Siddhi Vinayaka Stotram

siddhi vināyaka stotram

Śloka 1

vighneśa vighnacayakhaṇḍananāmadheya

śrīśaṅkarātmaja surādhipavandyapāda |

durgāmahāvrataphalākhilamaṅgalātman

vighnaṃ mamāpahara siddhivināyaka tvam || 1 ||

satpadmarāgamaṇivarṇaśarīrakāntiḥ

śrīsiddhibuddhiparicarcitakuṅkumaśrīḥ |

vakṣaḥsthale valayitātimanojñaśuṇḍo

vighnaṃ mamāpahara siddhivināyaka tvam || 2 ||

pāśāṅkuśābjaparaśūṃśca dadhaccaturbhi-

-rdorbhiśca śoṇakusumasragumāṅgajātaḥ |

sindūraśobhitalalāṭavidhuprakāśo

vighnaṃ mamāpahara siddhivināyaka tvam || 3 ||

kāryeṣu vighnacayabhītaviriñcamukhyaiḥ

sampūjitaḥ suravarairapi modakādyaiḥ |

sarveṣu ca prathamameva sureṣu pūjyo

vighnaṃ mamāpahara siddhivināyaka tvam || 4 ||

śīghrāñcanaskhalanatuṅgaravordhvakaṇṭha-

-sthūlendurudragaṇahāsitadevasaṅghaḥ |

śūrpaśrutiśca pṛthuvartulatuṅgatundo

vighnaṃ mamāpahara siddhivināyaka tvam || 5 ||

yajñopavītapadalambhitanāgarāja

māsādipuṇyadadṛśīkṛtṛkṣarājaḥ |

bhaktābhayaprada dayālaya vighnarāja

vighnaṃ mamāpahara siddhivināyaka tvam || 6 ||

sadratnasāratatirājitasatkirīṭaḥ

kausumbhacāruvasanadvaya ūrjitaśrīḥ |

sarvatramaṅgalakarasmaraṇapratāpo

vighnaṃ mamāpahara siddhivināyaka tvam || 7 ||

devāntakādyasurabhītasurārtihartā

vijñānabodhanavareṇa tamo'pahartā |

ānanditatribhuvaneśa kumārabandho

vighnaṃ mamāpahara siddhivināyaka tvam || 8 ||

iti śrīmudgalapurāṇe śrīsiddhivināyaka stotraṃ sampūrṇam |