શ્રી દુર્ગા સહસ્ર નામ સ્તોત્રમ્

શ્રી દુર્ગા સહસ્ર નામ સ્તોત્રમ્

શ્લોક 1

॥ અથ શ્રી દુર્ગા સહસ્રનામસ્તોત્રમ્ ॥

નારદ ઉવાચ -

કુમાર ગુણગમ્ભીર દેવસેનાપતે પ્રભો ।

સર્વાભીષ્ટપ્રદં પુંસાં સર્વપાપપ્રણાશનમ્

શ્લોક 2

ગુહ્યાદ્ગુહ્યતરં સ્તોત્રં ભક્તિવર્ધકમઞ્જસા ।

મઙ્ગલં ગ્રહપીડાદિશાન્તિદં વક્તુમર્હસિ

॥ 1॥

શ્લોક 3

સ્કન્દ ઉવાચ -

શૃણુ નારદ દેવર્ષે લોકાનુગ્રહકામ્યયા ।

યત્પૃચ્છસિ પરં પુણ્યં તત્તે વક્ષ્યામિ કૌતુકાત્

॥ 2॥

શ્લોક 4

માતા મે લોકજનની હિમવન્નગસત્તમાત્ ।

મેનાયાં બ્રહ્મવાદિન્યાં પ્રાદુર્ભૂતા હરપ્રિયા

॥ 3॥

શ્લોક 5

મહતા તપસાઽઽરાધ્ય શઙ્કરં લોકશઙ્કરમ્ ।

સ્વમેવ વલ્લભં ભેજે કલેવ હિ કલાનિધિમ્

॥ 4॥

શ્લોક 6

નગાનામધિરાજસ્તુ હિમવાન્ વિરહાતુરઃ ।

સ્વસુતાયાઃ પરિક્ષીણે વસિષ્ઠેન પ્રબોધિતઃ

॥ 5॥

શ્લોક 7

ત્રિલોકજનની સેયં પ્રસન્ના ત્વયિ પુણ્યતઃ ।

પ્રાદુર્ભૂતા સુતાત્વેન તદ્વિયોગં શુભં ત્યજ

॥ 6॥

શ્લોક 8

બહુરૂપા ચ દુર્ગેયં બહુનામ્ની સનાતની ।

સનાતનસ્ય જાયા સા પુત્રીમોહં ત્યજાધુના

॥ 7॥

શ્લોક 9

ઇતિ પ્રબોધિતઃ શૈલઃ તાં તુષ્ટાવ પરાં શિવામ્ ।

તદા પ્રસન્ના સા દુર્ગા પિતરં પ્રાહ નન્દિની

॥ 8॥

શ્લોક 10

મત્પ્રસાદાત્પરં સ્તોત્રં હૃદયે પ્રતિભાસતામ્ ।

તેન નામ્નાં સહસ્રેણ પૂજયન્ કામમાપ્નુહિ

॥ 9॥

શ્લોક 11

ઇત્યુક્ત્વાન્તર્હિતાયાં તુ હૃદયે સ્ફુરિતં તદા ।

નામ્નાં સહસ્રં દુર્ગાયાઃ પૃચ્છતે મે યદુક્તવાન્

॥ 10॥

શ્લોક 12

મઙ્ગલાનાં મઙ્ગલં તદ્ દુર્ગાનામ સહસ્રકમ્ ।

સર્વાભીષ્ટપ્રદાં પુંસાં બ્રવીમ્યખિલકામદમ્

॥ 11॥

શ્લોક 13

દુર્ગાદેવી સમાખ્યાતા હિમવાનૃષિરુચ્યતે ।

છન્દોનુષ્ટુપ્ જપો દેવ્યાઃ પ્રીતયે ક્રિયતે સદા

॥ 12॥

શ્લોક 14

અસ્ય શ્રીદુર્ગાસ્તોત્રમહામન્ત્રસ્ય । હિમવાન્ ઋષિઃ । અનુષ્ટુપ્ છન્દઃ ।

દુર્ગાભગવતી દેવતા । શ્રીદુર્ગાપ્રસાદસિદ્ધ્યર્થે જપે વિનિયોગઃ । ।

શ્રીભગવત્યૈ દુર્ગાયૈ નમઃ ।

દેવીધ્યાનમ્

ૐ હ્રીં કાલાભ્રાભાં કટાક્ષૈરરિકુલભયદાં મૌલિબદ્ધેન્દુરેખાં

શઙ્ખં ચક્રં કૃપાણં ત્રિશિખમપિ કરૈરુદ્વહન્તીં ત્રિનેત્રામ્ ।

સિંહસ્કન્ધાધિરૂઢાં ત્રિભુવનમખિલં તેજસા પૂરયન્તીં

ધ્યાયેદ્ દુર્ગાં જયાખ્યાં ત્રિદશપરિવૃતાં સેવિતાં સિદ્ધિકામૈઃ ॥

શ્રી જયદુર્ગાયૈ નમઃ ।

ૐ શિવાથોમા રમા શક્તિરનન્તા નિષ્કલાઽમલા ।

શાન્તા માહેશ્વરી નિત્યા શાશ્વતા પરમા ક્ષમા

॥ 13॥

શ્લોક 15

અચિન્ત્યા કેવલાનન્તા શિવાત્મા પરમાત્મિકા ।

અનાદિરવ્યયા શુદ્ધા સર્વજ્ઞા સર્વગાઽચલા

॥ 1॥

શ્લોક 16

એકાનેકવિભાગસ્થા માયાતીતા સુનિર્મલા ।

મહામાહેશ્વરી સત્યા મહાદેવી નિરઞ્જના

॥ 2॥

શ્લોક 17

કાષ્ઠા સર્વાન્તરસ્થાઽપિ ચિચ્છક્તિશ્ચાત્રિલાલિતા ।

સર્વા સર્વાત્મિકા વિશ્વા જ્યોતીરૂપાક્ષરામૃતા

॥ 3॥

શ્લોક 18

શાન્તા પ્રતિષ્ઠા સર્વેશા નિવૃત્તિરમૃતપ્રદા ।

વ્યોમમૂર્તિર્વ્યોમસંસ્થા વ્યોમધારાઽચ્યુતાઽતુલા

॥ 4॥

શ્લોક 19

અનાદિનિધનાઽમોઘા કારણાત્મકલાકુલા ।

ઋતુપ્રથમજાઽનાભિરમૃતાત્મસમાશ્રયા

॥ 5॥

શ્લોક 20

પ્રાણેશ્વરપ્રિયા નમ્યા મહામહિષઘાતિની ।

પ્રાણેશ્વરી પ્રાણરૂપા પ્રધાનપુરુષેશ્વરી

॥ 6॥

શ્લોક 21

સર્વશક્તિકલાઽકામા મહિષેષ્ટવિનાશિની ।

સર્વકાર્યનિયન્ત્રી ચ સર્વભૂતેશ્વરેશ્વરી

॥ 7॥

શ્લોક 22

અઙ્ગદાદિધરા ચૈવ તથા મુકુટધારિણી ।

સનાતની મહાનન્દાઽઽકાશયોનિસ્તથેચ્યતે

॥ 8॥

શ્લોક 23

ચિત્પ્રકાશસ્વરૂપા ચ મહાયોગેશ્વરેશ્વરી ।

મહામાયા સદુષ્પારા મૂલપ્રકૃતિરીશિકા

॥ 9॥

શ્લોક 24

સંસારયોનિઃ સકલા સર્વશક્તિસમુદ્ભવા ।

સંસારપારા દુર્વારા દુર્નિરીક્ષા દુરાસદા

॥ 10॥

શ્લોક 25

પ્રાણશક્તિશ્ચ સેવ્યા ચ યોગિની પરમાકલા ।

મહાવિભૂતિર્દુર્દર્શા મૂલપ્રકૃતિસમ્ભવા

॥ 11॥

શ્લોક 26

અનાદ્યનન્તવિભવા પરાર્થા પુરુષારણિઃ ।

સર્ગસ્થિત્યન્તકૃચ્ચૈવ સુદુર્વાચ્યા દુરત્યયા

॥ 12॥

શ્લોક 27

શબ્દગમ્યા શબ્દમાયા શબ્દાખ્યાનન્દવિગ્રહા ।

પ્રધાનપુરુષાતીતા પ્રધાનપુરુષાત્મિકા

॥ 13॥

શ્લોક 28

પુરાણી ચિન્મયા પુંસામિષ્ટદા પુષ્ટિરૂપિણી ।

પૂતાન્તરસ્થા કૂટસ્થા મહાપુરુષસઞ્જ્ઞિતા

॥ 14॥

શ્લોક 29

જન્મમૃત્યુજરાતીતા સર્વશક્તિસ્વરૂપિણી ।

વાઞ્છાપ્રદાઽનવચ્છિન્નપ્રધાનાનુપ્રવેશિની

॥ 15॥

શ્લોક 30

ક્ષેત્રજ્ઞાઽચિન્ત્યશક્તિસ્તુ પ્રોચ્યતેઽવ્યક્તલક્ષણા ।

મલાપવર્જિતાઽઽનાદિમાયા ત્રિતયતત્ત્વિકા

॥ 16॥

શ્લોક 31

પ્રીતિશ્ચ પ્રકૃતિશ્ચૈવ ગુહાવાસા તથોચ્યતે ।

મહામાયા નગોત્પન્ના તામસી ચ ધ્રુવા તથા

॥ 17॥

શ્લોક 32

વ્યક્તાઽવ્યક્તાત્મિકા કૃષ્ણા રક્તા શુક્લા હ્યકારણા ।

પ્રોચ્યતે કાર્યજનની નિત્યપ્રસવધર્મિણી

॥ 18॥

શ્લોક 33

સર્ગપ્રલયમુક્તા ચ સૃષ્ટિસ્થિત્યન્તધર્મિણી ।

બ્રહ્મગર્ભા ચતુર્વિંશસ્વરૂપા પદ્મવાસિની

॥ 19॥

શ્લોક 34

અચ્યુતાહ્લાદિકા વિદ્યુદ્બ્રહ્મયોનિર્મહાલયા ।

મહાલક્ષ્મી સમુદ્ભાવભાવિતાત્મામહેશ્વરી

॥ 20॥

શ્લોક 35

મહાવિમાનમધ્યસ્થા મહાનિદ્રા સકૌતુકા ।

સર્વાર્થધારિણી સૂક્ષ્મા હ્યવિદ્ધા પરમાર્થદા

॥ 21॥

શ્લોક 36

અનન્તરૂપાઽનન્તાર્થા તથા પુરુષમોહિની ।

અનેકાનેકહસ્તા ચ કાલત્રયવિવર્જિતા

॥ 22॥

શ્લોક 37

બ્રહ્મજન્મા હરપ્રીતા મતિર્બ્રહ્મશિવાત્મિકા ।

બ્રહ્મેશવિષ્ણુસમ્પૂજ્યા બ્રહ્માખ્યા બ્રહ્મસઞ્જ્ઞિતા

॥ 23॥

શ્લોક 38

વ્યક્તા પ્રથમજા બ્રાહ્મી મહારાત્રીઃ પ્રકીર્તિતા ।

જ્ઞાનસ્વરૂપા વૈરાગ્યરૂપા હ્યૈશ્વર્યરૂપિણી

॥ 24॥

શ્લોક 39

ધર્માત્મિકા બ્રહ્મમૂર્તિઃ પ્રતિશ્રુતપુમર્થિકા ।

અપાંયોનિઃ સ્વયમ્ભૂતા માનસી તત્ત્વસમ્ભવા

॥ 25॥

શ્લોક 40

ઈશ્વરસ્ય પ્રિયા પ્રોક્તા શઙ્કરાર્ધશરીરિણી ।

ભવાની ચૈવ રુદ્રાણી મહાલક્ષ્મીસ્તથાઽમ્બિકા

॥ 26॥

શ્લોક 41

મહેશ્વરસમુત્પન્ના ભુક્તિમુક્તિ પ્રદાયિની ।

સર્વેશ્વરી સર્વવન્દ્યા નિત્યમુક્તા સુમાનસા

॥ 27॥

શ્લોક 42

મહેન્દ્રોપેન્દ્રનમિતા શાઙ્કરીશાનુવર્તિની ।

ઈશ્વરાર્ધાસનગતા માહેશ્વરપતિવ્રતા

॥ 28॥

શ્લોક 43

સંસારશોષિણી ચૈવ પાર્વતી હિમવત્સુતા ।

પરમાનન્દદાત્રી ચ ગુણાગ્ર્યા યોગદા તથા

॥ 29॥

શ્લોક 44

જ્ઞાનમૂર્તિશ્ચ સાવિત્રી લક્ષ્મીઃ શ્રીઃ કમલા તથા ।

અનન્તગુણગમ્ભીરા હ્યુરોનીલમણિપ્રભા

॥ 30॥

શ્લોક 45

સરોજનિલયા ગઙ્ગા યોગિધ્યેયાઽસુરાર્દિની ।

સરસ્વતી સર્વવિદ્યા જગજ્જ્યેષ્ઠા સુમઙ્ગલા

॥ 31॥

શ્લોક 46

વાગ્દેવી વરદા વર્યા કીર્તિઃ સર્વાર્થસાધિકા ।

વાગીશ્વરી બ્રહ્મવિદ્યા મહાવિદ્યા સુશોભના

॥ 32॥

શ્લોક 47

ગ્રાહ્યવિદ્યા વેદવિદ્યા ધર્મવિદ્યાઽઽત્મભાવિતા ।

સ્વાહા વિશ્વમ્ભરા સિદ્ધિઃ સાધ્યા મેધા ધૃતિઃ કૃતિઃ

॥ 33॥

શ્લોક 48

સુનીતિઃ સઙ્કૃતિશ્ચૈવ કીર્તિતા નરવાહિની ।

પૂજાવિભાવિની સૌમ્યા ભોગ્યભાગ્ ભોગદાયિની

॥ 34॥

શ્લોક 49

શોભાવતી શાઙ્કરી ચ લોલા માલાવિભૂષિતા ।

પરમેષ્ઠિપ્રિયા ચૈવ ત્રિલોકીસુન્દરી માતા

॥ 35॥

શ્લોક 50

નન્દા સન્ધ્યા કામધાત્રી મહાદેવી સુસાત્ત્વિકા ।

મહામહિષદર્પઘ્ની પદ્મમાલાઽઘહારિણી

॥ 36॥

શ્લોક 51

વિચિત્રમુકુટા રામા કામદાતા પ્રકીર્તિતા ।

પિતામ્બરધરા દિવ્યવિભૂષણ વિભૂષિતા

॥ 37॥

શ્લોક 52

દિવ્યાખ્યા સોમવદના જગત્સંસૃષ્ટિવર્જિતા ।

નિર્યન્ત્રા યન્ત્રવાહસ્થા નન્દિની રુદ્રકાલિકા

॥ 38॥

શ્લોક 53

આદિત્યવર્ણા કૌમારી મયૂરવરવાહિની ।

પદ્માસનગતા ગૌરી મહાકાલી સુરાર્ચિતા

॥ 39॥

શ્લોક 54

અદિતિર્નિયતા રૌદ્રી પદ્મગર્ભા વિવાહના ।

વિરૂપાક્ષા કેશિવાહા ગુહાપુરનિવાસિની

॥ 40॥

શ્લોક 55

મહાફલાઽનવદ્યાઙ્ગી કામરૂપા સરિદ્વરા ।

ભાસ્વદ્રૂપા મુક્તિદાત્રી પ્રણતક્લેશભઞ્જના

॥ 41॥

શ્લોક 56

કૌશિકી ગોમિની રાત્રિસ્ત્રિદશારિવિનાશિની ।

બહુરૂપા સુરૂપા ચ વિરૂપા રૂપવર્જિતા

॥ 42॥

શ્લોક 57

ભક્તાર્તિશમના ભવ્યા ભવભાવવિનાશિની ।

સર્વજ્ઞાનપરીતાઙ્ગી સર્વાસુરવિમર્દિકા

॥ 43॥

શ્લોક 58

પિકસ્વની સામગીતા ભવાઙ્કનિલયા પ્રિયા ।

દીક્ષા વિદ્યાધરી દીપ્તા મહેન્દ્રાહિતપાતિની

॥ 44॥

શ્લોક 59

સર્વદેવમયા દક્ષા સમુદ્રાન્તરવાસિની ।

અકલઙ્કા નિરાધારા નિત્યસિદ્ધા નિરામયા

॥ 45॥

શ્લોક 60

કામધેનુબૃહદ્ગર્ભા ધીમતી મૌનનાશિની ।

નિઃસઙ્કલ્પા નિરાતઙ્કા વિનયા વિનયપ્રદા

॥ 46॥

શ્લોક 61

જ્વાલામાલા સહસ્રાઢ્યા દેવદેવી મનોમયા ।

સુભગા સુવિશુદ્ધા ચ વસુદેવસમુદ્ભવા

॥ 47॥

શ્લોક 62

મહેન્દ્રોપેન્દ્રભગિની ભક્તિગમ્યા પરાવરા ।

જ્ઞાનજ્ઞેયા પરાતીતા વેદાન્તવિષયા મતિઃ

॥ 48॥

શ્લોક 63

દક્ષિણા દાહિકા દહ્યા સર્વભૂતહૃદિસ્થિતા ।

યોગમાયા વિભાગજ્ઞા મહામોહા ગરીયસી

॥ 49॥

શ્લોક 64

સન્ધ્યા સર્વસમુદ્ભૂતા બ્રહ્મવૃક્ષાશ્રિયાદિતિઃ ।

બીજાઙ્કુરસમુદ્ભૂતા મહાશક્તિર્મહામતિઃ

॥ 50॥

શ્લોક 65

ખ્યાતિઃ પ્રજ્ઞાવતી સઞ્જ્ઞા મહાભોગીન્દ્રશાયિની ।

હીઙ્કૃતિઃ શઙ્કરી શાન્તિર્ગન્ધર્વગણસેવિતા

॥ 51॥

શ્લોક 66

વૈશ્વાનરી મહાશૂલા દેવસેના ભવપ્રિયા ।

મહારાત્રી પરાનન્દા શચી દુઃસ્વપ્નનાશિની

॥ 52॥

શ્લોક 67

ઈડ્યા જયા જગદ્ધાત્રી દુર્વિજ્ઞેયા સુરૂપિણી ।

ગુહામ્બિકા ગણોત્પન્ના મહાપીઠા મરુત્સુતા

॥ 53॥

શ્લોક 68

હવ્યવાહા ભવાનન્દા જગદ્યોનિઃ પ્રકીર્તિતા ।

જગન્માતા જગન્મૃત્યુર્જરાતીતા ચ બુદ્ધિદા

॥ 54॥

શ્લોક 69

સિદ્ધિદાત્રી રત્નગર્ભા રત્નગર્ભાશ્રયા પરા ।

દૈત્યહન્ત્રી સ્વેષ્ટદાત્રી મઙ્ગલૈકસુવિગ્રહા

॥ 55॥

શ્લોક 70

પુરુષાન્તર્ગતા ચૈવ સમાધિસ્થા તપસ્વિની ।

દિવિસ્થિતા ત્રિણેત્રા ચ સર્વેન્દ્રિયમનાધૃતિઃ

॥ 56॥

શ્લોક 71

સર્વભૂતહૃદિસ્થા ચ તથા સંસારતારિણી ।

વેદ્યા બ્રહ્મવિવેદ્યા ચ મહાલીલા પ્રકીર્તિતા

॥ 57॥

શ્લોક 72

બ્રાહ્મણિબૃહતી બ્રાહ્મી બ્રહ્મભૂતાઽઘહારિણી ।

હિરણ્મયી મહાદાત્રી સંસારપરિવર્તિકા

॥ 58॥

શ્લોક 73

સુમાલિની સુરૂપા ચ ભાસ્વિની ધારિણી તથા ।

ઉન્મૂલિની સર્વસભા સર્વપ્રત્યયસાક્ષિણી

॥ 59॥

શ્લોક 74

સુસૌમ્યા ચન્દ્રવદના તાણ્ડવાસક્તમાનસા ।

સત્ત્વશુદ્ધિકરી શુદ્ધા મલત્રયવિનાશિની

॥ 60॥

શ્લોક 75

જગત્ત્ત્રયી જગન્મૂર્તિસ્ત્રિમૂર્તિરમૃતાશ્રયા ।

વિમાનસ્થા વિશોકા ચ શોકનાશિન્યનાહતા

॥ 61॥

શ્લોક 76

હેમકુણ્ડલિની કાલી પદ્મવાસા સનાતની ।

સદાકીર્તિઃ સર્વભૂતશયા દેવી સતામ્પ્રિયા

॥ 62॥

શ્લોક 77

બ્રહ્મમૂર્તિકલા ચૈવ કૃત્તિકા કઞ્જમાલિની ।

વ્યોમકેશા ક્રિયાશક્તિરિચ્છાશક્તિઃ પરાગતિઃ

॥ 63॥

શ્લોક 78

ક્ષોભિકા ખણ્ડિકાભેદ્યા ભેદાભેદવિવર્જિતા ।

અભિન્ના ભિન્નસંસ્થાના વશિની વંશધારિણી

॥ 64॥

શ્લોક 79

ગુહ્યશક્તિર્ગુહ્યતત્ત્વા સર્વદા સર્વતોમુખી ।

ભગિની ચ નિરાધારા નિરાહારા પ્રકીર્તિતા

॥ 65॥

શ્લોક 80

નિરઙ્કુશપદોદ્ભૂતા ચક્રહસ્તા વિશોધિકા ।

સ્રગ્વિણી પદ્મસમ્ભેદકારિણી પરિકીર્તિતા

॥ 66॥

શ્લોક 81

પરાવરવિધાનજ્ઞા મહાપુરુષપૂર્વજા ।

પરાવરજ્ઞા વિદ્યા ચ વિદ્યુજ્જિહ્વા જિતાશ્રયા

॥ 67॥

શ્લોક 82

વિદ્યામયી સહસ્રાક્ષી સહસ્રવદનાત્મજા ।

સહસ્રરશ્મિઃસત્વસ્થા મહેશ્વરપદાશ્રયા

॥ 68॥

શ્લોક 83

જ્વાલિની સન્મયા વ્યાપ્તા ચિન્મયા પદ્મભેદિકા ।

મહાશ્રયા મહામન્ત્રા મહાદેવમનોરમા

॥ 69॥

શ્લોક 84

વ્યોમલક્ષ્મીઃ સિંહરથા ચેકિતાનાઽમિતપ્રભા ।

વિશ્વેશ્વરી ભગવતી સકલા કાલહારિણી

॥ 70॥

શ્લોક 85

સર્વવેદ્યા સર્વભદ્રા ગુહ્યા દૂઢા ગુહારણી ।

પ્રલયા યોગધાત્રી ચ ગઙ્ગા વિશ્વેશ્વરી તથા

॥ 71॥

શ્લોક 86

કામદા કનકા કાન્તા કઞ્જગર્ભપ્રભા તથા ।

પુણ્યદા કાલકેશા ચ ભોક્ત્ત્રી પુષ્કરિણી તથા

॥ 72॥

શ્લોક 87

સુરેશ્વરી ભૂતિદાત્રી ભૂતિભૂષા પ્રકીર્તિતા ।

પઞ્ચબ્રહ્મસમુત્પન્ના પરમાર્થાઽર્થવિગ્રહા

॥ 73॥

શ્લોક 88

વર્ણોદયા ભાનુમૂર્તિર્વાગ્વિજ્ઞેયા મનોજવા ।

મનોહરા મહોરસ્કા તામસી વેદરૂપિણી

॥ 74॥

શ્લોક 89

વેદશક્તિર્વેદમાતા વેદવિદ્યાપ્રકાશિની ।

યોગેશ્વરેશ્વરી માયા મહાશક્તિર્મહામયી

॥ 75॥

શ્લોક 90

વિશ્વાન્તઃસ્થા વિયન્મૂર્તિર્ભાર્ગવી સુરસુન્દરી ।

સુરભિર્નન્દિની વિદ્યા નન્દગોપતનૂદ્ભવા

॥ 76॥

શ્લોક 91

ભારતી પરમાનન્દા પરાવરવિભેદિકા ।

સર્વપ્રહરણોપેતા કામ્યા કામેશ્વરેશ્વરી

॥ 77॥

શ્લોક 92

અનન્તાનન્દવિભવા હૃલ્લેખા કનકપ્રભા ।

કૂષ્માણ્ડા ધનરત્નાઢ્યા સુગન્ધા ગન્ધદાયિની

॥ 78॥

શ્લોક 93

ત્રિવિક્રમપદોદ્ભૂતા ચતુરાસ્યા શિવોદયા ।

સુદુર્લભા ધનાધ્યક્ષા ધન્યા પિઙ્ગલલોચના

॥ 79॥

શ્લોક 94

શાન્તા પ્રભાસ્વરૂપા ચ પઙ્કજાયતલોચના ।

ઇન્દ્રાક્ષી હૃદયાન્તઃસ્થા શિવા માતા ચ સત્ક્રિયા

॥ 80॥

શ્લોક 95

ગિરિજા ચ સુગૂઢા ચ નિત્યપુષ્ટા નિરન્તરા ।

દુર્ગા કાત્યાયની ચણ્ડી ચન્દ્રિકા કાન્તવિગ્રહા

॥ 81॥

શ્લોક 96

હિરણ્યવર્ણા જગતી જગદ્યન્ત્રપ્રવર્તિકા ।

મન્દરાદ્રિનિવાસા ચ શારદા સ્વર્ણમાલિની

॥ 82॥

શ્લોક 97

રત્નમાલા રત્નગર્ભા વ્યુષ્ટિર્વિશ્વપ્રમાથિની ।

પદ્માનન્દા પદ્મનિભા નિત્યપુષ્ટા કૃતોદ્ભવા

॥ 83॥

શ્લોક 98

નારાયણી દુષ્ટશિક્ષા સૂર્યમાતા વૃષપ્રિયા ।

મહેન્દ્રભગિની સત્યા સત્યભાષા સુકોમલા

॥ 84॥

શ્લોક 99

વામા ચ પઞ્ચતપસાં વરદાત્રી પ્રકીર્તિતા ।

વાચ્યવર્ણેશ્વરી વિદ્યા દુર્જયા દુરતિક્રમા

॥ 85॥

શ્લોક 100

કાલરાત્રિર્મહાવેગા વીરભદ્રપ્રિયા હિતા ।

ભદ્રકાલી જગન્માતા ભક્તાનાં ભદ્રદાયિની

॥ 86॥

શ્લોક 101

કરાલા પિઙ્ગલાકારા કામભેત્ત્રી મહામનાઃ ।

યશસ્વિની યશોદા ચ ષડધ્વપરિવર્તિકા

॥ 87॥

શ્લોક 102

શઙ્ખિની પદ્મિની સઙ્ખ્યા સાઙ્ખ્યયોગપ્રવર્તિકા ।

ચૈત્રાદિર્વત્સરારૂઢા જગત્સમ્પૂરણીન્દ્રજા

॥ 88॥

શ્લોક 103

શુમ્ભઘ્ની ખેચરારાધ્યા કમ્બુગ્રીવા બલીડિતા ।

ખગારૂઢા મહૈશ્વર્યા સુપદ્મનિલયા તથા

॥ 89॥

શ્લોક 104

વિરક્તા ગરુડસ્થા ચ જગતીહૃદ્ગુહાશ્રયા ।

શુમ્ભાદિમથના ભક્તહૃદ્ગહ્વરનિવાસિની

॥ 90॥

શ્લોક 105

જગત્ત્ત્રયારણી સિદ્ધસઙ્કલ્પા કામદા તથા ।

સર્વવિજ્ઞાનદાત્રી ચાનલ્પકલ્મષહારિણી

॥ 91॥

શ્લોક 106

સકલોપનિષદ્ગમ્યા દુષ્ટદુષ્પ્રેક્ષ્યસત્તમા ।

સદ્વૃતા લોકસંવ્યાપ્તા તુષ્ટિઃ પુષ્ટિઃ ક્રિયાવતી

॥ 92॥

શ્લોક 107

વિશ્વામરેશ્વરી ચૈવ ભુક્તિમુક્તિપ્રદાયિની ।

શિવાધૃતા લોહિતાક્ષી સર્પમાલાવિભૂષણા

॥ 93॥

શ્લોક 108

નિરાનન્દા ત્રિશૂલાસિધનુર્બાણાદિધારિણી ।

અશેષધ્યેયમૂર્તિશ્ચ દેવતાનાં ચ દેવતા

॥ 94॥

શ્લોક 109

વરામ્બિકા ગિરેઃ પુત્રી નિશુમ્ભવિનિપાતિની ।

સુવર્ણા સ્વર્ણલસિતાઽનન્તવર્ણા સદાધૃતા

॥ 95॥

શ્લોક 110

શાઙ્કરી શાન્તહૃદયા અહોરાત્રવિધાયિકા ।

વિશ્વગોપ્ત્રી ગૂઢરૂપા ગુણપૂર્ણા ચ ગાર્ગ્યજા

॥ 96॥

શ્લોક 111

ગૌરી શાકમ્ભરી સત્યસન્ધા સન્ધ્યાત્રયીધૃતા ।

સર્વપાપવિનિર્મુક્તા સર્વબન્ધવિવર્જિતા

॥ 97॥

શ્લોક 112

સાઙ્ખ્યયોગસમાખ્યાતા અપ્રમેયા મુનીડિતા ।

વિશુદ્ધસુકુલોદ્ભૂતા બિન્દુનાદસમાદૃતા

॥ 98॥

શ્લોક 113

શમ્ભુવામાઙ્કગા ચૈવ શશિતુલ્યનિભાનના ।

વનમાલાવિરાજન્તી અનન્તશયનાદૃતા

॥ 99॥

શ્લોક 114

નરનારાયણોદ્ભૂતા નારસિંહી પ્રકીર્તિતા ।

દૈત્યપ્રમાથિની શઙ્ખચક્રપદ્મગદાધરા

॥ 100॥

શ્લોક 115

સઙ્કર્ષણસમુત્પન્ના અમ્બિકા સજ્જનાશ્રયા ।

સુવૃતા સુન્દરી ચૈવ ધર્મકામાર્થદાયિની

॥ 101॥

શ્લોક 116

મોક્ષદા ભક્તિનિલયા પુરાણપુરુષાદૃતા ।

મહાવિભૂતિદાઽઽરાધ્યા સરોજનિલયાઽસમા

॥ 102॥

શ્લોક 117

અષ્ટાદશભુજાઽનાદિર્નીલોત્પલદલાક્ષિણી ।

સર્વશક્તિસમારૂઢા ધર્માધર્મવિવર્જિતા

॥ 103॥

શ્લોક 118

વૈરાગ્યજ્ઞાનનિરતા નિરાલોકા નિરિન્દ્રિયા ।

વિચિત્રગહનાધારા શાશ્વતસ્થાનવાસિની

॥ 104॥

શ્લોક 119

જ્ઞાનેશ્વરી પીતચેલા વેદવેદાઙ્ગપારગા ।

મનસ્વિની મન્યુમાતા મહામન્યુસમુદ્ભવા

॥ 105॥

શ્લોક 120

અમન્યુરમૃતાસ્વાદા પુરન્દરપરિષ્ટુતા ।

અશોચ્યા ભિન્નવિષયા હિરણ્યરજતપ્રિયા

॥ 106॥

શ્લોક 121

હિરણ્યજનની ભીમા હેમાભરણભૂષિતા ।

વિભ્રાજમાના દુર્જ્ઞેયા જ્યોતિષ્ટોમફલપ્રદા

॥ 107॥

શ્લોક 122

મહાનિદ્રાસમુત્પત્તિરનિદ્રા સત્યદેવતા ।

દીર્ઘા કકુદ્મિની પિઙ્ગજટાધારા મનોજ્ઞધીઃ

॥ 108॥

શ્લોક 123

મહાશ્રયા રમોત્પન્ના તમઃપારે પ્રતિષ્ઠિતા ।

ત્રિતત્ત્વમાતા ત્રિવિધા સુસૂક્ષ્મા પદ્મસંશ્રયા

॥ 109॥

શ્લોક 124

શાન્ત્યતીતકલાઽતીતવિકારા શ્વેતચેલિકા ।

ચિત્રમાયા શિવજ્ઞાનસ્વરૂપા દૈત્યમાથિની

॥ 110॥

શ્લોક 125

કાશ્યપી કાલસર્પાભવેણિકા શાસ્ત્રયોનિકા ।

ત્રયીમૂર્તિઃ ક્રિયામૂર્તિશ્ચતુર્વર્ગા ચ દર્શિની

॥ 111॥

શ્લોક 126

નારાયણી નરોત્પન્ના કૌમુદી કાન્તિધારિણી ।

કૌશિકી લલિતા લીલા પરાવરવિભાવિની

॥ 112॥

શ્લોક 127

વરેણ્યાઽદ્ભુતમહાત્મ્યા વડવા વામલોચના ।

સુભદ્રા ચેતનારાધ્યા શાન્તિદા શાન્તિવર્ધિની

॥ 113॥

શ્લોક 128

જયાદિશક્તિજનની શક્તિચક્રપ્રવર્તિકા ।

ત્રિશક્તિજનની જન્યા ષટ્સૂત્રપરિવર્ણિતા

॥ 114॥

શ્લોક 129

સુધૌતકર્મણાઽઽરાધ્યા યુગાન્તદહનાત્મિકા ।

સઙ્કર્ષિણી જગદ્ધાત્રી કામયોનિઃ કિરીટિની

॥ 115॥

શ્લોક 130

ઐન્દ્રી ત્રૈલોક્યનમિતા વૈષ્ણવી પરમેશ્વરી ।

પ્રદ્યુમ્નજનની બિમ્બસમોષ્ઠી પદ્મલોચના

॥ 116॥

શ્લોક 131

મદોત્કટા હંસગતિઃ પ્રચણ્ડા ચણ્ડવિક્રમા ।

વૃષાધીશા પરાત્મા ચ વિન્ધ્યા પર્વતવાસિની

॥ 117॥

શ્લોક 132

હિમવન્મેરુનિલયા કૈલાસપુરવાસિની ।

ચાણૂરહન્ત્રી નીતિજ્ઞા કામરૂપા ત્રયીતનુઃ

॥ 118॥

શ્લોક 133

વ્રતસ્નાતા ધર્મશીલા સિંહાસનનિવાસિની ।

વીરભદ્રાદૃતા વીરા મહાકાલસમુદ્ભવા

॥ 119॥

શ્લોક 134

વિદ્યાધરાર્ચિતા સિદ્ધસાધ્યારાધિતપાદુકા ।

શ્રદ્ધાત્મિકા પાવની ચ મોહિની અચલાત્મિકા

॥ 120॥

શ્લોક 135

મહાદ્ભુતા વારિજાક્ષી સિંહવાહનગામિની ।

મનીષિણી સુધાવાણી વીણાવાદનતત્પરા

॥ 121॥

શ્લોક 136

શ્વેતવાહનિષેવ્યા ચ લસન્મતિરરુન્ધતી ।

હિરણ્યાક્ષી તથા ચૈવ મહાનન્દપ્રદાયિની

॥ 122॥

શ્લોક 137

વસુપ્રભા સુમાલ્યાપ્તકન્ધરા પઙ્કજાનના ।

પરાવરા વરારોહા સહસ્રનયનાર્ચિતા

॥ 123॥

શ્લોક 138

શ્રીરૂપા શ્રીમતી શ્રેષ્ઠા શિવનામ્ની શિવપ્રિયા ।

શ્રીપ્રદા શ્રિતકલ્યાણા શ્રીધરાર્ધશરીરિણી

॥ 124॥

શ્લોક 139

શ્રીકલાઽનન્તદૃષ્ટિશ્ચ હ્યક્ષુદ્રારાતિસૂદની ।

રક્તબીજનિહન્ત્રી ચ દૈત્યસઙ્ગવિમર્દિની

॥ 125॥

શ્લોક 140

સિંહારૂઢા સિંહિકાસ્યા દૈત્યશોણિતપાયિની ।

સુકીર્તિસહિતાચ્છિન્નસંશયા રસવેદિની

॥ 126॥

શ્લોક 141

ગુણાભિરામા નાગારિવાહના નિર્જરાર્ચિતા ।

નિત્યોદિતા સ્વયઞ્જ્યોતિઃ સ્વર્ણકાયા પ્રકીર્તિતા

॥ 127॥

શ્લોક 142

વજ્રદણ્ડાઙ્કિતા ચૈવ તથામૃતસઞ્જીવિની ।

વજ્રચ્છન્ના દેવદેવી વરવજ્રસ્વવિગ્રહા

॥ 128॥

શ્લોક 143

માઙ્ગલ્યા મઙ્ગલાત્મા ચ માલિની માલ્યધારિણી ।

ગન્ધર્વી તરુણી ચાન્દ્રી ખડ્ગાયુધધરા તથા

॥ 129॥

શ્લોક 144

સૌદામિની પ્રજાનન્દા તથા પ્રોક્તા ભૃગૂદ્ભવા ।

એકાનઙ્ગા ચ શાસ્ત્રાર્થકુશલા ધર્મચારિણી

॥ 130॥

શ્લોક 145

ધર્મસર્વસ્વવાહા ચ ધર્માધર્મવિનિશ્ચયા ।

ધર્મશક્તિર્ધર્મમયા ધાર્મિકાનાં શિવપ્રદા

॥ 131॥

શ્લોક 146

વિધર્મા વિશ્વધર્મજ્ઞા ધર્માર્થાન્તરવિગ્રહા ।

ધર્મવર્ષ્મા ધર્મપૂર્વા ધર્મપારઙ્ગતાન્તરા

॥ 132॥

શ્લોક 147

ધર્મોપદેષ્ટ્રી ધર્માત્મા ધર્મગમ્યા ધરાધરા ।

કપાલિની શાકલિની કલાકલિતવિગ્રહા

॥ 133॥

શ્લોક 148

સર્વશક્તિવિમુક્તા ચ કર્ણિકારધરાઽક્ષરા।

કંસપ્રાણહરા ચૈવ યુગધર્મધરા તથા

॥ 134॥

શ્લોક 149

યુગપ્રવર્તિકા પ્રોક્તા ત્રિસન્ધ્યા ધ્યેયવિગ્રહા ।

સ્વર્ગાપવર્ગદાત્રી ચ તથા પ્રત્યક્ષદેવતા

॥ 135॥

શ્લોક 150

આદિત્યા દિવ્યગન્ધા ચ દિવાકરનિભપ્રભા ।

પદ્માસનગતા પ્રોક્તા ખડ્ગબાણશરાસના

॥ 136॥

શ્લોક 151

શિષ્ટા વિશિષ્ટા શિષ્ટેષ્ટા શિષ્ટશ્રેષ્ઠપ્રપૂજિતા ।

શતરૂપા શતાવર્તા વિતતા રાસમોદિની

॥ 137॥

શ્લોક 152

સૂર્યેન્દુનેત્રા પ્રદ્યુમ્નજનની સુષ્ઠુમાયિની ।

સૂર્યાન્તરસ્થિતા ચૈવ સત્પ્રતિષ્ઠતવિગ્રહા

॥ 138॥

શ્લોક 153

નિવૃત્તા પ્રોચ્યતે જ્ઞાનપારગા પર્વતાત્મજા ।

કાત્યાયની ચણ્ડિકા ચ ચણ્ડી હૈમવતી તથા

॥ 139॥

શ્લોક 154

દાક્ષાયણી સતી ચૈવ ભવાની સર્વમઙ્ગલા ।

ધૂમ્રલોચનહન્ત્રી ચ ચણ્ડમુણ્ડવિનાશિની

॥ 140॥

શ્લોક 155

યોગનિદ્રા યોગભદ્રા સમુદ્રતનયા તથા ।

દેવપ્રિયઙ્કરી શુદ્ધા ભક્તભક્તિપ્રવર્ધિની

॥ 141॥

શ્લોક 156

ત્રિણેત્રા ચન્દ્રમુકુટા પ્રમથાર્ચિતપાદુકા ।

અર્જુનાભીષ્ટદાત્રી ચ પાણ્ડવપ્રિયકારિણી

॥ 142॥

શ્લોક 157

કુમારલાલનાસક્તા હરબાહૂપધાનિકા ।

વિઘ્નેશજનની ભક્તવિઘ્નસ્તોમપ્રહારિણી

॥ 143॥

શ્લોક 158

સુસ્મિતેન્દુમુખી નમ્યા જયાપ્રિયસખી તથા ।

અનાદિનિધના પ્રેષ્ઠા ચિત્રમાલ્યાનુલેપના

॥ 144॥

શ્લોક 159

કોટિચન્દ્રપ્રતીકાશા કૂટજાલપ્રમાથિની ।

કૃત્યાપ્રહારિણી ચૈવ મારણોચ્ચાટની તથા

॥ 145॥

શ્લોક 160

સુરાસુરપ્રવન્દ્યાઙ્ઘ્રિર્મોહઘ્ની જ્ઞાનદાયિની ।

ષડ્વૈરિનિગ્રહકરી વૈરિવિદ્રાવિણી તથા

॥ 146॥

શ્લોક 161

ભૂતસેવ્યા ભૂતદાત્રી ભૂતપીડાવિમર્દિકા ।

નારદસ્તુતચારિત્રા વરદેશા વરપ્રદા

॥ 147॥

શ્લોક 162

વામદેવસ્તુતા ચૈવ કામદા સોમશેખરા ।

દિક્પાલસેવિતા ભવ્યા ભામિની ભાવદાયિની

॥ 148॥

શ્લોક 163

સ્ત્રીસૌભાગ્યપ્રદાત્રી ચ ભોગદા રોગનાશિની ।

વ્યોમગા ભૂમિગા ચૈવ મુનિપૂજ્યપદામ્બુજા ।

વનદુર્ગા ચ દુર્બોધા મહાદુર્ગા પ્રકીર્તિતા

॥ 149॥

શ્લોક 164

ફલશ્રુતિઃ

ઇતીદં કીર્તિદં ભદ્ર દુર્ગાનામસહસ્રકમ્ ।

ત્રિસન્ધ્યં યઃ પઠેન્નિત્યં તસ્ય લક્ષ્મીઃ સ્થિરા ભવેત્

॥ 150॥

શ્લોક 165

ગ્રહભૂતપિશાચાદિપીડા નશ્યત્યસંશયમ્ ।

બાલગ્રહાદિપીડાયાઃ શાન્તિર્ભવતિ કીર્તનાત્

॥ 1॥

શ્લોક 166

મારિકાદિમહારોગે પઠતાં સૌખ્યદં નૃણામ્ ।

વ્યવહારે ચ જયદં શત્રુબાધાનિવારકમ્

॥ 2॥

શ્લોક 167

દમ્પત્યોઃ કલહે પ્રાપ્તે મિથઃ પ્રેમાભિવર્ધકમ્ ।

આયુરારોગ્યદં પુંસાં સર્વસમ્પત્પ્રદાયકમ્

॥ 3॥

શ્લોક 168

વિદ્યાભિવર્ધકં નિત્યં પઠતામર્થસાધકમ્ ।

શુભદં શુભકાર્યેષુ પઠતાં શૃણુતામપિ

॥ 4॥

શ્લોક 169

યઃ પૂજયતિ દુર્ગાં તાં દુર્ગાનામસહસ્રકૈઃ ।

પુષ્પૈઃ કુઙ્કુમસમ્મિશ્રૈઃ સ તુ યત્કાઙ્ક્ષતે હૃદિ

॥ 5॥

શ્લોક 170

તત્સર્વં સમવાપ્નોતિ નાસ્તિ નાસ્ત્યત્ર સંશયઃ ।

યન્મુખે ધ્રિયતે નિત્યં દુર્ગાનામસહસ્રકમ્

॥ 6॥

શ્લોક 171

કિં તસ્યેતરમન્ત્રૌઘૈઃ કાર્યં ધન્યતમસ્ય હિ ।

દુર્ગાનામસહસ્રસ્ય પુસ્તકં યદ્ગૃહે ભવેત્

॥ 7॥

શ્લોક 172

ન તત્ર ગ્રહભૂતાદિબાધા સ્યાન્મઙ્ગલાસ્પદે ।

તદ્ગૃહં પુણ્યદં ક્ષેત્રં દેવીસાન્નિધ્યકારકમ્

॥ 8॥

શ્લોક 173

એતસ્ય સ્તોત્રમુખ્યસ્ય પાઠકઃ શ્રેષ્ઠમન્ત્રવિત્ ।

દેવતાયાઃ પ્રસાદેન સર્વપૂજ્યઃ સુખી ભવેત્

॥ 9॥

શ્લોક 174

ઇત્યેતન્નગરાજેન કીર્તિતં મુનિસત્તમ ।

ગુહ્યાદ્ગુહ્યતરં સ્તોત્રં ત્વયિ સ્નેહાત્ પ્રકીર્તિતમ્

॥ 10॥

શ્લોક 175

ભક્તાય શ્રદ્ધધાનાય કેવલં કીર્ત્યતામિદમ્ ।

હૃદિ ધારય નિત્યં ત્વં દેવ્યનુગ્રહસાધકમ્

॥ 11॥

શ્લોક 176

॥ 12॥ ॥

ઇતિ શ્રીસ્કાન્દપુરાણે સ્કન્દનારદસંવાદે દુર્ગાસહસ્રનામસ્તોત્રં સમ્પૂર્ણમ્ ॥