Sree Bhu Varaha Stotram

ଶ୍ରୀ ଭୂ ଵରାହ ସ୍ତୋତ୍ରମ୍

ଶ୍ଲୋକ 1

ଋଷଯ ଊଚୁ ।

ଜିତଂ ଜିତଂ ତେଽଜିତ ଯଜ୍ଞଭାଵନା

ତ୍ରଯୀଂ ତନୂଂ ସ୍ଵାଂ ପରିଧୁନ୍ଵତେ ନମଃ ।

ଯଦ୍ରୋମଗର୍ତେଷୁ ନିଲିଲ୍ଯୁରଧ୍ଵରାଃ

ତସ୍ମୈ ନମଃ କାରଣସୂକରାଯ ତେ

ଶ୍ଲୋକ 2

ରୂପଂ ତଵୈତନ୍ନନୁ ଦୁଷ୍କୃତାତ୍ମନାଂ

ଦୁର୍ଦର୍ଶନଂ ଦେଵ ଯଦଧ୍ଵରାତ୍ମକମ୍ ।

ଛନ୍ଦାଂସି ଯସ୍ଯ ତ୍ଵଚି ବର୍ହିରୋମ-

ସ୍ସ୍ଵାଜ୍ଯଂ ଦୃଶି ତ୍ଵଙ୍ଘ୍ରିଷୁ ଚାତୁର୍ହୋତ୍ରମ୍

॥ 1 ॥

ଶ୍ଲୋକ 3

ସ୍ରୁକ୍ତୁଣ୍ଡ ଆସୀତ୍ସ୍ରୁଵ ଈଶ ନାସଯୋ-

ରିଡୋଦରେ ଚମସାଃ କର୍ଣରନ୍ଧ୍ରେ ।

ପ୍ରାଶିତ୍ରମାସ୍ଯେ ଗ୍ରସନେ ଗ୍ରହାସ୍ତୁ ତେ

ଯଚ୍ଚର୍ଵଣନ୍ତେ ଭଗଵନ୍ନଗ୍ନିହୋତ୍ରମ୍

॥ 2 ॥

ଶ୍ଲୋକ 4

ଦୀକ୍ଷାନୁଜନ୍ମୋପସଦଃ ଶିରୋଧରଂ

ତ୍ଵଂ ପ୍ରାଯଣୀଯୋ ଦଯନୀଯ ଦଂଷ୍ଟ୍ରଃ ।

ଜିହ୍ଵା ପ୍ରଵର୍ଗ୍ଯସ୍ତଵ ଶୀର୍ଷକଂ କ୍ରତୋଃ

ସଭ୍ଯାଵସଥ୍ଯଂ ଚିତଯୋଽସଵୋ ହି ତେ

॥ 3 ॥

ଶ୍ଲୋକ 5

ସୋମସ୍ତୁ ରେତଃ ସଵନାନ୍ଯଵସ୍ଥିତିଃ

ସଂସ୍ଥାଵିଭେଦାସ୍ତଵ ଦେଵ ଧାତଵଃ ।

ସତ୍ରାଣି ସର୍ଵାଣି ଶରୀରସନ୍ଧି-

ସ୍ତ୍ଵଂ ସର୍ଵଯଜ୍ଞକ୍ରତୁରିଷ୍ଟିବନ୍ଧନଃ

॥ 4 ॥

ଶ୍ଲୋକ 6

ନମୋ ନମସ୍ତେଽଖିଲଯନ୍ତ୍ରଦେଵତା

ଦ୍ରଵ୍ଯାଯ ସର୍ଵକ୍ରତଵେ କ୍ରିଯାତ୍ମନେ ।

ଵୈରାଗ୍ଯ ଭକ୍ତ୍ଯାତ୍ମଜଯାଽନୁଭାଵିତ

ଜ୍ଞାନାଯ ଵିଦ୍ଯାଗୁରଵେ ନମॊ ନମଃ

॥ 5 ॥

ଶ୍ଲୋକ 7

ଦଂଷ୍ଟ୍ରାଗ୍ରକୋଟ୍ଯା ଭଗଵଂସ୍ତ୍ଵଯା ଧୃତା

ଵିରାଜତେ ଭୂଧର ଭୂସ୍ସଭୂଧରା ।

ଯଥା ଵନାନ୍ନିସ୍ସରତୋ ଦତା ଧୃତା

ମତଙ୍ଗଜେନ୍ଦ୍ରସ୍ଯ ସ ପତ୍ରପଦ୍ମିନୀ

॥ 6 ॥

ଶ୍ଲୋକ 8

ତ୍ରଯୀମଯଂ ରୂପମିଦଂ ଚ ସୌକରଂ

ଭୂମଣ୍ଡଲେ ନାଥ ତଦା ଧୃତେନ ତେ ।

ଚକାସ୍ତି ଶୃଙ୍ଗୋଢଘନେନ ଭୂଯସା

କୁଲାଚଲେନ୍ଦ୍ରସ୍ଯ ଯଥୈଵ ଵିଭ୍ରମଃ

॥ 7 ॥

ଶ୍ଲୋକ 9

ସଂସ୍ଥାପଯୈନାଂ ଜଗତାଂ ସତସ୍ଥୁଷାଂ

ଲୋକାଯ ପତ୍ନୀମସି ମାତରଂ ପିତା ।

ଵିଧେମ ଚାସ୍ଯୈ ନମସା ସହ ତ୍ଵଯା

ଯସ୍ଯାଂ ସ୍ଵତେଜୋଽଗ୍ନିମିଵାରଣାଵଧାଃ

॥ 8 ॥

ଶ୍ଲୋକ 10

କଃ ଶ୍ରଦ୍ଧଧୀତାନ୍ଯତମସ୍ତଵ ପ୍ରଭୋ

ରସାଂ ଗତାଯା ଭୁଵ ଉଦ୍ଵିବର୍ହଣମ୍ ।

ନ ଵିସ୍ମଯୋଽସୌ ତ୍ଵଯି ଵିଶ୍ଵଵିସ୍ମଯେ

ଯୋ ମାଯଯେଦଂ ସସୃଜେଽତି ଵିସ୍ମଯମ୍

॥ 9 ॥

ଶ୍ଲୋକ 11

ଵିଧୁନ୍ଵତା ଵେଦମଯଂ ନିଜଂ ଵପୁ-

ର୍ଜନସ୍ତପଃ ସତ୍ଯନିଵାସିନୋ ଵଯମ୍ ।

ସଟାଶିଖୋଦ୍ଧୂତ ଶିଵାମ୍ବୁବିନ୍ଦୁଭି-

ର୍ଵିମୃଜ୍ଯମାନା ଭୃଶମୀଶ ପାଵିତାଃ

॥ 10 ॥

ଶ୍ଲୋକ 12

ସ ଵୈ ବତ ଭ୍ରଷ୍ଟମତିସ୍ତଵୈଷ ତେ

ଯଃ କର୍ମଣାଂ ପାରମପାରକର୍ମଣଃ ।

ଯଦ୍ଯୋଗମାଯା ଗୁଣ ଯୋଗ ମୋହିତଂ

ଵିଶ୍ଵଂ ସମସ୍ତଂ ଭଗଵନ୍ ଵିଧେହି ଶମ୍

॥ 11 ॥

ଶ୍ଲୋକ 13

ଇତି ଶ୍ରୀମଦ୍ଭାଗଵତେ ମହାପୁରାଣେ ତୃତୀଯସ୍କନ୍ଧେ ଶ୍ରୀ ଵରାହ ପ୍ରାଦୁର୍ଭାଵୋନାମ ତ୍ରଯୋଦଶୋଧ୍ଯାଯଃ ।