ଶ୍ରୀ ଲଲିତା ସହସ୍ର ନାମ ସ୍ତୋତ୍ରମ୍

ଓମ୍ ॥

ଅସ୍ଯ ଶ୍ରୀ ଲଲିତା ଦିଵ୍ଯ ସହସ୍ରନାମ ସ୍ତୋତ୍ର ମହାମନ୍ତ୍ରସ୍ଯ, ଵଶିନ୍ଯାଦି ଵାଗ୍ଦେଵତା ଋଷଯଃ, ଅନୁଷ୍ଟୁପ୍ ଛନ୍ଦଃ, ଶ୍ରୀ ଲଲିତା ପରାଭଟ୍ଟାରିକା ମହା ତ୍ରିପୁର ସୁନ୍ଦରୀ ଦେଵତା, ଐଂ ବୀଜଂ, କ୍ଲୀଂ ଶକ୍ତିଃ, ସୌଃ କୀଲକଂ, ମମ ଧର୍ମାର୍ଥ କାମ ମୋକ୍ଷ ଚତୁର୍ଵିଧ ଫଲପୁରୁଷାର୍ଥ ସିଦ୍ଧ୍ଯର୍ଥେ ଲଲିତା ତ୍ରିପୁରସୁନ୍ଦରୀ ପରାଭଟ୍ଟାରିକା ସହସ୍ର ନାମ ଜପେ ଵିନିଯୋଗଃ

କରନ୍ଯାସଃ

ଐଂ ଅଙ୍ଗୁଷ୍ଟାଭ୍ଯାଂ ନମଃ, କ୍ଲୀଂ ତର୍ଜନୀଭ୍ଯାଂ ନମଃ, ସୌଃ ମଧ୍ଯମାଭ୍ଯାଂ ନମଃ, ସୌଃ ଅନାମିକାଭ୍ଯାଂ ନମଃ, କ୍ଲୀଂ କନିଷ୍ଠିକାଭ୍ଯାଂ ନମଃ, ଐଂ କରତଲ କରପୃଷ୍ଠାଭ୍ଯାଂ ନମଃ

ଅଙ୍ଗନ୍ଯାସଃ

ଐଂ ହୃଦଯାଯ ନମଃ, କ୍ଲୀଂ ଶିରସେ ସ୍ଵାହା, ସୌଃ ଶିଖାଯୈ ଵଷଟ୍, ସୌଃ କଵଚାଯ ହୁଂ, କ୍ଲୀଂ ନେତ୍ରତ୍ରଯାଯ ଵୌଷଟ୍, ଐଂ ଅସ୍ତ୍ରାଯଫଟ୍, ଭୂର୍ଭୁଵସ୍ସୁଵରୋମିତି ଦିଗ୍ବନ୍ଧଃ

ଧ୍ଯାନଂ

ଅରୁଣାଂ କରୁଣା ତରଙ୍ଗିତାକ୍ଷୀଂ ଧୃତପାଶାଙ୍କୁଶ ପୁଷ୍ପବାଣଚାପାମ୍ ।

ଅଣିମାଦିଭି ରାଵୃତାଂ ମଯୂଖୈଃ ଅହମିତ୍ଯେଵ ଵିଭାଵଯେ ଭଵାନୀମ୍ ॥ 1 ॥

ଧ୍ଯାଯେତ୍ ପଦ୍ମାସନସ୍ଥାଂ ଵିକସିତଵଦନାଂ ପଦ୍ମ ପତ୍ରାଯତାକ୍ଷୀଂ

ହେମାଭାଂ ପୀତଵସ୍ତ୍ରାଂ କରକଲିତ ଲସମଦ୍ଧେମପଦ୍ମାଂ ଵରାଙ୍ଗୀମ୍ ।

ସର୍ଵାଲଙ୍କାରଯୁକ୍ତାଂ ସକଲମଭଯଦାଂ ଭକ୍ତନମ୍ରାଂ ଭଵାନୀଂ

ଶ୍ରୀ ଵିଦ୍ଯାଂ ଶାନ୍ତମୂର୍ତିଂ ସକଲ ସୁରସୁତାଂ ସର୍ଵସମ୍ପତ୍-ପ୍ରଦାତ୍ରୀମ୍ ॥ 2 ॥

ସକୁଙ୍କୁମ ଵିଲେପନା ମଲିକଚୁମ୍ବି କସ୍ତୂରିକାଂ

ସମନ୍ଦ ହସିତେକ୍ଷଣାଂ ସଶରଚାପ ପାଶାଙ୍କୁଶାମ୍ ।

ଅଶେଷ ଜନମୋହିନୀ ମରୁଣମାଲ୍ଯ ଭୂଷୋଜ୍ଜ୍ଵଲାଂ

ଜପାକୁସୁମ ଭାସୁରାଂ ଜପଵିଧୌ ସ୍ମରେ ଦମ୍ବିକାମ୍ ॥ 3 ॥

ସିନ୍ଧୂରାରୁଣ ଵିଗ୍ରହାଂ ତ୍ରିଣଯନାଂ ମାଣିକ୍ଯ ମୌଲିସ୍ଫୁର-

ତ୍ତାରାନାଯକ ଶେଖରାଂ ସ୍ମିତମୁଖୀ ମାପୀନ ଵକ୍ଷୋରୁହାମ୍ ।

ପାଣିଭ୍ଯା ମଲିପୂର୍ଣ ରତ୍ନ ଚଷକଂ ରକ୍ତୋତ୍ପଲଂ ବିଭ୍ରତୀଂ

ସୌମ୍ଯାଂ ରତ୍ନଘଟସ୍ଥ ରକ୍ତ ଚରଣାଂ ଧ୍ଯାଯେତ୍ପରାମମ୍ବିକାମ୍ ॥ 4 ॥

ଲମିତ୍ଯାଦି ପଞ୍ଚପୂଜାଂ ଵିଭାଵଯେତ୍

ଲଂ ପୃଥିଵୀ ତତ୍ତ୍ଵାତ୍ମିକାଯୈ ଶ୍ରୀ ଲଲିତାଦେଵ୍ଯୈ ଗନ୍ଧଂ ପରିକଲ୍ପଯାମି

ହଂ ଆକାଶ ତତ୍ତ୍ଵାତ୍ମିକାଯୈ ଶ୍ରୀ ଲଲିତାଦେଵ୍ଯୈ ପୁଷ୍ପଂ ପରିକଲ୍ପଯାମି

ଯଂ ଵାଯୁ ତତ୍ତ୍ଵାତ୍ମିକାଯୈ ଶ୍ରୀ ଲଲିତାଦେଵ୍ଯୈ ଧୂପଂ ପରିକଲ୍ପଯାମି

ରଂ ଵହ୍ନି ତତ୍ତ୍ଵାତ୍ମିକାଯୈ ଶ୍ରୀ ଲଲିତାଦେଵ୍ଯୈ ଦୀପଂ ପରିକଲ୍ପଯାମି

ଵଂ ଅମୃତ ତତ୍ତ୍ଵାତ୍ମିକାଯୈ ଶ୍ରୀ ଲଲିତାଦେଵ୍ଯୈ ଅମୃତ ନୈଵେଦ୍ଯଂ ପରିକଲ୍ପଯାମି

ସଂ ସର୍ଵ ତତ୍ତ୍ଵାତ୍ମିକାଯୈ ଶ୍ରୀ ଲଲିତାଦେଵ୍ଯୈ ତାମ୍ବୂଲାଦି ସର୍ଵୋପଚାରାନ୍ ପରିକଲ୍ପଯାମି

ଗୁରୁର୍ବ୍ରହ୍ମ ଗୁରୁର୍ଵିଷ୍ଣୁଃ ଗୁରୁର୍ଦେଵୋ ମହେଶ୍ଵରଃ ।

ଗୁରୁସ୍ସାକ୍ଷାତ୍ ପରବ୍ରହ୍ମ ତସ୍ମୈ ଶ୍ରୀ ଗୁରଵେ ନମଃ ॥

ହରିଃ ଓଁ

ଶ୍ରୀ ମାତା, ଶ୍ରୀ ମହାରାଜ୍ଞୀ, ଶ୍ରୀମତ୍-ସିଂହାସନେଶ୍ଵରୀ ।

ଚିଦଗ୍ନି କୁଣ୍ଡସମ୍ଭୂତା, ଦେଵକାର୍ଯସମୁଦ୍ଯତା ॥ 1 ॥

ଉଦ୍ଯଦ୍ଭାନୁ ସହସ୍ରାଭା, ଚତୁର୍ବାହୁ ସମନ୍ଵିତା ।

ରାଗସ୍ଵରୂପ ପାଶାଢ୍ଯା, କ୍ରୋଧାକାରାଙ୍କୁଶୋଜ୍ଜ୍ଵଲା ॥ 2 ॥

ମନୋରୂପେକ୍ଷୁକୋଦଣ୍ଡା, ପଞ୍ଚତନ୍ମାତ୍ର ସାଯକା ।

ନିଜାରୁଣ ପ୍ରଭାପୂର ମଜ୍ଜଦ୍-ବ୍ରହ୍ମାଣ୍ଡମଣ୍ଡଲା ॥ 3 ॥

ଚମ୍ପକାଶୋକ ପୁନ୍ନାଗ ସୌଗନ୍ଧିକ ଲସତ୍କଚା

କୁରୁଵିନ୍ଦ ମଣିଶ୍ରେଣୀ କନତ୍କୋଟୀର ମଣ୍ଡିତା ॥ 4 ॥

ଅଷ୍ଟମୀ ଚନ୍ଦ୍ର ଵିଭ୍ରାଜ ଦଲିକସ୍ଥଲ ଶୋଭିତା ।

ମୁଖଚନ୍ଦ୍ର କଲଙ୍କାଭ ମୃଗନାଭି ଵିଶେଷକା ॥ 5 ॥

ଵଦନସ୍ମର ମାଙ୍ଗଲ୍ଯ ଗୃହତୋରଣ ଚିଲ୍ଲିକା ।

ଵକ୍ତ୍ରଲକ୍ଷ୍ମୀ ପରୀଵାହ ଚଲନ୍ମୀନାଭ ଲୋଚନା ॥ 6 ॥

ନଵଚମ୍ପକ ପୁଷ୍ପାଭ ନାସାଦଣ୍ଡ ଵିରାଜିତା ।

ତାରାକାନ୍ତି ତିରସ୍କାରି ନାସାଭରଣ ଭାସୁରା ॥ 7 ॥

କଦମ୍ବ ମଞ୍ଜରୀକୢପ୍ତ କର୍ଣପୂର ମନୋହରା ।

ତାଟଙ୍କ ଯୁଗଲୀଭୂତ ତପନୋଡୁପ ମଣ୍ଡଲା ॥ 8 ॥

ପଦ୍ମରାଗ ଶିଲାଦର୍ଶ ପରିଭାଵି କପୋଲଭୂଃ ।

ନଵଵିଦ୍ରୁମ ବିମ୍ବଶ୍ରୀଃ ନ୍ଯକ୍କାରି ରଦନଚ୍ଛଦା ॥ 9 ॥

ଶୁଦ୍ଧ ଵିଦ୍ଯାଙ୍କୁରାକାର ଦ୍ଵିଜପଙ୍କ୍ତି ଦ୍ଵଯୋଜ୍ଜ୍ଵଲା ।

କର୍ପୂରଵୀଟି କାମୋଦ ସମାକର୍ଷଦ୍ଦିଗନ୍ତରା ॥ 10 ॥

ନିଜସଲ୍ଲାପ ମାଧୁର୍ଯ ଵିନିର୍ଭତ୍ସିତ କଚ୍ଛପୀ ।

ମନ୍ଦସ୍ମିତ ପ୍ରଭାପୂର ମଜ୍ଜତ୍-କାମେଶ ମାନସା ॥ 11 ॥

ଅନାକଲିତ ସାଦୃଶ୍ଯ ଚୁବୁକ ଶ୍ରୀ ଵିରାଜିତା ।

କାମେଶବଦ୍ଧ ମାଙ୍ଗଲ୍ଯ ସୂତ୍ରଶୋଭିତ କନ୍ଥରା ॥ 12 ॥

କନକାଙ୍ଗଦ କେଯୂର କମନୀଯ ଭୁଜାନ୍ଵିତା ।

ରତ୍ନଗ୍ରୈଵେଯ ଚିନ୍ତାକ ଲୋଲମୁକ୍ତା ଫଲାନ୍ଵିତା ॥ 13 ॥

କାମେଶ୍ଵର ପ୍ରେମରତ୍ନ ମଣି ପ୍ରତିପଣସ୍ତନୀ।

ନାଭ୍ଯାଲଵାଲ ରୋମାଲି ଲତାଫଲ କୁଚଦ୍ଵଯୀ ॥ 14 ॥

ଲକ୍ଷ୍ଯରୋମଲତା ଧାରତା ସମୁନ୍ନେଯ ମଧ୍ଯମା ।

ସ୍ତନଭାର ଦଲନ୍-ମଧ୍ଯ ପଟ୍ଟବନ୍ଧ ଵଲିତ୍ରଯା ॥ 15 ॥

ଅରୁଣାରୁଣ କୌସୁମ୍ଭ ଵସ୍ତ୍ର ଭାସ୍ଵତ୍-କଟୀତଟୀ ।

ରତ୍ନକିଙ୍କିଣି କାରମ୍ଯ ରଶନାଦାମ ଭୂଷିତା ॥ 16 ॥

କାମେଶ ଜ୍ଞାତ ସୌଭାଗ୍ଯ ମାର୍ଦଵୋରୁ ଦ୍ଵଯାନ୍ଵିତା ।

ମାଣିକ୍ଯ ମକୁଟାକାର ଜାନୁଦ୍ଵଯ ଵିରାଜିତା ॥ 17 ॥

ଇନ୍ଦ୍ରଗୋପ ପରିକ୍ଷିପ୍ତ ସ୍ମର ତୂଣାଭ ଜଙ୍ଘିକା ।

ଗୂଢଗୁଲ୍ଭା କୂର୍ମପୃଷ୍ଠ ଜଯିଷ୍ଣୁ ପ୍ରପଦାନ୍ଵିତା ॥ 18 ॥

ନଖଦୀଧିତି ସଞ୍ଛନ୍ନ ନମଜ୍ଜନ ତମୋଗୁଣା ।

ପଦଦ୍ଵଯ ପ୍ରଭାଜାଲ ପରାକୃତ ସରୋରୁହା ॥ 19 ॥

ଶିଞ୍ଜାନ ମଣିମଞ୍ଜୀର ମଣ୍ଡିତ ଶ୍ରୀ ପଦାମ୍ବୁଜା ।

ମରାଲୀ ମନ୍ଦଗମନା, ମହାଲାଵଣ୍ଯ ଶେଵଧିଃ ॥ 20 ॥

ସର୍ଵାରୁଣାଽନଵଦ୍ଯାଙ୍ଗୀ ସର୍ଵାଭରଣ ଭୂଷିତା ।

ଶିଵକାମେଶ୍ଵରାଙ୍କସ୍ଥା, ଶିଵା, ସ୍ଵାଧୀନ ଵଲ୍ଲଭା ॥ 21 ॥

ସୁମେରୁ ମଧ୍ଯଶୃଙ୍ଗସ୍ଥା, ଶ୍ରୀମନ୍ନଗର ନାଯିକା ।

ଚିନ୍ତାମଣି ଗୃହାନ୍ତସ୍ଥା, ପଞ୍ଚବ୍ରହ୍ମାସନସ୍ଥିତା ॥ 22 ॥

ମହାପଦ୍ମାଟଵୀ ସଂସ୍ଥା, କଦମ୍ବ ଵନଵାସିନୀ ।

ସୁଧାସାଗର ମଧ୍ଯସ୍ଥା, କାମାକ୍ଷୀ କାମଦାଯିନୀ ॥ 23 ॥

ଦେଵର୍ଷି ଗଣସଙ୍ଘାତ ସ୍ତୂଯମାନାତ୍ମ ଵୈଭଵା ।

ଭଣ୍ଡାସୁର ଵଧୋଦ୍ଯୁକ୍ତ ଶକ୍ତିସେନା ସମନ୍ଵିତା ॥ 24 ॥

ସମ୍ପତ୍କରୀ ସମାରୂଢ ସିନ୍ଧୁର ଵ୍ରଜସେଵିତା ।

ଅଶ୍ଵାରୂଢାଧିଷ୍ଠିତାଶ୍ଵ କୋଟିକୋଟି ଭିରାଵୃତା ॥ 25 ॥

ଚକ୍ରରାଜ ରଥାରୂଢ ସର୍ଵାଯୁଧ ପରିଷ୍କୃତା ।

ଗେଯଚକ୍ର ରଥାରୂଢ ମନ୍ତ୍ରିଣୀ ପରିସେଵିତା ॥ 26 ॥

କିରିଚକ୍ର ରଥାରୂଢ ଦଣ୍ଡନାଥା ପୁରସ୍କୃତା ।

ଜ୍ଵାଲାମାଲିନି କାକ୍ଷିପ୍ତ ଵହ୍ନିପ୍ରାକାର ମଧ୍ଯଗା ॥ 27 ॥

ଭଣ୍ଡସୈନ୍ଯ ଵଧୋଦ୍ଯୁକ୍ତ ଶକ୍ତି ଵିକ୍ରମହର୍ଷିତା ।

ନିତ୍ଯା ପରାକ୍ରମାଟୋପ ନିରୀକ୍ଷଣ ସମୁତ୍ସୁକା ॥ 28 ॥

ଭଣ୍ଡପୁତ୍ର ଵଧୋଦ୍ଯୁକ୍ତ ବାଲାଵିକ୍ରମ ନନ୍ଦିତା ।

ମନ୍ତ୍ରିଣ୍ଯମ୍ବା ଵିରଚିତ ଵିଷଙ୍ଗ ଵଧତୋଷିତା ॥ 29 ॥

ଵିଶୁକ୍ର ପ୍ରାଣହରଣ ଵାରାହୀ ଵୀର୍ଯନନ୍ଦିତା ।

କାମେଶ୍ଵର ମୁଖାଲୋକ କଲ୍ପିତ ଶ୍ରୀ ଗଣେଶ୍ଵରା ॥ 30 ॥

ମହାଗଣେଶ ନିର୍ଭିନ୍ନ ଵିଘ୍ନଯନ୍ତ୍ର ପ୍ରହର୍ଷିତା ।

ଭଣ୍ଡାସୁରେନ୍ଦ୍ର ନିର୍ମୁକ୍ତ ଶସ୍ତ୍ର ପ୍ରତ୍ଯସ୍ତ୍ର ଵର୍ଷିଣୀ ॥ 31 ॥

କରାଙ୍ଗୁଲି ନଖୋତ୍ପନ୍ନ ନାରାଯଣ ଦଶାକୃତିଃ ।

ମହାପାଶୁପତାସ୍ତ୍ରାଗ୍ନି ନିର୍ଦଗ୍ଧାସୁର ସୈନିକା ॥ 32 ॥

କାମେଶ୍ଵରାସ୍ତ୍ର ନିର୍ଦଗ୍ଧ ସଭଣ୍ଡାସୁର ଶୂନ୍ଯକା ।

ବ୍ରହ୍ମୋପେନ୍ଦ୍ର ମହେନ୍ଦ୍ରାଦି ଦେଵସଂସ୍ତୁତ ଵୈଭଵା ॥ 33 ॥

ହରନେତ୍ରାଗ୍ନି ସନ୍ଦଗ୍ଧ କାମ ସଞ୍ଜୀଵନୌଷଧିଃ ।

ଶ୍ରୀମଦ୍ଵାଗ୍ଭଵ କୂଟୈକ ସ୍ଵରୂପ ମୁଖପଙ୍କଜା ॥ 34 ॥

କଣ୍ଠାଧଃ କଟିପର୍ଯନ୍ତ ମଧ୍ଯକୂଟ ସ୍ଵରୂପିଣୀ ।

ଶକ୍ତିକୂଟୈକ ତାପନ୍ନ କଟ୍ଯଥୋଭାଗ ଧାରିଣୀ ॥ 35 ॥

ମୂଲମନ୍ତ୍ରାତ୍ମିକା, ମୂଲକୂଟ ତ୍ରଯ କଲେବରା ।

କୁଲାମୃତୈକ ରସିକା, କୁଲସଙ୍କେତ ପାଲିନୀ ॥ 36 ॥

କୁଲାଙ୍ଗନା, କୁଲାନ୍ତଃସ୍ଥା, କୌଲିନୀ, କୁଲଯୋଗିନୀ ।

ଅକୁଲା, ସମଯାନ୍ତଃସ୍ଥା, ସମଯାଚାର ତତ୍ପରା ॥ 37 ॥

ମୂଲାଧାରୈକ ନିଲଯା, ବ୍ରହ୍ମଗ୍ରନ୍ଥି ଵିଭେଦିନୀ ।

ମଣିପୂରାନ୍ତ ରୁଦିତା, ଵିଷ୍ଣୁଗ୍ରନ୍ଥି ଵିଭେଦିନୀ ॥ 38 ॥

ଆଜ୍ଞା ଚକ୍ରାନ୍ତରାଲସ୍ଥା, ରୁଦ୍ରଗ୍ରନ୍ଥି ଵିଭେଦିନୀ ।

ସହସ୍ରାରାମ୍ବୁଜା ରୂଢା, ସୁଧାସାରାଭି ଵର୍ଷିଣୀ ॥ 39 ॥

ତଟିଲ୍ଲତା ସମରୁଚିଃ, ଷଟ୍-ଚକ୍ରୋପରି ସଂସ୍ଥିତା ।

ମହାଶକ୍ତିଃ, କୁଣ୍ଡଲିନୀ, ବିସତନ୍ତୁ ତନୀଯସୀ ॥ 40 ॥

ଭଵାନୀ, ଭାଵନାଗମ୍ଯା, ଭଵାରଣ୍ଯ କୁଠାରିକା ।

ଭଦ୍ରପ୍ରିଯା, ଭଦ୍ରମୂର୍ତି, ର୍ଭକ୍ତସୌଭାଗ୍ଯ ଦାଯିନୀ ॥ 41 ॥

ଭକ୍ତିପ୍ରିଯା, ଭକ୍ତିଗମ୍ଯା, ଭକ୍ତିଵଶ୍ଯା, ଭଯାପହା ।

ଶାମ୍ଭଵୀ, ଶାରଦାରାଧ୍ଯା, ଶର୍ଵାଣୀ, ଶର୍ମଦାଯିନୀ ॥ 42 ॥

ଶାଙ୍କରୀ, ଶ୍ରୀକରୀ, ସାଧ୍ଵୀ, ଶରଚ୍ଚନ୍ଦ୍ରନିଭାନନା ।

ଶାତୋଦରୀ, ଶାନ୍ତିମତୀ, ନିରାଧାରା, ନିରଞ୍ଜନା ॥ 43 ॥

ନିର୍ଲେପା, ନିର୍ମଲା, ନିତ୍ଯା, ନିରାକାରା, ନିରାକୁଲା ।

ନିର୍ଗୁଣା, ନିଷ୍କଲା, ଶାନ୍ତା, ନିଷ୍କାମା, ନିରୁପପ୍ଲଵା ॥ 44 ॥

ନିତ୍ଯମୁକ୍ତା, ନିର୍ଵିକାରା, ନିଷ୍ପ୍ରପଞ୍ଚା, ନିରାଶ୍ରଯା ।

ନିତ୍ଯଶୁଦ୍ଧା, ନିତ୍ଯବୁଦ୍ଧା, ନିରଵଦ୍ଯା, ନିରନ୍ତରା ॥ 45 ॥

ନିଷ୍କାରଣା, ନିଷ୍କଲଙ୍କା, ନିରୁପାଧି, ର୍ନିରୀଶ୍ଵରା ।

ନୀରାଗା, ରାଗମଥନୀ, ନିର୍ମଦା, ମଦନାଶିନୀ ॥ 46 ॥

ନିଶ୍ଚିନ୍ତା, ନିରହଙ୍କାରା, ନିର୍ମୋହା, ମୋହନାଶିନୀ ।

ନିର୍ମମା, ମମତାହନ୍ତ୍ରୀ, ନିଷ୍ପାପା, ପାପନାଶିନୀ ॥ 47 ॥

ନିଷ୍କ୍ରୋଧା, କ୍ରୋଧଶମନୀ, ନିର୍ଲୋଭା, ଲୋଭନାଶିନୀ ।

ନିଃସଂଶଯା, ସଂଶଯଘ୍ନୀ, ନିର୍ଭଵା, ଭଵନାଶିନୀ ॥ 48 ॥

ନିର୍ଵିକଲ୍ପା, ନିରାବାଧା, ନିର୍ଭେଦା, ଭେଦନାଶିନୀ ।

ନିର୍ନାଶା, ମୃତ୍ଯୁମଥନୀ, ନିଷ୍କ୍ରିଯା, ନିଷ୍ପରିଗ୍ରହା ॥ 49 ॥

ନିସ୍ତୁଲା, ନୀଲଚିକୁରା, ନିରପାଯା, ନିରତ୍ଯଯା ।

ଦୁର୍ଲଭା, ଦୁର୍ଗମା, ଦୁର୍ଗା, ଦୁଃଖହନ୍ତ୍ରୀ, ସୁଖପ୍ରଦା ॥ 50 ॥

ଦୁଷ୍ଟଦୂରା, ଦୁରାଚାର ଶମନୀ, ଦୋଷଵର୍ଜିତା ।

ସର୍ଵଜ୍ଞା, ସାନ୍ଦ୍ରକରୁଣା, ସମାନାଧିକଵର୍ଜିତା ॥ 51 ॥

ସର୍ଵଶକ୍ତିମଯୀ, ସର୍ଵମଙ୍ଗଲା, ସଦ୍ଗତିପ୍ରଦା ।

ସର୍ଵେଶ୍ଵରୀ, ସର୍ଵମଯୀ, ସର୍ଵମନ୍ତ୍ର ସ୍ଵରୂପିଣୀ ॥ 52 ॥

ସର୍ଵଯନ୍ତ୍ରାତ୍ମିକା, ସର୍ଵତନ୍ତ୍ରରୂପା, ମନୋନ୍ମନୀ ।

ମାହେଶ୍ଵରୀ, ମହାଦେଵୀ, ମହାଲକ୍ଷ୍ମୀ, ର୍ମୃଡପ୍ରିଯା ॥ 53 ॥

ମହାରୂପା, ମହାପୂଜ୍ଯା, ମହାପାତକ ନାଶିନୀ ।

ମହାମାଯା, ମହାସତ୍ତ୍ଵା, ମହାଶକ୍ତି ର୍ମହାରତିଃ ॥ 54 ॥

ମହାଭୋଗା, ମହୈଶ୍ଵର୍ଯା, ମହାଵୀର୍ଯା, ମହାବଲା ।

ମହାବୁଦ୍ଧି, ର୍ମହାସିଦ୍ଧି, ର୍ମହାଯୋଗେଶ୍ଵରେଶ୍ଵରୀ ॥ 55 ॥

ମହାତନ୍ତ୍ରା, ମହାମନ୍ତ୍ରା, ମହାଯନ୍ତ୍ରା, ମହାସନା ।

ମହାଯାଗ କ୍ରମାରାଧ୍ଯା, ମହାଭୈରଵ ପୂଜିତା ॥ 56 ॥

ମହେଶ୍ଵର ମହାକଲ୍ପ ମହାତାଣ୍ଡଵ ସାକ୍ଷିଣୀ ।

ମହାକାମେଶ ମହିଷୀ, ମହାତ୍ରିପୁର ସୁନ୍ଦରୀ ॥ 57 ॥

ଚତୁଃଷଷ୍ଟ୍ଯୁପଚାରାଢ୍ଯା, ଚତୁଷ୍ଷଷ୍ଟି କଲାମଯୀ ।

ମହା ଚତୁଷ୍ଷଷ୍ଟି କୋଟି ଯୋଗିନୀ ଗଣସେଵିତା ॥ 58 ॥

ମନୁଵିଦ୍ଯା, ଚନ୍ଦ୍ରଵିଦ୍ଯା, ଚନ୍ଦ୍ରମଣ୍ଡଲମଧ୍ଯଗା ।

ଚାରୁରୂପା, ଚାରୁହାସା, ଚାରୁଚନ୍ଦ୍ର କଲାଧରା ॥ 59 ॥

ଚରାଚର ଜଗନ୍ନାଥା, ଚକ୍ରରାଜ ନିକେତନା ।

ପାର୍ଵତୀ, ପଦ୍ମନଯନା, ପଦ୍ମରାଗ ସମପ୍ରଭା ॥ 60 ॥

ପଞ୍ଚପ୍ରେତାସନାସୀନା, ପଞ୍ଚବ୍ରହ୍ମ ସ୍ଵରୂପିଣୀ ।

ଚିନ୍ମଯୀ, ପରମାନନ୍ଦା, ଵିଜ୍ଞାନ ଘନରୂପିଣୀ ॥ 61 ॥

ଧ୍ଯାନଧ୍ଯାତୃ ଧ୍ଯେଯରୂପା, ଧର୍ମାଧର୍ମ ଵିଵର୍ଜିତା ।

ଵିଶ୍ଵରୂପା, ଜାଗରିଣୀ, ସ୍ଵପନ୍ତୀ, ତୈଜସାତ୍ମିକା ॥ 62 ॥

ସୁପ୍ତା, ପ୍ରାଜ୍ଞାତ୍ମିକା, ତୁର୍ଯା, ସର୍ଵାଵସ୍ଥା ଵିଵର୍ଜିତା ।

ସୃଷ୍ଟିକର୍ତ୍ରୀ, ବ୍ରହ୍ମରୂପା, ଗୋପ୍ତ୍ରୀ, ଗୋଵିନ୍ଦରୂପିଣୀ ॥ 63 ॥

ସଂହାରିଣୀ, ରୁଦ୍ରରୂପା, ତିରୋଧାନକରୀଶ୍ଵରୀ ।

ସଦାଶିଵାନୁଗ୍ରହଦା, ପଞ୍ଚକୃତ୍ଯ ପରାଯଣା ॥ 64 ॥

ଭାନୁମଣ୍ଡଲ ମଧ୍ଯସ୍ଥା, ଭୈରଵୀ, ଭଗମାଲିନୀ ।

ପଦ୍ମାସନା, ଭଗଵତୀ, ପଦ୍ମନାଭ ସହୋଦରୀ ॥ 65 ॥

ଉନ୍ମେଷ ନିମିଷୋତ୍ପନ୍ନ ଵିପନ୍ନ ଭୁଵନାଵଲିଃ ।

ସହସ୍ରଶୀର୍ଷଵଦନା, ସହସ୍ରାକ୍ଷୀ, ସହସ୍ରପାତ୍ ॥ 66 ॥

ଆବ୍ରହ୍ମ କୀଟଜନନୀ, ଵର୍ଣାଶ୍ରମ ଵିଧାଯିନୀ ।

ନିଜାଜ୍ଞାରୂପନିଗମା, ପୁଣ୍ଯାପୁଣ୍ଯ ଫଲପ୍ରଦା ॥ 67 ॥

ଶ୍ରୁତି ସୀମନ୍ତ ସିନ୍ଧୂରୀକୃତ ପାଦାବ୍ଜଧୂଲିକା ।

ସକଲାଗମ ସନ୍ଦୋହ ଶୁକ୍ତିସମ୍ପୁଟ ମୌକ୍ତିକା ॥ 68 ॥

ପୁରୁଷାର୍ଥପ୍ରଦା, ପୂର୍ଣା, ଭୋଗିନୀ, ଭୁଵନେଶ୍ଵରୀ ।

ଅମ୍ବିକା,ଽନାଦି ନିଧନା, ହରିବ୍ରହ୍ମେନ୍ଦ୍ର ସେଵିତା ॥ 69 ॥

ନାରାଯଣୀ, ନାଦରୂପା, ନାମରୂପ ଵିଵର୍ଜିତା ।

ହ୍ରୀଙ୍କାରୀ, ହ୍ରୀମତୀ, ହୃଦ୍ଯା, ହେଯୋପାଦେଯ ଵର୍ଜିତା ॥ 70 ॥

ରାଜରାଜାର୍ଚିତା, ରାଜ୍ଞୀ, ରମ୍ଯା, ରାଜୀଵଲୋଚନା ।

ରଞ୍ଜନୀ, ରମଣୀ, ରସ୍ଯା, ରଣତ୍କିଙ୍କିଣି ମେଖଲା ॥ 71 ॥

ରମା, ରାକେନ୍ଦୁଵଦନା, ରତିରୂପା, ରତିପ୍ରିଯା ।

ରକ୍ଷାକରୀ, ରାକ୍ଷସଘ୍ନୀ, ରାମା, ରମଣଲମ୍ପଟା ॥ 72 ॥

କାମ୍ଯା, କାମକଲାରୂପା, କଦମ୍ବ କୁସୁମପ୍ରିଯା ।

କଲ୍ଯାଣୀ, ଜଗତୀକନ୍ଦା, କରୁଣାରସ ସାଗରା ॥ 73 ॥

କଲାଵତୀ, କଲାଲାପା, କାନ୍ତା, କାଦମ୍ବରୀପ୍ରିଯା ।

ଵରଦା, ଵାମନଯନା, ଵାରୁଣୀମଦଵିହ୍ଵଲା ॥ 74 ॥

ଵିଶ୍ଵାଧିକା, ଵେଦଵେଦ୍ଯା, ଵିନ୍ଧ୍ଯାଚଲ ନିଵାସିନୀ ।

ଵିଧାତ୍ରୀ, ଵେଦଜନନୀ, ଵିଷ୍ଣୁମାଯା, ଵିଲାସିନୀ ॥ 75 ॥

କ୍ଷେତ୍ରସ୍ଵରୂପା, କ୍ଷେତ୍ରେଶୀ, କ୍ଷେତ୍ର କ୍ଷେତ୍ରଜ୍ଞ ପାଲିନୀ ।

କ୍ଷଯଵୃଦ୍ଧି ଵିନିର୍ମୁକ୍ତା, କ୍ଷେତ୍ରପାଲ ସମର୍ଚିତା ॥ 76 ॥

ଵିଜଯା, ଵିମଲା, ଵନ୍ଦ୍ଯା, ଵନ୍ଦାରୁ ଜନଵତ୍ସଲା ।

ଵାଗ୍ଵାଦିନୀ, ଵାମକେଶୀ, ଵହ୍ନିମଣ୍ଡଲ ଵାସିନୀ ॥ 77 ॥

ଭକ୍ତିମତ୍-କଲ୍ପଲତିକା, ପଶୁପାଶ ଵିମୋଚନୀ ।

ସଂହୃତାଶେଷ ପାଷଣ୍ଡା, ସଦାଚାର ପ୍ରଵର୍ତିକା ॥ 78 ॥

ତାପତ୍ରଯାଗ୍ନି ସନ୍ତପ୍ତ ସମାହ୍ଲାଦନ ଚନ୍ଦ୍ରିକା ।

ତରୁଣୀ, ତାପସାରାଧ୍ଯା, ତନୁମଧ୍ଯା, ତମୋଽପହା ॥ 79 ॥

ଚିତି, ସ୍ତତ୍ପଦଲକ୍ଷ୍ଯାର୍ଥା, ଚିଦେକ ରସରୂପିଣୀ ।

ସ୍ଵାତ୍ମାନନ୍ଦଲଵୀଭୂତ ବ୍ରହ୍ମାଦ୍ଯାନନ୍ଦ ସନ୍ତତିଃ ॥ 80 ॥

ପରା, ପ୍ରତ୍ଯକ୍ଚିତୀ ରୂପା, ପଶ୍ଯନ୍ତୀ, ପରଦେଵତା ।

ମଧ୍ଯମା, ଵୈଖରୀରୂପା, ଭକ୍ତମାନସ ହଂସିକା ॥ 81 ॥

କାମେଶ୍ଵର ପ୍ରାଣନାଡୀ, କୃତଜ୍ଞା, କାମପୂଜିତା ।

ଶୃଙ୍ଗାର ରସସମ୍ପୂର୍ଣା, ଜଯା, ଜାଲନ୍ଧରସ୍ଥିତା ॥ 82 ॥

ଓଡ୍ଯାଣ ପୀଠନିଲଯା, ବିନ୍ଦୁମଣ୍ଡଲ ଵାସିନୀ ।

ରହୋଯାଗ କ୍ରମାରାଧ୍ଯା, ରହସ୍ତର୍ପଣ ତର୍ପିତା ॥ 83 ॥

ସଦ୍ଯଃ ପ୍ରସାଦିନୀ, ଵିଶ୍ଵସାକ୍ଷିଣୀ, ସାକ୍ଷିଵର୍ଜିତା ।

ଷଡଙ୍ଗଦେଵତା ଯୁକ୍ତା, ଷାଡ୍ଗୁଣ୍ଯ ପରିପୂରିତା ॥ 84 ॥

ନିତ୍ଯକ୍ଲିନ୍ନା, ନିରୁପମା, ନିର୍ଵାଣ ସୁଖଦାଯିନୀ ।

ନିତ୍ଯା, ଷୋଡଶିକାରୂପା, ଶ୍ରୀକଣ୍ଠାର୍ଧ ଶରୀରିଣୀ ॥ 85 ॥

ପ୍ରଭାଵତୀ, ପ୍ରଭାରୂପା, ପ୍ରସିଦ୍ଧା, ପରମେଶ୍ଵରୀ ।

ମୂଲପ୍ରକୃତି ରଵ୍ଯକ୍ତା, ଵ୍ଯକ୍ତାଽଵ୍ଯକ୍ତ ସ୍ଵରୂପିଣୀ ॥ 86 ॥

ଵ୍ଯାପିନୀ, ଵିଵିଧାକାରା, ଵିଦ୍ଯାଽଵିଦ୍ଯା ସ୍ଵରୂପିଣୀ ।

ମହାକାମେଶ ନଯନା କୁମୁଦାହ୍ଲାଦ କୌମୁଦୀ ॥ 87 ॥

ଭକ୍ତହାର୍ଦ ତମୋଭେଦ ଭାନୁମଦ୍-ଭାନୁସନ୍ତତିଃ ।

ଶିଵଦୂତୀ, ଶିଵାରାଧ୍ଯା, ଶିଵମୂର୍ତି, ଶ୍ଶିଵଙ୍କରୀ ॥ 88 ॥

ଶିଵପ୍ରିଯା, ଶିଵପରା, ଶିଷ୍ଟେଷ୍ଟା, ଶିଷ୍ଟପୂଜିତା ।

ଅପ୍ରମେଯା, ସ୍ଵପ୍ରକାଶା, ମନୋଵାଚାମ ଗୋଚରା ॥ 89 ॥

ଚିଚ୍ଛକ୍ତି, ଶ୍ଚେତନାରୂପା, ଜଡଶକ୍ତି, ର୍ଜଡାତ୍ମିକା ।

ଗାଯତ୍ରୀ, ଵ୍ଯାହୃତି, ସ୍ସନ୍ଧ୍ଯା, ଦ୍ଵିଜବୃନ୍ଦ ନିଷେଵିତା ॥ 90 ॥

ତତ୍ତ୍ଵାସନା, ତତ୍ତ୍ଵମଯୀ, ପଞ୍ଚକୋଶାନ୍ତରସ୍ଥିତା ।

ନିସ୍ସୀମମହିମା, ନିତ୍ଯଯୌଵନା, ମଦଶାଲିନୀ ॥ 91 ॥

ମଦଘୂର୍ଣିତ ରକ୍ତାକ୍ଷୀ, ମଦପାଟଲ ଗଣ୍ଡଭୂଃ ।

ଚନ୍ଦନ ଦ୍ରଵଦିଗ୍ଧାଙ୍ଗୀ, ଚାମ୍ପେଯ କୁସୁମ ପ୍ରିଯା ॥ 92 ॥

କୁଶଲା, କୋମଲାକାରା, କୁରୁକୁଲ୍ଲା, କୁଲେଶ୍ଵରୀ ।

କୁଲକୁଣ୍ଡାଲଯା, କୌଲ ମାର୍ଗତତ୍ପର ସେଵିତା ॥ 93 ॥

କୁମାର ଗଣନାଥାମ୍ବା, ତୁଷ୍ଟିଃ, ପୁଷ୍ଟି, ର୍ମତି, ର୍ଧୃତିଃ ।

ଶାନ୍ତିଃ, ସ୍ଵସ୍ତିମତୀ, କାନ୍ତି, ର୍ନନ୍ଦିନୀ, ଵିଘ୍ନନାଶିନୀ ॥ 94 ॥

ତେଜୋଵତୀ, ତ୍ରିନଯନା, ଲୋଲାକ୍ଷୀ କାମରୂପିଣୀ ।

ମାଲିନୀ, ହଂସିନୀ, ମାତା, ମଲଯାଚଲ ଵାସିନୀ ॥ 95 ॥

ସୁମୁଖୀ, ନଲିନୀ, ସୁଭ୍ରୂଃ, ଶୋଭନା, ସୁରନାଯିକା ।

କାଲକଣ୍ଠୀ, କାନ୍ତିମତୀ, କ୍ଷୋଭିଣୀ, ସୂକ୍ଷ୍ମରୂପିଣୀ ॥ 96 ॥

ଵଜ୍ରେଶ୍ଵରୀ, ଵାମଦେଵୀ, ଵଯୋଽଵସ୍ଥା ଵିଵର୍ଜିତା ।

ସିଦ୍ଧେଶ୍ଵରୀ, ସିଦ୍ଧଵିଦ୍ଯା, ସିଦ୍ଧମାତା, ଯଶସ୍ଵିନୀ ॥ 97 ॥

ଵିଶୁଦ୍ଧି ଚକ୍ରନିଲଯା,ଽଽରକ୍ତଵର୍ଣା, ତ୍ରିଲୋଚନା ।

ଖଟ୍ଵାଙ୍ଗାଦି ପ୍ରହରଣା, ଵଦନୈକ ସମନ୍ଵିତା ॥ 98 ॥

ପାଯସାନ୍ନପ୍ରିଯା, ତ୍ଵକ୍​ସ୍ଥା, ପଶୁଲୋକ ଭଯଙ୍କରୀ ।

ଅମୃତାଦି ମହାଶକ୍ତି ସଂଵୃତା, ଡାକିନୀଶ୍ଵରୀ ॥ 99 ॥

ଅନାହତାବ୍ଜ ନିଲଯା, ଶ୍ଯାମାଭା, ଵଦନଦ୍ଵଯା ।

ଦଂଷ୍ଟ୍ରୋଜ୍ଜ୍ଵଲା,ଽକ୍ଷମାଲାଧିଧରା, ରୁଧିର ସଂସ୍ଥିତା ॥ 100 ॥

କାଲରାତ୍ର୍ଯାଦି ଶକ୍ତ୍ଯୋଘଵୃତା, ସ୍ନିଗ୍ଧୌଦନପ୍ରିଯା ।

ମହାଵୀରେନ୍ଦ୍ର ଵରଦା, ରାକିଣ୍ଯମ୍ବା ସ୍ଵରୂପିଣୀ ॥ 101 ॥

ମଣିପୂରାବ୍ଜ ନିଲଯା, ଵଦନତ୍ରଯ ସଂଯୁତା ।

ଵଜ୍ରାଧିକାଯୁଧୋପେତା, ଡାମର୍ଯାଦିଭି ରାଵୃତା ॥ 102 ॥

ରକ୍ତଵର୍ଣା, ମାଂସନିଷ୍ଠା, ଗୁଡାନ୍ନ ପ୍ରୀତମାନସା ।

ସମସ୍ତ ଭକ୍ତସୁଖଦା, ଲାକିନ୍ଯମ୍ବା ସ୍ଵରୂପିଣୀ ॥ 103 ॥

ସ୍ଵାଧିଷ୍ଠାନାମ୍ବୁ ଜଗତା, ଚତୁର୍ଵକ୍ତ୍ର ମନୋହରା ।

ଶୂଲାଦ୍ଯାଯୁଧ ସମ୍ପନ୍ନା, ପୀତଵର୍ଣା,ଽତିଗର୍ଵିତା ॥ 104 ॥

ମେଦୋନିଷ୍ଠା, ମଧୁପ୍ରୀତା, ବନ୍ଦିନ୍ଯାଦି ସମନ୍ଵିତା ।

ଦଧ୍ଯନ୍ନାସକ୍ତ ହୃଦଯା, କାକିନୀ ରୂପଧାରିଣୀ ॥ 105 ॥

ମୂଲା ଧାରାମ୍ବୁଜାରୂଢା, ପଞ୍ଚଵକ୍ତ୍ରା,ଽସ୍ଥିସଂସ୍ଥିତା ।

ଅଙ୍କୁଶାଦି ପ୍ରହରଣା, ଵରଦାଦି ନିଷେଵିତା ॥ 106 ॥

ମୁଦ୍ଗୌଦନାସକ୍ତ ଚିତ୍ତା, ସାକିନ୍ଯମ୍ବାସ୍ଵରୂପିଣୀ ।

ଆଜ୍ଞା ଚକ୍ରାବ୍ଜନିଲଯା, ଶୁକ୍ଲଵର୍ଣା, ଷଡାନନା ॥ 107 ॥

ମଜ୍ଜାସଂସ୍ଥା, ହଂସଵତୀ ମୁଖ୍ଯଶକ୍ତି ସମନ୍ଵିତା ।

ହରିଦ୍ରାନ୍ନୈକ ରସିକା, ହାକିନୀ ରୂପଧାରିଣୀ ॥ 108 ॥

ସହସ୍ରଦଲ ପଦ୍ମସ୍ଥା, ସର୍ଵଵର୍ଣୋପ ଶୋଭିତା ।

ସର୍ଵାଯୁଧଧରା, ଶୁକ୍ଲ ସଂସ୍ଥିତା, ସର୍ଵତୋମୁଖୀ ॥ 109 ॥

ସର୍ଵୌଦନ ପ୍ରୀତଚିତ୍ତା, ଯାକିନ୍ଯମ୍ବା ସ୍ଵରୂପିଣୀ ।

ସ୍ଵାହା, ସ୍ଵଧା,ଽମତି, ର୍ମେଧା, ଶ୍ରୁତିଃ, ସ୍ମୃତି, ରନୁତ୍ତମା ॥ 110 ॥

ପୁଣ୍ଯକୀର୍ତିଃ, ପୁଣ୍ଯଲଭ୍ଯା, ପୁଣ୍ଯଶ୍ରଵଣ କୀର୍ତନା ।

ପୁଲୋମଜାର୍ଚିତା, ବନ୍ଧମୋଚନୀ, ବନ୍ଧୁରାଲକା ॥ 111 ॥

ଵିମର୍ଶରୂପିଣୀ, ଵିଦ୍ଯା, ଵିଯଦାଦି ଜଗତ୍ପ୍ରସୂଃ ।

ସର୍ଵଵ୍ଯାଧି ପ୍ରଶମନୀ, ସର୍ଵମୃତ୍ଯୁ ନିଵାରିଣୀ ॥ 112 ॥

ଅଗ୍ରଗଣ୍ଯା,ଽଚିନ୍ତ୍ଯରୂପା, କଲିକଲ୍ମଷ ନାଶିନୀ ।

କାତ୍ଯାଯିନୀ, କାଲହନ୍ତ୍ରୀ, କମଲାକ୍ଷ ନିଷେଵିତା ॥ 113 ॥

ତାମ୍ବୂଲ ପୂରିତ ମୁଖୀ, ଦାଡିମୀ କୁସୁମପ୍ରଭା ।

ମୃଗାକ୍ଷୀ, ମୋହିନୀ, ମୁଖ୍ଯା, ମୃଡାନୀ, ମିତ୍ରରୂପିଣୀ ॥ 114 ॥

ନିତ୍ଯତୃପ୍ତା, ଭକ୍ତନିଧି, ର୍ନିଯନ୍ତ୍ରୀ, ନିଖିଲେଶ୍ଵରୀ ।

ମୈତ୍ର୍ଯାଦି ଵାସନାଲଭ୍ଯା, ମହାପ୍ରଲଯ ସାକ୍ଷିଣୀ ॥ 115 ॥

ପରାଶକ୍ତିଃ, ପରାନିଷ୍ଠା, ପ୍ରଜ୍ଞାନ ଘନରୂପିଣୀ ।

ମାଧ୍ଵୀପାନାଲସା, ମତ୍ତା, ମାତୃକା ଵର୍ଣ ରୂପିଣୀ ॥ 116 ॥

ମହାକୈଲାସ ନିଲଯା, ମୃଣାଲ ମୃଦୁଦୋର୍ଲତା ।

ମହନୀଯା, ଦଯାମୂର୍ତୀ, ର୍ମହାସାମ୍ରାଜ୍ଯଶାଲିନୀ ॥ 117 ॥

ଆତ୍ମଵିଦ୍ଯା, ମହାଵିଦ୍ଯା, ଶ୍ରୀଵିଦ୍ଯା, କାମସେଵିତା ।

ଶ୍ରୀଷୋଡଶାକ୍ଷରୀ ଵିଦ୍ଯା, ତ୍ରିକୂଟା, କାମକୋଟିକା ॥ 118 ॥

କଟାକ୍ଷକିଙ୍କରୀ ଭୂତ କମଲା କୋଟିସେଵିତା ।

ଶିରଃସ୍ଥିତା, ଚନ୍ଦ୍ରନିଭା, ଫାଲସ୍ଥେନ୍ଦ୍ର ଧନୁଃପ୍ରଭା ॥ 119 ॥

ହୃଦଯସ୍ଥା, ରଵିପ୍ରଖ୍ଯା, ତ୍ରିକୋଣାନ୍ତର ଦୀପିକା ।

ଦାକ୍ଷାଯଣୀ, ଦୈତ୍ଯହନ୍ତ୍ରୀ, ଦକ୍ଷଯଜ୍ଞ ଵିନାଶିନୀ ॥ 120 ॥

ଦରାନ୍ଦୋଲିତ ଦୀର୍ଘାକ୍ଷୀ, ଦରହାସୋଜ୍ଜ୍ଵଲନ୍ମୁଖୀ ।

ଗୁରୁମୂର୍ତି, ର୍ଗୁଣନିଧି, ର୍ଗୋମାତା, ଗୁହଜନ୍ମଭୂଃ ॥ 121 ॥

ଦେଵେଶୀ, ଦଣ୍ଡନୀତିସ୍ଥା, ଦହରାକାଶ ରୂପିଣୀ ।

ପ୍ରତିପନ୍ମୁଖ୍ଯ ରାକାନ୍ତ ତିଥିମଣ୍ଡଲ ପୂଜିତା ॥ 122 ॥

କଲାତ୍ମିକା, କଲାନାଥା, କାଵ୍ଯାଲାପ ଵିନୋଦିନୀ ।

ସଚାମର ରମାଵାଣୀ ସଵ୍ଯଦକ୍ଷିଣ ସେଵିତା ॥ 123 ॥

ଆଦିଶକ୍ତି, ରମେଯା,ଽଽତ୍ମା, ପରମା, ପାଵନାକୃତିଃ ।

ଅନେକକୋଟି ବ୍ରହ୍ମାଣ୍ଡ ଜନନୀ, ଦିଵ୍ଯଵିଗ୍ରହା ॥ 124 ॥

କ୍ଲୀଙ୍କାରୀ, କେଵଲା, ଗୁହ୍ଯା, କୈଵଲ୍ଯ ପଦଦାଯିନୀ ।

ତ୍ରିପୁରା, ତ୍ରିଜଗଦ୍ଵନ୍ଦ୍ଯା, ତ୍ରିମୂର୍ତି, ସ୍ତ୍ରିଦଶେଶ୍ଵରୀ ॥ 125 ॥

ତ୍ର୍ଯକ୍ଷରୀ, ଦିଵ୍ଯଗନ୍ଧାଢ୍ଯା, ସିନ୍ଧୂର ତିଲକାଞ୍ଚିତା ।

ଉମା, ଶୈଲେନ୍ଦ୍ରତନଯା, ଗୌରୀ, ଗନ୍ଧର୍ଵ ସେଵିତା ॥ 126 ॥

ଵିଶ୍ଵଗର୍ଭା, ସ୍ଵର୍ଣଗର୍ଭା,ଽଵରଦା ଵାଗଧୀଶ୍ଵରୀ ।

ଧ୍ଯାନଗମ୍ଯା,ଽପରିଚ୍ଛେଦ୍ଯା, ଜ୍ଞାନଦା, ଜ୍ଞାନଵିଗ୍ରହା ॥ 127 ॥

ସର୍ଵଵେଦାନ୍ତ ସଂଵେଦ୍ଯା, ସତ୍ଯାନନ୍ଦ ସ୍ଵରୂପିଣୀ ।

ଲୋପାମୁଦ୍ରାର୍ଚିତା, ଲୀଲାକୢପ୍ତ ବ୍ରହ୍ମାଣ୍ଡମଣ୍ଡଲା ॥ 128 ॥

ଅଦୃଶ୍ଯା, ଦୃଶ୍ଯରହିତା, ଵିଜ୍ଞାତ୍ରୀ, ଵେଦ୍ଯଵର୍ଜିତା ।

ଯୋଗିନୀ, ଯୋଗଦା, ଯୋଗ୍ଯା, ଯୋଗାନନ୍ଦା, ଯୁଗନ୍ଧରା ॥ 129 ॥

ଇଚ୍ଛାଶକ୍ତି ଜ୍ଞାନଶକ୍ତି କ୍ରିଯାଶକ୍ତି ସ୍ଵରୂପିଣୀ ।

ସର୍ଵାଧାରା, ସୁପ୍ରତିଷ୍ଠା, ସଦସଦ୍-ରୂପଧାରିଣୀ ॥ 130 ॥

ଅଷ୍ଟମୂର୍ତି, ରଜାଜୈତ୍ରୀ, ଲୋକଯାତ୍ରା ଵିଧାଯିନୀ ।

ଏକାକିନୀ, ଭୂମରୂପା, ନିର୍ଦ୍ଵୈତା, ଦ୍ଵୈତଵର୍ଜିତା ॥ 131 ॥

ଅନ୍ନଦା, ଵସୁଦା, ଵୃଦ୍ଧା, ବ୍ରହ୍ମାତ୍ମୈକ୍ଯ ସ୍ଵରୂପିଣୀ ।

ବୃହତୀ, ବ୍ରାହ୍ମଣୀ, ବ୍ରାହ୍ମୀ, ବ୍ରହ୍ମାନନ୍ଦା, ବଲିପ୍ରିଯା ॥ 132 ॥

ଭାଷାରୂପା, ବୃହତ୍ସେନା, ଭାଵାଭାଵ ଵିଵର୍ଜିତା ।

ସୁଖାରାଧ୍ଯା, ଶୁଭକରୀ, ଶୋଭନା ସୁଲଭାଗତିଃ ॥ 133 ॥

ରାଜରାଜେଶ୍ଵରୀ, ରାଜ୍ଯଦାଯିନୀ, ରାଜ୍ଯଵଲ୍ଲଭା ।

ରାଜତ୍-କୃପା, ରାଜପୀଠ ନିଵେଶିତ ନିଜାଶ୍ରିତାଃ ॥ 134 ॥

ରାଜ୍ଯଲକ୍ଷ୍ମୀଃ, କୋଶନାଥା, ଚତୁରଙ୍ଗ ବଲେଶ୍ଵରୀ ।

ସାମ୍ରାଜ୍ଯଦାଯିନୀ, ସତ୍ଯସନ୍ଧା, ସାଗରମେଖଲା ॥ 135 ॥

ଦୀକ୍ଷିତା, ଦୈତ୍ଯଶମନୀ, ସର୍ଵଲୋକ ଵଶଙ୍କରୀ ।

ସର୍ଵାର୍ଥଦାତ୍ରୀ, ସାଵିତ୍ରୀ, ସଚ୍ଚିଦାନନ୍ଦ ରୂପିଣୀ ॥ 136 ॥

ଦେଶକାଲାଽପରିଚ୍ଛିନ୍ନା, ସର୍ଵଗା, ସର୍ଵମୋହିନୀ ।

ସରସ୍ଵତୀ, ଶାସ୍ତ୍ରମଯୀ, ଗୁହାମ୍ବା, ଗୁହ୍ଯରୂପିଣୀ ॥ 137 ॥

ସର୍ଵୋପାଧି ଵିନିର୍ମୁକ୍ତା, ସଦାଶିଵ ପତିଵ୍ରତା ।

ସମ୍ପ୍ରଦାଯେଶ୍ଵରୀ, ସାଧ୍ଵୀ, ଗୁରୁମଣ୍ଡଲ ରୂପିଣୀ ॥ 138 ॥

କୁଲୋତ୍ତୀର୍ଣା, ଭଗାରାଧ୍ଯା, ମାଯା, ମଧୁମତୀ, ମହୀ ।

ଗଣାମ୍ବା, ଗୁହ୍ଯକାରାଧ୍ଯା, କୋମଲାଙ୍ଗୀ, ଗୁରୁପ୍ରିଯା ॥ 139 ॥

ସ୍ଵତନ୍ତ୍ରା, ସର୍ଵତନ୍ତ୍ରେଶୀ, ଦକ୍ଷିଣାମୂର୍ତି ରୂପିଣୀ ।

ସନକାଦି ସମାରାଧ୍ଯା, ଶିଵଜ୍ଞାନ ପ୍ରଦାଯିନୀ ॥ 140 ॥

ଚିତ୍କଲା,ଽନନ୍ଦକଲିକା, ପ୍ରେମରୂପା, ପ୍ରିଯଙ୍କରୀ ।

ନାମପାରାଯଣ ପ୍ରୀତା, ନନ୍ଦିଵିଦ୍ଯା, ନଟେଶ୍ଵରୀ ॥ 141 ॥

ମିଥ୍ଯା ଜଗଦଧିଷ୍ଠାନା ମୁକ୍ତିଦା, ମୁକ୍ତିରୂପିଣୀ ।

ଲାସ୍ଯପ୍ରିଯା, ଲଯକରୀ, ଲଜ୍ଜା, ରମ୍ଭାଦି ଵନ୍ଦିତା ॥ 142 ॥

ଭଵଦାଵ ସୁଧାଵୃଷ୍ଟିଃ, ପାପାରଣ୍ଯ ଦଵାନଲା ।

ଦୌର୍ଭାଗ୍ଯତୂଲ ଵାତୂଲା, ଜରାଧ୍ଵାନ୍ତ ରଵିପ୍ରଭା ॥ 143 ॥

ଭାଗ୍ଯାବ୍ଧିଚନ୍ଦ୍ରିକା, ଭକ୍ତଚିତ୍ତକେକି ଘନାଘନା ।

ରୋଗପର୍ଵତ ଦମ୍ଭୋଲି, ର୍ମୃତ୍ଯୁଦାରୁ କୁଠାରିକା ॥ 144 ॥

ମହେଶ୍ଵରୀ, ମହାକାଲୀ, ମହାଗ୍ରାସା, ମହାଽଶନା ।

ଅପର୍ଣା, ଚଣ୍ଡିକା, ଚଣ୍ଡମୁଣ୍ଡାଽସୁର ନିଷୂଦିନୀ ॥ 145 ॥

କ୍ଷରାକ୍ଷରାତ୍ମିକା, ସର୍ଵଲୋକେଶୀ, ଵିଶ୍ଵଧାରିଣୀ ।

ତ୍ରିଵର୍ଗଦାତ୍ରୀ, ସୁଭଗା, ତ୍ର୍ଯମ୍ବକା, ତ୍ରିଗୁଣାତ୍ମିକା ॥ 146 ॥

ସ୍ଵର୍ଗାପଵର୍ଗଦା, ଶୁଦ୍ଧା, ଜପାପୁଷ୍ପ ନିଭାକୃତିଃ ।

ଓଜୋଵତୀ, ଦ୍ଯୁତିଧରା, ଯଜ୍ଞରୂପା, ପ୍ରିଯଵ୍ରତା ॥ 147 ॥

ଦୁରାରାଧ୍ଯା, ଦୁରାଦର୍ଷା, ପାଟଲୀ କୁସୁମପ୍ରିଯା ।

ମହତୀ, ମେରୁନିଲଯା, ମନ୍ଦାର କୁସୁମପ୍ରିଯା ॥ 148 ॥

ଵୀରାରାଧ୍ଯା, ଵିରାଡ୍ରୂପା, ଵିରଜା, ଵିଶ୍ଵତୋମୁଖୀ ।

ପ୍ରତ୍ଯଗ୍ରୂପା, ପରାକାଶା, ପ୍ରାଣଦା, ପ୍ରାଣରୂପିଣୀ ॥ 149 ॥

ମାର୍ତାଣ୍ଡ ଭୈରଵାରାଧ୍ଯା, ମନ୍ତ୍ରିଣୀ ନ୍ଯସ୍ତରାଜ୍ଯଧୂଃ ।

ତ୍ରିପୁରେଶୀ, ଜଯତ୍ସେନା, ନିସ୍ତ୍ରୈଗୁଣ୍ଯା, ପରାପରା ॥ 150 ॥

ସତ୍ଯଜ୍ଞାନାଽନନ୍ଦରୂପା, ସାମରସ୍ଯ ପରାଯଣା ।

କପର୍ଦିନୀ, କଲାମାଲା, କାମଧୁକ୍,କାମରୂପିଣୀ ॥ 151 ॥

କଲାନିଧିଃ, କାଵ୍ଯକଲା, ରସଜ୍ଞା, ରସଶେଵଧିଃ ।

ପୁଷ୍ଟା, ପୁରାତନା, ପୂଜ୍ଯା, ପୁଷ୍କରା, ପୁଷ୍କରେକ୍ଷଣା ॥ 152 ॥

ପରଞ୍ଜ୍ଯୋତିଃ, ପରନ୍ଧାମ, ପରମାଣୁଃ, ପରାତ୍ପରା ।

ପାଶହସ୍ତା, ପାଶହନ୍ତ୍ରୀ, ପରମନ୍ତ୍ର ଵିଭେଦିନୀ ॥ 153 ॥

ମୂର୍ତା,ଽମୂର୍ତା,ଽନିତ୍ଯତୃପ୍ତା, ମୁନି ମାନସ ହଂସିକା ।

ସତ୍ଯଵ୍ରତା, ସତ୍ଯରୂପା, ସର୍ଵାନ୍ତର୍ଯାମିନୀ, ସତୀ ॥ 154 ॥

ବ୍ରହ୍ମାଣୀ, ବ୍ରହ୍ମଜନନୀ, ବହୁରୂପା, ବୁଧାର୍ଚିତା ।

ପ୍ରସଵିତ୍ରୀ, ପ୍ରଚଣ୍ଡାଽଜ୍ଞା, ପ୍ରତିଷ୍ଠା, ପ୍ରକଟାକୃତିଃ ॥ 155 ॥

ପ୍ରାଣେଶ୍ଵରୀ, ପ୍ରାଣଦାତ୍ରୀ, ପଞ୍ଚାଶତ୍-ପୀଠରୂପିଣୀ ।

ଵିଶୃଙ୍ଖଲା, ଵିଵିକ୍ତସ୍ଥା, ଵୀରମାତା, ଵିଯତ୍ପ୍ରସୂଃ ॥ 156 ॥

ମୁକୁନ୍ଦା, ମୁକ୍ତି ନିଲଯା, ମୂଲଵିଗ୍ରହ ରୂପିଣୀ ।

ଭାଵଜ୍ଞା, ଭଵରୋଗଘ୍ନୀ ଭଵଚକ୍ର ପ୍ରଵର୍ତିନୀ ॥ 157 ॥

ଛନ୍ଦସ୍ସାରା, ଶାସ୍ତ୍ରସାରା, ମନ୍ତ୍ରସାରା, ତଲୋଦରୀ ।

ଉଦାରକୀର୍ତି, ରୁଦ୍ଦାମଵୈଭଵା, ଵର୍ଣରୂପିଣୀ ॥ 158 ॥

ଜନ୍ମମୃତ୍ଯୁ ଜରାତପ୍ତ ଜନ ଵିଶ୍ରାନ୍ତି ଦାଯିନୀ ।

ସର୍ଵୋପନିଷ ଦୁଦ୍ଘୁଷ୍ଟା, ଶାନ୍ତ୍ଯତୀତ କଲାତ୍ମିକା ॥ 159 ॥

ଗମ୍ଭୀରା, ଗଗନାନ୍ତଃସ୍ଥା, ଗର୍ଵିତା, ଗାନଲୋଲୁପା ।

କଲ୍ପନାରହିତା, କାଷ୍ଠା, କାନ୍ତା, କାନ୍ତାର୍ଧ ଵିଗ୍ରହା ॥ 160 ॥

କାର୍ଯକାରଣ ନିର୍ମୁକ୍ତା, କାମକେଲି ତରଙ୍ଗିତା ।

କନତ୍-କନକତାଟଙ୍କା, ଲୀଲାଵିଗ୍ରହ ଧାରିଣୀ ॥ 161 ॥

ଅଜାକ୍ଷଯ ଵିନିର୍ମୁକ୍ତା, ମୁଗ୍ଧା କ୍ଷିପ୍ରପ୍ରସାଦିନୀ ।

ଅନ୍ତର୍ମୁଖ ସମାରାଧ୍ଯା, ବହିର୍ମୁଖ ସୁଦୁର୍ଲଭା ॥ 162 ॥

ତ୍ରଯୀ, ତ୍ରିଵର୍ଗ ନିଲଯା, ତ୍ରିସ୍ଥା, ତ୍ରିପୁରମାଲିନୀ ।

ନିରାମଯା, ନିରାଲମ୍ବା, ସ୍ଵାତ୍ମାରାମା, ସୁଧାସୃତିଃ ॥ 163 ॥

ସଂସାରପଙ୍କ ନିର୍ମଗ୍ନ ସମୁଦ୍ଧରଣ ପଣ୍ଡିତା ।

ଯଜ୍ଞପ୍ରିଯା, ଯଜ୍ଞକର୍ତ୍ରୀ, ଯଜମାନ ସ୍ଵରୂପିଣୀ ॥ 164 ॥

ଧର୍ମାଧାରା, ଧନାଧ୍ଯକ୍ଷା, ଧନଧାନ୍ଯ ଵିଵର୍ଧିନୀ ।

ଵିପ୍ରପ୍ରିଯା, ଵିପ୍ରରୂପା, ଵିଶ୍ଵଭ୍ରମଣ କାରିଣୀ ॥ 165 ॥

ଵିଶ୍ଵଗ୍ରାସା, ଵିଦ୍ରୁମାଭା, ଵୈଷ୍ଣଵୀ, ଵିଷ୍ଣୁରୂପିଣୀ ।

ଅଯୋନି, ର୍ଯୋନିନିଲଯା, କୂଟସ୍ଥା, କୁଲରୂପିଣୀ ॥ 166 ॥

ଵୀରଗୋଷ୍ଠୀପ୍ରିଯା, ଵୀରା, ନୈଷ୍କର୍ମ୍ଯା, ନାଦରୂପିଣୀ ।

ଵିଜ୍ଞାନ କଲନା, କଲ୍ଯା ଵିଦଗ୍ଧା, ବୈନ୍ଦଵାସନା ॥ 167 ॥

ତତ୍ତ୍ଵାଧିକା, ତତ୍ତ୍ଵମଯୀ, ତତ୍ତ୍ଵମର୍ଥ ସ୍ଵରୂପିଣୀ ।

ସାମଗାନପ୍ରିଯା, ସୌମ୍ଯା, ସଦାଶିଵ କୁଟୁମ୍ବିନୀ ॥ 168 ॥

ସଵ୍ଯାପସଵ୍ଯ ମାର୍ଗସ୍ଥା, ସର୍ଵାପଦ୍ଵି ନିଵାରିଣୀ ।

ସ୍ଵସ୍ଥା, ସ୍ଵଭାଵମଧୁରା, ଧୀରା, ଧୀର ସମର୍ଚିତା ॥ 169 ॥

ଚୈତନ୍ଯାର୍ଘ୍ଯ ସମାରାଧ୍ଯା, ଚୈତନ୍ଯ କୁସୁମପ୍ରିଯା ।

ସଦୋଦିତା, ସଦାତୁଷ୍ଟା, ତରୁଣାଦିତ୍ଯ ପାଟଲା ॥ 170 ॥

ଦକ୍ଷିଣା, ଦକ୍ଷିଣାରାଧ୍ଯା, ଦରସ୍ମେର ମୁଖାମ୍ବୁଜା ।

କୌଲିନୀ କେଵଲା,ଽନର୍ଘ୍ଯା କୈଵଲ୍ଯ ପଦଦାଯିନୀ ॥ 171 ॥

ସ୍ତୋତ୍ରପ୍ରିଯା, ସ୍ତୁତିମତୀ, ଶ୍ରୁତିସଂସ୍ତୁତ ଵୈଭଵା ।

ମନସ୍ଵିନୀ, ମାନଵତୀ, ମହେଶୀ, ମଙ୍ଗଲାକୃତିଃ ॥ 172 ॥

ଵିଶ୍ଵମାତା, ଜଗଦ୍ଧାତ୍ରୀ, ଵିଶାଲାକ୍ଷୀ, ଵିରାଗିଣୀ।

ପ୍ରଗଲ୍ଭା, ପରମୋଦାରା, ପରାମୋଦା, ମନୋମଯୀ ॥ 173 ॥

ଵ୍ଯୋମକେଶୀ, ଵିମାନସ୍ଥା, ଵଜ୍ରିଣୀ, ଵାମକେଶ୍ଵରୀ ।

ପଞ୍ଚଯଜ୍ଞପ୍ରିଯା, ପଞ୍ଚପ୍ରେତ ମଞ୍ଚାଧିଶାଯିନୀ ॥ 174 ॥

ପଞ୍ଚମୀ, ପଞ୍ଚଭୂତେଶୀ, ପଞ୍ଚ ସଙ୍ଖ୍ଯୋପଚାରିଣୀ ।

ଶାଶ୍ଵତୀ, ଶାଶ୍ଵତୈଶ୍ଵର୍ଯା, ଶର୍ମଦା, ଶମ୍ଭୁମୋହିନୀ ॥ 175 ॥

ଧରା, ଧରସୁତା, ଧନ୍ଯା, ଧର୍ମିଣୀ, ଧର୍ମଵର୍ଧିନୀ ।

ଲୋକାତୀତା, ଗୁଣାତୀତା, ସର୍ଵାତୀତା, ଶମାତ୍ମିକା ॥ 176 ॥

ବନ୍ଧୂକ କୁସୁମ ପ୍ରଖ୍ଯା, ବାଲା, ଲୀଲାଵିନୋଦିନୀ ।

ସୁମଙ୍ଗଲୀ, ସୁଖକରୀ, ସୁଵେଷାଡ୍ଯା, ସୁଵାସିନୀ ॥ 177 ॥

ସୁଵାସିନ୍ଯର୍ଚନପ୍ରୀତା, ଶୋଭନା, ଶୁଦ୍ଧ ମାନସା ।

ବିନ୍ଦୁ ତର୍ପଣ ସନ୍ତୁଷ୍ଟା, ପୂର୍ଵଜା, ତ୍ରିପୁରାମ୍ବିକା ॥ 178 ॥

ଦଶମୁଦ୍ରା ସମାରାଧ୍ଯା, ତ୍ରିପୁରା ଶ୍ରୀଵଶଙ୍କରୀ ।

ଜ୍ଞାନମୁଦ୍ରା, ଜ୍ଞାନଗମ୍ଯା, ଜ୍ଞାନଜ୍ଞେଯ ସ୍ଵରୂପିଣୀ ॥ 179 ॥

ଯୋନିମୁଦ୍ରା, ତ୍ରିଖଣ୍ଡେଶୀ, ତ୍ରିଗୁଣାମ୍ବା, ତ୍ରିକୋଣଗା ।

ଅନଘାଦ୍ଭୁତ ଚାରିତ୍ରା, ଵାଞ୍ଛିତାର୍ଥ ପ୍ରଦାଯିନୀ ॥ 180 ॥

ଅଭ୍ଯାସାତି ଶଯଜ୍ଞାତା, ଷଡଧ୍ଵାତୀତ ରୂପିଣୀ ।

ଅଵ୍ଯାଜ କରୁଣାମୂର୍ତି, ରଜ୍ଞାନଧ୍ଵାନ୍ତ ଦୀପିକା ॥ 181 ॥

ଆବାଲଗୋପ ଵିଦିତା, ସର୍ଵାନୁଲ୍ଲଙ୍ଘ୍ଯ ଶାସନା ।

ଶ୍ରୀ ଚକ୍ରରାଜନିଲଯା, ଶ୍ରୀମତ୍ତ୍ରିପୁର ସୁନ୍ଦରୀ ॥ 182 ॥

ଶ୍ରୀ ଶିଵା, ଶିଵଶକ୍ତ୍ଯୈକ୍ଯ ରୂପିଣୀ, ଲଲିତାମ୍ବିକା ।

ଏଵଂ ଶ୍ରୀଲଲିତାଦେଵ୍ଯା ନାମ୍ନାଂ ସାହସ୍ରକଂ ଜଗୁଃ ॥ 183 ॥

॥ ଇତି ଶ୍ରୀ ବ୍ରହ୍ମାଣ୍ଡପୁରାଣେ, ଉତ୍ତରଖଣ୍ଡେ, ଶ୍ରୀ ହଯଗ୍ରୀଵାଗସ୍ତ୍ଯ ସଂଵାଦେ, ଶ୍ରୀଲଲିତାରହସ୍ଯନାମ ଶ୍ରୀ ଲଲିତା ରହସ୍ଯନାମ ସାହସ୍ରସ୍ତୋତ୍ର କଥନଂ ନାମ ଦ୍ଵିତୀଯୋଽଧ୍ଯାଯଃ ॥

ସିନ୍ଧୂରାରୁଣ ଵିଗ୍ରହାଂ ତ୍ରିଣଯନାଂ ମାଣିକ୍ଯ ମୌଲିସ୍ଫୁର-

ତ୍ତାରାନାଯକ ଶେଖରାଂ ସ୍ମିତମୁଖୀ ମାପୀନ ଵକ୍ଷୋରୁହାମ୍ ।

ପାଣିଭ୍ଯା ମଲିପୂର୍ଣ ରତ୍ନ ଚଷକଂ ରକ୍ତୋତ୍ପଲଂ ବିଭ୍ରତୀଂ

ସୌମ୍ଯାଂ ରତ୍ନଘଟସ୍ଥ ରକ୍ତ ଚରଣାଂ ଧ୍ଯାଯେତ୍ପରାମମ୍ବିକାମ୍ ॥