Sree Annapurna Stotram

shrI annapUrNA stotram

shloka 1

nityAnandakarI varAbhayakarI saundarya ratnAkarI

nirdhUtAkhila ghora pAvanakarI pratyakSha mAheshvarI |

prAleyAchala vaMsha pAvanakarI kAshIpurAdhIshvarI

bhikShAM dehi kRRipAvalambanakarI mAtAnnapUrNeshvarI || 1 ||

nAnA ratna vichitra bhUShaNakari hemAmbarADambarI

muktAhAra vilambamAna vilasat-vakShoja kumbhAntarI |

kAshmIrAgaru vAsitA ruchikarI kAshIpurAdhIshvarI

bhikShAM dehi kRRipAvalambanakarI mAtAnnapUrNeshvarI || 2 ||

yogAnandakarI ripukShayakarI dharmaikya niShThAkarI

chandrArkAnala bhAsamAna laharI trailokya rakShAkarI |

sarvaishvaryakarI tapaH phalakarI kAshIpurAdhIshvarI

bhikShAM dehi kRRipAvalambanakarI mAtAnnapUrNeshvarI || 3 ||

kailAsAchala kandarAlayakarI gaurI-hyumAshA~NkarI

kaumArI nigamArtha-gocharakarI-hyo~NkAra-bIjAkSharI |

mokShadvAra-kavATapATanakarI kAshIpurAdhIshvarI

bhikShAM dehi kRRipAvalambanakarI mAtAnnapUrNeshvarI || 4 ||

dRRishyAdRRishya-vibhUti-vAhanakarI brahmANDa-bhANDodarI

lIlA-nATaka-sUtra-khelanakarI vijnAna-dIpANkurI |

shrIvishveshamanaH-prasAdanakarI kAshIpurAdhIshvarI

bhikShAM dehi kRRipAvalambanakarI mAtAnnapUrNeshvarI || 5 ||

urvIsarvajayeshvarI bhagavatI [jayakarI] mAtA kRRipAsAgarI

veNI-nIlasamAna-kuntaladharI nityAnna-dAneshvarI |

sAkShAnmokShakarI sadA shubhakarI kAshIpurAdhIshvarI

bhikShAM dehi kRRipAvalambanakarI mAtAnnapUrNeshvarI || 6 ||

AdikShAnta-samastavarNanakarI shambhostribhAvAkarI

kAshmIrA tripureshvarI trinayani vishveshvarI sharvarI |

svargadvAra-kapATa-pATanakarI kAshIpurAdhIshvarI

bhikShAM dehi kRRipAvalambanakarI mAtAnnapUrNeshvarI || 7 ||

devI sarvavichitra-ratnaruchitA dAkShAyiNI sundarI

vAmA-svAdupayodharA priyakarI saubhAgyamAheshvarI |

bhaktAbhIShTakarI sadA shubhakarI kAshIpurAdhIshvarI

bhikShAM dehi kRRipAvalambanakarI mAtAnnapUrNeshvarI || 8 ||

chandrArkAnala-koTikoTi-sadRRishI chandrAMshu-bimbAdharI

chandrArkAgni-samAna-kuNDala-dharI chandrArka-varNeshvarI

mAlA-pustaka-pAshasA~NkushadharI kAshIpurAdhIshvarI

bhikShAM dehi kRRipAvalambanakarI mAtAnnapUrNeshvarI || 9 ||

kShatratrANakarI mahAbhayakarI mAtA kRRipAsAgarI

sarvAnandakarI sadA shivakarI vishveshvarI shrIdharI |

dakShAkrandakarI nirAmayakarI kAshIpurAdhIshvarI

bhikShAM dehi kRRipAvalambanakarI mAtAnnapUrNeshvarI || 10 ||

annapUrNe sadApUrNe sha~Nkara-prANavallabhe |

j~nAna-vairAgya-siddhyarthaM bhikShAM dehi cha pArvatI || 11 ||

mAtA cha pArvatIdevI pitAdevo maheshvaraH |

bAndhavA: shivabhaktAshcha svadesho bhuvanatrayam || 12 ||

sarva-maNgala-mANgalye shive sarvArtha-sAdhike |

sharaNye tryambake gauri nArAyaNi namo.astu te || 13 ||

iti shrImatparamahaMsaparivrAjakAchAryasya shrIgovindabhagavatpUjyapAdashiShyasya shrImachCha~NkarabhagavataH kRRitau annapUrNA stotram |