Sree Annapurna Stotram

ଶ୍ରୀ ଅନ୍ନପୂର୍ଣା ସ୍ତୋତ୍ରମ୍

ଶ୍ଲୋକ 1

ନିତ୍ଯାନନ୍ଦକରୀ ଵରାଭଯକରୀ ସୌନ୍ଦର୍ଯ ରତ୍ନାକରୀ

ନିର୍ଧୂତାଖିଲ ଘୋର ପାଵନକରୀ ପ୍ରତ୍ଯକ୍ଷ ମାହେଶ୍ଵରୀ ।

ପ୍ରାଲେଯାଚଲ ଵଂଶ ପାଵନକରୀ କାଶୀପୁରାଧୀଶ୍ଵରୀ

ଭିକ୍ଷାଂ ଦେହି କୃପାଵଲମ୍ବନକରୀ ମାତାନ୍ନପୂର୍ଣେଶ୍ଵରୀ

ଶ୍ଲୋକ 2

ନାନା ରତ୍ନ ଵିଚିତ୍ର ଭୂଷଣକରି ହେମାମ୍ବରାଡମ୍ବରୀ

ମୁକ୍ତାହାର ଵିଲମ୍ବମାନ ଵିଲସତ୍-ଵକ୍ଷୋଜ କୁମ୍ଭାନ୍ତରୀ ।

କାଶ୍ମୀରାଗରୁ ଵାସିତା ରୁଚିକରୀ କାଶୀପୁରାଧୀଶ୍ଵରୀ

ଭିକ୍ଷାଂ ଦେହି କୃପାଵଲମ୍ବନକରୀ ମାତାନ୍ନପୂର୍ଣେଶ୍ଵରୀ

॥ 1 ॥

ଶ୍ଲୋକ 3

ଯୋଗାନନ୍ଦକରୀ ରିପୁକ୍ଷଯକରୀ ଧର୍ମୈକ୍ଯ ନିଷ୍ଠାକରୀ

ଚନ୍ଦ୍ରାର୍କାନଲ ଭାସମାନ ଲହରୀ ତ୍ରୈଲୋକ୍ଯ ରକ୍ଷାକରୀ ।

ସର୍ଵୈଶ୍ଵର୍ଯକରୀ ତପଃ ଫଲକରୀ କାଶୀପୁରାଧୀଶ୍ଵରୀ

ଭିକ୍ଷାଂ ଦେହି କୃପାଵଲମ୍ବନକରୀ ମାତାନ୍ନପୂର୍ଣେଶ୍ଵରୀ

॥ 2 ॥

ଶ୍ଲୋକ 4

କୈଲାସାଚଲ କନ୍ଦରାଲଯକରୀ ଗୌରୀ-ହ୍ଯୁମାଶାଙ୍କରୀ

କୌମାରୀ ନିଗମାର୍ଥ-ଗୋଚରକରୀ-ହ୍ଯୋଙ୍କାର-ବୀଜାକ୍ଷରୀ ।

ମୋକ୍ଷଦ୍ଵାର-କଵାଟପାଟନକରୀ କାଶୀପୁରାଧୀଶ୍ଵରୀ

ଭିକ୍ଷାଂ ଦେହି କୃପାଵଲମ୍ବନକରୀ ମାତାନ୍ନପୂର୍ଣେଶ୍ଵରୀ

॥ 3 ॥

ଶ୍ଲୋକ 5

ଦୃଶ୍ଯାଦୃଶ୍ଯ-ଵିଭୂତି-ଵାହନକରୀ ବ୍ରହ୍ମାଣ୍ଡ-ଭାଣ୍ଡୋଦରୀ

ଲୀଲା-ନାଟକ-ସୂତ୍ର-ଖେଲନକରୀ ଵିଜ୍ଞାନ-ଦୀପାଙ୍କୁରୀ ।

ଶ୍ରୀଵିଶ୍ଵେଶମନଃ-ପ୍ରସାଦନକରୀ କାଶୀପୁରାଧୀଶ୍ଵରୀ

ଭିକ୍ଷାଂ ଦେହି କୃପାଵଲମ୍ବନକରୀ ମାତାନ୍ନପୂର୍ଣେଶ୍ଵରୀ

॥ 4 ॥

ଶ୍ଲୋକ 6

ଉର୍ଵୀସର୍ଵଜଯେଶ୍ଵରୀ ଭଗଵତୀ [ଜଯକରୀ] ମାତା କୃପାସାଗରୀ

ଵେଣୀ-ନୀଲସମାନ-କୁନ୍ତଲଧରୀ ନିତ୍ଯାନ୍ନ-ଦାନେଶ୍ଵରୀ ।

ସାକ୍ଷାନ୍ମୋକ୍ଷକରୀ ସଦା ଶୁଭକରୀ କାଶୀପୁରାଧୀଶ୍ଵରୀ

ଭିକ୍ଷାଂ ଦେହି କୃପାଵଲମ୍ବନକରୀ ମାତାନ୍ନପୂର୍ଣେଶ୍ଵରୀ

॥ 5 ॥

ଶ୍ଲୋକ 7

ଆଦିକ୍ଷାନ୍ତ-ସମସ୍ତଵର୍ଣନକରୀ ଶମ୍ଭୋସ୍ତ୍ରିଭାଵାକରୀ

କାଶ୍ମୀରା ତ୍ରିପୁରେଶ୍ଵରୀ ତ୍ରିନଯନି ଵିଶ୍ଵେଶ୍ଵରୀ ଶର୍ଵରୀ ।

ସ୍ଵର୍ଗଦ୍ଵାର-କପାଟ-ପାଟନକରୀ କାଶୀପୁରାଧୀଶ୍ଵରୀ

ଭିକ୍ଷାଂ ଦେହି କୃପାଵଲମ୍ବନକରୀ ମାତାନ୍ନପୂର୍ଣେଶ୍ଵରୀ

॥ 6 ॥

ଶ୍ଲୋକ 8

ଦେଵୀ ସର୍ଵଵିଚିତ୍ର-ରତ୍ନରୁଚିତା ଦାକ୍ଷାଯିଣୀ ସୁନ୍ଦରୀ

ଵାମା-ସ୍ଵାଦୁପଯୋଧରା ପ୍ରିଯକରୀ ସୌଭାଗ୍ଯମାହେଶ୍ଵରୀ ।

ଭକ୍ତାଭୀଷ୍ଟକରୀ ସଦା ଶୁଭକରୀ କାଶୀପୁରାଧୀଶ୍ଵରୀ

ଭିକ୍ଷାଂ ଦେହି କୃପାଵଲମ୍ବନକରୀ ମାତାନ୍ନପୂର୍ଣେଶ୍ଵରୀ

॥ 7 ॥

ଶ୍ଲୋକ 9

ଚନ୍ଦ୍ରାର୍କାନଲ-କୋଟିକୋଟି-ସଦୃଶୀ ଚନ୍ଦ୍ରାଂଶୁ-ବିମ୍ବାଧରୀ

ଚନ୍ଦ୍ରାର୍କାଗ୍ନି-ସମାନ-କୁଣ୍ଡଲ-ଧରୀ ଚନ୍ଦ୍ରାର୍କ-ଵର୍ଣେଶ୍ଵରୀ

ମାଲା-ପୁସ୍ତକ-ପାଶସାଙ୍କୁଶଧରୀ କାଶୀପୁରାଧୀଶ୍ଵରୀ

ଭିକ୍ଷାଂ ଦେହି କୃପାଵଲମ୍ବନକରୀ ମାତାନ୍ନପୂର୍ଣେଶ୍ଵରୀ

॥ 8 ॥

ଶ୍ଲୋକ 10

କ୍ଷତ୍ରତ୍ରାଣକରୀ ମହାଭଯକରୀ ମାତା କୃପାସାଗରୀ

ସର୍ଵାନନ୍ଦକରୀ ସଦା ଶିଵକରୀ ଵିଶ୍ଵେଶ୍ଵରୀ ଶ୍ରୀଧରୀ ।

ଦକ୍ଷାକ୍ରନ୍ଦକରୀ ନିରାମଯକରୀ କାଶୀପୁରାଧୀଶ୍ଵରୀ

ଭିକ୍ଷାଂ ଦେହି କୃପାଵଲମ୍ବନକରୀ ମାତାନ୍ନପୂର୍ଣେଶ୍ଵରୀ

॥ 9 ॥

ଶ୍ଲୋକ 11

ଅନ୍ନପୂର୍ଣେ ସଦାପୂର୍ଣେ ଶଙ୍କର-ପ୍ରାଣଵଲ୍ଲଭେ ।

ଜ୍ଞାନ-ଵୈରାଗ୍ଯ-ସିଦ୍ଧ୍ଯର୍ଥଂ ଭିକ୍ଷାଂ ଦେହି ଚ ପାର୍ଵତୀ

॥ 10 ॥

ଶ୍ଲୋକ 12

ମାତା ଚ ପାର୍ଵତୀଦେଵୀ ପିତାଦେଵୋ ମହେଶ୍ଵରଃ ।

ବାନ୍ଧଵା: ଶିଵଭକ୍ତାଶ୍ଚ ସ୍ଵଦେଶୋ ଭୁଵନତ୍ରଯମ୍

॥ 11 ॥

ଶ୍ଲୋକ 13

ସର୍ଵ-ମଙ୍ଗଲ-ମାଙ୍ଗଲ୍ଯେ ଶିଵେ ସର୍ଵାର୍ଥ-ସାଧିକେ ।

ଶରଣ୍ଯେ ତ୍ର୍ଯମ୍ବକେ ଗୌରି ନାରାଯଣି ନମୋଽସ୍ତୁ ତେ

॥ 12 ॥

ଶ୍ଲୋକ 14

ଇତି ଶ୍ରୀମତ୍ପରମହଂସପରିଵ୍ରାଜକାଚାର୍ଯସ୍ଯ ଶ୍ରୀଗୋଵିନ୍ଦଭଗଵତ୍ପୂଜ୍ଯପାଦଶିଷ୍ଯସ୍ଯ ଶ୍ରୀମଚ୍ଛଙ୍କରଭଗଵତଃ କୃତୌ ଅନ୍ନପୂର୍ଣା ସ୍ତୋତ୍ରମ୍ ।