শ্রী ললিতা সহস্র নাম স্তোত্রম্

শ্রী ললিতা সহস্র নাম স্তোত্রম্

শ্লোক 1

ওম্ ॥

অস্য শ্রী ললিতা দিব্য সহস্রনাম স্তোত্র মহামন্ত্রস্য, বশিন্যাদি বাগ্দেবতা ঋষযঃ, অনুষ্টুপ্ ছন্দঃ, শ্রী ললিতা পরাভট্টারিকা মহা ত্রিপুর সুন্দরী দেবতা, ঐং বীজং, ক্লীং শক্তিঃ, সৌঃ কীলকং, মম ধর্মার্থ কাম মোক্ষ চতুর্বিধ ফলপুরুষার্থ সিদ্ধ্যর্থে ললিতা ত্রিপুরসুন্দরী পরাভট্টারিকা সহস্র নাম জপে বিনিযোগঃ

করন্যাসঃ

ঐং অঙ্গুষ্টাভ্যাং নমঃ, ক্লীং তর্জনীভ্যাং নমঃ, সৌঃ মধ্যমাভ্যাং নমঃ, সৌঃ অনামিকাভ্যাং নমঃ, ক্লীং কনিষ্ঠিকাভ্যাং নমঃ, ঐং করতল করপৃষ্ঠাভ্যাং নমঃ

অঙ্গন্যাসঃ

ঐং হৃদযায নমঃ, ক্লীং শিরসে স্বাহা, সৌঃ শিখাযৈ বষট্, সৌঃ কবচায হুং, ক্লীং নেত্রত্রযায বৌষট্, ঐং অস্ত্রাযফট্, ভূর্ভুবস্সুবরোমিতি দিগ্বন্ধঃ

ধ্যানং

অরুণাং করুণা তরঙ্গিতাক্ষীং ধৃতপাশাঙ্কুশ পুষ্পবাণচাপাম্ ।

অণিমাদিভি রাবৃতাং মযূখৈঃ অহমিত্যেব বিভাবযে ভবানীম্

শ্লোক 2

ধ্যাযেত্ পদ্মাসনস্থাং বিকসিতবদনাং পদ্ম পত্রাযতাক্ষীং

হেমাভাং পীতবস্ত্রাং করকলিত লসমদ্ধেমপদ্মাং বরাঙ্গীম্ ।

সর্বালঙ্কারযুক্তাং সকলমভযদাং ভক্তনম্রাং ভবানীং

শ্রী বিদ্যাং শান্তমূর্তিং সকল সুরসুতাং সর্বসম্পত্-প্রদাত্রীম্

॥ 1 ॥

শ্লোক 3

সকুঙ্কুম বিলেপনা মলিকচুম্বি কস্তূরিকাং

সমন্দ হসিতেক্ষণাং সশরচাপ পাশাঙ্কুশাম্ ।

অশেষ জনমোহিনী মরুণমাল্য ভূষোজ্জ্বলাং

জপাকুসুম ভাসুরাং জপবিধৌ স্মরে দম্বিকাম্

॥ 2 ॥

শ্লোক 4

সিন্ধূরারুণ বিগ্রহাং ত্রিণযনাং মাণিক্য মৌলিস্ফুর-

ত্তারানাযক শেখরাং স্মিতমুখী মাপীন বক্ষোরুহাম্ ।

পাণিভ্যা মলিপূর্ণ রত্ন চষকং রক্তোত্পলং বিভ্রতীং

সৌম্যাং রত্নঘটস্থ রক্ত চরণাং ধ্যাযেত্পরামম্বিকাম্

॥ 3 ॥

শ্লোক 5

লমিত্যাদি পঞ্চপূজাং বিভাবযেত্

লং পৃথিবী তত্ত্বাত্মিকাযৈ শ্রী ললিতাদেব্যৈ গন্ধং পরিকল্পযামি

হং আকাশ তত্ত্বাত্মিকাযৈ শ্রী ললিতাদেব্যৈ পুষ্পং পরিকল্পযামি

যং বাযু তত্ত্বাত্মিকাযৈ শ্রী ললিতাদেব্যৈ ধূপং পরিকল্পযামি

রং বহ্নি তত্ত্বাত্মিকাযৈ শ্রী ললিতাদেব্যৈ দীপং পরিকল্পযামি

বং অমৃত তত্ত্বাত্মিকাযৈ শ্রী ললিতাদেব্যৈ অমৃত নৈবেদ্যং পরিকল্পযামি

সং সর্ব তত্ত্বাত্মিকাযৈ শ্রী ললিতাদেব্যৈ তাম্বূলাদি সর্বোপচারান্ পরিকল্পযামি

গুরুর্ব্রহ্ম গুরুর্বিষ্ণুঃ গুরুর্দেবো মহেশ্বরঃ ।

গুরুস্সাক্ষাত্ পরব্রহ্ম তস্মৈ শ্রী গুরবে নমঃ ॥

হরিঃ ওঁ

শ্রী মাতা, শ্রী মহারাজ্ঞী, শ্রীমত্-সিংহাসনেশ্বরী ।

চিদগ্নি কুণ্ডসম্ভূতা, দেবকার্যসমুদ্যতা

॥ 4 ॥

শ্লোক 6

উদ্যদ্ভানু সহস্রাভা, চতুর্বাহু সমন্বিতা ।

রাগস্বরূপ পাশাঢ্যা, ক্রোধাকারাঙ্কুশোজ্জ্বলা

॥ 1 ॥

শ্লোক 7

মনোরূপেক্ষুকোদণ্ডা, পঞ্চতন্মাত্র সাযকা ।

নিজারুণ প্রভাপূর মজ্জদ্-ব্রহ্মাণ্ডমণ্ডলা

॥ 2 ॥

শ্লোক 8

চম্পকাশোক পুন্নাগ সৌগন্ধিক লসত্কচা

কুরুবিন্দ মণিশ্রেণী কনত্কোটীর মণ্ডিতা

॥ 3 ॥

শ্লোক 9

অষ্টমী চন্দ্র বিভ্রাজ দলিকস্থল শোভিতা ।

মুখচন্দ্র কলঙ্কাভ মৃগনাভি বিশেষকা

॥ 4 ॥

শ্লোক 10

বদনস্মর মাঙ্গল্য গৃহতোরণ চিল্লিকা ।

বক্ত্রলক্ষ্মী পরীবাহ চলন্মীনাভ লোচনা

॥ 5 ॥

শ্লোক 11

নবচম্পক পুষ্পাভ নাসাদণ্ড বিরাজিতা ।

তারাকান্তি তিরস্কারি নাসাভরণ ভাসুরা

॥ 6 ॥

শ্লোক 12

কদম্ব মঞ্জরীকৢপ্ত কর্ণপূর মনোহরা ।

তাটঙ্ক যুগলীভূত তপনোডুপ মণ্ডলা

॥ 7 ॥

শ্লোক 13

পদ্মরাগ শিলাদর্শ পরিভাবি কপোলভূঃ ।

নববিদ্রুম বিম্বশ্রীঃ ন্যক্কারি রদনচ্ছদা

॥ 8 ॥

শ্লোক 14

শুদ্ধ বিদ্যাঙ্কুরাকার দ্বিজপঙ্ক্তি দ্বযোজ্জ্বলা ।

কর্পূরবীটি কামোদ সমাকর্ষদ্দিগন্তরা

॥ 9 ॥

শ্লোক 15

নিজসল্লাপ মাধুর্য বিনির্ভত্সিত কচ্ছপী ।

মন্দস্মিত প্রভাপূর মজ্জত্-কামেশ মানসা

॥ 10 ॥

শ্লোক 16

অনাকলিত সাদৃশ্য চুবুক শ্রী বিরাজিতা ।

কামেশবদ্ধ মাঙ্গল্য সূত্রশোভিত কন্থরা

॥ 11 ॥

শ্লোক 17

কনকাঙ্গদ কেযূর কমনীয ভুজান্বিতা ।

রত্নগ্রৈবেয চিন্তাক লোলমুক্তা ফলান্বিতা

॥ 12 ॥

শ্লোক 18

কামেশ্বর প্রেমরত্ন মণি প্রতিপণস্তনী।

নাভ্যালবাল রোমালি লতাফল কুচদ্বযী

॥ 13 ॥

শ্লোক 19

লক্ষ্যরোমলতা ধারতা সমুন্নেয মধ্যমা ।

স্তনভার দলন্-মধ্য পট্টবন্ধ বলিত্রযা

॥ 14 ॥

শ্লোক 20

অরুণারুণ কৌসুম্ভ বস্ত্র ভাস্বত্-কটীতটী ।

রত্নকিঙ্কিণি কারম্য রশনাদাম ভূষিতা

॥ 15 ॥

শ্লোক 21

কামেশ জ্ঞাত সৌভাগ্য মার্দবোরু দ্বযান্বিতা ।

মাণিক্য মকুটাকার জানুদ্বয বিরাজিতা

॥ 16 ॥

শ্লোক 22

ইন্দ্রগোপ পরিক্ষিপ্ত স্মর তূণাভ জঙ্ঘিকা ।

গূঢগুল্ভা কূর্মপৃষ্ঠ জযিষ্ণু প্রপদান্বিতা

॥ 17 ॥

শ্লোক 23

নখদীধিতি সঞ্ছন্ন নমজ্জন তমোগুণা ।

পদদ্বয প্রভাজাল পরাকৃত সরোরুহা

॥ 18 ॥

শ্লোক 24

শিঞ্জান মণিমঞ্জীর মণ্ডিত শ্রী পদাম্বুজা ।

মরালী মন্দগমনা, মহালাবণ্য শেবধিঃ

॥ 19 ॥

শ্লোক 25

সর্বারুণাঽনবদ্যাঙ্গী সর্বাভরণ ভূষিতা ।

শিবকামেশ্বরাঙ্কস্থা, শিবা, স্বাধীন বল্লভা

॥ 20 ॥

শ্লোক 26

সুমেরু মধ্যশৃঙ্গস্থা, শ্রীমন্নগর নাযিকা ।

চিন্তামণি গৃহান্তস্থা, পঞ্চব্রহ্মাসনস্থিতা

॥ 21 ॥

শ্লোক 27

মহাপদ্মাটবী সংস্থা, কদম্ব বনবাসিনী ।

সুধাসাগর মধ্যস্থা, কামাক্ষী কামদাযিনী

॥ 22 ॥

শ্লোক 28

দেবর্ষি গণসঙ্ঘাত স্তূযমানাত্ম বৈভবা ।

ভণ্ডাসুর বধোদ্যুক্ত শক্তিসেনা সমন্বিতা

॥ 23 ॥

শ্লোক 29

সম্পত্করী সমারূঢ সিন্ধুর ব্রজসেবিতা ।

অশ্বারূঢাধিষ্ঠিতাশ্ব কোটিকোটি ভিরাবৃতা

॥ 24 ॥

শ্লোক 30

চক্ররাজ রথারূঢ সর্বাযুধ পরিষ্কৃতা ।

গেযচক্র রথারূঢ মন্ত্রিণী পরিসেবিতা

॥ 25 ॥

শ্লোক 31

কিরিচক্র রথারূঢ দণ্ডনাথা পুরস্কৃতা ।

জ্বালামালিনি কাক্ষিপ্ত বহ্নিপ্রাকার মধ্যগা

॥ 26 ॥

শ্লোক 32

ভণ্ডসৈন্য বধোদ্যুক্ত শক্তি বিক্রমহর্ষিতা ।

নিত্যা পরাক্রমাটোপ নিরীক্ষণ সমুত্সুকা

॥ 27 ॥

শ্লোক 33

ভণ্ডপুত্র বধোদ্যুক্ত বালাবিক্রম নন্দিতা ।

মন্ত্রিণ্যম্বা বিরচিত বিষঙ্গ বধতোষিতা

॥ 28 ॥

শ্লোক 34

বিশুক্র প্রাণহরণ বারাহী বীর্যনন্দিতা ।

কামেশ্বর মুখালোক কল্পিত শ্রী গণেশ্বরা

॥ 29 ॥

শ্লোক 35

মহাগণেশ নির্ভিন্ন বিঘ্নযন্ত্র প্রহর্ষিতা ।

ভণ্ডাসুরেন্দ্র নির্মুক্ত শস্ত্র প্রত্যস্ত্র বর্ষিণী

॥ 30 ॥

শ্লোক 36

করাঙ্গুলি নখোত্পন্ন নারাযণ দশাকৃতিঃ ।

মহাপাশুপতাস্ত্রাগ্নি নির্দগ্ধাসুর সৈনিকা

॥ 31 ॥

শ্লোক 37

কামেশ্বরাস্ত্র নির্দগ্ধ সভণ্ডাসুর শূন্যকা ।

ব্রহ্মোপেন্দ্র মহেন্দ্রাদি দেবসংস্তুত বৈভবা

॥ 32 ॥

শ্লোক 38

হরনেত্রাগ্নি সন্দগ্ধ কাম সঞ্জীবনৌষধিঃ ।

শ্রীমদ্বাগ্ভব কূটৈক স্বরূপ মুখপঙ্কজা

॥ 33 ॥

শ্লোক 39

কণ্ঠাধঃ কটিপর্যন্ত মধ্যকূট স্বরূপিণী ।

শক্তিকূটৈক তাপন্ন কট্যথোভাগ ধারিণী

॥ 34 ॥

শ্লোক 40

মূলমন্ত্রাত্মিকা, মূলকূট ত্রয কলেবরা ।

কুলামৃতৈক রসিকা, কুলসঙ্কেত পালিনী

॥ 35 ॥

শ্লোক 41

কুলাঙ্গনা, কুলান্তঃস্থা, কৌলিনী, কুলযোগিনী ।

অকুলা, সমযান্তঃস্থা, সমযাচার তত্পরা

॥ 36 ॥

শ্লোক 42

মূলাধারৈক নিলযা, ব্রহ্মগ্রন্থি বিভেদিনী ।

মণিপূরান্ত রুদিতা, বিষ্ণুগ্রন্থি বিভেদিনী

॥ 37 ॥

শ্লোক 43

আজ্ঞা চক্রান্তরালস্থা, রুদ্রগ্রন্থি বিভেদিনী ।

সহস্রারাম্বুজা রূঢা, সুধাসারাভি বর্ষিণী

॥ 38 ॥

শ্লোক 44

তটিল্লতা সমরুচিঃ, ষট্-চক্রোপরি সংস্থিতা ।

মহাশক্তিঃ, কুণ্ডলিনী, বিসতন্তু তনীযসী

॥ 39 ॥

শ্লোক 45

ভবানী, ভাবনাগম্যা, ভবারণ্য কুঠারিকা ।

ভদ্রপ্রিযা, ভদ্রমূর্তি, র্ভক্তসৌভাগ্য দাযিনী

॥ 40 ॥

শ্লোক 46

ভক্তিপ্রিযা, ভক্তিগম্যা, ভক্তিবশ্যা, ভযাপহা ।

শাম্ভবী, শারদারাধ্যা, শর্বাণী, শর্মদাযিনী

॥ 41 ॥

শ্লোক 47

শাঙ্করী, শ্রীকরী, সাধ্বী, শরচ্চন্দ্রনিভাননা ।

শাতোদরী, শান্তিমতী, নিরাধারা, নিরঞ্জনা

॥ 42 ॥

শ্লোক 48

নির্লেপা, নির্মলা, নিত্যা, নিরাকারা, নিরাকুলা ।

নির্গুণা, নিষ্কলা, শান্তা, নিষ্কামা, নিরুপপ্লবা

॥ 43 ॥

শ্লোক 49

নিত্যমুক্তা, নির্বিকারা, নিষ্প্রপঞ্চা, নিরাশ্রযা ।

নিত্যশুদ্ধা, নিত্যবুদ্ধা, নিরবদ্যা, নিরন্তরা

॥ 44 ॥

শ্লোক 50

নিষ্কারণা, নিষ্কলঙ্কা, নিরুপাধি, র্নিরীশ্বরা ।

নীরাগা, রাগমথনী, নির্মদা, মদনাশিনী

॥ 45 ॥

শ্লোক 51

নিশ্চিন্তা, নিরহঙ্কারা, নির্মোহা, মোহনাশিনী ।

নির্মমা, মমতাহন্ত্রী, নিষ্পাপা, পাপনাশিনী

॥ 46 ॥

শ্লোক 52

নিষ্ক্রোধা, ক্রোধশমনী, নির্লোভা, লোভনাশিনী ।

নিঃসংশযা, সংশযঘ্নী, নির্ভবা, ভবনাশিনী

॥ 47 ॥

শ্লোক 53

নির্বিকল্পা, নিরাবাধা, নির্ভেদা, ভেদনাশিনী ।

নির্নাশা, মৃত্যুমথনী, নিষ্ক্রিযা, নিষ্পরিগ্রহা

॥ 48 ॥

শ্লোক 54

নিস্তুলা, নীলচিকুরা, নিরপাযা, নিরত্যযা ।

দুর্লভা, দুর্গমা, দুর্গা, দুঃখহন্ত্রী, সুখপ্রদা

॥ 49 ॥

শ্লোক 55

দুষ্টদূরা, দুরাচার শমনী, দোষবর্জিতা ।

সর্বজ্ঞা, সান্দ্রকরুণা, সমানাধিকবর্জিতা

॥ 50 ॥

শ্লোক 56

সর্বশক্তিমযী, সর্বমঙ্গলা, সদ্গতিপ্রদা ।

সর্বেশ্বরী, সর্বমযী, সর্বমন্ত্র স্বরূপিণী

॥ 51 ॥

শ্লোক 57

সর্বযন্ত্রাত্মিকা, সর্বতন্ত্ররূপা, মনোন্মনী ।

মাহেশ্বরী, মহাদেবী, মহালক্ষ্মী, র্মৃডপ্রিযা

॥ 52 ॥

শ্লোক 58

মহারূপা, মহাপূজ্যা, মহাপাতক নাশিনী ।

মহামাযা, মহাসত্ত্বা, মহাশক্তি র্মহারতিঃ

॥ 53 ॥

শ্লোক 59

মহাভোগা, মহৈশ্বর্যা, মহাবীর্যা, মহাবলা ।

মহাবুদ্ধি, র্মহাসিদ্ধি, র্মহাযোগেশ্বরেশ্বরী

॥ 54 ॥

শ্লোক 60

মহাতন্ত্রা, মহামন্ত্রা, মহাযন্ত্রা, মহাসনা ।

মহাযাগ ক্রমারাধ্যা, মহাভৈরব পূজিতা

॥ 55 ॥

শ্লোক 61

মহেশ্বর মহাকল্প মহাতাণ্ডব সাক্ষিণী ।

মহাকামেশ মহিষী, মহাত্রিপুর সুন্দরী

॥ 56 ॥

শ্লোক 62

চতুঃষষ্ট্যুপচারাঢ্যা, চতুষ্ষষ্টি কলামযী ।

মহা চতুষ্ষষ্টি কোটি যোগিনী গণসেবিতা

॥ 57 ॥

শ্লোক 63

মনুবিদ্যা, চন্দ্রবিদ্যা, চন্দ্রমণ্ডলমধ্যগা ।

চারুরূপা, চারুহাসা, চারুচন্দ্র কলাধরা

॥ 58 ॥

শ্লোক 64

চরাচর জগন্নাথা, চক্ররাজ নিকেতনা ।

পার্বতী, পদ্মনযনা, পদ্মরাগ সমপ্রভা

॥ 59 ॥

শ্লোক 65

পঞ্চপ্রেতাসনাসীনা, পঞ্চব্রহ্ম স্বরূপিণী ।

চিন্মযী, পরমানন্দা, বিজ্ঞান ঘনরূপিণী

॥ 60 ॥

শ্লোক 66

ধ্যানধ্যাতৃ ধ্যেযরূপা, ধর্মাধর্ম বিবর্জিতা ।

বিশ্বরূপা, জাগরিণী, স্বপন্তী, তৈজসাত্মিকা

॥ 61 ॥

শ্লোক 67

সুপ্তা, প্রাজ্ঞাত্মিকা, তুর্যা, সর্বাবস্থা বিবর্জিতা ।

সৃষ্টিকর্ত্রী, ব্রহ্মরূপা, গোপ্ত্রী, গোবিন্দরূপিণী

॥ 62 ॥

শ্লোক 68

সংহারিণী, রুদ্ররূপা, তিরোধানকরীশ্বরী ।

সদাশিবানুগ্রহদা, পঞ্চকৃত্য পরাযণা

॥ 63 ॥

শ্লোক 69

ভানুমণ্ডল মধ্যস্থা, ভৈরবী, ভগমালিনী ।

পদ্মাসনা, ভগবতী, পদ্মনাভ সহোদরী

॥ 64 ॥

শ্লোক 70

উন্মেষ নিমিষোত্পন্ন বিপন্ন ভুবনাবলিঃ ।

সহস্রশীর্ষবদনা, সহস্রাক্ষী, সহস্রপাত্

॥ 65 ॥

শ্লোক 71

আব্রহ্ম কীটজননী, বর্ণাশ্রম বিধাযিনী ।

নিজাজ্ঞারূপনিগমা, পুণ্যাপুণ্য ফলপ্রদা

॥ 66 ॥

শ্লোক 72

শ্রুতি সীমন্ত সিন্ধূরীকৃত পাদাব্জধূলিকা ।

সকলাগম সন্দোহ শুক্তিসম্পুট মৌক্তিকা

॥ 67 ॥

শ্লোক 73

পুরুষার্থপ্রদা, পূর্ণা, ভোগিনী, ভুবনেশ্বরী ।

অম্বিকা,ঽনাদি নিধনা, হরিব্রহ্মেন্দ্র সেবিতা

॥ 68 ॥

শ্লোক 74

নারাযণী, নাদরূপা, নামরূপ বিবর্জিতা ।

হ্রীঙ্কারী, হ্রীমতী, হৃদ্যা, হেযোপাদেয বর্জিতা

॥ 69 ॥

শ্লোক 75

রাজরাজার্চিতা, রাজ্ঞী, রম্যা, রাজীবলোচনা ।

রঞ্জনী, রমণী, রস্যা, রণত্কিঙ্কিণি মেখলা

॥ 70 ॥

শ্লোক 76

রমা, রাকেন্দুবদনা, রতিরূপা, রতিপ্রিযা ।

রক্ষাকরী, রাক্ষসঘ্নী, রামা, রমণলম্পটা

॥ 71 ॥

শ্লোক 77

কাম্যা, কামকলারূপা, কদম্ব কুসুমপ্রিযা ।

কল্যাণী, জগতীকন্দা, করুণারস সাগরা

॥ 72 ॥

শ্লোক 78

কলাবতী, কলালাপা, কান্তা, কাদম্বরীপ্রিযা ।

বরদা, বামনযনা, বারুণীমদবিহ্বলা

॥ 73 ॥

শ্লোক 79

বিশ্বাধিকা, বেদবেদ্যা, বিন্ধ্যাচল নিবাসিনী ।

বিধাত্রী, বেদজননী, বিষ্ণুমাযা, বিলাসিনী

॥ 74 ॥

শ্লোক 80

ক্ষেত্রস্বরূপা, ক্ষেত্রেশী, ক্ষেত্র ক্ষেত্রজ্ঞ পালিনী ।

ক্ষযবৃদ্ধি বিনির্মুক্তা, ক্ষেত্রপাল সমর্চিতা

॥ 75 ॥

শ্লোক 81

বিজযা, বিমলা, বন্দ্যা, বন্দারু জনবত্সলা ।

বাগ্বাদিনী, বামকেশী, বহ্নিমণ্ডল বাসিনী

॥ 76 ॥

শ্লোক 82

ভক্তিমত্-কল্পলতিকা, পশুপাশ বিমোচনী ।

সংহৃতাশেষ পাষণ্ডা, সদাচার প্রবর্তিকা

॥ 77 ॥

শ্লোক 83

তাপত্রযাগ্নি সন্তপ্ত সমাহ্লাদন চন্দ্রিকা ।

তরুণী, তাপসারাধ্যা, তনুমধ্যা, তমোঽপহা

॥ 78 ॥

শ্লোক 84

চিতি, স্তত্পদলক্ষ্যার্থা, চিদেক রসরূপিণী ।

স্বাত্মানন্দলবীভূত ব্রহ্মাদ্যানন্দ সন্ততিঃ

॥ 79 ॥

শ্লোক 85

পরা, প্রত্যক্চিতী রূপা, পশ্যন্তী, পরদেবতা ।

মধ্যমা, বৈখরীরূপা, ভক্তমানস হংসিকা

॥ 80 ॥

শ্লোক 86

কামেশ্বর প্রাণনাডী, কৃতজ্ঞা, কামপূজিতা ।

শৃঙ্গার রসসম্পূর্ণা, জযা, জালন্ধরস্থিতা

॥ 81 ॥

শ্লোক 87

ওড্যাণ পীঠনিলযা, বিন্দুমণ্ডল বাসিনী ।

রহোযাগ ক্রমারাধ্যা, রহস্তর্পণ তর্পিতা

॥ 82 ॥

শ্লোক 88

সদ্যঃ প্রসাদিনী, বিশ্বসাক্ষিণী, সাক্ষিবর্জিতা ।

ষডঙ্গদেবতা যুক্তা, ষাড্গুণ্য পরিপূরিতা

॥ 83 ॥

শ্লোক 89

নিত্যক্লিন্না, নিরুপমা, নির্বাণ সুখদাযিনী ।

নিত্যা, ষোডশিকারূপা, শ্রীকণ্ঠার্ধ শরীরিণী

॥ 84 ॥

শ্লোক 90

প্রভাবতী, প্রভারূপা, প্রসিদ্ধা, পরমেশ্বরী ।

মূলপ্রকৃতি রব্যক্তা, ব্যক্তাঽব্যক্ত স্বরূপিণী

॥ 85 ॥

শ্লোক 91

ব্যাপিনী, বিবিধাকারা, বিদ্যাঽবিদ্যা স্বরূপিণী ।

মহাকামেশ নযনা কুমুদাহ্লাদ কৌমুদী

॥ 86 ॥

শ্লোক 92

ভক্তহার্দ তমোভেদ ভানুমদ্-ভানুসন্ততিঃ ।

শিবদূতী, শিবারাধ্যা, শিবমূর্তি, শ্শিবঙ্করী

॥ 87 ॥

শ্লোক 93

শিবপ্রিযা, শিবপরা, শিষ্টেষ্টা, শিষ্টপূজিতা ।

অপ্রমেযা, স্বপ্রকাশা, মনোবাচাম গোচরা

॥ 88 ॥

শ্লোক 94

চিচ্ছক্তি, শ্চেতনারূপা, জডশক্তি, র্জডাত্মিকা ।

গাযত্রী, ব্যাহৃতি, স্সন্ধ্যা, দ্বিজবৃন্দ নিষেবিতা

॥ 89 ॥

শ্লোক 95

তত্ত্বাসনা, তত্ত্বমযী, পঞ্চকোশান্তরস্থিতা ।

নিস্সীমমহিমা, নিত্যযৌবনা, মদশালিনী

॥ 90 ॥

শ্লোক 96

মদঘূর্ণিত রক্তাক্ষী, মদপাটল গণ্ডভূঃ ।

চন্দন দ্রবদিগ্ধাঙ্গী, চাম্পেয কুসুম প্রিযা

॥ 91 ॥

শ্লোক 97

কুশলা, কোমলাকারা, কুরুকুল্লা, কুলেশ্বরী ।

কুলকুণ্ডালযা, কৌল মার্গতত্পর সেবিতা

॥ 92 ॥

শ্লোক 98

কুমার গণনাথাম্বা, তুষ্টিঃ, পুষ্টি, র্মতি, র্ধৃতিঃ ।

শান্তিঃ, স্বস্তিমতী, কান্তি, র্নন্দিনী, বিঘ্ননাশিনী

॥ 93 ॥

শ্লোক 99

তেজোবতী, ত্রিনযনা, লোলাক্ষী কামরূপিণী ।

মালিনী, হংসিনী, মাতা, মলযাচল বাসিনী

॥ 94 ॥

শ্লোক 100

সুমুখী, নলিনী, সুভ্রূঃ, শোভনা, সুরনাযিকা ।

কালকণ্ঠী, কান্তিমতী, ক্ষোভিণী, সূক্ষ্মরূপিণী

॥ 95 ॥

শ্লোক 101

বজ্রেশ্বরী, বামদেবী, বযোঽবস্থা বিবর্জিতা ।

সিদ্ধেশ্বরী, সিদ্ধবিদ্যা, সিদ্ধমাতা, যশস্বিনী

॥ 96 ॥

শ্লোক 102

বিশুদ্ধি চক্রনিলযা,ঽঽরক্তবর্ণা, ত্রিলোচনা ।

খট্বাঙ্গাদি প্রহরণা, বদনৈক সমন্বিতা

॥ 97 ॥

শ্লোক 103

পাযসান্নপ্রিযা, ত্বক্​স্থা, পশুলোক ভযঙ্করী ।

অমৃতাদি মহাশক্তি সংবৃতা, ডাকিনীশ্বরী

॥ 98 ॥

শ্লোক 104

অনাহতাব্জ নিলযা, শ্যামাভা, বদনদ্বযা ।

দংষ্ট্রোজ্জ্বলা,ঽক্ষমালাধিধরা, রুধির সংস্থিতা

॥ 99 ॥

শ্লোক 105

কালরাত্র্যাদি শক্ত্যোঘবৃতা, স্নিগ্ধৌদনপ্রিযা ।

মহাবীরেন্দ্র বরদা, রাকিণ্যম্বা স্বরূপিণী

॥ 100 ॥

শ্লোক 106

মণিপূরাব্জ নিলযা, বদনত্রয সংযুতা ।

বজ্রাধিকাযুধোপেতা, ডামর্যাদিভি রাবৃতা

॥ 101 ॥

শ্লোক 107

রক্তবর্ণা, মাংসনিষ্ঠা, গুডান্ন প্রীতমানসা ।

সমস্ত ভক্তসুখদা, লাকিন্যম্বা স্বরূপিণী

॥ 102 ॥

শ্লোক 108

স্বাধিষ্ঠানাম্বু জগতা, চতুর্বক্ত্র মনোহরা ।

শূলাদ্যাযুধ সম্পন্না, পীতবর্ণা,ঽতিগর্বিতা

॥ 103 ॥

শ্লোক 109

মেদোনিষ্ঠা, মধুপ্রীতা, বন্দিন্যাদি সমন্বিতা ।

দধ্যন্নাসক্ত হৃদযা, কাকিনী রূপধারিণী

॥ 104 ॥

শ্লোক 110

মূলা ধারাম্বুজারূঢা, পঞ্চবক্ত্রা,ঽস্থিসংস্থিতা ।

অঙ্কুশাদি প্রহরণা, বরদাদি নিষেবিতা

॥ 105 ॥

শ্লোক 111

মুদ্গৌদনাসক্ত চিত্তা, সাকিন্যম্বাস্বরূপিণী ।

আজ্ঞা চক্রাব্জনিলযা, শুক্লবর্ণা, ষডাননা

॥ 106 ॥

শ্লোক 112

মজ্জাসংস্থা, হংসবতী মুখ্যশক্তি সমন্বিতা ।

হরিদ্রান্নৈক রসিকা, হাকিনী রূপধারিণী

॥ 107 ॥

শ্লোক 113

সহস্রদল পদ্মস্থা, সর্ববর্ণোপ শোভিতা ।

সর্বাযুধধরা, শুক্ল সংস্থিতা, সর্বতোমুখী

॥ 108 ॥

শ্লোক 114

সর্বৌদন প্রীতচিত্তা, যাকিন্যম্বা স্বরূপিণী ।

স্বাহা, স্বধা,ঽমতি, র্মেধা, শ্রুতিঃ, স্মৃতি, রনুত্তমা

॥ 109 ॥

শ্লোক 115

পুণ্যকীর্তিঃ, পুণ্যলভ্যা, পুণ্যশ্রবণ কীর্তনা ।

পুলোমজার্চিতা, বন্ধমোচনী, বন্ধুরালকা

॥ 110 ॥

শ্লোক 116

বিমর্শরূপিণী, বিদ্যা, বিযদাদি জগত্প্রসূঃ ।

সর্বব্যাধি প্রশমনী, সর্বমৃত্যু নিবারিণী

॥ 111 ॥

শ্লোক 117

অগ্রগণ্যা,ঽচিন্ত্যরূপা, কলিকল্মষ নাশিনী ।

কাত্যাযিনী, কালহন্ত্রী, কমলাক্ষ নিষেবিতা

॥ 112 ॥

শ্লোক 118

তাম্বূল পূরিত মুখী, দাডিমী কুসুমপ্রভা ।

মৃগাক্ষী, মোহিনী, মুখ্যা, মৃডানী, মিত্ররূপিণী

॥ 113 ॥

শ্লোক 119

নিত্যতৃপ্তা, ভক্তনিধি, র্নিযন্ত্রী, নিখিলেশ্বরী ।

মৈত্র্যাদি বাসনালভ্যা, মহাপ্রলয সাক্ষিণী

॥ 114 ॥

শ্লোক 120

পরাশক্তিঃ, পরানিষ্ঠা, প্রজ্ঞান ঘনরূপিণী ।

মাধ্বীপানালসা, মত্তা, মাতৃকা বর্ণ রূপিণী

॥ 115 ॥

শ্লোক 121

মহাকৈলাস নিলযা, মৃণাল মৃদুদোর্লতা ।

মহনীযা, দযামূর্তী, র্মহাসাম্রাজ্যশালিনী

॥ 116 ॥

শ্লোক 122

আত্মবিদ্যা, মহাবিদ্যা, শ্রীবিদ্যা, কামসেবিতা ।

শ্রীষোডশাক্ষরী বিদ্যা, ত্রিকূটা, কামকোটিকা

॥ 117 ॥

শ্লোক 123

কটাক্ষকিঙ্করী ভূত কমলা কোটিসেবিতা ।

শিরঃস্থিতা, চন্দ্রনিভা, ফালস্থেন্দ্র ধনুঃপ্রভা

॥ 118 ॥

শ্লোক 124

হৃদযস্থা, রবিপ্রখ্যা, ত্রিকোণান্তর দীপিকা ।

দাক্ষাযণী, দৈত্যহন্ত্রী, দক্ষযজ্ঞ বিনাশিনী

॥ 119 ॥

শ্লোক 125

দরান্দোলিত দীর্ঘাক্ষী, দরহাসোজ্জ্বলন্মুখী ।

গুরুমূর্তি, র্গুণনিধি, র্গোমাতা, গুহজন্মভূঃ

॥ 120 ॥

শ্লোক 126

দেবেশী, দণ্ডনীতিস্থা, দহরাকাশ রূপিণী ।

প্রতিপন্মুখ্য রাকান্ত তিথিমণ্ডল পূজিতা

॥ 121 ॥

শ্লোক 127

কলাত্মিকা, কলানাথা, কাব্যালাপ বিনোদিনী ।

সচামর রমাবাণী সব্যদক্ষিণ সেবিতা

॥ 122 ॥

শ্লোক 128

আদিশক্তি, রমেযা,ঽঽত্মা, পরমা, পাবনাকৃতিঃ ।

অনেককোটি ব্রহ্মাণ্ড জননী, দিব্যবিগ্রহা

॥ 123 ॥

শ্লোক 129

ক্লীঙ্কারী, কেবলা, গুহ্যা, কৈবল্য পদদাযিনী ।

ত্রিপুরা, ত্রিজগদ্বন্দ্যা, ত্রিমূর্তি, স্ত্রিদশেশ্বরী

॥ 124 ॥

শ্লোক 130

ত্র্যক্ষরী, দিব্যগন্ধাঢ্যা, সিন্ধূর তিলকাঞ্চিতা ।

উমা, শৈলেন্দ্রতনযা, গৌরী, গন্ধর্ব সেবিতা

॥ 125 ॥

শ্লোক 131

বিশ্বগর্ভা, স্বর্ণগর্ভা,ঽবরদা বাগধীশ্বরী ।

ধ্যানগম্যা,ঽপরিচ্ছেদ্যা, জ্ঞানদা, জ্ঞানবিগ্রহা

॥ 126 ॥

শ্লোক 132

সর্ববেদান্ত সংবেদ্যা, সত্যানন্দ স্বরূপিণী ।

লোপামুদ্রার্চিতা, লীলাকৢপ্ত ব্রহ্মাণ্ডমণ্ডলা

॥ 127 ॥

শ্লোক 133

অদৃশ্যা, দৃশ্যরহিতা, বিজ্ঞাত্রী, বেদ্যবর্জিতা ।

যোগিনী, যোগদা, যোগ্যা, যোগানন্দা, যুগন্ধরা

॥ 128 ॥

শ্লোক 134

ইচ্ছাশক্তি জ্ঞানশক্তি ক্রিযাশক্তি স্বরূপিণী ।

সর্বাধারা, সুপ্রতিষ্ঠা, সদসদ্-রূপধারিণী

॥ 129 ॥

শ্লোক 135

অষ্টমূর্তি, রজাজৈত্রী, লোকযাত্রা বিধাযিনী ।

একাকিনী, ভূমরূপা, নির্দ্বৈতা, দ্বৈতবর্জিতা

॥ 130 ॥

শ্লোক 136

অন্নদা, বসুদা, বৃদ্ধা, ব্রহ্মাত্মৈক্য স্বরূপিণী ।

বৃহতী, ব্রাহ্মণী, ব্রাহ্মী, ব্রহ্মানন্দা, বলিপ্রিযা

॥ 131 ॥

শ্লোক 137

ভাষারূপা, বৃহত্সেনা, ভাবাভাব বিবর্জিতা ।

সুখারাধ্যা, শুভকরী, শোভনা সুলভাগতিঃ

॥ 132 ॥

শ্লোক 138

রাজরাজেশ্বরী, রাজ্যদাযিনী, রাজ্যবল্লভা ।

রাজত্-কৃপা, রাজপীঠ নিবেশিত নিজাশ্রিতাঃ

॥ 133 ॥

শ্লোক 139

রাজ্যলক্ষ্মীঃ, কোশনাথা, চতুরঙ্গ বলেশ্বরী ।

সাম্রাজ্যদাযিনী, সত্যসন্ধা, সাগরমেখলা

॥ 134 ॥

শ্লোক 140

দীক্ষিতা, দৈত্যশমনী, সর্বলোক বশঙ্করী ।

সর্বার্থদাত্রী, সাবিত্রী, সচ্চিদানন্দ রূপিণী

॥ 135 ॥

শ্লোক 141

দেশকালাঽপরিচ্ছিন্না, সর্বগা, সর্বমোহিনী ।

সরস্বতী, শাস্ত্রমযী, গুহাম্বা, গুহ্যরূপিণী

॥ 136 ॥

শ্লোক 142

সর্বোপাধি বিনির্মুক্তা, সদাশিব পতিব্রতা ।

সম্প্রদাযেশ্বরী, সাধ্বী, গুরুমণ্ডল রূপিণী

॥ 137 ॥

শ্লোক 143

কুলোত্তীর্ণা, ভগারাধ্যা, মাযা, মধুমতী, মহী ।

গণাম্বা, গুহ্যকারাধ্যা, কোমলাঙ্গী, গুরুপ্রিযা

॥ 138 ॥

শ্লোক 144

স্বতন্ত্রা, সর্বতন্ত্রেশী, দক্ষিণামূর্তি রূপিণী ।

সনকাদি সমারাধ্যা, শিবজ্ঞান প্রদাযিনী

॥ 139 ॥

শ্লোক 145

চিত্কলা,ঽনন্দকলিকা, প্রেমরূপা, প্রিযঙ্করী ।

নামপারাযণ প্রীতা, নন্দিবিদ্যা, নটেশ্বরী

॥ 140 ॥

শ্লোক 146

মিথ্যা জগদধিষ্ঠানা মুক্তিদা, মুক্তিরূপিণী ।

লাস্যপ্রিযা, লযকরী, লজ্জা, রম্ভাদি বন্দিতা

॥ 141 ॥

শ্লোক 147

ভবদাব সুধাবৃষ্টিঃ, পাপারণ্য দবানলা ।

দৌর্ভাগ্যতূল বাতূলা, জরাধ্বান্ত রবিপ্রভা

॥ 142 ॥

শ্লোক 148

ভাগ্যাব্ধিচন্দ্রিকা, ভক্তচিত্তকেকি ঘনাঘনা ।

রোগপর্বত দম্ভোলি, র্মৃত্যুদারু কুঠারিকা

॥ 143 ॥

শ্লোক 149

মহেশ্বরী, মহাকালী, মহাগ্রাসা, মহাঽশনা ।

অপর্ণা, চণ্ডিকা, চণ্ডমুণ্ডাঽসুর নিষূদিনী

॥ 144 ॥

শ্লোক 150

ক্ষরাক্ষরাত্মিকা, সর্বলোকেশী, বিশ্বধারিণী ।

ত্রিবর্গদাত্রী, সুভগা, ত্র্যম্বকা, ত্রিগুণাত্মিকা

॥ 145 ॥

শ্লোক 151

স্বর্গাপবর্গদা, শুদ্ধা, জপাপুষ্প নিভাকৃতিঃ ।

ওজোবতী, দ্যুতিধরা, যজ্ঞরূপা, প্রিযব্রতা

॥ 146 ॥

শ্লোক 152

দুরারাধ্যা, দুরাদর্ষা, পাটলী কুসুমপ্রিযা ।

মহতী, মেরুনিলযা, মন্দার কুসুমপ্রিযা

॥ 147 ॥

শ্লোক 153

বীরারাধ্যা, বিরাড্রূপা, বিরজা, বিশ্বতোমুখী ।

প্রত্যগ্রূপা, পরাকাশা, প্রাণদা, প্রাণরূপিণী

॥ 148 ॥

শ্লোক 154

মার্তাণ্ড ভৈরবারাধ্যা, মন্ত্রিণী ন্যস্তরাজ্যধূঃ ।

ত্রিপুরেশী, জযত্সেনা, নিস্ত্রৈগুণ্যা, পরাপরা

॥ 149 ॥

শ্লোক 155

সত্যজ্ঞানাঽনন্দরূপা, সামরস্য পরাযণা ।

কপর্দিনী, কলামালা, কামধুক্,কামরূপিণী

॥ 150 ॥

শ্লোক 156

কলানিধিঃ, কাব্যকলা, রসজ্ঞা, রসশেবধিঃ ।

পুষ্টা, পুরাতনা, পূজ্যা, পুষ্করা, পুষ্করেক্ষণা

॥ 151 ॥

শ্লোক 157

পরঞ্জ্যোতিঃ, পরন্ধাম, পরমাণুঃ, পরাত্পরা ।

পাশহস্তা, পাশহন্ত্রী, পরমন্ত্র বিভেদিনী

॥ 152 ॥

শ্লোক 158

মূর্তা,ঽমূর্তা,ঽনিত্যতৃপ্তা, মুনি মানস হংসিকা ।

সত্যব্রতা, সত্যরূপা, সর্বান্তর্যামিনী, সতী

॥ 153 ॥

শ্লোক 159

ব্রহ্মাণী, ব্রহ্মজননী, বহুরূপা, বুধার্চিতা ।

প্রসবিত্রী, প্রচণ্ডাঽজ্ঞা, প্রতিষ্ঠা, প্রকটাকৃতিঃ

॥ 154 ॥

শ্লোক 160

প্রাণেশ্বরী, প্রাণদাত্রী, পঞ্চাশত্-পীঠরূপিণী ।

বিশৃঙ্খলা, বিবিক্তস্থা, বীরমাতা, বিযত্প্রসূঃ

॥ 155 ॥

শ্লোক 161

মুকুন্দা, মুক্তি নিলযা, মূলবিগ্রহ রূপিণী ।

ভাবজ্ঞা, ভবরোগঘ্নী ভবচক্র প্রবর্তিনী

॥ 156 ॥

শ্লোক 162

ছন্দস্সারা, শাস্ত্রসারা, মন্ত্রসারা, তলোদরী ।

উদারকীর্তি, রুদ্দামবৈভবা, বর্ণরূপিণী

॥ 157 ॥

শ্লোক 163

জন্মমৃত্যু জরাতপ্ত জন বিশ্রান্তি দাযিনী ।

সর্বোপনিষ দুদ্ঘুষ্টা, শান্ত্যতীত কলাত্মিকা

॥ 158 ॥

শ্লোক 164

গম্ভীরা, গগনান্তঃস্থা, গর্বিতা, গানলোলুপা ।

কল্পনারহিতা, কাষ্ঠা, কান্তা, কান্তার্ধ বিগ্রহা

॥ 159 ॥

শ্লোক 165

কার্যকারণ নির্মুক্তা, কামকেলি তরঙ্গিতা ।

কনত্-কনকতাটঙ্কা, লীলাবিগ্রহ ধারিণী

॥ 160 ॥

শ্লোক 166

অজাক্ষয বিনির্মুক্তা, মুগ্ধা ক্ষিপ্রপ্রসাদিনী ।

অন্তর্মুখ সমারাধ্যা, বহির্মুখ সুদুর্লভা

॥ 161 ॥

শ্লোক 167

ত্রযী, ত্রিবর্গ নিলযা, ত্রিস্থা, ত্রিপুরমালিনী ।

নিরামযা, নিরালম্বা, স্বাত্মারামা, সুধাসৃতিঃ

॥ 162 ॥

শ্লোক 168

সংসারপঙ্ক নির্মগ্ন সমুদ্ধরণ পণ্ডিতা ।

যজ্ঞপ্রিযা, যজ্ঞকর্ত্রী, যজমান স্বরূপিণী

॥ 163 ॥

শ্লোক 169

ধর্মাধারা, ধনাধ্যক্ষা, ধনধান্য বিবর্ধিনী ।

বিপ্রপ্রিযা, বিপ্ররূপা, বিশ্বভ্রমণ কারিণী

॥ 164 ॥

শ্লোক 170

বিশ্বগ্রাসা, বিদ্রুমাভা, বৈষ্ণবী, বিষ্ণুরূপিণী ।

অযোনি, র্যোনিনিলযা, কূটস্থা, কুলরূপিণী

॥ 165 ॥

শ্লোক 171

বীরগোষ্ঠীপ্রিযা, বীরা, নৈষ্কর্ম্যা, নাদরূপিণী ।

বিজ্ঞান কলনা, কল্যা বিদগ্ধা, বৈন্দবাসনা

॥ 166 ॥

শ্লোক 172

তত্ত্বাধিকা, তত্ত্বমযী, তত্ত্বমর্থ স্বরূপিণী ।

সামগানপ্রিযা, সৌম্যা, সদাশিব কুটুম্বিনী

॥ 167 ॥

শ্লোক 173

সব্যাপসব্য মার্গস্থা, সর্বাপদ্বি নিবারিণী ।

স্বস্থা, স্বভাবমধুরা, ধীরা, ধীর সমর্চিতা

॥ 168 ॥

শ্লোক 174

চৈতন্যার্ঘ্য সমারাধ্যা, চৈতন্য কুসুমপ্রিযা ।

সদোদিতা, সদাতুষ্টা, তরুণাদিত্য পাটলা

॥ 169 ॥

শ্লোক 175

দক্ষিণা, দক্ষিণারাধ্যা, দরস্মের মুখাম্বুজা ।

কৌলিনী কেবলা,ঽনর্ঘ্যা কৈবল্য পদদাযিনী

॥ 170 ॥

শ্লোক 176

স্তোত্রপ্রিযা, স্তুতিমতী, শ্রুতিসংস্তুত বৈভবা ।

মনস্বিনী, মানবতী, মহেশী, মঙ্গলাকৃতিঃ

॥ 171 ॥

শ্লোক 177

বিশ্বমাতা, জগদ্ধাত্রী, বিশালাক্ষী, বিরাগিণী।

প্রগল্ভা, পরমোদারা, পরামোদা, মনোমযী

॥ 172 ॥

শ্লোক 178

ব্যোমকেশী, বিমানস্থা, বজ্রিণী, বামকেশ্বরী ।

পঞ্চযজ্ঞপ্রিযা, পঞ্চপ্রেত মঞ্চাধিশাযিনী

॥ 173 ॥

শ্লোক 179

পঞ্চমী, পঞ্চভূতেশী, পঞ্চ সঙ্খ্যোপচারিণী ।

শাশ্বতী, শাশ্বতৈশ্বর্যা, শর্মদা, শম্ভুমোহিনী

॥ 174 ॥

শ্লোক 180

ধরা, ধরসুতা, ধন্যা, ধর্মিণী, ধর্মবর্ধিনী ।

লোকাতীতা, গুণাতীতা, সর্বাতীতা, শমাত্মিকা

॥ 175 ॥

শ্লোক 181

বন্ধূক কুসুম প্রখ্যা, বালা, লীলাবিনোদিনী ।

সুমঙ্গলী, সুখকরী, সুবেষাড্যা, সুবাসিনী

॥ 176 ॥

শ্লোক 182

সুবাসিন্যর্চনপ্রীতা, শোভনা, শুদ্ধ মানসা ।

বিন্দু তর্পণ সন্তুষ্টা, পূর্বজা, ত্রিপুরাম্বিকা

॥ 177 ॥

শ্লোক 183

দশমুদ্রা সমারাধ্যা, ত্রিপুরা শ্রীবশঙ্করী ।

জ্ঞানমুদ্রা, জ্ঞানগম্যা, জ্ঞানজ্ঞেয স্বরূপিণী

॥ 178 ॥

শ্লোক 184

যোনিমুদ্রা, ত্রিখণ্ডেশী, ত্রিগুণাম্বা, ত্রিকোণগা ।

অনঘাদ্ভুত চারিত্রা, বাঞ্ছিতার্থ প্রদাযিনী

॥ 179 ॥

শ্লোক 185

অভ্যাসাতি শযজ্ঞাতা, ষডধ্বাতীত রূপিণী ।

অব্যাজ করুণামূর্তি, রজ্ঞানধ্বান্ত দীপিকা

॥ 180 ॥

শ্লোক 186

আবালগোপ বিদিতা, সর্বানুল্লঙ্ঘ্য শাসনা ।

শ্রী চক্ররাজনিলযা, শ্রীমত্ত্রিপুর সুন্দরী

॥ 181 ॥

শ্লোক 187

শ্রী শিবা, শিবশক্ত্যৈক্য রূপিণী, ললিতাম্বিকা ।

এবং শ্রীললিতাদেব্যা নাম্নাং সাহস্রকং জগুঃ

॥ 182 ॥

শ্লোক 188

॥ ইতি শ্রী ব্রহ্মাণ্ডপুরাণে, উত্তরখণ্ডে, শ্রী হযগ্রীবাগস্ত্য সংবাদে, শ্রীললিতারহস্যনাম শ্রী ললিতা রহস্যনাম সাহস্রস্তোত্র কথনং নাম দ্বিতীযোঽধ্যাযঃ ॥

সিন্ধূরারুণ বিগ্রহাং ত্রিণযনাং মাণিক্য মৌলিস্ফুর-

ত্তারানাযক শেখরাং স্মিতমুখী মাপীন বক্ষোরুহাম্ ।

পাণিভ্যা মলিপূর্ণ রত্ন চষকং রক্তোত্পলং বিভ্রতীং

সৌম্যাং রত্নঘটস্থ রক্ত চরণাং ধ্যাযেত্পরামম্বিকাম্ ॥