Sree Lakshmi Ashtottara Satanaama Stotram

zrI lakSmI aSTottara zatanAma stotram

zloka 1

devyuvAca

devadeva! mahAdeva! trikAlajJa! mahezvara!

karuNAkara deveza! bhaktAnugrahakAraka! ||

aSTottara zataM lakSmyAH zrotumicchAmi tattvataH ||

Izvara uvAca

devi! sAdhu mahAbhAge mahAbhAgya pradAyakam |

sarvaizvaryakaraM puNyaM sarvapApa praNAzanam ||

sarvadAridrya zamanaM zravaNAdbhukti muktidam |

rAjavazyakaraM divyaM guhyAd-guhyataraM param ||

durlabhaM sarvadevAnAM catuSSaSTi kalAspadam |

padmAdInAM varAntAnAM nidhInAM nityadAyakam ||

samasta deva saMsevyaM aNimAdyaSTa siddhidam |

kimatra bahunoktena devI pratyakSadAyakam ||

tava prItyAdya vakSyAmi samAhitamanAzzRNu |

aSTottara zatasyAsya mahAlakSmistu devatA ||

klIM bIja padamityuktaM zaktistu bhuvanezvarI |

aGganyAsaH karanyAsaH sa ityAdi prakIrtitaH ||

dhyAnaM

vande padmakarAM prasannavadanAM saubhAgyadAM bhAgyadAM

hastAbhyAmabhayapradAM maNigaNaiH nAnAvidhaiH bhUSitAm |

bhaktAbhISTa phalapradAM harihara brahmAdhibhissevitAM

pArzve paGkaja zaGkhapadma nidhibhiH yuktAM sadA zaktibhiH ||

sarasija nayane sarojahaste dhavala tarAMzuka gandhamAlya zobhe |

bhagavati harivallabhe manojJe tribhuvana bhUtikari prasIdamahyam ||

OM

prakRtiM vikRtiM vidyAM sarvabhUta-hitapradAm |

zraddhAM vibhUtiM surabhiM namAmi paramAtmikAm || 1 ||

vAcaM padmAlayAM padmAM zuciM svAhAM svadhAM sudhAm |

dhanyAM hiraNyayIM lakSmIM nityapuSTAM vibhAvarIm || 2 ||

aditiM ca ditiM dIptAM vasudhAM vasudhAriNIm |

namAmi kamalAM kAntAM kAmAkSIM krodhasambhavAm [kAmyAM kSIrodasambhavAm] || 3 ||

anugrahapradAM buddhi-managhAM harivallabhAm |

azokA-mamRtAM dIptAM lokazokavinAzinIm || 4 ||

namAmi dharmanilayAM karuNAM lokamAtaram |

padmapriyAM padmahastAM padmAkSIM padmasundarIm || 5 ||

padmodbhavAM padmamukhIM padmanAbhapriyAM ramAm |

padmamAlAdharAM devIM padminIM padmagandhinIm || 6 ||

puNyagandhAM suprasannAM prasAdAbhimukhIM prabhAm |

namAmi candravadanAM candrAM candrasahodarIm || 7 ||

caturbhujAM candrarUpA-mindirA-minduzItalAm |

AhlAda jananIM puSTiM zivAM zivakarIM satIm || 8 ||

vimalAM vizvajananIM tuSTiM dAridryanAzinIm |

prItipuSkariNIM zAntAM zuklamAlyAmbarAM zriyam || 9 ||

bhAskarIM bilvanilayAM varArohAM yazasvinIm |

vasundharA mudArAGgAM hariNIM hemamAlinIm || 10 ||

dhanadhAnyakarIM siddhiM straiNasaumyAM [sadAsaumyAM] zubhapradAm |

nRpavezmagatAM nandAM varalakSmIM vasupradAm || 11 ||

zubhAM hiraNyaprAkArAM samudratanayAM jayAm |

namAmi maGgalAM devIM viSNuvakSaHsthalasthitAm || 12 ||

viSNupatnIM, prasannAkSIM nArAyaNasamAzritAm |

dAridryadhvaMsinIM devIM sarvopadravavAriNIm || 13 ||

navadurgAM mahAkAlIM brahmaviSNuzivAtmikAm |

trikAlajJAnasampannAM namAmi bhuvanezvarIm || 14 ||

lakSmIM kSIrasamudrarAja tanayAM zrIraGgadhAmezvarIm |

dAsIbhUta samastadeva vanitAM lokaika dIpAGkurAm ||

zrImanmanda kaTAkSa labdha vibhavad-brahmendra gaGgAdharAm |

tvAM trailokya kuTumbinIM sarasijAM vande mukundapriyAm || 15 ||

mAtarnamAmi! kamale! kamalAyatAkSi!

zrI viSNu hRt-kamalavAsini! vizvamAtaH!

kSIrodaje kamala komala garbhagauri!

lakSmI! prasIda satataM samatAM zaraNye || 16 ||

trikAlaM yo japet vidvAn SaNmAsaM vijitendriyaH |

dAridrya dhvaMsanaM kRtvA sarvamApnot-yayatnataH |

devInAma sahasreSu puNyamaSTottaraM zatam |

yena zriya mavApnoti koTijanma daridrataH || 17 ||

bhRguvAre zataM dhImAn paThet vatsaramAtrakam |

aSTaizvarya mavApnoti kubera iva bhUtale ||

dAridrya mocanaM nAma stotramambAparaM zatam |

yena zriya mavApnoti koTijanma daridrataH || 18 ||

bhuktvAtu vipulAn bhogAn ante sAyujyamApnuyAt |

prAtaHkAle paThennityaM sarva duHkhopa zAntaye |

paThantu cintayeddevIM sarvAbharaNa bhUSitAm || 19 ||

iti zrI lakSmyaSTottarazatanAmastotraM sampUrNaM