ශ්රී දුර්ගා සහස්ර නාම ස්තෝත්රම්

.. අථ ශ්රී දුර්ගා සහස්රනාමස්තෝත්රම් ..

නාරද උවාච -

කුමාර ගුණගම්භීර දේවසේනාපතේ ප්රභෝ .

සර්වාභීෂ්ටප්රදං පුංසාං සර්වපාපප්රණාශනම් .. 1..

ගුහ්යාද්ගුහ්යතරං ස්තෝත්රං භක්තිවර්ධකමඤ්ජසා .

මඞ්ගලං ග්රහපීඩාදිශාන්තිදං වක්තුමර්හසි .. 2..

ස්කන්ද උවාච -

ශෘණු නාරද දේවර්ෂේ ලෝකානුග්රහකාම්යයා .

යත්පෘච්ඡසි පරං පුණ්යං තත්තේ වක්ෂ්යාමි කෞතුකාත් .. 3..

මාතා මේ ලෝකජනනී හිමවන්නගසත්තමාත් .

මේනායාං බ්රහ්මවාදින්යාං ප්රාදුර්භූතා හරප්රියා .. 4..

මහතා තපසා(අ)(අ)රාධ්ය ශඞ්කරං ලෝකශඞ්කරම් .

ස්වමේව වල්ලභං භේජේ කලේව හි කලානිධිම් .. 5..

නගානාමධිරාජස්තු හිමවාන් විරහාතුරඃ .

ස්වසුතායාඃ පරික්ෂීණේ වසිෂ්ඨේන ප්රබෝධිතඃ .. 6..

ත්රිලෝකජනනී සේයං ප්රසන්නා ත්වයි පුණ්යතඃ .

ප්රාදුර්භූතා සුතාත්වේන තද්වියෝගං ශුභං ත්යජ .. 7..

බහුරූපා ච දුර්ගේයං බහුනාම්නී සනාතනී .

සනාතනස්ය ජායා සා පුත්රීමෝහං ත්යජාධුනා .. 8..

ඉති ප්රබෝධිතඃ ශෛලඃ තාං තුෂ්ටාව පරාං ශිවාම් .

තදා ප්රසන්නා සා දුර්ගා පිතරං ප්රාහ නන්දිනී .. 9..

මත්ප්රසාදාත්පරං ස්තෝත්රං හෘදයේ ප්රතිභාසතාම් .

තේන නාම්නාං සහස්රේණ පූජයන් කාමමාප්නුහි .. 10..

ඉත්යුක්ත්වාන්තර්හිතායාං තු හෘදයේ ස්ඵුරිතං තදා .

නාම්නාං සහස්රං දුර්ගායාඃ පෘච්ඡතේ මේ යදුක්තවාන් .. 11..

මඞ්ගලානාං මඞ්ගලං තද් දුර්ගානාම සහස්රකම් .

සර්වාභීෂ්ටප්රදාං පුංසාං බ්රවීම්යඛිලකාමදම් .. 12..

දුර්ගාදේවී සමාඛ්යාතා හිමවානෘෂිරුච්යතේ .

ඡන්දෝනුෂ්ටුප් ජපෝ දේව්යාඃ ප්රීතයේ ක්රියතේ සදා .. 13..

අස්ය ශ්රීදුර්ගාස්තෝත්රමහාමන්ත්රස්ය . හිමවාන් ඍෂිඃ . අනුෂ්ටුප් ඡන්දඃ .

දුර්ගාභගවතී දේවතා . ශ්රීදුර්ගාප්රසාදසිද්ධ්යර්ථේ ජපේ විනියෝගඃ . .

ශ්රීභගවත්යෛ දුර්ගායෛ නමඃ .

දේවීධ්යානම්

ඕං හ්රීං කාලාභ්රාභාං කටාක්ෂෛරරිකුලභයදාං මෞලිබද්ධේන්දුරේඛාං

ශඞ්ඛං චක්රං කෘපාණං ත්රිශිඛමපි කරෛරුද්වහන්තීං ත්රිනේත්රාම් .

සිංහස්කන්ධාධිරූඪාං ත්රිභුවනමඛිලං තේජසා පූරයන්තීං

ධ්යායේද් දුර්ගාං ජයාඛ්යාං ත්රිදශපරිවෘතාං සේවිතාං සිද්ධිකාමෛඃ ..

ශ්රී ජයදුර්ගායෛ නමඃ .

ඕං ශිවාථෝමා රමා ශක්තිරනන්තා නිෂ්කලා(අ)මලා .

ශාන්තා මාහේශ්වරී නිත්යා ශාශ්වතා පරමා ක්ෂමා .. 1..

අචින්ත්යා කේවලානන්තා ශිවාත්මා පරමාත්මිකා .

අනාදිරව්යයා ශුද්ධා සර්වජ්ඤා සර්වගා(අ)චලා .. 2..

ඒකානේකවිභාගස්ථා මායාතීතා සුනිර්මලා .

මහාමාහේශ්වරී සත්යා මහාදේවී නිරඤ්ජනා .. 3..

කාෂ්ඨා සර්වාන්තරස්ථා(අ)පි චිච්ඡක්තිශ්චාත්රිලාලිතා .

සර්වා සර්වාත්මිකා විශ්වා ජ්යෝතීරූපාක්ෂරාමෘතා .. 4..

ශාන්තා ප්රතිෂ්ඨා සර්වේශා නිවෘත්තිරමෘතප්රදා .

ව්යෝමමූර්තිර්ව්යෝමසංස්ථා ව්යෝමධාරා(අ)ච්යුතා(අ)තුලා .. 5..

අනාදිනිධනා(අ)මෝඝා කාරණාත්මකලාකුලා .

ඍතුප්රථමජා(අ)නාභිරමෘතාත්මසමාශ්රයා .. 6..

ප්රාණේශ්වරප්රියා නම්යා මහාමහිෂඝාතිනී .

ප්රාණේශ්වරී ප්රාණරූපා ප්රධානපුරුෂේශ්වරී .. 7..

සර්වශක්තිකලා(අ)කාමා මහිෂේෂ්ටවිනාශිනී .

සර්වකාර්යනියන්ත්රී ච සර්වභූතේශ්වරේශ්වරී .. 8..

අඞ්ගදාදිධරා චෛව තථා මුකුටධාරිණී .

සනාතනී මහානන්දා(අ)(අ)කාශයෝනිස්තථේච්යතේ .. 9..

චිත්ප්රකාශස්වරූපා ච මහායෝගේශ්වරේශ්වරී .

මහාමායා සදුෂ්පාරා මූලප්රකෘතිරීශිකා .. 10..

සංසාරයෝනිඃ සකලා සර්වශක්තිසමුද්භවා .

සංසාරපාරා දුර්වාරා දුර්නිරීක්ෂා දුරාසදා .. 11..

ප්රාණශක්තිශ්ච සේව්යා ච යෝගිනී පරමාකලා .

මහාවිභූතිර්දුර්දර්ශා මූලප්රකෘතිසම්භවා .. 12..

අනාද්යනන්තවිභවා පරාර්ථා පුරුෂාරණිඃ .

සර්ගස්ථිත්යන්තකෘච්චෛව සුදුර්වාච්යා දුරත්යයා .. 13..

ශබ්දගම්යා ශබ්දමායා ශබ්දාඛ්යානන්දවිග්රහා .

ප්රධානපුරුෂාතීතා ප්රධානපුරුෂාත්මිකා .. 14..

පුරාණී චින්මයා පුංසාමිෂ්ටදා පුෂ්ටිරූපිණී .

පූතාන්තරස්ථා කූටස්ථා මහාපුරුෂසඤ්ජ්ඤිතා .. 15..

ජන්මමෘත්යුජරාතීතා සර්වශක්තිස්වරූපිණී .

වාඤ්ඡාප්රදා(අ)නවච්ඡින්නප්රධානානුප්රවේශිනී .. 16..

ක්ෂේත්රජ්ඤා(අ)චින්ත්යශක්තිස්තු ප්රෝච්යතේ(අ)ව්යක්තලක්ෂණා .

මලාපවර්ජිතා(අ)(අ)නාදිමායා ත්රිතයතත්ත්විකා .. 17..

ප්රීතිශ්ච ප්රකෘතිශ්චෛව ගුහාවාසා තථෝච්යතේ .

මහාමායා නගෝත්පන්නා තාමසී ච ධ්රුවා තථා .. 18..

ව්යක්තා(අ)ව්යක්තාත්මිකා කෘෂ්ණා රක්තා ශුක්ලා හ්යකාරණා .

ප්රෝච්යතේ කාර්යජනනී නිත්යප්රසවධර්මිණී .. 19..

සර්ගප්රලයමුක්තා ච සෘෂ්ටිස්ථිත්යන්තධර්මිණී .

බ්රහ්මගර්භා චතුර්විංශස්වරූපා පද්මවාසිනී .. 20..

අච්යුතාහ්ලාදිකා විද්යුද්බ්රහ්මයෝනිර්මහාලයා .

මහාලක්ෂ්මී සමුද්භාවභාවිතාත්මාමහේශ්වරී .. 21..

මහාවිමානමධ්යස්ථා මහානිද්රා සකෞතුකා .

සර්වාර්ථධාරිණී සූක්ෂ්මා හ්යවිද්ධා පරමාර්ථදා .. 22..

අනන්තරූපා(අ)නන්තාර්ථා තථා පුරුෂමෝහිනී .

අනේකානේකහස්තා ච කාලත්රයවිවර්ජිතා .. 23..

බ්රහ්මජන්මා හරප්රීතා මතිර්බ්රහ්මශිවාත්මිකා .

බ්රහ්මේශවිෂ්ණුසම්පූජ්යා බ්රහ්මාඛ්යා බ්රහ්මසඤ්ජ්ඤිතා .. 24..

ව්යක්තා ප්රථමජා බ්රාහ්මී මහාරාත්රීඃ ප්රකීර්තිතා .

ජ්ඤානස්වරූපා වෛරාග්යරූපා හ්යෛශ්වර්යරූපිණී .. 25..

ධර්මාත්මිකා බ්රහ්මමූර්තිඃ ප්රතිශ්රුතපුමර්ථිකා .

අපාංයෝනිඃ ස්වයම්භූතා මානසී තත්ත්වසම්භවා .. 26..

ඊශ්වරස්ය ප්රියා ප්රෝක්තා ශඞ්කරාර්ධශරීරිණී .

භවානී චෛව රුද්රාණී මහාලක්ෂ්මීස්තථා(අ)ම්බිකා .. 27..

මහේශ්වරසමුත්පන්නා භුක්තිමුක්ති ප්රදායිනී .

සර්වේශ්වරී සර්වවන්ද්යා නිත්යමුක්තා සුමානසා .. 28..

මහේන්ද්රෝපේන්ද්රනමිතා ශාඞ්කරීශානුවර්තිනී .

ඊශ්වරාර්ධාසනගතා මාහේශ්වරපතිව්රතා .. 29..

සංසාරශෝෂිණී චෛව පාර්වතී හිමවත්සුතා .

පරමානන්දදාත්රී ච ගුණාග්ර්යා යෝගදා තථා .. 30..

ජ්ඤානමූර්තිශ්ච සාවිත්රී ලක්ෂ්මීඃ ශ්රීඃ කමලා තථා .

අනන්තගුණගම්භීරා හ්යුරෝනීලමණිප්රභා .. 31..

සරෝජනිලයා ගඞ්ගා යෝගිධ්යේයා(අ)සුරාර්දිනී .

සරස්වතී සර්වවිද්යා ජගජ්ජ්යේෂ්ඨා සුමඞ්ගලා .. 32..

වාග්දේවී වරදා වර්යා කීර්තිඃ සර්වාර්ථසාධිකා .

වාගීශ්වරී බ්රහ්මවිද්යා මහාවිද්යා සුශෝභනා .. 33..

ග්රාහ්යවිද්යා වේදවිද්යා ධර්මවිද්යා(අ)(අ)ත්මභාවිතා .

ස්වාහා විශ්වම්භරා සිද්ධිඃ සාධ්යා මේධා ධෘතිඃ කෘතිඃ .. 34..

සුනීතිඃ සඞ්කෘතිශ්චෛව කීර්තිතා නරවාහිනී .

පූජාවිභාවිනී සෞම්යා භෝග්යභාග් භෝගදායිනී .. 35..

ශෝභාවතී ශාඞ්කරී ච ලෝලා මාලාවිභූෂිතා .

පරමේෂ්ඨිප්රියා චෛව ත්රිලෝකීසුන්දරී මාතා .. 36..

නන්දා සන්ධ්යා කාමධාත්රී මහාදේවී සුසාත්ත්විකා .

මහාමහිෂදර්පඝ්නී පද්මමාලා(අ)ඝහාරිණී .. 37..

විචිත්රමුකුටා රාමා කාමදාතා ප්රකීර්තිතා .

පිතාම්බරධරා දිව්යවිභූෂණ විභූෂිතා .. 38..

දිව්යාඛ්යා සෝමවදනා ජගත්සංසෘෂ්ටිවර්ජිතා .

නිර්යන්ත්රා යන්ත්රවාහස්ථා නන්දිනී රුද්රකාලිකා .. 39..

ආදිත්යවර්ණා කෞමාරී මයූරවරවාහිනී .

පද්මාසනගතා ගෞරී මහාකාලී සුරාර්චිතා .. 40..

අදිතිර්නියතා රෞද්රී පද්මගර්භා විවාහනා .

විරූපාක්ෂා කේශිවාහා ගුහාපුරනිවාසිනී .. 41..

මහාඵලා(අ)නවද්යාඞ්ගී කාමරූපා සරිද්වරා .

භාස්වද්රූපා මුක්තිදාත්රී ප්රණතක්ලේශභඤ්ජනා .. 42..

කෞශිකී ගෝමිනී රාත්රිස්ත්රිදශාරිවිනාශිනී .

බහුරූපා සුරූපා ච විරූපා රූපවර්ජිතා .. 43..

භක්තාර්තිශමනා භව්යා භවභාවවිනාශිනී .

සර්වජ්ඤානපරීතාඞ්ගී සර්වාසුරවිමර්දිකා .. 44..

පිකස්වනී සාමගීතා භවාඞ්කනිලයා ප්රියා .

දීක්ෂා විද්යාධරී දීප්තා මහේන්ද්රාහිතපාතිනී .. 45..

සර්වදේවමයා දක්ෂා සමුද්රාන්තරවාසිනී .

අකලඞ්කා නිරාධාරා නිත්යසිද්ධා නිරාමයා .. 46..

කාමධේනුබෘහද්ගර්භා ධීමතී මෞනනාශිනී .

නිඃසඞ්කල්පා නිරාතඞ්කා විනයා විනයප්රදා .. 47..

ජ්වාලාමාලා සහස්රාඪ්යා දේවදේවී මනෝමයා .

සුභගා සුවිශුද්ධා ච වසුදේවසමුද්භවා .. 48..

මහේන්ද්රෝපේන්ද්රභගිනී භක්තිගම්යා පරාවරා .

ජ්ඤානජ්ඤේයා පරාතීතා වේදාන්තවිෂයා මතිඃ .. 49..

දක්ෂිණා දාහිකා දහ්යා සර්වභූතහෘදිස්ථිතා .

යෝගමායා විභාගජ්ඤා මහාමෝහා ගරීයසී .. 50..

සන්ධ්යා සර්වසමුද්භූතා බ්රහ්මවෘක්ෂාශ්රියාදිතිඃ .

බීජාඞ්කුරසමුද්භූතා මහාශක්තිර්මහාමතිඃ .. 51..

ඛ්යාතිඃ ප්රජ්ඤාවතී සඤ්ජ්ඤා මහාභෝගීන්ද්රශායිනී .

හීඞ්කෘතිඃ ශඞ්කරී ශාන්තිර්ගන්ධර්වගණසේවිතා .. 52..

වෛශ්වානරී මහාශූලා දේවසේනා භවප්රියා .

මහාරාත්රී පරානන්දා ශචී දුඃස්වප්නනාශිනී .. 53..

ඊඩ්යා ජයා ජගද්ධාත්රී දුර්විජ්ඤේයා සුරූපිණී .

ගුහාම්බිකා ගණෝත්පන්නා මහාපීඨා මරුත්සුතා .. 54..

හව්යවාහා භවානන්දා ජගද්යෝනිඃ ප්රකීර්තිතා .

ජගන්මාතා ජගන්මෘත්යුර්ජරාතීතා ච බුද්ධිදා .. 55..

සිද්ධිදාත්රී රත්නගර්භා රත්නගර්භාශ්රයා පරා .

දෛත්යහන්ත්රී ස්වේෂ්ටදාත්රී මඞ්ගලෛකසුවිග්රහා .. 56..

පුරුෂාන්තර්ගතා චෛව සමාධිස්ථා තපස්විනී .

දිවිස්ථිතා ත්රිණේත්රා ච සර්වේන්ද්රියමනාධෘතිඃ .. 57..

සර්වභූතහෘදිස්ථා ච තථා සංසාරතාරිණී .

වේද්යා බ්රහ්මවිවේද්යා ච මහාලීලා ප්රකීර්තිතා .. 58..

බ්රාහ්මණිබෘහතී බ්රාහ්මී බ්රහ්මභූතා(අ)ඝහාරිණී .

හිරණ්මයී මහාදාත්රී සංසාරපරිවර්තිකා .. 59..

සුමාලිනී සුරූපා ච භාස්විනී ධාරිණී තථා .

උන්මූලිනී සර්වසභා සර්වප්රත්යයසාක්ෂිණී .. 60..

සුසෞම්යා චන්ද්රවදනා තාණ්ඩවාසක්තමානසා .

සත්ත්වශුද්ධිකරී ශුද්ධා මලත්රයවිනාශිනී .. 61..

ජගත්ත්ත්රයී ජගන්මූර්තිස්ත්රිමූර්තිරමෘතාශ්රයා .

විමානස්ථා විශෝකා ච ශෝකනාශින්යනාහතා .. 62..

හේමකුණ්ඩලිනී කාලී පද්මවාසා සනාතනී .

සදාකීර්තිඃ සර්වභූතශයා දේවී සතාම්ප්රියා .. 63..

බ්රහ්මමූර්තිකලා චෛව කෘත්තිකා කඤ්ජමාලිනී .

ව්යෝමකේශා ක්රියාශක්තිරිච්ඡාශක්තිඃ පරාගතිඃ .. 64..

ක්ෂෝභිකා ඛණ්ඩිකාභේද්යා භේදාභේදවිවර්ජිතා .

අභින්නා භින්නසංස්ථානා වශිනී වංශධාරිණී .. 65..

ගුහ්යශක්තිර්ගුහ්යතත්ත්වා සර්වදා සර්වතෝමුඛී .

භගිනී ච නිරාධාරා නිරාහාරා ප්රකීර්තිතා .. 66..

නිරඞ්කුශපදෝද්භූතා චක්රහස්තා විශෝධිකා .

ස්රග්විණී පද්මසම්භේදකාරිණී පරිකීර්තිතා .. 67..

පරාවරවිධානජ්ඤා මහාපුරුෂපූර්වජා .

පරාවරජ්ඤා විද්යා ච විද්යුජ්ජිහ්වා ජිතාශ්රයා .. 68..

විද්යාමයී සහස්රාක්ෂී සහස්රවදනාත්මජා .

සහස්රරශ්මිඃසත්වස්ථා මහේශ්වරපදාශ්රයා .. 69..

ජ්වාලිනී සන්මයා ව්යාප්තා චින්මයා පද්මභේදිකා .

මහාශ්රයා මහාමන්ත්රා මහාදේවමනෝරමා .. 70..

ව්යෝමලක්ෂ්මීඃ සිංහරථා චේකිතානා(අ)මිතප්රභා .

විශ්වේශ්වරී භගවතී සකලා කාලහාරිණී .. 71..

සර්වවේද්යා සර්වභද්රා ගුහ්යා දූඪා ගුහාරණී .

ප්රලයා යෝගධාත්රී ච ගඞ්ගා විශ්වේශ්වරී තථා .. 72..

කාමදා කනකා කාන්තා කඤ්ජගර්භප්රභා තථා .

පුණ්යදා කාලකේශා ච භෝක්ත්ත්රී පුෂ්කරිණී තථා .. 73..

සුරේශ්වරී භූතිදාත්රී භූතිභූෂා ප්රකීර්තිතා .

පඤ්චබ්රහ්මසමුත්පන්නා පරමාර්ථා(අ)ර්ථවිග්රහා .. 74..

වර්ණෝදයා භානුමූර්තිර්වාග්විජ්ඤේයා මනෝජවා .

මනෝහරා මහෝරස්කා තාමසී වේදරූපිණී .. 75..

වේදශක්තිර්වේදමාතා වේදවිද්යාප්රකාශිනී .

යෝගේශ්වරේශ්වරී මායා මහාශක්තිර්මහාමයී .. 76..

විශ්වාන්තඃස්ථා වියන්මූර්තිර්භාර්ගවී සුරසුන්දරී .

සුරභිර්නන්දිනී විද්යා නන්දගෝපතනූද්භවා .. 77..

භාරතී පරමානන්දා පරාවරවිභේදිකා .

සර්වප්රහරණෝපේතා කාම්යා කාමේශ්වරේශ්වරී .. 78..

අනන්තානන්දවිභවා හෘල්ලේඛා කනකප්රභා .

කූෂ්මාණ්ඩා ධනරත්නාඪ්යා සුගන්ධා ගන්ධදායිනී .. 79..

ත්රිවික්රමපදෝද්භූතා චතුරාස්යා ශිවෝදයා .

සුදුර්ලභා ධනාධ්යක්ෂා ධන්යා පිඞ්ගලලෝචනා .. 80..

ශාන්තා ප්රභාස්වරූපා ච පඞ්කජායතලෝචනා .

ඉන්ද්රාක්ෂී හෘදයාන්තඃස්ථා ශිවා මාතා ච සත්ක්රියා .. 81..

ගිරිජා ච සුගූඪා ච නිත්යපුෂ්ටා නිරන්තරා .

දුර්ගා කාත්යායනී චණ්ඩී චන්ද්රිකා කාන්තවිග්රහා .. 82..

හිරණ්යවර්ණා ජගතී ජගද්යන්ත්රප්රවර්තිකා .

මන්දරාද්රිනිවාසා ච ශාරදා ස්වර්ණමාලිනී .. 83..

රත්නමාලා රත්නගර්භා ව්යුෂ්ටිර්විශ්වප්රමාථිනී .

පද්මානන්දා පද්මනිභා නිත්යපුෂ්ටා කෘතෝද්භවා .. 84..

නාරායණී දුෂ්ටශික්ෂා සූර්යමාතා වෘෂප්රියා .

මහේන්ද්රභගිනී සත්යා සත්යභාෂා සුකෝමලා .. 85..

වාමා ච පඤ්චතපසාං වරදාත්රී ප්රකීර්තිතා .

වාච්යවර්ණේශ්වරී විද්යා දුර්ජයා දුරතික්රමා .. 86..

කාලරාත්රිර්මහාවේගා වීරභද්රප්රියා හිතා .

භද්රකාලී ජගන්මාතා භක්තානාං භද්රදායිනී .. 87..

කරාලා පිඞ්ගලාකාරා කාමභේත්ත්රී මහාමනාඃ .

යශස්විනී යශෝදා ච ෂඩධ්වපරිවර්තිකා .. 88..

ශඞ්ඛිනී පද්මිනී සඞ්ඛ්යා සාඞ්ඛ්යයෝගප්රවර්තිකා .

චෛත්රාදිර්වත්සරාරූඪා ජගත්සම්පූරණීන්ද්රජා .. 89..

ශුම්භඝ්නී ඛේචරාරාධ්යා කම්බුග්රීවා බලීඩිතා .

ඛගාරූඪා මහෛශ්වර්යා සුපද්මනිලයා තථා .. 90..

විරක්තා ගරුඩස්ථා ච ජගතීහෘද්ගුහාශ්රයා .

ශුම්භාදිමථනා භක්තහෘද්ගහ්වරනිවාසිනී .. 91..

ජගත්ත්ත්රයාරණී සිද්ධසඞ්කල්පා කාමදා තථා .

සර්වවිජ්ඤානදාත්රී චානල්පකල්මෂහාරිණී .. 92..

සකලෝපනිෂද්ගම්යා දුෂ්ටදුෂ්ප්රේක්ෂ්යසත්තමා .

සද්වෘතා ලෝකසංව්යාප්තා තුෂ්ටිඃ පුෂ්ටිඃ ක්රියාවතී .. 93..

විශ්වාමරේශ්වරී චෛව භුක්තිමුක්තිප්රදායිනී .

ශිවාධෘතා ලෝහිතාක්ෂී සර්පමාලාවිභූෂණා .. 94..

නිරානන්දා ත්රිශූලාසිධනුර්බාණාදිධාරිණී .

අශේෂධ්යේයමූර්තිශ්ච දේවතානාං ච දේවතා .. 95..

වරාම්බිකා ගිරේඃ පුත්රී නිශුම්භවිනිපාතිනී .

සුවර්ණා ස්වර්ණලසිතා(අ)නන්තවර්ණා සදාධෘතා .. 96..

ශාඞ්කරී ශාන්තහෘදයා අහෝරාත්රවිධායිකා .

විශ්වගෝප්ත්රී ගූඪරූපා ගුණපූර්ණා ච ගාර්ග්යජා .. 97..

ගෞරී ශාකම්භරී සත්යසන්ධා සන්ධ්යාත්රයීධෘතා .

සර්වපාපවිනිර්මුක්තා සර්වබන්ධවිවර්ජිතා .. 98..

සාඞ්ඛ්යයෝගසමාඛ්යාතා අප්රමේයා මුනීඩිතා .

විශුද්ධසුකුලෝද්භූතා බින්දුනාදසමාදෘතා .. 99..

ශම්භුවාමාඞ්කගා චෛව ශශිතුල්යනිභානනා .

වනමාලාවිරාජන්තී අනන්තශයනාදෘතා .. 100..

නරනාරායණෝද්භූතා නාරසිංහී ප්රකීර්තිතා .

දෛත්යප්රමාථිනී ශඞ්ඛචක්රපද්මගදාධරා .. 101..

සඞ්කර්ෂණසමුත්පන්නා අම්බිකා සජ්ජනාශ්රයා .

සුවෘතා සුන්දරී චෛව ධර්මකාමාර්ථදායිනී .. 102..

මෝක්ෂදා භක්තිනිලයා පුරාණපුරුෂාදෘතා .

මහාවිභූතිදා(අ)(අ)රාධ්යා සරෝජනිලයා(අ)සමා .. 103..

අෂ්ටාදශභුජා(අ)නාදිර්නීලෝත්පලදලාක්ෂිණී .

සර්වශක්තිසමාරූඪා ධර්මාධර්මවිවර්ජිතා .. 104..

වෛරාග්යජ්ඤානනිරතා නිරාලෝකා නිරින්ද්රියා .

විචිත්රගහනාධාරා ශාශ්වතස්ථානවාසිනී .. 105..

ජ්ඤානේශ්වරී පීතචේලා වේදවේදාඞ්ගපාරගා .

මනස්විනී මන්යුමාතා මහාමන්යුසමුද්භවා .. 106..

අමන්යුරමෘතාස්වාදා පුරන්දරපරිෂ්ටුතා .

අශෝච්යා භින්නවිෂයා හිරණ්යරජතප්රියා .. 107..

හිරණ්යජනනී භීමා හේමාභරණභූෂිතා .

විභ්රාජමානා දුර්ජ්ඤේයා ජ්යෝතිෂ්ටෝමඵලප්රදා .. 108..

මහානිද්රාසමුත්පත්තිරනිද්රා සත්යදේවතා .

දීර්ඝා කකුද්මිනී පිඞ්ගජටාධාරා මනෝජ්ඤධීඃ .. 109..

මහාශ්රයා රමෝත්පන්නා තමඃපාරේ ප්රතිෂ්ඨිතා .

ත්රිතත්ත්වමාතා ත්රිවිධා සුසූක්ෂ්මා පද්මසංශ්රයා .. 110..

ශාන්ත්යතීතකලා(අ)තීතවිකාරා ශ්වේතචේලිකා .

චිත්රමායා ශිවජ්ඤානස්වරූපා දෛත්යමාථිනී .. 111..

කාශ්යපී කාලසර්පාභවේණිකා ශාස්ත්රයෝනිකා .

ත්රයීමූර්තිඃ ක්රියාමූර්තිශ්චතුර්වර්ගා ච දර්ශිනී .. 112..

නාරායණී නරෝත්පන්නා කෞමුදී කාන්තිධාරිණී .

කෞශිකී ලලිතා ලීලා පරාවරවිභාවිනී .. 113..

වරේණ්යා(අ)ද්භුතමහාත්ම්යා වඩවා වාමලෝචනා .

සුභද්රා චේතනාරාධ්යා ශාන්තිදා ශාන්තිවර්ධිනී .. 114..

ජයාදිශක්තිජනනී ශක්තිචක්රප්රවර්තිකා .

ත්රිශක්තිජනනී ජන්යා ෂට්සූත්රපරිවර්ණිතා .. 115..

සුධෞතකර්මණා(අ)(අ)රාධ්යා යුගාන්තදහනාත්මිකා .

සඞ්කර්ෂිණී ජගද්ධාත්රී කාමයෝනිඃ කිරීටිනී .. 116..

ඓන්ද්රී ත්රෛලෝක්යනමිතා වෛෂ්ණවී පරමේශ්වරී .

ප්රද්යුම්නජනනී බිම්බසමෝෂ්ඨී පද්මලෝචනා .. 117..

මදෝත්කටා හංසගතිඃ ප්රචණ්ඩා චණ්ඩවික්රමා .

වෘෂාධීශා පරාත්මා ච වින්ධ්යා පර්වතවාසිනී .. 118..

හිමවන්මේරුනිලයා කෛලාසපුරවාසිනී .

චාණූරහන්ත්රී නීතිජ්ඤා කාමරූපා ත්රයීතනුඃ .. 119..

ව්රතස්නාතා ධර්මශීලා සිංහාසනනිවාසිනී .

වීරභද්රාදෘතා වීරා මහාකාලසමුද්භවා .. 120..

විද්යාධරාර්චිතා සිද්ධසාධ්යාරාධිතපාදුකා .

ශ්රද්ධාත්මිකා පාවනී ච මෝහිනී අචලාත්මිකා .. 121..

මහාද්භුතා වාරිජාක්ෂී සිංහවාහනගාමිනී .

මනීෂිණී සුධාවාණී වීණාවාදනතත්පරා .. 122..

ශ්වේතවාහනිෂේව්යා ච ලසන්මතිරරුන්ධතී .

හිරණ්යාක්ෂී තථා චෛව මහානන්දප්රදායිනී .. 123..

වසුප්රභා සුමාල්යාප්තකන්ධරා පඞ්කජානනා .

පරාවරා වරාරෝහා සහස්රනයනාර්චිතා .. 124..

ශ්රීරූපා ශ්රීමතී ශ්රේෂ්ඨා ශිවනාම්නී ශිවප්රියා .

ශ්රීප්රදා ශ්රිතකල්යාණා ශ්රීධරාර්ධශරීරිණී .. 125..

ශ්රීකලා(අ)නන්තදෘෂ්ටිශ්ච හ්යක්ෂුද්රාරාතිසූදනී .

රක්තබීජනිහන්ත්රී ච දෛත්යසඞ්ගවිමර්දිනී .. 126..

සිංහාරූඪා සිංහිකාස්යා දෛත්යශෝණිතපායිනී .

සුකීර්තිසහිතාච්ඡින්නසංශයා රසවේදිනී .. 127..

ගුණාභිරාමා නාගාරිවාහනා නිර්ජරාර්චිතා .

නිත්යෝදිතා ස්වයඤ්ජ්යෝතිඃ ස්වර්ණකායා ප්රකීර්තිතා .. 128..

වජ්රදණ්ඩාඞ්කිතා චෛව තථාමෘතසඤ්ජීවිනී .

වජ්රච්ඡන්නා දේවදේවී වරවජ්රස්වවිග්රහා .. 129..

මාඞ්ගල්යා මඞ්ගලාත්මා ච මාලිනී මාල්යධාරිණී .

ගන්ධර්වී තරුණී චාන්ද්රී ඛඩ්ගායුධධරා තථා .. 130..

සෞදාමිනී ප්රජානන්දා තථා ප්රෝක්තා භෘගූද්භවා .

ඒකානඞ්ගා ච ශාස්ත්රාර්ථකුශලා ධර්මචාරිණී .. 131..

ධර්මසර්වස්වවාහා ච ධර්මාධර්මවිනිශ්චයා .

ධර්මශක්තිර්ධර්මමයා ධාර්මිකානාං ශිවප්රදා .. 132..

විධර්මා විශ්වධර්මජ්ඤා ධර්මාර්ථාන්තරවිග්රහා .

ධර්මවර්ෂ්මා ධර්මපූර්වා ධර්මපාරඞ්ගතාන්තරා .. 133..

ධර්මෝපදේෂ්ට්රී ධර්මාත්මා ධර්මගම්යා ධරාධරා .

කපාලිනී ශාකලිනී කලාකලිතවිග්රහා .. 134..

සර්වශක්තිවිමුක්තා ච කර්ණිකාරධරා(අ)ක්ෂරා.

කංසප්රාණහරා චෛව යුගධර්මධරා තථා .. 135..

යුගප්රවර්තිකා ප්රෝක්තා ත්රිසන්ධ්යා ධ්යේයවිග්රහා .

ස්වර්ගාපවර්ගදාත්රී ච තථා ප්රත්යක්ෂදේවතා .. 136..

ආදිත්යා දිව්යගන්ධා ච දිවාකරනිභප්රභා .

පද්මාසනගතා ප්රෝක්තා ඛඩ්ගබාණශරාසනා .. 137..

ශිෂ්ටා විශිෂ්ටා ශිෂ්ටේෂ්ටා ශිෂ්ටශ්රේෂ්ඨප්රපූජිතා .

ශතරූපා ශතාවර්තා විතතා රාසමෝදිනී .. 138..

සූර්යේන්දුනේත්රා ප්රද්යුම්නජනනී සුෂ්ඨුමායිනී .

සූර්යාන්තරස්ථිතා චෛව සත්ප්රතිෂ්ඨතවිග්රහා .. 139..

නිවෘත්තා ප්රෝච්යතේ ජ්ඤානපාරගා පර්වතාත්මජා .

කාත්යායනී චණ්ඩිකා ච චණ්ඩී හෛමවතී තථා .. 140..

දාක්ෂායණී සතී චෛව භවානී සර්වමඞ්ගලා .

ධූම්රලෝචනහන්ත්රී ච චණ්ඩමුණ්ඩවිනාශිනී .. 141..

යෝගනිද්රා යෝගභද්රා සමුද්රතනයා තථා .

දේවප්රියඞ්කරී ශුද්ධා භක්තභක්තිප්රවර්ධිනී .. 142..

ත්රිණේත්රා චන්ද්රමුකුටා ප්රමථාර්චිතපාදුකා .

අර්ජුනාභීෂ්ටදාත්රී ච පාණ්ඩවප්රියකාරිණී .. 143..

කුමාරලාලනාසක්තා හරබාහූපධානිකා .

විඝ්නේශජනනී භක්තවිඝ්නස්තෝමප්රහාරිණී .. 144..

සුස්මිතේන්දුමුඛී නම්යා ජයාප්රියසඛී තථා .

අනාදිනිධනා ප්රේෂ්ඨා චිත්රමාල්යානුලේපනා .. 145..

කෝටිචන්ද්රප්රතීකාශා කූටජාලප්රමාථිනී .

කෘත්යාප්රහාරිණී චෛව මාරණෝච්චාටනී තථා .. 146..

සුරාසුරප්රවන්ද්යාඞ්ඝ්රිර්මෝහඝ්නී ජ්ඤානදායිනී .

ෂඩ්වෛරිනිග්රහකරී වෛරිවිද්රාවිණී තථා .. 147..

භූතසේව්යා භූතදාත්රී භූතපීඩාවිමර්දිකා .

නාරදස්තුතචාරිත්රා වරදේශා වරප්රදා .. 148..

වාමදේවස්තුතා චෛව කාමදා සෝමශේඛරා .

දික්පාලසේවිතා භව්යා භාමිනී භාවදායිනී .. 149..

ස්ත්රීසෞභාග්යප්රදාත්රී ච භෝගදා රෝගනාශිනී .

ව්යෝමගා භූමිගා චෛව මුනිපූජ්යපදාම්බුජා .

වනදුර්ගා ච දුර්බෝධා මහාදුර්ගා ප්රකීර්තිතා .. 150..

ඵලශ්රුතිඃ

ඉතීදං කීර්තිදං භද්ර දුර්ගානාමසහස්රකම් .

ත්රිසන්ධ්යං යඃ පඨේන්නිත්යං තස්ය ලක්ෂ්මීඃ ස්ථිරා භවේත් .. 1..

ග්රහභූතපිශාචාදිපීඩා නශ්යත්යසංශයම් .

බාලග්රහාදිපීඩායාඃ ශාන්තිර්භවති කීර්තනාත් .. 2..

මාරිකාදිමහාරෝගේ පඨතාං සෞඛ්යදං නෘණාම් .

ව්යවහාරේ ච ජයදං ශත්රුබාධානිවාරකම් .. 3..

දම්පත්යෝඃ කලහේ ප්රාප්තේ මිථඃ ප්රේමාභිවර්ධකම් .

ආයුරාරෝග්යදං පුංසාං සර්වසම්පත්ප්රදායකම් .. 4..

විද්යාභිවර්ධකං නිත්යං පඨතාමර්ථසාධකම් .

ශුභදං ශුභකාර්යේෂු පඨතාං ශෘණුතාමපි .. 5..

යඃ පූජයති දුර්ගාං තාං දුර්ගානාමසහස්රකෛඃ .

පුෂ්පෛඃ කුඞ්කුමසම්මිශ්රෛඃ ස තු යත්කාඞ්ක්ෂතේ හෘදි .. 6..

තත්සර්වං සමවාප්නෝති නාස්ති නාස්ත්යත්ර සංශයඃ .

යන්මුඛේ ධ්රියතේ නිත්යං දුර්ගානාමසහස්රකම් .. 7..

කිං තස්යේතරමන්ත්රෞඝෛඃ කාර්යං ධන්යතමස්ය හි .

දුර්ගානාමසහස්රස්ය පුස්තකං යද්ගෘහේ භවේත් .. 8..

න තත්ර ග්රහභූතාදිබාධා ස්යාන්මඞ්ගලාස්පදේ .

තද්ගෘහං පුණ්යදං ක්ෂේත්රං දේවීසාන්නිධ්යකාරකම් .. 9..

ඒතස්ය ස්තෝත්රමුඛ්යස්ය පාඨකඃ ශ්රේෂ්ඨමන්ත්රවිත් .

දේවතායාඃ ප්රසාදේන සර්වපූජ්යඃ සුඛී භවේත් .. 10..

ඉත්යේතන්නගරාජේන කීර්තිතං මුනිසත්තම .

ගුහ්යාද්ගුහ්යතරං ස්තෝත්රං ත්වයි ස්නේහාත් ප්රකීර්තිතම් .. 11..

භක්තාය ශ්රද්ධධානාය කේවලං කීර්ත්යතාමිදම් .

හෘදි ධාරය නිත්යං ත්වං දේව්යනුග්රහසාධකම් .. 12.. ..

ඉති ශ්රීස්කාන්දපුරාණේ ස්කන්දනාරදසංවාදේ දුර්ගාසහස්රනාමස්තෝත්රං සම්පූර්ණම් ..