Sree Durga Sahasra Nama Stotram

zrI durgA sahasra nAma stotram

zloka 1

|| atha zrI durgA sahasranAmastotram ||

nArada uvAca -

kumAra guNagambhIra devasenApate prabho |

sarvAbhISTapradaM puMsAM sarvapApapraNAzanam || 1||

guhyAdguhyataraM stotraM bhaktivardhakamaJjasA |

maGgalaM grahapIDAdizAntidaM vaktumarhasi || 2||

skanda uvAca -

zRNu nArada devarSe lokAnugrahakAmyayA |

yatpRcchasi paraM puNyaM tatte vakSyAmi kautukAt || 3||

mAtA me lokajananI himavannagasattamAt |

menAyAM brahmavAdinyAM prAdurbhUtA harapriyA || 4||

mahatA tapasA''rAdhya zaGkaraM lokazaGkaram |

svameva vallabhaM bheje kaleva hi kalAnidhim || 5||

nagAnAmadhirAjastu himavAn virahAturaH |

svasutAyAH parikSINe vasiSThena prabodhitaH || 6||

trilokajananI seyaM prasannA tvayi puNyataH |

prAdurbhUtA sutAtvena tadviyogaM zubhaM tyaja || 7||

bahurUpA ca durgeyaM bahunAmnI sanAtanI |

sanAtanasya jAyA sA putrImohaM tyajAdhunA || 8||

iti prabodhitaH zailaH tAM tuSTAva parAM zivAm |

tadA prasannA sA durgA pitaraM prAha nandinI || 9||

matprasAdAtparaM stotraM hRdaye pratibhAsatAm |

tena nAmnAM sahasreNa pUjayan kAmamApnuhi || 10||

ityuktvAntarhitAyAM tu hRdaye sphuritaM tadA |

nAmnAM sahasraM durgAyAH pRcchate me yaduktavAn || 11||

maGgalAnAM maGgalaM tad durgAnAma sahasrakam |

sarvAbhISTapradAM puMsAM bravImyakhilakAmadam || 12||

durgAdevI samAkhyAtA himavAnRSirucyate |

chandonuSTup japo devyAH prItaye kriyate sadA || 13||

asya zrIdurgAstotramahAmantrasya | himavAn RSiH | anuSTup chandaH |

durgAbhagavatI devatA | zrIdurgAprasAdasiddhyarthe jape viniyogaH | |

zrIbhagavatyai durgAyai namaH |

devIdhyAnam

OM hrIM kAlAbhrAbhAM kaTAkSairarikulabhayadAM maulibaddhendurekhAM

zaGkhaM cakraM kRpANaM trizikhamapi karairudvahantIM trinetrAm |

siMhaskandhAdhirUDhAM tribhuvanamakhilaM tejasA pUrayantIM

dhyAyed durgAM jayAkhyAM tridazaparivRtAM sevitAM siddhikAmaiH ||

zrI jayadurgAyai namaH |

OM zivAthomA ramA zaktiranantA niSkalA'malA |

zAntA mAhezvarI nityA zAzvatA paramA kSamA || 1||

acintyA kevalAnantA zivAtmA paramAtmikA |

anAdiravyayA zuddhA sarvajJA sarvagA'calA || 2||

ekAnekavibhAgasthA mAyAtItA sunirmalA |

mahAmAhezvarI satyA mahAdevI niraJjanA || 3||

kASThA sarvAntarasthA'pi cicchaktizcAtrilAlitA |

sarvA sarvAtmikA vizvA jyotIrUpAkSarAmRtA || 4||

zAntA pratiSThA sarvezA nivRttiramRtapradA |

vyomamUrtirvyomasaMsthA vyomadhArA'cyutA'tulA || 5||

anAdinidhanA'moghA kAraNAtmakalAkulA |

RtuprathamajA'nAbhiramRtAtmasamAzrayA || 6||

prANezvarapriyA namyA mahAmahiSaghAtinI |

prANezvarI prANarUpA pradhAnapuruSezvarI || 7||

sarvazaktikalA'kAmA mahiSeSTavinAzinI |

sarvakAryaniyantrI ca sarvabhUtezvarezvarI || 8||

aGgadAdidharA caiva tathA mukuTadhAriNI |

sanAtanI mahAnandA''kAzayonistathecyate || 9||

citprakAzasvarUpA ca mahAyogezvarezvarI |

mahAmAyA saduSpArA mUlaprakRtirIzikA || 10||

saMsArayoniH sakalA sarvazaktisamudbhavA |

saMsArapArA durvArA durnirIkSA durAsadA || 11||

prANazaktizca sevyA ca yoginI paramAkalA |

mahAvibhUtirdurdarzA mUlaprakRtisambhavA || 12||

anAdyanantavibhavA parArthA puruSAraNiH |

sargasthityantakRccaiva sudurvAcyA duratyayA || 13||

zabdagamyA zabdamAyA zabdAkhyAnandavigrahA |

pradhAnapuruSAtItA pradhAnapuruSAtmikA || 14||

purANI cinmayA puMsAmiSTadA puSTirUpiNI |

pUtAntarasthA kUTasthA mahApuruSasaJjJitA || 15||

janmamRtyujarAtItA sarvazaktisvarUpiNI |

vAJchApradA'navacchinnapradhAnAnupravezinI || 16||

kSetrajJA'cintyazaktistu procyate'vyaktalakSaNA |

malApavarjitA''nAdimAyA tritayatattvikA || 17||

prItizca prakRtizcaiva guhAvAsA tathocyate |

mahAmAyA nagotpannA tAmasI ca dhruvA tathA || 18||

vyaktA'vyaktAtmikA kRSNA raktA zuklA hyakAraNA |

procyate kAryajananI nityaprasavadharmiNI || 19||

sargapralayamuktA ca sRSTisthityantadharmiNI |

brahmagarbhA caturviMzasvarUpA padmavAsinI || 20||

acyutAhlAdikA vidyudbrahmayonirmahAlayA |

mahAlakSmI samudbhAvabhAvitAtmAmahezvarI || 21||

mahAvimAnamadhyasthA mahAnidrA sakautukA |

sarvArthadhAriNI sUkSmA hyaviddhA paramArthadA || 22||

anantarUpA'nantArthA tathA puruSamohinI |

anekAnekahastA ca kAlatrayavivarjitA || 23||

brahmajanmA haraprItA matirbrahmazivAtmikA |

brahmezaviSNusampUjyA brahmAkhyA brahmasaJjJitA || 24||

vyaktA prathamajA brAhmI mahArAtrIH prakIrtitA |

jJAnasvarUpA vairAgyarUpA hyaizvaryarUpiNI || 25||

dharmAtmikA brahmamUrtiH pratizrutapumarthikA |

apAMyoniH svayambhUtA mAnasI tattvasambhavA || 26||

Izvarasya priyA proktA zaGkarArdhazarIriNI |

bhavAnI caiva rudrANI mahAlakSmIstathA'mbikA || 27||

mahezvarasamutpannA bhuktimukti pradAyinI |

sarvezvarI sarvavandyA nityamuktA sumAnasA || 28||

mahendropendranamitA zAGkarIzAnuvartinI |

IzvarArdhAsanagatA mAhezvarapativratA || 29||

saMsArazoSiNI caiva pArvatI himavatsutA |

paramAnandadAtrI ca guNAgryA yogadA tathA || 30||

jJAnamUrtizca sAvitrI lakSmIH zrIH kamalA tathA |

anantaguNagambhIrA hyuronIlamaNiprabhA || 31||

sarojanilayA gaGgA yogidhyeyA'surArdinI |

sarasvatI sarvavidyA jagajjyeSThA sumaGgalA || 32||

vAgdevI varadA varyA kIrtiH sarvArthasAdhikA |

vAgIzvarI brahmavidyA mahAvidyA suzobhanA || 33||

grAhyavidyA vedavidyA dharmavidyA''tmabhAvitA |

svAhA vizvambharA siddhiH sAdhyA medhA dhRtiH kRtiH || 34||

sunItiH saGkRtizcaiva kIrtitA naravAhinI |

pUjAvibhAvinI saumyA bhogyabhAg bhogadAyinI || 35||

zobhAvatI zAGkarI ca lolA mAlAvibhUSitA |

parameSThipriyA caiva trilokIsundarI mAtA || 36||

nandA sandhyA kAmadhAtrI mahAdevI susAttvikA |

mahAmahiSadarpaghnI padmamAlA'ghahAriNI || 37||

vicitramukuTA rAmA kAmadAtA prakIrtitA |

pitAmbaradharA divyavibhUSaNa vibhUSitA || 38||

divyAkhyA somavadanA jagatsaMsRSTivarjitA |

niryantrA yantravAhasthA nandinI rudrakAlikA || 39||

AdityavarNA kaumArI mayUravaravAhinI |

padmAsanagatA gaurI mahAkAlI surArcitA || 40||

aditirniyatA raudrI padmagarbhA vivAhanA |

virUpAkSA kezivAhA guhApuranivAsinI || 41||

mahAphalA'navadyAGgI kAmarUpA saridvarA |

bhAsvadrUpA muktidAtrI praNataklezabhaJjanA || 42||

kauzikI gominI rAtristridazArivinAzinI |

bahurUpA surUpA ca virUpA rUpavarjitA || 43||

bhaktArtizamanA bhavyA bhavabhAvavinAzinI |

sarvajJAnaparItAGgI sarvAsuravimardikA || 44||

pikasvanI sAmagItA bhavAGkanilayA priyA |

dIkSA vidyAdharI dIptA mahendrAhitapAtinI || 45||

sarvadevamayA dakSA samudrAntaravAsinI |

akalaGkA nirAdhArA nityasiddhA nirAmayA || 46||

kAmadhenubRhadgarbhA dhImatI maunanAzinI |

niHsaGkalpA nirAtaGkA vinayA vinayapradA || 47||

jvAlAmAlA sahasrADhyA devadevI manomayA |

subhagA suvizuddhA ca vasudevasamudbhavA || 48||

mahendropendrabhaginI bhaktigamyA parAvarA |

jJAnajJeyA parAtItA vedAntaviSayA matiH || 49||

dakSiNA dAhikA dahyA sarvabhUtahRdisthitA |

yogamAyA vibhAgajJA mahAmohA garIyasI || 50||

sandhyA sarvasamudbhUtA brahmavRkSAzriyAditiH |

bIjAGkurasamudbhUtA mahAzaktirmahAmatiH || 51||

khyAtiH prajJAvatI saJjJA mahAbhogIndrazAyinI |

hIGkRtiH zaGkarI zAntirgandharvagaNasevitA || 52||

vaizvAnarI mahAzUlA devasenA bhavapriyA |

mahArAtrI parAnandA zacI duHsvapnanAzinI || 53||

IDyA jayA jagaddhAtrI durvijJeyA surUpiNI |

guhAmbikA gaNotpannA mahApIThA marutsutA || 54||

havyavAhA bhavAnandA jagadyoniH prakIrtitA |

jaganmAtA jaganmRtyurjarAtItA ca buddhidA || 55||

siddhidAtrI ratnagarbhA ratnagarbhAzrayA parA |

daityahantrI sveSTadAtrI maGgalaikasuvigrahA || 56||

puruSAntargatA caiva samAdhisthA tapasvinI |

divisthitA triNetrA ca sarvendriyamanAdhRtiH || 57||

sarvabhUtahRdisthA ca tathA saMsAratAriNI |

vedyA brahmavivedyA ca mahAlIlA prakIrtitA || 58||

brAhmaNibRhatI brAhmI brahmabhUtA'ghahAriNI |

hiraNmayI mahAdAtrI saMsAraparivartikA || 59||

sumAlinI surUpA ca bhAsvinI dhAriNI tathA |

unmUlinI sarvasabhA sarvapratyayasAkSiNI || 60||

susaumyA candravadanA tANDavAsaktamAnasA |

sattvazuddhikarI zuddhA malatrayavinAzinI || 61||

jagatttrayI jaganmUrtistrimUrtiramRtAzrayA |

vimAnasthA vizokA ca zokanAzinyanAhatA || 62||

hemakuNDalinI kAlI padmavAsA sanAtanI |

sadAkIrtiH sarvabhUtazayA devI satAmpriyA || 63||

brahmamUrtikalA caiva kRttikA kaJjamAlinI |

vyomakezA kriyAzaktiricchAzaktiH parAgatiH || 64||

kSobhikA khaNDikAbhedyA bhedAbhedavivarjitA |

abhinnA bhinnasaMsthAnA vazinI vaMzadhAriNI || 65||

guhyazaktirguhyatattvA sarvadA sarvatomukhI |

bhaginI ca nirAdhArA nirAhArA prakIrtitA || 66||

niraGkuzapadodbhUtA cakrahastA vizodhikA |

sragviNI padmasambhedakAriNI parikIrtitA || 67||

parAvaravidhAnajJA mahApuruSapUrvajA |

parAvarajJA vidyA ca vidyujjihvA jitAzrayA || 68||

vidyAmayI sahasrAkSI sahasravadanAtmajA |

sahasrarazmiHsatvasthA mahezvarapadAzrayA || 69||

jvAlinI sanmayA vyAptA cinmayA padmabhedikA |

mahAzrayA mahAmantrA mahAdevamanoramA || 70||

vyomalakSmIH siMharathA cekitAnA'mitaprabhA |

vizvezvarI bhagavatI sakalA kAlahAriNI || 71||

sarvavedyA sarvabhadrA guhyA dUDhA guhAraNI |

pralayA yogadhAtrI ca gaGgA vizvezvarI tathA || 72||

kAmadA kanakA kAntA kaJjagarbhaprabhA tathA |

puNyadA kAlakezA ca bhokttrI puSkariNI tathA || 73||

surezvarI bhUtidAtrI bhUtibhUSA prakIrtitA |

paJcabrahmasamutpannA paramArthA'rthavigrahA || 74||

varNodayA bhAnumUrtirvAgvijJeyA manojavA |

manoharA mahoraskA tAmasI vedarUpiNI || 75||

vedazaktirvedamAtA vedavidyAprakAzinI |

yogezvarezvarI mAyA mahAzaktirmahAmayI || 76||

vizvAntaHsthA viyanmUrtirbhArgavI surasundarI |

surabhirnandinI vidyA nandagopatanUdbhavA || 77||

bhAratI paramAnandA parAvaravibhedikA |

sarvapraharaNopetA kAmyA kAmezvarezvarI || 78||

anantAnandavibhavA hRllekhA kanakaprabhA |

kUSmANDA dhanaratnADhyA sugandhA gandhadAyinI || 79||

trivikramapadodbhUtA caturAsyA zivodayA |

sudurlabhA dhanAdhyakSA dhanyA piGgalalocanA || 80||

zAntA prabhAsvarUpA ca paGkajAyatalocanA |

indrAkSI hRdayAntaHsthA zivA mAtA ca satkriyA || 81||

girijA ca sugUDhA ca nityapuSTA nirantarA |

durgA kAtyAyanI caNDI candrikA kAntavigrahA || 82||

hiraNyavarNA jagatI jagadyantrapravartikA |

mandarAdrinivAsA ca zAradA svarNamAlinI || 83||

ratnamAlA ratnagarbhA vyuSTirvizvapramAthinI |

padmAnandA padmanibhA nityapuSTA kRtodbhavA || 84||

nArAyaNI duSTazikSA sUryamAtA vRSapriyA |

mahendrabhaginI satyA satyabhASA sukomalA || 85||

vAmA ca paJcatapasAM varadAtrI prakIrtitA |

vAcyavarNezvarI vidyA durjayA duratikramA || 86||

kAlarAtrirmahAvegA vIrabhadrapriyA hitA |

bhadrakAlI jaganmAtA bhaktAnAM bhadradAyinI || 87||

karAlA piGgalAkArA kAmabhettrI mahAmanAH |

yazasvinI yazodA ca SaDadhvaparivartikA || 88||

zaGkhinI padminI saGkhyA sAGkhyayogapravartikA |

caitrAdirvatsarArUDhA jagatsampUraNIndrajA || 89||

zumbhaghnI khecarArAdhyA kambugrIvA balIDitA |

khagArUDhA mahaizvaryA supadmanilayA tathA || 90||

viraktA garuDasthA ca jagatIhRdguhAzrayA |

zumbhAdimathanA bhaktahRdgahvaranivAsinI || 91||

jagatttrayAraNI siddhasaGkalpA kAmadA tathA |

sarvavijJAnadAtrI cAnalpakalmaSahAriNI || 92||

sakalopaniSadgamyA duSTaduSprekSyasattamA |

sadvRtA lokasaMvyAptA tuSTiH puSTiH kriyAvatI || 93||

vizvAmarezvarI caiva bhuktimuktipradAyinI |

zivAdhRtA lohitAkSI sarpamAlAvibhUSaNA || 94||

nirAnandA trizUlAsidhanurbANAdidhAriNI |

azeSadhyeyamUrtizca devatAnAM ca devatA || 95||

varAmbikA gireH putrI nizumbhavinipAtinI |

suvarNA svarNalasitA'nantavarNA sadAdhRtA || 96||

zAGkarI zAntahRdayA ahorAtravidhAyikA |

vizvagoptrI gUDharUpA guNapUrNA ca gArgyajA || 97||

gaurI zAkambharI satyasandhA sandhyAtrayIdhRtA |

sarvapApavinirmuktA sarvabandhavivarjitA || 98||

sAGkhyayogasamAkhyAtA aprameyA munIDitA |

vizuddhasukulodbhUtA bindunAdasamAdRtA || 99||

zambhuvAmAGkagA caiva zazitulyanibhAnanA |

vanamAlAvirAjantI anantazayanAdRtA || 100||

naranArAyaNodbhUtA nArasiMhI prakIrtitA |

daityapramAthinI zaGkhacakrapadmagadAdharA || 101||

saGkarSaNasamutpannA ambikA sajjanAzrayA |

suvRtA sundarI caiva dharmakAmArthadAyinI || 102||

mokSadA bhaktinilayA purANapuruSAdRtA |

mahAvibhUtidA''rAdhyA sarojanilayA'samA || 103||

aSTAdazabhujA'nAdirnIlotpaladalAkSiNI |

sarvazaktisamArUDhA dharmAdharmavivarjitA || 104||

vairAgyajJAnaniratA nirAlokA nirindriyA |

vicitragahanAdhArA zAzvatasthAnavAsinI || 105||

jJAnezvarI pItacelA vedavedAGgapAragA |

manasvinI manyumAtA mahAmanyusamudbhavA || 106||

amanyuramRtAsvAdA purandarapariSTutA |

azocyA bhinnaviSayA hiraNyarajatapriyA || 107||

hiraNyajananI bhImA hemAbharaNabhUSitA |

vibhrAjamAnA durjJeyA jyotiSTomaphalapradA || 108||

mahAnidrAsamutpattiranidrA satyadevatA |

dIrghA kakudminI piGgajaTAdhArA manojJadhIH || 109||

mahAzrayA ramotpannA tamaHpAre pratiSThitA |

tritattvamAtA trividhA susUkSmA padmasaMzrayA || 110||

zAntyatItakalA'tItavikArA zvetacelikA |

citramAyA zivajJAnasvarUpA daityamAthinI || 111||

kAzyapI kAlasarpAbhaveNikA zAstrayonikA |

trayImUrtiH kriyAmUrtizcaturvargA ca darzinI || 112||

nArAyaNI narotpannA kaumudI kAntidhAriNI |

kauzikI lalitA lIlA parAvaravibhAvinI || 113||

vareNyA'dbhutamahAtmyA vaDavA vAmalocanA |

subhadrA cetanArAdhyA zAntidA zAntivardhinI || 114||

jayAdizaktijananI zakticakrapravartikA |

trizaktijananI janyA SaTsUtraparivarNitA || 115||

sudhautakarmaNA''rAdhyA yugAntadahanAtmikA |

saGkarSiNI jagaddhAtrI kAmayoniH kirITinI || 116||

aindrI trailokyanamitA vaiSNavI paramezvarI |

pradyumnajananI bimbasamoSThI padmalocanA || 117||

madotkaTA haMsagatiH pracaNDA caNDavikramA |

vRSAdhIzA parAtmA ca vindhyA parvatavAsinI || 118||

himavanmerunilayA kailAsapuravAsinI |

cANUrahantrI nItijJA kAmarUpA trayItanuH || 119||

vratasnAtA dharmazIlA siMhAsananivAsinI |

vIrabhadrAdRtA vIrA mahAkAlasamudbhavA || 120||

vidyAdharArcitA siddhasAdhyArAdhitapAdukA |

zraddhAtmikA pAvanI ca mohinI acalAtmikA || 121||

mahAdbhutA vArijAkSI siMhavAhanagAminI |

manISiNI sudhAvANI vINAvAdanatatparA || 122||

zvetavAhaniSevyA ca lasanmatirarundhatI |

hiraNyAkSI tathA caiva mahAnandapradAyinI || 123||

vasuprabhA sumAlyAptakandharA paGkajAnanA |

parAvarA varArohA sahasranayanArcitA || 124||

zrIrUpA zrImatI zreSThA zivanAmnI zivapriyA |

zrIpradA zritakalyANA zrIdharArdhazarIriNI || 125||

zrIkalA'nantadRSTizca hyakSudrArAtisUdanI |

raktabIjanihantrI ca daityasaGgavimardinI || 126||

siMhArUDhA siMhikAsyA daityazoNitapAyinI |

sukIrtisahitAcchinnasaMzayA rasavedinI || 127||

guNAbhirAmA nAgArivAhanA nirjarArcitA |

nityoditA svayaJjyotiH svarNakAyA prakIrtitA || 128||

vajradaNDAGkitA caiva tathAmRtasaJjIvinI |

vajracchannA devadevI varavajrasvavigrahA || 129||

mAGgalyA maGgalAtmA ca mAlinI mAlyadhAriNI |

gandharvI taruNI cAndrI khaDgAyudhadharA tathA || 130||

saudAminI prajAnandA tathA proktA bhRgUdbhavA |

ekAnaGgA ca zAstrArthakuzalA dharmacAriNI || 131||

dharmasarvasvavAhA ca dharmAdharmavinizcayA |

dharmazaktirdharmamayA dhArmikAnAM zivapradA || 132||

vidharmA vizvadharmajJA dharmArthAntaravigrahA |

dharmavarSmA dharmapUrvA dharmapAraGgatAntarA || 133||

dharmopadeSTrI dharmAtmA dharmagamyA dharAdharA |

kapAlinI zAkalinI kalAkalitavigrahA || 134||

sarvazaktivimuktA ca karNikAradharA'kSarA|

kaMsaprANaharA caiva yugadharmadharA tathA || 135||

yugapravartikA proktA trisandhyA dhyeyavigrahA |

svargApavargadAtrI ca tathA pratyakSadevatA || 136||

AdityA divyagandhA ca divAkaranibhaprabhA |

padmAsanagatA proktA khaDgabANazarAsanA || 137||

ziSTA viziSTA ziSTeSTA ziSTazreSThaprapUjitA |

zatarUpA zatAvartA vitatA rAsamodinI || 138||

sUryendunetrA pradyumnajananI suSThumAyinI |

sUryAntarasthitA caiva satpratiSThatavigrahA || 139||

nivRttA procyate jJAnapAragA parvatAtmajA |

kAtyAyanI caNDikA ca caNDI haimavatI tathA || 140||

dAkSAyaNI satI caiva bhavAnI sarvamaGgalA |

dhUmralocanahantrI ca caNDamuNDavinAzinI || 141||

yoganidrA yogabhadrA samudratanayA tathA |

devapriyaGkarI zuddhA bhaktabhaktipravardhinI || 142||

triNetrA candramukuTA pramathArcitapAdukA |

arjunAbhISTadAtrI ca pANDavapriyakAriNI || 143||

kumAralAlanAsaktA harabAhUpadhAnikA |

vighnezajananI bhaktavighnastomaprahAriNI || 144||

susmitendumukhI namyA jayApriyasakhI tathA |

anAdinidhanA preSThA citramAlyAnulepanA || 145||

koTicandrapratIkAzA kUTajAlapramAthinI |

kRtyAprahAriNI caiva mAraNoccATanI tathA || 146||

surAsurapravandyAGghrirmohaghnI jJAnadAyinI |

SaDvairinigrahakarI vairividrAviNI tathA || 147||

bhUtasevyA bhUtadAtrI bhUtapIDAvimardikA |

nAradastutacAritrA varadezA varapradA || 148||

vAmadevastutA caiva kAmadA somazekharA |

dikpAlasevitA bhavyA bhAminI bhAvadAyinI || 149||

strIsaubhAgyapradAtrI ca bhogadA roganAzinI |

vyomagA bhUmigA caiva munipUjyapadAmbujA |

vanadurgA ca durbodhA mahAdurgA prakIrtitA || 150||

phalazrutiH

itIdaM kIrtidaM bhadra durgAnAmasahasrakam |

trisandhyaM yaH paThennityaM tasya lakSmIH sthirA bhavet || 1||

grahabhUtapizAcAdipIDA nazyatyasaMzayam |

bAlagrahAdipIDAyAH zAntirbhavati kIrtanAt || 2||

mArikAdimahAroge paThatAM saukhyadaM nRNAm |

vyavahAre ca jayadaM zatrubAdhAnivArakam || 3||

dampatyoH kalahe prApte mithaH premAbhivardhakam |

AyurArogyadaM puMsAM sarvasampatpradAyakam || 4||

vidyAbhivardhakaM nityaM paThatAmarthasAdhakam |

zubhadaM zubhakAryeSu paThatAM zRNutAmapi || 5||

yaH pUjayati durgAM tAM durgAnAmasahasrakaiH |

puSpaiH kuGkumasammizraiH sa tu yatkAGkSate hRdi || 6||

tatsarvaM samavApnoti nAsti nAstyatra saMzayaH |

yanmukhe dhriyate nityaM durgAnAmasahasrakam || 7||

kiM tasyetaramantraughaiH kAryaM dhanyatamasya hi |

durgAnAmasahasrasya pustakaM yadgRhe bhavet || 8||

na tatra grahabhUtAdibAdhA syAnmaGgalAspade |

tadgRhaM puNyadaM kSetraM devIsAnnidhyakArakam || 9||

etasya stotramukhyasya pAThakaH zreSThamantravit |

devatAyAH prasAdena sarvapUjyaH sukhI bhavet || 10||

ityetannagarAjena kIrtitaM munisattama |

guhyAdguhyataraM stotraM tvayi snehAt prakIrtitam || 11||

bhaktAya zraddhadhAnAya kevalaM kIrtyatAmidam |

hRdi dhAraya nityaM tvaM devyanugrahasAdhakam || 12|| ||

iti zrIskAndapurANe skandanAradasaMvAde durgAsahasranAmastotraM sampUrNam ||