ശ്രീ ദുര്ഗാ സഹസ്ര നാമ സ്തോത്രമ്

ശ്രീ ദുര്ഗാ സഹസ്ര നാമ സ്തോത്രമ്

ശ്ലോക 1

॥ അഥ ശ്രീ ദുര്ഗാ സഹസ്രനാമസ്തോത്രമ് ॥

നാരദ ഉവാച -

കുമാര ഗുണഗമ്ഭീര ദേവസേനാപതേ പ്രഭോ ।

സര്വാഭീഷ്ടപ്രദം പുംസാം സര്വപാപപ്രണാശനമ്

ശ്ലോക 2

ഗുഹ്യാദ്ഗുഹ്യതരം സ്തോത്രം ഭക്തിവര്ധകമഞ്ജസാ ।

മങ്ഗലം ഗ്രഹപീഡാദിശാന്തിദം വക്തുമര്ഹസി

॥ 1॥

ശ്ലോക 3

സ്കന്ദ ഉവാച -

ശൃണു നാരദ ദേവര്ഷേ ലോകാനുഗ്രഹകാമ്യയാ ।

യത്പൃച്ഛസി പരം പുണ്യം തത്തേ വക്ഷ്യാമി കൌതുകാത്

॥ 2॥

ശ്ലോക 4

മാതാ മേ ലോകജനനീ ഹിമവന്നഗസത്തമാത് ।

മേനായാം ബ്രഹ്മവാദിന്യാം പ്രാദുര്ഭൂതാ ഹരപ്രിയാ

॥ 3॥

ശ്ലോക 5

മഹതാ തപസാഽഽരാധ്യ ശങ്കരം ലോകശങ്കരമ് ।

സ്വമേവ വല്ലഭം ഭേജേ കലേവ ഹി കലാനിധിമ്

॥ 4॥

ശ്ലോക 6

നഗാനാമധിരാജസ്തു ഹിമവാന് വിരഹാതുരഃ ।

സ്വസുതായാഃ പരിക്ഷീണേ വസിഷ്ഠേന പ്രബോധിതഃ

॥ 5॥

ശ്ലോക 7

ത്രിലോകജനനീ സേയം പ്രസന്നാ ത്വയി പുണ്യതഃ ।

പ്രാദുര്ഭൂതാ സുതാത്വേന തദ്വിയോഗം ശുഭം ത്യജ

॥ 6॥

ശ്ലോക 8

ബഹുരൂപാ ച ദുര്ഗേയം ബഹുനാമ്നീ സനാതനീ ।

സനാതനസ്യ ജായാ സാ പുത്രീമോഹം ത്യജാധുനാ

॥ 7॥

ശ്ലോക 9

ഇതി പ്രബോധിതഃ ശൈലഃ താം തുഷ്ടാവ പരാം ശിവാമ് ।

തദാ പ്രസന്നാ സാ ദുര്ഗാ പിതരം പ്രാഹ നന്ദിനീ

॥ 8॥

ശ്ലോക 10

മത്പ്രസാദാത്പരം സ്തോത്രം ഹൃദയേ പ്രതിഭാസതാമ് ।

തേന നാമ്നാം സഹസ്രേണ പൂജയന് കാമമാപ്നുഹി

॥ 9॥

ശ്ലോക 11

ഇത്യുക്ത്വാന്തര്ഹിതായാം തു ഹൃദയേ സ്ഫുരിതം തദാ ।

നാമ്നാം സഹസ്രം ദുര്ഗായാഃ പൃച്ഛതേ മേ യദുക്തവാന്

॥ 10॥

ശ്ലോക 12

മങ്ഗലാനാം മങ്ഗലം തദ് ദുര്ഗാനാമ സഹസ്രകമ് ।

സര്വാഭീഷ്ടപ്രദാം പുംസാം ബ്രവീമ്യഖിലകാമദമ്

॥ 11॥

ശ്ലോക 13

ദുര്ഗാദേവീ സമാഖ്യാതാ ഹിമവാനൃഷിരുച്യതേ ।

ഛന്ദോനുഷ്ടുപ് ജപോ ദേവ്യാഃ പ്രീതയേ ക്രിയതേ സദാ

॥ 12॥

ശ്ലോക 14

അസ്യ ശ്രീദുര്ഗാസ്തോത്രമഹാമന്ത്രസ്യ । ഹിമവാന് ഋഷിഃ । അനുഷ്ടുപ് ഛന്ദഃ ।

ദുര്ഗാഭഗവതീ ദേവതാ । ശ്രീദുര്ഗാപ്രസാദസിദ്ധ്യര്ഥേ ജപേ വിനിയോഗഃ । ।

ശ്രീഭഗവത്യൈ ദുര്ഗായൈ നമഃ ।

ദേവീധ്യാനമ്

ഓം ഹ്രീം കാലാഭ്രാഭാം കടാക്ഷൈരരികുലഭയദാം മൌലിബദ്ധേന്ദുരേഖാം

ശങ്ഖം ചക്രം കൃപാണം ത്രിശിഖമപി കരൈരുദ്വഹന്തീം ത്രിനേത്രാമ് ।

സിംഹസ്കന്ധാധിരൂഢാം ത്രിഭുവനമഖിലം തേജസാ പൂരയന്തീം

ധ്യായേദ് ദുര്ഗാം ജയാഖ്യാം ത്രിദശപരിവൃതാം സേവിതാം സിദ്ധികാമൈഃ ॥

ശ്രീ ജയദുര്ഗായൈ നമഃ ।

ഓം ശിവാഥോമാ രമാ ശക്തിരനന്താ നിഷ്കലാഽമലാ ।

ശാന്താ മാഹേശ്വരീ നിത്യാ ശാശ്വതാ പരമാ ക്ഷമാ

॥ 13॥

ശ്ലോക 15

അചിന്ത്യാ കേവലാനന്താ ശിവാത്മാ പരമാത്മികാ ।

അനാദിരവ്യയാ ശുദ്ധാ സര്വജ്ഞാ സര്വഗാഽചലാ

॥ 1॥

ശ്ലോക 16

ഏകാനേകവിഭാഗസ്ഥാ മായാതീതാ സുനിര്മലാ ।

മഹാമാഹേശ്വരീ സത്യാ മഹാദേവീ നിരഞ്ജനാ

॥ 2॥

ശ്ലോക 17

കാഷ്ഠാ സര്വാന്തരസ്ഥാഽപി ചിച്ഛക്തിശ്ചാത്രിലാലിതാ ।

സര്വാ സര്വാത്മികാ വിശ്വാ ജ്യോതീരൂപാക്ഷരാമൃതാ

॥ 3॥

ശ്ലോക 18

ശാന്താ പ്രതിഷ്ഠാ സര്വേശാ നിവൃത്തിരമൃതപ്രദാ ।

വ്യോമമൂര്തിര്വ്യോമസംസ്ഥാ വ്യോമധാരാഽച്യുതാഽതുലാ

॥ 4॥

ശ്ലോക 19

അനാദിനിധനാഽമോഘാ കാരണാത്മകലാകുലാ ।

ഋതുപ്രഥമജാഽനാഭിരമൃതാത്മസമാശ്രയാ

॥ 5॥

ശ്ലോക 20

പ്രാണേശ്വരപ്രിയാ നമ്യാ മഹാമഹിഷഘാതിനീ ।

പ്രാണേശ്വരീ പ്രാണരൂപാ പ്രധാനപുരുഷേശ്വരീ

॥ 6॥

ശ്ലോക 21

സര്വശക്തികലാഽകാമാ മഹിഷേഷ്ടവിനാശിനീ ।

സര്വകാര്യനിയന്ത്രീ ച സര്വഭൂതേശ്വരേശ്വരീ

॥ 7॥

ശ്ലോക 22

അങ്ഗദാദിധരാ ചൈവ തഥാ മുകുടധാരിണീ ।

സനാതനീ മഹാനന്ദാഽഽകാശയോനിസ്തഥേച്യതേ

॥ 8॥

ശ്ലോക 23

ചിത്പ്രകാശസ്വരൂപാ ച മഹായോഗേശ്വരേശ്വരീ ।

മഹാമായാ സദുഷ്പാരാ മൂലപ്രകൃതിരീശികാ

॥ 9॥

ശ്ലോക 24

സംസാരയോനിഃ സകലാ സര്വശക്തിസമുദ്ഭവാ ।

സംസാരപാരാ ദുര്വാരാ ദുര്നിരീക്ഷാ ദുരാസദാ

॥ 10॥

ശ്ലോക 25

പ്രാണശക്തിശ്ച സേവ്യാ ച യോഗിനീ പരമാകലാ ।

മഹാവിഭൂതിര്ദുര്ദര്ശാ മൂലപ്രകൃതിസമ്ഭവാ

॥ 11॥

ശ്ലോക 26

അനാദ്യനന്തവിഭവാ പരാര്ഥാ പുരുഷാരണിഃ ।

സര്ഗസ്ഥിത്യന്തകൃച്ചൈവ സുദുര്വാച്യാ ദുരത്യയാ

॥ 12॥

ശ്ലോക 27

ശബ്ദഗമ്യാ ശബ്ദമായാ ശബ്ദാഖ്യാനന്ദവിഗ്രഹാ ।

പ്രധാനപുരുഷാതീതാ പ്രധാനപുരുഷാത്മികാ

॥ 13॥

ശ്ലോക 28

പുരാണീ ചിന്മയാ പുംസാമിഷ്ടദാ പുഷ്ടിരൂപിണീ ।

പൂതാന്തരസ്ഥാ കൂടസ്ഥാ മഹാപുരുഷസഞ്ജ്ഞിതാ

॥ 14॥

ശ്ലോക 29

ജന്മമൃത്യുജരാതീതാ സര്വശക്തിസ്വരൂപിണീ ।

വാഞ്ഛാപ്രദാഽനവച്ഛിന്നപ്രധാനാനുപ്രവേശിനീ

॥ 15॥

ശ്ലോക 30

ക്ഷേത്രജ്ഞാഽചിന്ത്യശക്തിസ്തു പ്രോച്യതേഽവ്യക്തലക്ഷണാ ।

മലാപവര്ജിതാഽഽനാദിമായാ ത്രിതയതത്ത്വികാ

॥ 16॥

ശ്ലോക 31

പ്രീതിശ്ച പ്രകൃതിശ്ചൈവ ഗുഹാവാസാ തഥോച്യതേ ।

മഹാമായാ നഗോത്പന്നാ താമസീ ച ധ്രുവാ തഥാ

॥ 17॥

ശ്ലോക 32

വ്യക്താഽവ്യക്താത്മികാ കൃഷ്ണാ രക്താ ശുക്ലാ ഹ്യകാരണാ ।

പ്രോച്യതേ കാര്യജനനീ നിത്യപ്രസവധര്മിണീ

॥ 18॥

ശ്ലോക 33

സര്ഗപ്രലയമുക്താ ച സൃഷ്ടിസ്ഥിത്യന്തധര്മിണീ ।

ബ്രഹ്മഗര്ഭാ ചതുര്വിംശസ്വരൂപാ പദ്മവാസിനീ

॥ 19॥

ശ്ലോക 34

അച്യുതാഹ്ലാദികാ വിദ്യുദ്ബ്രഹ്മയോനിര്മഹാലയാ ।

മഹാലക്ഷ്മീ സമുദ്ഭാവഭാവിതാത്മാമഹേശ്വരീ

॥ 20॥

ശ്ലോക 35

മഹാവിമാനമധ്യസ്ഥാ മഹാനിദ്രാ സകൌതുകാ ।

സര്വാര്ഥധാരിണീ സൂക്ഷ്മാ ഹ്യവിദ്ധാ പരമാര്ഥദാ

॥ 21॥

ശ്ലോക 36

അനന്തരൂപാഽനന്താര്ഥാ തഥാ പുരുഷമോഹിനീ ।

അനേകാനേകഹസ്താ ച കാലത്രയവിവര്ജിതാ

॥ 22॥

ശ്ലോക 37

ബ്രഹ്മജന്മാ ഹരപ്രീതാ മതിര്ബ്രഹ്മശിവാത്മികാ ।

ബ്രഹ്മേശവിഷ്ണുസമ്പൂജ്യാ ബ്രഹ്മാഖ്യാ ബ്രഹ്മസഞ്ജ്ഞിതാ

॥ 23॥

ശ്ലോക 38

വ്യക്താ പ്രഥമജാ ബ്രാഹ്മീ മഹാരാത്രീഃ പ്രകീര്തിതാ ।

ജ്ഞാനസ്വരൂപാ വൈരാഗ്യരൂപാ ഹ്യൈശ്വര്യരൂപിണീ

॥ 24॥

ശ്ലോക 39

ധര്മാത്മികാ ബ്രഹ്മമൂര്തിഃ പ്രതിശ്രുതപുമര്ഥികാ ।

അപാംയോനിഃ സ്വയമ്ഭൂതാ മാനസീ തത്ത്വസമ്ഭവാ

॥ 25॥

ശ്ലോക 40

ഈശ്വരസ്യ പ്രിയാ പ്രോക്താ ശങ്കരാര്ധശരീരിണീ ।

ഭവാനീ ചൈവ രുദ്രാണീ മഹാലക്ഷ്മീസ്തഥാഽമ്ബികാ

॥ 26॥

ശ്ലോക 41

മഹേശ്വരസമുത്പന്നാ ഭുക്തിമുക്തി പ്രദായിനീ ।

സര്വേശ്വരീ സര്വവന്ദ്യാ നിത്യമുക്താ സുമാനസാ

॥ 27॥

ശ്ലോക 42

മഹേന്ദ്രോപേന്ദ്രനമിതാ ശാങ്കരീശാനുവര്തിനീ ।

ഈശ്വരാര്ധാസനഗതാ മാഹേശ്വരപതിവ്രതാ

॥ 28॥

ശ്ലോക 43

സംസാരശോഷിണീ ചൈവ പാര്വതീ ഹിമവത്സുതാ ।

പരമാനന്ദദാത്രീ ച ഗുണാഗ്ര്യാ യോഗദാ തഥാ

॥ 29॥

ശ്ലോക 44

ജ്ഞാനമൂര്തിശ്ച സാവിത്രീ ലക്ഷ്മീഃ ശ്രീഃ കമലാ തഥാ ।

അനന്തഗുണഗമ്ഭീരാ ഹ്യുരോനീലമണിപ്രഭാ

॥ 30॥

ശ്ലോക 45

സരോജനിലയാ ഗങ്ഗാ യോഗിധ്യേയാഽസുരാര്ദിനീ ।

സരസ്വതീ സര്വവിദ്യാ ജഗജ്ജ്യേഷ്ഠാ സുമങ്ഗലാ

॥ 31॥

ശ്ലോക 46

വാഗ്ദേവീ വരദാ വര്യാ കീര്തിഃ സര്വാര്ഥസാധികാ ।

വാഗീശ്വരീ ബ്രഹ്മവിദ്യാ മഹാവിദ്യാ സുശോഭനാ

॥ 32॥

ശ്ലോക 47

ഗ്രാഹ്യവിദ്യാ വേദവിദ്യാ ധര്മവിദ്യാഽഽത്മഭാവിതാ ।

സ്വാഹാ വിശ്വമ്ഭരാ സിദ്ധിഃ സാധ്യാ മേധാ ധൃതിഃ കൃതിഃ

॥ 33॥

ശ്ലോക 48

സുനീതിഃ സങ്കൃതിശ്ചൈവ കീര്തിതാ നരവാഹിനീ ।

പൂജാവിഭാവിനീ സൌമ്യാ ഭോഗ്യഭാഗ് ഭോഗദായിനീ

॥ 34॥

ശ്ലോക 49

ശോഭാവതീ ശാങ്കരീ ച ലോലാ മാലാവിഭൂഷിതാ ।

പരമേഷ്ഠിപ്രിയാ ചൈവ ത്രിലോകീസുന്ദരീ മാതാ

॥ 35॥

ശ്ലോക 50

നന്ദാ സന്ധ്യാ കാമധാത്രീ മഹാദേവീ സുസാത്ത്വികാ ।

മഹാമഹിഷദര്പഘ്നീ പദ്മമാലാഽഘഹാരിണീ

॥ 36॥

ശ്ലോക 51

വിചിത്രമുകുടാ രാമാ കാമദാതാ പ്രകീര്തിതാ ।

പിതാമ്ബരധരാ ദിവ്യവിഭൂഷണ വിഭൂഷിതാ

॥ 37॥

ശ്ലോക 52

ദിവ്യാഖ്യാ സോമവദനാ ജഗത്സംസൃഷ്ടിവര്ജിതാ ।

നിര്യന്ത്രാ യന്ത്രവാഹസ്ഥാ നന്ദിനീ രുദ്രകാലികാ

॥ 38॥

ശ്ലോക 53

ആദിത്യവര്ണാ കൌമാരീ മയൂരവരവാഹിനീ ।

പദ്മാസനഗതാ ഗൌരീ മഹാകാലീ സുരാര്ചിതാ

॥ 39॥

ശ്ലോക 54

അദിതിര്നിയതാ രൌദ്രീ പദ്മഗര്ഭാ വിവാഹനാ ।

വിരൂപാക്ഷാ കേശിവാഹാ ഗുഹാപുരനിവാസിനീ

॥ 40॥

ശ്ലോക 55

മഹാഫലാഽനവദ്യാങ്ഗീ കാമരൂപാ സരിദ്വരാ ।

ഭാസ്വദ്രൂപാ മുക്തിദാത്രീ പ്രണതക്ലേശഭഞ്ജനാ

॥ 41॥

ശ്ലോക 56

കൌശികീ ഗോമിനീ രാത്രിസ്ത്രിദശാരിവിനാശിനീ ।

ബഹുരൂപാ സുരൂപാ ച വിരൂപാ രൂപവര്ജിതാ

॥ 42॥

ശ്ലോക 57

ഭക്താര്തിശമനാ ഭവ്യാ ഭവഭാവവിനാശിനീ ।

സര്വജ്ഞാനപരീതാങ്ഗീ സര്വാസുരവിമര്ദികാ

॥ 43॥

ശ്ലോക 58

പികസ്വനീ സാമഗീതാ ഭവാങ്കനിലയാ പ്രിയാ ।

ദീക്ഷാ വിദ്യാധരീ ദീപ്താ മഹേന്ദ്രാഹിതപാതിനീ

॥ 44॥

ശ്ലോക 59

സര്വദേവമയാ ദക്ഷാ സമുദ്രാന്തരവാസിനീ ।

അകലങ്കാ നിരാധാരാ നിത്യസിദ്ധാ നിരാമയാ

॥ 45॥

ശ്ലോക 60

കാമധേനുബൃഹദ്ഗര്ഭാ ധീമതീ മൌനനാശിനീ ।

നിഃസങ്കല്പാ നിരാതങ്കാ വിനയാ വിനയപ്രദാ

॥ 46॥

ശ്ലോക 61

ജ്വാലാമാലാ സഹസ്രാഢ്യാ ദേവദേവീ മനോമയാ ।

സുഭഗാ സുവിശുദ്ധാ ച വസുദേവസമുദ്ഭവാ

॥ 47॥

ശ്ലോക 62

മഹേന്ദ്രോപേന്ദ്രഭഗിനീ ഭക്തിഗമ്യാ പരാവരാ ।

ജ്ഞാനജ്ഞേയാ പരാതീതാ വേദാന്തവിഷയാ മതിഃ

॥ 48॥

ശ്ലോക 63

ദക്ഷിണാ ദാഹികാ ദഹ്യാ സര്വഭൂതഹൃദിസ്ഥിതാ ।

യോഗമായാ വിഭാഗജ്ഞാ മഹാമോഹാ ഗരീയസീ

॥ 49॥

ശ്ലോക 64

സന്ധ്യാ സര്വസമുദ്ഭൂതാ ബ്രഹ്മവൃക്ഷാശ്രിയാദിതിഃ ।

ബീജാങ്കുരസമുദ്ഭൂതാ മഹാശക്തിര്മഹാമതിഃ

॥ 50॥

ശ്ലോക 65

ഖ്യാതിഃ പ്രജ്ഞാവതീ സഞ്ജ്ഞാ മഹാഭോഗീന്ദ്രശായിനീ ।

ഹീങ്കൃതിഃ ശങ്കരീ ശാന്തിര്ഗന്ധര്വഗണസേവിതാ

॥ 51॥

ശ്ലോക 66

വൈശ്വാനരീ മഹാശൂലാ ദേവസേനാ ഭവപ്രിയാ ।

മഹാരാത്രീ പരാനന്ദാ ശചീ ദുഃസ്വപ്നനാശിനീ

॥ 52॥

ശ്ലോക 67

ഈഡ്യാ ജയാ ജഗദ്ധാത്രീ ദുര്വിജ്ഞേയാ സുരൂപിണീ ।

ഗുഹാമ്ബികാ ഗണോത്പന്നാ മഹാപീഠാ മരുത്സുതാ

॥ 53॥

ശ്ലോക 68

ഹവ്യവാഹാ ഭവാനന്ദാ ജഗദ്യോനിഃ പ്രകീര്തിതാ ।

ജഗന്മാതാ ജഗന്മൃത്യുര്ജരാതീതാ ച ബുദ്ധിദാ

॥ 54॥

ശ്ലോക 69

സിദ്ധിദാത്രീ രത്നഗര്ഭാ രത്നഗര്ഭാശ്രയാ പരാ ।

ദൈത്യഹന്ത്രീ സ്വേഷ്ടദാത്രീ മങ്ഗലൈകസുവിഗ്രഹാ

॥ 55॥

ശ്ലോക 70

പുരുഷാന്തര്ഗതാ ചൈവ സമാധിസ്ഥാ തപസ്വിനീ ।

ദിവിസ്ഥിതാ ത്രിണേത്രാ ച സര്വേന്ദ്രിയമനാധൃതിഃ

॥ 56॥

ശ്ലോക 71

സര്വഭൂതഹൃദിസ്ഥാ ച തഥാ സംസാരതാരിണീ ।

വേദ്യാ ബ്രഹ്മവിവേദ്യാ ച മഹാലീലാ പ്രകീര്തിതാ

॥ 57॥

ശ്ലോക 72

ബ്രാഹ്മണിബൃഹതീ ബ്രാഹ്മീ ബ്രഹ്മഭൂതാഽഘഹാരിണീ ।

ഹിരണ്മയീ മഹാദാത്രീ സംസാരപരിവര്തികാ

॥ 58॥

ശ്ലോക 73

സുമാലിനീ സുരൂപാ ച ഭാസ്വിനീ ധാരിണീ തഥാ ।

ഉന്മൂലിനീ സര്വസഭാ സര്വപ്രത്യയസാക്ഷിണീ

॥ 59॥

ശ്ലോക 74

സുസൌമ്യാ ചന്ദ്രവദനാ താണ്ഡവാസക്തമാനസാ ।

സത്ത്വശുദ്ധികരീ ശുദ്ധാ മലത്രയവിനാശിനീ

॥ 60॥

ശ്ലോക 75

ജഗത്ത്ത്രയീ ജഗന്മൂര്തിസ്ത്രിമൂര്തിരമൃതാശ്രയാ ।

വിമാനസ്ഥാ വിശോകാ ച ശോകനാശിന്യനാഹതാ

॥ 61॥

ശ്ലോക 76

ഹേമകുണ്ഡലിനീ കാലീ പദ്മവാസാ സനാതനീ ।

സദാകീര്തിഃ സര്വഭൂതശയാ ദേവീ സതാമ്പ്രിയാ

॥ 62॥

ശ്ലോക 77

ബ്രഹ്മമൂര്തികലാ ചൈവ കൃത്തികാ കഞ്ജമാലിനീ ।

വ്യോമകേശാ ക്രിയാശക്തിരിച്ഛാശക്തിഃ പരാഗതിഃ

॥ 63॥

ശ്ലോക 78

ക്ഷോഭികാ ഖണ്ഡികാഭേദ്യാ ഭേദാഭേദവിവര്ജിതാ ।

അഭിന്നാ ഭിന്നസംസ്ഥാനാ വശിനീ വംശധാരിണീ

॥ 64॥

ശ്ലോക 79

ഗുഹ്യശക്തിര്ഗുഹ്യതത്ത്വാ സര്വദാ സര്വതോമുഖീ ।

ഭഗിനീ ച നിരാധാരാ നിരാഹാരാ പ്രകീര്തിതാ

॥ 65॥

ശ്ലോക 80

നിരങ്കുശപദോദ്ഭൂതാ ചക്രഹസ്താ വിശോധികാ ।

സ്രഗ്വിണീ പദ്മസമ്ഭേദകാരിണീ പരികീര്തിതാ

॥ 66॥

ശ്ലോക 81

പരാവരവിധാനജ്ഞാ മഹാപുരുഷപൂര്വജാ ।

പരാവരജ്ഞാ വിദ്യാ ച വിദ്യുജ്ജിഹ്വാ ജിതാശ്രയാ

॥ 67॥

ശ്ലോക 82

വിദ്യാമയീ സഹസ്രാക്ഷീ സഹസ്രവദനാത്മജാ ।

സഹസ്രരശ്മിഃസത്വസ്ഥാ മഹേശ്വരപദാശ്രയാ

॥ 68॥

ശ്ലോക 83

ജ്വാലിനീ സന്മയാ വ്യാപ്താ ചിന്മയാ പദ്മഭേദികാ ।

മഹാശ്രയാ മഹാമന്ത്രാ മഹാദേവമനോരമാ

॥ 69॥

ശ്ലോക 84

വ്യോമലക്ഷ്മീഃ സിംഹരഥാ ചേകിതാനാഽമിതപ്രഭാ ।

വിശ്വേശ്വരീ ഭഗവതീ സകലാ കാലഹാരിണീ

॥ 70॥

ശ്ലോക 85

സര്വവേദ്യാ സര്വഭദ്രാ ഗുഹ്യാ ദൂഢാ ഗുഹാരണീ ।

പ്രലയാ യോഗധാത്രീ ച ഗങ്ഗാ വിശ്വേശ്വരീ തഥാ

॥ 71॥

ശ്ലോക 86

കാമദാ കനകാ കാന്താ കഞ്ജഗര്ഭപ്രഭാ തഥാ ।

പുണ്യദാ കാലകേശാ ച ഭോക്ത്ത്രീ പുഷ്കരിണീ തഥാ

॥ 72॥

ശ്ലോക 87

സുരേശ്വരീ ഭൂതിദാത്രീ ഭൂതിഭൂഷാ പ്രകീര്തിതാ ।

പഞ്ചബ്രഹ്മസമുത്പന്നാ പരമാര്ഥാഽര്ഥവിഗ്രഹാ

॥ 73॥

ശ്ലോക 88

വര്ണോദയാ ഭാനുമൂര്തിര്വാഗ്വിജ്ഞേയാ മനോജവാ ।

മനോഹരാ മഹോരസ്കാ താമസീ വേദരൂപിണീ

॥ 74॥

ശ്ലോക 89

വേദശക്തിര്വേദമാതാ വേദവിദ്യാപ്രകാശിനീ ।

യോഗേശ്വരേശ്വരീ മായാ മഹാശക്തിര്മഹാമയീ

॥ 75॥

ശ്ലോക 90

വിശ്വാന്തഃസ്ഥാ വിയന്മൂര്തിര്ഭാര്ഗവീ സുരസുന്ദരീ ।

സുരഭിര്നന്ദിനീ വിദ്യാ നന്ദഗോപതനൂദ്ഭവാ

॥ 76॥

ശ്ലോക 91

ഭാരതീ പരമാനന്ദാ പരാവരവിഭേദികാ ।

സര്വപ്രഹരണോപേതാ കാമ്യാ കാമേശ്വരേശ്വരീ

॥ 77॥

ശ്ലോക 92

അനന്താനന്ദവിഭവാ ഹൃല്ലേഖാ കനകപ്രഭാ ।

കൂഷ്മാണ്ഡാ ധനരത്നാഢ്യാ സുഗന്ധാ ഗന്ധദായിനീ

॥ 78॥

ശ്ലോക 93

ത്രിവിക്രമപദോദ്ഭൂതാ ചതുരാസ്യാ ശിവോദയാ ।

സുദുര്ലഭാ ധനാധ്യക്ഷാ ധന്യാ പിങ്ഗലലോചനാ

॥ 79॥

ശ്ലോക 94

ശാന്താ പ്രഭാസ്വരൂപാ ച പങ്കജായതലോചനാ ।

ഇന്ദ്രാക്ഷീ ഹൃദയാന്തഃസ്ഥാ ശിവാ മാതാ ച സത്ക്രിയാ

॥ 80॥

ശ്ലോക 95

ഗിരിജാ ച സുഗൂഢാ ച നിത്യപുഷ്ടാ നിരന്തരാ ।

ദുര്ഗാ കാത്യായനീ ചണ്ഡീ ചന്ദ്രികാ കാന്തവിഗ്രഹാ

॥ 81॥

ശ്ലോക 96

ഹിരണ്യവര്ണാ ജഗതീ ജഗദ്യന്ത്രപ്രവര്തികാ ।

മന്ദരാദ്രിനിവാസാ ച ശാരദാ സ്വര്ണമാലിനീ

॥ 82॥

ശ്ലോക 97

രത്നമാലാ രത്നഗര്ഭാ വ്യുഷ്ടിര്വിശ്വപ്രമാഥിനീ ।

പദ്മാനന്ദാ പദ്മനിഭാ നിത്യപുഷ്ടാ കൃതോദ്ഭവാ

॥ 83॥

ശ്ലോക 98

നാരായണീ ദുഷ്ടശിക്ഷാ സൂര്യമാതാ വൃഷപ്രിയാ ।

മഹേന്ദ്രഭഗിനീ സത്യാ സത്യഭാഷാ സുകോമലാ

॥ 84॥

ശ്ലോക 99

വാമാ ച പഞ്ചതപസാം വരദാത്രീ പ്രകീര്തിതാ ।

വാച്യവര്ണേശ്വരീ വിദ്യാ ദുര്ജയാ ദുരതിക്രമാ

॥ 85॥

ശ്ലോക 100

കാലരാത്രിര്മഹാവേഗാ വീരഭദ്രപ്രിയാ ഹിതാ ।

ഭദ്രകാലീ ജഗന്മാതാ ഭക്താനാം ഭദ്രദായിനീ

॥ 86॥

ശ്ലോക 101

കരാലാ പിങ്ഗലാകാരാ കാമഭേത്ത്രീ മഹാമനാഃ ।

യശസ്വിനീ യശോദാ ച ഷഡധ്വപരിവര്തികാ

॥ 87॥

ശ്ലോക 102

ശങ്ഖിനീ പദ്മിനീ സങ്ഖ്യാ സാങ്ഖ്യയോഗപ്രവര്തികാ ।

ചൈത്രാദിര്വത്സരാരൂഢാ ജഗത്സമ്പൂരണീന്ദ്രജാ

॥ 88॥

ശ്ലോക 103

ശുമ്ഭഘ്നീ ഖേചരാരാധ്യാ കമ്ബുഗ്രീവാ ബലീഡിതാ ।

ഖഗാരൂഢാ മഹൈശ്വര്യാ സുപദ്മനിലയാ തഥാ

॥ 89॥

ശ്ലോക 104

വിരക്താ ഗരുഡസ്ഥാ ച ജഗതീഹൃദ്ഗുഹാശ്രയാ ।

ശുമ്ഭാദിമഥനാ ഭക്തഹൃദ്ഗഹ്വരനിവാസിനീ

॥ 90॥

ശ്ലോക 105

ജഗത്ത്ത്രയാരണീ സിദ്ധസങ്കല്പാ കാമദാ തഥാ ।

സര്വവിജ്ഞാനദാത്രീ ചാനല്പകല്മഷഹാരിണീ

॥ 91॥

ശ്ലോക 106

സകലോപനിഷദ്ഗമ്യാ ദുഷ്ടദുഷ്പ്രേക്ഷ്യസത്തമാ ।

സദ്വൃതാ ലോകസംവ്യാപ്താ തുഷ്ടിഃ പുഷ്ടിഃ ക്രിയാവതീ

॥ 92॥

ശ്ലോക 107

വിശ്വാമരേശ്വരീ ചൈവ ഭുക്തിമുക്തിപ്രദായിനീ ।

ശിവാധൃതാ ലോഹിതാക്ഷീ സര്പമാലാവിഭൂഷണാ

॥ 93॥

ശ്ലോക 108

നിരാനന്ദാ ത്രിശൂലാസിധനുര്ബാണാദിധാരിണീ ।

അശേഷധ്യേയമൂര്തിശ്ച ദേവതാനാം ച ദേവതാ

॥ 94॥

ശ്ലോക 109

വരാമ്ബികാ ഗിരേഃ പുത്രീ നിശുമ്ഭവിനിപാതിനീ ।

സുവര്ണാ സ്വര്ണലസിതാഽനന്തവര്ണാ സദാധൃതാ

॥ 95॥

ശ്ലോക 110

ശാങ്കരീ ശാന്തഹൃദയാ അഹോരാത്രവിധായികാ ।

വിശ്വഗോപ്ത്രീ ഗൂഢരൂപാ ഗുണപൂര്ണാ ച ഗാര്ഗ്യജാ

॥ 96॥

ശ്ലോക 111

ഗൌരീ ശാകമ്ഭരീ സത്യസന്ധാ സന്ധ്യാത്രയീധൃതാ ।

സര്വപാപവിനിര്മുക്താ സര്വബന്ധവിവര്ജിതാ

॥ 97॥

ശ്ലോക 112

സാങ്ഖ്യയോഗസമാഖ്യാതാ അപ്രമേയാ മുനീഡിതാ ।

വിശുദ്ധസുകുലോദ്ഭൂതാ ബിന്ദുനാദസമാദൃതാ

॥ 98॥

ശ്ലോക 113

ശമ്ഭുവാമാങ്കഗാ ചൈവ ശശിതുല്യനിഭാനനാ ।

വനമാലാവിരാജന്തീ അനന്തശയനാദൃതാ

॥ 99॥

ശ്ലോക 114

നരനാരായണോദ്ഭൂതാ നാരസിംഹീ പ്രകീര്തിതാ ।

ദൈത്യപ്രമാഥിനീ ശങ്ഖചക്രപദ്മഗദാധരാ

॥ 100॥

ശ്ലോക 115

സങ്കര്ഷണസമുത്പന്നാ അമ്ബികാ സജ്ജനാശ്രയാ ।

സുവൃതാ സുന്ദരീ ചൈവ ധര്മകാമാര്ഥദായിനീ

॥ 101॥

ശ്ലോക 116

മോക്ഷദാ ഭക്തിനിലയാ പുരാണപുരുഷാദൃതാ ।

മഹാവിഭൂതിദാഽഽരാധ്യാ സരോജനിലയാഽസമാ

॥ 102॥

ശ്ലോക 117

അഷ്ടാദശഭുജാഽനാദിര്നീലോത്പലദലാക്ഷിണീ ।

സര്വശക്തിസമാരൂഢാ ധര്മാധര്മവിവര്ജിതാ

॥ 103॥

ശ്ലോക 118

വൈരാഗ്യജ്ഞാനനിരതാ നിരാലോകാ നിരിന്ദ്രിയാ ।

വിചിത്രഗഹനാധാരാ ശാശ്വതസ്ഥാനവാസിനീ

॥ 104॥

ശ്ലോക 119

ജ്ഞാനേശ്വരീ പീതചേലാ വേദവേദാങ്ഗപാരഗാ ।

മനസ്വിനീ മന്യുമാതാ മഹാമന്യുസമുദ്ഭവാ

॥ 105॥

ശ്ലോക 120

അമന്യുരമൃതാസ്വാദാ പുരന്ദരപരിഷ്ടുതാ ।

അശോച്യാ ഭിന്നവിഷയാ ഹിരണ്യരജതപ്രിയാ

॥ 106॥

ശ്ലോക 121

ഹിരണ്യജനനീ ഭീമാ ഹേമാഭരണഭൂഷിതാ ।

വിഭ്രാജമാനാ ദുര്ജ്ഞേയാ ജ്യോതിഷ്ടോമഫലപ്രദാ

॥ 107॥

ശ്ലോക 122

മഹാനിദ്രാസമുത്പത്തിരനിദ്രാ സത്യദേവതാ ।

ദീര്ഘാ കകുദ്മിനീ പിങ്ഗജടാധാരാ മനോജ്ഞധീഃ

॥ 108॥

ശ്ലോക 123

മഹാശ്രയാ രമോത്പന്നാ തമഃപാരേ പ്രതിഷ്ഠിതാ ।

ത്രിതത്ത്വമാതാ ത്രിവിധാ സുസൂക്ഷ്മാ പദ്മസംശ്രയാ

॥ 109॥

ശ്ലോക 124

ശാന്ത്യതീതകലാഽതീതവികാരാ ശ്വേതചേലികാ ।

ചിത്രമായാ ശിവജ്ഞാനസ്വരൂപാ ദൈത്യമാഥിനീ

॥ 110॥

ശ്ലോക 125

കാശ്യപീ കാലസര്പാഭവേണികാ ശാസ്ത്രയോനികാ ।

ത്രയീമൂര്തിഃ ക്രിയാമൂര്തിശ്ചതുര്വര്ഗാ ച ദര്ശിനീ

॥ 111॥

ശ്ലോക 126

നാരായണീ നരോത്പന്നാ കൌമുദീ കാന്തിധാരിണീ ।

കൌശികീ ലലിതാ ലീലാ പരാവരവിഭാവിനീ

॥ 112॥

ശ്ലോക 127

വരേണ്യാഽദ്ഭുതമഹാത്മ്യാ വഡവാ വാമലോചനാ ।

സുഭദ്രാ ചേതനാരാധ്യാ ശാന്തിദാ ശാന്തിവര്ധിനീ

॥ 113॥

ശ്ലോക 128

ജയാദിശക്തിജനനീ ശക്തിചക്രപ്രവര്തികാ ।

ത്രിശക്തിജനനീ ജന്യാ ഷട്സൂത്രപരിവര്ണിതാ

॥ 114॥

ശ്ലോക 129

സുധൌതകര്മണാഽഽരാധ്യാ യുഗാന്തദഹനാത്മികാ ।

സങ്കര്ഷിണീ ജഗദ്ധാത്രീ കാമയോനിഃ കിരീടിനീ

॥ 115॥

ശ്ലോക 130

ഐന്ദ്രീ ത്രൈലോക്യനമിതാ വൈഷ്ണവീ പരമേശ്വരീ ।

പ്രദ്യുമ്നജനനീ ബിമ്ബസമോഷ്ഠീ പദ്മലോചനാ

॥ 116॥

ശ്ലോക 131

മദോത്കടാ ഹംസഗതിഃ പ്രചണ്ഡാ ചണ്ഡവിക്രമാ ।

വൃഷാധീശാ പരാത്മാ ച വിന്ധ്യാ പര്വതവാസിനീ

॥ 117॥

ശ്ലോക 132

ഹിമവന്മേരുനിലയാ കൈലാസപുരവാസിനീ ।

ചാണൂരഹന്ത്രീ നീതിജ്ഞാ കാമരൂപാ ത്രയീതനുഃ

॥ 118॥

ശ്ലോക 133

വ്രതസ്നാതാ ധര്മശീലാ സിംഹാസനനിവാസിനീ ।

വീരഭദ്രാദൃതാ വീരാ മഹാകാലസമുദ്ഭവാ

॥ 119॥

ശ്ലോക 134

വിദ്യാധരാര്ചിതാ സിദ്ധസാധ്യാരാധിതപാദുകാ ।

ശ്രദ്ധാത്മികാ പാവനീ ച മോഹിനീ അചലാത്മികാ

॥ 120॥

ശ്ലോക 135

മഹാദ്ഭുതാ വാരിജാക്ഷീ സിംഹവാഹനഗാമിനീ ।

മനീഷിണീ സുധാവാണീ വീണാവാദനതത്പരാ

॥ 121॥

ശ്ലോക 136

ശ്വേതവാഹനിഷേവ്യാ ച ലസന്മതിരരുന്ധതീ ।

ഹിരണ്യാക്ഷീ തഥാ ചൈവ മഹാനന്ദപ്രദായിനീ

॥ 122॥

ശ്ലോക 137

വസുപ്രഭാ സുമാല്യാപ്തകന്ധരാ പങ്കജാനനാ ।

പരാവരാ വരാരോഹാ സഹസ്രനയനാര്ചിതാ

॥ 123॥

ശ്ലോക 138

ശ്രീരൂപാ ശ്രീമതീ ശ്രേഷ്ഠാ ശിവനാമ്നീ ശിവപ്രിയാ ।

ശ്രീപ്രദാ ശ്രിതകല്യാണാ ശ്രീധരാര്ധശരീരിണീ

॥ 124॥

ശ്ലോക 139

ശ്രീകലാഽനന്തദൃഷ്ടിശ്ച ഹ്യക്ഷുദ്രാരാതിസൂദനീ ।

രക്തബീജനിഹന്ത്രീ ച ദൈത്യസങ്ഗവിമര്ദിനീ

॥ 125॥

ശ്ലോക 140

സിംഹാരൂഢാ സിംഹികാസ്യാ ദൈത്യശോണിതപായിനീ ।

സുകീര്തിസഹിതാച്ഛിന്നസംശയാ രസവേദിനീ

॥ 126॥

ശ്ലോക 141

ഗുണാഭിരാമാ നാഗാരിവാഹനാ നിര്ജരാര്ചിതാ ।

നിത്യോദിതാ സ്വയഞ്ജ്യോതിഃ സ്വര്ണകായാ പ്രകീര്തിതാ

॥ 127॥

ശ്ലോക 142

വജ്രദണ്ഡാങ്കിതാ ചൈവ തഥാമൃതസഞ്ജീവിനീ ।

വജ്രച്ഛന്നാ ദേവദേവീ വരവജ്രസ്വവിഗ്രഹാ

॥ 128॥

ശ്ലോക 143

മാങ്ഗല്യാ മങ്ഗലാത്മാ ച മാലിനീ മാല്യധാരിണീ ।

ഗന്ധര്വീ തരുണീ ചാന്ദ്രീ ഖഡ്ഗായുധധരാ തഥാ

॥ 129॥

ശ്ലോക 144

സൌദാമിനീ പ്രജാനന്ദാ തഥാ പ്രോക്താ ഭൃഗൂദ്ഭവാ ।

ഏകാനങ്ഗാ ച ശാസ്ത്രാര്ഥകുശലാ ധര്മചാരിണീ

॥ 130॥

ശ്ലോക 145

ധര്മസര്വസ്വവാഹാ ച ധര്മാധര്മവിനിശ്ചയാ ।

ധര്മശക്തിര്ധര്മമയാ ധാര്മികാനാം ശിവപ്രദാ

॥ 131॥

ശ്ലോക 146

വിധര്മാ വിശ്വധര്മജ്ഞാ ധര്മാര്ഥാന്തരവിഗ്രഹാ ।

ധര്മവര്ഷ്മാ ധര്മപൂര്വാ ധര്മപാരങ്ഗതാന്തരാ

॥ 132॥

ശ്ലോക 147

ധര്മോപദേഷ്ട്രീ ധര്മാത്മാ ധര്മഗമ്യാ ധരാധരാ ।

കപാലിനീ ശാകലിനീ കലാകലിതവിഗ്രഹാ

॥ 133॥

ശ്ലോക 148

സര്വശക്തിവിമുക്താ ച കര്ണികാരധരാഽക്ഷരാ।

കംസപ്രാണഹരാ ചൈവ യുഗധര്മധരാ തഥാ

॥ 134॥

ശ്ലോക 149

യുഗപ്രവര്തികാ പ്രോക്താ ത്രിസന്ധ്യാ ധ്യേയവിഗ്രഹാ ।

സ്വര്ഗാപവര്ഗദാത്രീ ച തഥാ പ്രത്യക്ഷദേവതാ

॥ 135॥

ശ്ലോക 150

ആദിത്യാ ദിവ്യഗന്ധാ ച ദിവാകരനിഭപ്രഭാ ।

പദ്മാസനഗതാ പ്രോക്താ ഖഡ്ഗബാണശരാസനാ

॥ 136॥

ശ്ലോക 151

ശിഷ്ടാ വിശിഷ്ടാ ശിഷ്ടേഷ്ടാ ശിഷ്ടശ്രേഷ്ഠപ്രപൂജിതാ ।

ശതരൂപാ ശതാവര്താ വിതതാ രാസമോദിനീ

॥ 137॥

ശ്ലോക 152

സൂര്യേന്ദുനേത്രാ പ്രദ്യുമ്നജനനീ സുഷ്ഠുമായിനീ ।

സൂര്യാന്തരസ്ഥിതാ ചൈവ സത്പ്രതിഷ്ഠതവിഗ്രഹാ

॥ 138॥

ശ്ലോക 153

നിവൃത്താ പ്രോച്യതേ ജ്ഞാനപാരഗാ പര്വതാത്മജാ ।

കാത്യായനീ ചണ്ഡികാ ച ചണ്ഡീ ഹൈമവതീ തഥാ

॥ 139॥

ശ്ലോക 154

ദാക്ഷായണീ സതീ ചൈവ ഭവാനീ സര്വമങ്ഗലാ ।

ധൂമ്രലോചനഹന്ത്രീ ച ചണ്ഡമുണ്ഡവിനാശിനീ

॥ 140॥

ശ്ലോക 155

യോഗനിദ്രാ യോഗഭദ്രാ സമുദ്രതനയാ തഥാ ।

ദേവപ്രിയങ്കരീ ശുദ്ധാ ഭക്തഭക്തിപ്രവര്ധിനീ

॥ 141॥

ശ്ലോക 156

ത്രിണേത്രാ ചന്ദ്രമുകുടാ പ്രമഥാര്ചിതപാദുകാ ।

അര്ജുനാഭീഷ്ടദാത്രീ ച പാണ്ഡവപ്രിയകാരിണീ

॥ 142॥

ശ്ലോക 157

കുമാരലാലനാസക്താ ഹരബാഹൂപധാനികാ ।

വിഘ്നേശജനനീ ഭക്തവിഘ്നസ്തോമപ്രഹാരിണീ

॥ 143॥

ശ്ലോക 158

സുസ്മിതേന്ദുമുഖീ നമ്യാ ജയാപ്രിയസഖീ തഥാ ।

അനാദിനിധനാ പ്രേഷ്ഠാ ചിത്രമാല്യാനുലേപനാ

॥ 144॥

ശ്ലോക 159

കോടിചന്ദ്രപ്രതീകാശാ കൂടജാലപ്രമാഥിനീ ।

കൃത്യാപ്രഹാരിണീ ചൈവ മാരണോച്ചാടനീ തഥാ

॥ 145॥

ശ്ലോക 160

സുരാസുരപ്രവന്ദ്യാങ്ഘ്രിര്മോഹഘ്നീ ജ്ഞാനദായിനീ ।

ഷഡ്വൈരിനിഗ്രഹകരീ വൈരിവിദ്രാവിണീ തഥാ

॥ 146॥

ശ്ലോക 161

ഭൂതസേവ്യാ ഭൂതദാത്രീ ഭൂതപീഡാവിമര്ദികാ ।

നാരദസ്തുതചാരിത്രാ വരദേശാ വരപ്രദാ

॥ 147॥

ശ്ലോക 162

വാമദേവസ്തുതാ ചൈവ കാമദാ സോമശേഖരാ ।

ദിക്പാലസേവിതാ ഭവ്യാ ഭാമിനീ ഭാവദായിനീ

॥ 148॥

ശ്ലോക 163

സ്ത്രീസൌഭാഗ്യപ്രദാത്രീ ച ഭോഗദാ രോഗനാശിനീ ।

വ്യോമഗാ ഭൂമിഗാ ചൈവ മുനിപൂജ്യപദാമ്ബുജാ ।

വനദുര്ഗാ ച ദുര്ബോധാ മഹാദുര്ഗാ പ്രകീര്തിതാ

॥ 149॥

ശ്ലോക 164

ഫലശ്രുതിഃ

ഇതീദം കീര്തിദം ഭദ്ര ദുര്ഗാനാമസഹസ്രകമ് ।

ത്രിസന്ധ്യം യഃ പഠേന്നിത്യം തസ്യ ലക്ഷ്മീഃ സ്ഥിരാ ഭവേത്

॥ 150॥

ശ്ലോക 165

ഗ്രഹഭൂതപിശാചാദിപീഡാ നശ്യത്യസംശയമ് ।

ബാലഗ്രഹാദിപീഡായാഃ ശാന്തിര്ഭവതി കീര്തനാത്

॥ 1॥

ശ്ലോക 166

മാരികാദിമഹാരോഗേ പഠതാം സൌഖ്യദം നൃണാമ് ।

വ്യവഹാരേ ച ജയദം ശത്രുബാധാനിവാരകമ്

॥ 2॥

ശ്ലോക 167

ദമ്പത്യോഃ കലഹേ പ്രാപ്തേ മിഥഃ പ്രേമാഭിവര്ധകമ് ।

ആയുരാരോഗ്യദം പുംസാം സര്വസമ്പത്പ്രദായകമ്

॥ 3॥

ശ്ലോക 168

വിദ്യാഭിവര്ധകം നിത്യം പഠതാമര്ഥസാധകമ് ।

ശുഭദം ശുഭകാര്യേഷു പഠതാം ശൃണുതാമപി

॥ 4॥

ശ്ലോക 169

യഃ പൂജയതി ദുര്ഗാം താം ദുര്ഗാനാമസഹസ്രകൈഃ ।

പുഷ്പൈഃ കുങ്കുമസമ്മിശ്രൈഃ സ തു യത്കാങ്ക്ഷതേ ഹൃദി

॥ 5॥

ശ്ലോക 170

തത്സര്വം സമവാപ്നോതി നാസ്തി നാസ്ത്യത്ര സംശയഃ ।

യന്മുഖേ ധ്രിയതേ നിത്യം ദുര്ഗാനാമസഹസ്രകമ്

॥ 6॥

ശ്ലോക 171

കിം തസ്യേതരമന്ത്രൌഘൈഃ കാര്യം ധന്യതമസ്യ ഹി ।

ദുര്ഗാനാമസഹസ്രസ്യ പുസ്തകം യദ്ഗൃഹേ ഭവേത്

॥ 7॥

ശ്ലോക 172

ന തത്ര ഗ്രഹഭൂതാദിബാധാ സ്യാന്മങ്ഗലാസ്പദേ ।

തദ്ഗൃഹം പുണ്യദം ക്ഷേത്രം ദേവീസാന്നിധ്യകാരകമ്

॥ 8॥

ശ്ലോക 173

ഏതസ്യ സ്തോത്രമുഖ്യസ്യ പാഠകഃ ശ്രേഷ്ഠമന്ത്രവിത് ।

ദേവതായാഃ പ്രസാദേന സര്വപൂജ്യഃ സുഖീ ഭവേത്

॥ 9॥

ശ്ലോക 174

ഇത്യേതന്നഗരാജേന കീര്തിതം മുനിസത്തമ ।

ഗുഹ്യാദ്ഗുഹ്യതരം സ്തോത്രം ത്വയി സ്നേഹാത് പ്രകീര്തിതമ്

॥ 10॥

ശ്ലോക 175

ഭക്തായ ശ്രദ്ധധാനായ കേവലം കീര്ത്യതാമിദമ് ।

ഹൃദി ധാരയ നിത്യം ത്വം ദേവ്യനുഗ്രഹസാധകമ്

॥ 11॥

ശ്ലോക 176

॥ 12॥ ॥

ഇതി ശ്രീസ്കാന്ദപുരാണേ സ്കന്ദനാരദസംവാദേ ദുര്ഗാസഹസ്രനാമസ്തോത്രം സമ്പൂര്ണമ് ॥