Sree Lakshmi Ashtottara Satanaama Stotram

ଶ୍ରୀ ଲକ୍ଷ୍ମୀ ଅଷ୍ଟୋତ୍ତର ଶତନାମ ସ୍ତୋତ୍ରମ୍

ଶ୍ଲୋକ 1

ଦେଵ୍ଯୁଵାଚ

ଦେଵଦେଵ! ମହାଦେଵ! ତ୍ରିକାଲଜ୍ଞ! ମହେଶ୍ଵର!

କରୁଣାକର ଦେଵେଶ! ଭକ୍ତାନୁଗ୍ରହକାରକ! ॥

ଅଷ୍ଟୋତ୍ତର ଶତଂ ଲକ୍ଷ୍ମ୍ଯାଃ ଶ୍ରୋତୁମିଚ୍ଛାମି ତତ୍ତ୍ଵତଃ ॥

ଈଶ୍ଵର ଉଵାଚ

ଦେଵି! ସାଧୁ ମହାଭାଗେ ମହାଭାଗ୍ଯ ପ୍ରଦାଯକମ୍ ।

ସର୍ଵୈଶ୍ଵର୍ଯକରଂ ପୁଣ୍ଯଂ ସର୍ଵପାପ ପ୍ରଣାଶନମ୍ ॥

ସର୍ଵଦାରିଦ୍ର୍ଯ ଶମନଂ ଶ୍ରଵଣାଦ୍ଭୁକ୍ତି ମୁକ୍ତିଦମ୍ ।

ରାଜଵଶ୍ଯକରଂ ଦିଵ୍ଯଂ ଗୁହ୍ଯାଦ୍-ଗୁହ୍ଯତରଂ ପରମ୍ ॥

ଦୁର୍ଲଭଂ ସର୍ଵଦେଵାନାଂ ଚତୁଷ୍ଷଷ୍ଟି କଲାସ୍ପଦମ୍ ।

ପଦ୍ମାଦୀନାଂ ଵରାନ୍ତାନାଂ ନିଧୀନାଂ ନିତ୍ଯଦାଯକମ୍ ॥

ସମସ୍ତ ଦେଵ ସଂସେଵ୍ଯଂ ଅଣିମାଦ୍ଯଷ୍ଟ ସିଦ୍ଧିଦମ୍ ।

କିମତ୍ର ବହୁନୋକ୍ତେନ ଦେଵୀ ପ୍ରତ୍ଯକ୍ଷଦାଯକମ୍ ॥

ତଵ ପ୍ରୀତ୍ଯାଦ୍ଯ ଵକ୍ଷ୍ଯାମି ସମାହିତମନାଶ୍ଶୃଣୁ ।

ଅଷ୍ଟୋତ୍ତର ଶତସ୍ଯାସ୍ଯ ମହାଲକ୍ଷ୍ମିସ୍ତୁ ଦେଵତା ॥

କ୍ଲୀଂ ବୀଜ ପଦମିତ୍ଯୁକ୍ତଂ ଶକ୍ତିସ୍ତୁ ଭୁଵନେଶ୍ଵରୀ ।

ଅଙ୍ଗନ୍ଯାସଃ କରନ୍ଯାସଃ ସ ଇତ୍ଯାଦି ପ୍ରକୀର୍ତିତଃ ॥

ଧ୍ଯାନଂ

ଵନ୍ଦେ ପଦ୍ମକରାଂ ପ୍ରସନ୍ନଵଦନାଂ ସୌଭାଗ୍ଯଦାଂ ଭାଗ୍ଯଦାଂ

ହସ୍ତାଭ୍ଯାମଭଯପ୍ରଦାଂ ମଣିଗଣୈଃ ନାନାଵିଧୈଃ ଭୂଷିତାମ୍ ।

ଭକ୍ତାଭୀଷ୍ଟ ଫଲପ୍ରଦାଂ ହରିହର ବ୍ରହ୍ମାଧିଭିସ୍ସେଵିତାଂ

ପାର୍ଶ୍ଵେ ପଙ୍କଜ ଶଙ୍ଖପଦ୍ମ ନିଧିଭିଃ ଯୁକ୍ତାଂ ସଦା ଶକ୍ତିଭିଃ ॥

ସରସିଜ ନଯନେ ସରୋଜହସ୍ତେ ଧଵଲ ତରାଂଶୁକ ଗନ୍ଧମାଲ୍ଯ ଶୋଭେ ।

ଭଗଵତି ହରିଵଲ୍ଲଭେ ମନୋଜ୍ଞେ ତ୍ରିଭୁଵନ ଭୂତିକରି ପ୍ରସୀଦମହ୍ଯମ୍ ॥

ଓଁ

ପ୍ରକୃତିଂ ଵିକୃତିଂ ଵିଦ୍ଯାଂ ସର୍ଵଭୂତ-ହିତପ୍ରଦାମ୍ ।

ଶ୍ରଦ୍ଧାଂ ଵିଭୂତିଂ ସୁରଭିଂ ନମାମି ପରମାତ୍ମିକାମ୍

ଶ୍ଲୋକ 2

ଵାଚଂ ପଦ୍ମାଲଯାଂ ପଦ୍ମାଂ ଶୁଚିଂ ସ୍ଵାହାଂ ସ୍ଵଧାଂ ସୁଧାମ୍ ।

ଧନ୍ଯାଂ ହିରଣ୍ଯଯୀଂ ଲକ୍ଷ୍ମୀଂ ନିତ୍ଯପୁଷ୍ଟାଂ ଵିଭାଵରୀମ୍

॥ 1 ॥

ଶ୍ଲୋକ 3

ଅଦିତିଂ ଚ ଦିତିଂ ଦୀପ୍ତାଂ ଵସୁଧାଂ ଵସୁଧାରିଣୀମ୍ ।

ନମାମି କମଲାଂ କାନ୍ତାଂ କାମାକ୍ଷୀଂ କ୍ରୋଧସମ୍ଭଵାମ୍ [କାମ୍ଯାଂ କ୍ଷୀରୋଦସମ୍ଭଵାମ୍]

॥ 2 ॥

ଶ୍ଲୋକ 4

ଅନୁଗ୍ରହପ୍ରଦାଂ ବୁଦ୍ଧି-ମନଘାଂ ହରିଵଲ୍ଲଭାମ୍ ।

ଅଶୋକା-ମମୃତାଂ ଦୀପ୍ତାଂ ଲୋକଶୋକଵିନାଶିନୀମ୍

॥ 3 ॥

ଶ୍ଲୋକ 5

ନମାମି ଧର୍ମନିଲଯାଂ କରୁଣାଂ ଲୋକମାତରମ୍ ।

ପଦ୍ମପ୍ରିଯାଂ ପଦ୍ମହସ୍ତାଂ ପଦ୍ମାକ୍ଷୀଂ ପଦ୍ମସୁନ୍ଦରୀମ୍

॥ 4 ॥

ଶ୍ଲୋକ 6

ପଦ୍ମୋଦ୍ଭଵାଂ ପଦ୍ମମୁଖୀଂ ପଦ୍ମନାଭପ୍ରିଯାଂ ରମାମ୍ ।

ପଦ୍ମମାଲାଧରାଂ ଦେଵୀଂ ପଦ୍ମିନୀଂ ପଦ୍ମଗନ୍ଧିନୀମ୍

॥ 5 ॥

ଶ୍ଲୋକ 7

ପୁଣ୍ଯଗନ୍ଧାଂ ସୁପ୍ରସନ୍ନାଂ ପ୍ରସାଦାଭିମୁଖୀଂ ପ୍ରଭାମ୍ ।

ନମାମି ଚନ୍ଦ୍ରଵଦନାଂ ଚନ୍ଦ୍ରାଂ ଚନ୍ଦ୍ରସହୋଦରୀମ୍

॥ 6 ॥

ଶ୍ଲୋକ 8

ଚତୁର୍ଭୁଜାଂ ଚନ୍ଦ୍ରରୂପା-ମିନ୍ଦିରା-ମିନ୍ଦୁଶୀତଲାମ୍ ।

ଆହ୍ଲାଦ ଜନନୀଂ ପୁଷ୍ଟିଂ ଶିଵାଂ ଶିଵକରୀଂ ସତୀମ୍

॥ 7 ॥

ଶ୍ଲୋକ 9

ଵିମଲାଂ ଵିଶ୍ଵଜନନୀଂ ତୁଷ୍ଟିଂ ଦାରିଦ୍ର୍ଯନାଶିନୀମ୍ ।

ପ୍ରୀତିପୁଷ୍କରିଣୀଂ ଶାନ୍ତାଂ ଶୁକ୍ଲମାଲ୍ଯାମ୍ବରାଂ ଶ୍ରିଯମ୍

॥ 8 ॥

ଶ୍ଲୋକ 10

ଭାସ୍କରୀଂ ବିଲ୍ଵନିଲଯାଂ ଵରାରୋହାଂ ଯଶସ୍ଵିନୀମ୍ ।

ଵସୁନ୍ଧରା ମୁଦାରାଙ୍ଗାଂ ହରିଣୀଂ ହେମମାଲିନୀମ୍

॥ 9 ॥

ଶ୍ଲୋକ 11

ଧନଧାନ୍ଯକରୀଂ ସିଦ୍ଧିଂ ସ୍ତ୍ରୈଣସୌମ୍ଯାଂ [ସଦାସୌମ୍ଯାଂ] ଶୁଭପ୍ରଦାମ୍ ।

ନୃପଵେଶ୍ମଗତାଂ ନନ୍ଦାଂ ଵରଲକ୍ଷ୍ମୀଂ ଵସୁପ୍ରଦାମ୍

॥ 10 ॥

ଶ୍ଲୋକ 12

ଶୁଭାଂ ହିରଣ୍ଯପ୍ରାକାରାଂ ସମୁଦ୍ରତନଯାଂ ଜଯାମ୍ ।

ନମାମି ମଙ୍ଗଲାଂ ଦେଵୀଂ ଵିଷ୍ଣୁଵକ୍ଷଃସ୍ଥଲସ୍ଥିତାମ୍

॥ 11 ॥

ଶ୍ଲୋକ 13

ଵିଷ୍ଣୁପତ୍ନୀଂ, ପ୍ରସନ୍ନାକ୍ଷୀଂ ନାରାଯଣସମାଶ୍ରିତାମ୍ ।

ଦାରିଦ୍ର୍ଯଧ୍ଵଂସିନୀଂ ଦେଵୀଂ ସର୍ଵୋପଦ୍ରଵଵାରିଣୀମ୍

॥ 12 ॥

ଶ୍ଲୋକ 14

ନଵଦୁର୍ଗାଂ ମହାକାଲୀଂ ବ୍ରହ୍ମଵିଷ୍ଣୁଶିଵାତ୍ମିକାମ୍ ।

ତ୍ରିକାଲଜ୍ଞାନସମ୍ପନ୍ନାଂ ନମାମି ଭୁଵନେଶ୍ଵରୀମ୍

॥ 13 ॥

ଶ୍ଲୋକ 15

ଲକ୍ଷ୍ମୀଂ କ୍ଷୀରସମୁଦ୍ରରାଜ ତନଯାଂ ଶ୍ରୀରଙ୍ଗଧାମେଶ୍ଵରୀମ୍ ।

ଦାସୀଭୂତ ସମସ୍ତଦେଵ ଵନିତାଂ ଲୋକୈକ ଦୀପାଙ୍କୁରାମ୍ ॥

ଶ୍ରୀମନ୍ମନ୍ଦ କଟାକ୍ଷ ଲବ୍ଧ ଵିଭଵଦ୍-ବ୍ରହ୍ମେନ୍ଦ୍ର ଗଙ୍ଗାଧରାମ୍ ।

ତ୍ଵାଂ ତ୍ରୈଲୋକ୍ଯ କୁଟୁମ୍ବିନୀଂ ସରସିଜାଂ ଵନ୍ଦେ ମୁକୁନ୍ଦପ୍ରିଯାମ୍

॥ 14 ॥

ଶ୍ଲୋକ 16

ମାତର୍ନମାମି! କମଲେ! କମଲାଯତାକ୍ଷି!

ଶ୍ରୀ ଵିଷ୍ଣୁ ହୃତ୍-କମଲଵାସିନି! ଵିଶ୍ଵମାତଃ!

କ୍ଷୀରୋଦଜେ କମଲ କୋମଲ ଗର୍ଭଗୌରି!

ଲକ୍ଷ୍ମୀ! ପ୍ରସୀଦ ସତତଂ ସମତାଂ ଶରଣ୍ଯେ

॥ 15 ॥

ଶ୍ଲୋକ 17

ତ୍ରିକାଲଂ ଯୋ ଜପେତ୍ ଵିଦ୍ଵାନ୍ ଷଣ୍ମାସଂ ଵିଜିତେନ୍ଦ୍ରିଯଃ ।

ଦାରିଦ୍ର୍ଯ ଧ୍ଵଂସନଂ କୃତ୍ଵା ସର୍ଵମାପ୍ନୋତ୍-ଯଯତ୍ନତଃ ।

ଦେଵୀନାମ ସହସ୍ରେଷୁ ପୁଣ୍ଯମଷ୍ଟୋତ୍ତରଂ ଶତମ୍ ।

ଯେନ ଶ୍ରିଯ ମଵାପ୍ନୋତି କୋଟିଜନ୍ମ ଦରିଦ୍ରତଃ

॥ 16 ॥

ଶ୍ଲୋକ 18

ଭୃଗୁଵାରେ ଶତଂ ଧୀମାନ୍ ପଠେତ୍ ଵତ୍ସରମାତ୍ରକମ୍ ।

ଅଷ୍ଟୈଶ୍ଵର୍ଯ ମଵାପ୍ନୋତି କୁବେର ଇଵ ଭୂତଲେ ॥

ଦାରିଦ୍ର୍ଯ ମୋଚନଂ ନାମ ସ୍ତୋତ୍ରମମ୍ବାପରଂ ଶତମ୍ ।

ଯେନ ଶ୍ରିଯ ମଵାପ୍ନୋତି କୋଟିଜନ୍ମ ଦରିଦ୍ରତଃ

॥ 17 ॥

ଶ୍ଲୋକ 19

ଭୁକ୍ତ୍ଵାତୁ ଵିପୁଲାନ୍ ଭୋଗାନ୍ ଅନ୍ତେ ସାଯୁଜ୍ଯମାପ୍ନୁଯାତ୍ ।

ପ୍ରାତଃକାଲେ ପଠେନ୍ନିତ୍ଯଂ ସର୍ଵ ଦୁଃଖୋପ ଶାନ୍ତଯେ ।

ପଠନ୍ତୁ ଚିନ୍ତଯେଦ୍ଦେଵୀଂ ସର୍ଵାଭରଣ ଭୂଷିତାମ୍

॥ 18 ॥

ଶ୍ଲୋକ 20

ଇତି ଶ୍ରୀ ଲକ୍ଷ୍ମ୍ଯଷ୍ଟୋତ୍ତରଶତନାମସ୍ତୋତ୍ରଂ ସମ୍ପୂର୍ଣଂ