శ్రీ దుర్గా సహస్ర నామ స్తోత్రమ్

శ్రీ దుర్గా సహస్ర నామ స్తోత్రమ్

శ్లోక 1

॥ అథ శ్రీ దుర్గా సహస్రనామస్తోత్రమ్ ॥

నారద ఉవాచ -

కుమార గుణగమ్భీర దేవసేనాపతే ప్రభో ।

సర్వాభీష్టప్రదం పుంసాం సర్వపాపప్రణాశనమ్

శ్లోక 2

గుహ్యాద్గుహ్యతరం స్తోత్రం భక్తివర్ధకమఞ్జసా ।

మఙ్గలం గ్రహపీడాదిశాన్తిదం వక్తుమర్హసి

॥ 1॥

శ్లోక 3

స్కన్ద ఉవాచ -

శృణు నారద దేవర్షే లోకానుగ్రహకామ్యయా ।

యత్పృచ్ఛసి పరం పుణ్యం తత్తే వక్ష్యామి కౌతుకాత్

॥ 2॥

శ్లోక 4

మాతా మే లోకజననీ హిమవన్నగసత్తమాత్ ।

మేనాయాం బ్రహ్మవాదిన్యాం ప్రాదుర్భూతా హరప్రియా

॥ 3॥

శ్లోక 5

మహతా తపసాఽఽరాధ్య శఙ్కరం లోకశఙ్కరమ్ ।

స్వమేవ వల్లభం భేజే కలేవ హి కలానిధిమ్

॥ 4॥

శ్లోక 6

నగానామధిరాజస్తు హిమవాన్ విరహాతురః ।

స్వసుతాయాః పరిక్షీణే వసిష్ఠేన ప్రబోధితః

॥ 5॥

శ్లోక 7

త్రిలోకజననీ సేయం ప్రసన్నా త్వయి పుణ్యతః ।

ప్రాదుర్భూతా సుతాత్వేన తద్వియోగం శుభం త్యజ

॥ 6॥

శ్లోక 8

బహురూపా చ దుర్గేయం బహునామ్నీ సనాతనీ ।

సనాతనస్య జాయా సా పుత్రీమోహం త్యజాధునా

॥ 7॥

శ్లోక 9

ఇతి ప్రబోధితః శైలః తాం తుష్టావ పరాం శివామ్ ।

తదా ప్రసన్నా సా దుర్గా పితరం ప్రాహ నన్దినీ

॥ 8॥

శ్లోక 10

మత్ప్రసాదాత్పరం స్తోత్రం హృదయే ప్రతిభాసతామ్ ।

తేన నామ్నాం సహస్రేణ పూజయన్ కామమాప్నుహి

॥ 9॥

శ్లోక 11

ఇత్యుక్త్వాన్తర్హితాయాం తు హృదయే స్ఫురితం తదా ।

నామ్నాం సహస్రం దుర్గాయాః పృచ్ఛతే మే యదుక్తవాన్

॥ 10॥

శ్లోక 12

మఙ్గలానాం మఙ్గలం తద్ దుర్గానామ సహస్రకమ్ ।

సర్వాభీష్టప్రదాం పుంసాం బ్రవీమ్యఖిలకామదమ్

॥ 11॥

శ్లోక 13

దుర్గాదేవీ సమాఖ్యాతా హిమవానృషిరుచ్యతే ।

ఛన్దోనుష్టుప్ జపో దేవ్యాః ప్రీతయే క్రియతే సదా

॥ 12॥

శ్లోక 14

అస్య శ్రీదుర్గాస్తోత్రమహామన్త్రస్య । హిమవాన్ ఋషిః । అనుష్టుప్ ఛన్దః ।

దుర్గాభగవతీ దేవతా । శ్రీదుర్గాప్రసాదసిద్ధ్యర్థే జపే వినియోగః । ।

శ్రీభగవత్యై దుర్గాయై నమః ।

దేవీధ్యానమ్

ఓం హ్రీం కాలాభ్రాభాం కటాక్షైరరికులభయదాం మౌలిబద్ధేన్దురేఖాం

శఙ్ఖం చక్రం కృపాణం త్రిశిఖమపి కరైరుద్వహన్తీం త్రినేత్రామ్ ।

సింహస్కన్ధాధిరూఢాం త్రిభువనమఖిలం తేజసా పూరయన్తీం

ధ్యాయేద్ దుర్గాం జయాఖ్యాం త్రిదశపరివృతాం సేవితాం సిద్ధికామైః ॥

శ్రీ జయదుర్గాయై నమః ।

ఓం శివాథోమా రమా శక్తిరనన్తా నిష్కలాఽమలా ।

శాన్తా మాహేశ్వరీ నిత్యా శాశ్వతా పరమా క్షమా

॥ 13॥

శ్లోక 15

అచిన్త్యా కేవలానన్తా శివాత్మా పరమాత్మికా ।

అనాదిరవ్యయా శుద్ధా సర్వజ్ఞా సర్వగాఽచలా

॥ 1॥

శ్లోక 16

ఏకానేకవిభాగస్థా మాయాతీతా సునిర్మలా ।

మహామాహేశ్వరీ సత్యా మహాదేవీ నిరఞ్జనా

॥ 2॥

శ్లోక 17

కాష్ఠా సర్వాన్తరస్థాఽపి చిచ్ఛక్తిశ్చాత్రిలాలితా ।

సర్వా సర్వాత్మికా విశ్వా జ్యోతీరూపాక్షరామృతా

॥ 3॥

శ్లోక 18

శాన్తా ప్రతిష్ఠా సర్వేశా నివృత్తిరమృతప్రదా ।

వ్యోమమూర్తిర్వ్యోమసంస్థా వ్యోమధారాఽచ్యుతాఽతులా

॥ 4॥

శ్లోక 19

అనాదినిధనాఽమోఘా కారణాత్మకలాకులా ।

ఋతుప్రథమజాఽనాభిరమృతాత్మసమాశ్రయా

॥ 5॥

శ్లోక 20

ప్రాణేశ్వరప్రియా నమ్యా మహామహిషఘాతినీ ।

ప్రాణేశ్వరీ ప్రాణరూపా ప్రధానపురుషేశ్వరీ

॥ 6॥

శ్లోక 21

సర్వశక్తికలాఽకామా మహిషేష్టవినాశినీ ।

సర్వకార్యనియన్త్రీ చ సర్వభూతేశ్వరేశ్వరీ

॥ 7॥

శ్లోక 22

అఙ్గదాదిధరా చైవ తథా ముకుటధారిణీ ।

సనాతనీ మహానన్దాఽఽకాశయోనిస్తథేచ్యతే

॥ 8॥

శ్లోక 23

చిత్ప్రకాశస్వరూపా చ మహాయోగేశ్వరేశ్వరీ ।

మహామాయా సదుష్పారా మూలప్రకృతిరీశికా

॥ 9॥

శ్లోక 24

సంసారయోనిః సకలా సర్వశక్తిసముద్భవా ।

సంసారపారా దుర్వారా దుర్నిరీక్షా దురాసదా

॥ 10॥

శ్లోక 25

ప్రాణశక్తిశ్చ సేవ్యా చ యోగినీ పరమాకలా ।

మహావిభూతిర్దుర్దర్శా మూలప్రకృతిసమ్భవా

॥ 11॥

శ్లోక 26

అనాద్యనన్తవిభవా పరార్థా పురుషారణిః ।

సర్గస్థిత్యన్తకృచ్చైవ సుదుర్వాచ్యా దురత్యయా

॥ 12॥

శ్లోక 27

శబ్దగమ్యా శబ్దమాయా శబ్దాఖ్యానన్దవిగ్రహా ।

ప్రధానపురుషాతీతా ప్రధానపురుషాత్మికా

॥ 13॥

శ్లోక 28

పురాణీ చిన్మయా పుంసామిష్టదా పుష్టిరూపిణీ ।

పూతాన్తరస్థా కూటస్థా మహాపురుషసఞ్జ్ఞితా

॥ 14॥

శ్లోక 29

జన్మమృత్యుజరాతీతా సర్వశక్తిస్వరూపిణీ ।

వాఞ్ఛాప్రదాఽనవచ్ఛిన్నప్రధానానుప్రవేశినీ

॥ 15॥

శ్లోక 30

క్షేత్రజ్ఞాఽచిన్త్యశక్తిస్తు ప్రోచ్యతేఽవ్యక్తలక్షణా ।

మలాపవర్జితాఽఽనాదిమాయా త్రితయతత్త్వికా

॥ 16॥

శ్లోక 31

ప్రీతిశ్చ ప్రకృతిశ్చైవ గుహావాసా తథోచ్యతే ।

మహామాయా నగోత్పన్నా తామసీ చ ధ్రువా తథా

॥ 17॥

శ్లోక 32

వ్యక్తాఽవ్యక్తాత్మికా కృష్ణా రక్తా శుక్లా హ్యకారణా ।

ప్రోచ్యతే కార్యజననీ నిత్యప్రసవధర్మిణీ

॥ 18॥

శ్లోక 33

సర్గప్రలయముక్తా చ సృష్టిస్థిత్యన్తధర్మిణీ ।

బ్రహ్మగర్భా చతుర్వింశస్వరూపా పద్మవాసినీ

॥ 19॥

శ్లోక 34

అచ్యుతాహ్లాదికా విద్యుద్బ్రహ్మయోనిర్మహాలయా ।

మహాలక్ష్మీ సముద్భావభావితాత్మామహేశ్వరీ

॥ 20॥

శ్లోక 35

మహావిమానమధ్యస్థా మహానిద్రా సకౌతుకా ।

సర్వార్థధారిణీ సూక్ష్మా హ్యవిద్ధా పరమార్థదా

॥ 21॥

శ్లోక 36

అనన్తరూపాఽనన్తార్థా తథా పురుషమోహినీ ।

అనేకానేకహస్తా చ కాలత్రయవివర్జితా

॥ 22॥

శ్లోక 37

బ్రహ్మజన్మా హరప్రీతా మతిర్బ్రహ్మశివాత్మికా ।

బ్రహ్మేశవిష్ణుసమ్పూజ్యా బ్రహ్మాఖ్యా బ్రహ్మసఞ్జ్ఞితా

॥ 23॥

శ్లోక 38

వ్యక్తా ప్రథమజా బ్రాహ్మీ మహారాత్రీః ప్రకీర్తితా ।

జ్ఞానస్వరూపా వైరాగ్యరూపా హ్యైశ్వర్యరూపిణీ

॥ 24॥

శ్లోక 39

ధర్మాత్మికా బ్రహ్మమూర్తిః ప్రతిశ్రుతపుమర్థికా ।

అపాంయోనిః స్వయమ్భూతా మానసీ తత్త్వసమ్భవా

॥ 25॥

శ్లోక 40

ఈశ్వరస్య ప్రియా ప్రోక్తా శఙ్కరార్ధశరీరిణీ ।

భవానీ చైవ రుద్రాణీ మహాలక్ష్మీస్తథాఽమ్బికా

॥ 26॥

శ్లోక 41

మహేశ్వరసముత్పన్నా భుక్తిముక్తి ప్రదాయినీ ।

సర్వేశ్వరీ సర్వవన్ద్యా నిత్యముక్తా సుమానసా

॥ 27॥

శ్లోక 42

మహేన్ద్రోపేన్ద్రనమితా శాఙ్కరీశానువర్తినీ ।

ఈశ్వరార్ధాసనగతా మాహేశ్వరపతివ్రతా

॥ 28॥

శ్లోక 43

సంసారశోషిణీ చైవ పార్వతీ హిమవత్సుతా ।

పరమానన్దదాత్రీ చ గుణాగ్ర్యా యోగదా తథా

॥ 29॥

శ్లోక 44

జ్ఞానమూర్తిశ్చ సావిత్రీ లక్ష్మీః శ్రీః కమలా తథా ।

అనన్తగుణగమ్భీరా హ్యురోనీలమణిప్రభా

॥ 30॥

శ్లోక 45

సరోజనిలయా గఙ్గా యోగిధ్యేయాఽసురార్దినీ ।

సరస్వతీ సర్వవిద్యా జగజ్జ్యేష్ఠా సుమఙ్గలా

॥ 31॥

శ్లోక 46

వాగ్దేవీ వరదా వర్యా కీర్తిః సర్వార్థసాధికా ।

వాగీశ్వరీ బ్రహ్మవిద్యా మహావిద్యా సుశోభనా

॥ 32॥

శ్లోక 47

గ్రాహ్యవిద్యా వేదవిద్యా ధర్మవిద్యాఽఽత్మభావితా ।

స్వాహా విశ్వమ్భరా సిద్ధిః సాధ్యా మేధా ధృతిః కృతిః

॥ 33॥

శ్లోక 48

సునీతిః సఙ్కృతిశ్చైవ కీర్తితా నరవాహినీ ।

పూజావిభావినీ సౌమ్యా భోగ్యభాగ్ భోగదాయినీ

॥ 34॥

శ్లోక 49

శోభావతీ శాఙ్కరీ చ లోలా మాలావిభూషితా ।

పరమేష్ఠిప్రియా చైవ త్రిలోకీసున్దరీ మాతా

॥ 35॥

శ్లోక 50

నన్దా సన్ధ్యా కామధాత్రీ మహాదేవీ సుసాత్త్వికా ।

మహామహిషదర్పఘ్నీ పద్మమాలాఽఘహారిణీ

॥ 36॥

శ్లోక 51

విచిత్రముకుటా రామా కామదాతా ప్రకీర్తితా ।

పితామ్బరధరా దివ్యవిభూషణ విభూషితా

॥ 37॥

శ్లోక 52

దివ్యాఖ్యా సోమవదనా జగత్సంసృష్టివర్జితా ।

నిర్యన్త్రా యన్త్రవాహస్థా నన్దినీ రుద్రకాలికా

॥ 38॥

శ్లోక 53

ఆదిత్యవర్ణా కౌమారీ మయూరవరవాహినీ ।

పద్మాసనగతా గౌరీ మహాకాలీ సురార్చితా

॥ 39॥

శ్లోక 54

అదితిర్నియతా రౌద్రీ పద్మగర్భా వివాహనా ।

విరూపాక్షా కేశివాహా గుహాపురనివాసినీ

॥ 40॥

శ్లోక 55

మహాఫలాఽనవద్యాఙ్గీ కామరూపా సరిద్వరా ।

భాస్వద్రూపా ముక్తిదాత్రీ ప్రణతక్లేశభఞ్జనా

॥ 41॥

శ్లోక 56

కౌశికీ గోమినీ రాత్రిస్త్రిదశారివినాశినీ ।

బహురూపా సురూపా చ విరూపా రూపవర్జితా

॥ 42॥

శ్లోక 57

భక్తార్తిశమనా భవ్యా భవభావవినాశినీ ।

సర్వజ్ఞానపరీతాఙ్గీ సర్వాసురవిమర్దికా

॥ 43॥

శ్లోక 58

పికస్వనీ సామగీతా భవాఙ్కనిలయా ప్రియా ।

దీక్షా విద్యాధరీ దీప్తా మహేన్ద్రాహితపాతినీ

॥ 44॥

శ్లోక 59

సర్వదేవమయా దక్షా సముద్రాన్తరవాసినీ ।

అకలఙ్కా నిరాధారా నిత్యసిద్ధా నిరామయా

॥ 45॥

శ్లోక 60

కామధేనుబృహద్గర్భా ధీమతీ మౌననాశినీ ।

నిఃసఙ్కల్పా నిరాతఙ్కా వినయా వినయప్రదా

॥ 46॥

శ్లోక 61

జ్వాలామాలా సహస్రాఢ్యా దేవదేవీ మనోమయా ।

సుభగా సువిశుద్ధా చ వసుదేవసముద్భవా

॥ 47॥

శ్లోక 62

మహేన్ద్రోపేన్ద్రభగినీ భక్తిగమ్యా పరావరా ।

జ్ఞానజ్ఞేయా పరాతీతా వేదాన్తవిషయా మతిః

॥ 48॥

శ్లోక 63

దక్షిణా దాహికా దహ్యా సర్వభూతహృదిస్థితా ।

యోగమాయా విభాగజ్ఞా మహామోహా గరీయసీ

॥ 49॥

శ్లోక 64

సన్ధ్యా సర్వసముద్భూతా బ్రహ్మవృక్షాశ్రియాదితిః ।

బీజాఙ్కురసముద్భూతా మహాశక్తిర్మహామతిః

॥ 50॥

శ్లోక 65

ఖ్యాతిః ప్రజ్ఞావతీ సఞ్జ్ఞా మహాభోగీన్ద్రశాయినీ ।

హీఙ్కృతిః శఙ్కరీ శాన్తిర్గన్ధర్వగణసేవితా

॥ 51॥

శ్లోక 66

వైశ్వానరీ మహాశూలా దేవసేనా భవప్రియా ।

మహారాత్రీ పరానన్దా శచీ దుఃస్వప్ననాశినీ

॥ 52॥

శ్లోక 67

ఈడ్యా జయా జగద్ధాత్రీ దుర్విజ్ఞేయా సురూపిణీ ।

గుహామ్బికా గణోత్పన్నా మహాపీఠా మరుత్సుతా

॥ 53॥

శ్లోక 68

హవ్యవాహా భవానన్దా జగద్యోనిః ప్రకీర్తితా ।

జగన్మాతా జగన్మృత్యుర్జరాతీతా చ బుద్ధిదా

॥ 54॥

శ్లోక 69

సిద్ధిదాత్రీ రత్నగర్భా రత్నగర్భాశ్రయా పరా ।

దైత్యహన్త్రీ స్వేష్టదాత్రీ మఙ్గలైకసువిగ్రహా

॥ 55॥

శ్లోక 70

పురుషాన్తర్గతా చైవ సమాధిస్థా తపస్వినీ ।

దివిస్థితా త్రిణేత్రా చ సర్వేన్ద్రియమనాధృతిః

॥ 56॥

శ్లోక 71

సర్వభూతహృదిస్థా చ తథా సంసారతారిణీ ।

వేద్యా బ్రహ్మవివేద్యా చ మహాలీలా ప్రకీర్తితా

॥ 57॥

శ్లోక 72

బ్రాహ్మణిబృహతీ బ్రాహ్మీ బ్రహ్మభూతాఽఘహారిణీ ।

హిరణ్మయీ మహాదాత్రీ సంసారపరివర్తికా

॥ 58॥

శ్లోక 73

సుమాలినీ సురూపా చ భాస్వినీ ధారిణీ తథా ।

ఉన్మూలినీ సర్వసభా సర్వప్రత్యయసాక్షిణీ

॥ 59॥

శ్లోక 74

సుసౌమ్యా చన్ద్రవదనా తాణ్డవాసక్తమానసా ।

సత్త్వశుద్ధికరీ శుద్ధా మలత్రయవినాశినీ

॥ 60॥

శ్లోక 75

జగత్త్త్రయీ జగన్మూర్తిస్త్రిమూర్తిరమృతాశ్రయా ।

విమానస్థా విశోకా చ శోకనాశిన్యనాహతా

॥ 61॥

శ్లోక 76

హేమకుణ్డలినీ కాలీ పద్మవాసా సనాతనీ ।

సదాకీర్తిః సర్వభూతశయా దేవీ సతామ్ప్రియా

॥ 62॥

శ్లోక 77

బ్రహ్మమూర్తికలా చైవ కృత్తికా కఞ్జమాలినీ ।

వ్యోమకేశా క్రియాశక్తిరిచ్ఛాశక్తిః పరాగతిః

॥ 63॥

శ్లోక 78

క్షోభికా ఖణ్డికాభేద్యా భేదాభేదవివర్జితా ।

అభిన్నా భిన్నసంస్థానా వశినీ వంశధారిణీ

॥ 64॥

శ్లోక 79

గుహ్యశక్తిర్గుహ్యతత్త్వా సర్వదా సర్వతోముఖీ ।

భగినీ చ నిరాధారా నిరాహారా ప్రకీర్తితా

॥ 65॥

శ్లోక 80

నిరఙ్కుశపదోద్భూతా చక్రహస్తా విశోధికా ।

స్రగ్విణీ పద్మసమ్భేదకారిణీ పరికీర్తితా

॥ 66॥

శ్లోక 81

పరావరవిధానజ్ఞా మహాపురుషపూర్వజా ।

పరావరజ్ఞా విద్యా చ విద్యుజ్జిహ్వా జితాశ్రయా

॥ 67॥

శ్లోక 82

విద్యామయీ సహస్రాక్షీ సహస్రవదనాత్మజా ।

సహస్రరశ్మిఃసత్వస్థా మహేశ్వరపదాశ్రయా

॥ 68॥

శ్లోక 83

జ్వాలినీ సన్మయా వ్యాప్తా చిన్మయా పద్మభేదికా ।

మహాశ్రయా మహామన్త్రా మహాదేవమనోరమా

॥ 69॥

శ్లోక 84

వ్యోమలక్ష్మీః సింహరథా చేకితానాఽమితప్రభా ।

విశ్వేశ్వరీ భగవతీ సకలా కాలహారిణీ

॥ 70॥

శ్లోక 85

సర్వవేద్యా సర్వభద్రా గుహ్యా దూఢా గుహారణీ ।

ప్రలయా యోగధాత్రీ చ గఙ్గా విశ్వేశ్వరీ తథా

॥ 71॥

శ్లోక 86

కామదా కనకా కాన్తా కఞ్జగర్భప్రభా తథా ।

పుణ్యదా కాలకేశా చ భోక్త్త్రీ పుష్కరిణీ తథా

॥ 72॥

శ్లోక 87

సురేశ్వరీ భూతిదాత్రీ భూతిభూషా ప్రకీర్తితా ।

పఞ్చబ్రహ్మసముత్పన్నా పరమార్థాఽర్థవిగ్రహా

॥ 73॥

శ్లోక 88

వర్ణోదయా భానుమూర్తిర్వాగ్విజ్ఞేయా మనోజవా ।

మనోహరా మహోరస్కా తామసీ వేదరూపిణీ

॥ 74॥

శ్లోక 89

వేదశక్తిర్వేదమాతా వేదవిద్యాప్రకాశినీ ।

యోగేశ్వరేశ్వరీ మాయా మహాశక్తిర్మహామయీ

॥ 75॥

శ్లోక 90

విశ్వాన్తఃస్థా వియన్మూర్తిర్భార్గవీ సురసున్దరీ ।

సురభిర్నన్దినీ విద్యా నన్దగోపతనూద్భవా

॥ 76॥

శ్లోక 91

భారతీ పరమానన్దా పరావరవిభేదికా ।

సర్వప్రహరణోపేతా కామ్యా కామేశ్వరేశ్వరీ

॥ 77॥

శ్లోక 92

అనన్తానన్దవిభవా హృల్లేఖా కనకప్రభా ।

కూష్మాణ్డా ధనరత్నాఢ్యా సుగన్ధా గన్ధదాయినీ

॥ 78॥

శ్లోక 93

త్రివిక్రమపదోద్భూతా చతురాస్యా శివోదయా ।

సుదుర్లభా ధనాధ్యక్షా ధన్యా పిఙ్గలలోచనా

॥ 79॥

శ్లోక 94

శాన్తా ప్రభాస్వరూపా చ పఙ్కజాయతలోచనా ।

ఇన్ద్రాక్షీ హృదయాన్తఃస్థా శివా మాతా చ సత్క్రియా

॥ 80॥

శ్లోక 95

గిరిజా చ సుగూఢా చ నిత్యపుష్టా నిరన్తరా ।

దుర్గా కాత్యాయనీ చణ్డీ చన్ద్రికా కాన్తవిగ్రహా

॥ 81॥

శ్లోక 96

హిరణ్యవర్ణా జగతీ జగద్యన్త్రప్రవర్తికా ।

మన్దరాద్రినివాసా చ శారదా స్వర్ణమాలినీ

॥ 82॥

శ్లోక 97

రత్నమాలా రత్నగర్భా వ్యుష్టిర్విశ్వప్రమాథినీ ।

పద్మానన్దా పద్మనిభా నిత్యపుష్టా కృతోద్భవా

॥ 83॥

శ్లోక 98

నారాయణీ దుష్టశిక్షా సూర్యమాతా వృషప్రియా ।

మహేన్ద్రభగినీ సత్యా సత్యభాషా సుకోమలా

॥ 84॥

శ్లోక 99

వామా చ పఞ్చతపసాం వరదాత్రీ ప్రకీర్తితా ।

వాచ్యవర్ణేశ్వరీ విద్యా దుర్జయా దురతిక్రమా

॥ 85॥

శ్లోక 100

కాలరాత్రిర్మహావేగా వీరభద్రప్రియా హితా ।

భద్రకాలీ జగన్మాతా భక్తానాం భద్రదాయినీ

॥ 86॥

శ్లోక 101

కరాలా పిఙ్గలాకారా కామభేత్త్రీ మహామనాః ।

యశస్వినీ యశోదా చ షడధ్వపరివర్తికా

॥ 87॥

శ్లోక 102

శఙ్ఖినీ పద్మినీ సఙ్ఖ్యా సాఙ్ఖ్యయోగప్రవర్తికా ।

చైత్రాదిర్వత్సరారూఢా జగత్సమ్పూరణీన్ద్రజా

॥ 88॥

శ్లోక 103

శుమ్భఘ్నీ ఖేచరారాధ్యా కమ్బుగ్రీవా బలీడితా ।

ఖగారూఢా మహైశ్వర్యా సుపద్మనిలయా తథా

॥ 89॥

శ్లోక 104

విరక్తా గరుడస్థా చ జగతీహృద్గుహాశ్రయా ।

శుమ్భాదిమథనా భక్తహృద్గహ్వరనివాసినీ

॥ 90॥

శ్లోక 105

జగత్త్త్రయారణీ సిద్ధసఙ్కల్పా కామదా తథా ।

సర్వవిజ్ఞానదాత్రీ చానల్పకల్మషహారిణీ

॥ 91॥

శ్లోక 106

సకలోపనిషద్గమ్యా దుష్టదుష్ప్రేక్ష్యసత్తమా ।

సద్వృతా లోకసంవ్యాప్తా తుష్టిః పుష్టిః క్రియావతీ

॥ 92॥

శ్లోక 107

విశ్వామరేశ్వరీ చైవ భుక్తిముక్తిప్రదాయినీ ।

శివాధృతా లోహితాక్షీ సర్పమాలావిభూషణా

॥ 93॥

శ్లోక 108

నిరానన్దా త్రిశూలాసిధనుర్బాణాదిధారిణీ ।

అశేషధ్యేయమూర్తిశ్చ దేవతానాం చ దేవతా

॥ 94॥

శ్లోక 109

వరామ్బికా గిరేః పుత్రీ నిశుమ్భవినిపాతినీ ।

సువర్ణా స్వర్ణలసితాఽనన్తవర్ణా సదాధృతా

॥ 95॥

శ్లోక 110

శాఙ్కరీ శాన్తహృదయా అహోరాత్రవిధాయికా ।

విశ్వగోప్త్రీ గూఢరూపా గుణపూర్ణా చ గార్గ్యజా

॥ 96॥

శ్లోక 111

గౌరీ శాకమ్భరీ సత్యసన్ధా సన్ధ్యాత్రయీధృతా ।

సర్వపాపవినిర్ముక్తా సర్వబన్ధవివర్జితా

॥ 97॥

శ్లోక 112

సాఙ్ఖ్యయోగసమాఖ్యాతా అప్రమేయా మునీడితా ।

విశుద్ధసుకులోద్భూతా బిన్దునాదసమాదృతా

॥ 98॥

శ్లోక 113

శమ్భువామాఙ్కగా చైవ శశితుల్యనిభాననా ।

వనమాలావిరాజన్తీ అనన్తశయనాదృతా

॥ 99॥

శ్లోక 114

నరనారాయణోద్భూతా నారసింహీ ప్రకీర్తితా ।

దైత్యప్రమాథినీ శఙ్ఖచక్రపద్మగదాధరా

॥ 100॥

శ్లోక 115

సఙ్కర్షణసముత్పన్నా అమ్బికా సజ్జనాశ్రయా ।

సువృతా సున్దరీ చైవ ధర్మకామార్థదాయినీ

॥ 101॥

శ్లోక 116

మోక్షదా భక్తినిలయా పురాణపురుషాదృతా ।

మహావిభూతిదాఽఽరాధ్యా సరోజనిలయాఽసమా

॥ 102॥

శ్లోక 117

అష్టాదశభుజాఽనాదిర్నీలోత్పలదలాక్షిణీ ।

సర్వశక్తిసమారూఢా ధర్మాధర్మవివర్జితా

॥ 103॥

శ్లోక 118

వైరాగ్యజ్ఞాననిరతా నిరాలోకా నిరిన్ద్రియా ।

విచిత్రగహనాధారా శాశ్వతస్థానవాసినీ

॥ 104॥

శ్లోక 119

జ్ఞానేశ్వరీ పీతచేలా వేదవేదాఙ్గపారగా ।

మనస్వినీ మన్యుమాతా మహామన్యుసముద్భవా

॥ 105॥

శ్లోక 120

అమన్యురమృతాస్వాదా పురన్దరపరిష్టుతా ।

అశోచ్యా భిన్నవిషయా హిరణ్యరజతప్రియా

॥ 106॥

శ్లోక 121

హిరణ్యజననీ భీమా హేమాభరణభూషితా ।

విభ్రాజమానా దుర్జ్ఞేయా జ్యోతిష్టోమఫలప్రదా

॥ 107॥

శ్లోక 122

మహానిద్రాసముత్పత్తిరనిద్రా సత్యదేవతా ।

దీర్ఘా కకుద్మినీ పిఙ్గజటాధారా మనోజ్ఞధీః

॥ 108॥

శ్లోక 123

మహాశ్రయా రమోత్పన్నా తమఃపారే ప్రతిష్ఠితా ।

త్రితత్త్వమాతా త్రివిధా సుసూక్ష్మా పద్మసంశ్రయా

॥ 109॥

శ్లోక 124

శాన్త్యతీతకలాఽతీతవికారా శ్వేతచేలికా ।

చిత్రమాయా శివజ్ఞానస్వరూపా దైత్యమాథినీ

॥ 110॥

శ్లోక 125

కాశ్యపీ కాలసర్పాభవేణికా శాస్త్రయోనికా ।

త్రయీమూర్తిః క్రియామూర్తిశ్చతుర్వర్గా చ దర్శినీ

॥ 111॥

శ్లోక 126

నారాయణీ నరోత్పన్నా కౌముదీ కాన్తిధారిణీ ।

కౌశికీ లలితా లీలా పరావరవిభావినీ

॥ 112॥

శ్లోక 127

వరేణ్యాఽద్భుతమహాత్మ్యా వడవా వామలోచనా ।

సుభద్రా చేతనారాధ్యా శాన్తిదా శాన్తివర్ధినీ

॥ 113॥

శ్లోక 128

జయాదిశక్తిజననీ శక్తిచక్రప్రవర్తికా ।

త్రిశక్తిజననీ జన్యా షట్సూత్రపరివర్ణితా

॥ 114॥

శ్లోక 129

సుధౌతకర్మణాఽఽరాధ్యా యుగాన్తదహనాత్మికా ।

సఙ్కర్షిణీ జగద్ధాత్రీ కామయోనిః కిరీటినీ

॥ 115॥

శ్లోక 130

ఐన్ద్రీ త్రైలోక్యనమితా వైష్ణవీ పరమేశ్వరీ ।

ప్రద్యుమ్నజననీ బిమ్బసమోష్ఠీ పద్మలోచనా

॥ 116॥

శ్లోక 131

మదోత్కటా హంసగతిః ప్రచణ్డా చణ్డవిక్రమా ।

వృషాధీశా పరాత్మా చ విన్ధ్యా పర్వతవాసినీ

॥ 117॥

శ్లోక 132

హిమవన్మేరునిలయా కైలాసపురవాసినీ ।

చాణూరహన్త్రీ నీతిజ్ఞా కామరూపా త్రయీతనుః

॥ 118॥

శ్లోక 133

వ్రతస్నాతా ధర్మశీలా సింహాసననివాసినీ ।

వీరభద్రాదృతా వీరా మహాకాలసముద్భవా

॥ 119॥

శ్లోక 134

విద్యాధరార్చితా సిద్ధసాధ్యారాధితపాదుకా ।

శ్రద్ధాత్మికా పావనీ చ మోహినీ అచలాత్మికా

॥ 120॥

శ్లోక 135

మహాద్భుతా వారిజాక్షీ సింహవాహనగామినీ ।

మనీషిణీ సుధావాణీ వీణావాదనతత్పరా

॥ 121॥

శ్లోక 136

శ్వేతవాహనిషేవ్యా చ లసన్మతిరరున్ధతీ ।

హిరణ్యాక్షీ తథా చైవ మహానన్దప్రదాయినీ

॥ 122॥

శ్లోక 137

వసుప్రభా సుమాల్యాప్తకన్ధరా పఙ్కజాననా ।

పరావరా వరారోహా సహస్రనయనార్చితా

॥ 123॥

శ్లోక 138

శ్రీరూపా శ్రీమతీ శ్రేష్ఠా శివనామ్నీ శివప్రియా ।

శ్రీప్రదా శ్రితకల్యాణా శ్రీధరార్ధశరీరిణీ

॥ 124॥

శ్లోక 139

శ్రీకలాఽనన్తదృష్టిశ్చ హ్యక్షుద్రారాతిసూదనీ ।

రక్తబీజనిహన్త్రీ చ దైత్యసఙ్గవిమర్దినీ

॥ 125॥

శ్లోక 140

సింహారూఢా సింహికాస్యా దైత్యశోణితపాయినీ ।

సుకీర్తిసహితాచ్ఛిన్నసంశయా రసవేదినీ

॥ 126॥

శ్లోక 141

గుణాభిరామా నాగారివాహనా నిర్జరార్చితా ।

నిత్యోదితా స్వయఞ్జ్యోతిః స్వర్ణకాయా ప్రకీర్తితా

॥ 127॥

శ్లోక 142

వజ్రదణ్డాఙ్కితా చైవ తథామృతసఞ్జీవినీ ।

వజ్రచ్ఛన్నా దేవదేవీ వరవజ్రస్వవిగ్రహా

॥ 128॥

శ్లోక 143

మాఙ్గల్యా మఙ్గలాత్మా చ మాలినీ మాల్యధారిణీ ।

గన్ధర్వీ తరుణీ చాన్ద్రీ ఖడ్గాయుధధరా తథా

॥ 129॥

శ్లోక 144

సౌదామినీ ప్రజానన్దా తథా ప్రోక్తా భృగూద్భవా ।

ఏకానఙ్గా చ శాస్త్రార్థకుశలా ధర్మచారిణీ

॥ 130॥

శ్లోక 145

ధర్మసర్వస్వవాహా చ ధర్మాధర్మవినిశ్చయా ।

ధర్మశక్తిర్ధర్మమయా ధార్మికానాం శివప్రదా

॥ 131॥

శ్లోక 146

విధర్మా విశ్వధర్మజ్ఞా ధర్మార్థాన్తరవిగ్రహా ।

ధర్మవర్ష్మా ధర్మపూర్వా ధర్మపారఙ్గతాన్తరా

॥ 132॥

శ్లోక 147

ధర్మోపదేష్ట్రీ ధర్మాత్మా ధర్మగమ్యా ధరాధరా ।

కపాలినీ శాకలినీ కలాకలితవిగ్రహా

॥ 133॥

శ్లోక 148

సర్వశక్తివిముక్తా చ కర్ణికారధరాఽక్షరా।

కంసప్రాణహరా చైవ యుగధర్మధరా తథా

॥ 134॥

శ్లోక 149

యుగప్రవర్తికా ప్రోక్తా త్రిసన్ధ్యా ధ్యేయవిగ్రహా ।

స్వర్గాపవర్గదాత్రీ చ తథా ప్రత్యక్షదేవతా

॥ 135॥

శ్లోక 150

ఆదిత్యా దివ్యగన్ధా చ దివాకరనిభప్రభా ।

పద్మాసనగతా ప్రోక్తా ఖడ్గబాణశరాసనా

॥ 136॥

శ్లోక 151

శిష్టా విశిష్టా శిష్టేష్టా శిష్టశ్రేష్ఠప్రపూజితా ।

శతరూపా శతావర్తా వితతా రాసమోదినీ

॥ 137॥

శ్లోక 152

సూర్యేన్దునేత్రా ప్రద్యుమ్నజననీ సుష్ఠుమాయినీ ।

సూర్యాన్తరస్థితా చైవ సత్ప్రతిష్ఠతవిగ్రహా

॥ 138॥

శ్లోక 153

నివృత్తా ప్రోచ్యతే జ్ఞానపారగా పర్వతాత్మజా ।

కాత్యాయనీ చణ్డికా చ చణ్డీ హైమవతీ తథా

॥ 139॥

శ్లోక 154

దాక్షాయణీ సతీ చైవ భవానీ సర్వమఙ్గలా ।

ధూమ్రలోచనహన్త్రీ చ చణ్డముణ్డవినాశినీ

॥ 140॥

శ్లోక 155

యోగనిద్రా యోగభద్రా సముద్రతనయా తథా ।

దేవప్రియఙ్కరీ శుద్ధా భక్తభక్తిప్రవర్ధినీ

॥ 141॥

శ్లోక 156

త్రిణేత్రా చన్ద్రముకుటా ప్రమథార్చితపాదుకా ।

అర్జునాభీష్టదాత్రీ చ పాణ్డవప్రియకారిణీ

॥ 142॥

శ్లోక 157

కుమారలాలనాసక్తా హరబాహూపధానికా ।

విఘ్నేశజననీ భక్తవిఘ్నస్తోమప్రహారిణీ

॥ 143॥

శ్లోక 158

సుస్మితేన్దుముఖీ నమ్యా జయాప్రియసఖీ తథా ।

అనాదినిధనా ప్రేష్ఠా చిత్రమాల్యానులేపనా

॥ 144॥

శ్లోక 159

కోటిచన్ద్రప్రతీకాశా కూటజాలప్రమాథినీ ।

కృత్యాప్రహారిణీ చైవ మారణోచ్చాటనీ తథా

॥ 145॥

శ్లోక 160

సురాసురప్రవన్ద్యాఙ్ఘ్రిర్మోహఘ్నీ జ్ఞానదాయినీ ।

షడ్వైరినిగ్రహకరీ వైరివిద్రావిణీ తథా

॥ 146॥

శ్లోక 161

భూతసేవ్యా భూతదాత్రీ భూతపీడావిమర్దికా ।

నారదస్తుతచారిత్రా వరదేశా వరప్రదా

॥ 147॥

శ్లోక 162

వామదేవస్తుతా చైవ కామదా సోమశేఖరా ।

దిక్పాలసేవితా భవ్యా భామినీ భావదాయినీ

॥ 148॥

శ్లోక 163

స్త్రీసౌభాగ్యప్రదాత్రీ చ భోగదా రోగనాశినీ ।

వ్యోమగా భూమిగా చైవ మునిపూజ్యపదామ్బుజా ।

వనదుర్గా చ దుర్బోధా మహాదుర్గా ప్రకీర్తితా

॥ 149॥

శ్లోక 164

ఫలశ్రుతిః

ఇతీదం కీర్తిదం భద్ర దుర్గానామసహస్రకమ్ ।

త్రిసన్ధ్యం యః పఠేన్నిత్యం తస్య లక్ష్మీః స్థిరా భవేత్

॥ 150॥

శ్లోక 165

గ్రహభూతపిశాచాదిపీడా నశ్యత్యసంశయమ్ ।

బాలగ్రహాదిపీడాయాః శాన్తిర్భవతి కీర్తనాత్

॥ 1॥

శ్లోక 166

మారికాదిమహారోగే పఠతాం సౌఖ్యదం నృణామ్ ।

వ్యవహారే చ జయదం శత్రుబాధానివారకమ్

॥ 2॥

శ్లోక 167

దమ్పత్యోః కలహే ప్రాప్తే మిథః ప్రేమాభివర్ధకమ్ ।

ఆయురారోగ్యదం పుంసాం సర్వసమ్పత్ప్రదాయకమ్

॥ 3॥

శ్లోక 168

విద్యాభివర్ధకం నిత్యం పఠతామర్థసాధకమ్ ।

శుభదం శుభకార్యేషు పఠతాం శృణుతామపి

॥ 4॥

శ్లోక 169

యః పూజయతి దుర్గాం తాం దుర్గానామసహస్రకైః ।

పుష్పైః కుఙ్కుమసమ్మిశ్రైః స తు యత్కాఙ్క్షతే హృది

॥ 5॥

శ్లోక 170

తత్సర్వం సమవాప్నోతి నాస్తి నాస్త్యత్ర సంశయః ।

యన్ముఖే ధ్రియతే నిత్యం దుర్గానామసహస్రకమ్

॥ 6॥

శ్లోక 171

కిం తస్యేతరమన్త్రౌఘైః కార్యం ధన్యతమస్య హి ।

దుర్గానామసహస్రస్య పుస్తకం యద్గృహే భవేత్

॥ 7॥

శ్లోక 172

న తత్ర గ్రహభూతాదిబాధా స్యాన్మఙ్గలాస్పదే ।

తద్గృహం పుణ్యదం క్షేత్రం దేవీసాన్నిధ్యకారకమ్

॥ 8॥

శ్లోక 173

ఏతస్య స్తోత్రముఖ్యస్య పాఠకః శ్రేష్ఠమన్త్రవిత్ ।

దేవతాయాః ప్రసాదేన సర్వపూజ్యః సుఖీ భవేత్

॥ 9॥

శ్లోక 174

ఇత్యేతన్నగరాజేన కీర్తితం మునిసత్తమ ।

గుహ్యాద్గుహ్యతరం స్తోత్రం త్వయి స్నేహాత్ ప్రకీర్తితమ్

॥ 10॥

శ్లోక 175

భక్తాయ శ్రద్ధధానాయ కేవలం కీర్త్యతామిదమ్ ।

హృది ధారయ నిత్యం త్వం దేవ్యనుగ్రహసాధకమ్

॥ 11॥

శ్లోక 176

॥ 12॥ ॥

ఇతి శ్రీస్కాన్దపురాణే స్కన్దనారదసంవాదే దుర్గాసహస్రనామస్తోత్రం సమ్పూర్ణమ్ ॥