Shukra Kavacham

shukra kavacham

shloka 1

dhyAnam

mRRiNAlakundendupayojasuprabhaM

pItAmbaraM prasRRitamakShamAlinam |

samastashAstrArthavidhiM mahAntaM

dhyAyetkaviM vA~nChitamarthasiddhaye || 1 ||

atha shukrakavacham

shiro me bhArgavaH pAtu bhAlaM pAtu grahAdhipaH |

netre daityaguruH pAtu shrotre me chandanadyutiH || 2 ||

pAtu me nAsikAM kAvyo vadanaM daityavanditaH |

vachanaM choshanAH pAtu kaNThaM shrIkaNThabhaktimAn || 3 ||

bhujau tejonidhiH pAtu kukShiM pAtu manovrajaH |

nAbhiM bhRRigusutaH pAtu madhyaM pAtu mahIpriyaH || 4 ||

kaTiM me pAtu vishvAtmA urU me surapUjitaH |

jAnuM jADyaharaH pAtu jaNghe jnAnavatAM varaH || 5 ||

gulphau guNanidhiH pAtu pAtu pAdau varAmbaraH |

sarvANya~NgAni me pAtu svarNamAlApariShkRRitaH || 6 ||

phalashrutiH

ya idaM kavachaM divyaM paThati shraddhayAnvitaH |

na tasya jAyate pIDA bhArgavasya prasAdataH || 7 ||

|| iti shrIbrahmANDapurANe shukrakavachaM sampUrNam ||