Shukra Kavacham

zukra kavacam

zloka 1

dhyAnam

mRNAlakundendupayojasuprabhaM

pItAmbaraM prasRtamakSamAlinam |

samastazAstrArthavidhiM mahAntaM

dhyAyetkaviM vAJchitamarthasiddhaye || 1 ||

atha zukrakavacam

ziro me bhArgavaH pAtu bhAlaM pAtu grahAdhipaH |

netre daityaguruH pAtu zrotre me candanadyutiH || 2 ||

pAtu me nAsikAM kAvyo vadanaM daityavanditaH |

vacanaM cozanAH pAtu kaNThaM zrIkaNThabhaktimAn || 3 ||

bhujau tejonidhiH pAtu kukSiM pAtu manovrajaH |

nAbhiM bhRgusutaH pAtu madhyaM pAtu mahIpriyaH || 4 ||

kaTiM me pAtu vizvAtmA urU me surapUjitaH |

jAnuM jADyaharaH pAtu jaGghe jJAnavatAM varaH || 5 ||

gulphau guNanidhiH pAtu pAtu pAdau varAmbaraH |

sarvANyaGgAni me pAtu svarNamAlApariSkRtaH || 6 ||

phalazrutiH

ya idaM kavacaM divyaM paThati zraddhayAnvitaH |

na tasya jAyate pIDA bhArgavasya prasAdataH || 7 ||

|| iti zrIbrahmANDapurANe zukrakavacaM sampUrNam ||