ശ്രീ ലക്ഷ്മീ അഷ്ടോത്തര ശതനാമ സ്തോത്രമ്

ശ്രീ ലക്ഷ്മീ അഷ്ടോത്തര ശതനാമ സ്തോത്രമ്

ശ്ലോക 1

ദേവ്യുവാച

ദേവദേവ! മഹാദേവ! ത്രികാലജ്ഞ! മഹേശ്വര!

കരുണാകര ദേവേശ! ഭക്താനുഗ്രഹകാരക! ॥

അഷ്ടോത്തര ശതം ലക്ഷ്മ്യാഃ ശ്രോതുമിച്ഛാമി തത്ത്വതഃ ॥

ഈശ്വര ഉവാച

ദേവി! സാധു മഹാഭാഗേ മഹാഭാഗ്യ പ്രദായകമ് ।

സര്വൈശ്വര്യകരം പുണ്യം സര്വപാപ പ്രണാശനമ് ॥

സര്വദാരിദ്ര്യ ശമനം ശ്രവണാദ്ഭുക്തി മുക്തിദമ് ।

രാജവശ്യകരം ദിവ്യം ഗുഹ്യാദ്-ഗുഹ്യതരം പരമ് ॥

ദുര്ലഭം സര്വദേവാനാം ചതുഷ്ഷഷ്ടി കലാസ്പദമ് ।

പദ്മാദീനാം വരാന്താനാം നിധീനാം നിത്യദായകമ് ॥

സമസ്ത ദേവ സംസേവ്യം അണിമാദ്യഷ്ട സിദ്ധിദമ് ।

കിമത്ര ബഹുനോക്തേന ദേവീ പ്രത്യക്ഷദായകമ് ॥

തവ പ്രീത്യാദ്യ വക്ഷ്യാമി സമാഹിതമനാശ്ശൃണു ।

അഷ്ടോത്തര ശതസ്യാസ്യ മഹാലക്ഷ്മിസ്തു ദേവതാ ॥

ക്ലീം ബീജ പദമിത്യുക്തം ശക്തിസ്തു ഭുവനേശ്വരീ ।

അങ്ഗന്യാസഃ കരന്യാസഃ സ ഇത്യാദി പ്രകീര്തിതഃ ॥

ധ്യാനം

വന്ദേ പദ്മകരാം പ്രസന്നവദനാം സൌഭാഗ്യദാം ഭാഗ്യദാം

ഹസ്താഭ്യാമഭയപ്രദാം മണിഗണൈഃ നാനാവിധൈഃ ഭൂഷിതാമ് ।

ഭക്താഭീഷ്ട ഫലപ്രദാം ഹരിഹര ബ്രഹ്മാധിഭിസ്സേവിതാം

പാര്ശ്വേ പങ്കജ ശങ്ഖപദ്മ നിധിഭിഃ യുക്താം സദാ ശക്തിഭിഃ ॥

സരസിജ നയനേ സരോജഹസ്തേ ധവല തരാംശുക ഗന്ധമാല്യ ശോഭേ ।

ഭഗവതി ഹരിവല്ലഭേ മനോജ്ഞേ ത്രിഭുവന ഭൂതികരി പ്രസീദമഹ്യമ് ॥

ഓം

പ്രകൃതിം വികൃതിം വിദ്യാം സര്വഭൂത-ഹിതപ്രദാമ് ।

ശ്രദ്ധാം വിഭൂതിം സുരഭിം നമാമി പരമാത്മികാമ്

ശ്ലോക 2

വാചം പദ്മാലയാം പദ്മാം ശുചിം സ്വാഹാം സ്വധാം സുധാമ് ।

ധന്യാം ഹിരണ്യയീം ലക്ഷ്മീം നിത്യപുഷ്ടാം വിഭാവരീമ്

॥ 1 ॥

ശ്ലോക 3

അദിതിം ച ദിതിം ദീപ്താം വസുധാം വസുധാരിണീമ് ।

നമാമി കമലാം കാന്താം കാമാക്ഷീം ക്രോധസമ്ഭവാമ് [കാമ്യാം ക്ഷീരോദസമ്ഭവാമ്]

॥ 2 ॥

ശ്ലോക 4

അനുഗ്രഹപ്രദാം ബുദ്ധി-മനഘാം ഹരിവല്ലഭാമ് ।

അശോകാ-മമൃതാം ദീപ്താം ലോകശോകവിനാശിനീമ്

॥ 3 ॥

ശ്ലോക 5

നമാമി ധര്മനിലയാം കരുണാം ലോകമാതരമ് ।

പദ്മപ്രിയാം പദ്മഹസ്താം പദ്മാക്ഷീം പദ്മസുന്ദരീമ്

॥ 4 ॥

ശ്ലോക 6

പദ്മോദ്ഭവാം പദ്മമുഖീം പദ്മനാഭപ്രിയാം രമാമ് ।

പദ്മമാലാധരാം ദേവീം പദ്മിനീം പദ്മഗന്ധിനീമ്

॥ 5 ॥

ശ്ലോക 7

പുണ്യഗന്ധാം സുപ്രസന്നാം പ്രസാദാഭിമുഖീം പ്രഭാമ് ।

നമാമി ചന്ദ്രവദനാം ചന്ദ്രാം ചന്ദ്രസഹോദരീമ്

॥ 6 ॥

ശ്ലോക 8

ചതുര്ഭുജാം ചന്ദ്രരൂപാ-മിന്ദിരാ-മിന്ദുശീതലാമ് ।

ആഹ്ലാദ ജനനീം പുഷ്ടിം ശിവാം ശിവകരീം സതീമ്

॥ 7 ॥

ശ്ലോക 9

വിമലാം വിശ്വജനനീം തുഷ്ടിം ദാരിദ്ര്യനാശിനീമ് ।

പ്രീതിപുഷ്കരിണീം ശാന്താം ശുക്ലമാല്യാമ്ബരാം ശ്രിയമ്

॥ 8 ॥

ശ്ലോക 10

ഭാസ്കരീം ബില്വനിലയാം വരാരോഹാം യശസ്വിനീമ് ।

വസുന്ധരാ മുദാരാങ്ഗാം ഹരിണീം ഹേമമാലിനീമ്

॥ 9 ॥

ശ്ലോക 11

ധനധാന്യകരീം സിദ്ധിം സ്ത്രൈണസൌമ്യാം [സദാസൌമ്യാം] ശുഭപ്രദാമ് ।

നൃപവേശ്മഗതാം നന്ദാം വരലക്ഷ്മീം വസുപ്രദാമ്

॥ 10 ॥

ശ്ലോക 12

ശുഭാം ഹിരണ്യപ്രാകാരാം സമുദ്രതനയാം ജയാമ് ।

നമാമി മങ്ഗലാം ദേവീം വിഷ്ണുവക്ഷഃസ്ഥലസ്ഥിതാമ്

॥ 11 ॥

ശ്ലോക 13

വിഷ്ണുപത്നീം, പ്രസന്നാക്ഷീം നാരായണസമാശ്രിതാമ് ।

ദാരിദ്ര്യധ്വംസിനീം ദേവീം സര്വോപദ്രവവാരിണീമ്

॥ 12 ॥

ശ്ലോക 14

നവദുര്ഗാം മഹാകാലീം ബ്രഹ്മവിഷ്ണുശിവാത്മികാമ് ।

ത്രികാലജ്ഞാനസമ്പന്നാം നമാമി ഭുവനേശ്വരീമ്

॥ 13 ॥

ശ്ലോക 15

ലക്ഷ്മീം ക്ഷീരസമുദ്രരാജ തനയാം ശ്രീരങ്ഗധാമേശ്വരീമ് ।

ദാസീഭൂത സമസ്തദേവ വനിതാം ലോകൈക ദീപാങ്കുരാമ് ॥

ശ്രീമന്മന്ദ കടാക്ഷ ലബ്ധ വിഭവദ്-ബ്രഹ്മേന്ദ്ര ഗങ്ഗാധരാമ് ।

ത്വാം ത്രൈലോക്യ കുടുമ്ബിനീം സരസിജാം വന്ദേ മുകുന്ദപ്രിയാമ്

॥ 14 ॥

ശ്ലോക 16

മാതര്നമാമി! കമലേ! കമലായതാക്ഷി!

ശ്രീ വിഷ്ണു ഹൃത്-കമലവാസിനി! വിശ്വമാതഃ!

ക്ഷീരോദജേ കമല കോമല ഗര്ഭഗൌരി!

ലക്ഷ്മീ! പ്രസീദ സതതം സമതാം ശരണ്യേ

॥ 15 ॥

ശ്ലോക 17

ത്രികാലം യോ ജപേത് വിദ്വാന് ഷണ്മാസം വിജിതേന്ദ്രിയഃ ।

ദാരിദ്ര്യ ധ്വംസനം കൃത്വാ സര്വമാപ്നോത്-യയത്നതഃ ।

ദേവീനാമ സഹസ്രേഷു പുണ്യമഷ്ടോത്തരം ശതമ് ।

യേന ശ്രിയ മവാപ്നോതി കോടിജന്മ ദരിദ്രതഃ

॥ 16 ॥

ശ്ലോക 18

ഭൃഗുവാരേ ശതം ധീമാന് പഠേത് വത്സരമാത്രകമ് ।

അഷ്ടൈശ്വര്യ മവാപ്നോതി കുബേര ഇവ ഭൂതലേ ॥

ദാരിദ്ര്യ മോചനം നാമ സ്തോത്രമമ്ബാപരം ശതമ് ।

യേന ശ്രിയ മവാപ്നോതി കോടിജന്മ ദരിദ്രതഃ

॥ 17 ॥

ശ്ലോക 19

ഭുക്ത്വാതു വിപുലാന് ഭോഗാന് അന്തേ സായുജ്യമാപ്നുയാത് ।

പ്രാതഃകാലേ പഠേന്നിത്യം സര്വ ദുഃഖോപ ശാന്തയേ ।

പഠന്തു ചിന്തയേദ്ദേവീം സര്വാഭരണ ഭൂഷിതാമ്

॥ 18 ॥

ശ്ലോക 20

ഇതി ശ്രീ ലക്ഷ്മ്യഷ്ടോത്തരശതനാമസ്തോത്രം സമ്പൂര്ണം