Sree Bhu Varaha Stotram

shrI bhU varAha stotram

shloka 1

RRiShaya Uchu |

jitaM jitaM te.ajita yaj~nabhAvanA

trayIM tanUM svAM paridhunvate namaH |

yadromagarteShu nililyuradhvarAH

tasmai namaH kAraNasUkarAya te || 1 ||

rUpaM tavaitannanu duShkRRitAtmanAM

durdarshanaM deva yadadhvarAtmakam |

ChandAMsi yasya tvachi barhiroma-

ssvAjyaM dRRishi tva~NghriShu chAturhotram || 2 ||

sruktuNDa AsItsruva Isha nAsayo-

riDodare chamasAH karNarandhre |

prAshitramAsye grasane grahAstu te

yachcharvaNante bhagavannagnihotram || 3 ||

dIkShAnujanmopasadaH shirodharaM

tvaM prAyaNIyo dayanIya daMShTraH |

jihvA pravargyastava shIrShakaM kratoH

sabhyAvasathyaM chitayo.asavo hi te || 4 ||

somastu retaH savanAnyavasthitiH

saMsthAvibhedAstava deva dhAtavaH |

satrANi sarvANi sharIrasandhi-

stvaM sarvayaj~nakraturiShTibandhanaH || 5 ||

namo namaste.akhilayantradevatA

dravyAya sarvakratave kriyAtmane |

vairAgya bhaktyAtmajayA.anubhAvita

j~nAnAya vidyAgurave namò namaH || 6 ||

daMShTrAgrakoTyA bhagavaMstvayA dhRRitA

virAjate bhUdhara bhUssabhUdharA |

yathA vanAnnissarato datA dhRRitA

mata~Ngajendrasya sa patrapadminI || 7 ||

trayImayaM rUpamidaM cha saukaraM

bhUmaNDale nAtha tadA dhRRitena te |

chakAsti shRRi~NgoDhaghanena bhUyasA

kulAchalendrasya yathaiva vibhramaH || 8 ||

saMsthApayainAM jagatAM satasthuShAM

lokAya patnImasi mAtaraM pitA |

vidhema chAsyai namasA saha tvayA

yasyAM svatejo.agnimivAraNAvadhAH || 9 ||

kaH shraddhadhItAnyatamastava prabho

rasAM gatAyA bhuva udvibarhaNam |

na vismayo.asau tvayi vishvavismaye

yo mAyayedaM sasRRije.ati vismayam || 10 ||

vidhunvatA vedamayaM nijaM vapu-

rjanastapaH satyanivAsino vayam |

saTAshikhoddhUta shivAmbubindubhi-

rvimRRijyamAnA bhRRishamIsha pAvitAH || 11 ||

sa vai bata bhraShTamatistavaiSha te

yaH karmaNAM pAramapArakarmaNaH |

yadyogamAyA guNa yoga mohitaM

vishvaM samastaM bhagavan vidhehi sham || 12 ||

iti shrImadbhAgavate mahApurANe tRRitIyaskandhe shrI varAha prAdurbhAvonAma trayodashodhyAyaH |