଵ୍ଯତ୍ଯଯକାରକଃ ॥ 157॥

ଜ୍ଞାନମୋହିତଦୁଷ୍ଟେଶଃ ପ୍ରପଞ୍ଚାସ୍ମୃତିକାରଣମ୍ ।

ଯଶୋଦାନନ୍ଦନୋ ନନ୍ଦଭାଗ୍ଯଭୂଗୋକୁଲୋତ୍ସଵଃ ॥ 158॥

ନନ୍ଦପ୍ରିଯୋ ନନ୍ଦସୂନୁର୍ଯଶୋଦାଯାଃ ସ୍ତନନ୍ଧଯଃ ।

ପୂତନାସୁପଯଃପାତା ମୁଗ୍ଧଭାଵାତିସୁନ୍ଦରଃ ॥ 159॥

ସୁନ୍ଦରୀହୃଦଯାନନ୍ଦୋ ଗୋପୀମନ୍ତ୍ରାଭିମନ୍ତ୍ରିତଃ ।

ଗୋପାଲାଶ୍ଚର୍ଯରସକୃତ୍ ଶକଟାସୁରଖଣ୍ଡନଃ ॥ 160॥

ନନ୍ଦଵ୍ରଜଜନାନନ୍ଦୀ ନନ୍ଦଭାଗ୍ଯମହୋଦଯଃ ।

ତୃଣାଵର୍ତଵଧୋତ୍ସାହୋ ଯଶୋଦାଜ୍ଞାନଵିଗ୍ରହଃ ॥ 161॥

ବଲଭଦ୍ରପ୍ରିଯଃ କୃଷ୍ଣଃ ସଙ୍କର୍ଷଣସହାଯଵାନ୍ ।

ରାମାନୁଜୋ ଵାସୁଦେଵୋ ଗୋଷ୍ଠାଙ୍ଗଣଗତିପ୍ରିଯଃ ॥ 162॥

କିଙ୍କିଣୀରଵଭାଵଜ୍ଞୋ ଵତ୍ସପୁଚ୍ଛାଵଲମ୍ବନଃ ।

ନଵନୀତପ୍ରିଯୋ ଗୋପୀମୋହସଂସାରନାଶକଃ ॥ 163॥

ଗୋପବାଲକଭାଵଜ୍ଞଶ୍ଚୌର୍ଯଵିଦ୍ଯାଵିଶାରଦଃ ।

ମୃତ୍ସ୍ନାଭକ୍ଷଣଲୀଲାସ୍ଯମାହାତ୍ମ୍ଯଜ୍ଞାନଦାଯକଃ ॥ 164॥

ଧରାଦ୍ରୋଣପ୍ରୀତିକର୍ତା ଦଧିଭାଣ୍ଡଵିଭେଦନଃ ।

ଦାମୋଦରୋ ଭକ୍ତଵଶ୍ଯୋ ଯମଲାର୍ଜୁନଭଞ୍ଜନଃ ॥ 165॥

ବୃହଦ୍ଵନମହାଶ୍ଚର୍ଯୋ ଵୃନ୍ଦାଵନଗତିପ୍ରିଯଃ ।

ଵତ୍ସଘାତୀ ବାଲକେଲିର୍ବକାସୁରନିଷୂଦନଃ ॥ 166॥

ଅରଣ୍ଯଭୋକ୍ତାଽପ୍ଯଥଵା ବାଲଲୀଲାପରାଯଣଃ ।

ପ୍ରୋତ୍ସାହଜନକଶ୍ଚୈଵମଘାସୁରନିଷୂଦନଃ ॥ 167॥

ଵ୍ଯାଲମୋକ୍ଷପ୍ରଦଃ ପୁଷ୍ଟୋ ବ୍ରହ୍ମମୋହପ୍ରଵର୍ଧନଃ ।

ଅନନ୍ତମୂର୍ତିଃ ସର୍ଵାତ୍ମା ଜଙ୍ଗମସ୍ଥାଵରାକୃତିଃ ॥ 168॥

ବ୍ରହ୍ମମୋହନକର୍ତା ଚ ସ୍ତୁତ୍ଯ ଆତ୍ମା ସଦାପ୍ରିଯଃ ।

ପୌଗଣ୍ଡଲୀଲାଭିରତିର୍ଗୋଚାରଣପରାଯଣଃ ॥ 169॥

ଵୃନ୍ଦାଵନଲତାଗୁଲ୍ମଵୃକ୍ଷରୂପନିରୂପକଃ ।

ନାଦବ୍ରହ୍ମପ୍ରକଟନୋ ଵଯଃପ୍ରତିକୃତିସ୍ଵନଃ ॥ 170॥

ବର୍ହିନୃତ୍ଯାନୁକରଣୋ ଗୋପାଲାନୁକୃତିସ୍ଵନଃ ।

ସଦାଚାରପ୍ରତିଷ୍ଠାତା ବଲଶ୍ରମନିରାକୃତିଃ ॥ 171॥

ତରୁମୂଲକୃତାଶେଷତଲ୍ପଶାଯୀ ସଖିସ୍ତୁତଃ ।

ଗୋପାଲସେଵିତପଦଃ ଶ୍ରୀଲାଲିତପଦାମ୍ବୁଜଃ ॥ 172॥

ଗୋପସମ୍ପ୍ରାର୍ଥିତଫଲଦାନନାଶିତଧେନୁକଃ ।

କାଲୀଯଫଣିମାଣିକ୍ଯରଞ୍ଜିତଶ୍ରୀପଦାମ୍ବୁଜଃ ॥ 173॥

ଦୃଷ୍ଟିସଙ୍ଜୀଵିତାଶେଷଗୋପଗୋଗୋପିକାପ୍ରିଯଃ ।

ଲୀଲାସମ୍ପୀତଦାଵାଗ୍ନିଃ ପ୍ରଲମ୍ବଵଧପଣ୍ଡିତଃ ॥ 174॥

ଦାଵାଗ୍ନ୍ଯାଵୃତଗୋପାଲଦୃଷ୍ଟ୍ଯାଚ୍ଛାଦନଵହ୍ନିପଃ ।

ଵର୍ଷାଶରଦ୍ଵିଭୂତିଶ୍ରୀର୍ଗୋପୀକାମପ୍ରବୋଧକଃ ॥ 175॥

ଗୋପୀରତ୍ନସ୍ତୁତାଶେଷଵେଣୁଵାଦ୍ଯଵିଶାରଦଃ ।

କାତ୍ଯାଯନୀଵ୍ରତଵ୍ଯାଜସର୍ଵଭାଵାଶ୍ରିତାଙ୍ଗନଃ ॥ 176॥

ସତ୍ସଙ୍ଗତିସ୍ତୁତିଵ୍ଯାଜସ୍ତୁତଵୃନ୍ଦାଵନାଙ୍ଘ୍ରିପଃ ।

ଗୋପକ୍ଷୁଚ୍ଛାନ୍ତିସଂଵ୍ଯାଜଵିପ୍ରଭାର୍ଯାପ୍ରସାଦକୃତ୍ ॥ 177॥

ହେତୁପ୍ରାପ୍ତେନ୍ଦ୍ରଯାଗସ୍ଵକାର୍ଯଗୋସଵବୋଧକଃ ।

ଶୈଲରୂପକୃତାଶେଷରସଭୋଗସୁଖାଵହଃ ॥ 178॥

ଲୀଲାଗୋଵର୍ଧନୋଦ୍ଧାରପାଲିତସ୍ଵଵ୍ରଜପ୍ରିଯଃ ।

ଗୋପସ୍ଵଚ୍ଛନ୍ଦଲୀଲାର୍ଥଗର୍ଗଵାକ୍ଯାର୍ଥବୋଧକଃ ॥ 179॥

ଇନ୍ଦ୍ରଧେନୁସ୍ତୁତିପ୍ରାପ୍ତଗୋଵିନ୍ଦେନ୍ଦ୍ରାଭିଧାନଵାନ୍ ।

ଵ୍ରତାଦିଧର୍ମସଂସକ୍ତନନ୍ଦକ୍ଲେଶଵିନାଶକଃ ॥ 180॥

ନନ୍ଦାଦିଗୋପମାତ୍ରେଷ୍ଟଵୈକୁଣ୍ଠଗତିଦାଯକଃ ।

ଵେଣୁଵାଦସ୍ମରକ୍ଷୋଭମତ୍ତଗୋପୀଵିମୁକ୍ତିଦଃ ॥ 181॥

ସର୍ଵଭାଵପ୍ରାପ୍ତଗୋପୀସୁଖସଂଵର୍ଧନକ୍ଷମଃ ।

ଗୋପୀଗର୍ଵପ୍ରଣାଶାର୍ଥତିରୋଧାନସୁଖପ୍ରଦଃ ॥ 182॥

କୃଷ୍ଣଭାଵଵ୍ଯାପ୍ତଵିଶ୍ଵଗୋପୀଭାଵିତଵେଷଧୃକ୍ ।

ରାଧାଵିଶେଷସମ୍ଭୋଗପ୍ରାପ୍ତଦୋଷନିଵାରକଃ ॥ 183॥

ପରମପ୍ରୀତିସଙ୍ଗୀତସର୍ଵାଦ୍ଭୁତମହାଗୁଣଃ ।

ମାନାପନୋଦନାକ୍ରନ୍ଦଗୋପୀଦୃଷ୍ଟିମହୋତ୍ସଵଃ ॥ 184॥

ଗୋପିକାଵ୍ଯାପ୍ତସର୍ଵାଙ୍ଗଃ ସ୍ତ୍ରୀସମ୍ଭାଷାଵିଶାରଦଃ ।

ରାସୋତ୍ସଵମହାସୌଖ୍ଯଗୋପୀସମ୍ଭୋଗସାଗରଃ ॥ 185॥

ଜଲସ୍ଥଲରତିଵ୍ଯାପ୍ତଗୋପୀଦୃଷ୍ଟ୍ଯଭିପୂଜିତଃ ।

ଶାସ୍ତ୍ରାନପେକ୍ଷକାମୈକମୁକ୍ତିଦ୍ଵାରଵିଵର୍ଧନଃ ॥ 186॥

ସୁଦର୍ଶନମହାସର୍ପଗ୍ରସ୍ତନନ୍ଦଵିମୋଚକଃ ।

ଗୀତମୋହିତଗୋପୀଧୃକ୍ଷଙ୍ଖଚୂଡଵିନାଶକଃ ॥ 187॥

ଗୁଣସଙ୍ଗୀତସନ୍ତୁଷ୍ଟିର୍ଗୋପୀସଂସାରଵିସ୍ମୃତିଃ ।

ଅରିଷ୍ଟମଥନୋ ଦୈତ୍ଯବୁଦ୍ଧିଵ୍ଯାମୋହକାରକଃ ॥ 188॥

କେଶିଘାତୀ ନାରଦେଷ୍ଟୋ ଵ୍ଯୋମାସୁରଵିନାଶକଃ ।

ଅକ୍ରୂରଭକ୍ତିସଂରାଦ୍ଧପାଦରେଣୁମହାନିଧିଃ ॥ 189॥

ରଥାଵରୋହଶୁଦ୍ଧାତ୍ମା ଗୋପୀମାନସହାରକଃ ।

ହ୍ରଦସନ୍ଦର୍ଶିତାଶେଷଵୈକୁଣ୍ଠାକ୍ରୂରସଂସ୍ତୁତଃ ॥ 190॥

ମଥୁରାଗମନୋତ୍ସାହୋ ମଥୁରାଭାଗ୍ଯଭାଜନମ୍ ।

ମଥୁରାନଗରୀଶୋଭାଦର୍ଶନୋତ୍ସୁକମାନସଃ ॥ 191॥

ଦୁଷ୍ଟରଞ୍ଜକଘାତୀ ଚ ଵାଯକାର୍ଚିତଵିଗ୍ରହଃ ।

ଵସ୍ତ୍ରମାଲାସୁଶୋଭାଙ୍ଗଃ କୁବ୍ଜାଲେପନଭୂଷିତଃ ॥ 192॥

କୁବ୍ଜାସୁରୂପକର୍ତା ଚ କୁବ୍ଜାରତିଵରପ୍ରଦଃ ।

ପ୍ରସାଦରୂପସନ୍ତୁଷ୍ଟହରକୋଦଣ୍ଡଖଣ୍ଡନଃ ॥ 193॥

ଶକଲାହତକଂସାପ୍ତଧନୂରକ୍ଷକସୈନିକଃ ।

ଜାଗ୍ରତ୍ସ୍ଵପ୍ନଭଯଵ୍ଯାପ୍ତମୃତ୍ଯୁଲକ୍ଷଣବୋଧକଃ ॥ 194॥

ମଥୁରାମଲ୍ଲ ଓଜସ୍ଵୀ ମଲ୍ଲଯୁଦ୍ଧଵିଶାରଦଃ ।

ସଦ୍ଯଃ କୁଵଲଯାପୀଡଘାତୀ ଚାଣୂରମର୍ଦନଃ ॥ 195॥

ଲୀଲାହତମହାମଲ୍ଲଃ ଶଲତୋଶଲଘାତକଃ ।

କଂସାନ୍ତକୋ ଜିତାମିତ୍ରୋ ଵସୁଦେଵଵିମୋଚକଃ ॥ 196॥

ଜ୍ଞାତତତ୍ତ୍ଵପିତୃଜ୍ଞାନମୋହନାମୃତଵାଙ୍ମଯଃ ।

ଉଗ୍ରସେନପ୍ରତିଷ୍ଠାତା ଯାଦଵାଧିଵିନାଶକଃ ॥ 197॥

ନନ୍ଦାଦିସାନ୍ତ୍ଵନକରୋ ବ୍ରହ୍ମଚର୍ଯଵ୍ରତେ ସ୍ଥିତଃ ।

ଗୁରୁଶୁଶ୍ରୂଷଣପରୋ ଵିଦ୍ଯାପାରମିତେଶ୍ଵରଃ ॥ 198॥

ସାନ୍ଦୀପନିମୃତାପତ୍ଯଦାତା କାଲାନ୍ତକାଦିଜିତ୍ ।

ଗୋକୁଲାଶ୍ଵାସନପରୋ ଯଶୋଦାନନ୍ଦପୋଷକଃ ॥ 199॥

ଗୋପିକାଵିରହଵ୍ଯାଜମନୋଗତିରତିପ୍ରଦଃ ।

ସମୋଦ୍ଧଵଭ୍ରମରଵାକ୍ ଗୋପିକାମୋହନାଶକଃ ॥ 200॥

କୁବ୍ଜାରତିପ୍ରଦୋଽକ୍ରୂରପଵିତ୍ରୀକୃତଭୂଗୃହଃ ।

ପୃଥାଦୁଃଖପ୍ରଣେତା ଚ ପାଣ୍ଡଵାନାଂ ସୁଖପ୍ରଦଃ ॥ 201॥

ଦଶମସ୍କନ୍ଧୋତ୍ତରାର୍ଧନାମାନି ନିରୋଧଲୀଲା

ଜରାସନ୍ଧସମାନୀତସୈନ୍ଯଘାତୀ ଵିଚାରକଃ ।

ଯଵନଵ୍ଯାପ୍ତମଥୁରାଜନଦତ୍ତକୁଶସ୍ଥଲିଃ ॥ 202॥

ଦ୍ଵାରକାଦ୍ଭୁତନିର୍ମାଣଵିସ୍ମାପିତସୁରାସୁରଃ ।

ମନୁଷ୍ଯମାତ୍ରଭୋଗାର୍ଥଭୂମ୍ଯାନୀତେନ୍ଦ୍ରଵୈଭଵଃ ॥ 203॥

ଯଵନଵ୍ଯାପ୍ତମଥୁରାନିର୍ଗମାନନ୍ଦଵିଗ୍ରହଃ ।

ମୁଚୁକୁନ୍ଦମହାବୋଧଯଵନପ୍ରାଣଦର୍ପହା ॥ 204॥

ମୁଚୁକୁନ୍ଦସ୍ତୁତାଶେଷଗୁଣକର୍ମମହୋଦଯଃ ।

ଫଲପ୍ରଦାନସନ୍ତୁଷ୍ଟିର୍ଜନ୍ମାନ୍ତରିତମୋକ୍ଷଦଃ ॥ 205॥

ଶିଵବ୍ରାହ୍ମଣଵାକ୍ଯାପ୍ତଜଯଭୀତିଵିଭାଵନଃ ।

ପ୍ରଵର୍ଷଣପ୍ରାର୍ଥିତାଗ୍ନିଦାନପୁଣ୍ଯମହୋତ୍ସଵଃ ॥ 206॥

ରୁକ୍ମିଣୀରମଣଃ କାମପିତା ପ୍ରଦ୍ଯୁମ୍ନଭାଵନଃ ।

ସ୍ଯମନ୍ତକମଣିଵ୍ଯାଜପ୍ରାପ୍ତଜାମ୍ବଵତୀପତିଃ ॥ 207॥

ସତ୍ଯଭାମାପ୍ରାଣପତିଃ କାଲିନ୍ଦୀରତିଵର୍ଧନଃ ।

ମିତ୍ରଵିନ୍ଦାପତିଃ ସତ୍ଯାପତିର୍ଵୃଷନିଷୂଦନଃ ॥ 208॥

ଭଦ୍ରାଵାଞ୍ଛିତଭର୍ତା ଚ ଲକ୍ଷ୍ମଣାଵରଣକ୍ଷମଃ ।

ଇନ୍ଦ୍ରାଦିପ୍ରାର୍ଥିତଵଧନରକାସୁରସୂଦନଃ ॥ 209॥

ମୁରାରିଃ ପୀଠହନ୍ତା ଚ ତାମ୍ରାଦିପ୍ରାଣହାରକଃ ।

ଷୋଡଶସ୍ତ୍ରୀସହସ୍ରେଶଃ ଛତ୍ରକୁଣ୍ଡଲଦାନକୃତ୍ ॥ 210॥

ପାରିଜାତାପହରଣୋ ଦେଵେନ୍ଦ୍ରମଦନାଶକଃ ।

ରୁକ୍ମିଣୀସମସର୍ଵସ୍ତ୍ରୀସାଧ୍ଯଭୋଗରତିପ୍ରଦଃ ॥ 211॥

ରୁକ୍ମିଣୀପରିହାସୋକ୍ତିଵାକ୍ତିରୋଧାନକାରକଃ ।

ପୁତ୍ରପୌତ୍ରମହାଭାଗ୍ଯଗୃହଧର୍ମପ୍ରଵର୍ତକଃ ॥ 212॥

ଶମ୍ବରାନ୍ତକସତ୍ପୁତ୍ରଵିଵାହହତରୁକ୍ମିକଃ ।

ଉଷାପହୃତପୌତ୍ରଶ୍ରୀର୍ବାଣବାହୁନିଵାରକଃ ॥ 213॥

ଶୀତଜ୍ଵରଭଯଵ୍ଯାପ୍ତଜ୍ଵରସଂସ୍ତୁତଷଡ୍ଗୁଣଃ ।

ଶଙ୍କରପ୍ରତିଯୋଦ୍ଧା ଚ ଦ୍ଵନ୍ଦ୍ଵଯୁଦ୍ଧଵିଶାରଦଃ ॥ 214॥

ନୃଗପାପପ୍ରଭେତ୍ତା ଚ ବ୍ରହ୍ମସ୍ଵଗୁଣଦୋଷଦୃକ୍ ।

ଵିଷ୍ଣୁଭକ୍ତିଵିରୋଧୈକବ୍ରହ୍ମସ୍ଵଵିନିଵାରକଃ ॥ 215॥

ବଲଭଦ୍ରାହିତଗୁଣୋ ଗୋକୁଲପ୍ରୀତିଦାଯକଃ ।

ଗୋପୀସ୍ନେହୈକନିଲଯୋ ଗୋପୀପ୍ରାଣସ୍ଥିତିପ୍ରଦଃ ॥ 216॥

ଵାକ୍ଯାତିଗାମିଯମୁନାହଲାକର୍ଷଣଵୈଭଵଃ ।

ପୌଣ୍ଡ୍ରକତ୍ଯାଜିତସ୍ପର୍ଧଃ କାଶୀରାଜଵିଭେଦନଃ ॥ 217॥

କାଶୀନିଦାହକରଣଃ ଶିଵଭସ୍ମପ୍ରଦାଯକଃ ।

ଦ୍ଵିଵିଦପ୍ରାଣଘାତୀ ଚ କୌରଵାଖର୍ଵଗର୍ଵନୁତ୍ ॥ 218॥

ଲାଙ୍ଗଲାକୃଷ୍ଟନଗରୀସଂଵିଗ୍ନାଖିଲନାଗରଃ ।

ପ୍ରପନ୍ନାଭଯଦଃ ସାମ୍ବପ୍ରାପ୍ତସନ୍ମାନଭାଜନମ୍ ॥ 219॥

ନାରଦାନ୍ଵିଷ୍ଟଚରଣୋ ଭକ୍ତଵିକ୍ଷେପନାଶକଃ ।

ସଦାଚାରୈକନିଲଯଃ ସୁଧର୍ମାଧ୍ଯାସିତାସନଃ ॥ 220॥

ଜରାସନ୍ଧାଵରୁଦ୍ଧେନ ଵିଜ୍ଞାପିତନିଜକ୍ଲମଃ ।

ମନ୍ତ୍ର୍ଯୁଦ୍ଧଵାଦିଵାକ୍ଯୋକ୍ତପ୍ରକାରୈକପରାଯଣଃ ॥ 221॥

ରାଜସୂଯାଦିମଖକୃତ୍ ସମ୍ପ୍ରାର୍ଥିତସହାଯକୃତ୍ ।

ଇନ୍ଦ୍ରପ୍ରସ୍ଥପ୍ରଯାଣାର୍ଥମହତ୍ସମ୍ଭାରସମ୍ଭୃତିଃ ॥ 222॥

ଜରାସନ୍ଧଵଧଵ୍ଯାଜମୋଚିତାଶେଷଭୂମିପଃ ।

ସନ୍ମାର୍ଗବୋଧକୋ ଯଜ୍ଞକ୍ଷିତିଵାରଣତତ୍ପରଃ ॥ 223॥

ଶିଶୁପାଲହତିଵ୍ଯାଜଜଯଶାପଵିମୋଚକଃ ।

ଦୁର୍ଯୋଧନାଭିମାନାବ୍ଧିଶୋଷବାଣଵୃକୋଦରଃ ॥ 224॥

ମହାଦେଵଵରପ୍ରାପ୍ତପୁରଶାଲ୍ଵଵିନାଶକଃ ।

ଦନ୍ତଵକ୍ତ୍ରଵଧଵ୍ଯାଜଵିଜଯାଘୌଘନାଶକଃ ॥ 225॥

ଵିଦୂରଥପ୍ରାଣହର୍ତା ନ୍ଯସ୍ତଶସ୍ତ୍ରାସ୍ତ୍ରଵିଗ୍ରହଃ ।

ଉପଧର୍ମଵିଲିପ୍ତାଙ୍ଗସୂତଘାତୀ ଵରପ୍ରଦଃ ॥ 226॥

ବଲ୍ଵଲପ୍ରାଣହରଣପାଲିତର୍ଷିଶ୍ରୁତିକ୍ରିଯଃ ।

ସର୍ଵତୀର୍ଥାଘନାଶାର୍ଥତୀର୍ଥଯାତ୍ରାଵିଶାରଦଃ ॥ 227॥

ଜ୍ଞାନକ୍ରିଯାଵିଭେଦେଷ୍ଟଫଲସାଧନତତ୍ପରଃ ।

ସାରଥ୍ଯାଦିକ୍ରିଯାକର୍ତା ଭକ୍ତଵଶ୍ଯତ୍ଵବୋଧକଃ ॥ 228॥

ସୁଦାମାରଙ୍କଭାର୍ଯାର୍ଥଭୂମ୍ଯାନୀତେନ୍ଦ୍ରଵୈଭଵଃ ।

ରଵିଗ୍ରହନିମିତ୍ତାପ୍ତକୁରୁକ୍ଷେତ୍ରୈକପାଵନଃ ॥ 229॥

ନୃପଗୋପୀସମସ୍ତସ୍ତ୍ରୀପାଵନାର୍ଥାଖିଲକ୍ରିଯଃ ।

ଋଷିମାର୍ଗପ୍ରତିଷ୍ଠାତା ଵସୁଦେଵମଖକ୍ରିଯଃ ॥ 230॥

ଵସୁଦେଵଜ୍ଞାନଦାତା ଦେଵକୀପୁତ୍ରଦାଯକଃ ।

ଅର୍ଜୁନସ୍ତ୍ରୀପ୍ରଦାତା ଚ ବହୁଲାଶ୍ଵସ୍ଵରୂପଦଃ ॥ 231॥

ଶ୍ରୁତଦେଵେଷ୍ଟଦାତା ଚ ସର୍ଵଶ୍ରୁତିନିରୂପିତଃ ।

ମହାଦେଵାଦ୍ଯତିଶ୍ରେଷ୍ଠୋ ଭକ୍ତିଲକ୍ଷଣନିର୍ଣଯଃ ॥ 232॥

ଵୃକଗ୍ରସ୍ତଶିଵତ୍ରାତା ନାନାଵାକ୍ଯଵିଶାରଦଃ ।

ନରଗର୍ଵଵିନାଶାର୍ଥହୃତବ୍ରାହ୍ମଣବାଲକଃ ॥ 233॥

ଲୋକାଲୋକପରସ୍ଥାନସ୍ଥିତବାଲକଦାଯକଃ ।

ଦ୍ଵାରକାସ୍ଥମହାଭୋଗନାନାସ୍ତ୍ରୀରତିଵର୍ଧନଃ ॥ 234॥

ମନସ୍ତିରୋଧାନକୃତଵ୍ଯଗ୍ରସ୍ତ୍ରୀଚିତ୍ତଭାଵିତଃ ।

ମୁକ୍ତିଲୀଲା

ମୁକ୍ତିଲୀଲାଵିହରଣୋ ମୌଶଲଵ୍ଯାଜସଂହୃତିଃ ॥ 235॥

ଶ୍ରୀଭାଗଵତଧର୍ମାଦିବୋଧକୋ ଭକ୍ତିନୀତିକୃତ୍ ।

ଉଦ୍ଧଵଜ୍ଞାନଦାତା ଚ ପଞ୍ଚଵିଂଶତିଧା ଗୁରୁଃ ॥ 236॥

ଆଚାରଭକ୍ତିମୁକ୍ତ୍ଯାଦିଵକ୍ତା ଶବ୍ଦୋଦ୍ଭଵସ୍ଥିତିଃ ।

ହଂସୋ ଧର୍ମପ୍ରଵକ୍ତା ଚ ସନକାଦ୍ଯୁପଦେଶକୃତ୍ ॥ 237॥

ଭକ୍ତିସାଧନଵକ୍ତା ଚ ଯୋଗସିଦ୍ଧିପ୍ରଦାଯକଃ ।

ନାନାଵିଭୂତିଵକ୍ତା ଚ ଶୁଦ୍ଧଧର୍ମାଵବୋଧକଃ ॥ 238॥

ମାର୍ଗତ୍ରଯଵିଭେଦାତ୍ମା ନାନାଶଙ୍କାନିଵାରକଃ ।

ଭିକ୍ଷୁଗୀତାପ୍ରଵକ୍ତା ଚ ଶୁଦ୍ଧସାଙ୍ଖ୍ଯପ୍ରଵର୍ତକଃ ॥ 239॥

ମନୋଗୁଣଵିଶେଷାତ୍ମା ଜ୍ଞାପକୋକ୍ତପୁରୂରଵାଃ ।

ପୂଜାଵିଧିପ୍ରଵକ୍ତା ଚ ସର୍ଵସିଦ୍ଧାନ୍ତବୋଧକଃ ॥ 240॥

ଲଘୁସ୍ଵମାର୍ଗଵକ୍ତା ଚ ସ୍ଵସ୍ଥାନଗତିବୋଧକଃ ।

ଯାଦଵାଙ୍ଗୋପସଂହର୍ତା ସର୍ଵାଶ୍ଚର୍ଯଗତିକ୍ରିଯଃ ॥ 241॥

ଆଶ୍ରଯଲୀଲା

କାଲଧର୍ମଵିଭେଦାର୍ଥଵର୍ଣନାଶନତତ୍ପରଃ ।

ବୁଦ୍ଧୋ ଗୁପ୍ତାର୍ଥଵକ୍ତା ଚ ନାନାଶାସ୍ତ୍ରଵିଧାଯକଃ ॥ 242॥

ନଷ୍ଟଧର୍ମମନୁଷ୍ଯାଦିଲକ୍ଷଣଜ୍ଞାପନୋତ୍ସୁକଃ ।

ଆଶ୍ରଯୈକଗତିଜ୍ଞାତା କଲ୍କିଃ କଲିମଲାପହଃ ॥ 243॥

ଶାସ୍ତ୍ରଵୈରାଗ୍ଯସମ୍ବୋଧୋ ନାନାପ୍ରଲଯବୋଧକଃ ।

ଵିଶେଷତଃ ଶୁକଵ୍ଯାଜପରୀକ୍ଷିଜ୍ଜ୍ଞାନବୋଧକଃ ॥ 244॥

ଶୁକେଷ୍ଟଗତିରୂପାତ୍ମା ପରୀକ୍ଷିଦ୍ଦେହମୋକ୍ଷଦଃ ।

ଶବ୍ଦରୂପୋ ନାଦରୂପୋ ଵେଦରୂପୋ ଵିଭେଦନଃ ॥ 245॥

ଵ୍ଯାସଃ ଶାଖାପ୍ରଵକ୍ତା ଚ ପୁରାଣାର୍ଥପ୍ରଵର୍ତକଃ ।

ମାର୍କଣ୍ଡେଯପ୍ରସନ୍ନାତ୍ମା ଵଟପତ୍ରପୁଟେଶଯଃ ॥ 246॥

ମାଯାଵ୍ଯାପ୍ତମହାମୋହଦୁଃଖଶାନ୍ତିପ୍ରଵର୍ତକଃ ।

ମହାଦେଵସ୍ଵରୂପଶ୍ଚ ଭକ୍ତିଦାତା କୃପାନିଧିଃ ॥ 247॥

ଆଦିତ୍ଯାନ୍ତର୍ଗତଃ କାଲଃ ଦ୍ଵାଦଶାତ୍ମା ସୁପୂଜିତଃ ।

ଶ୍ରୀଭାଗଵତରୂପଶ୍ଚ ସର୍ଵାର୍ଥଫଲଦାଯକଃ ॥ 248॥

ଇତୀଦଂ କୀର୍ତନୀଯସ୍ଯ ହରେର୍ନାମସହସ୍ରକମ୍ ।

ପଞ୍ଚସପ୍ତତିଵିସ୍ତୀର୍ଣଂ ପୁରାଣାନ୍ତରଭାଷିତମ୍ ॥ 249॥

ଯ ଏତତ୍ପ୍ରାତରୁତ୍ଥାଯ ଶ୍ରଦ୍ଧାଵାନ୍ ସୁସମାହିତଃ ।

ଜପେଦର୍ଥାହିତମତିଃ ସ ଗୋଵିନ୍ଦପଦଂ ଲଭେତ୍ ॥ 250॥

ସର୍ଵଧର୍ମଵିନିର୍ମୁକ୍ତଃ ସର୍ଵସାଧନଵର୍ଜିତଃ ।

ଏତଦ୍ଧାରଣମାତ୍ରେଣ କୃଷ୍ଣସ୍ଯ ପଦଵୀଂ ଵ୍ରଜେତ୍ ॥ 251॥

ହର୍ଯାଵେଶିତଚିତ୍ତେନ ଶ୍ରୀଭାଗଵତସାଗରାତ୍ ।

ସମୁଦ୍ଧୃତାନି ନାମାନି ଚିନ୍ତାମଣିନିଭାନି ହି ॥ 252॥

କଣ୍ଠସ୍ଥିତାନ୍ଯର୍ଥଦୀପ୍ତ୍ଯା ବାଧନ୍ତେଽଜ୍ଞାନଜଂ ତମଃ ।

ଭକ୍ତିଂ ଶ୍ରୀକୃଷ୍ଣଦେଵସ୍ଯ ସାଧଯନ୍ତି ଵିନିଶ୍ଚିତମ୍ ॥ 253॥

କିମ୍ବହୂକ୍ତେନ ଭଗଵାନ୍ ନାମଭିଃ ସ୍ତୁତଷଡ୍ଗୁଣଃ ।

ଆତ୍ମଭାଵଂ ନଯତ୍ଯାଶୁ ଭକ୍ତିଂ ଚ କୁରୁତେ ଦୃଢାମ୍ ॥ 254॥

ଯଃ କୃଷ୍ଣଭକ୍ତିମିହ ଵାଞ୍ଛତି ସାଧନୌଘୈର୍-

ନାମାନି ଭାସୁରଯଶାଂସି ଜପେତ୍ସ ନିତ୍ଯମ୍ ।

ତଂ ଵୈ ହରିଃ ସ୍ଵପୁରୁଷଂ କୁରୁତେଽତିଶୀଘ୍ରମ୍-

ଆତ୍ମାର୍ପଣଂ ସମଧିଗଚ୍ଛତି ଭାଵତୁଷ୍ଟଃ ॥ 255॥

ଶ୍ରୀକୃଷ୍ଣ କୃଷ୍ଣସଖ ଵୃଷ୍ଣିଵୃଷାଵନିଧ୍ରୁଗ୍-

ରାଜନ୍ଯଵଂଶଦହନାନପଵର୍ଗଵୀର୍ଯ ।

ଗୋଵିନ୍ଦ ଗୋପଵନିତାଵ୍ରଜଭୃତ୍ଯଗୀତ

ତୀର୍ଥଶ୍ରଵଃ ଶ୍ରଵଣମଙ୍ଗଲ ପାହି ଭୃତ୍ଯାନ୍ ॥ 256॥

॥ ଇତି ଶ୍ରୀଭାଗଵତସାରସମୁଚ୍ଚଯେ ଵୈଶ୍ଵାନରୋକ୍ତଂ

ଶ୍ରୀଵଲ୍ଲଭାଚାର୍ଯଵିରଚିତଂ

ଶ୍ରୀପୁରୁଷୋତ୍ତମସହସ୍ରନାମସ୍ତୋତ୍ରଂ ସମ୍ପୂର୍ଣମ୍ ॥