Siddhi Vinayaka Stotram

siddhi vinAyaka stotram

shloka 1

vighnesha vighnachayakhaNDananAmadheya

shrIsha~NkarAtmaja surAdhipavandyapAda |

durgAmahAvrataphalAkhilama~NgalAtman

vighnaM mamApahara siddhivinAyaka tvam || 1 ||

satpadmarAgamaNivarNasharIrakAntiH

shrIsiddhibuddhiparicharchitaku~NkumashrIH |

vakShaHsthale valayitAtimanoj~nashuNDo

vighnaM mamApahara siddhivinAyaka tvam || 2 ||

pAshA~NkushAbjaparashUMshcha dadhachchaturbhi-

-rdorbhishcha shoNakusumasragumA~NgajAtaH |

sindUrashobhitalalATavidhuprakAsho

vighnaM mamApahara siddhivinAyaka tvam || 3 ||

kAryeShu vighnachayabhItaviri~nchamukhyaiH

sampUjitaH suravarairapi modakAdyaiH |

sarveShu cha prathamameva sureShu pUjyo

vighnaM mamApahara siddhivinAyaka tvam || 4 ||

shIghrAnchanaskhalanatuNgaravordhvakaNTha-

-sthUlendurudragaNahAsitadevasa~NghaH |

shUrpashrutishcha pRRithuvartulatu~Ngatundo

vighnaM mamApahara siddhivinAyaka tvam || 5 ||

yaj~nopavItapadalambhitanAgarAja

mAsAdipuNyadadRRishIkRRitRRikSharAjaH |

bhaktAbhayaprada dayAlaya vighnarAja

vighnaM mamApahara siddhivinAyaka tvam || 6 ||

sadratnasAratatirAjitasatkirITaH

kausumbhachAruvasanadvaya UrjitashrIH |

sarvatrama~NgalakarasmaraNapratApo

vighnaM mamApahara siddhivinAyaka tvam || 7 ||

devAntakAdyasurabhItasurArtihartA

vij~nAnabodhanavareNa tamo.apahartA |

Ananditatribhuvanesha kumArabandho

vighnaM mamApahara siddhivinAyaka tvam || 8 ||

iti shrImudgalapurANe shrIsiddhivinAyaka stotraM sampUrNam |