శుక్ర కవచమ్

శుక్ర కవచమ్

శ్లోక 1

ధ్యానమ్

మృణాలకున్దేన్దుపయోజసుప్రభం

పీతామ్బరం ప్రసృతమక్షమాలినమ్ ।

సమస్తశాస్త్రార్థవిధిం మహాన్తం

ధ్యాయేత్కవిం వాఞ్ఛితమర్థసిద్ధయే

శ్లోక 2

అథ శుక్రకవచమ్

శిరో మే భార్గవః పాతు భాలం పాతు గ్రహాధిపః ।

నేత్రే దైత్యగురుః పాతు శ్రోత్రే మే చన్దనద్యుతిః

॥ 1 ॥

శ్లోక 3

పాతు మే నాసికాం కావ్యో వదనం దైత్యవన్దితః ।

వచనం చోశనాః పాతు కణ్ఠం శ్రీకణ్ఠభక్తిమాన్

॥ 2 ॥

శ్లోక 4

భుజౌ తేజోనిధిః పాతు కుక్షిం పాతు మనోవ్రజః ।

నాభిం భృగుసుతః పాతు మధ్యం పాతు మహీప్రియః

॥ 3 ॥

శ్లోక 5

కటిం మే పాతు విశ్వాత్మా ఉరూ మే సురపూజితః ।

జానుం జాడ్యహరః పాతు జఙ్ఘే జ్ఞానవతాం వరః

॥ 4 ॥

శ్లోక 6

గుల్ఫౌ గుణనిధిః పాతు పాతు పాదౌ వరామ్బరః ।

సర్వాణ్యఙ్గాని మే పాతు స్వర్ణమాలాపరిష్కృతః

॥ 5 ॥

శ్లోక 7

ఫలశ్రుతిః

య ఇదం కవచం దివ్యం పఠతి శ్రద్ధయాన్వితః ।

న తస్య జాయతే పీడా భార్గవస్య ప్రసాదతః

॥ 6 ॥

శ్లోక 8

॥ ఇతి శ్రీబ్రహ్మాణ్డపురాణే శుక్రకవచం సమ్పూర్ణమ్ ॥