শ্রী দুর্গা সহস্র নাম স্তোত্রম্

শ্রী দুর্গা সহস্র নাম স্তোত্রম্

শ্লোক 1

॥ অথ শ্রী দুর্গা সহস্রনামস্তোত্রম্ ॥

নারদ উবাচ -

কুমার গুণগম্ভীর দেবসেনাপতে প্রভো ।

সর্বাভীষ্টপ্রদং পুংসাং সর্বপাপপ্রণাশনম্

শ্লোক 2

গুহ্যাদ্গুহ্যতরং স্তোত্রং ভক্তিবর্ধকমঞ্জসা ।

মঙ্গলং গ্রহপীডাদিশান্তিদং বক্তুমর্হসি

॥ 1॥

শ্লোক 3

স্কন্দ উবাচ -

শৃণু নারদ দেবর্ষে লোকানুগ্রহকাম্যযা ।

যত্পৃচ্ছসি পরং পুণ্যং তত্তে বক্ষ্যামি কৌতুকাত্

॥ 2॥

শ্লোক 4

মাতা মে লোকজননী হিমবন্নগসত্তমাত্ ।

মেনাযাং ব্রহ্মবাদিন্যাং প্রাদুর্ভূতা হরপ্রিযা

॥ 3॥

শ্লোক 5

মহতা তপসাঽঽরাধ্য শঙ্করং লোকশঙ্করম্ ।

স্বমেব বল্লভং ভেজে কলেব হি কলানিধিম্

॥ 4॥

শ্লোক 6

নগানামধিরাজস্তু হিমবান্ বিরহাতুরঃ ।

স্বসুতাযাঃ পরিক্ষীণে বসিষ্ঠেন প্রবোধিতঃ

॥ 5॥

শ্লোক 7

ত্রিলোকজননী সেযং প্রসন্না ত্বযি পুণ্যতঃ ।

প্রাদুর্ভূতা সুতাত্বেন তদ্বিযোগং শুভং ত্যজ

॥ 6॥

শ্লোক 8

বহুরূপা চ দুর্গেযং বহুনাম্নী সনাতনী ।

সনাতনস্য জাযা সা পুত্রীমোহং ত্যজাধুনা

॥ 7॥

শ্লোক 9

ইতি প্রবোধিতঃ শৈলঃ তাং তুষ্টাব পরাং শিবাম্ ।

তদা প্রসন্না সা দুর্গা পিতরং প্রাহ নন্দিনী

॥ 8॥

শ্লোক 10

মত্প্রসাদাত্পরং স্তোত্রং হৃদযে প্রতিভাসতাম্ ।

তেন নাম্নাং সহস্রেণ পূজযন্ কামমাপ্নুহি

॥ 9॥

শ্লোক 11

ইত্যুক্ত্বান্তর্হিতাযাং তু হৃদযে স্ফুরিতং তদা ।

নাম্নাং সহস্রং দুর্গাযাঃ পৃচ্ছতে মে যদুক্তবান্

॥ 10॥

শ্লোক 12

মঙ্গলানাং মঙ্গলং তদ্ দুর্গানাম সহস্রকম্ ।

সর্বাভীষ্টপ্রদাং পুংসাং ব্রবীম্যখিলকামদম্

॥ 11॥

শ্লোক 13

দুর্গাদেবী সমাখ্যাতা হিমবানৃষিরুচ্যতে ।

ছন্দোনুষ্টুপ্ জপো দেব্যাঃ প্রীতযে ক্রিযতে সদা

॥ 12॥

শ্লোক 14

অস্য শ্রীদুর্গাস্তোত্রমহামন্ত্রস্য । হিমবান্ ঋষিঃ । অনুষ্টুপ্ ছন্দঃ ।

দুর্গাভগবতী দেবতা । শ্রীদুর্গাপ্রসাদসিদ্ধ্যর্থে জপে বিনিযোগঃ । ।

শ্রীভগবত্যৈ দুর্গাযৈ নমঃ ।

দেবীধ্যানম্

ওঁ হ্রীং কালাভ্রাভাং কটাক্ষৈররিকুলভযদাং মৌলিবদ্ধেন্দুরেখাং

শঙ্খং চক্রং কৃপাণং ত্রিশিখমপি করৈরুদ্বহন্তীং ত্রিনেত্রাম্ ।

সিংহস্কন্ধাধিরূঢাং ত্রিভুবনমখিলং তেজসা পূরযন্তীং

ধ্যাযেদ্ দুর্গাং জযাখ্যাং ত্রিদশপরিবৃতাং সেবিতাং সিদ্ধিকামৈঃ ॥

শ্রী জযদুর্গাযৈ নমঃ ।

ওঁ শিবাথোমা রমা শক্তিরনন্তা নিষ্কলাঽমলা ।

শান্তা মাহেশ্বরী নিত্যা শাশ্বতা পরমা ক্ষমা

॥ 13॥

শ্লোক 15

অচিন্ত্যা কেবলানন্তা শিবাত্মা পরমাত্মিকা ।

অনাদিরব্যযা শুদ্ধা সর্বজ্ঞা সর্বগাঽচলা

॥ 1॥

শ্লোক 16

একানেকবিভাগস্থা মাযাতীতা সুনির্মলা ।

মহামাহেশ্বরী সত্যা মহাদেবী নিরঞ্জনা

॥ 2॥

শ্লোক 17

কাষ্ঠা সর্বান্তরস্থাঽপি চিচ্ছক্তিশ্চাত্রিলালিতা ।

সর্বা সর্বাত্মিকা বিশ্বা জ্যোতীরূপাক্ষরামৃতা

॥ 3॥

শ্লোক 18

শান্তা প্রতিষ্ঠা সর্বেশা নিবৃত্তিরমৃতপ্রদা ।

ব্যোমমূর্তির্ব্যোমসংস্থা ব্যোমধারাঽচ্যুতাঽতুলা

॥ 4॥

শ্লোক 19

অনাদিনিধনাঽমোঘা কারণাত্মকলাকুলা ।

ঋতুপ্রথমজাঽনাভিরমৃতাত্মসমাশ্রযা

॥ 5॥

শ্লোক 20

প্রাণেশ্বরপ্রিযা নম্যা মহামহিষঘাতিনী ।

প্রাণেশ্বরী প্রাণরূপা প্রধানপুরুষেশ্বরী

॥ 6॥

শ্লোক 21

সর্বশক্তিকলাঽকামা মহিষেষ্টবিনাশিনী ।

সর্বকার্যনিযন্ত্রী চ সর্বভূতেশ্বরেশ্বরী

॥ 7॥

শ্লোক 22

অঙ্গদাদিধরা চৈব তথা মুকুটধারিণী ।

সনাতনী মহানন্দাঽঽকাশযোনিস্তথেচ্যতে

॥ 8॥

শ্লোক 23

চিত্প্রকাশস্বরূপা চ মহাযোগেশ্বরেশ্বরী ।

মহামাযা সদুষ্পারা মূলপ্রকৃতিরীশিকা

॥ 9॥

শ্লোক 24

সংসারযোনিঃ সকলা সর্বশক্তিসমুদ্ভবা ।

সংসারপারা দুর্বারা দুর্নিরীক্ষা দুরাসদা

॥ 10॥

শ্লোক 25

প্রাণশক্তিশ্চ সেব্যা চ যোগিনী পরমাকলা ।

মহাবিভূতির্দুর্দর্শা মূলপ্রকৃতিসম্ভবা

॥ 11॥

শ্লোক 26

অনাদ্যনন্তবিভবা পরার্থা পুরুষারণিঃ ।

সর্গস্থিত্যন্তকৃচ্চৈব সুদুর্বাচ্যা দুরত্যযা

॥ 12॥

শ্লোক 27

শব্দগম্যা শব্দমাযা শব্দাখ্যানন্দবিগ্রহা ।

প্রধানপুরুষাতীতা প্রধানপুরুষাত্মিকা

॥ 13॥

শ্লোক 28

পুরাণী চিন্মযা পুংসামিষ্টদা পুষ্টিরূপিণী ।

পূতান্তরস্থা কূটস্থা মহাপুরুষসঞ্জ্ঞিতা

॥ 14॥

শ্লোক 29

জন্মমৃত্যুজরাতীতা সর্বশক্তিস্বরূপিণী ।

বাঞ্ছাপ্রদাঽনবচ্ছিন্নপ্রধানানুপ্রবেশিনী

॥ 15॥

শ্লোক 30

ক্ষেত্রজ্ঞাঽচিন্ত্যশক্তিস্তু প্রোচ্যতেঽব্যক্তলক্ষণা ।

মলাপবর্জিতাঽঽনাদিমাযা ত্রিতযতত্ত্বিকা

॥ 16॥

শ্লোক 31

প্রীতিশ্চ প্রকৃতিশ্চৈব গুহাবাসা তথোচ্যতে ।

মহামাযা নগোত্পন্না তামসী চ ধ্রুবা তথা

॥ 17॥

শ্লোক 32

ব্যক্তাঽব্যক্তাত্মিকা কৃষ্ণা রক্তা শুক্লা হ্যকারণা ।

প্রোচ্যতে কার্যজননী নিত্যপ্রসবধর্মিণী

॥ 18॥

শ্লোক 33

সর্গপ্রলযমুক্তা চ সৃষ্টিস্থিত্যন্তধর্মিণী ।

ব্রহ্মগর্ভা চতুর্বিংশস্বরূপা পদ্মবাসিনী

॥ 19॥

শ্লোক 34

অচ্যুতাহ্লাদিকা বিদ্যুদ্ব্রহ্মযোনির্মহালযা ।

মহালক্ষ্মী সমুদ্ভাবভাবিতাত্মামহেশ্বরী

॥ 20॥

শ্লোক 35

মহাবিমানমধ্যস্থা মহানিদ্রা সকৌতুকা ।

সর্বার্থধারিণী সূক্ষ্মা হ্যবিদ্ধা পরমার্থদা

॥ 21॥

শ্লোক 36

অনন্তরূপাঽনন্তার্থা তথা পুরুষমোহিনী ।

অনেকানেকহস্তা চ কালত্রযবিবর্জিতা

॥ 22॥

শ্লোক 37

ব্রহ্মজন্মা হরপ্রীতা মতির্ব্রহ্মশিবাত্মিকা ।

ব্রহ্মেশবিষ্ণুসম্পূজ্যা ব্রহ্মাখ্যা ব্রহ্মসঞ্জ্ঞিতা

॥ 23॥

শ্লোক 38

ব্যক্তা প্রথমজা ব্রাহ্মী মহারাত্রীঃ প্রকীর্তিতা ।

জ্ঞানস্বরূপা বৈরাগ্যরূপা হ্যৈশ্বর্যরূপিণী

॥ 24॥

শ্লোক 39

ধর্মাত্মিকা ব্রহ্মমূর্তিঃ প্রতিশ্রুতপুমর্থিকা ।

অপাংযোনিঃ স্বযম্ভূতা মানসী তত্ত্বসম্ভবা

॥ 25॥

শ্লোক 40

ঈশ্বরস্য প্রিযা প্রোক্তা শঙ্করার্ধশরীরিণী ।

ভবানী চৈব রুদ্রাণী মহালক্ষ্মীস্তথাঽম্বিকা

॥ 26॥

শ্লোক 41

মহেশ্বরসমুত্পন্না ভুক্তিমুক্তি প্রদাযিনী ।

সর্বেশ্বরী সর্ববন্দ্যা নিত্যমুক্তা সুমানসা

॥ 27॥

শ্লোক 42

মহেন্দ্রোপেন্দ্রনমিতা শাঙ্করীশানুবর্তিনী ।

ঈশ্বরার্ধাসনগতা মাহেশ্বরপতিব্রতা

॥ 28॥

শ্লোক 43

সংসারশোষিণী চৈব পার্বতী হিমবত্সুতা ।

পরমানন্দদাত্রী চ গুণাগ্র্যা যোগদা তথা

॥ 29॥

শ্লোক 44

জ্ঞানমূর্তিশ্চ সাবিত্রী লক্ষ্মীঃ শ্রীঃ কমলা তথা ।

অনন্তগুণগম্ভীরা হ্যুরোনীলমণিপ্রভা

॥ 30॥

শ্লোক 45

সরোজনিলযা গঙ্গা যোগিধ্যেযাঽসুরার্দিনী ।

সরস্বতী সর্ববিদ্যা জগজ্জ্যেষ্ঠা সুমঙ্গলা

॥ 31॥

শ্লোক 46

বাগ্দেবী বরদা বর্যা কীর্তিঃ সর্বার্থসাধিকা ।

বাগীশ্বরী ব্রহ্মবিদ্যা মহাবিদ্যা সুশোভনা

॥ 32॥

শ্লোক 47

গ্রাহ্যবিদ্যা বেদবিদ্যা ধর্মবিদ্যাঽঽত্মভাবিতা ।

স্বাহা বিশ্বম্ভরা সিদ্ধিঃ সাধ্যা মেধা ধৃতিঃ কৃতিঃ

॥ 33॥

শ্লোক 48

সুনীতিঃ সঙ্কৃতিশ্চৈব কীর্তিতা নরবাহিনী ।

পূজাবিভাবিনী সৌম্যা ভোগ্যভাগ্ ভোগদাযিনী

॥ 34॥

শ্লোক 49

শোভাবতী শাঙ্করী চ লোলা মালাবিভূষিতা ।

পরমেষ্ঠিপ্রিযা চৈব ত্রিলোকীসুন্দরী মাতা

॥ 35॥

শ্লোক 50

নন্দা সন্ধ্যা কামধাত্রী মহাদেবী সুসাত্ত্বিকা ।

মহামহিষদর্পঘ্নী পদ্মমালাঽঘহারিণী

॥ 36॥

শ্লোক 51

বিচিত্রমুকুটা রামা কামদাতা প্রকীর্তিতা ।

পিতাম্বরধরা দিব্যবিভূষণ বিভূষিতা

॥ 37॥

শ্লোক 52

দিব্যাখ্যা সোমবদনা জগত্সংসৃষ্টিবর্জিতা ।

নির্যন্ত্রা যন্ত্রবাহস্থা নন্দিনী রুদ্রকালিকা

॥ 38॥

শ্লোক 53

আদিত্যবর্ণা কৌমারী মযূরবরবাহিনী ।

পদ্মাসনগতা গৌরী মহাকালী সুরার্চিতা

॥ 39॥

শ্লোক 54

অদিতির্নিযতা রৌদ্রী পদ্মগর্ভা বিবাহনা ।

বিরূপাক্ষা কেশিবাহা গুহাপুরনিবাসিনী

॥ 40॥

শ্লোক 55

মহাফলাঽনবদ্যাঙ্গী কামরূপা সরিদ্বরা ।

ভাস্বদ্রূপা মুক্তিদাত্রী প্রণতক্লেশভঞ্জনা

॥ 41॥

শ্লোক 56

কৌশিকী গোমিনী রাত্রিস্ত্রিদশারিবিনাশিনী ।

বহুরূপা সুরূপা চ বিরূপা রূপবর্জিতা

॥ 42॥

শ্লোক 57

ভক্তার্তিশমনা ভব্যা ভবভাববিনাশিনী ।

সর্বজ্ঞানপরীতাঙ্গী সর্বাসুরবিমর্দিকা

॥ 43॥

শ্লোক 58

পিকস্বনী সামগীতা ভবাঙ্কনিলযা প্রিযা ।

দীক্ষা বিদ্যাধরী দীপ্তা মহেন্দ্রাহিতপাতিনী

॥ 44॥

শ্লোক 59

সর্বদেবমযা দক্ষা সমুদ্রান্তরবাসিনী ।

অকলঙ্কা নিরাধারা নিত্যসিদ্ধা নিরামযা

॥ 45॥

শ্লোক 60

কামধেনুবৃহদ্গর্ভা ধীমতী মৌননাশিনী ।

নিঃসঙ্কল্পা নিরাতঙ্কা বিনযা বিনযপ্রদা

॥ 46॥

শ্লোক 61

জ্বালামালা সহস্রাঢ্যা দেবদেবী মনোমযা ।

সুভগা সুবিশুদ্ধা চ বসুদেবসমুদ্ভবা

॥ 47॥

শ্লোক 62

মহেন্দ্রোপেন্দ্রভগিনী ভক্তিগম্যা পরাবরা ।

জ্ঞানজ্ঞেযা পরাতীতা বেদান্তবিষযা মতিঃ

॥ 48॥

শ্লোক 63

দক্ষিণা দাহিকা দহ্যা সর্বভূতহৃদিস্থিতা ।

যোগমাযা বিভাগজ্ঞা মহামোহা গরীযসী

॥ 49॥

শ্লোক 64

সন্ধ্যা সর্বসমুদ্ভূতা ব্রহ্মবৃক্ষাশ্রিযাদিতিঃ ।

বীজাঙ্কুরসমুদ্ভূতা মহাশক্তির্মহামতিঃ

॥ 50॥

শ্লোক 65

খ্যাতিঃ প্রজ্ঞাবতী সঞ্জ্ঞা মহাভোগীন্দ্রশাযিনী ।

হীঙ্কৃতিঃ শঙ্করী শান্তির্গন্ধর্বগণসেবিতা

॥ 51॥

শ্লোক 66

বৈশ্বানরী মহাশূলা দেবসেনা ভবপ্রিযা ।

মহারাত্রী পরানন্দা শচী দুঃস্বপ্ননাশিনী

॥ 52॥

শ্লোক 67

ঈড্যা জযা জগদ্ধাত্রী দুর্বিজ্ঞেযা সুরূপিণী ।

গুহাম্বিকা গণোত্পন্না মহাপীঠা মরুত্সুতা

॥ 53॥

শ্লোক 68

হব্যবাহা ভবানন্দা জগদ্যোনিঃ প্রকীর্তিতা ।

জগন্মাতা জগন্মৃত্যুর্জরাতীতা চ বুদ্ধিদা

॥ 54॥

শ্লোক 69

সিদ্ধিদাত্রী রত্নগর্ভা রত্নগর্ভাশ্রযা পরা ।

দৈত্যহন্ত্রী স্বেষ্টদাত্রী মঙ্গলৈকসুবিগ্রহা

॥ 55॥

শ্লোক 70

পুরুষান্তর্গতা চৈব সমাধিস্থা তপস্বিনী ।

দিবিস্থিতা ত্রিণেত্রা চ সর্বেন্দ্রিযমনাধৃতিঃ

॥ 56॥

শ্লোক 71

সর্বভূতহৃদিস্থা চ তথা সংসারতারিণী ।

বেদ্যা ব্রহ্মবিবেদ্যা চ মহালীলা প্রকীর্তিতা

॥ 57॥

শ্লোক 72

ব্রাহ্মণিবৃহতী ব্রাহ্মী ব্রহ্মভূতাঽঘহারিণী ।

হিরণ্মযী মহাদাত্রী সংসারপরিবর্তিকা

॥ 58॥

শ্লোক 73

সুমালিনী সুরূপা চ ভাস্বিনী ধারিণী তথা ।

উন্মূলিনী সর্বসভা সর্বপ্রত্যযসাক্ষিণী

॥ 59॥

শ্লোক 74

সুসৌম্যা চন্দ্রবদনা তাণ্ডবাসক্তমানসা ।

সত্ত্বশুদ্ধিকরী শুদ্ধা মলত্রযবিনাশিনী

॥ 60॥

শ্লোক 75

জগত্ত্ত্রযী জগন্মূর্তিস্ত্রিমূর্তিরমৃতাশ্রযা ।

বিমানস্থা বিশোকা চ শোকনাশিন্যনাহতা

॥ 61॥

শ্লোক 76

হেমকুণ্ডলিনী কালী পদ্মবাসা সনাতনী ।

সদাকীর্তিঃ সর্বভূতশযা দেবী সতাম্প্রিযা

॥ 62॥

শ্লোক 77

ব্রহ্মমূর্তিকলা চৈব কৃত্তিকা কঞ্জমালিনী ।

ব্যোমকেশা ক্রিযাশক্তিরিচ্ছাশক্তিঃ পরাগতিঃ

॥ 63॥

শ্লোক 78

ক্ষোভিকা খণ্ডিকাভেদ্যা ভেদাভেদবিবর্জিতা ।

অভিন্না ভিন্নসংস্থানা বশিনী বংশধারিণী

॥ 64॥

শ্লোক 79

গুহ্যশক্তির্গুহ্যতত্ত্বা সর্বদা সর্বতোমুখী ।

ভগিনী চ নিরাধারা নিরাহারা প্রকীর্তিতা

॥ 65॥

শ্লোক 80

নিরঙ্কুশপদোদ্ভূতা চক্রহস্তা বিশোধিকা ।

স্রগ্বিণী পদ্মসম্ভেদকারিণী পরিকীর্তিতা

॥ 66॥

শ্লোক 81

পরাবরবিধানজ্ঞা মহাপুরুষপূর্বজা ।

পরাবরজ্ঞা বিদ্যা চ বিদ্যুজ্জিহ্বা জিতাশ্রযা

॥ 67॥

শ্লোক 82

বিদ্যামযী সহস্রাক্ষী সহস্রবদনাত্মজা ।

সহস্ররশ্মিঃসত্বস্থা মহেশ্বরপদাশ্রযা

॥ 68॥

শ্লোক 83

জ্বালিনী সন্মযা ব্যাপ্তা চিন্মযা পদ্মভেদিকা ।

মহাশ্রযা মহামন্ত্রা মহাদেবমনোরমা

॥ 69॥

শ্লোক 84

ব্যোমলক্ষ্মীঃ সিংহরথা চেকিতানাঽমিতপ্রভা ।

বিশ্বেশ্বরী ভগবতী সকলা কালহারিণী

॥ 70॥

শ্লোক 85

সর্ববেদ্যা সর্বভদ্রা গুহ্যা দূঢা গুহারণী ।

প্রলযা যোগধাত্রী চ গঙ্গা বিশ্বেশ্বরী তথা

॥ 71॥

শ্লোক 86

কামদা কনকা কান্তা কঞ্জগর্ভপ্রভা তথা ।

পুণ্যদা কালকেশা চ ভোক্ত্ত্রী পুষ্করিণী তথা

॥ 72॥

শ্লোক 87

সুরেশ্বরী ভূতিদাত্রী ভূতিভূষা প্রকীর্তিতা ।

পঞ্চব্রহ্মসমুত্পন্না পরমার্থাঽর্থবিগ্রহা

॥ 73॥

শ্লোক 88

বর্ণোদযা ভানুমূর্তির্বাগ্বিজ্ঞেযা মনোজবা ।

মনোহরা মহোরস্কা তামসী বেদরূপিণী

॥ 74॥

শ্লোক 89

বেদশক্তির্বেদমাতা বেদবিদ্যাপ্রকাশিনী ।

যোগেশ্বরেশ্বরী মাযা মহাশক্তির্মহামযী

॥ 75॥

শ্লোক 90

বিশ্বান্তঃস্থা বিযন্মূর্তির্ভার্গবী সুরসুন্দরী ।

সুরভির্নন্দিনী বিদ্যা নন্দগোপতনূদ্ভবা

॥ 76॥

শ্লোক 91

ভারতী পরমানন্দা পরাবরবিভেদিকা ।

সর্বপ্রহরণোপেতা কাম্যা কামেশ্বরেশ্বরী

॥ 77॥

শ্লোক 92

অনন্তানন্দবিভবা হৃল্লেখা কনকপ্রভা ।

কূষ্মাণ্ডা ধনরত্নাঢ্যা সুগন্ধা গন্ধদাযিনী

॥ 78॥

শ্লোক 93

ত্রিবিক্রমপদোদ্ভূতা চতুরাস্যা শিবোদযা ।

সুদুর্লভা ধনাধ্যক্ষা ধন্যা পিঙ্গললোচনা

॥ 79॥

শ্লোক 94

শান্তা প্রভাস্বরূপা চ পঙ্কজাযতলোচনা ।

ইন্দ্রাক্ষী হৃদযান্তঃস্থা শিবা মাতা চ সত্ক্রিযা

॥ 80॥

শ্লোক 95

গিরিজা চ সুগূঢা চ নিত্যপুষ্টা নিরন্তরা ।

দুর্গা কাত্যাযনী চণ্ডী চন্দ্রিকা কান্তবিগ্রহা

॥ 81॥

শ্লোক 96

হিরণ্যবর্ণা জগতী জগদ্যন্ত্রপ্রবর্তিকা ।

মন্দরাদ্রিনিবাসা চ শারদা স্বর্ণমালিনী

॥ 82॥

শ্লোক 97

রত্নমালা রত্নগর্ভা ব্যুষ্টির্বিশ্বপ্রমাথিনী ।

পদ্মানন্দা পদ্মনিভা নিত্যপুষ্টা কৃতোদ্ভবা

॥ 83॥

শ্লোক 98

নারাযণী দুষ্টশিক্ষা সূর্যমাতা বৃষপ্রিযা ।

মহেন্দ্রভগিনী সত্যা সত্যভাষা সুকোমলা

॥ 84॥

শ্লোক 99

বামা চ পঞ্চতপসাং বরদাত্রী প্রকীর্তিতা ।

বাচ্যবর্ণেশ্বরী বিদ্যা দুর্জযা দুরতিক্রমা

॥ 85॥

শ্লোক 100

কালরাত্রির্মহাবেগা বীরভদ্রপ্রিযা হিতা ।

ভদ্রকালী জগন্মাতা ভক্তানাং ভদ্রদাযিনী

॥ 86॥

শ্লোক 101

করালা পিঙ্গলাকারা কামভেত্ত্রী মহামনাঃ ।

যশস্বিনী যশোদা চ ষডধ্বপরিবর্তিকা

॥ 87॥

শ্লোক 102

শঙ্খিনী পদ্মিনী সঙ্খ্যা সাঙ্খ্যযোগপ্রবর্তিকা ।

চৈত্রাদির্বত্সরারূঢা জগত্সম্পূরণীন্দ্রজা

॥ 88॥

শ্লোক 103

শুম্ভঘ্নী খেচরারাধ্যা কম্বুগ্রীবা বলীডিতা ।

খগারূঢা মহৈশ্বর্যা সুপদ্মনিলযা তথা

॥ 89॥

শ্লোক 104

বিরক্তা গরুডস্থা চ জগতীহৃদ্গুহাশ্রযা ।

শুম্ভাদিমথনা ভক্তহৃদ্গহ্বরনিবাসিনী

॥ 90॥

শ্লোক 105

জগত্ত্ত্রযারণী সিদ্ধসঙ্কল্পা কামদা তথা ।

সর্ববিজ্ঞানদাত্রী চানল্পকল্মষহারিণী

॥ 91॥

শ্লোক 106

সকলোপনিষদ্গম্যা দুষ্টদুষ্প্রেক্ষ্যসত্তমা ।

সদ্বৃতা লোকসংব্যাপ্তা তুষ্টিঃ পুষ্টিঃ ক্রিযাবতী

॥ 92॥

শ্লোক 107

বিশ্বামরেশ্বরী চৈব ভুক্তিমুক্তিপ্রদাযিনী ।

শিবাধৃতা লোহিতাক্ষী সর্পমালাবিভূষণা

॥ 93॥

শ্লোক 108

নিরানন্দা ত্রিশূলাসিধনুর্বাণাদিধারিণী ।

অশেষধ্যেযমূর্তিশ্চ দেবতানাং চ দেবতা

॥ 94॥

শ্লোক 109

বরাম্বিকা গিরেঃ পুত্রী নিশুম্ভবিনিপাতিনী ।

সুবর্ণা স্বর্ণলসিতাঽনন্তবর্ণা সদাধৃতা

॥ 95॥

শ্লোক 110

শাঙ্করী শান্তহৃদযা অহোরাত্রবিধাযিকা ।

বিশ্বগোপ্ত্রী গূঢরূপা গুণপূর্ণা চ গার্গ্যজা

॥ 96॥

শ্লোক 111

গৌরী শাকম্ভরী সত্যসন্ধা সন্ধ্যাত্রযীধৃতা ।

সর্বপাপবিনির্মুক্তা সর্ববন্ধবিবর্জিতা

॥ 97॥

শ্লোক 112

সাঙ্খ্যযোগসমাখ্যাতা অপ্রমেযা মুনীডিতা ।

বিশুদ্ধসুকুলোদ্ভূতা বিন্দুনাদসমাদৃতা

॥ 98॥

শ্লোক 113

শম্ভুবামাঙ্কগা চৈব শশিতুল্যনিভাননা ।

বনমালাবিরাজন্তী অনন্তশযনাদৃতা

॥ 99॥

শ্লোক 114

নরনারাযণোদ্ভূতা নারসিংহী প্রকীর্তিতা ।

দৈত্যপ্রমাথিনী শঙ্খচক্রপদ্মগদাধরা

॥ 100॥

শ্লোক 115

সঙ্কর্ষণসমুত্পন্না অম্বিকা সজ্জনাশ্রযা ।

সুবৃতা সুন্দরী চৈব ধর্মকামার্থদাযিনী

॥ 101॥

শ্লোক 116

মোক্ষদা ভক্তিনিলযা পুরাণপুরুষাদৃতা ।

মহাবিভূতিদাঽঽরাধ্যা সরোজনিলযাঽসমা

॥ 102॥

শ্লোক 117

অষ্টাদশভুজাঽনাদির্নীলোত্পলদলাক্ষিণী ।

সর্বশক্তিসমারূঢা ধর্মাধর্মবিবর্জিতা

॥ 103॥

শ্লোক 118

বৈরাগ্যজ্ঞাননিরতা নিরালোকা নিরিন্দ্রিযা ।

বিচিত্রগহনাধারা শাশ্বতস্থানবাসিনী

॥ 104॥

শ্লোক 119

জ্ঞানেশ্বরী পীতচেলা বেদবেদাঙ্গপারগা ।

মনস্বিনী মন্যুমাতা মহামন্যুসমুদ্ভবা

॥ 105॥

শ্লোক 120

অমন্যুরমৃতাস্বাদা পুরন্দরপরিষ্টুতা ।

অশোচ্যা ভিন্নবিষযা হিরণ্যরজতপ্রিযা

॥ 106॥

শ্লোক 121

হিরণ্যজননী ভীমা হেমাভরণভূষিতা ।

বিভ্রাজমানা দুর্জ্ঞেযা জ্যোতিষ্টোমফলপ্রদা

॥ 107॥

শ্লোক 122

মহানিদ্রাসমুত্পত্তিরনিদ্রা সত্যদেবতা ।

দীর্ঘা ককুদ্মিনী পিঙ্গজটাধারা মনোজ্ঞধীঃ

॥ 108॥

শ্লোক 123

মহাশ্রযা রমোত্পন্না তমঃপারে প্রতিষ্ঠিতা ।

ত্রিতত্ত্বমাতা ত্রিবিধা সুসূক্ষ্মা পদ্মসংশ্রযা

॥ 109॥

শ্লোক 124

শান্ত্যতীতকলাঽতীতবিকারা শ্বেতচেলিকা ।

চিত্রমাযা শিবজ্ঞানস্বরূপা দৈত্যমাথিনী

॥ 110॥

শ্লোক 125

কাশ্যপী কালসর্পাভবেণিকা শাস্ত্রযোনিকা ।

ত্রযীমূর্তিঃ ক্রিযামূর্তিশ্চতুর্বর্গা চ দর্শিনী

॥ 111॥

শ্লোক 126

নারাযণী নরোত্পন্না কৌমুদী কান্তিধারিণী ।

কৌশিকী ললিতা লীলা পরাবরবিভাবিনী

॥ 112॥

শ্লোক 127

বরেণ্যাঽদ্ভুতমহাত্ম্যা বডবা বামলোচনা ।

সুভদ্রা চেতনারাধ্যা শান্তিদা শান্তিবর্ধিনী

॥ 113॥

শ্লোক 128

জযাদিশক্তিজননী শক্তিচক্রপ্রবর্তিকা ।

ত্রিশক্তিজননী জন্যা ষট্সূত্রপরিবর্ণিতা

॥ 114॥

শ্লোক 129

সুধৌতকর্মণাঽঽরাধ্যা যুগান্তদহনাত্মিকা ।

সঙ্কর্ষিণী জগদ্ধাত্রী কামযোনিঃ কিরীটিনী

॥ 115॥

শ্লোক 130

ঐন্দ্রী ত্রৈলোক্যনমিতা বৈষ্ণবী পরমেশ্বরী ।

প্রদ্যুম্নজননী বিম্বসমোষ্ঠী পদ্মলোচনা

॥ 116॥

শ্লোক 131

মদোত্কটা হংসগতিঃ প্রচণ্ডা চণ্ডবিক্রমা ।

বৃষাধীশা পরাত্মা চ বিন্ধ্যা পর্বতবাসিনী

॥ 117॥

শ্লোক 132

হিমবন্মেরুনিলযা কৈলাসপুরবাসিনী ।

চাণূরহন্ত্রী নীতিজ্ঞা কামরূপা ত্রযীতনুঃ

॥ 118॥

শ্লোক 133

ব্রতস্নাতা ধর্মশীলা সিংহাসননিবাসিনী ।

বীরভদ্রাদৃতা বীরা মহাকালসমুদ্ভবা

॥ 119॥

শ্লোক 134

বিদ্যাধরার্চিতা সিদ্ধসাধ্যারাধিতপাদুকা ।

শ্রদ্ধাত্মিকা পাবনী চ মোহিনী অচলাত্মিকা

॥ 120॥

শ্লোক 135

মহাদ্ভুতা বারিজাক্ষী সিংহবাহনগামিনী ।

মনীষিণী সুধাবাণী বীণাবাদনতত্পরা

॥ 121॥

শ্লোক 136

শ্বেতবাহনিষেব্যা চ লসন্মতিররুন্ধতী ।

হিরণ্যাক্ষী তথা চৈব মহানন্দপ্রদাযিনী

॥ 122॥

শ্লোক 137

বসুপ্রভা সুমাল্যাপ্তকন্ধরা পঙ্কজাননা ।

পরাবরা বরারোহা সহস্রনযনার্চিতা

॥ 123॥

শ্লোক 138

শ্রীরূপা শ্রীমতী শ্রেষ্ঠা শিবনাম্নী শিবপ্রিযা ।

শ্রীপ্রদা শ্রিতকল্যাণা শ্রীধরার্ধশরীরিণী

॥ 124॥

শ্লোক 139

শ্রীকলাঽনন্তদৃষ্টিশ্চ হ্যক্ষুদ্রারাতিসূদনী ।

রক্তবীজনিহন্ত্রী চ দৈত্যসঙ্গবিমর্দিনী

॥ 125॥

শ্লোক 140

সিংহারূঢা সিংহিকাস্যা দৈত্যশোণিতপাযিনী ।

সুকীর্তিসহিতাচ্ছিন্নসংশযা রসবেদিনী

॥ 126॥

শ্লোক 141

গুণাভিরামা নাগারিবাহনা নির্জরার্চিতা ।

নিত্যোদিতা স্বযঞ্জ্যোতিঃ স্বর্ণকাযা প্রকীর্তিতা

॥ 127॥

শ্লোক 142

বজ্রদণ্ডাঙ্কিতা চৈব তথামৃতসঞ্জীবিনী ।

বজ্রচ্ছন্না দেবদেবী বরবজ্রস্ববিগ্রহা

॥ 128॥

শ্লোক 143

মাঙ্গল্যা মঙ্গলাত্মা চ মালিনী মাল্যধারিণী ।

গন্ধর্বী তরুণী চান্দ্রী খড্গাযুধধরা তথা

॥ 129॥

শ্লোক 144

সৌদামিনী প্রজানন্দা তথা প্রোক্তা ভৃগূদ্ভবা ।

একানঙ্গা চ শাস্ত্রার্থকুশলা ধর্মচারিণী

॥ 130॥

শ্লোক 145

ধর্মসর্বস্ববাহা চ ধর্মাধর্মবিনিশ্চযা ।

ধর্মশক্তির্ধর্মমযা ধার্মিকানাং শিবপ্রদা

॥ 131॥

শ্লোক 146

বিধর্মা বিশ্বধর্মজ্ঞা ধর্মার্থান্তরবিগ্রহা ।

ধর্মবর্ষ্মা ধর্মপূর্বা ধর্মপারঙ্গতান্তরা

॥ 132॥

শ্লোক 147

ধর্মোপদেষ্ট্রী ধর্মাত্মা ধর্মগম্যা ধরাধরা ।

কপালিনী শাকলিনী কলাকলিতবিগ্রহা

॥ 133॥

শ্লোক 148

সর্বশক্তিবিমুক্তা চ কর্ণিকারধরাঽক্ষরা।

কংসপ্রাণহরা চৈব যুগধর্মধরা তথা

॥ 134॥

শ্লোক 149

যুগপ্রবর্তিকা প্রোক্তা ত্রিসন্ধ্যা ধ্যেযবিগ্রহা ।

স্বর্গাপবর্গদাত্রী চ তথা প্রত্যক্ষদেবতা

॥ 135॥

শ্লোক 150

আদিত্যা দিব্যগন্ধা চ দিবাকরনিভপ্রভা ।

পদ্মাসনগতা প্রোক্তা খড্গবাণশরাসনা

॥ 136॥

শ্লোক 151

শিষ্টা বিশিষ্টা শিষ্টেষ্টা শিষ্টশ্রেষ্ঠপ্রপূজিতা ।

শতরূপা শতাবর্তা বিততা রাসমোদিনী

॥ 137॥

শ্লোক 152

সূর্যেন্দুনেত্রা প্রদ্যুম্নজননী সুষ্ঠুমাযিনী ।

সূর্যান্তরস্থিতা চৈব সত্প্রতিষ্ঠতবিগ্রহা

॥ 138॥

শ্লোক 153

নিবৃত্তা প্রোচ্যতে জ্ঞানপারগা পর্বতাত্মজা ।

কাত্যাযনী চণ্ডিকা চ চণ্ডী হৈমবতী তথা

॥ 139॥

শ্লোক 154

দাক্ষাযণী সতী চৈব ভবানী সর্বমঙ্গলা ।

ধূম্রলোচনহন্ত্রী চ চণ্ডমুণ্ডবিনাশিনী

॥ 140॥

শ্লোক 155

যোগনিদ্রা যোগভদ্রা সমুদ্রতনযা তথা ।

দেবপ্রিযঙ্করী শুদ্ধা ভক্তভক্তিপ্রবর্ধিনী

॥ 141॥

শ্লোক 156

ত্রিণেত্রা চন্দ্রমুকুটা প্রমথার্চিতপাদুকা ।

অর্জুনাভীষ্টদাত্রী চ পাণ্ডবপ্রিযকারিণী

॥ 142॥

শ্লোক 157

কুমারলালনাসক্তা হরবাহূপধানিকা ।

বিঘ্নেশজননী ভক্তবিঘ্নস্তোমপ্রহারিণী

॥ 143॥

শ্লোক 158

সুস্মিতেন্দুমুখী নম্যা জযাপ্রিযসখী তথা ।

অনাদিনিধনা প্রেষ্ঠা চিত্রমাল্যানুলেপনা

॥ 144॥

শ্লোক 159

কোটিচন্দ্রপ্রতীকাশা কূটজালপ্রমাথিনী ।

কৃত্যাপ্রহারিণী চৈব মারণোচ্চাটনী তথা

॥ 145॥

শ্লোক 160

সুরাসুরপ্রবন্দ্যাঙ্ঘ্রির্মোহঘ্নী জ্ঞানদাযিনী ।

ষড্বৈরিনিগ্রহকরী বৈরিবিদ্রাবিণী তথা

॥ 146॥

শ্লোক 161

ভূতসেব্যা ভূতদাত্রী ভূতপীডাবিমর্দিকা ।

নারদস্তুতচারিত্রা বরদেশা বরপ্রদা

॥ 147॥

শ্লোক 162

বামদেবস্তুতা চৈব কামদা সোমশেখরা ।

দিক্পালসেবিতা ভব্যা ভামিনী ভাবদাযিনী

॥ 148॥

শ্লোক 163

স্ত্রীসৌভাগ্যপ্রদাত্রী চ ভোগদা রোগনাশিনী ।

ব্যোমগা ভূমিগা চৈব মুনিপূজ্যপদাম্বুজা ।

বনদুর্গা চ দুর্বোধা মহাদুর্গা প্রকীর্তিতা

॥ 149॥

শ্লোক 164

ফলশ্রুতিঃ

ইতীদং কীর্তিদং ভদ্র দুর্গানামসহস্রকম্ ।

ত্রিসন্ধ্যং যঃ পঠেন্নিত্যং তস্য লক্ষ্মীঃ স্থিরা ভবেত্

॥ 150॥

শ্লোক 165

গ্রহভূতপিশাচাদিপীডা নশ্যত্যসংশযম্ ।

বালগ্রহাদিপীডাযাঃ শান্তির্ভবতি কীর্তনাত্

॥ 1॥

শ্লোক 166

মারিকাদিমহারোগে পঠতাং সৌখ্যদং নৃণাম্ ।

ব্যবহারে চ জযদং শত্রুবাধানিবারকম্

॥ 2॥

শ্লোক 167

দম্পত্যোঃ কলহে প্রাপ্তে মিথঃ প্রেমাভিবর্ধকম্ ।

আযুরারোগ্যদং পুংসাং সর্বসম্পত্প্রদাযকম্

॥ 3॥

শ্লোক 168

বিদ্যাভিবর্ধকং নিত্যং পঠতামর্থসাধকম্ ।

শুভদং শুভকার্যেষু পঠতাং শৃণুতামপি

॥ 4॥

শ্লোক 169

যঃ পূজযতি দুর্গাং তাং দুর্গানামসহস্রকৈঃ ।

পুষ্পৈঃ কুঙ্কুমসম্মিশ্রৈঃ স তু যত্কাঙ্ক্ষতে হৃদি

॥ 5॥

শ্লোক 170

তত্সর্বং সমবাপ্নোতি নাস্তি নাস্ত্যত্র সংশযঃ ।

যন্মুখে ধ্রিযতে নিত্যং দুর্গানামসহস্রকম্

॥ 6॥

শ্লোক 171

কিং তস্যেতরমন্ত্রৌঘৈঃ কার্যং ধন্যতমস্য হি ।

দুর্গানামসহস্রস্য পুস্তকং যদ্গৃহে ভবেত্

॥ 7॥

শ্লোক 172

ন তত্র গ্রহভূতাদিবাধা স্যান্মঙ্গলাস্পদে ।

তদ্গৃহং পুণ্যদং ক্ষেত্রং দেবীসান্নিধ্যকারকম্

॥ 8॥

শ্লোক 173

এতস্য স্তোত্রমুখ্যস্য পাঠকঃ শ্রেষ্ঠমন্ত্রবিত্ ।

দেবতাযাঃ প্রসাদেন সর্বপূজ্যঃ সুখী ভবেত্

॥ 9॥

শ্লোক 174

ইত্যেতন্নগরাজেন কীর্তিতং মুনিসত্তম ।

গুহ্যাদ্গুহ্যতরং স্তোত্রং ত্বযি স্নেহাত্ প্রকীর্তিতম্

॥ 10॥

শ্লোক 175

ভক্তায শ্রদ্ধধানায কেবলং কীর্ত্যতামিদম্ ।

হৃদি ধারয নিত্যং ত্বং দেব্যনুগ্রহসাধকম্

॥ 11॥

শ্লোক 176

॥ 12॥ ॥

ইতি শ্রীস্কান্দপুরাণে স্কন্দনারদসংবাদে দুর্গাসহস্রনামস্তোত্রং সম্পূর্ণম্ ॥