zrI puruSottama sahasra nAma stotram

viniyogaH

purANapuruSo viSNuH puruSottama ucyate |

nAmnAM sahasraM vakSyAmi tasya bhAgavatoddhRtam || 1||

yasya prasAdAdvAgIzAH prajezA vibhavonnatAH |

kSudrA api bhavantyAzu zrIkRSNaM taM nato'smyaham || 2||

anantA eva kRSNasya lIlA nAmapravartikAH |

uktA bhAgavate gUhAH prakaTA api kutracit || 3||

atastAni pravakSyAmi nAmAni muravairiNaH |

sahasraM yaistu paThitaiH paThitaM syAcchukAmRtam || 4||

kRSNanAmasahasrasya RSiragnirnirUpitaH |

gAyatrI ca tathA chando devatA puruSottamaH || 5||

viniyogaH samasteSu puruSArtheSu vai mataH |

bIjaM bhaktapriyaH zaktiH satyavAgucyate hariH || 6||

bhaktoddharaNayatnastu mantro'tra paramo mataH |

avatAritabhaktAMzaH kIlakaM parikIrtitam || 7||

astraM sarvasamarthazca govindaH kavacaM matam |

puruSo dhyAnamatroktaH siddhiH zaraNasaMsmRtiH || 8||

adhikAralIlA

zrIkRSNaH saccidAnando nityalIlAvinodakRt |

sarvAgamavinodI ca lakSmIzaH puruSottamaH || 9||

AdikAlaH sarvakAlaH kAlAtmA mAyayAvRtaH |

bhaktoddhAraprayatnAtmA jagatkartA jaganmayaH || 10||

nAmalIlAparo viSNurvyAsAtmA zukamokSadaH |

vyApivaikuNThadAtA ca zrImadbhAgavatAgamaH || 11||

zukavAgamRtAbdhInduH zaunakAdyakhileSTadaH |

bhaktipravartakastrAtA vyAsacintAvinAzakaH || 12||

sarvasiddhAntavAgAtmA nAradAdyakhileSTadaH |

antarAtmA dhyAnagamyo bhaktiratnapradAyakaH || 13||

muktopasRpyaH pUrNAtmA muktAnAM rativardhanaH |

bhaktakAryaikanirato drauNyastravinivArakaH || 14||

bhaktasmayapraNetA ca bhaktavAkparipAlakaH |

brahmaNyadevo dharmAtmA bhaktAnAM ca parIkSakaH || 15||

AsannahitakartA ca mAyAhitakaraH prabhuH |

uttarAprANadAtA ca brahmAstravinivArakaH || 16||

sarvataH pANavapatiH parIkSicchuddhikAraNam |

gUhAtmA sarvavedeSu bhaktaikahRdayaGgamaH || 17||

kuntIstutyaH prasannAtmA paramAdbhutakAryakRt |

bhISmamuktipradaH svAmI bhaktamohanivArakaH || 18||

sarvAvasthAsu saMsevyaH samaH sukhahitapradaH |

kRtakRtyaH sarvasAkSI bhaktastrIrativardhanaH || 19||

sarvasaubhAgyanilayaH paramAzcaryarUpadhRk |

ananyapuruSasvAmI dvArakAbhAgyabhAjanam || 20||

bIjasaMskArakartA ca parIkSijjAnapoSakaH |

sarvatrapUrNaguNakaH sarvabhUSaNabhUSitaH || 21||

sarvalakSaNadAtA ca dhRtarASTravimuktidaH |

sanmArgarakSako nityaM viduraprItipUrakaH || 22||

lIlAvyAmohakartA ca kAladharmapravartakaH |

pANavAnAM mokSadAtA parIkSidbhAgyavardhanaH || 23||

kalinigrahakartA ca dharmAdInAM ca poSakaH |

satsaGgajAnahetuzca zrIbhAgavatakAraNam || 24||

prAkRtAdRSTamArgazca|||||||||||| continued

jJAna-sAdhana-lIlA

|||||||||||||||||||||||| zrotavyaH sakalAgamaiH |

kIrtitavyaH zuddhabhAvaiH smartavyazcAtmavittamaiH || 25||

anekamArgakartA ca nAnAvidhagatipradaH |

puruSaH sakalAdhAraH sattvaikanilayAtmabhUH || 26||

sarvadhyeyo yogagamyo bhaktyA grAhyaH surapriyaH |

janmAdisArthakakRtirlIlAkartA patiH satAm || 27||

AdikartA tattvakartA sarvakartA vizAradaH |

nAnAvatArakartA ca brahmAvirbhAvakAraNam || 28||

dazalIlAvinodI ca nAnAsRSTipravartakaH |

anekakalpakartA ca sarvadoSavivarjitaH || 29||

sargalIlA

vairAgyahetustIrthAtmA sarvatIrthaphalapradaH |

tIrthazuddhaikanilayaH svamArgaparipoSakaH || 30||

tIrthakIrtirbhaktagamyo bhaktAnuzayakAryakRt |

bhaktatulyaH sarvatulyaH svecchAsarvapravartakaH || 31||

guNAtIto'navadyAtmA sargalIlApravartakaH |

sAkSAtsarvajagatkartA mahadAdipravartakaH || 32||

mAyApravartakaH sAkSI mAyArativivardhanaH |

AkAzAtmA caturmUrtizcaturdhA bhUtabhAvanaH || 33||

rajaHpravartako brahmA marIcyAdipitAmahaH |

vedakartA yajJakartA sarvakartA'mitAtmakaH || 34||

anekasRSTikartA ca dazadhAsRSTikArakaH |

yajJAGgo yajJavArAho bhUdharo bhUmipAlakaH || 35||

seturvidharaNo jaitro hiraNyAkSAntakaH suraH |

ditikazyapakAmaikahetusRSTipravartakaH || 36||

devAbhayapradAtA ca vaikuNThAdhipatirmahAn |

sarvagarvaprahArI ca sanakAdyakhilArthadaH || 37||

sarvAzvAsanakartA ca bhaktatulyAhavapradaH |

kAlalakSaNahetuzca sarvArthajJApakaH paraH || 38||

bhaktonnatikaraH sarvaprakArasukhadAyakaH |

nAnAyuddhapraharaNo brahmazApavimocakaH || 39||

puSTisargapraNetA ca guNasRSTipravartakaH |

kardameSTapradAtA ca devahUtyakhilArthadaH || 40||

zuklanArAyaNaH satyakAladharmapravartakaH |

jJAnAvatAraH zAntAtmA kapilaH kAlanAzakaH || 41||

triguNAdhipatiH sAGkhyazAstrakartA vizAradaH |

sargadUSaNahArI ca puSTimokSapravartakaH || 42||

laukikAnandadAtA ca brahmAnandapravartakaH |

bhaktisiddhAntavaktA ca saguNajJAnadIpakaH || 43||

AtmapradaH pUrNakAmo yogAtmA yogabhAvitaH |

jIvanmuktipradaH zrImAnanyabhaktipravartakaH || 44||

kAlasAmarthyadAtA ca kAladoSanivArakaH |

garbhottamajJAnadAtA karmamArganiyAmakaH || 45||

sarvamArganirAkartA bhaktimArgaikapoSakaH |

siddhihetuH sarvahetuH sarvAzcaryaikakAraNam || 46||

cetanAcetanapatiH samudraparipUjitaH |

sAGkhyAcAryastutaH siddhapUjitaH sarvapUjitaH || 47||

visargalIlA

visargakartA sarvezaH koTisUryasamaprabhaH |

anantaguNagambhIro mahApuruSapUjitaH || 48||

anantasukhadAtA ca brahmakoTiprajApatiH |

sudhAkoTisvAsthyahetuH kAmadhukkoTikAmadaH || 49||

samudrakoTigambhIrastIrthakoTisamAhvayaH |

sumerukoTiniSkampaH koTibrahmANDavigrahaH || 50||

koTyazvamedhapApaghno vAyukoTimahAbalaH |

koTIndujagadAnandI zivakoTiprasAdakRt || 51||

sarvasadguNamAhAtmyaH sarvasadguNabhAjanam |

manvAdiprerako dharmo yajJanArAyaNaH paraH || 52||

AkUtisUnurdevendro rucijanmA'bhayapradaH |

dakSiNApatirojasvI kriyAzaktiH parAyaNaH || 53||

dattAtreyo yogapatiryogamArgapravartakaH |

anasUyAgarbharatnamRSivaMzavivardhanaH || 54||

guNatrayavibhAgajJazcaturvargavizAradaH |

nArAyaNo dharmasUnurmUrtipuNyayazaskaraH || 55||

sahasrakavacacchedI tapaHsAro narapriyaH |

vizvAnandapradaH karmasAkSI bhAratapUjitaH || 56||

anantAdbhutamAhAtmyo badarIsthAnabhUSaNam |

jitakAmo jitakrodho jitasaGgo jitendriyaH || 57||

urvazIprabhavaH svargasukhadAyI sthitipradaH |

amAnI mAnado goptA bhagavacchAstrabodhakaH || 58||

brahmAdivandyo haMsazrIrmAyAvaibhavakAraNam |

vividhAnantasargAtmA vizvapUraNatatparaH || 59||

yajJajIvanahetuzca yajJasvAmISTabodhakaH |

nAnAsiddhAntagamyazca saptatantuzca SaDguNaH || 60||

pratisargajagatkartA nAnAlIlAvizAradaH |

dhruvapriyo dhruvasvAmI cintitAdhikadAyakaH || 61||

durlabhAnantaphalado dayAnidhiramitrahA |

aGgasvAmI kRpAsAro vainyo bhUminiyAmakaH || 62||

bhUmidogdhA prajAprANapAlanaikaparAyaNaH |

yazodAtA jJAnadAtA sarvadharmapradarzakaH || 63||

puraJjano jaganmitraM visargAntapradarzakaH |

pracetasAM patizcitrabhaktiheturjanArdanaH || 64||

smRtihetubrahmabhAvasAyujyAdipradaH zubhaH |

vijayI |||||||||||||||||||| continued

sthAnalIlA

|||| sthitilIlAbdhiracyuto vijayapradaH || 65||

svasAmarthyaprado bhaktakIrtiheturadhokSajaH |

priyavratapriyasvAmI svecchAvAdavizAradaH || 66||

saGgyagamyaH svaprakAzaH sarvasaGgavivarjitaH |

icchAyAM ca samaryAdastyAgamAtropalambhanaH || 67||

acintyakAryakartA ca tarkAgocarakAryakRt |

za‍RGgArarasamaryAdA AgnIdhrarasabhAjanam || 68||

nAbhISTapUrakaH karmamaryAdAdarzanotsukaH |

sarvarUpo'dbhutatamo maryAdApuruSottamaH || 69||

sarvarUpeSu satyAtmA kAlasAkSI zaziprabhaH |

merudevIvrataphalamRSabho bhagalakSaNaH || 70||

jagatsantarpako megharUpI devendradarpahA |

jayantIpatiratyantapramANAzeSalaukikaH || 71||

zatadhAnyastabhUtAtmA zatAnando guNaprasUH |

vaiSNavotpAdanaparaH sarvadharmopadezakaH || 72||

parahaMsakriyAgoptA yogacaryApradarzakaH |

caturthAzramanirNetA sadAnandazarIravAn || 73||

pradarzitAnyadharmazca bharatasvAmyapArakRt |

yathAvatkarmakartA ca saGgAniSTapradarzakaH || 74||

AvazyakapunarjanmakarmamArgapradarzakaH |

yajJarUpamRgaH zAntaH sahiSNuH satparAkramaH || 75||

rahUgaNagatijJazca rahUgaNavimocakaH |

bhavATavItattvavaktA bahirmukhahite rataH || 76||

gayasvAmI sthAnavaMzakartA sthAnavibhedakRt |

puruSAvayavo bhUmivizeSavinirUpakaH || 77||

jambUdvIpapatirmerunAbhipadmaruhAzrayaH |

nAnAvibhUtilIlADhyo gaGgotpattinidAnakRt || 78||

gaGgAmAhAtmyahetuzca gaGgArUpo'tigUDhakRt |

vaikuNThadehahetvambujanmakRt sarvapAvanaH || 79||

zivasvAmI zivopAsyo gUDhaH saGkarSaNAtmakaH |

sthAnarakSArthamatsyAdirUpaH sarvaikapUjitaH || 80||

upAsyanAnArUpAtmA jyotIrUpo gatipradaH |

sUryanArAyaNo vedakAntirujjvalaveSadhRk || 81||

haMso'ntarikSagamanaH sarvaprasavakAraNam |

AnandakartA vasudo budho vAkpatirujjvalaH || 82||

kAlAtmA kAlakAlazca kAlacchedakRduttamaH |

zizumAraH sarvamUrtirAdhidaivikarUpadhRk || 83||

anantasukhabhogADhyo vivaraizvaryabhAjanam |

saGkarSaNo daityapatiH sarvAdhAro bRhadvapuH || 84||

anantanarakacchedI smRtimAtrArtinAzanaH |

sarvAnugrahakartA ca |||||||||||||||||||| continued

poSaNa-puSTi-lIlA

|||||||||||||||| maryAdAbhinnazAstrakRt || 85 ||

kAlAntakabhayacchedI nAmasAmarthyarUpadhRk |

uddhArAnarhagoptrAtmA nAmAdiprerakottamaH || 86||

ajAmilamahAduSTamocako'ghavimocakaH |

dharmavaktA'kliSTavaktA viSNudharmasvarUpadhRk || 87||

sanmArgaprerako dhartA tyAgaheturadhokSajaH |

vaikuNThapuranetA ca dAsasaMvRddhikArakaH || 88||

dakSaprasAdakRddhaMsaguhyastutivibhAvanaH |

svAbhiprAyapravaktA ca muktajIvaprasUtikRt || 89||

nAradapreraNAtmA ca haryazvabrahmabhAvanaH |

zabalAzvahito gUDhavAkyArthajJApanakSamaH || 90||

gUDhArthajJApanaH sarvamokSAnandapratiSThitaH |

puSTiprarohahetuzca dAsaikajJAtahRdgataH || 91||

zAntikartA suhitakRt strIprasUH sarvakAmadhuk |

puSTivaMzapraNetA ca vizvarUpeSTadevatA || 92||

kavacAtmA pAlanAtmA varmopacitikAraNam |

vizvarUpazirazchedI tvASTrayajJavinAzakaH || 93||

vRtrasvAmI vRtragamyo vRtravrataparAyaNaH |

vRtrakIrtirvRtramokSo maghavatprANarakSakaH || 94||

azvamedhahavirbhoktA devendrAmIvanAzakaH |

saMsAramocakazcitraketubodhanatatparaH || 95||

mantrasiddhiH siddhihetuH susiddhiphaladAyakaH |

mahAdevatiraskartA bhaktyai pUrvArthanAzakaH || 96||

devabrAhmaNavidveSavaimukhyajJApakaH zivaH |

Adityo daityarAjazca mahatpatiracintyakRt || 97||

marutAM bhedakastrAtA vratAtmA pumprasUtikRt |

UtilIlA

karmAtmA vAsanAtmA ca UtilIlAparAyaNaH || 98||

samadaityasuraH svAtmA vaiSamyajJAnasaMzrayaH |

dehAdyupAdhirahitaH sarvajJaH sarvahetuvid || 99||

brahmavAksthApanaparaH svajanmAvadhikAryakRt |

sadasadvAsanAhetustrisatyo bhaktamocakaH || 100||

hiraNyakazipudveSI praviSTAtmA'tibhISaNaH |

zAntijJAnAdihetuzca prahlAdotpattikAraNam || 101||

daityasiddhAntasadvaktA tapaHsAra udAradhIH |

daityahetuprakaTano bhakticihnaprakAzakaH || 102||

saddveSahetuH saddveSavAsanAtmA nirantaraH |

naiSThuryasImA prahlAdavatsalaH saGgadoSahA || 103||

mahAnubhAvaH sAkAraH sarvAkAraH pramANabhUH |

stambhaprasUtirnRharirnRsiMho bhImavikramaH || 104||

vikaTAsyo lalajjihvo nakhazastro javotkaTaH |

hiraNyakazipucchedI krUradaityanivArakaH || 105||

siMhAsanasthaH krodhAtmA lakSmIbhayavivardhanaH |

brahmAdyatyantabhayabhUrapUrvAcintyarUpadhRk || 106||

bhaktaikazAntahRdayo bhaktastutyaH stutipriyaH |

bhaktAGgalehanoddhUtakrodhapuGjaH prazAntadhIH || 107||

smRtimAtrabhayatrAtA brahmabuddhipradAyakaH |

gorUpadhAryamRtapAH zivakIrtivivardhanaH || 108||

dharmAtmA sarvakarmAtmA vizeSAtmA''zramaprabhuH |

saMsAramagnasvoddhartA sanmArgAkhilatattvavAk || 109||

AcArAtmA sadAcAraH |||||||||||||||||| continued

manvantaralIlA

||||||||||||||||||||manvantaravibhAvanaH |

smRtyA'zeSAzubhaharo gajendrasmRtikAraNam || 110||

jAtismaraNahetvaikapUjAbhaktisvarUpadaH |

yajJo bhayAnmanutrAtA vibhurbrahmavratAzrayaH || 111||

satyaseno duSTaghAtI harirgajavimocakaH |

vaikuNTho lokakartA ca ajito'mRtakAraNam || 112||

urukramo bhUmihartA sArvabhaumo balipriyaH |

vibhuH sarvahitaikAtmA viSvaksenaH zivapriyaH || 113||

dharmaseturlokadhRtiH sudhAmAntarapAlakaH |

upahartA yogapatirbRhadbhAnuH kriyApatiH || 114||

caturdazapramANAtmA dharmo manvAdibodhakaH |

lakSmIbhogaikanilayo devamantrapradAyakaH || 115||

daityavyAmohakaH sAkSAdgaruDaskandhasaMzrayaH |

lIlAmandaradhArI ca daityavAsukipUjitaH || 116||

samudronmathanAyatto'vighnakartA svavAkyakRt |

AdikUrmaH pavitrAtmA mandarAgharSaNotsukaH || 117||

zvAsaijadabdhivArvIciH kalpAntAvadhikAryakRt |

caturdazamahAratno lakSmIsaubhAgyavardhanaH || 118||

dhanvantariH sudhAhasto yajJabhoktA''rtinAzanaH |

AyurvedapraNetA ca devadaityAkhilArcitaH || 119||

buddhivyAmohako devakAryasAdhanatatparaH |

strIrUpo mAyayA vaktA daityAntaHkaraNapriyaH || 120||

pAyitAmRtadevAMzo yuddhahetusmRtipradaH |

sumAlimAlivadhakRnmAlyavatprANahArakaH || 121||

kAlanemizirazchedI daityayajJavinAzakaH |

indrasAmarthyadAtA ca daityazeSasthitipriyaH || 122||

zivavyAmohako mAyI bhRgumantrasvazaktidaH |

balijIvanakartA ca svargaheturvratArcitaH || 123||

adityAnandakartA ca kazyapAditisambhavaH |

upendra indrAvarajo vAmanabrahmarUpadhRk || 124||

brahmAdisevitavapuryajJapAvanatatparaH |

yAcJopadezakartA ca jJApitAzeSasaMsthitiH || 125||

satyArthaprerakaH sarvahartA garvavinAzakaH |

trivikramastrilokAtmA vizvamUrtiH pRthuzravAH || 126||

pAzabaddhabaliH sarvadaityapakSopamardakaH |

sutalasthApitabaliH svargAdhikasukhapradaH || 127||

karmasampUrtikartA ca svargasaMsthApitAmaraH |

jJAtatrividhadharmAtmA mahAmIno'bdhisaMzrayaH || 128||

satyavratapriyo goptA matsyamUrtidhRtazrutiH |

za‍RGgabaddhadhRtakSoNiH sarvArthajJApako guruH || 129||

IzAnukathAlIlA

IzasevakalIlAtmA sUryavaMzapravartakaH |

somavaMzodbhavakaro manuputragatipradaH || 130||

ambarISapriyaH sAdhurdurvAsogarvanAzakaH |

brahmazApopasaMhartA bhaktakIrtivivardhanaH || 131||

ikSvAkuvaMzajanakaH sagarAdyakhilArthadaH |

bhagIrathamahAyatno gaGgAdhautAGghripaGkajaH || 132||

brahmasvAmI zivasvAmI sagarAtmajamuktidaH |

khaTvAGgamokSahetuzca raghuvaMzavivardhanaH || 133||

raghunAtho rAmacandro rAmabhadro raghupriyaH |

anantakIrtiH puNyAtmA puNyazlokaikabhAskaraH || 134||

kozalendraH pramANAtmA sevyo dazarathAtmajaH |

lakSmaNo bharatazcaiva zatrughno vyUhavigrahaH || 135||

vizvAmitrapriyo dAntastADakAvadhamokSadaH |

vAyavyAstrAbdhinikSiptamArIcazca subAhuhA || 136||

vRSadhvajadhanurbhaGgaprAptasItAmahotsavaH |

sItApatirbhRgupatigarvaparvatanAzakaH || 137||

ayodhyAsthamahAbhogayuktalakSmIvinodavAn |

kaikeyIvAkyakartA ca pitRvAkparipAlakaH || 138||

vairAgyabodhako'nanyasAttvikasthAnabodhakaH |

ahalyAduHkhahArI ca guhasvAmI salakSmaNaH || 139||

citrakUTapriyasthAno daNDakAraNyapAvanaH |

zarabhaGgasutIkSNAdipUjito'gastyabhAgyabhUH || 140||

RSisamprArthitakRtirvirAdhavadhapaNDitaH |

chinnazUrpaNakhAnAsaH kharadUSaNaghAtakaH || 141||

ekabANahatAnekasahasrabalarAkSasaH |

mArIcaghAtI niyatasItAsambandhazobhitaH || 142||

sItAviyoganATyazca jaTAyurvadhamokSadaH |

zabarIpUjito bhaktahanumatpramukhAvRtaH || 143||

dundubhyasthipraharaNaH saptatAlavibhedanaH |

sugrIvarAjyado vAlighAtI sAgarazoSaNaH || 144||

setubandhanakartA ca vibhISaNahitapradaH |

rAvaNAdizirazchedI rAkSasAghaughanAzakaH || 145||

sItA'bhayapradAtA ca puSpakAgamanotsukaH |

ayodhyApatiratyantasarvalokasukhapradaH || 146||

mathurApuranirmAtA sukRtajJasvarUpadaH |

janakajJAnagamyazca ailAntaprakaTazrutiH || 147||

haihayAntakaro rAmo duSTakSatravinAzakaH |

somavaMzahitaikAtmA yaduvaMzavivardhanaH || 148||

nirodhalIlA

parabrahmAvataraNaH kezavaH klezanAzanaH |

bhUmibhArAvataraNo bhaktArthAkhilamAnasaH || 149||

sarvabhaktanirodhAtmA lIlAnantanirodhakRt |

bhUmiSThaparamAnando devakIzuddhikAraNam || 150||

vasudevajJAnaniSThasamajIvanivArakaH |

sarvavairAgyakaraNasvalIlAdhArazodhakaH || 151||

mAyAjJApanakartA ca zeSasambhArasambhRtiH |

bhaktaklezaparijJAtA tannivAraNatatparaH || 152||

AviSTavasudevAMzo devakIgarbhabhUSaNam |

pUrNatejomayaH pUrNaH kaMsAdhRSyapratApavAn || 153||

vivekajJAnadAtA ca brahmAdyakhilasaMstutaH |

satyo jagatkalpatarurnAnArUpavimohanaH || 154||

bhaktimArgapratiSThAtA vidvanmohapravartakaH |

mUlakAlaguNadraSTA nayanAnandabhAjanam || 155||

vasudevasukhAbdhizca devakInayanAmRtam |

pitRmAtRstutaH pUrvasarvavRttAntabodhakaH || 156||

gokulAgatilIlAptavasudevakarasthitiH |

sarvezatvaprakaTano mAyAvyatyayakArakaH || 157||

jJAnamohitaduSTezaH prapaJcAsmRtikAraNam |

yazodAnandano nandabhAgyabhUgokulotsavaH || 158||

nandapriyo nandasUnuryazodAyAH stanandhayaH |

pUtanAsupayaHpAtA mugdhabhAvAtisundaraH || 159||

sundarIhRdayAnando gopImantrAbhimantritaH |

gopAlAzcaryarasakRt zakaTAsurakhaNDanaH || 160||

nandavrajajanAnandI nandabhAgyamahodayaH |

tRNAvartavadhotsAho yazodAjJAnavigrahaH || 161||

balabhadrapriyaH kRSNaH saGkarSaNasahAyavAn |

rAmAnujo vAsudevo goSThAGgaNagatipriyaH || 162||

kiGkiNIravabhAvajJo vatsapucchAvalambanaH |

navanItapriyo gopImohasaMsAranAzakaH || 163||

gopabAlakabhAvajJazcauryavidyAvizAradaH |

mRtsnAbhakSaNalIlAsyamAhAtmyajJAnadAyakaH || 164||

dharAdroNaprItikartA dadhibhANDavibhedanaH |

dAmodaro bhaktavazyo yamalArjunabhaJjanaH || 165||

bRhadvanamahAzcaryo vRndAvanagatipriyaH |

vatsaghAtI bAlakelirbakAsuraniSUdanaH || 166||

araNyabhoktA'pyathavA bAlalIlAparAyaNaH |

protsAhajanakazcaivamaghAsuraniSUdanaH || 167||

vyAlamokSapradaH puSTo brahmamohapravardhanaH |

anantamUrtiH sarvAtmA jaGgamasthAvarAkRtiH || 168||

brahmamohanakartA ca stutya AtmA sadApriyaH |

paugaNDalIlAbhiratirgocAraNaparAyaNaH || 169||

vRndAvanalatAgulmavRkSarUpanirUpakaH |

nAdabrahmaprakaTano vayaHpratikRtisvanaH || 170||

barhinRtyAnukaraNo gopAlAnukRtisvanaH |

sadAcArapratiSThAtA balazramanirAkRtiH || 171||

tarumUlakRtAzeSatalpazAyI sakhistutaH |

gopAlasevitapadaH zrIlAlitapadAmbujaH || 172||

gopasamprArthitaphaladAnanAzitadhenukaH |

kAlIyaphaNimANikyaraJjitazrIpadAmbujaH || 173||

dRSTisaGjIvitAzeSagopagogopikApriyaH |

lIlAsampItadAvAgniH pralambavadhapaNDitaH || 174||

dAvAgnyAvRtagopAladRSTyAcchAdanavahnipaH |

varSAzaradvibhUtizrIrgopIkAmaprabodhakaH || 175||

gopIratnastutAzeSaveNuvAdyavizAradaH |

kAtyAyanIvratavyAjasarvabhAvAzritAGganaH || 176||

satsaGgatistutivyAjastutavRndAvanAGghripaH |

gopakSucchAntisaMvyAjaviprabhAryAprasAdakRt || 177||

hetuprAptendrayAgasvakAryagosavabodhakaH |

zailarUpakRtAzeSarasabhogasukhAvahaH || 178||

lIlAgovardhanoddhArapAlitasvavrajapriyaH |

gopasvacchandalIlArthagargavAkyArthabodhakaH || 179||

indradhenustutiprAptagovindendrAbhidhAnavAn |

vratAdidharmasaMsaktanandaklezavinAzakaH || 180||

nandAdigopamAtreSTavaikuNThagatidAyakaH |

veNuvAdasmarakSobhamattagopIvimuktidaH || 181||

sarvabhAvaprAptagopIsukhasaMvardhanakSamaH |

gopIgarvapraNAzArthatirodhAnasukhapradaH || 182||

kRSNabhAvavyAptavizvagopIbhAvitaveSadhRk |

rAdhAvizeSasambhogaprAptadoSanivArakaH || 183||

paramaprItisaGgItasarvAdbhutamahAguNaH |

mAnApanodanAkrandagopIdRSTimahotsavaH || 184||

gopikAvyAptasarvAGgaH strIsambhASAvizAradaH |

rAsotsavamahAsaukhyagopIsambhogasAgaraH || 185||

jalasthalarativyAptagopIdRSTyabhipUjitaH |

zAstrAnapekSakAmaikamuktidvAravivardhanaH || 186||

sudarzanamahAsarpagrastanandavimocakaH |

gItamohitagopIdhRkSaGkhacUDavinAzakaH || 187||

guNasaGgItasantuSTirgopIsaMsAravismRtiH |

ariSTamathano daityabuddhivyAmohakArakaH || 188||

kezighAtI nAradeSTo vyomAsuravinAzakaH |

akrUrabhaktisaMrAddhapAdareNumahAnidhiH || 189||

rathAvarohazuddhAtmA gopImAnasahArakaH |

hradasandarzitAzeSavaikuNThAkrUrasaMstutaH || 190||

mathurAgamanotsAho mathurAbhAgyabhAjanam |

mathurAnagarIzobhAdarzanotsukamAnasaH || 191||

duSTaraJjakaghAtI ca vAyakArcitavigrahaH |

vastramAlAsuzobhAGgaH kubjAlepanabhUSitaH || 192||

kubjAsurUpakartA ca kubjArativarapradaH |

prasAdarUpasantuSTaharakodaNDakhaNDanaH || 193||

zakalAhatakaMsAptadhanUrakSakasainikaH |

jAgratsvapnabhayavyAptamRtyulakSaNabodhakaH || 194||

mathurAmalla ojasvI mallayuddhavizAradaH |

sadyaH kuvalayApIDaghAtI cANUramardanaH || 195||

lIlAhatamahAmallaH zalatozalaghAtakaH |

kaMsAntako jitAmitro vasudevavimocakaH || 196||

jJAtatattvapitRjJAnamohanAmRtavAGmayaH |

ugrasenapratiSThAtA yAdavAdhivinAzakaH || 197||

nandAdisAntvanakaro brahmacaryavrate sthitaH |

guruzuzrUSaNaparo vidyApAramitezvaraH || 198||

sAndIpanimRtApatyadAtA kAlAntakAdijit |

gokulAzvAsanaparo yazodAnandapoSakaH || 199||

gopikAvirahavyAjamanogatiratipradaH |

samoddhavabhramaravAk gopikAmohanAzakaH || 200||

kubjAratiprado'krUrapavitrIkRtabhUgRhaH |

pRthAduHkhapraNetA ca pANDavAnAM sukhapradaH || 201||

dazamaskandhottarArdhanAmAni nirodhalIlA

jarAsandhasamAnItasainyaghAtI vicArakaH |

yavanavyAptamathurAjanadattakuzasthaliH || 202||

dvArakAdbhutanirmANavismApitasurAsuraH |

manuSyamAtrabhogArthabhUmyAnItendravaibhavaH || 203||

yavanavyAptamathurAnirgamAnandavigrahaH |

mucukundamahAbodhayavanaprANadarpahA || 204||

mucukundastutAzeSaguNakarmamahodayaH |

phalapradAnasantuSTirjanmAntaritamokSadaH || 205||

zivabrAhmaNavAkyAptajayabhItivibhAvanaH |

pravarSaNaprArthitAgnidAnapuNyamahotsavaH || 206||

rukmiNIramaNaH kAmapitA pradyumnabhAvanaH |

syamantakamaNivyAjaprAptajAmbavatIpatiH || 207||

satyabhAmAprANapatiH kAlindIrativardhanaH |

mitravindApatiH satyApatirvRSaniSUdanaH || 208||

bhadrAvAJchitabhartA ca lakSmaNAvaraNakSamaH |

indrAdiprArthitavadhanarakAsurasUdanaH || 209||

murAriH pIThahantA ca tAmrAdiprANahArakaH |

SoDazastrIsahasrezaH chatrakuNDaladAnakRt || 210||

pArijAtApaharaNo devendramadanAzakaH |

rukmiNIsamasarvastrIsAdhyabhogaratipradaH || 211||

rukmiNIparihAsoktivAktirodhAnakArakaH |

putrapautramahAbhAgyagRhadharmapravartakaH || 212||

zambarAntakasatputravivAhahatarukmikaH |

uSApahRtapautrazrIrbANabAhunivArakaH || 213||

zItajvarabhayavyAptajvarasaMstutaSaDguNaH |

zaGkarapratiyoddhA ca dvandvayuddhavizAradaH || 214||

nRgapApaprabhettA ca brahmasvaguNadoSadRk |

viSNubhaktivirodhaikabrahmasvavinivArakaH || 215||

balabhadrAhitaguNo gokulaprItidAyakaH |

gopIsnehaikanilayo gopIprANasthitipradaH || 216||

vAkyAtigAmiyamunAhalAkarSaNavaibhavaH |

pauNDrakatyAjitaspardhaH kAzIrAjavibhedanaH || 217||

kAzInidAhakaraNaH zivabhasmapradAyakaH |

dvividaprANaghAtI ca kauravAkharvagarvanut || 218||

lAGgalAkRSTanagarIsaMvignAkhilanAgaraH |

prapannAbhayadaH sAmbaprAptasanmAnabhAjanam || 219||

nAradAnviSTacaraNo bhaktavikSepanAzakaH |

sadAcAraikanilayaH sudharmAdhyAsitAsanaH || 220||

jarAsandhAvaruddhena vijJApitanijaklamaH |

mantryuddhavAdivAkyoktaprakAraikaparAyaNaH || 221||

rAjasUyAdimakhakRt samprArthitasahAyakRt |

indraprasthaprayANArthamahatsambhArasambhRtiH || 222||

jarAsandhavadhavyAjamocitAzeSabhUmipaH |

sanmArgabodhako yajJakSitivAraNatatparaH || 223||

zizupAlahativyAjajayazApavimocakaH |

duryodhanAbhimAnAbdhizoSabANavRkodaraH|| 224||

mahAdevavaraprAptapurazAlvavinAzakaH |

dantavaktravadhavyAjavijayAghaughanAzakaH || 225||

vidUrathaprANahartA nyastazastrAstravigrahaH |

upadharmaviliptAGgasUtaghAtI varapradaH || 226||

balvalaprANaharaNapAlitarSizrutikriyaH |

sarvatIrthAghanAzArthatIrthayAtrAvizAradaH || 227||

jJAnakriyAvibhedeSTaphalasAdhanatatparaH |

sArathyAdikriyAkartA bhaktavazyatvabodhakaH || 228||

sudAmAraGkabhAryArthabhUmyAnItendravaibhavaH |

ravigrahanimittAptakurukSetraikapAvanaH || 229||

nRpagopIsamastastrIpAvanArthAkhilakriyaH |

RSimArgapratiSThAtA vasudevamakhakriyaH || 230||

vasudevajJAnadAtA devakIputradAyakaH |

arjunastrIpradAtA ca bahulAzvasvarUpadaH || 231||

zrutadeveSTadAtA ca sarvazrutinirUpitaH |

mahAdevAdyatizreSTho bhaktilakSaNanirNayaH || 232||

vRkagrastazivatrAtA nAnAvAkyavizAradaH |

naragarvavinAzArthahRtabrAhmaNabAlakaH || 233||

lokAlokaparasthAnasthitabAlakadAyakaH |

dvArakAsthamahAbhoganAnAstrIrativardhanaH || 234||

manastirodhAnakRtavyagrastrIcittabhAvitaH |

muktilIlA

muktilIlAviharaNo mauzalavyAjasaMhRtiH || 235||

zrIbhAgavatadharmAdibodhako bhaktinItikRt |

uddhavajJAnadAtA ca paJcaviMzatidhA guruH || 236||

AcArabhaktimuktyAdivaktA zabdodbhavasthitiH |

haMso dharmapravaktA ca sanakAdyupadezakRt || 237||

bhaktisAdhanavaktA ca yogasiddhipradAyakaH |

nAnAvibhUtivaktA ca zuddhadharmAvabodhakaH || 238||

mArgatrayavibhedAtmA nAnAzaGkAnivArakaH |

bhikSugItApravaktA ca zuddhasAGkhyapravartakaH || 239||

manoguNavizeSAtmA jJApakoktapurUravAH |

pUjAvidhipravaktA ca sarvasiddhAntabodhakaH || 240||

laghusvamArgavaktA ca svasthAnagatibodhakaH |

yAdavAGgopasaMhartA sarvAzcaryagatikriyaH || 241||

AzrayalIlA

kAladharmavibhedArthavarNanAzanatatparaH |

buddho guptArthavaktA ca nAnAzAstravidhAyakaH || 242||

naSTadharmamanuSyAdilakSaNajJApanotsukaH |

AzrayaikagatijJAtA kalkiH kalimalApahaH || 243||

zAstravairAgyasambodho nAnApralayabodhakaH |

vizeSataH zukavyAjaparIkSijjJAnabodhakaH || 244||

zukeSTagatirUpAtmA parIkSiddehamokSadaH |

zabdarUpo nAdarUpo vedarUpo vibhedanaH || 245||

vyAsaH zAkhApravaktA ca purANArthapravartakaH |

mArkaNDeyaprasannAtmA vaTapatrapuTezayaH || 246||

mAyAvyAptamahAmohaduHkhazAntipravartakaH |

mahAdevasvarUpazca bhaktidAtA kRpAnidhiH || 247||

AdityAntargataH kAlaH dvAdazAtmA supUjitaH |

zrIbhAgavatarUpazca sarvArthaphaladAyakaH || 248||

itIdaM kIrtanIyasya harernAmasahasrakam |

paJcasaptativistIrNaM purANAntarabhASitam || 249||

ya etatprAtarutthAya zraddhAvAn susamAhitaH |

japedarthAhitamatiH sa govindapadaM labhet || 250||

sarvadharmavinirmuktaH sarvasAdhanavarjitaH |

etaddhAraNamAtreNa kRSNasya padavIM vrajet || 251||

haryAvezitacittena zrIbhAgavatasAgarAt |

samuddhRtAni nAmAni cintAmaNinibhAni hi || 252||

kaNThasthitAnyarthadIptyA bAdhante'jJAnajaM tamaH |

bhaktiM zrIkRSNadevasya sAdhayanti vinizcitam || 253||

kimbahUktena bhagavAn nAmabhiH stutaSaDguNaH |

AtmabhAvaM nayatyAzu bhaktiM ca kurute dRDhAm || 254||

yaH kRSNabhaktimiha vAJchati sAdhanaughair-

nAmAni bhAsurayazAMsi japetsa nityam |

taM vai hariH svapuruSaM kurute'tizIghram-

AtmArpaNaM samadhigacchati bhAvatuSTaH || 255||

zrIkRSNa kRSNasakha vRSNivRSAvanidhrug-

rAjanyavaMzadahanAnapavargavIrya |

govinda gopavanitAvrajabhRtyagIta

tIrthazravaH zravaNamaGgala pAhi bhRtyAn || 256||

|| iti zrIbhAgavatasArasamuccaye vaizvAnaroktaM

zrIvallabhAcAryaviracitaM

zrIpuruSottamasahasranAmastotraM sampUrNam ||